ಶರ್ಮಪ್ಪಚ್ಚಿ ಅವರಬಗ್ಗೆ ವಿಶೇಷವಾದ ಶುದ್ದಿಯನ್ನೇ ಬೈಲಿಂಗೆ ಹೇಳಿತಿಳುಸಿದ್ದವು.
( ಸಾಧನೆಗೆ ಅಡ್ಡಿ ಆಗದ್ದ ಅಂಗವೈಕಲ್ಯ: https://oppanna.com/nammooru/shedigumme-gopalakrishna-bhat )
ಹ್ಮ್, ಅಪ್ಪು.
ಶರ್ಮಪ್ಪಚ್ಚಿ ಹೇಳಿದ ಹಾಂಗೆಯೇ, ಅವು ದೈಹಿಕವಾಗಿ ಎದ್ದು ನಿಂಬಲೆ ಸಾಧ್ಯ ಆಗದ್ದೆ ಇಕ್ಕು, ಆದರೆ ಅವು ಮಾನಸಿಕವಾಗಿ ಎದ್ದು ನಿಂದ ರೀತಿ ಇದ್ದನ್ನೆ- ಅದರ ಗ್ರೇಶಿರೆ ಒಪ್ಪಣ್ಣಂಗೆ ತುಂಬಾ ಕೊಶಿ ಅಪ್ಪದು.
ಸ್ವಂತವಾಗಿ ಬರದು ಪಾಸಪ್ಪ ಪರೀಕ್ಷೆಗೊ, ಅದರಿಂದ ಮತ್ತೆ ಸಿಕ್ಕಿದ ಸ್ವಂತ ಉದ್ಯೋಗ, ಅಲ್ಲಿಂದ ಮುಂದಕ್ಕೆ ನೆಡದು ಬಂದ ಸ್ವಂತ ಸಂಪಾದನೆಯ ಜೀವನ – ಇದರ ಎಲ್ಲವನ್ನುದೇ ಗ್ರೇಶಿರೆ, ಜೀವನವ ಎದರುಸಲೆ ಒದಗಿ ಬಂದ ದೈವಪರೀಕ್ಷೆ ಹೇಳಿ ಅನುಸುದು ಒಪ್ಪಣ್ಣಂಗೆ.
ಈಗ ಅವು ಉದ್ಯೋಗಸ್ಥರಾಗಿದ್ದರೂ, ಕೆಲವು ಪುಸ್ತಕಂಗಳ ಬರದು ಸಾಹಿತ್ಯಕ್ಷೇತ್ರಕ್ಕೂ ಹೊಂದುತ್ತ ಸಾಧನೆಯ ಮಾಡಿ ತೋರುಸಿದ್ದವು.
ಅವರ ಜೀವನಗಾಥೆಯೇ ಒಳುದೋರಿಂಗೆ ಪ್ರೇರೇಪಣೆ.
ಇದರನ್ನೇ ನಮ್ಮ ಶರ್ಮಪ್ಪಚ್ಚಿ ಐದಾರು ತಿಂಗಳು ಹಿಂದೆ ಹೇಳಿದ್ದದು!
ಇರಳಿ, ನಮ್ಮ ಹತ್ತರಾಣೋರು ಹಾಂಗೆ ಮಿಂಚಿರೆ ನವಗೂ ಕೊಶಿಯೇ.
ಅವು ಇನ್ನೂ ಹತ್ತರೆ ಬಂದರೆ ಮತ್ತೂ ಕೊಶಿ, ಅಲ್ಲದೋ?
ಬೈಲಿಂಗೆ ಶುದ್ದಿ ಹೇಳುತ್ತಿರೋ – ಕೇಳಿದೆ ಒಂದರಿ ಅವರತ್ರೆ.
ಸಂತೋಷಲ್ಲಿ ಒಪ್ಪಿಗೊಂಡವು. ಅವು ಒಪ್ಪಿ, ತಕ್ಷಣ ಕೊಶೀಲಿ ಕಳುಸಿದ ಆ ಶುದ್ದಿಯ ಕಂಡು ಒಪ್ಪಣ್ಣಂಗೆ ಕೊಶಿಯೂ ಆಶ್ಚರ್ಯವೂ ಆಗಿಬಿಟ್ಟತ್ತು!
ಅವರ ಶುದ್ದಿಗಳ ನಾವೆಲ್ಲೊರೂ ಕೇಳುವೊ°, ಪ್ರೀತಿಲಿ ಒಪ್ಪ ಕೊಡುವೊ°.
ಸಾಹಿತ್ಯದ ಅವರ ಅಭಿರುಚಿಯ ಇನ್ನುದೇ ಬೆಳೆಸುವೊ°, ಆಗದೋ?
- ಸಣ್ಣ ಸಂಗತಿ - February 13, 2018
- ದೇಶಸೇವೆ - August 15, 2017
- ಶೇಡಿಗುಮ್ಮೆ ವಾಸುದೇವ ಭಟ್ಟ್ರಿಂಗೆ ಯಕ್ಷಗಾನ ಅಕಾಡೆಮಿಯ ಗೌರವ - August 15, 2017
ಕಾಸರಗೋಡಿನ ಹಿರಿಯ ಸಾಹಿತಿ,ನಿವೃತ್ತ ಪ್ರೌಢಶಾಲಾ ಮುಖ್ಯೋಪಾಧ್ಯಾಯ ಶ್ರೀ ಅಡ್ಯನಡ್ಕ ನರಸಿಂಹ ಭಟ್ಟರು ಈಗ ಎಂಬತ್ತು ವರ್ಷದ ಹಿರಿಯ ಚೇತನ.ಅವು ಕನ್ನಡ, ಆಂಗ್ಲ ಭಾಷೆಲಿ ಆಳವಾದ ಪಾಂಡಿತ್ಯ ಹೊಂದಿದ್ದವು.ಡಿ.ವಿ.ಜಿ.ಬರೆದ ಮಂಕು ತಿಮ್ಮನ ಕಗ್ಗ,ಮರುಳ ಮುನಿಯನ ಕಗ್ಗ,ಗೋವಿಂದ ಪೈಗಳ ವೈಶಾಖಿ,ಗೊಲ್ಗೊಥಾ-ಹೀಂಗೆ ಹಲವು ಉದ್ಗ್ರಂಥಂಗಳ ಕನ್ನಡಂದ ಆಂಗ್ಲ ಭಾಷೆಗೆ ಅನುವಾದ ಮಾಡಿದ್ದವು.
ಶೈಕ್ಷಣಿಕ ರಂಗಲ್ಲಿ ಶಿಸ್ತಿನ ಮುಖ್ಯೋಪಾಧ್ಯಾಯರಾಗಿ ಅನೇಕ ವರ್ಷ ಸೇವೆ ಸಲ್ಲಿಸಿದ್ದವು.ಕಾಸರಗೋಡಿಲಿ ಕನ್ನಡವ ಉಳಿಸಿ ಬೆಳೆಸುವಲ್ಲೂ ತುಂಬ ಕೊಡುಗೆ ಕೊಟ್ಟಿದವು.ಹೆಚ್ಚಿಗೆ ಪ್ರಚಾರ ಇಲ್ಲದ್ದೆ ಇವರ ಸಾಧನೆಗೊ ಕರ್ನಾಟಕದ ಬಾಕಿ ಪ್ರದೇಶದ ಜನಂಗೊಕ್ಕೆ ಗೊಂತಾಯಿದೇಇಲ್ಲೆ ಹೇಳಿ ತೋರುತ್ತು.
ಕಾಸರಗೋಡಿನ ಕನ್ನಡಾಭಿಮಾನಿಗೊ ಅಡ್ಯನಡ್ಕ ನರಸಿಂಹ ಭಟ್ಟರಿಂಗೆ ದಿನಾಂಕ ೩೧-೧೨-೨೦೧೧ ಶನಿವಾರ ಕಾಸರಗೋಡಿನ ಲಲಿತ ಕಲಾಸದನಲ್ಲಿ ಸನ್ಮಾನ ಮಾಡುತ್ತವು.ಕೃತಿ-ಸ್ಮೃತಿ ಹೇಳುವ ಅಭಿನಂದನಾ ಗ್ರಂಥದ ಸಮರ್ಪಣೆ ಆವುತ್ತು.ಉದಿಯಪ್ಪಗ ೯-೩೦ ರಿಂದ ರಾತ್ರಿ ತನಕ ಬೇರೆ-ಬೇರೆ ಕಾರ್ಯಕ್ರಮ,ಕವಿ-ಕಾವ್ಯದರ್ಶನ,ಸಾಂಸ್ಕೃತಿಕ ಕಾರ್ಯಕ್ರಮ- ನಡೆತ್ತು.
ಈ ಕಾರ್ಯಕ್ರಮಕ್ಕೆ ಹತ್ತರೆ ಇಪ್ಪವು ಎಲ್ಲಾ ಹೋಗಿ ಭಾಗವಹಿಸೆಕ್ಕು.ಈ ಕಾರ್ಯಕ್ರಮವ ಆಯೋಜಿಸಿದವರೂ ಕೂಡಾ ನಮ್ಮ ಮೆಚ್ಚುಗೆಗೆ ಅರ್ಹರು.
ಇಂದು ಪುನಃ ಈ ಲೇಖನ ಕಂಡತ್ತು. ಅವರ ಕಾರ್ಯಕ್ರಮ ಆ ದಿನ ಭಾರೀ ಲಾಯಕ ಆಗಿತ್ತು.ಜೀವನದಿ ಹೇಳಿ ಅವರ ಅಭಿನಂದನಾ ಗ್ರಂಥದ ಶಿರೋನಾಮೆ, ಕಾಸರಗೋಡಿನ ಬಗ್ಗೆ ಆಸಕ್ತಿ ಇಪ್ಪೋರಿಂಗೆ ಓದಲೆ ಅಕ್ಕು.
ಗೋಪಾಲಣ್ಣ,
ಇವರ ಪರಿಚಯ ಕಮ್ಮಿಯೇ ಹೇಳಿ ಕಾಣುತ್ತು. ಮಾಹಿತಿಗೆ ಧನ್ಯವಾದ.ಅರ್ಹರಿ೦ಗೆ ಸಮ್ಮಾನ ಮಾಡುತ್ತಾ ಇಪ್ಪದು ಒಳ್ಳೆ ಕೆಲಸ.
ಹೆಚ್ಚಿಗೆ ಪ್ರಚಾರ ಇಲ್ಲದ್ದೆ ಸಾಧಿಸಿದ ಶ್ರೀ ಅಡ್ಯನಡ್ಕ ನರಸಿಂಹ ಭಟ್ಟರಿಂಗೆ ಹೃತ್ಪೂರ್ವಕ ಅಭಿನಂದನೆಗೋ…