ದೊಡ್ಡಮಾಣಿ ದೊಡ್ಡಕ್ಕನ ಓ ಮೊನ್ನೆ ಗುರ್ತ ಮಾಡುವಗ ಕೆಲಾವು ಜೆನ ಕೇಳಿದವು, ಚೂರಿಬೈಲು ದೀಪಕ್ಕ ಹೇಳಿರೆ ಇದೇ ಹೆಮ್ಮಕ್ಕಳೋ?
ಹೇಳಿಗೊಂಡು. ಅಲ್ಲ, ದೊಡ್ಡಕ್ಕ ದೊಡ್ಡಮಾಣಿಯವು, ದೀಪಕ್ಕ ಚೂರಿಬೈಲಿನವು - ಇಬ್ರಿಂಗೂ ಇಪ್ಪ ಒಂದೇ ಒಂದು ಸಾಮ್ಯತೆ - ಲಟ್ಟಣಿಗೆ!
ಚೂರಿಬೈಲು ಡಾಗುಟ್ರು ಇದ್ದವಲ್ದ, ಅವರ ಎಜಮಾಂತಿ ಈ ದೀಪಕ್ಕ.
ಡಾಕುಟ್ರು ಊರವಕ್ಕೆ ಇಡೀ ಮದ್ದು ಕೊಟ್ಟು ಕೊಟ್ಟು, ಹೊತ್ತಪ್ಪಗ ಮನಗೆ ಬಚ್ಚಿ ಬತ್ತವು!
ಅವಕ್ಕೆ ರುಚಿರುಚಿಯಾದ ಊಟದ ‘ಮದ್ದು’ ಈ ದೀಪಕ್ಕ ಕೊಡುದು!!
ಡಾಗುಟ್ರಿಂಗೆ ಶೀತವೋ - ಗೆಣಮೆಣಸು ಎರಾಡು ಗುದ್ದಿ, ಒಂದು ಚೊಕ್ಕಕೆ ಪಾನಕ ಮಾಡಿ ತಕ್ಕು.
ಡಾಗುಟ್ರಿಂಗೆ ಸೆಮ್ಮವೋ - ಶುಂಟಿ ಗುದ್ದಿ ಒಂದು ಕಷಾಯ ಮಾಡುಗು!
ಒಟ್ಟಿಲಿ ಈ ದೀಪಕ್ಕನ ಡಾಗುಟ್ರ-ಡಾಗುಟ್ರು ಹೇಳಿರೂ ತಪ್ಪಲ್ಲ!
ಅಡಿಗೆಲಿ ಎತ್ತಿದ ಕೈ! ಕಣಿಲೆ ಉಪ್ಪಿನಕಾಯಿಂದ ಹಿಡುದು, ನೀರುಳ್ಳಿ ಪಾಯಿಸದ ಒರೆಂಗೆ ಸಾಮಾನ್ಯ ವಿಶೇಷ, ವಿಚಿತ್ರದ್ದು ಎಲ್ಲವುದೇ ಅರಡಿಗು.
ಯೇವದಾರು ಅನುಪ್ಪತ್ಯಕ್ಕೆ ಅಡಿಗೆಬಟ್ರು ಇವರ ಮನಗೆ ಬಂದರೆ, ಎಂತಾರು ಹೊಸಾ ತಿಂಡಿ ಕಲ್ತುಗೊಂಡು ಹೋಪದು ನಿಘಂಟು.
ಒಪ್ಪಣ್ಣ ದೊಡ್ಡಕ್ಕನಲ್ಲಿಗೆ ಮದ್ಯಾನ್ನಕ್ಕೆ ಹೋದರೆ, ಹೊತ್ತಪ್ಪಗಾಣ ಚಾಯಕ್ಕೆ ದೀಪಕ್ಕನಲ್ಲಿಗೆ ಬಪ್ಪದು ಒಂದೋಂದರಿ!
ಆ ದಿನ ಒಳ್ಳೆತ ಮೈಲೇಜು!!
ಡಾಗುಟ್ರುಬಾವ ಮಣಿಪುರಕ್ಕೆ ಹೋದರೆ, ನಾಲ್ಕೇ ದಿನಲ್ಲಿ ಒಪಾಸು ಬತ್ತವು, ಮನೆ ಅಡಿಗೆ ಉಣ್ಣದ್ದೆ ನಾಲಗೆ ರುಚಿ ಹೋದ್ದಡ!
ಗಣೇಶಮಾವ ಅವರಲ್ಲಿಗೆ ಹೋದರೆ ಸೀತ ಹೋಗಿ ಉಣ್ತಮೇಜಿಂಗೆ ಹತ್ತಿ ಕೂಪದಡ, ಹೋಮದಬುಡಲ್ಲಿ ಬಟ್ಟಮಾವ ಕೂದ ಹಾಂಗೆ!
ಓ ಮೊನ್ನೆ ಅಮೇರಿಕಂದ ಬಂದಿತ್ತಿದ್ದವಂಗೆ, ದೀಪಕ್ಕನಲ್ಯಾಣ ಬಗೆಬಗೆ ತಿಂಡಿಗಳ ಕಂಡು ‘ಆನು ಅಮೇರಿಕಕ್ಕೆ ಒಪಾಸು ಹೋವುತ್ತಿಲ್ಲೇ’ ಹೇಳಿ ಹಟಮಾಡಿದನಡ!
ಅಷ್ಟುದೇ ಡಿಮಾಂಡು, ದೀಪಕ್ಕನ ಅಡಿಗೆಗೆ! ಅಡಿಗೆ ಮಾಂತ್ರ ಅಲ್ಲ, ಈ ದೀಪಕ್ಕಂಗೆ ಎಂತ ಕಂಡ್ರುದೇ ಅದರ್ಲಿ ಹೂಗು ಮಾಡುಗು.
ಡಾಗುಟ್ರುಬಾವಂಗೆ ಪಿಸುರು ಬಪ್ಪದು ಇದಕ್ಕೇ ಇದಾ!
ಮೊನ್ನೆ ಸಂಜೀವಶೆಟ್ಟಿಯಲ್ಲಿಂದ ತಂದ ಟುವ್ವಲು ಪೂರ ಮುಗುತ್ತಡ.
ಮುಗುದ್ದು ಹೇಂಗೆ - ಎಲ್ಲದಕ್ಕುದೇ ಒಂದೊಂದು ರಬ್ಬರುಬೇಂಡು ಸುರುಟಿ, ಎಂತದೋ ಪ್ಲೇಷ್ಟಿಕು ತುಂಡು ಸಿಕ್ಕುಸಿ, ಒಂದು ಹಾಳೆಕಡೆಗೆ ಬಣ್ಣಕೊಟ್ಟದಕ್ಕೆ ಕಟ್ಟಿ - ಹೂದಾನಿಯ ಹಾಂಗೆ ಮಾಡಿ..
- ಡಾಗುಟ್ರಿಂಗೆ ಬೆಗರಿ ಮೋರೆಉದ್ದಲಪ್ಪಗ ಟುವ್ವಲು ಕಾಲಿ!!
ಅದೇನೇ ಇರಳಿ,
ಓ ಮೊನ್ನೆ ದೀಪಕ್ಕ ಮಾಷ್ಟ್ರುಮಾವನಲ್ಲಿಗೆ ಬಂದಿಪ್ಪಗ ಮಾತಾಡ್ಳೆ ಸಿಕ್ಕಿತ್ತು.
‘ಚೂರಿಬೈಲುದೀಪಕ್ಕಾ, ಬೈಲಿಂಗೆ ಬಂದು ಅಡಿಗೆ ಶುದ್ದಿ ಹೇಳು, ವೆಬ್‌ಸೈಟಿಲಿ ಹಾಕಲೆ!’ ಹೇಳಿದೆ. ಕುಶೀಲಿ ಒಪ್ಪಿ ಕೇಳಿತ್ತು,
"ವೆಬ್‌ಸೌಟಿಂಗೆ ಹಾಕಿರೆ ಎಂತರ ಗುಣ ಇದ್ದು?" ಹೇಳಿ.
ಸೈಟು ಹೇಳ್ತದರ ಸೌಟು ಹೇಳಿಯೇ ಹೇಳಿದ್ದು ಅದು, ಅಷ್ಟುದೇ ಅಡಿಗೆ ಬಗ್ಗೆ ಆಸಕ್ತಿ!!
ಬನ್ನಿ, ಒಳ್ಳೊಳ್ಳೆ ಅಡಿಗೆ ಹೇಂಗೆ ಮಾಡುದು ಹೇಳುಗು..
ಟುವ್ವಲು ಹೂದಾನಿ ಮಾಡುದು ಹೇಳಿಕೊಡ್ತೋ ಏನೋ, ಹೇಳ್ತರೆ ಕೇಳುವೊ.!
ಅಡಿಗೆ ಮೊದಾಲು ಕಲ್ತುಗೊಂಬ..
ರುಚಿ ಆತೋ - ತಿಂದು ನೋಡಿಕ್ಕಿ ಹೇಳುವೊ..
ಹೇಂಗೂ ಹೆಚ್ಚುಕಮ್ಮಿ ಆದರೆ ಚೂರಿಬೈಲುಡಾಗುಟ್ರು ಇದ್ದವನ್ನೆ!!!
- ಕಲ್ ಕಲ್ - May 4, 2011
- ಮು೦ಡಿ ಕೆಸವಿನ ಪಿಳ್ಳೆಯ ಹಪ್ಪಳ - April 28, 2011
- ಅತಿರಸ - February 20, 2011
ಶಾಲೆಂದ ಹೊತ್ತಪ್ಪಗ ಮನೆಗೆ ಬಂದ ಮಕ್ಕೊ ‘ಕೆಂಡದಡ್ಯೆ ಮಾಡಿಕೊಡೆಕು’ ಹೇಳಿದವು.
ಕೆಂಡದಡ್ಯೆ ಹೇಳಿರೆ, ಕೆಂಡಲ್ಲಿ ಮಾಡುವ ಅಡ್ಯೆ. ತುಳುವಿಲಿ ಈ ಅಡಿಗೆಯ ಗೆಂಡತಡ್ಯೆ (ಗೆಂಡತ + ಅಡ್ಯೆ) ಹೇಳುದು.
ಅಡ್ಯೆ ಹೇಳಿರೆ- ಕೊಟ್ಟಿಗೆ ಹೇಳಿ ಅರ್ಥ ಬತ್ತು. ಇದರ ಮಾಡೆಕ್ಕಾರೆ ಕಿಚ್ಚು ಬೇಡ, ಕೆಂಡಲ್ಲೇ ಕಾಸೆಕ್ಕು, ಹಾಂಗಾಗಿ ಈ ಹೆಸರು.
ಇದ, ಅದರ ವಿವರ ಕೊಡ್ತೆ, ಮಾಡಿ ನೋಡಿ:
ಬೇಕಪ್ಪ ಸಾಮಾನುಗೊ:
- ಅಕ್ಕಿ – ೧ ಕುಡ್ತೆ (೧ ಗ್ಲಾಸು)
- ಬೆಲ್ಲ – ೧ ಹಿಡಿ (೧೦೦ ಗ್ರಾಮು)
- ಕಾಯಿ ಸುಳಿ – ೧/೨ ಗ್ಲಾಸು
- ಚೆಕ್ಕರ್ಪೆ – ಸಣ್ಣದು ಒಂದು (ಕೊಚ್ಚಲು)
- ಉಪ್ಪು – ರುಚಿಗೆ ಬೇಕಷ್ಟು
- ತುಪ್ಪ – ೨ ಚಮ್ಚ
ಮಾಡುವ ಕ್ರಮ:
ಅಕ್ಕಿ, ಕಾಯಿ ಸುಳಿ, ಬೆಲ್ಲ, ಸೌತ್ತೆ – ಎಲ್ಲ ಒಟ್ಟಿಂಗೆ ಹಾಕಿ ಕಡೇಕು, ತರಿತರಿ ಆದರೆ ಸಾಕು, ಸಣ್ಣ ಅಪ್ಪದು ಬೇಡ.
ರುಚಿಗೆ ಬೇಕಷ್ಟು ಉಪ್ಪು ಹಾಯ್ಕೊಂಬದು! ಸೀವು ಇದ್ದ ಕಾರಣ ರಜಾ ಉಪ್ಪುದೇ ಹಾಕಿ ಅಪ್ಪಗ ಒಳ್ಳೆ ರುಚಿ ಆವುತ್ತು.
ಈಗ ಹಿಟ್ಟು ತಯಾರಾತು. ಇನ್ನು ಬೇಶುವ ಕೆಲಸ.
ಒಲೆಲಿ ಕೆಂಡ ಮಾಂತ್ರ ಮಿಗಿಮಿಗಿ ಅಪ್ಪ ಹಾಂಗೆ ಮಡುಗಿಯೊಳಿ.
ಒಲೆಯ ಮೇಲೆ ಬಾಣಲೆ ಮಡುಗಿ ಅದಕ್ಕೆ ರಜಾ ತುಪ್ಪ ಹಾಕಿ, ಕಡದ ಹಿಟ್ಟಿನ ಎರವದು.
ಹಿಟ್ಟು ದಪ್ಪ ಆದ ಕಾರಣ, ಕೆಳಾಣ ಬೆಶಿ ಮೇಲಂಗೆ ಎತ್ತುತ್ತಿಲ್ಲೆ ಅಲ್ಲದಾ?
ಕೆಳ ಕರಂಚುಲೆ ಸುರು ಆದರೂ ಮೇಲೆ ಬೆಶಿ ಆಗಿರ್ತಿಲ್ಲೆ, ಅದಕ್ಕೆ ಬೇಕಾಗಿ – ಹಿಟ್ಟಿನ ಎರದ ಕೂಡ್ಳೇ, ಒಂದು ಕೀಜಿ(ಎಲುಮಿನಿಯಂ) ಪ್ಲೇಟಿನ ಮುಚ್ಚಿ, ಒಲೆಂದ ನಾಕು ಗೆನಾ ಕೆಂಡ ತೆಗದು ಪ್ಲೇಟಿನ ಮೇಲೆ ಹಾಕಿ. ಸಣ್ಣ ಸಣ್ಣ ಸೌದಿಗಳ ಹಾಕಿ ಕೆಂಡದ ಕಿಚ್ಚು ತಾಗುತ್ತ ಹಾಂಗೆ ಮಡುಗಿ!
ಈಗ ಎರಡೂ ಹೊಡೆಂದ ಕೆಂಡಲ್ಲಿ ಬೆಶಿ ಆವುತ್ತಾ ಇರ್ತು. ಹೀಂಗೆ ಅರ್ದ ಗಂಟೆ ಕೆಂಡಲ್ಲಿ ಬೆಂದರೆ ಇಳುಗುಲೆ ಅಕ್ಕು.
ತಿಂಬ ಕ್ರಮ:
Fake Watches UK
ಅರ್ಧಗಂಟೆ ಕಳುದಮತ್ತೆ ಇಳುಗಿ, ಈ ಉರೂಟು ಕೆಂಡದಡ್ಯೆಯ ತುಂಡುಮಾಡಿ ತುಪ್ಪದೊಟ್ಟಿಂಗೆ ಕೂಡಿ ತಿಂಬಲೆ ಸುರುಮಾಡಿ!
ಎಂಗಳಲ್ಲಿ ಮಕ್ಕೊಗೆ, ಇವಕ್ಕೆ ಎಲ್ಲ ಇದು ಬಾರೀ ಇಷ್ಟ!
ನಿಂಗಳುದೇ ಮಾಡಿ ನೋಡಿಕ್ಕಿ, ಹೇಂಗಾಯಿದು ಹೇಳ್ತಿರಲ್ಲದಾ?
ಈ ಲೇಖನವ ತುಳು ವಿಕಿಪೀಡಿಯಲ್ಲಿ ಉಲ್ಲೇಖ ಮಾಡಿದ್ದವು – https://incubator.wikimedia.org/wiki/Wp/tcy/ಅಡ್ಯೆ
kenda illadare oven use maadi madule adithu. hittu mathra neeruaagirakku.
abbbaaaa Kandabatte ruchi aydu…. anu bandippaga ondari madi kodi akka????
ಓದುವಾಗಳೇ ಬಾಯಿಲಿ ನೀರು ಬತ್ತು. ಖಂಡಿತಾ ಮಾಡಿನೋಡ್ತೆಯೊ… ಹೀಂಗೇ ಬರಕ್ಕೊಂಡಿರಿ.