Oppanna.com

ಸಮಸ್ಯೆ 77 : ಹರಿವ ಹನಿಹನಿ ನೆತ್ತರಿ೦ಗೆಲ್ಲಿದ್ದು ಜಾತಿ ಮತ ?

ಬರದೋರು :   ಸಂಪಾದಕ°    on   02/08/2014    12 ಒಪ್ಪಂಗೊ

ಈ ವಾರದ ಸಮಸ್ಯೆ :

ಹರಿವ ಹನಿಹನಿ ನೆತ್ತರಿ೦ಗೆಲ್ಲಿದ್ದು ಜಾತಿ ಮತ ?

ಭಾಮಿನಿ ಷಟ್ಪದಿಲಿಪ್ಪ ಈ ಸಮಸ್ಯೆಗೆ ಪರಿಹಾರ ಸಿಕ್ಕುಗೋ? ಸಿಕ್ಕಲಿ ಹೇಳ್ತದು ಬೈಲಿನ ಹಾರೈಕೆ.

12 thoughts on “ಸಮಸ್ಯೆ 77 : ಹರಿವ ಹನಿಹನಿ ನೆತ್ತರಿ೦ಗೆಲ್ಲಿದ್ದು ಜಾತಿ ಮತ ?

  1. ಜರುದ ಗುಡ್ಡೆಲಿ ಭಾರಿ ಮಳೆಗದ
    ಮುರುದ ದೇಹಲಿ ಹರುದ ನೆತ್ತರ
    ಹರಿ ಸಕಾಲಲಿ ಬಂದು ತುಂಬಿದ ಒಳುಶಿ ಹಿಡಿ ಹರಣ
    ಬರಿ ಹೆರಜ್ಜಾತಿಯ ಜನವದಾ
    ದರೊಳವಿಪ್ಪದು ಬಣ್ಣ ಕೆಂಪಿದ
    ಹರಿವ ಹನಿಹನಿ ನೆತ್ತರಿಂಗೆಲ್ಲಿದ್ದು ಜಾತಿಮತ?

  2. ಶುದ್ದ ಬ್ರಾಹ್ಮಣನ ನೆತ್ತರುದೆ ಶುದ್ದ ಬ್ಯಾರಿಯ ನೆತ್ತರುದೆ ಮಿಕ್ಸಾತೋ! ಇನ್ನೆಲ್ಲಿದ್ದು ಜಾತಿ ಮತ?
    * ಲಾಯಕಾಯಿದು ಕಲ್ಪನೆ !

  3. ಮರವ ಮಾರುವ ಮೂಸೆಯಂಗಡಿ
    ಕರೆಲಿ ಕೂದರೆ ಬಂತು ನುಸಿಯೊ೦
    ದರೆ ನಿಮಿಷ ಕುತ್ತಿತ್ತು ಸೂಜಿಯ ಕೊಟ್ಟೆ ಪೆಟ್ಟೊ೦ದು /
    ಅರರೆ ತಪ್ಪುಸಿ ಹಾರಿ ಮೂಸೆಯ
    ಕೊರಳ ಕಚ್ಚಿತ್ತಿನ್ನು ನುಸಿಯೊಳ
    ಹರಿವ ಹನಿಹನಿ ನೆತ್ತರಿಂಗೆಲ್ಲಿದ್ದು ಜಾತಿಮತ ?/

  4. ಉರಿವ ಕಿಚ್ಚಿಂಗಿಲ್ಲೆ ಎಂತದು
    ಸುರಿವ ಮಳೆಹನಿಗಿಲ್ಲೆ ಭೇದವು
    ಹರಿವ ಹನಿಹನಿ ನೆತ್ತರಿಂಗೆಲ್ಲಿದ್ದು ಜಾತಿಮತ ?/
    ಹರುಕು ಬಟ್ಟೆಯ ಬಡವನಾದರು
    ತಿರುಪೆ ಎತ್ತುವ ತೊಂಡನಾದರು
    ಮರವಲೆಡಿಗೋ ‘ಮನುಜ ಧರ್ಮ’ ವದೊಂದೆ ಈ ಜಗದಿ //

    1. ಒಳ್ಳೆ ಉಪಮೆ , ಕಲ್ಪನೆ ಬಾಲಣ್ಣ ಮಾವಾ . “ಮನುಜ ಧರ್ಮ” ವ ಮರವಲೆಡಿಯ..

  5. ಸಿರಿಯ ಪ್ಯಾಲೆಸ್ತೀನು ಇಸ್ರೇ
    ಲರದೆ ಶುದ್ದಿಯು ಜೀವ ಹಿ೦ಡುವ
    ವರೆಗೆ ಎತ್ತಿತ್ತಯ್ಯೊ ಧರ್ಮಾ೦ಧತೆಯ ಕರಿನೆರಳು !
    ಮರಣ ಮದ್ದಲೆ ಬಡಿವ ಬಿಡ್ತಿಗೆ
    ತರಿಕಿಟದ ಶಬ್ದದೊಳ ಕೇಳುಗು
    ಹರಿವ ಹನಿಹನಿ ನೆತ್ತರಿ೦ಗೆಲ್ಲಿದ್ದು ಜಾತಿಮತ?

    1. ಆಹಾ …ಮರಣ ಮದ್ದಳೆ …..ಕೇಳುಗು – ಲಾಯಕಿದ್ದು ಮುಳಿಯದಣ್ಣ ,ಎಂಡಮೂರಿಯ ಕಾದಂಬರಿ ‘ಮರಣ ಮೃದಂಗ ‘ ನೆಂಪಾತು .

  6. ವೀರ ಮರಣ
    ಹಿರಿಯ ಪಟ್ಟದ ನಿರೀಕ್ಷೆಲಿಯೇ
    ಹರುದು ಮುಕ್ಕುತ್ತವು ಪಿಪಾಸುಗೊ
    ಹರಿವ ಹನಿಹನಿ ನೆತ್ತರಿಂಗೆಲ್ಲಿದ್ದು ಜಾತಿ ಮತ?
    ಶರಣು ಬಂದರು ಇಲ್ಲೆ ರಕ್ಷಣೆ
    ಹರಣ ಗುರಿಯಾಗಿಪ್ಪವನೆದುರು
    ಶರಣ ಪಡವದು ವೀರ ಮರಣವ ನೆಂಪಿರಲಿಯಾತಾ?

    1. ನಿರೀಕ್ಷೆ ಹೇಳುವಲ್ಲಿ ಲಗ೦ ದೋಷ ಒ೦ದು ಬಿಟ್ರೆ ಮಾವನ ಪದ್ಯ ರಸವತ್ತಾಯಿದು .

      1. ನಿರೀಕ್ಷೆಲಿಯೇ ಶಬ್ದವ ನಿರೀ/ಕ್ಷೆಲಿಯೇ ಹೇಳಿ ೩/೪ ಮಾತ್ರೆಗಳ ಲೆಕ್ಕಲ್ಲಿ ಆನು ಬರದ್ದದು.ಇದರ್ಲಿ ಲಗಂ ದೋಷ ಇದ್ದೋ ಹೇಳಿ ಒಂದು ಅನುಮಾನ.

        1. ಮಾತ್ರೆ ಲೆಕ್ಕ ಸರಿ ಇದ್ದು ಮಾವ . ನಿರೀ — ಇದು ಲಗಂ ಆಯಿದು ಅಷ್ಟೇ .

Comments are closed.

ಒಪ್ಪಣ್ಣ
ದೇವಸ್ಯ ಮಾಣಿ
ಕಾವಿನಮೂಲೆ ಮಾಣಿ
ಅಕ್ಷರ°
ಅನಿತಾ ನರೇಶ್, ಮಂಚಿ
ಅನು ಉಡುಪುಮೂಲೆ
ಎಬಿ ಭಾವ
ಬಂಡಾಡಿ ಅಜ್ಜಿ
ಬಟ್ಟಮಾವ°
ಪುಣಚ ಡಾಕ್ಟ್ರು
ಮಾಲಕ್ಕ°
ಬೋಸ ಬಾವ
ಒಪ್ಪಣ್ಣ
Menu
×