ಅತೀಂದ್ರಿಯ ಶಕ್ತಿಯ ತೋರಿಸಿ ಕೊಟ್ಟ ಒಂದು ಪ್ರಸಂಗ

• Author
• Recent Posts

ಗೋಪಾಲಣ್ಣ

ಶೇಡಿಗುಮ್ಮೆ ಗೋಪಾಲಣ್ಣನ ಬಗ್ಗೆ ಬೈಲಿಂಗೆ ಮೊದಲೇ ಅರಡಿಗು.
ಶರ್ಮಪ್ಪಚ್ಚಿ ಅವರಬಗ್ಗೆ ವಿಶೇಷವಾದ ಶುದ್ದಿಯನ್ನೇ ಬೈಲಿಂಗೆ ಹೇಳಿತಿಳುಸಿದ್ದವು.
( ಸಾಧನೆಗೆ ಅಡ್ಡಿ ಆಗದ್ದ ಅಂಗವೈಕಲ್ಯ: https://oppanna.com/nammooru/shedigumme-gopalakrishna-bhat )

ಹ್ಮ್, ಅಪ್ಪು.
ಶರ್ಮಪ್ಪಚ್ಚಿ ಹೇಳಿದ ಹಾಂಗೆಯೇ, ಅವು ದೈಹಿಕವಾಗಿ ಎದ್ದು ನಿಂಬಲೆ ಸಾಧ್ಯ ಆಗದ್ದೆ ಇಕ್ಕು, ಆದರೆ ಅವು ಮಾನಸಿಕವಾಗಿ ಎದ್ದು ನಿಂದ ರೀತಿ ಇದ್ದನ್ನೆ- ಅದರ ಗ್ರೇಶಿರೆ ಒಪ್ಪಣ್ಣಂಗೆ ತುಂಬಾ ಕೊಶಿ ಅಪ್ಪದು.
ಸ್ವಂತವಾಗಿ ಬರದು ಪಾಸಪ್ಪ ಪರೀಕ್ಷೆಗೊ, ಅದರಿಂದ ಮತ್ತೆ ಸಿಕ್ಕಿದ ಸ್ವಂತ ಉದ್ಯೋಗ, ಅಲ್ಲಿಂದ ಮುಂದಕ್ಕೆ ನೆಡದು ಬಂದ ಸ್ವಂತ ಸಂಪಾದನೆಯ ಜೀವನ – ಇದರ ಎಲ್ಲವನ್ನುದೇ ಗ್ರೇಶಿರೆ, ಜೀವನವ ಎದರುಸಲೆ ಒದಗಿ ಬಂದ ದೈವಪರೀಕ್ಷೆ ಹೇಳಿ ಅನುಸುದು ಒಪ್ಪಣ್ಣಂಗೆ.
ಈಗ ಅವು ಉದ್ಯೋಗಸ್ಥರಾಗಿದ್ದರೂ, ಕೆಲವು ಪುಸ್ತಕಂಗಳ ಬರದು ಸಾಹಿತ್ಯಕ್ಷೇತ್ರಕ್ಕೂ ಹೊಂದುತ್ತ ಸಾಧನೆಯ ಮಾಡಿ ತೋರುಸಿದ್ದವು.
ಅವರ ಜೀವನಗಾಥೆಯೇ ಒಳುದೋರಿಂಗೆ ಪ್ರೇರೇಪಣೆ.
ಇದರನ್ನೇ ನಮ್ಮ ಶರ್ಮಪ್ಪಚ್ಚಿ ಐದಾರು ತಿಂಗಳು ಹಿಂದೆ ಹೇಳಿದ್ದದು!
ಇರಳಿ, ನಮ್ಮ ಹತ್ತರಾಣೋರು ಹಾಂಗೆ ಮಿಂಚಿರೆ ನವಗೂ ಕೊಶಿಯೇ.
ಅವು ಇನ್ನೂ ಹತ್ತರೆ ಬಂದರೆ ಮತ್ತೂ ಕೊಶಿ, ಅಲ್ಲದೋ?
ಬೈಲಿಂಗೆ ಶುದ್ದಿ ಹೇಳುತ್ತಿರೋ – ಕೇಳಿದೆ ಒಂದರಿ ಅವರತ್ರೆ.
ಸಂತೋಷಲ್ಲಿ ಒಪ್ಪಿಗೊಂಡವು. ಅವು ಒಪ್ಪಿ, ತಕ್ಷಣ ಕೊಶೀಲಿ ಕಳುಸಿದ ಆ ಶುದ್ದಿಯ ಕಂಡು ಒಪ್ಪಣ್ಣಂಗೆ ಕೊಶಿಯೂ ಆಶ್ಚರ್ಯವೂ ಆಗಿಬಿಟ್ಟತ್ತು!

ಅವರ ಶುದ್ದಿಗಳ ನಾವೆಲ್ಲೊರೂ ಕೇಳುವೊ°, ಪ್ರೀತಿಲಿ ಒಪ್ಪ ಕೊಡುವೊ°.
ಸಾಹಿತ್ಯದ ಅವರ ಅಭಿರುಚಿಯ ಇನ್ನುದೇ ಬೆಳೆಸುವೊ°, ಆಗದೋ?

Latest posts by ಗೋಪಾಲಣ್ಣ (see all)

• ಸಣ್ಣ ಸಂಗತಿ - February 13, 2018
• ದೇಶಸೇವೆ - August 15, 2017
• ಶೇಡಿಗುಮ್ಮೆ ವಾಸುದೇವ ಭಟ್ಟ್ರಿಂಗೆ ಯಕ್ಷಗಾನ ಅಕಾಡೆಮಿಯ ಗೌರವ - August 15, 2017

ಈ ನೈಜ ಘಟನೆಯ ಆನು ನೋಡಿದ್ದಿಲ್ಲೆ.ಕೇಳಿದ್ದು.
ಇದು ನಡೆದ್ದು ಆನು ಹುಟ್ಟುವಂದ ಸುಮಾರು ೮-೧೦ ವರ್ಷ ಮೊದಲೆ.ಹೇಳಿದರೆ ೧೯೫೫ರ ಸುಮಾರಿಂಗೆ ಆದಿಕ್ಕು.
ಎನ್ನ ಅಪ್ಪ [ ಶೇಡಿಗುಮ್ಮೆ ಕೃಷ್ಣ ಭಟ್ರು]ಭಾಗವತಿಕೆ ಮಾಡಿಕೊಂಡಿತ್ತಿದ್ದವು.ಅವರದ್ದು ಹಳೆ ಸಾಂಪ್ರದಾಯಿಕ ಶೈಲಿಯ ಭಾಗವತಿಕೆ.ಪದ್ಯವ ತುಂಬಾ ತಾರ ಸ್ಥಾಯಿಲಿ ಹೇಳುಗು.
ಅವು,ಗೆಳೆಯರು ಎಲ್ಲಾ ಸೇರಿ ಮನೆಯ ಹತ್ತರೆ[ಕುಂಬಳೆಲಿ] ದೇವಿ ಮಹಾತ್ಮೆ ಆಟ ಆಡಿದವು.ಆ ಆಟಲ್ಲಿ ಒಬ್ಬಂಗೆ ರಕ್ತೇಶ್ವರಿಯ ವೇಷಕ್ಕೆ ಸರಿಯಾಗಿ ತೆಂಗಿನ ಮಡಲಿನ ತಿರಿ ಕಟ್ಟಿ ,ದೈವದ ಹಾಂಗೆ ವೇಷ ಮಾಡಿಸಿದ್ದವಾಡ.
ವೇಷ ಕಟ್ಟಿ ಪ್ರವೇಶ ಆದಪ್ಪಾಗ ವೇಷಧಾರಿಗೆ ನಿಜವಾಗಿ ಆವೇಶವೇ ಬಂತಡ!ಅದ್ಭುತವಾದ ,ಭಯಾನಕ ದೃಶ್ಯ ! ವೇಷಧಾರಿ ದೊಂದಿಯ ತನ್ನ ಹೊಟ್ಟೆಗೆ ಹಿಡುಕ್ಕೊಂಡತ್ತಡ- ಮತ್ತೆ ಶೈತ್ಯೋಪಚಾರ,ಮದ್ದು ಮಾಡೆಕ್ಕಾಗಿ ಬಂತು.
ಇದೇಕೆ ಹೀಂಗಾತು?ಹೇಳಿ ವಿಚಾರ ಮಾಡಿದ ಎನ್ನ ಅಪ್ಪ ವೇಷಕ್ಕೆ ತಿರಿ ಕಟ್ಟಿ ಅಣಿ ಮಾಡಿ ಕೊಟ್ಟ ಮನುಷ್ಯನ ಹತ್ತರೆ ಕೇಳಿದವು.
ಆ ಜನ ಪರಿಚಿತನೇ-ನಿಜವಾಗಿ ಭೂತ ಕಟ್ಟುವ ಜನವೇ-ಹೆದರಿಕೊಂಡು ವಿನಯಲ್ಲಿ ಹೇಳಿತ್ತಡ-“ಆಟಕ್ಕೆ ವೇಷಕ್ಕಾಗಿ ತಿರಿ ಕಟ್ಟುವಾಗ ಒಂದೆರಡು ತಿರಿಯ ತಪ್ಪಿಸಿ ಮಡುಗೆಕಾತು-ಆನು ಸಮಾ ಮಡುಗಿ ಕಟ್ಟಿದೆ.[ಹೇಳಿದರೆ ಭೂತ ಕಟ್ಟುವಾಗ ಕಟ್ಟುವ ಹಾಂಗೆ]ಹಾಂಗಾಗಿ ಈ ರೀತಿ ಆತು…ಹೇಳಿ ಕಾಣುತ್ತು”.
ಎನ್ನ ಅಪ್ಪ ಆ ಜನದ ಕಾರ್ಯ ಶ್ರದ್ಧೆಯ,ದೇವಿಯ ಮಹಿಮೆಯ ಬಗ್ಗೆ ಹೇಳಿಕೊಂಡಿತ್ತಿದ್ದವು.ಆಗಾಗ ಈ ಘಟನೆಯ ನೆನಪು ಮಾಡಿಕೊಂಡಿತ್ತಿದ್ದವು.

ಅಪ್ಪಂಗೆ ದೇವಿಯ ಮೇಲೆ ನಂಬಿಕೆ ಇತ್ತು-ಗೊಂದಲ ಇತ್ತಿಲ್ಲೆ.ಅವು ಈಗ ಇಲ್ಲೆ.೧೯೮೨ರಲ್ಲಿ ಸ್ವರ್ಗಸ್ಥರಾಯಿದವು.
ಆದರೆ ನಾವು ಈಗಾಣವು-ನಮಗೆ ವಿಚಾರವಾದ,ನಾಸ್ತಿಕತೆ ಎಲ್ಲಾ ಕೇಳಿ ಗೊಂತು.ದೇವರು,ದೈವ ಭೂತ ಎಲ್ಲಾ ಒಂದು ಪರಿಧಿಯ ವರೆಗೆ ಮಾತ್ರ ನಂಬುದು-ಮತ್ತೆ ನಾವು ಸಯನ್ಸು ಹೇಳಿದ್ದರ ನಂಬುವವು.
ಎನಗೆ ಈಗಲೂ ಆಶ್ಚರ್ಯ ಆವುತ್ತು-ಇದು ಹೇಂಗಾತು ಹೇಳಿ.ತಿರಿಯ ಸರಿಯಾಗಿ ಕಟ್ಟಿದ್ದು ವೇಷಧಾರಿಗೆ ಗೊಂತಿಲ್ಲೆ,ಭಾಗವತರಾದ ಅಪ್ಪಂಗೆ ಗೊಂತಿಲ್ಲೆ.
ಆದರೆ ವೇಷಧಾರಿಗೆ ಆವೇಶ ಬಂದದು ಸತ್ಯ. ಅದು ಚೆಂಡೆಯ ಪೆಟ್ಟಿನ ಶಬ್ದಕ್ಕೊ?ಏರು ಪದ್ಯದ ಸ್ಥಾಯಿಯ ಕೇಳಿಯೊ? ಆ ಮನುಷ್ಯ ಪಾತ್ರಲ್ಲಿ ತಾದಾತ್ಮ್ಯ ಹೊಂದಿದ್ದಕ್ಕೊ?ಅಥವಾ ಭೂತ ಕಟ್ಟುವವು ತಿರಿಯ ಕ್ರಮಪ್ರಕಾರ ಕಟ್ಟಿ ಕೊಟ್ಟದಕ್ಕೊ?
ಅದರ ಕಂಡವು ಈಗಲೂ ಇದ್ದವು.ಆರಿಂಗೂ ಅದರ ಇದೇ ಕಾರಣಕ್ಕೆ ಹೀಂಗೆಆತು ಹೇಳಿ ಹೇಳುಲೆ ಎಡಿಯ.
ಇದು ಅತೀಂದ್ರಿಯವಾದ ಶಕ್ತಿ ಹೇಳಿ ತಿಳಿದ್ದೆ ಆನು.ಕೆಲವರು ಇದರ ಗೇಲಿ ಮಾಡುಗು ಹೇಳಿ ಆನು ಈ ವರೆಗೆ ಎಲ್ಲಿಯೂ ಇದರ ಬರೆದ್ದಿಲ್ಲೆ.
ದೇವಿ ಮಹಾತ್ಮೆಯ ಕತಾರೂಪಲ್ಲಿ ಒಪ್ಪಣ್ಣ.ಕಾಮ್ ಲಿ ಬರೆವಾಗ ಇದರ ಬರೆಯೆಕ್ಕು ಹೇಳಿ ಅನಿಸಿತ್ತು.
ಇದು ದೇವಿಯ ಮಹಿಮೆ ಹೇಳಿ ಆಸ್ತಿಕರು ಹೇಳುಗು.ಬರೇ ಆಕಸ್ಮಿಕ ಹೇಳಿ ಕೆಲವರು ತಳ್ಳಿ ಹಾಕುಗು.ಎಲ್ಲವೂ ಅವರವರ ತೀರ್ಮಾನಕ್ಕೆ ಬಿಟ್ಟದು.
ಆದರೆ ಈ ಘಟನೆ ನಮಗೆ ತಿಳಿಯದ್ದ ವಿಷಯ ಲೋಕಲ್ಲಿ ಇದ್ದು ಹೇಳಿ ತೋರಿಸಿಕೊಡುತ್ತು,ಯಾವುದನ್ನೂ ನಾವು ಸಸಾರ ಮಾಡುಲೆ ಎಡಿಯ ಹೇಳಿ ನಮ್ಮ ಎಚ್ಚರಿಸುತ್ತು ಹೇಳಿ ಎನ್ನ ಅಭಿಪ್ರಾಯ.