Register:ರಿಜಿಸ್ತ್ರಿ
ದೊಡ್ದರಜೆಯ ನೆನಪು -ಭಾಮಿನಿಲಿ
February 2, 2011 ರ 10:06 amಗೆ ನಮ್ಮ ಮುಳಿಯ ಭಾವ ಬರದ್ದು, ಇದುವರೆಗೆ 43 ಒಪ್ಪಂಗೊ.ಸಣ್ಣಸಂಕೊಲೆ(shortlink):
ದೊಡ್ಡರಜೆ ಶುರುವಾತು ನಿನ್ನೆಯೆ
ದೊಡ್ಡಮಾವನು ಬ೦ದವದ ಹೊಸ
ಚಡ್ಡಿಯ೦ಗಿಯ ಸುರುದು ಹೆರಡುವ° ಅಜ್ಜನಾ ಮನೆಗೆ |
ದೊಡ್ಡ ಚೀಲವ ನೇಲುಸಿಯೆ ಮುಳಿ
ಗುಡ್ಡೆ ಹತ್ತಿಳಿಯದ್ದೆ ಸುಲಭದ
ಅಡ್ಡದಾರಿಲಿ ನೆಡದು ಬೀಸಕೆ ಹೋಪ° ಬಾರಣ್ಣಾ ||
ಎತ್ತರದ ಕಶಿ ಮಾವಿನಾಮರ
ಹತ್ತಿ ಕೂಯಿದ° ಭಾವ ಹರುಷದ
ಲತ್ತೆ ಮಕ್ಕಳ ಎದುರುಗೊ೦ಬಲೆ ಮೆಡಿಯ ಕೊಯ್ಯುತ್ತಾ |
ಕೊತ್ತಳಿ೦ಕೆಯು ಚೆ೦ಡುಪುಳ್ಳೆಯು
ಉತ್ತಮದ ಸಾಮಾಗ್ರಿ ಆಡುಲೆ
ಕುತ್ತಕ೦ಡೆಯ ಬೈಲಕರೆಯೇ ನಮ್ಮ ಮೈದಾನ ||
ಗಾಡಿಯಾಟಕೆ ಹಳೆಯ ಚಕ್ರವೆ
ರೂಡಿಯಲ್ಲದೊ ನವಗೆ ತೋಟದ
ತೋಡ ಕರೆಲಿದ್ದನ್ನೆ ಹೊ೦ಡವು ಹಾರಿ ನೀ೦ದೊದಕೆ |
ಆಡಿಬಚ್ಚೊದರೊಳವೆ ಎಲ್ಲರು
ಓಡಿ ಬೀಜದ ಗುಡ್ಡೆ ಹತ್ತುವ°
ಕಾಡ ಕರೆಲಿಯೆ ಮುಳ್ಳಹಣ್ಣಿನ ರಜ್ಜ ರುಚಿ ನೋಡಿ ||
ಕಾಯಿ ಕೊಯ್ವಲೆ ಬಟ್ಯ° ಬಪ್ಪಗ
ನಾಯ ಸ೦ಕಲೆ ಹಿಡುದು ತೋಟಕೆ
ಚಾಯ ಕುಡುದಾದಿಕ್ಕಿ ಹೆರಡುವ° ಎಲ್ಲರೊಟ್ಟಿ೦ಗೆ |
ಆಯನವೆ ದೊಡ್ಡರಜೆ ಸ೦ತಸ
ದಾಯವಳವಲಸಾಧ್ಯ ತಿ೦ಗಳು
ಮಾಯವಪ್ಪದರಿ೦ದ ಮದಲೇ ಆಡಿ ಕೊಶಿಪಡುವ° ||
ರಜೆಯು ಮುಗುದರೆ ಮತ್ತೆ ವರುಷದ
ಸಜೆಯು ಶುರುವಕ್ಕಿನ್ನು ಶಾಲೆಗೆ
ಪಿಜುರಿ ನಿ೦ದರೆ ಹುಳಿಯ ಅಡರಿಲಿ ಪೊಳಿಯು ಬೀಳುಗದಾ |
ಮುಜುಡ° ಹೇಳುಸಿಗೊ೦ಬ ಬದಲಿ೦
ಗುಜುರುವಿನ ತರ ಸಾಗಿ ಜೀವನ
ಮಜಲು ತು೦ಬಲಿ ಬುದ್ಧಿಶಗುತಿಯ ನೀರ ಸುಧೆ ಹರುದು ||
ಸೂ: ©: ಈ ಶುದ್ದಿಯ ಎಲ್ಲಾ ಹಕ್ಕುದೇ ಮುಳಿಯ ಭಾವ -ಇವರ ಕೈಲಿ ಇದ್ದು. ಶುದ್ದಿಯ ಯೇವದೇ ಭಾಗವ ಇಲ್ಲಿಂದ ತೆಗೆತ್ತರೆ, ಅದರಿಂದ ಮದಲು ಅವರ ಅನುಮತಿ ತೆಕ್ಕೊಳೇಕು.
- ಸೌಕರ್ಯ ಹೆಚ್ಚಾದ ಹಾಂಗೆ ಉದಾಸಿನವೂ ಹೆಚ್ಚಾವುತ್ತೋ..! ಶುದ್ದಿ ಹೇಳಿದ್ದು: ಒಪ್ಪಣ್ಣ
- ಎಂಗಳ ಮಾಣಿಗೆ ಎಲ್ಲಿಯಾರೂ ಕೂಸಿದ್ದರೆ ಹೇಳಿ ಭಾವ ! ! ಶುದ್ದಿ ಹೇಳಿದ್ದು: ಬಾಲಣ್ಣ
- 10.09.2011 ರಂದು ಯಕ್ಷಗಾನ ಶುದ್ದಿ ಹೇಳಿದ್ದು: ಮೋಹನ ಪ್ರಶಾಂತ
- “ಬೋಳಂತಕೋಡಿ- ಒಂದು ನೆನಪು” -ಅರ್ತಿಕಜೆ ಶುದ್ದಿ ಹೇಳಿದ್ದು: ಶ್ರೀಅಕ್ಕ°
- ಕೇಚಣ್ಣನ ಶುದ್ದಿಗೊ ಶುದ್ದಿ ಹೇಳಿದ್ದು: ಬಾಲಣ್ಣ (ಬಾಲಮಧುರಕಾನನ)
- ಸಮಸ್ಯೆ :32 ” ಸೋರುಗೀ ಒಡದ ಓಡು ನೋಡು ಬಾ” ಶುದ್ದಿ ಹೇಳಿದ್ದು: ಸಂಪಾದಕ°
- ಸರಸ್ವತಿ ಶಂಕರ್ ಗೆ ಮಲ್ಲಿಕಾ ಪ್ರಶಸ್ತಿ ಶುದ್ದಿ ಹೇಳಿದ್ದು: ಗೋಪಾಲಣ್ಣ
- ವಿಷು ವಿಶೇಷ ಸ್ಪರ್ಧೆ 2013: ನೆಗೆಬರಹ ದ್ವಿತೀಯ: ಪಾರ್ವತಿ ಎಂ.ಭಟ್ ಕೂಳಕ್ಕೋಡ್ಳು ಶುದ್ದಿ ಹೇಳಿದ್ದು: ಸಂಪಾದಕ°
- ಕೇಚಣ್ಣನ ಶುದ್ದಿಗೊ ಶುದ್ದಿ ಹೇಳಿದ್ದು: ಬಾಲಣ್ಣ (ಬಾಲಮಧುರಕಾನನ)
- ನಾಗ ಸಂಪಗೆ ಘಮಲು ಶುದ್ದಿ ಹೇಳಿದ್ದು: ಶ್ಯಾಮಣ್ಣ
- ನೋಟು ಹಾರುತ್ತರ ನೋಡಿದಿರಾ? ಶುದ್ದಿ ಹೇಳಿದ್ದು: ಬಾಲಣ್ಣ (ಬಾಲಮಧುರಕಾನನ)
- ನೆಂಪಿದ್ದಾ ಕೂಸೆ.. ಶುದ್ದಿ ಹೇಳಿದ್ದು: ಕೋಳ್ಯೂರು ಕಿರಣ
ಈ ಶುದ್ದಿಗೆ ಇದುವರೆಗೆ 43 ಒಪ್ಪಂಗೊ
ಒಪ್ಪ ಕೊಡ್ಳೆ ಇಲ್ಲಿ ಬರೆಯಿ:
ಬೈಲಿಂಗೆ ಲಾಗ ಹಾಕಲೆ
ಗುಟ್ಟುಶಬ್ದ(password) ಮರದತ್ತೋ?ಸದ್ಯದ ಪಟಂಗೊ
ವಾರ್ತೆ ಒರತ್ತೆಗೊ..
ಬೆಶಿ ಬೆಶಿ ಒಪ್ಪಂಗೊ..
- Dr laxmi prasad: ಅಗ್ನಿ ದೇವನ ಸ್ತುತಿ ಓದಿ...
- ಪೆಂಗಣ್ಣ°: ಇದಾ ಬೋಚನೂ ಪೆಂಗಣ್ಣನೂ ಅತ್ತೆ...
- ಚೆನ್ನೈ ಭಾವ°: ಹ ಹ ಹಾ…. ಬಾಲಣ್ಣ..,...
- RANJINI: HAI NOT COOMMENT
- ಕೆ.ನರಸಿಂಹ ಭಟ್ ಏತಡ್ಕ: ರೀತಿ-೧-ನೀತಿ-೧ ಪಕ್ಷ...
- ಅನುಷಾ ಹೆಗಡೆ: ಯಾವತ್ತಿನ ಹಂಗೆ ಸರಳವಾದ .ಆದರೆ...
- ಅನುಷಾ ಹೆಗಡೆ: ಕತೆಯನ್ನ ಇಷ್ಟ ಪಟ್ಟಿದಕ್ಕೆ...
- ಅನುಷಾ ಹೆಗಡೆ: ಧನ್ಯವಾದಗಳು …
- ಅನುಷಾ ಹೆಗಡೆ: ನೀವು ಹೇಳದು ನಿಜ ಇಂದಿರತ್ತೆ...
- ಅನುಷಾ ಹೆಗಡೆ: ಧನ್ಯವಾದ…
- ಅನುಷಾ ಹೆಗಡೆ: ಕಥೆಯನ್ನು ಓದಿ ಪ್ರೀತಿಯಿಂದ...
- ಅನುಷಾ ಹೆಗಡೆ: ನಿಂಗಳ ಆಶೀರ್ವಾದ ಹೀಂಗೆ...
- ಅನುಷಾ ಹೆಗಡೆ: ಧನ್ಯವಾದ ಭಾವ…ಬೈಲಿಲ್ಲಿಯು...
- ರಘುಮುಳಿಯ: ಜೆ೦ಬ್ರ೦ಗಳ ಎಡಕ್ಕಿಲಿ ನೋಡೊಗ...
- ರಘುಮುಳಿಯ: ಬೇರು ನೀರಿನ ಸೆಲೆಯ ಹುಡುಕೊಗ ಳೇರಿ...
- ಶರ್ಮಪ್ಪಚ್ಚಿ: ಅಭಿನಂದನೆಗೊ ಸರಸ್ವತಿ ಅಕ್ಕಂಗೆ
- ರಘುಮುಳಿಯ: ಬೊಳು೦ಬು ಮಾವ೦ಗೆ ಅಭಿನ೦ದನೆಗೊ.
- ರಘುಮುಳಿಯ: ಸುರುವಾಣ ಎರಡು ಗೆರೆ ಓದಿ ಒ೦ದರಿ ತಟಪಟ...
- ರಘುಮುಳಿಯ: ಓದಿದ,ಒಪ್ಪ ಕೊಟ್ಟ ಎಲ್ಲೋರಿ೦ಗೂ...
- ರಘುಮುಳಿಯ: “ಎಷ್ಟೇ ಸ೦ಬಳ ಸಿಕ್ಕಲಿ ಹೊಟ್ಟೆ...
- ಚೆನ್ನೈ ಭಾವ: [ಫೋನು ರಿಂಗಾಗಿ ಎನ್ನ ರಸಭಂಗ...
- ರಘುಮುಳಿಯ: ಭಾರೀ ಸ೦ತೋಷದ ಶುದ್ದಿ. ಸರಸ್ವತಿ...
- ಇಂದಿರತ್ತೆ: ಆಹಾ ! ಪಸಂದಾಯಿದನ್ನೇ ಕವನ !...
- ಚೆನ್ನೈ ಭಾವ: ಸಂತೋಷ ಸುದ್ದಿ. ಕೀರ್ತಿ ಬೆಳೆಯಲಿ....
- ಎಸ್.ಕೆ.ಗೋಪಾಲಕೃಷ್ಣ ಭಟ್ಟ: ಲಾಯ್ಕ ಆಯಿದು
- ಎಸ್.ಕೆ.ಗೋಪಾಲಕೃಷ್ಣ ಭಟ್ಟ: ಚೊಕ್ಕ ಆಯಿದು
- ಚೆನ್ನೈ ಭಾವ°: ಕೊಟ್ಟು ತೆಕ್ಕೊಂಬದೇ ಮರ್ಯಾದಿ....
- parvathi m bhat: ಚೆ೦ದದ ಪಟಕ್ಕೆ ಮನ ತು೦ಬಿದ...
- parvathi m bhat: ವಿಷಯದ ಒಳ ಹೊಕ್ಕು ಕಥೆ...
- a ramachandra bhat: ಕೆಮಿಗೊಂದು ಒಪ್ಪಿ world...
- Shreepada Rao: ಸತ್ಯಣ್ಣ ಹೆಸರಿಗೆ ತಕ್ಕ೦ಗೆ...
- ರಘುಮುಳಿಯ: ಇ೦ದಿರತ್ತೆಯ ಕಲ್ಪನೆ...
ಯಾವತ್ತಿನ ಹಾಂಗೆ ಭಾಮಿನಿ ರೈಸಿದ್ದು ಭಾವ. ದೊಡ್ಡ ರಜೆ, ಆ ರಜೆಲಿ ಮಜಾ ಮಾಡುದು, ಅಜ್ಜನ ಮನೆಗೆ ಹೋಗಿ ಪೋಕ್ರಿ ಮಾಡುದು, ರಜೆ ಮುಗುದಪ್ಪಗ ಶಾಲೆಗೆ ಹೋಯೆಕ್ಕನ್ನೇ ಹೇಳಿ ಅಪ್ಪದು ಎಲ್ಲ ನೆಂಪಾತು. ಇದರ ಎಲ್ಲ ಅನುಭವಿಸಿದ ನಾವು ನಿಜವಾಗಿಯೂ ಭಾಗ್ಯವಂತರು ಹೇಳಿ ಕಾಣ್ತು. ಈಗಾಣ ಮಕ್ಕೊಗೆ ಬಹುಶಃ ಇದರ ಎಲ್ಲ ಅನುಭವಿಸಲೆ ಎಡಿತ್ತಿಲ್ಲೆ. ಈಗಾಣ ಮಕ್ಕೊಗೆ ರಜೆ ಸಿಕ್ಕಿಯಪ್ಪದ್ದೆ ರಜಾ ಶಿಬಿರಂಗೊ, ಮತ್ತಾಣ ವರ್ಷಕ್ಕೆ ಟ್ಯೂಶನ್, ಇನ್ನೂ ಹಲವು ಕ್ಲಾಸುಗೊ ಎಲ್ಲ ಸುರು ಆವುತ್ತು.
ಬಾಲ್ಯದ ಅನುಭವಂಗಳ ಭಾರೀ ಲಾಯ್ಕಲ್ಲಿ ವರ್ಣಿಸಿದ್ದಿ ಭಾವ. ಧನ್ಯವಾದ.
[ಉತ್ತರುಸಿ]
ಹೊತ್ತುವೇಳೆ: 3 February,2011ರ 3:51 PM ಗೆ. (ಒಪ್ಪಸಂಕೊಲೆ)
ಪ್ರಶಾ೦ತ ಭಾವ,ನಿಜ.ಈಗಾಣ ಸ್ಪರ್ಧಾಯುಗಲ್ಲಿ ಸ೦ಬ೦ಧ೦ಗೊ ದೂರ ಆವುತ್ತಾ ಇದ್ದನ್ನೆ.”ನಾವು ಕಟ್ಟಿದ ಸ್ವರ್ಗ ” ಅಲ್ಲದೋ?
[ಉತ್ತರುಸಿ]
“ಚಡ್ಡಿಯ೦ಗಿಯ ಸುರುದು ಹೆರಡುವ° ಅಜ್ಜನಾ ಮನೆಗೆ” ಈಗಾಣ ಮಕ್ಕ ಅಜ್ಜನ ಮನೆಲಿ ಹೋಗಿ ತುಂಬ ದಿನ ಕೂರುತ್ತವೋ ಹೇಳಿ ಒಂದು ಸಂಶಯ.ಒಪ್ಪಂಗಳೊಟ್ಟಿಂಗೆ ಪ್ರಮೊದ
[ಉತ್ತರುಸಿ]
ಹೊತ್ತುವೇಳೆ: 3 February,2011ರ 3:52 PM ಗೆ. (ಒಪ್ಪಸಂಕೊಲೆ)
ಮುಣ್ಚಿಕಾನ ಭಾವ, ಎಳಕ್ಕೊ೦ಡು ಹೋದರೂ ಎರಡೇ ದಿನಕ್ಕೆ ಉದಾಸೀನ ಆವುತ್ತು ಹೇಳುಗೋ?
[ಉತ್ತರುಸಿ]
ಹೊತ್ತುವೇಳೆ: 3 February,2011ರ 9:09 PM ಗೆ. (ಒಪ್ಪಸಂಕೊಲೆ)
ಹೇಳುಗನ್ನೆ………………
[ಉತ್ತರುಸಿ]
ಓಹ್, ಹಳೆಯ ನೆಂಪುಗಳ ಮತ್ತೆ ಮತ್ತೆ ಕೆದಕುತ್ತಾ ಇದ್ದ, ಹಾಂಗೇ ಕೆಣಕುತ್ತಾ ಇದ್ದ ಮುಳಿಯ ಭಾವಯ್ಯ. ದೊಡ್ಡ ರಜೆಯ ಪ್ರತಿಯೊಂದು ರಸಕ್ಷಣವ ರಸಭರಿತವಾಗಿ ವರ್ಣಿಸಿದ್ದ . ಏವತ್ರಾಣ ಹಾಂಗೆ ಪ್ರಾಸ, ಕಲ್ಪನೆ, ಅರ್ಥ ಎಲ್ಲವೂ ಲಾಯಕಾಯಿದು. ಈಗಾಣ ಮಕ್ಕೊಗೆ ಇದು ಏವದೂ ಇಲ್ಲೆ. ಎಲ್ಲೋರು, ಟಿವಿ, ಕಂಪ್ಯೂಟರು, ವಿಡಿಯೋ ಗೇಮು, ಬೇಸಿಗೆ ಶಿಬಿರ ಹೇಳಿ ರಜೆಯ ಮಜಾವ ಉಡಾಯಿಸುತ್ತ್ತ ಇರುತ್ತವು. ಅವರ ಲೆಕ್ಕಕ್ಕೆ ಅದೇ ಮಜಾ ಆಡ. ಆದರೆ, ನಮ್ಮ ಕಾಲದ ಈ ರಜೆಯ ಮಜಾ, ಅದರ ರುಚಿ ಅವಕ್ಕೆಲ್ಲಿಯಾದರೂ ಸಿಕ್ಕಿದರೆ ಖಂಡಿತಾ ಅವು ಬಿಡವು ಹೇಳಿ ಎನಗೆ ತೋರುತ್ತು.
ನಾಲ್ಕನೇ ಪದ್ಯದ ಐದನೇ ಪಾದ ಎನ್ನ ಮಂಡಗೆ ಹೊಕ್ಕತ್ತಿಲ್ಲೆ. ಪಿಜುರಿ ಹಾಂಗು, ಉಜುರು ಹೇಳ್ತ ಶಬ್ದದ ವಿವರಣೆ ಕೊಟ್ರೆ ಪೂರ್ತಿ ತಲಗೆ ಹೊಕ್ಕತ್ತು ಹೇಳ್ಲಕ್ಕು ಭಾವಯ್ಯ. ಬೇಜಾರಿಲ್ಲೇನೆ. ಒಪ್ಪಂಗೊ.
[ಉತ್ತರುಸಿ]
ಬೊಳು೦ಬು ಮಾವಾ, ಹಳೆ ನೆನಪ್ಪುಗೊ ಅಲ್ಲದೋ ನಮ್ಮ ಜೀವನವ ಹಸುರಾಗಿ ಒಳುಶೊದು?
ಪಿಜುರು = ತಿರುಗಿ ನಿಲ್ಲು
ಉಜುರು = ನೀರಾವರಿ ಮಾಡುಲೆ ಕಾಲುವೆ
ಸ೦ತಸದ + ಆಯ + ಅಳವಲೆ+ ಅಸಾಧ್ಯ ,ಇಲ್ಲಿ ಆಯ=ಪ್ರಮಾಣ.
ಸರಿ ಇದ್ದು ಹೇಳಿ ನ೦ಬಿದ್ದೆ.
[ಉತ್ತರುಸಿ]
ಹೊತ್ತುವೇಳೆ: 2 February,2011ರ 11:41 AM ಗೆ. (ಒಪ್ಪಸಂಕೊಲೆ)
ಸ೦ಧಿ ಸರಿ ಮಾಡ್ತೆ ಮಾವ..
ಸ೦ತಸದ + ಆಯವ + ಅಳವಲೆ+ ಅಸಾಧ್ಯ
[ಉತ್ತರುಸಿ]
ಹೊತ್ತುವೇಳೆ: 2 February,2011ರ 12:07 PM ಗೆ. (ಒಪ್ಪಸಂಕೊಲೆ)
“ಸ೦ತಸದಾಯವಳವಲಸಾಧ್ಯ” ಪದಪುಂಜಕ್ಕೆ ಉತ್ತಮ ಅರ್ಥ ಇದ್ದು. ಉಜುರು, ಪಿಜುರು ಸರಿ ಅರ್ಥ ಆತದ. ಪ್ರಾಸ ಲಾಯಕಿಲ್ಲಿ ಕೂಡಿ ಬಯಿಂದು. ಮುಳಿಯದವನ ಭಾಮಿನಿಯ ಓದಿ ಅಪ್ಪಗ ಎನ್ನ ಮನಸ್ಸಿಲ್ಲಿ ಬಂದ ಸ೦ತಸದಾಯವಳವಲಸಾಧ್ಯ ಹೇಳಿ ಕಂಡತ್ತು. ತಲೆಂದ ಮುಟ್ಟಾಳೆಯ ನೆಗ್ಗಿ ಹಿಡುದ್ದೆ.
[ಉತ್ತರುಸಿ]
ಹೊತ್ತುವೇಳೆ: 2 February,2011ರ 4:40 PM ಗೆ. (ಒಪ್ಪಸಂಕೊಲೆ)
ರಘು ಅಣ್ಣೊ..
ಈ +, -, ಹೀ೦ಗಿಪ್ಪ ಲೆಕ್ಕಾ ಎಲ್ಲಾ ತಲಗೆ ಹೋಗಾನೆಪ್ಪಾ.. ಎ೦ತ ಮಾಡ್ಲಿ..
[ಉತ್ತರುಸಿ]
ಹೊತ್ತುವೇಳೆ: 2 February,2011ರ 4:54 PM ಗೆ. (ಒಪ್ಪಸಂಕೊಲೆ)
ಬೋಚ ಭಾವ,
ನಿನಗೆ ಮಾಷ್ಟ್ರು ಮಾವನ ಬೆತ್ತ ಬೇಕಕ್ಕೊ ಹೇಳಿ..ತಲಗೆ ಹೋಗದ್ದರೆ ಬೆರಳು ಎಣುಸಿ ನೋಡು ಭಾವ.
[ಉತ್ತರುಸಿ]
ಇದು ಸರಿಯಾದ ಭಾಮಿನಿ..! ಸರಿಯಾಗಿ ಹಾಡುವ ರೀತಿಲಿ ಬರದ್ದೆ..
ಹಾರಿ ಖುಶಿ ಆತು.
[ಉತ್ತರುಸಿ]
ಹೊತ್ತುವೇಳೆ: 2 February,2011ರ 4:35 PM ಗೆ. (ಒಪ್ಪಸಂಕೊಲೆ)
{…ಹಾರಿ ಖುಶಿ ಆತು}
ಹಾರಿ ಕೊಶಿಯಾತೊ??
ಅ೦ಬಗ, ಮತ್ತು ಎತ್ತರಕ್ಕೆ ಹಾರಿ, ಕೈಗೆ ಮರಲ್ಲಿಪ್ಪ ಹೊಳ್ಳೆ೦ಮಾವು ಸಿಕ್ಕಿರೂ ಸಿಕ್ಕುಗು ಏ??
[ಉತ್ತರುಸಿ]
ಹೊತ್ತುವೇಳೆ: 3 February,2011ರ 8:59 AM ಗೆ. (ಒಪ್ಪಸಂಕೊಲೆ)
ಬೋಸಣ್ಣ,
ಅದು typing mixtakಉ..!
“ಬಾರಿ” ಬರವಗ ಹಾರಿದ್ದು…!
[ಉತ್ತರುಸಿ]
ಹೊತ್ತುವೇಳೆ: 3 February,2011ರ 3:53 PM ಗೆ. (ಒಪ್ಪಸಂಕೊಲೆ)
ಧನ್ಯವಾದ ಮಾವ.ಬೋಚ ಕಾಲು ಎಳದನೋ?
[ಉತ್ತರುಸಿ]
ಹಳೆ ನೆನಪುಗಳ ಕೆದಕಿ, ಕೊಶಿ ಪಡುವ, ಭಾಮಿನಿ ಲಾಯಿಕ ಆಯಿದು. ಧನ್ಯವಾದಂಗೊ.
[ಉತ್ತರುಸಿ]
ಹೊತ್ತುವೇಳೆ: 3 February,2011ರ 3:53 PM ಗೆ. (ಒಪ್ಪಸಂಕೊಲೆ)
ಅಪ್ಪಚ್ಚಿ,ನಿರ೦ತರ ಪ್ರೋತ್ಸಾಹಕ್ಕೆ ಧನ್ಯವಾದ.
[ಉತ್ತರುಸಿ]
ರಘು ಭಾವಾ.. ಸುಮಾರು ದಿನ೦ದ ಮತ್ತೆ ಪುನಾ ಒ೦ದು ಪಷ್ಟುಕ್ಲಾಸು ಭಾಮಿನಿ ಬ೦ತಿದಾ.. ಭಾರೀ ಲಾಯಿಕ ಆಯಿದು.. ಅಭಿನ೦ದನೆಗೊ. ಹಳೇ ದಿನ೦ಗೊ ಎಲ್ಲಾ ನೆ೦ಪಾತು.. ಇನ್ನು ಒ೦ದರಿ ಕೂಡಾ ತಿರುಗಿ ಬಾರದ್ದ ದಿನ೦ಗೊ..
[ಉತ್ತರುಸಿ]
ಹೊತ್ತುವೇಳೆ: 3 February,2011ರ 3:55 PM ಗೆ. (ಒಪ್ಪಸಂಕೊಲೆ)
ತಿರುಗಿ ಬಾರದ್ದೆ ಎ೦ತ ಭಾವ,ಒ೦ದರಿ ಹೋಗಿ ಕೂಪದೋ ಈ ಸರ್ತಿ ಊರಿ೦ಗೆ ಬ೦ದಪ್ಪಗ?
[ಉತ್ತರುಸಿ]
ಭಾಮಿನಿ ಲಾಯಿಕಾಯಿದು! ಆದರೆ ಇದು ಹಳೆ ಕತೆ ಆತು! ಈಗ ಈ ರೀತಿ ಅಜ್ಜನ ಮನಗೆ ಹೋಪದು, ಅಲ್ಲಿ ಕೆಲವು ದಿನ ಕೊಶಿಯಾಗಿ ಇಪ್ಪದು ಬಹುಶಃ ನಮ್ಮವರಲ್ಲಿ ಇಲ್ಲೆ ಹೇಳುವದೇ ಸರಿ!!
[ಉತ್ತರುಸಿ]
ಹೊತ್ತುವೇಳೆ: 3 February,2011ರ 3:57 PM ಗೆ. (ಒಪ್ಪಸಂಕೊಲೆ)
ಹೊಸ ಕತೆ ಬರವಲೆ ಶಬ್ದ೦ಗಳೆ ಸಿಕ್ಕುತ್ತಿಲ್ಲೆ ಮಾವ. ಎಲ್ಲ ಇ೦ಗ್ಲಿಶ್ ಆತದಾ,ಟೀ.ವಿ.,ಕ೦ಪ್ಯೂಟರ್,ಕೋಚಿ೦ಗ್ ಕ್ಲಾಸ್ ಇತ್ಯಾದಿ,ಇತ್ಯಾದಿ..!!
[ಉತ್ತರುಸಿ]
ರಘು ಅಣ್ಣೊ..
ಆನು ರಜೆಲಿ, ಎಲ್ಲಾ ಮಕ್ಕಳೊಟ್ಟಿ೦ಗೆ, ಭಾವ೦ದ್ರೋಟ್ಟಿ೦ಗೆ ಹುಗ್ಗಾಟ, ಹಿಡಿವ ಆಡುಸ್ಸು….
ಹಾ ಮತ್ತೆ ಎನಗೆ ಕೆಲವು ಪದ ಅರ್ಥ ಬಿಡುಸಿ ಹೇಳಿ ಭಾವ..
“…ಓಡಿ ಬೀಜದ ಗುಡ್ಡೆ” – ಬೀಜದ ಗುಡ್ಡೆ ಎಲ್ಲಿ ಓಡುದು???
“…ನಾಯ ಸ೦ಕಲೆ ಹಿಡುದು ತೋಟಕೆ”- ನಾಯಿ ಸ೦ಕೋಲೆ ಹೀಡ್ಕೊಡು, ಹೋದರೆ ಎ೦ತ ಪಲಾ??? ಉಮ್ಮಪ್ಪ?
“…..ತೋಡ ಕರೆಲಿದ್ದನ್ನೆ ಹೊ೦ಡವು ಹಾರಿ” – ಮಾರ್ಗಲ್ಲಿ ಹೊ೦ಡ ಇಪ್ಪದು ಕ೦ಡಿದೆ, ಈಗ ತೋಡ ಕರೇಲಿ ಕೂಡ ಇದ್ದೊ??
[ಉತ್ತರುಸಿ]
ಹೊತ್ತುವೇಳೆ: 2 February,2011ರ 5:14 PM ಗೆ. (ಒಪ್ಪಸಂಕೊಲೆ)
ಏ ಬೋಚ ಭಾವ,
ನಿನ್ನ ನೋಡಿಯೆ ಭಾವ೦ದ್ರು ಹುಗ್ಗುಗನ್ನೆ..ನೀನು ಹುಡುಕ್ಕಿದಲ್ಲೆ ಬಾಕಿ ,ಅಲ್ಲದೋ? ಹಿಡಿವಲೆ ಸಿಕ್ಕಿದ್ದವೋ?
ನಿನ್ನ ತಲಗೆ ಕೊಡೆಕ್ಕಪ್ಪಾ..ಪ್ರಶ್ನೆಗಳೇ..
ಅದರ ಅಜ್ಜನ ಮನೆಗೆ ಆಯಿಕ್ಕೊ?
ಅದಪ್ಪು,ನಾಯಿ ಜಾಲಿಲಿಯೆ ಬಾಕಿ ಅಲ್ಲದೋ..ಸ೦ಕಲೆ ನಿನ್ನ ಕೊರಳಿ೦ಗೇ ಹಾಕೊದೋ?
ಓ..ನೀನು ಪೇಟೆ ತಿರುಗಿದ್ದೆ ಹಾ೦ಗಾರೆ.ಆ ಹೊ೦ಡಲ್ಲಿ ಗೋಣ ಮು೦ಗಿದ್ದದು,ಇಲ್ಲಿ ನೀನು..
[ಉತ್ತರುಸಿ]
ರಘುಭಾವ ಭಾಮಿನಿ ನಿನ್ನ ಕೈ ಬಿಟ್ಟಿದಿಲ್ಲೆ.ಮತ್ತೆ ಭೋಸ ಭಾವ೦ಗೆ ಆ ಅಕೇರಿಗೆ ಬರದ ಹುಳಿಯ ಅಡರಿನ ಪೊಳಿ ಬಬೀಳದ್ದೆ ರಜ ಕಾಲ ಆತೋ ಹೇಳಿ.ಒ೦ದಾರಿ ಹಳೆ ನೆ೦ಪಿ೦ಗೆ ಎರಡು ಕಾಸೀರೆ೦ತ.ಒಪ್ಪ೦ಗಳೊಟ್ಟಿ೦ಗೆ
[ಉತ್ತರುಸಿ]
ಕೊತ್ತಳಿಂಕೆ,ಚೆಂಡುಪೈಲೆ,ಗಾಡಿಯಾಟಕ್ಕೆ ಹಳೆಯ ಚಕ್ರ,ತೋಟದ ಕರೆಲಿಪ್ಪ ಹಳ್ಳದ ಗಯ,ರಜೆ ಮುಗಿದಪ್ಪಗ ವರುಷದ ಸಜೆ-ಎಲ್ಲವು ಎನ್ನ ಲೈಫ಼ಿನ ಫ಼್ಲಾಶ್ ಬೇಕ್ ಆದ ಹಾಂಗೆ ಆತು.ಇಂದು ಎನ್ನ ಮಕ್ಕೊಗೆ ಈ ರಜೆಗೊ ಬರೇ ಸಜೆಗೊ ಮಾತ್ರ ಆಗಿ ಇದ್ದು.
ರಘು ಭಾವನ ಭಾಮಿನಿ ನೋಸ್ಟಾಲ್ಜಿಯ ಭಾರಿ ಒಳ್ಳೆಯದಾಗಿ ಬಯಿಂದು,ಬಹುಶಃ ಕೊಂಕ್ರೀಟ್ ಕಾಡಿಲ್ಲಿ ಇಪ್ಪಗ ಈ ತರದ ಲಹರಿಗೊ ಚೆಂದಕೆ ಮೂಡಿಬಪ್ಪದೋ?–ಇನ್ನು ಮೂಡಿಬರಲಿ!!
[ಉತ್ತರುಸಿ]
ಹೊತ್ತುವೇಳೆ: 3 February,2011ರ 3:58 PM ಗೆ. (ಒಪ್ಪಸಂಕೊಲೆ)
ಶ೦ಕರಣ್ನಾ, ತನು ಪೇಟೆಲಿ ಮನ ಊರಿಲಿ ಹೇಳುವ ನಿ೦ಗಳ ಮಾತು ನಿಜವೋ ಹೇಳಿ ಕಾಣುತ್ತು..ಧನ್ಯವಾದ.
[ಉತ್ತರುಸಿ]
ಭಾವನ ಭಾಮಿನಿ ಚೊಕ್ಕ ಆಯಿದು .
ಸುರುದು
ಬೀಸ
ಆಯನ
ಪಿಜುರಿ
ಮುಜುಡ°
ಮಜಲು
ನೀಂದು
ಪೊಳಿ
ಉಜುರು(ಕಣಿ)
— ಈ ಶಬ್ದಂಗಳ ಬಳಕೆ ಕಡಮ್ಮೆ ಆಯಿದು
[ಉತ್ತರುಸಿ]
ಹೊತ್ತುವೇಳೆ: 3 February,2011ರ 4:00 PM ಗೆ. (ಒಪ್ಪಸಂಕೊಲೆ)
ಬಳಕೆ ಕಡಮ್ಮೆ ಆದರೆ ಕು೦ಬಾಗಿ ಮಣ್ಣು ಸೇರುತ್ತು ಅಲ್ಲದೊ ವರ್ಮುಡಿ ಭಾವ?
ನಾವಾದರೂ ಬಳಸುವ°,ಬೈಲಿ೦ಗೆ ಬಪ್ಪ ನೆ೦ಟ್ರಿ೦ಗೆ ಬಳುಸುವ°,ಆಗದೋ?
.
[ಉತ್ತರುಸಿ]
ವಾಹ್ಹ್ !
ಮುಳಿಯ ಭಾವನ ಮನದ
ಆಳದಾ ಭಾವ ಬತ್ತದಾ
ಹೊಳೆಯಾಗಿ ಹರಿದುದು ಇಕ್ಕೆಲಗಳನುತುಂಬಿ !
ಇಳೆಯಲಿ ಹೊನ್ನ ತೆನೆ
ಬೆಳೆವಂತೆ ಈ ಪ್ರತಿಭೆ
ಬೆಳಕ ಕಾಣಲಿ ಸಹೃದಯರ ಶುಭ ಹಾರೈಕೆಗಳಲಿ !!
[ಉತ್ತರುಸಿ]
ಹೊತ್ತುವೇಳೆ: 3 February,2011ರ 4:02 PM ಗೆ. (ಒಪ್ಪಸಂಕೊಲೆ)
ಮಾವನ ಎ೦ದಿನ ವಿದ್ವತ್ತಿನ ಹಾರೈಕೆಗೊಕ್ಕೆ ನಮನ.
[ಉತ್ತರುಸಿ]
ನಮ್ಮವು ವರ್ಷ ಹೋದ ಹಾಂಗೆ ನಮ್ಮ ಭಾಷೆಯ ಶಬ್ದಂಗಳ ಉಪಯೋಗ ಕಮ್ಮಿ ಮಾಡುತ್ತಾ ಇದ್ದವು.ತುಂಬಾ ಜನ ಕೃಷಿಂದಲೂ ದೂರ ಆದ ಕಾರಣ ಕೆಲವು ಶಬ್ದ ಉಪಯೋಗ ಆವುತ್ತಿಲ್ಲೆ.
ಭಾಮಿನಿ ತುಂಬಾ ಚೆಂದ ಆಯಿದು.
[ಉತ್ತರುಸಿ]
ಹೊತ್ತುವೇಳೆ: 3 February,2011ರ 4:03 PM ಗೆ. (ಒಪ್ಪಸಂಕೊಲೆ)
ಗೋಪಾಲಣ್ಣ,ನಿ೦ಗಳ ಮಾತು ನಿಜ.ಇ೦ಗ್ಲಿಶು ಎಲ್ಲವನ್ನೂ ತಿ೦ದತ್ತೋ ಹೇಳಿ ಸ೦ಶಯ ಬತ್ತು ಒ೦ದೊ೦ದರಿ.
[ಉತ್ತರುಸಿ]
ರಘು ಭಾವ°, ಹಳೆ ನೆನಪ್ಪೆಲ್ಲಾ ಒಂದರಿ ಕಣ್ಣೆದುರು ಬಂತು ಭಾಮಿನಿ ಓದಿ ಅಪ್ಪಗ!!!!
ನಿಂಗೊ ಹೇಳಿದ ಹಾಂಗೆ ದೊಡ್ಡ ರಜೆ ಹೇಳಿದರೆ ಆಯನವೆ!! ರಜೆಯ ದಿನಂಗ ಉರುಳಿಗೊಂಡಿದ್ದದು ಗೊಂತೇ ಆಯಿಕ್ಕೊಂಡಿತ್ತಿಲ್ಲೆ..
ಎಷ್ಟು ಕೊಶಿ, ಸಂಭ್ರಮ!!! ಆ ಅನುಭವಂಗ ಎಲ್ಲ ಮನಸ್ಸಿಲಿ ಭದ್ರವಾಗಿ, ಬೆಶ್ಚಂಗೆ ಕೂಯಿದು.
ಈಗಾಣ ಮಕ್ಕಳ ಗ್ರೆಶುವಾಗ ಅವು ಸುಮಾರು ಕಳಕ್ಕೊಂಡಿದವು ಹೇಳಿ ಆವುತ್ತು. ಮೊದಲು ಅಜ್ಜನ ಮನೆಲಿ ಸೇರ್ಲೆ ಜನ ಎಷ್ಟಿಕ್ಕು ಮಕ್ಕೋ? ಈಗ ಕುಟುಂಬಂಗೋ ಸಣ್ಣ ಆಗಿ, ಮಕ್ಕಳ ಪ್ರಾಯಲ್ಲಿ ವೆತ್ಯಾಸ ಆಗಿ, ಒಂದೇ ಪ್ರಾಯದವ್ವು ಸಿಕ್ಕುತ್ತವಿಲ್ಲೆ, ಒಬ್ಬಂಗೆ ರಜೆ ಇದ್ದರೆ ಇನ್ನೊಬ್ಬಂಗೆ ಇಲ್ಲೆ ಹೇಳ್ತ ಕಾಲ!!!
ಈ ಒಂದು ವಿಷಯಲ್ಲಿ ನಮ್ಮ ಬಾಲ್ಯದ ಮಧುರತೆಯ ನಮ್ಮ ಮಕ್ಕೊಗೆ ಕೊಡ್ಲೆ ನಾವು ಸೋತತ್ತಾ ಹೇಳಿ ಆವುತ್ತು ಅಲ್ಲದಾ ಭಾವ°?
[ಉತ್ತರುಸಿ]
ಹೊತ್ತುವೇಳೆ: 3 February,2011ರ 4:04 PM ಗೆ. (ಒಪ್ಪಸಂಕೊಲೆ)
ಅಕ್ಕಾ, ಮಾತು ನಿಜ.ಕಾಲಕ್ಕೆ ತಕ್ಕ ಕೋಲ ಹೇಳಿ ಆಯಿದನ್ನೇ..
[ಉತ್ತರುಸಿ]
ಶ್ರೀ ಅಕ್ಕೋ ನೀನು ಹೇಳಿದ್ದು ನೂರಕ್ಕೆ ನೂರೂ ಸತ್ಯ.ಮೊದಲೆಲ್ಲಾ ಒಟ್ಟಿ೦ಗೆ ದೊಡ್ಡ ರಜೆ ಹೇಳಿ ಬೇಸಗೇಲಿ ಎರಡು ತಿ೦ಗಳು ರಜೆ ಸಿಕ್ಕುಗು ಈಗ ಎಲ್ಲಾ ಸೆಮಿಸ್ಟೆರುಗೊ ಒಬ್ಬ೦ಗೆ ರಜೆ ಇದ್ದರೆ ಮತ್ತೊಬ್ಬ೦ಗೆ ರಜೆ ಇಲೆ.ಎಲ್ಲೋರೂ ಸೇರುತ್ತ ಹಾ೦ಗೆ ಜೆ೦ಬ್ರ ಕೂಡಾ ಮದಿಕ್ಕೊ೦ಬಲೆ ಎಡಿತ್ತಿಲ್ಲೆ.ಕಾಲ ಬದಲಿತ್ತಲ್ಲದೊ.ಕೇ೦ಗಿದ್ದರೂ ಕಾಲಾಯ ತಸ್ಮಯಿ ನಮಃ. ಆದರೂ ರಘು ಭಾವನ ಹಾ೦ಗೆ ಒಬ್ಬೊಬ೦ ಹಳೆ ಕಾಲವ ನೆ೦ಪು ಮಾಡಿಯಪ್ಪಗ ಒ೦ದು ಖೊಶಿ ಆವುತ್ತದ.ಒಪ್ಪ೦ಗಳೊಟ್ಟಿ೦ಗೆ
[ಉತ್ತರುಸಿ]
ಹೊತ್ತುವೇಳೆ: 3 February,2011ರ 4:09 PM ಗೆ. (ಒಪ್ಪಸಂಕೊಲೆ)
ಮಾವ,ಹಳೆ ನೆನಪುಗೊ ಹೊಸ ಸ೦ತೋಷ ಕೊಡುತ್ತು .ಮು೦ದಾಣ ಮಕ್ಕೊಗೆ ಈ ಸ೦ತೋಷದ ದಿನ೦ಗೊ ಸಿಕ್ಕಲಿ ಹೇಳಿ ಹಾರೈಸುವ°.
[ಉತ್ತರುಸಿ]
ಲಾಯ್ಕ ಆಯ್ದು ಮುಳಿಯ ಅಣ್ಣ. .:)
[ಉತ್ತರುಸಿ]
ಹೊತ್ತುವೇಳೆ: 4 February,2011ರ 9:47 AM ಗೆ. (ಒಪ್ಪಸಂಕೊಲೆ)
ಪುಚ್ಚಪ್ಪಾಡಿ ಮಹೇಶ ಭಾವ೦ಗೆ ಸ್ವಾಗತ ಮತ್ತೆ ಧನ್ಯವಾದ,ಒಟ್ಟಿ೦ಗೆ..
[ಉತ್ತರುಸಿ]
ಭಾವಯ್ಯ ನಿಂಗ ಇದರ ಪೋಸ್ಟ್ ಮಾಡಿದ ದಿನಂದ ದಿನಕ್ಕೆ ನಾಲ್ಕು ಸರ್ತಿ ಓದುತ್ತ ಇದ್ದೆ….ಓದಿಗೊಂಡು ಹೋಪಗ ಹಳತ್ತು ಎಲ್ಲ ನೆನಪ್ಪಾಗಿ ಖುಷಿ ಆಉತ್ತು…… ಹಿಂಗಿಪ್ಪದು ಇನ್ನುದೆ ಬರಲಿ.
[ಉತ್ತರುಸಿ]
ಹೊತ್ತುವೇಳೆ: 4 February,2011ರ 9:46 AM ಗೆ. (ಒಪ್ಪಸಂಕೊಲೆ)
ರಾಜಣ್ಣ, ಎನಗೆ ಬರವಗ ಆದ ಅನುಭವ ನಿ೦ಗೊಗೆ ಓದೊಗ ಸಿಕ್ಕಿರೆ ಆನು ಧನ್ಯ.ನಿ೦ಗಳ ಪ್ರೋತ್ಸಾಹಕ್ಕೆ ಧನ್ಯವಾದ.ಇನ್ನೂ ಪ್ರಯತ್ನ ಮಾಡ್ತೆ.
[ಉತ್ತರುಸಿ]
ರಘು ಅಣ್ಣ, ಭಾರಿ ಲಾಯಕಿಲಿ ಬರದ್ದಿ.ಎನ್ನ ಅಜ್ಜನ ಮನೆ ನೆ೦ಪಾತು ಒ೦ದಾರಿ..
ಸಣ್ಣಾಗಿಪ್ಪಗ ಮಾಡಿದ ಲೂಟಿ, ಅಜ್ಜ೦ದ್ರಿ೦ಗೆ ಕೊಟ್ಟ ಕಾಟ, ಎಲ್ಲಾವೂ ಒ೦ದಾ ಕಣ್ಣ ಮು೦ದೆ ಬೊ೦ತು.ಧನ್ಯವಾದ೦ಗೊ.
[ಉತ್ತರುಸಿ]
ಹೊತ್ತುವೇಳೆ: 4 February,2011ರ 1:35 PM ಗೆ. (ಒಪ್ಪಸಂಕೊಲೆ)
ಅದಾ..ಚುಬ್ಬಣ್ಣ ಜೋರಿತ್ತಿದ್ದ° ಹೇಳಿ ಆತದಾ.ನಮ್ಮ ಅಜ್ಜ೦ದ್ರೂ ಸ೦ತೋಷಲ್ಲಿ ಸಹಿಸಿಗೊ೦ಡು ಇತ್ತಿದ್ದವನ್ನೇ..
[ಉತ್ತರುಸಿ]
ಬಲು ಸಮರ್ಥರು ನಿಜಕು ನಿಂಗಳೆ-
ಒಲುಸಿಗೊಂಡಿದಿ ಬೊಮ್ಮನರಸಿಯ!
ಕಲಶ ಮಡುಗಿದಿಯದರ ಮುಡಿಗೆ ಸುಲಲಿತ ಭಾಮಿನಿಲಿ
ಕಲುಶಿ ಕೊಡುವಿರೊ ಭಾವ ಎಂಗೊಗು
ಬಳಸಿ ಹವ್ಯಕ ಪದಂಗಳನ್ನೆ
ಕಲಸಿ ಚೊಕ್ಕಕೆ ಕಾವ್ಯ ಕಟ್ಟುವ ಕೆಣಿಯ ಅನುನಯಲಿ?
[ಉತ್ತರುಸಿ]