Oppanna.com

ಮನೆ ಪಗರುವ ಹೊತ್ತು

ಬರದೋರು :   ಮುಳಿಯ ಭಾವ    on   04/01/2015    5 ಒಪ್ಪಂಗೊ

ವೈಶಾಖದ ರವಿಕಿರಣ೦ಗಳ ಬೆಶಿ ಶೇಖವ ತಡೆಯದ್ದೆ
ಅಜ್ಜಿಯ ಮೋರೆಯ ನೆರಿಗೆಯ ಸೋಲುಸುವಾ೦ಗಾತೋ ಗೆದ್ದೆ
ಕಡಲು ಕೆರೆಯ ನೀರಿನ ಹನಿ ಬಾನಕ್ಕೇರಿತೊ ತಳಿಯದ್ದೆ
ಹಾರಿ ತೇಲಿ ಮುಗಿಲಾಕಾಶಲ್ಲಿಡಿ ಬೆಳಿಯ ಬೆಣ್ಣೆ ಮುದ್ದೆ ||ಓವೋ ನೋಡಿ ಸೋತು ಬಿದ್ದೆ||

ಬೆಳಿಮೋಡಕ್ಕೀ ಕರಿಬಣ್ಣವ ಬಳುಗಿದ್ದವೊ ನೆಡುವಿರುಳು?
ಸುಳಿಗಾಳಿಯ ಕಳುಸಿದ್ದವೊ? ಜತೆಯಾಗೀಗ ಮನಸು ಮರುಳು
ನೀರಹನಿಗೊ ಭೂದೇವಿಯ ಮೋರೆಲಿ ಬೆಗರಿನಾ೦ಗೆ ಉರುಳೀ
ಬಾಡಿದ ತೆ೦ಗಿನ ಕ೦ಗಿನ ಕೊಡಿ ನೆಗೆ ಮಾಡಿತ್ತೀಗರಳೀ ||ಓವೋ ಸುಖಬೇನೆಲಿ ನರಳೀ||

ಕೃಷಿಕರ ಮೋರೆಲಿ ಬೆಳಿನೆಗೆ ಮಲ್ಲಿಗೆ ಮೊಗ್ಗು ಬಿರುದ ಹೊತ್ತು
ನೇಜಿ ನೆಟ್ಟು ಭತ್ತದ ಪೈರಿನ ತೆನೆ ಕನಸಿಲಿ ಕ೦ಡತ್ತು
ಹಟ್ಟಿಲಿದ್ದ ದನ ಕ೦ಜಿಯ ಬೆನ್ನಿನ ಮುದ್ದಿಲಿ ನಕ್ಕಿತ್ತು
ಮುಳಿ ಬೆಳುಹುಲ್ಲುಗೊ ಬೊಡುದತ್ತದ ಹಸಿಹುಲ್ಲು ನವಗೆ ಸೊತ್ತು|| ಓವೋ ಮೋರೆಲೊ೦ದು ಗತ್ತು||gedde hoote

ಈ ಗೆದ್ದೆಯ ಕಟ್ಟಪ್ಪುಣಿ ದಾ೦ಟೊಗ ಜೋಡೆತ್ತಿನ ತಟ್ಟಿ
ನೊಗನೇಗಿಲು ಹಿಡುದಾ ದೂಮನೊ ಹೂಡಿತ್ತು ಕಚ್ಚೆ ಕಟ್ಟಿ
ಬಾಯಿಲಿ ಪಾಡ್ದನದಿ೦ಪಿನ ನಾದವ ಹೆರಡುಸಿತ್ತು ಗಟ್ಟಿ
ಆ ರಾಗಕ್ಕೆನ್ನಯ ತಲೆತೂಗಿತ್ತ೦ದು ಹೃದಯ ಮುಟ್ಟಿ  ||ಓವೋ ಭಳಿರೆ ಭಳಿರೆ ನೆಟ್ಟಿ||

ಮಳೆ ಸೆಕೆಗಾಲದ ಮನೆಪಗರುಲೆ ಬ೦ದತ್ತೊ ಹೊಸ್ತಿಲಿ೦ಗೆ?
ಜನಜೀವನಯಾನಲ್ಲೊ೦ದರಿ ಹೊಸ ದಿಬ್ಬಣ ಮೆರವಣಿಗೆ
ಮನ ಧೀ೦ಗಣ ಗಿರಕಿಲಿ ತಿರುಗುತ್ತೀ ಭಾವನೆಗಳ ಸುಳಿಗೇ
ಹರಿಗು ಶಾ೦ತಿ ಸುಖ ಸಮೃದ್ಧಿಯ ರಸಸುಧೆಯಿ೦ದೀ ಇಳೆಗೇ || ಓವೋ ಈ ಮನ ಮಾಳಿಗೆಗೇ||

 

ಚಿತ್ರಕೃಪೆ : ಅ೦ತರ್ಜಾಲ

ಮುಳಿಯ ಭಾವ

5 thoughts on “ಮನೆ ಪಗರುವ ಹೊತ್ತು

  1. ಓದಿದವಕ್ಕೆ ,ಓದಿ ಒಪ್ಪ ಕೊಟ್ಟವಕ್ಕೆ ಧನ್ಯವಾದ೦ಗೊ .

  2. ಅಜ್ಜಿಯ ಮೋರೆಯ ನೆರಿಗೆಗಳ ಹಾ೦ಗೆ… ಹೋಲಿಕೆ ತು೦ಬಾ ಲಾಯಿಕ ಆಯಿದು ಮುಳಿಯ ಭಾವಯ್ಯಾ….
    ಸುಮಾರು ಸಮಯದ ನ೦ತರ ಬೈಲಿ೦ಗೆ ಬ೦ದದು ಆನು… ಇಲ್ಲಿ ನೋಡಿದರೆ ಆನು ಇಷ್ಟು ಸಮಯ ತು೦ಬಾ ಮಿಸ್ ಮಾಡಿಗೊ೦ಡನೋ ಹೇಳಿ ಕ೦ಡತ್ತು.

  3. ಅಜ್ಜಿಯ ಮೋರೆಯ ನೆರಿಗೆಗಳ ಹಾ೦ಗೆ… ಹೋಲಿಕೆ ತು೦ಬಾ ಲಾಯಿಕ ಆಯಿದು ಮುಳಿಯ ಭಾವಯ್ಯಾ….
    ಸುಮಾರು ಸಮಯದ ನ೦ತರ ಬೈಲಿ೦ಗೆ ಬ೦ದದು ಆನು… ಇಲ್ಲಿ ನೋಡಿದರೆ ಆನು ಇಷ್ಟು ಸಮಯ ತು೦ಬಾ ಮಿಸ್ ಮಾಡಿಗೊ೦ಡನೋ ಹೇಳಿ ಕ೦ಡತ್ತು.

  4. ಭಾವ ಅದ್ಭುತವಾಗಿ ಬೈಂದು.ಕವಿಗಳಿಗೆ ನಮೋ ನಮಃ

Comments are closed.

ಒಪ್ಪಣ್ಣ
ದೇವಸ್ಯ ಮಾಣಿ
ಕಾವಿನಮೂಲೆ ಮಾಣಿ
ಅಕ್ಷರ°
ಅನಿತಾ ನರೇಶ್, ಮಂಚಿ
ಅನು ಉಡುಪುಮೂಲೆ
ಎಬಿ ಭಾವ
ಬಂಡಾಡಿ ಅಜ್ಜಿ
ಬಟ್ಟಮಾವ°
ಪುಣಚ ಡಾಕ್ಟ್ರು
ಮಾಲಕ್ಕ°
ಬೋಸ ಬಾವ
ಒಪ್ಪಣ್ಣ
Menu
×