ಹಾಲಿಟ್ಟು ಪಾಯಸ

• Author
• Recent Posts

ವೇಣಿಯಕ್ಕ°

ವೇಣಿ ಅಕ್ಕನ ಹೆಸರು ನೋಡುವಗ "ರುಚಿ ರುಚಿ ಅಡುಗೆ" ಬ್ಲಾಗ್ ನೆಂಪಾವುತ್ತಾ?!
ಹಾಂ! ಅದೇ ವೇಣಿಯಕ್ಕ ಈಗ ಒಪ್ಪಣ್ಣನ ಬೈಲಿಂಗೆ ಬಯಿಂದು.
ಅಲ್ಲದ್ದೆ ಈಗ ಕೊಡೆಯಾಲಲ್ಲಿ ಇಪ್ಪದುದೇ. ಅಪ್ಪನ ಮನೆ ನಲ್ಕ, ಗೆಂಡನ ಮನೆ ಮದಂಗಲ್ಲು.
ಮೊನ್ನೆ ಶ್ರೀ ಅಕ್ಕ ಕೇಳಿತ್ತಿದ್ದು ಒಪ್ಪಣ್ಣನ ಬ್ಲಾಗಿಲ್ಲಿ ವಾರಕ್ಕೊಂದು ಅಡಿಗೆ ನಮ್ಮ ಹವ್ಯಕಲ್ಲಿ ಬರದು ಹಾಕುಲೆ ಎಡಿಗಾ ಹೇಳಿ.
ಹಾಂಗಾಗಿ ಮುಂದಾಣ ವಾರಂದ ಇಲ್ಲಿ ನಿಂಗೊಗೆ ವಾರಕ್ಕೊಂದು ಹೊಸ ರುಚಿಯ ಚೆಂದದ ಫೋಟೋಂಗಳೊಟ್ಟಿಂಗೆ ವೇಣಿಯಕ್ಕ ಕಾಂಬಲೆ ಸಿಕ್ಕುಗು.
ವೃತ್ತಿಲಿ ಸಾಫ್ಟ್ ವೇರ್ ಇಂಜಿನಿಯರ್.
ಪುರುಸೋತ್ತಿಪ್ಪಗೆಲ್ಲ ಹೂಗಿನ ಸೆಸಿಗಳ ನೋಡಿಗೊಮ್ಬದು, ಹೊಸ ರುಚಿ ಎಂತಾರು ಪ್ರಯೋಗ ಮಾಡುದು ಹವ್ಯಾಸಂಗೊ.

Latest posts by ವೇಣಿಯಕ್ಕ° (see all)

• ಬೆಂಡೆಕಾಯಿ ಟೊಮೇಟೋ ಸಾಂಬಾರು(ಕೊದಿಲು) - March 17, 2015
• ಕ್ಯಾರೆಟ್ ಖೀರು - March 10, 2015
• ಬೆಂಡೆಕಾಯಿ ಪ್ರೈ - March 3, 2015

ಹಾಲಿಟ್ಟು ಪಾಯಸ

ಬೇಕಪ್ಪ ಸಾಮಾನುಗೊ:

• 1 ಕಪ್(ಕುಡ್ತೆ) ಬೆಣ್ತಕ್ಕಿ (ಸೋನಾ ಮಸೂರಿ ಆದರೆ ಒಳ್ಳೆದು)
• 11/4 ಕಪ್(ಕುಡ್ತೆ) ಬೆಲ್ಲ
• 2-2.5 ಕಪ್(ಕುಡ್ತೆ) ಕಾಯಿ ತುರಿ ಅಥವಾ 2 ಕಪ್(ಕುಡ್ತೆ) ಕಾಯಿ ಹಾಲು
• ರುಚಿಗೆ ತಕ್ಕಸ್ಟು ಉಪ್ಪು
• 2-3 ಏಲಕ್ಕಿ

ಮಾಡುವ ಕ್ರಮ:

ಬೆಣ್ತಕ್ಕಿಯ ನೀರಿಲ್ಲಿ 2-3 ಘಂಟೆ ಬೊದುಳುಲೆ ಹಾಕಿ, ಲಾಯಿಕ ತೊಳದು, ಉಪ್ಪು ನೀರು ಹಾಕಿ ನೊಂಪಿಂಗೆ ಕಡೆರಿ. ಹಿಟ್ಟು ಹಾಲಿನಸ್ಟು ಹದ ಇರಲಿ.

ಕಡದ ಹಿಟ್ಟಿನ ಒಂದು ಬಾಣಲೆಗೆ ಹಾಕಿ, ಹಿಟ್ಟು ಕೆಳಾಣ ಚಿತ್ರಲ್ಲಿ ತೋರ್ಸಿದಸ್ಟು ಗಟ್ಟಿ ಅಪ್ಪನ್ನಾರ ಕಾಸಿ, ಒಂದು ಪ್ಲೇಟ್/ಬಾಳೆ ಎಲೆಗೆ ಹಾಕಿ.

ಹಿಟ್ಟು ಬೆಶಿ ಬೆಶಿ ಇಪ್ಪಗಳೆ, ಚಕ್ಕುಲಿ ಮುಟ್ಟಿಂಗೆ ಖಾರದ ಕಡ್ಡಿ ಬಿಲ್ಲೆಯ ಹಾಕಿ, ಕೆಳಾಣ ಚಿತ್ರಲ್ಲಿ ತೋರ್ಸಿದ ಹಾಂಗೆ ಒತ್ತಿ ಮಡುಗಿ. 30-40 ನಿಮಿಷ ತಣಿವಲೆ ಮಡುಗಿ.

ಕಾಯಿಯ ರೆಜ್ಜ ನೀರು ಹಾಕಿ ನೊಂಪಿಂಗೆ ಕಡದು, ಒಂದು ವಸ್ತ್ರಲ್ಲಿ ಹಿಂಡಿ.

ಹಿಂಡಿದ ಪುಂಟೆಗೆ 2 ಕುಡ್ತೆ ನೀರು ಹಾಕಿ, ಲಾಯಿಕಲಿ ಬೆರುಸಿ ವಸ್ತ್ರಲ್ಲಿ ಪುನಃ ಹಿಂಡಿ.
ಈ ನೀರು ಕಾಯಿಹಾಲಿನ ಒಂದು ಪಾತ್ರಕ್ಕೆ ಹಾಕಿ. ಅದಕ್ಕೆ 4 ಕುಡ್ತೆ ನೀರು, ಬೆಲ್ಲವ ಹಾಕಿ ಕೊದುಶಿ.
ಬೆಲ್ಲ ಕರಗಿದ ಮೇಲೆ, ಒತ್ತಿ ಮಡುಗಿದ ಹಿಟ್ಟಿನ ಹಾಕಿ 15 ನಿಮಿಷ ಮುಚ್ಚಲು ಮುಚ್ಚಿ ಹದ ಕಿಚ್ಚಿಲ್ಲಿ ಬೇಶಿ(ಸೌಟು ಹಾಕಿ ತೊಳಸೆಡಿ).

ಮತ್ತೆ ನಿಧಾನಕ್ಕೆ ಸೌಟು ಹಾಕಿ ತೊಳಸಿ ಬೇಶಿ. ಹಿಟ್ಟು ಬೆಂದ ಕೂಡ್ಲೆ, ದಪ್ಪ ಕಾಯಿಹಾಲು ಹಾಕಿ ಕೊದುಶಿ.
ಗುದ್ದಿ ಹೊಡಿ ಮಾಡಿದ ಏಲಕ್ಕಿಯನ್ನೂ ಹಾಕಿ ತೊಳಸಿ ಪಾಯಸವ 1-2 ನಿಮಿಷ ಸಣ್ಣ ಕಿಚ್ಚಿಲ್ಲಿ ಮಡುಗಿ.

ಬೆಶಿ-ಬೆಶಿ ಅಥವಾ ತಣ್ಣಂಗೆ(ಫ್ರಿಜ್ ಲ್ಲಿ ಮಡುಗಿ) ತಿಂಬಲೆ ಕೊಡಿ.

ಮಾಡಿ, ರುಚಿನೋಡಿ ಹೇಂಗಾಯಿದು ತಿಳಿಶಿ.

~
ವೇಣಿ ಅಕ್ಕ°

ಸೂ: ಈ ಶುದ್ದಿಯ ಇಂಗ್ಲೀಷ್ ಪ್ರತಿ ಇಲ್ಲಿದ್ದು.