ಸಮಸ್ಯೆ 46 : ಚೌತಿಯ ಒ೦ದು ದಿನ

24 thoughts on “ಸಮಸ್ಯೆ 46 : ಚೌತಿಯ ಒ೦ದು ದಿನ”

1. ಗಿರಿಜೆ ಮಾಡಿದ ತಿಂಡಿ ಎಲ್ಲವ ತಿಂದ ತಮ್ಮನ ನೋಡಿದಾ°
   ಕೆರಳಿ ಕೋಪದೆ ಅಣ್ಣ ದೂರಿದ ಹೊಟ್ಟೆಬಾಕನ ಕಾರ್ಯವಾ
   ಹೆರಟ ಷಣ್ಮುಖ ಕಾಲುಕುಟ್ಟಿಸಿ ಅಪ್ಪನಲ್ಲಿಯೆ ಹೇಳುಲೇ
   ಪೆರಟು ಮಾಡೆಡ, ಚೌತಿಯಲ್ಲದ, ಮತ್ತೆ ಕೊಡ್ತೆಯೊ° ನಿಂಗೊಗೇ ॥
   ಅಣ್ಣನ ದೂರಿನ ಕೇಳಿದ ತಮ್ಮಾ
   ಟಣ್ಣನೆ ಏರಿದ° ಮೂಷಿಕ ಬೆನ್ನಾ
   ಮಿಣ್ಣನೆ ದಾರಿಲಿ ಹೋಪಗ ಹೊಟ್ಟೇ
   ತಿಣ್ಣವು ಹೆಚ್ಚಿ ಕವುಂಚಿಯೆ ಬಿದ್ದಾ° ॥
   ಗುಂಡಿಲಿ ಬಿದ್ದನೊ, ಹೊಟ್ಟೆ ಒಡತ್ತೂ
   ಕಂಡತು ಅಲ್ಲಿಯೆ ನಾಗರಹಾವೂ
   ಗುಂಡನೆ ಹೊಟ್ಟೆಗೆ ಕಟ್ಟಿಯೆ ಬಿಟ್ಟಾ°
   ಸೊಂಡಿಲು ನೆಗ್ಗಿಯೆ ಮುಂದಕೆ ಹೋದಾ° ॥
   ಅಂಬೆಯ ಮಗನಾ ನೋಡಿದ ಚಂದಿರ
   ಲಂಬದ ಹೊಟ್ಟೆಯ ಹೊರುವಾ ಚೆಂದವ
   ಹುಂಬನ ನಮುನೆಲಿ ನೆಗೆಯನೆ ಮಾಡಿರೆ ಗೆಣಪಗೆ ಪಿಸುರೆಳಗಿತ್ತು ।
   ಬಿಂಬದ ಕಾಂತಿಯು ಕುಂದುಲೆ ಶಪಿಸಿದ°
   ಬೊಂಬಡ ಬಡುದನು ಹೆದರಿದ ಚಂದ್ರನು
   ಹಂಬಲದಿಂದಲೆ ಶಾಪವಿಮೋಚನೆ ಮಾಡುಲೆ ಬೇಡಿದನು ॥
   ಕ್ಷಮಿಸಿ, ಎಲ್ಲವನ್ನು ಒಂದೇ ಛಂಧಸ್ಸಿಲಿ ಬರದ್ದಿಲ್ಲೆ- ತಪ್ಪಾವುತ್ತಿಲ್ಲೆನ್ನೆ-

   1. ಬೇರೆ ಬೇರೆ ಛಂದಸ್ಸಿಲಿ ಬರವದು ಒಳ್ಳೆ ಪ್ರಯೋಗ. ನಿಂಗಳ ಪ್ರಯತ್ನವೂ ಲಾಯಕಾಯಿದು ಅತ್ತೆ.

2. ಸುರುವಾಣದ್ದು ಆನು ಪರಿವರ್ಧಿನಿಲಿ ಬರದ್ದದನ್ನೆ?

   1. ಹೊ,ಅಪ್ಪನ್ನೆ ಮಾವ..ಪರಿವರ್ಧಿನಿ ಹೇಳಿ ತಲಗೆ ಹೋಯಿದಿಲ್ಲೆ!
      ನೆಗೆ ಬಂತವಂಗೇ – ಹೇಳುವಲ್ಲಿ “ಜ”ಗಣ ಬಿಟ್ರೆ ಸಮಕಟ್ಟಾಯಿದು.

   2. ಪರಿವರ್ಢಿನಿಲಿ ಪದ್ಯಂಗೊ ತುಂಬಾ ಕಮ್ಮಿ ಹೇಳಿ ಕಾಣುತ್ತು, ಕನ್ನಡಲ್ಲಿಯೂ ಕಾವ್ಯಂಗೊ ಇದ್ದೋ ಹೇಳಿ ಗೊಂತಿಪ್ಪವು ಹೇಳೆಕ್ಕಷ್ಟೆ. ಕಾರಣ ಎಂತ ಹೇಳಿ ಗೊಂತಿಲೆ. ಬರವಲೆ ಕಷ್ಟವೋ, ಅಲ್ಲ ಬರದರೂ ಲಯಬದ್ಧ ಆಗಿರ್ತಿಲೆಯೋ ಏನೋ..?

3. ಅಟ್ಟಿನಳಗೆಲಿ ಬೇಶಿ ಗೌರಿಯು
   ಕೊಟ್ಟ ತಿಂಡಿಯ ತಿಂದ ಬೆನಕನ
   ಹೊಟ್ಟೆ ಬಿರಿವಗ ಹರವ ಹಾವಿನ ಕಟ್ಟಿಗೊಂಡನಡ ।
   ಪುಟ್ಟ ಮಾಣಿಯ ನೋಡಿ ಚಂದ್ರನು
   ಗಟ್ಟಿಯಾಗಿಯೆ ನೆಗೆಯ ಮಾಡಿರೆ
   ಕೊಟ್ಟೆಬಿಟ್ಟನು ಕೋಪದಿಂದಲೆ ಶಶಿಗೆ ಶಾಪವನೆ ॥

   1. “ಅಟ್ಟಿನಳಗೆ” ರೈಸಿತ್ತದಾ.ಲಾಯ್ಕ ಆಯಿದು ಅತ್ತೆ.

   2. ಅಂತೂ ಅಟ್ಟಿನಳಗೆ ಬೇಕೇ ಬೇಕು, ಅಲ್ಲದೋ ಅತ್ತೆ.

4. ಎಲ್ಲೋರಿಂಗೂ ಚೌತಿಯ ಶುಭ ಆಶಯಂಗೊ….
   ಲಾಡು ಚಕ್ಕುಲಿ ಬೇಳೆ ಪಾಯಸ ಕಡ್ಬು ಮೋದಕ ತಿಂದದಾ
   ಕಾಡು ದಾರಿಲಿ ದೊಡ್ಡ ಹೊಟ್ಟೆಲಿ ಮಾಲಿ ಹೋಪಗ ಸಿದ್ಧಿಯೂ
   ನೋಡಿ ಹಾವಿನ ಕಟ್ಟೆ ಸೊಂಟಕೆ ಗೇಲಿ ಮಾಡಿದ ಚಂದಿರಾ
   ರಾಡಿ ಮಣ್ಣಿನ ಎತ್ತಿ ಇಡ್ಕಿದ ಮೆತ್ತೆ ಶಾಪವು ಕುಂದುಲೇ

   1. ಅದಾ,ಗಣಪತಿಗೆ “ಮಲ್ಲಿಕಾಮಾಲೆ” ಕಟ್ಟಿದವು ಶೈಲಜಕ್ಕ.ಲಾಯ್ಕ ಆಯಿದು.

   2. ಮಲ್ಲಿಗೆಯಮಾಲೆಲಿ ಬೆನಕಚಾಮಿಯ ಅಲಂಕಾರ ಮಾಡಿದ್ದು ಒ…..ಪ್ಪ ಆಯಿದು-ಶೈಲಜಕ್ಕ.

   3. ಲಾಯಕದ ಪದ್ಯ.

5. ಖಂಡಿತಾ ಅದಿತಿಯಕ್ಕಾ… ಚೀಪೆಯಾಯಿದನ್ನೆ….

6. ಡೊಳ್ಳು ಹೊಟ್ಟೆಯ ದೇವ ಗಣಪನ
   ಪಿಳ್ಳೆ ಮೂಷಿಕ ಹೊತ್ತು ನಡವಗ
   ಹಳ್ಳ ದಾರಿಲಿ ಹಾವು ಕಾಂಬಗ ಹೆದರಿದೆಲಿರಾಯ
   ತಳ್ಳಿ ಸುಮುಖನ ನಡುಗಿ ಗಡಗಡ
   ಮುಳ್ಳು ಬಲ್ಲೆಯ ಪಕ್ಕ ಹೊಕ್ಕತು
   ಸಿಳ್ಳೆ ಹಾಕಿದ ಚಂದ್ರ ಹಾಡಿದ “ಬಿದ್ದ ಗಣರಾಯ”
   ಹೊಟ್ಟೆಯೊಡದತೊ? ಭೂಮಿ ಬಿರುದತೊ?
   ಪೆಟ್ಟು ಜೋರಾಗಿತ್ತೊ ಹೇಂಗೆಯೊ?
   ತಟ್ಟಿ ಕೈ ಕೇಳಿದ ಶಶಿಯಿಣುಕಿ ಮೋಡದೆಡೆಯಿಂದ
   ಉಟ್ಟ ವಸ್ತ್ರವ ಕುಡುಗಿ ಮೇಲೆ-
   ದ್ದಟ್ಟಹಾಸಕೆ ಬುದ್ಧಿ ಕಲಿಶುಲೆ
   ಕೊಟ್ಟ ಶಾಪವಮೇಯ ವಿಧುವಿಗೆ ಭಾರಿ ಸಿಟ್ಟಿಂದ
   “ಇಷ್ಟ ಪಡದಿರಲಾರು ನೋಡುಲೆ
   ದುಷ್ಟ ನುಡಿಯಾರೋಪ ಸಿಕ್ಕಲಿ
   ತುಷ್ಟಿ ತಪ್ಪಲಿ ಭಾದ್ರಪದಚೌತಿದಿನ ಕಂಡವಕೆ”
   “ನಷ್ಟ ತಪ್ಪಿಸು ಬೀರು ಕರುಣೆಯ
   ದೃಷ್ಟಿ ತಪ್ಪಾತೆನ್ನದು ಕೊಡದಿ-
   ರಿಷ್ಟು ಶಿಕ್ಷೆಯ ದೂಡೆಡೆನ್ನನು ಕಷ್ಟಗಳ ನಡುಕೆ”
   ಕೋಪ ತಗ್ಗಿತು ಶಾಂತಿ ತುಂಬಿತು
   ಪಾಪ ಕಂಡು ಗಣೇಶ ಹೇಳಿದ
   ಶಾಪ ತಾಗ ಶಮಂತಕಮಣಿಯ ಕಥೆಯ ಕೇಳಿದರೆ
   ತಾಪ ಕೂಪಂದೆದ್ದ ಚಂದಿರ
   ರೂಪ ಹಾಂಕಾರವಡಗಿತವನ
   ಚೀಪೆಯಕ್ಕೆಲ್ಲೋರ ಬಾಳುಬೆನಕನ ನಂಬಿದರೆ
   ಅಮೇಯ = ಅಂತ್ಯವಿಲ್ಲದವ, ಗಣಪತಿ
   ವಿಧು = ಚಂದ್ರ

   1. ಅದಿತಿಯಕ್ಕಾ, ಕತೆಯ ವಿವರ ಚೆ೦ದಕೆ ಮೂಡಿದ್ದು.ಕಡೆಯಾಣ ಸ೦ದೇಶವೂ ಲಾಯ್ಕ ಆಯಿದು.

   2. ಅದಿತಿ, ಫಶ್ಟ್ ಕ್ಲಾಸ್ ಆಯಿದು – ಆ ಎಲಿಯ ಓಡಿಸಿಗೊಂಡು ಹಿಂದಂದಲೇ ಹೋದ ಹಾಂಗೆ ಕಾಣ್ತನ್ನೆ.

7. ಉಂಡಾದಿಕ್ಕಿ ಹೆರಟ ಲಂಬೋದರ
   ಗುಂಡಾದ ಹೊಟ್ಟೆಗೆ ಹಾವಿನ ಸುಂದಿ
   ಕಂಡತ್ತವನ ರಜನೀಕರಂಗೇ ಗುಜ್ಜಾನೆಯ ಹಾಂಗೆ
   ಕಂಡಾಬಟ್ಟೆ ನೆಗೆ ಬಂತವಂಗೇ
   ಕೆಂಡಾಮಂಡಲ ಗೆಣಪನ ಶಾಪವೆ
   ನೋಡಿಕ್ಕೆಡಿ ಚೌತಿ ದಿನ ಶಶಿಯ ನೋಡಿರೆ ಬಕ್ಕಪವಾದ
   ——–
   ಗೆಣಪ ಹೆರಟ ಹೆರ ಉರಗವು ಕಟಿಲೀ
   ಟೊಣಪನ ಜರೆದ ಶಶಿ ಅಣಕ ನೆಗೆಲೀ
   ಗೆಣಪತಿ ಪಿಸುರಿಲಿ ಶಪಿಸಿದ ಅವನಾ
   ಗಣನೆ ಕೊಡೆಡಿ ಅವನೆಡೆ ಅದುವೆ ದಿನಾ

   1. ಮಾವ…. ಮಣಿಗಣ ಗೆಣವತಿ ಕತೆಯದು ಸೊಗಸೇ

   2. ಮಾವಾ,ಲಾಯ್ಕ ಆಯಿದು.
      ಸುರುವಾಣದ್ದು ವಾರ್ಧಕಕ್ಕೆ ಹತ್ತರೆ ಇದ್ದರೂ ಕೆಲವು ದೋಷ೦ಗೊ ಕಾಣುತ್ತು.

8. ಚಂದ್ರ ಮತ್ತು ಗಣಪನ ಸಂಭಾಷಣೆ ರೂಪಲ್ಲಿ —
   ಏಕದಂತ, ಡೊಳ್ಳು ಹೊಟ್ಟೆ ಭಾರವಾಗಿ ಬಿದ್ದೆಯೋ ?
   ಮೂಕನಲ್ಲ; ಶಾಪಕೊಡ್ವೆ ”ನಿನ್ನ ಕಾಂತಿ ಕುಂದಲೀ ”
   ಶೋಕವಿದ್ದು; ಹಿಂದೆ ತೆಕ್ಕೊ ವಿಶ್ವವಂದ್ಯ ಬೇಡುವೇ
   ಲೋಕಲಿದ್ದು ಶುಕ್ಲ ಪಕ್ಷ ಬರ್ಲಿ ನೀನು ಹಿಗ್ಗುವೇ

   1. ಭಾಗ್ಯಕ್ಕ, ಚಂದ್ರ ಮತ್ತೆ ಗಣಪರ ಸಂಭಾಷಣೆಯ ನಿಂಗೊ ರೆಕಾರ್ಡ್ ಮಾಡಿಗೊಂಡದು ಲಾಯ್ಕಾಯಿದು.

      1. ಭಾಗ್ಯಕ್ಕಾ… ಪಷ್ಟಾಯಿದು….

   2. ಅಕ್ಕಾ,
      ಸ೦ಭಾಷಣೆಯ ರೂಪಲ್ಲಿ ಬರವದು ಸುಲಭದ್ದಲ್ಲ.ಆದರೆ ನಿ೦ಗೊ ಸಲೀಸಾಗಿ ಬರಕ್ಕೊ೦ಡು ಹೋದ ಕ್ರಮ ರೈಸಿತ್ತು.

   3. ವ್ಹಾ..ವ್ಹಾ.! ಒಳ್ಳೆದಾಯಿದು.

Comments are closed.