ನೆಗೆಬುಗ್ಗೆಗೊ

June 26, 2014 ರ 10:30 amಗೆ ನಮ್ಮ ಬರದ್ದು, ಇದುವರೆಗೆ 8 ಒಪ್ಪಂಗೊ.

ಸಣ್ಣಸಂಕೊಲೆ(shortlink):

ಶುದ್ದಿಯ ಪ್ರಿಂಟು ಮಾಡ್ಳೆ ಇಲ್ಲಿ ಒತ್ತಿ ಶುದ್ದಿಯ ಪ್ರಿಂಟು ಮಾಡ್ಳೆ ಇಲ್ಲಿ ಒತ್ತಿ  

1. ಒಂದು ದಿನ ಉದಿಯಪ್ಪಗ ಏಳುವಾಗ ಬಟ್ಟಮಾವನ ಮನೆಮುಂದೆ ಒಂದು ಕತ್ತೆ ಸತ್ತು ಬಿದ್ದಿತ್ತು. ಬಟ್ಟಮಾವ ಫೋನಿಲ್ಲಿ ಅದರ ಪುರಸಭಾಧಿಕಾರಿಗೆ ತಿಳಿಶಿದವು. ಹಾಸ್ಯಪ್ರಿಯ ಆಗಿತ್ತಿದ್ದ ಆ ಪುರುಸಭಾಧಿಕಾರಿ ಉತ್ತರವಾಗಿ ‘ನಿಂಗೊ ಪುರೋಹಿತರಲ್ಲದೊ?, ನಿಂಗಳೇ ಉತ್ತರಕ್ರಿಯೆಯನ್ನೂ ನೆರವೇರಿಸಿ ಬಿಡಿ’ ಹೇಳಿದ°.
ಹೀಂಗೆಲ್ಲ ಹೇಳಿರೆ ಬಟ್ಟಮಾವ° ಸುಮ್ಮನಿಕ್ಕೊ! ಬಟ್ಟಮಾವ° – “ನಿಂಗೊ ಹೇಳಿದ್ದೇನೋ ಸರಿ., ಆದರೆ ಮೃತರ ಸಂಬಂಧಿಕರಿಂಗೆ ಬಂಧುಬಾಂಧವರಿಂಗೆ ಸುದ್ದಿಮುಟ್ಟುಸೆಕ್ಕಲ್ಲದೊ? ಅದಕ್ಕೇ ನಿಂಗೊಗೆ ಕೂಡ್ಳೆ ಫೋನ್ ಮಾಡಿದೆ” – ಹೇಳಿದವು !! 😀
~~negebuggego
2. ಇಬ್ರು ಹೆಮ್ಮಕ್ಕೊ ಅವರ ಗೆಂಡಂದಿರ ಬುದ್ಧಿವಂತಿಕೆ ಎಷ್ಟು ಹೇಳುವದರ ಬಗ್ಗೆ ಮಾತ್ನಾಡಿಗೊಂಡಿತ್ತಿದ್ದವು.
ಒಂದು ಅಕ್ಕ° ಹೇಳಿತ್ತು – “ಎನ್ನ ಗೆಂಡ° ಎಷ್ಟು ಉಷಾರು ಹೇಳಿರೆ ಹೇಳ್ಳೇ ಎಡಿಯ. ಎನ್ನ ಗೆಂಡ ಏವದೇ ವಿಷಯದ ಮೇಲೆ ಬೇಕಾರು ಒಂದು ಗಂಟೆ ಎಡೆಬಿಡದ್ದೆ ಮಾತನಾಡುಗು”
ಅದಕ್ಕೆ ಇನ್ನೊಂದು ಅಕ್ಕ° ಹೇಳಿತ್ತು – “ಎನ್ನ ಗೆಂಡ° ಅದಕ್ಕಿಂತಲೂ ಉಷಾರು ಗೊಂತಿದ್ದ?!, ಏವುದೇ ವಿಷಯ ಇಲ್ಲದ್ದಯೇ ಎನ್ನ ಗೆಂಡ° ಎರಡು ಗಂಟೆ ಎಡೆಬಿಡದ್ದೆ ಮಾತನಡುಗು” 😀
~~
3. ಇದ್ದಕ್ಕಿದ್ದಾಂಗೆ ಒಂದಿನ ಶಾಲಗೆ ಇನ್ಸುಪೆಕ್ಟ್ರ ಬಂದ°. ಹೆಡ್ಮಾಸ್ಟ್ರ° ಅವನ ಕರಕ್ಕೊಂಡು ಕ್ಲಾಸುಗಳ ತೋರ್ಸಲೆ ಹೇಳಿ ಹೋದ°. ಒಂದು ಕ್ಲಾಸಿಲ್ಲಿ ಪಾಠಪುಸ್ತಕಲ್ಲಿಪ್ಪ ಸೀತಾ ಸ್ವಯಂವರ’ ಪಾಠವ ನೋಡಿ, ಶಿವಧನುಸ್ಸಿನ ಮುರುದ್ದದು ಆರು? ಹೇಳಿ ಪ್ರಶ್ನೆ ಕೇಳಿದ°. ಮಕ್ಕೊಗೆ ಆ ಪಾಠ ಇನ್ನೂ ಆಗಿತ್ತಿಲ್ಲೆ, ವಿಷಯ ಎಂತ ಹೇಳಿಯೇ ಗೊಂತಿತ್ತಿಲ್ಲೆ. ಹೆದರಿಹೋದ ಮಕ್ಕೊ ಅನಲ್ಲ ಆನಲ್ಲ ಹೇಳಿ ತತ್ತರಿಸಿದವು. ಮಕ್ಕೊಗೆ ಪಾಠ ಆಯ್ದಿಲ್ಲೆ ಹೇದು ಅರಡಿಯದ್ದ ಇನ್ಸುಪೆಕ್ಟ್ರ ಅಲ್ಲಿಗೆ ಬಿಟ್ಟಿದನಿಲ್ಲೆ. ಅವರ ಕ್ಲಾಸುಮಾಷ್ಟ್ರನತ್ರೆ ‘ಶಿವಧನುಸ್ಸಿನ ಮುರುದ್ದದು ಆರು ಮಾಷ್ಟ್ರೇ?’ ಹೇದು ಕೇಳಿದ°

ಕ್ಲಾಸುಮಾಷ್ಟ್ರಂಗೂ ಆ ಪಾಠಪುಸ್ತಕ ಹೊಸತ್ತು. ಇನ್ನೂ ಪೂರ್ತಿ ಓದಿ ಆಗಿತ್ತಿದ್ದಿಲ್ಲೆ. ಆನಲ್ಲ ಸಾರ್, ಬೇರೆ ಆರು ಹೇಳಿ ಎನಗೊಂತಿಲ್ಲೆ ಹೇಳಿದ°.

ಇನ್ಸುಪೆಕ್ಟ್ರಂಗೆ ಪಿಸುರು ಎಳಗಿತ್ತು ಕ್ಲಾಸುಮಾಷ್ಟ್ರನೂ ಹೀಂಗೆ ಹೇಳಿಯಪ್ಪಗ. ಹೆಡ್ಡುಮಾಷ್ಟ್ರನತ್ತಂಗೆ ಇನ್ಸುಪೆಕ್ಟ್ರ ತಿರಿಗಿ ನೋಡಿಯಪ್ಪಗ ಹೆಡ್ಡುಮಾಷ್ಟ್ರ° ಹೇಳಿದ° – ಆನು ಈ ಶಾಲಗೆ ಬಂದು ಹತ್ತೊರುಶ ಆತು. ಆನು ಬಂದ ಲಾಗಾಯ್ತು ಅಂಥದ್ದೊಂದು ಬಿಲ್ಲು ಈ ಶಾಲೆಲಿ ಆನು ಕಂಡಿದಿಲ್ಲೆ. ಆನು ಬಪ್ಪಂದ ಮದಲೆ ಇತ್ತಿದ್ದದು ಆಗಿರ್ತಿದ್ರೆ ಅಂಬಗಳೇ ಆರಾರು ಅದರ ಮುರುದು ಹಾಕಿಕ್ಕು. ನಿಂಗೊ ಅದೀಗ ಈ ಶಾಲೆಲಿ ಅಗತ್ಯ ಬೇಕು ಹೇಳಿ ಹೇಳುತ್ತರೆ ಅದಕ್ಕೆ ತಕ್ಕ ವ್ಯವಸ್ಥೆ ಮಾಡುಸುವೊ.

ಆ ಶಾಲೆ ಬಗ್ಗೆ ಆ ಇನ್ಸುಪೆಕ್ಟ್ರ ಮತ್ತೆ ಎಂತ ರಿಪೋರ್ಟ್ ಬರದ್ದ° ಹೇಳಿ ಗೊಂತಾಯ್ದಿಲ್ಲೆ.

~~

4. ರೋಗಿಯ ಗಂಭೀರ ಪರಿಸ್ಥಿತಿಯ ಗಮನುಸಿದ ಡಾಕುಟ್ರ° – “ನಿನ್ನ ಅಕೇರಿಯಾಣ ಆಸೆ ಏನಾರು ಇದ್ದರೆ ಹೇಳಿ” – ಹೇಳಿ ಕೇಳಿದಾ.
ಅದಕ್ಕೆ ಆ ರೋಗಿ ಹೇಳಿದ – ಅಕೇರಿಯಾಣ ಆಸೆ ಬೇರೆಂತದೂ ಇಲ್ಲೆ. ಈಗಾದರೂ ಎಲ್ಲ್ಯಾರು ಒಳ್ಳೆ ಡಾಕುಟ್ರನಲ್ಲಿಗೆ ಎನ್ನ ಒಂದಾರಿ ಕರಕ್ಕೊಂಡು ಹೋಗಿ, ಅಷ್ಟೇ ಸಾಕು” 😀
~~
5 ಮದುವೆ ಆಯೇಕ್ಕಾಗಿದ್ದ ರಾಜೇಶ° ಬೆಂಗಳೂರಿಲ್ಲಿ ಎಷ್ಟು ಹುಡ್ಕಿರೂ ನೇರ್ಪ ಬಾಡಿಗ್ಗೆ ಮನೆ ಸಿಕ್ಕಿದ್ದಿಲ್ಲೆ ಹೇದು ಮದುವಗೆ ಒಪ್ಪಿದ್ದನಿಲ್ಲೆ.
ಅದಕ್ಕೆ ಅವನ ಚೆಂಙಾಯಿ ಗಣೇಶ° ಒಂದು ಉಪಾಯ ಹೇಳಿದ° – ನೇರ್ಪ ಬಾಡಿಗೆ ಮನೆ ಸಿಕ್ಕುವನ್ನಾರ ನಿನಗೆ ಮಾವನ ಮನೆಲಿ ಇಪ್ಪಲಕ್ಕನ್ನೆ?!
ಅದಕ್ಕೆ ರಾಜೇಶ ಹೇಳಿದಾ – ಅದು ಸಾಧ್ಯವೇ ಇಲ್ಲೆ. ಏಕೆ ಹೇಳಿರೆ ಎನ್ನ ಮಾವನೂ ಅವಕ್ಕೆ ನೇರ್ಪ ಮನೆ ಸಿಕ್ಕದ್ದೆ ಇನ್ನೂ ಅವರ ಮಾವುಗಳ ಮನೆಲಿಯೇ ಇದ್ದವು ! 😀
~~
6. ಕೂಸುಗಳ ಹಿಂದೆ ಸುತ್ತುವ ಒಬ್ಬ ಶಿಷ್ಯಂಗೆ ಪ್ರೊಫೆಸರ ಹೇಳಿದ° – ಬಸ್ಸಿನ ಹಿಂದೆಯೂ ಕೂಸಿನ ಹಿಂದೆಯೂ ಓಡ್ಳಾಗ. ಒಂದು ತಪ್ಪಿರೆ ಮತ್ತೊಂದು ಬಕ್ಕು. ಅದರ್ಲಿ ಸಂಶಯವೇ ಇಲ್ಲೆ. 😀
~~
7. ಒಂದು ಕೊಡೆಯ ಅಡಿಲಿ ಅರುವತ್ತು ಜೆನ ನಿಂದಿತ್ತಿದ್ದವು. ಆರೊಬ್ಬನೂ ಚೆಂಡಿ ಆಯಿದವೇ ಇಲ್ಲೆ.
ಏಕೆ??!
ಏಕೆ ಹೇಳಿರೆ ಅಂಬಗ ಮಳೆ ಬಂದುಗೊಂಡಿತ್ತಿದ್ದಿಲ್ಲೆ. 😀
~~
8. ಒಬ್ಬ ಅಜ್ಜನ ಹತ್ತರೆ ಮದುವೆ ಅಪ್ಪಲಿಪ್ಪ ಒಬ್ಬ ಜೆವ್ವನಿಗ ಕೇಳಿದ°– “ಮದುವೆಯ ಬಗ್ಗೆ ಅನುಭವಸ್ಥರು ಎಂತ ಹೇಳುತ್ತವು?
ಅದಕ್ಕೆ ಆ ಅಜ್ಜ ಹೇಳಿದ° – “ಪ್ರತಿಯೊಬ್ಬನೂ ಮದುವೆ ಅಪ್ಪಲೇ ಬೇಕು. ಏಕೆ ಹೇಳಿರೆ ಸಂತೋಷ ಒಂದೇ ಜೀವನದ ಸರ್ವಸ್ವ ಅಲ್ಲ”!! 😀
~~
9. ನವ್ಯ ಚಿತ್ರಕಲಾಪ್ರದರ್ಶನಲ್ಲಿ ತನ್ನ ಚಿತ್ರವನ್ನೇ ತುಂಬ ಹೊತ್ತಿಂದ ನೋಡಿಗೊಂಡು ಇತ್ತಿದ್ದ ಕಲಾರಸಿಕಂಗೆ ಆ ಚಿತ್ರದ ಕಲಾವಿದ° – “ಎನ್ನ ಚಿತ್ರವ ಅರ್ಥ ಮಾಡಿಗೊಂಡವು ನಿಂಗೊ ಮಾಂತ್ರ” – ಹೇಳಿದ°.
ಹಾಂಗಾದರೆ ಬೇರೆ ಆರಿಂಗೂ ಅದು ಅರ್ಥ ಆಯಿದಿಲ್ಲೆಯೋ?! ಹೇಳಿ ಕೇಳಿದ° ಆ ಕಲಾರಸಿಕ°.
ಅದಕ್ಕೆ ಆ ಚಿತ್ರ ಬರದ ಕಲಾವಿದ° ಹೇಳಿದಾ° – ಅಪ್ಪು, ಎನಗೂ ಕೂಡ ಅರ್ಥ ಆಯಿದಿಲ್ಲೆ! 😀
~~
10. ಶಾಂತಕ್ಕ° – ಆರಿಂಗೆ ಹೆಚ್ಚು ತೃಪ್ತಿ? ಒಂದು ಮಿಲಿಯ ಡಾಲರ್ ಪೈಸೆ ಇಪ್ಪವಂಗೊ?! ಅಲ್ಲ, ಆರು ಜೆನ ಮಕ್ಕೊ ಇಪ್ಪವಂಗೊ??!
ಕಿಟ್ಟಣ್ಣ° – ಆರು ಮಕ್ಕೊ ಇಪ್ಪ ಮನುಷ್ಯಂಗೇ
ಶಾಂತಕ್ಕ° – ಅದು ಹೇಂಗೆ ಹೇಳ್ತಿ?!
ಕಿಟ್ಟಣ್ಣ° – ಪೈಸೆ ಇಪ್ಪವಂಗೆ ಎಷ್ಟಿದ್ದರೂ ಸಾಲ ಹೇಳಿ ಕಾಣ್ತು. ಆದರೆ ಮಕ್ಕೊ ಹೆಚ್ಚು ಹೆಚ್ಚು ಬೇಕು ಹೇಳಿ ಆರಿಂಗೂ ತೋರುತ್ತಿಲ್ಲೆ. 😀
~~
11. ಒಬ್ಬ° ಆಟಗಾರಂಗೆ ಮೈತುಂಬ ಬೆಶಿಯಾಗಿ (ಹೈ ಟೆಂಪರೇಚರ್ ಆಗಿ) ಬೆಡ್ಡಿಲ್ಲಿ ಮನಿಕ್ಕೊಂಡಿತ್ತಿದ್ದ°. ಡಾಕ್ಟ್ರ° ಬಂದು ಅವನ ಟೆಂಪರೇಚರು ಎಷ್ಟಿದ್ದು ಹೇಳಿ ನೋಡುವಾಗ ಆ ರೋಗಿ ಆಟಗಾರ° “ಎಷ್ಟಿದೆ ಡಾಕ್ಟರ್?!” ಹೇಳಿ ಕೇಳಿದ°.
ಡಾಕುಟ್ರ° ‘ನೂರಎರಡು’ ಹೇಳಿ ಹೇಳಿದ
ರೋಗಿ ಆಟಗಾರ° ಕೂಡ್ಳೆ..  “ಹಾಂಗಾರೆ ವಿಶ್ವದಾಖಲೆ ಎಷ್ಟು?!” ಹೇಳಿ ಕೇಳಿಬಿಡೆಕ್ಕೋ?! 😀
~~
12. ಪ್ರೊಫೆಸರ° – ಕಾಲೇಜು ವಿದ್ಯಾರ್ಥಿಗೊ ಹೆಚ್ಚಾಗಿ ಉಪಯೋಗುಸುವ ಎರಡು ಶಬ್ದಂಗೊ ಏವದು?
ವಿದ್ಯಾರ್ಥಿ – ಎನಗೆ ಗೊಂತಿಲ್ಲೆ
ಪ್ರೊಫೆಸರ° – ತುಂಬ ಸರಿಯಾದ ಉತ್ತರ! 😀
~~
13. ಹೆಂಡತ್ತಿ ಎಂತದೋ ತಪ್ಪು ಮಾಡಿಯಪ್ಪಗ ಗೆಂಡಂಗೆ ವಿಪರೀತ ಕೋಪ ಬಂತು.
ಗೆಂಡ° ಕೋಪಲ್ಲಿ “ನೀನು ಮಾಡಿದ ದೊಡ್ಡ ತಪ್ಪು ಎಂತದು ಹೇಳಿ ನಿನಗೆ ಗೊಂತಿದ್ದೋ?!” ಹೇಳಿ ಕೇಳಿದ°
ಅದಕ್ಕೆ ಹೆಂಡತ್ತಿ – ಅದು ಗೊಂತಿಲ್ಲದ್ದೆಂತ” ಹೇಳಿತ್ತು
ಗೆಂಡ°– ಎಂತರ ಹೇಳಂಬಗ
ಹೆಂಡತ್ತಿ – ನಿಂಗಳ ಹಾಂಗಿದ್ದವರ ಮದುವೆ ಆದ್ದೇ ಆನು ಮಾಡಿದ ದೊಡ್ಡ ತಪ್ಪು
ಗೆಂಡಂಗೆ ತಲಗೆ ಮರಂದ ಬನ್ನಂಗಾಯಿ ಬಿದ್ದಾಂಗೆ ಆತು 😀
~~
14. ಅಧಿಕಾರಿ – ಎಂತ ಇಷ್ಟೊಂದು ಲೇಟು ಆಫೀಸಿಂಗೆ?!
ನೌಕರ – ಮನುಗಿಬಿಟ್ಟೆ ಸಾರ್
ಅಧಿಕಾರಿ – ಎಂತ ಮನೆಲಿಯೂ ಒರಗುತ್ತೆಯೋ ನೀನು?! 😀
~~
15. ಚಿತ್ರಕಲಾವಿದ° – ಎನ್ನ ಮುಂದಾಣ ಅತ್ಯುತ್ತಮ ಚಿತ್ರವ ಏವದಾರು ಶಾಲಗೆ ದಾನ ಮಾಡೆಕ್ಕು ಹೇಳಿ ಇದ್ದೆ.
ದೋಸ್ತಿ – ಹಾಂಗೊ?! ಹಾಂಗಾರೆ ಅದರ ನಮ್ಮೂರಿನ ಕುರುಡರ ಶಾಲಗೇ ಕೊಟ್ಟುಬಿಟ್ಟಿಕ್ಕು.!! 😀
~~
16. ಮದುವೆ ಆದ ಹೊಸತ್ತು
ಗೆಂಡಂಗೆ ವರ್ಗ ಆಗಿ ಬೇರೆ ಊರಿಂಗೆ ಹೋದ°. ಅಲ್ಲಿ ಮನೆ ಸಿಕ್ಕದ್ದ ಕಾರಣ ಹೆಂಡತ್ತಿ ಕೆಲವು ತಿಂಗಳು ಅದೇ ಊರಿಲ್ಲಿ ಇರೆಕ್ಕಾಗಿ ಬಂತು. ಗೆಂಡ° ಪ್ರತಿತಿಂಗಳೂ ಹೆಂಡತ್ತಿಗೆ ಖರ್ಚಿಗೆ ಪೈಸೆ ಕಳುಸಿಗೊಂಡಿತ್ತಿದ್ದ°. ಒಂದು ತಿಂಗಳು ಸಂಬಳ ಬಂತಿಲ್ಲೆ. ಅವ° ಹೆಂಡತ್ತಿಗೆ ತಮಾಷಗೆ ಬರದ° – ಚಿನ್ನಾ, ಈ ತಿಂಗಳು ಸಂಬಳ ಬಯಿಂದಿಲ್ಲೆ. ಹಾಂಗಾಗಿ ಪೈಸೆ ಬದಲು ಸಾವಿರ ಮುತ್ತುಗಳ ಕಳುಸುತ್ತೆ.
ಹೆಂಡತ್ತಿ ಉತ್ತರ ಬರದತ್ತು. – ಹಾಲಿನವಂಗೆ, ದರ್ಜಿಗೆ, ಮನೆಯ ಮಾಲೀಕರಿಂಗೆ, ಅಂಗಡಿವಕ್ಕೆ, ಕೆಲಸದವಕ್ಕೆ ಎಲ್ಲ ಅದನ್ನೇ ಕೊಡ್ಳಿಯೊ?!!
~~
17. ಹೆಂಡತ್ತಿ – ಗೆಂಡುಮಕ್ಕೊಗೆ ಏನಾರು ಹೇಳಿರೆ ಅದು ಒಂದು ಕೆಮಿಲಿ ಹೊಕ್ಕು ಇನ್ನೊಂದು ಕೆಮಿಲಿ ಹೆರಡುತ್ತು
ಗೆಂಡ° – ಅದಪ್ಪು. ಹೆಮ್ಮಕ್ಕೊಗೆ ಏನಾರು ಹೇಳಿರೆ ಎರಡು ಕೆಮಿಲೆ ಒಳಹೊಕ್ಕು ಬಾಯಿಂದ ಹೆರಬೀಳುತ್ತು
~~
18 ಗೆಂಡ° – ನಾಲ್ಕೈದು ಕಡೆಲಿ ಭಾಷಣ ಮಾಡಿ ಬಚ್ಚಿ ಕಂಗಾಲಾಯ್ದು. ರಜಾ ಕಾಲು ಒತ್ತುವೆಯೊ?
ಹೆಂಡತ್ತಿ – ಅಲ್ಲ, ಭಾಷಣ ಮಾಡಿರೆ ಗೆಂಟ್ಳು ಬೇನೆ ಅಕ್ಕು. ಕಾಲಿಂಗೂ ಭಾಷಣಕ್ಕೂ ಎಂತ ಸಂಬಂಧ?!
ಗೆಂಡ° – ನಿನ್ನ ಬುದ್ಧಿಯ ತುಂಬ ಓಡುಸೆಡ. ಗೆಂಟ್ಳು ಬೇನೆ ಹೇಳಿ ಇನ್ನು ಅದರ ಒತ್ತಿಕ್ಕೆಡ ಮಾರಾಯ್ತಿ.! 😀
~~
19. ಒಂದು ಸಮಾರಂಭಲ್ಲಿ ಹತ್ತರೆ ಹತ್ತರೆ ಕೂದ ಇಬ್ರು ಸಂಭಾಷಣೆ ಹೀಂಗಿದ್ದತ್ತು
ಒಬ್ಬ° – ಅಷ್ಟು ಕೊಳಕ್ಕಾಗಿ ಹಾಡುತ್ತನ್ನೇ!! ಆ ಹೆಮ್ಮಕ್ಕ ಆರು?
ಇನ್ನೊಬ್ಬ° – ಅದು ಎನ್ನ ಹೆಂಡತ್ತಿ.
ಒಬ್ಬ° – ಅಪ್ಪೋ.., ಕ್ಷಮಿಸಿ., ಪಾಪ ಆ ಹಾಡು ಹಾಂಗಿದ್ದು., ಅದಕ್ಕೆಂತ ಮಾಡುವದು?!
ಹೇಳಿದಾಂಗೆ ಆ ಹಾಡಿನ ಬರದ್ದು ಆರು?
ಇನ್ನೊಬ್ಬ° – ಅದು ಆನೇ!
ಒಬ್ಬ° – ?!!!!!!! 😀

~~

20. ಇಬ್ರು ಪ್ರೇಮಿಗೊ (ಮಾಣಿ-ಕೂಸು) ರೈಲಿಲಿ ಎದುರೆದುರು ಕೂದುಗೊಂಡು ಪ್ರಣಯಸಂಭಾಷಣೆ ಮಾಡುತ್ತ ಇತ್ತಿದ್ದವು. ರೈಲು ಸುರಂಗ ಮಾರ್ಗದೊಳ ಹೋಪಗ ಇಡೀ ಕಸ್ತಲಾತು. ಮತ್ತೆ ರಜಹೊತ್ತಿಲ್ಲಿ ಸುರಂಗ ಮಾರ್ಗಂದ ಹೆರಬಂತು. ಅಂಬಗ ಮಾಣಿ ಹೇಳಿದ – ಇಷ್ಟು ಹೊತ್ತು ಕಸ್ತಲಾವ್ತು ಹೇಳಿ ಗೊಂತಿದ್ದರೆ ಆನು ನಿನಗೊಂದು ಒಪ್ಪ ಕೊಡುತ್ತಿತ್ತೆ.

ಗಾಬರಿಯಾದ ಕೂಸು ಹೇಳಿತ್ತು – ಅಂಬಗ ಈಗ ಕೊಟ್ಟದು ಆರು?!!

ಮಾಣಿ – ?!!! 😀
~~

[ ನೆಗೆಬುಗ್ಗೆಗೊ
ಸಂಗ್ರಹ – ಅರ್ತಿಕಜೆ ಮಾವ ]

ಶುದ್ದಿಶಬ್ದಂಗೊ (tags): ,ಒಪ್ಪಣ್ಣ, oppanna, havyaka, ಹವ್ಯಕ

ಸೂ: ©: ಈ ಶುದ್ದಿಯ ಎಲ್ಲಾ ಹಕ್ಕುದೇ -ಇವರ ಕೈಲಿ ಇದ್ದು. ಶುದ್ದಿಯ ಯೇವದೇ ಭಾಗವ ಇಲ್ಲಿಂದ ತೆಗೆತ್ತರೆ, ಅದರಿಂದ ಮದಲು ಅವರ ಅನುಮತಿ ತೆಕ್ಕೊಳೇಕು.

ಈ ಶುದ್ದಿಗೆ ಇದುವರೆಗೆ 8 ಒಪ್ಪಂಗೊ

  1. K.Narasimha Bhat Yethadka

    ನೆಗೆಬುಗ್ಗೆಗೊ ರೈಸಿದ್ದು ಅರ್ತಿಕಜೆ ಅಣ್ಣ.

    [Reply]

    VA:F [1.9.22_1171]
    Rating: 0 (from 0 votes)
  2. ತೆಕ್ಕುಂಜ ಕುಮಾರ ಮಾವ°
    ತೆಕ್ಕುಂಜ ಕುಮಾರ ಮಾವ°

    ರೈಸಿದ್ದು ಮಾವ.

    [Reply]

    VN:F [1.9.22_1171]
    Rating: 0 (from 0 votes)
  3. ಬಾಲಣ್ಣ (ಬಾಲಮಧುರಕಾನನ)
    ಬಾಲಣ್ಣ (ಬಾಲಮಧುರಕಾನನ)

    3. ಶಿವ ಧನುಸ್ಸಿನ ಮುರುದ್ದದು ಕನ್ನಡ ಪಂಡಿತರು ಹೇಳಿ ಶುದ್ದಿ ಕೇಳಿದ್ದೆ ಅರ್ತಿಕಜೆ ಮಾವ …..

    ಲಾಯಕಾಯಿದು ಮಾವ

    [Reply]

    VN:F [1.9.22_1171]
    Rating: 0 (from 0 votes)
  4. ಮುಣ್ಚಿಕಾನ ಭಾವ

    ನಗೆಬುಗ್ಗೆಗೊ ಸೂ…….ಪರು ಇದ್ದು ಅರ್ತಿಕಜೆ ಮಾವ…. 😀 😀 😀 😀 😀
    ಹೀಂಗಿರ್ತು ಇನ್ನೂ ಬರಲಿ….

    [Reply]

    VA:F [1.9.22_1171]
    Rating: 0 (from 0 votes)
  5. ಪಂಡಿತ್ ಶ್ರೀ ಸುಬ್ರಹ್ಮಣ್ಯ ಭಟ್ಟ

    ಬಾರಿ ಒಪ್ಪ, ಕೆಲವು ಗೊತ್ತಿದ್ದ ನಗೆ ಬುಗ್ಗೆಗೋ ಆದರೂ, ಹವ್ಯಕ ಬಾಷೆಲಿ ಓದುವಗ ಇನ್ನೂ ಮುದ ಕೊಡುತ್ತು ………..

    [Reply]

    VA:F [1.9.22_1171]
    Rating: 0 (from 0 votes)
  6. ತಿರುಮಲ ರಾಯ ಹಳೆಮನೆ

    ಸೂಪರ್ super. ಒಳ್ಳೆ ಲಾಯಿಕಾಯಿದು. keep it up. all the best.

    [Reply]

    VA:F [1.9.22_1171]
    Rating: 0 (from 0 votes)
  7. ಸುಭಗ

    ಹ್ಹ ಹ್ಹ ಹ್ಹಾ… ಒಂದರಿಂದ ಒಂದು ಬಿಗಿ..! ಲಾಯ್ಕಾಯ್ದು.. 😀

    [Reply]

    VN:F [1.9.22_1171]
    Rating: 0 (from 0 votes)
  8. ಅರ್ತಿಕಜೆ ಮಾವ°

    ನೆಗೆಬುಗ್ಗೆಗಳ ಅಸ್ವಾದಿಸಿ ಮೆಚ್ಚಿ ಒಪ್ಪ ಕೊಟ್ಟ ಎಲ್ಲೊರಿಂಗೂ ಧನ್ಯವಾದಂಗೊ.

    [Reply]

    VA:F [1.9.22_1171]
    Rating: 0 (from 0 votes)

ಶುದ್ದಿಗೆ ಒಂದು ಒಪ್ಪ ಕೊಡಿ

(ಕನ್ನಡ - ಇಂಗ್ಳೀಶ್ ಬದಲುಸೆಕ್ಕಾರೆ [Ctrl+G] Toggle between Kannada - English)


ಬೈಲಿಂಗೆ ಲಾಗ ಹಾಕಲೆ

ಗುಟ್ಟುಶಬ್ದ(password) ಮರದತ್ತೋ?

ಬೈಲಿನ ಬಗ್ಗೆ:
ಚೋಲು - ಡಬ್ಬಲ್ ಚೋಲು
ವಿಶೇಷ ವಿಷಯ
ಶ್ರಧ್ಧಾಂಜಲಿ- ಶ್ರೀ ಬಿ.ಜಿ.ವಸಂತ (ಕೊಡಗಿನ ಗೌರಮ್ಮನವರ ಸುಪುತ್ರ)
ಶ್ರಧ್ಧಾಂಜಲಿ-ಶ್ರೀ ಬಿ.ಜಿ.ವಸಂತ (ಕೊಡಗಿನ ಗೌರಮ್ಮನವರ... ... ಓದಿ, ಒಪ್ಪಕೊಡಿ >>
ಬೆಶಿ ಬೆಶಿ ಒಪ್ಪಂಗೊ..
ಬೈಲಿನ ನೆರೆಕರೆ
ಗುರಿಕ್ಕಾರ°ಒಪ್ಪಣ್ಣಶ್ರೀಅಕ್ಕ°ಅಕ್ಷರದಣ್ಣಗೋಪಾಲಣ್ಣಪುಟ್ಟಬಾವ°ಶರ್ಮಪ್ಪಚ್ಚಿಬಟ್ಟಮಾವ°ಗಣೇಶ ಮಾವ°ಪಟಿಕಲ್ಲಪ್ಪಚ್ಚಿಅನು ಉಡುಪುಮೂಲೆಕಳಾಯಿ ಗೀತತ್ತೆಮಂಗ್ಳೂರ ಮಾಣಿಬಂಡಾಡಿ ಅಜ್ಜಿಡೈಮಂಡು ಭಾವಪುತ್ತೂರಿನ ಪುಟ್ಟಕ್ಕವೇಣಿಯಕ್ಕ°ಜಯಶ್ರೀ ನೀರಮೂಲೆಕಾವಿನಮೂಲೆ ಮಾಣಿಉಡುಪುಮೂಲೆ ಅಪ್ಪಚ್ಚಿಪವನಜಮಾವಒಪ್ಪಕ್ಕಚುಬ್ಬಣ್ಣಚೆನ್ನಬೆಟ್ಟಣ್ಣಪುತ್ತೂರುಬಾವಅಜ್ಜಕಾನ ಭಾವಅನಿತಾ ನರೇಶ್, ಮಂಚಿವೆಂಕಟ್ ಕೋಟೂರು
ಬೈಲಿನ ಮೋರೆಪುಟ
ಸದ್ಯದ ಪಟಂಗೊ
ಶೇಡಿಗುಮ್ಮೆ ವಾಸುದೇವ ಭಟ್ಟ್ರಿಂಗೆ ಯಕ್ಷಗಾನ ಅಕಾಡೆಮಿಯ ಗೌರವ

ಬೆಣಚ್ಚಿಪ್ಪಲ್ಲಿ ಹುಡ್ಕಲೆ