Oppanna.com

ಕುಂಡಿಗೆ ಚಟ್ನಿ

ಬರದೋರು :   ಚೂರಿಬೈಲು ದೀಪಕ್ಕ    on   09/02/2010    6 ಒಪ್ಪಂಗೊ

ಚೂರಿಬೈಲು ದೀಪಕ್ಕ
Latest posts by ಚೂರಿಬೈಲು ದೀಪಕ್ಕ (see all)

ಬಾಳೆಗೊನೆಯ ಕೊಡಿಲಿ ಇಪ್ಪ ಕೆಂಪಿನ ಮೋತೆಗೆ ನಮ್ಮ ಭಾಶೆಲಿ ಕುಂಡಿಗೆ ಹೇಳುದು. ತುಳುವಿಲಿ ಪೂಂಬೆ ಹೇಳಿಯೂ ಹೇಳ್ತವು.
ನಮ್ಮವರಲ್ಲಿ ಸಾಮಾನ್ಯವಾಗಿ ಒಂದು ಬಾಳೆಗೊನೆ ಕಡುದ್ದು ಹೇಳಿ ಆದರೆ, ಆ ದಿನ ಹೆಚ್ಚಾಗಿ ಕುಂಡಿಗೆ ಚಟ್ಣಿ ಇದ್ದೇ ಇರ್ತು!
ಅದರ ಮಾಡುವ ಕ್ರಮ ಗೊಂತಿದ್ದಾ?
ಗೊಂತಿಲ್ಲದ್ರೆ ಇಲ್ಲಿದ್ದು, ನೋಡಿ:

Kundige/ ಪೂಂಬೆ /  poombe
ಕುಂಡಿಗೆ, ಕೊಯಿದು ತಂದ ಕೂಡ್ಳೆ

ಬೇಕಪ್ಪ ಸಾಮಾನುಗೊ:

  • ಕುಂಡಿಗೆ – 1 (ಹದಾ ದೊಡ್ಡದು), ಸಣ್ಣಕೆ ಕೊಚ್ಚೆಕ್ಕು.
  • ಮಜ್ಜಿಗೆ ನೀರು – ೧ ಕುಡ್ತೆ
  • ಹುಳಿ (ಹುಣಸೆಹುಳಿ) – ೧ ಚಮ್ಚ
  • ಬೆಲ್ಲ – ರುಚಿಗೆ
  • ಉಪ್ಪು – ಅವರವರ ರುಚಿಗೆ
  • ಅರಶಿನ – ರಜ
  • ಕೆಂಪು ಮೆಣಸು – ೩
  • ಕೊತ್ತಂಬರಿ – ೧ ಚಮ್ಚ
  • ಇಂಗು – ೧ ಚಿಟ್ಕೆ
  • ಬೇನುಸೊಪ್ಪು – ೮ ಎಲೆ
  • ಕಾಯಿಸುಳಿ – ೧ ಗ್ಲಾಸು
  • ಎಣ್ಣೆ – ೨ ಚಮ್ಚ
  • ಸಾಸಮೆ – ೧ ಚಮ್ಚ

ಮಾಡುವ ಕ್ರಮ:
ಕುಂಡಿಗೆ ಕೊಚ್ಚಲಿನ ರಜ್ಜ ಹೊತ್ತು ಮಜ್ಜಿಗೆನೀರಿಲಿ ಹಾಕಿ ಮಡುಗೆಕ್ಕು, ಹತ್ತಿಪ್ಪತ್ತು ನಿಮಿಷ.
ಮತ್ತೆ ಅದರಿಂದ ತೆಗದು ಬಾಣಲೆಲಿ ಹಾಕಿ ರಜ್ಜ ಬೇವಲೆ ಮಡುಗೆಕ್ಕು. ಬೆಂದೋಂಡಿಪ್ಪಗ ಅದಕ್ಕೇ ಹುಳಿ, ಉಪ್ಪು, ಬೆಲ್ಲ, ಅರಶಿನ – ಇಷ್ಟರ ರಜರಜ ಹಾಕೆಕ್ಕು, ಜಾಸ್ತಿ ಹಾಕೆಡಿ – ನಿಂಗಳ ಹೊಟ್ಟೆ ಬೇಯಿಗು ಮತ್ತೆ!
ಎಲ್ಲ ರಜ ಬೆಂದಮತ್ತೆ ತಣಿವಲೆ ಮಡುಗೆಕ್ಕು. ಪ್ರಿಜ್ಜಿಲಿ ಮಡುಗೆಕ್ಕು ಹೇಳಿ ಏನೂ ಇಲ್ಲೆ, ಅಂತೇ ಹತ್ತು ನಿಮಿಶ ಬಿಟ್ರೆ ಅಲ್ಲಿಗೇ ತಣಿತ್ತು.
ಇನ್ನೊಂದು ಬಾಣಲೆಯ ಕಿಚ್ಚಿಂಗೆ ಮಡಿಗಿ, ಅದರ್ಲಿ ರಜ್ಜ ಎಣ್ಣೆ ಹಾಕಿ ಮೆಣಸು, ಇಂಗು, ಕೊತ್ತಂಬರಿ, ಬೇನುಸೊಪ್ಪು ಹಾಕಿ ಚೆಂದಕೆ ಹೊರಿಯೆಕ್ಕು – ಕೆಂಪಪ್ಪನ್ನಾರ.
ಇಷ್ಟಾದ ಮತ್ತೆ, ಈ ಹೊರುದ ವಸ್ತುವನ್ನುದೇ, ಕಾಯಿಸುಳಿಯನ್ನುದೇ, ಆಗ ಬೇಶಿ ತಣಿವಲೆ ಮಡುಗಿದ ಕುಂಡಿಗೆಯನ್ನುದೇ ಹಾಕಿ, ಗಟ್ಟಿಗೆ ಕಡೆಯೆಕ್ಕು!
ಈ ಮಿಶ್ರಣಕ್ಕೆ ಎಣ್ಣೆ, ಸಾಸಮೆ, ಬೇನುಸೊಪ್ಪು ಹಾಕಿ ಲಾಯಿಕದ ಒಂದು ಒಗ್ಗರಣೆ ಕೊಡಿ.
ರುಚಿಯಾದ ಕುಂಡಿಗೆ ಚಟ್ಣಿ ತಯಾರು.!
ತಿಂಬ ಕ್ರಮ:
ಕೊಯಿಶಕ್ಕಿ ಹೆಜ್ಜೆಗೆ ಈ ಚಟ್ಣಿ ಕೂಡಿ ಉಂಬಲೆ ಬಾರೀ ರುಚಿ.
ಬೆಣ್ತಕ್ಕಿ ಅಶನಕ್ಕುದೇ ಆಗದ್ದೆ ಇಲ್ಲೆ, ಅದರ ಒಂದು ರುಚಿಯೇ ಬೇರೆ!
ಬಾಯಿಗೆ ರುಚಿ, ಹೊಟ್ಟಗೆ ತಂಪು.
ಕುಂಡಿಗೆ, ನಾರು ನಾರಲ್ಲದಾ, ಜೀರ್ಣಕ್ಕೆ ಒಳ್ಳೆದು ಹೇಳಿ ಇವು ಯಾವಗ್ಳೂ ಹೇಳುತ್ತವು!
ಇನ್ನಾಣ ಗೊನೆ ಕಡಿವಗ ಅದರ ಕುಂಡಿಗೆಯ ಚಟ್ಣಿ ಮಾಡಿನೋಡಿ, ಹೇಂಗಾಯಿದು ಹೇಳಿ!
ಆತಾ?

6 thoughts on “ಕುಂಡಿಗೆ ಚಟ್ನಿ

  1. ಕುಂಡಿಗೆ ಚಟ್ನಿ ಅಂತೂ ಸೂಪರ್ !!! ಅದರ ಪಲ್ಯದೇ ಭಾರಿ ಲಾಯ್ಕ ಆವ್ತಲ್ಲದಾ? ಎಂಗಳ ಜಾಲಿಲ್ಲಿ 3-4 ಬಾಳೆ ಸೆಸಿ ಇದ್ದು, ಅದರಲ್ಲಿ ಗೊನೆ ಬಿಟ್ಟ ಕೂಡ್ಲೆ ಆನು ಆಶೆ ಬಿಡ್ಲೆ ಶುರು ಮಾಡ್ತೆ ಯಾವಗ ಕುಂಡಿಗೆ ಕೊಯ್ವಲಕ್ಕು ಹೇಳಿ!! ಎಂಗಳ ಹತ್ತರಾಣ ಮನೆಯೋರ ಬಾಳೆ ಸೆಸಿಂದಲುದೇ ಕುಂಡಿಗೆ ಕೊಯ್ವದು ಆನು!! ಅವಕ್ಕೆ ಕುಂಡಿಗೆ ಪದಾರ್ಥ ಮಾಡ್ಲೆ ಅರಡಿತ್ತಿಲ್ಲೆ 🙂 ಎನಗೆ ಲಾಭ 😉

    1. ashtu ase avthare kundige koivale kayekkuli ille. adara sippe ondonde uduruthallada? erdu muru sippe thekkondu chatni madlakku

  2. SASAME SIHI CHATNI:Sasame,KAYI SULI, Bella,UPPU,Huli ottinge kadedare HAY!!ENTHA RUCHI.

  3. Baraddu laaika aaydu Deepakka. Haange photo va bere blog inda copy maadi haakire adara bagge ondu gere baradare olledu heli enna abhipraaya.

  4. ಹ್ಮ್.. ಓದುವಾಗ ಆಸೆ ಆವುತ್ತು. ಹೇಳಿದಾಂಗೆ ಇದಕ್ಕೆ ಒಂದು ಬೆಳ್ಳುಳ್ಳಿ ಒಗ್ಗರಣೆ ಕೊಟ್ರೆ ಇನ್ನೂ ಲಾಯ್ಕವುತ್ತಲ್ಲದಾ…

Comments are closed.

ಒಪ್ಪಣ್ಣ
ದೇವಸ್ಯ ಮಾಣಿ
ಕಾವಿನಮೂಲೆ ಮಾಣಿ
ಅಕ್ಷರ°
ಅನಿತಾ ನರೇಶ್, ಮಂಚಿ
ಅನು ಉಡುಪುಮೂಲೆ
ಎಬಿ ಭಾವ
ಬಂಡಾಡಿ ಅಜ್ಜಿ
ಬಟ್ಟಮಾವ°
ಪುಣಚ ಡಾಕ್ಟ್ರು
ಮಾಲಕ್ಕ°
ಬೋಸ ಬಾವ
ಒಪ್ಪಣ್ಣ
Menu
×