ಕಾಗದ ಬರವ ಹವ್ಯಾಸ

September 7, 2010 ರ 9:58 amಗೆ ನಮ್ಮ ಬರದ್ದು, ಇದುವರೆಗೆ 24 ಒಪ್ಪಂಗೊ.

ಸಣ್ಣಸಂಕೊಲೆ(shortlink):

ಶುದ್ದಿಯ ಪ್ರಿಂಟು ಮಾಡ್ಳೆ ಇಲ್ಲಿ ಒತ್ತಿ ಶುದ್ದಿಯ ಪ್ರಿಂಟು ಮಾಡ್ಳೆ ಇಲ್ಲಿ ಒತ್ತಿ  

ನಮ್ಮ ಹತ್ತರಾಣವಕ್ಕೆ ಇ-ಮೇಲ್‌  ಕಳ್ಸುವಾಗ  ಎನಗೆ ಅಪ್ಪ  ಪ್ರಶ್ನೆ ಎಂತ ಹೇಳಿರೆ  ಎಲ್ಲಿ ಹೋತು ಆ ನಮ್ಮ  ಕಾಗದ  ಬರವ ಹವ್ಯಾಸ ?’. ಕಂಪ್ಯೂಟರ್‌ ನಮ್ಮ ಜೀವನದ ಅವಿಭಾಜ್ಯ ಅಂಗ ಆದ ಮೇಲೆ ಈ ‘ಹಾರ್ಡ್‌ ಕಾಪಿ’ ಪತ್ರ ವ ‘ ಸಾಫ್ಟ್‌ ಕಾಪಿ’ ಇ-ಮೇಲ್‌ ಗ ಆಕ್ರಮಣ ಮಾಡಿಗೊಂಡಿದು., ಎಷ್ಟೇ ನಮ್ಮ ತಂತ್ರಜ್ಞಾನ ಮುಂದುವರುದು ಇಡೀ ಪ್ರಪಂಚವೇ  ಒಂದು ಸಣ್ಣ  ಹಳ್ಳಿ ಹೇಳಿ ನವಗೆ ಅನಿಸಿದರೂ  ಆ ಕೈ ಬರಹದ ಒಂದೂವರೆ  ರೂಪಾಯಿ ಇನ್ಲಾಂಡ್  ಕಾಗದವೇ  ಮನ ಮುಟ್ಟುತ್ತು ಹೇಳಿ ಎನ್ನ ಅಭಿಪ್ರಾಯ . ಗೌರವಪೂರ್ವಕವಾಗಿ ಅಪ್ಪನ  ‘ತೀರ್ಥರೂಪ ತಂದೆಯವರಿಗೆ … ’ ಹೇಳಿ  ಬರವ ಕಾಗದ ಮಾಯ ಆಗಿ  ‘ಹಾಯ್  ಡ್ಯಾಡಿ’ ಹೇಳಿ ಹೇಳುವ ಇ-ಮೇಲ್‌ ನ ದಿನಂಗಳ ಇಂದು ನಾವು ಕಾಣ್ತಾ ಇದ್ದು . ಎಷ್ಟೊಂದು ಕೃತ್ರಿಮತೆ ಇದ್ದು ಹೇಳಿ  ಅನಿಸುತ್ತು  ಅಲ್ದಾ??  ಪ್ರೀತಿ – ಪ್ರಣಯಲ್ಲಿ ಮುಳುಗಿದವಕ್ಕಂತೂ ಕಾಗದ ಬರವದು  ಒಂದು ವರದಾನ. ಇಂದ್ರಾಣ  ಇ-ಗ್ರೀಟಿಂಗ್ಸ್ , ಚಾಟಿಂಗ್‌ ಇತ್ಯಾದಿ ಅಂತರ – ಜಾಲ ದ ಸಂಪರ್ಕ  ಪ್ರೀತಿಯ ಬುಗ್ಗೆ ಉಕ್ಕಿ ಹರುದರೂ  ಒಂದೇ ಒಂದು ಪುಟದ ಪ್ರೇಮ-ಪತ್ರದ ಮುಂದೆ ಇದೆಲ್ಲ ನಗಣ್ಯ. ಕಾಗದ ಬರವದರ್ಲಿ  ಸಿಕ್ಕುವ ಆ ಒಂದು ರೀತಿಯ ಆತ್ಮೀಯತೆ, ಗಾಢ ಅನುಬಂಧವ ಇಂದ್ರಾಣ ಇ-ಮಾತುಕತೆಗ ಕೊಡ್ಲೆ ಖಂಡಿತಾ ಸಾಧ್ಯ ಇಲ್ಲೆ.

ಅಕ್ಷರಂಗಳ ಹೆರ್ಕಿ ಹೆರ್ಕಿ  ಓದುವ ಸುಖ ಇಂದ್ರಾಣ  ಯಾವ ಫಾಂಟ್‌ಗಳೂ ಕೊಡ್ಲೆ  ಅಶಕ್ಯ. ಬಣ್ಣಬಣ್ಣದ ಸಂಗೀತಮಯ ಪ್ರಣಯಭರಿತ ಗ್ರೀಟಿಂಗ್‌ ಕಾರ್ಡ್‌ಗ ಇನ್‌-ಬಾಕ್ಸ್‌ ಲಿ  ತುಂಬಿ ಹರುದರೂ ,   ೨೫ ವರ್ಷ ಹಿಂದಾಣ ಘಟನೆಲಿ ,  ನೆಡು ಇರುಳು ವರಕ್ಕಿಂದ ಎದ್ದು  ಓದಲೆ ಎಂತದೋ ಮರತ್ತು ಹೋತು ಹೇಳಿ ನಾಕೈದು ಸರ್ತಿ   ಪ್ರೇಮ-ಪತ್ರ  ಓದುವುದರಲ್ಲೇ ಏನೋ ಸಂತೃಪ್ತಿ ಇದ್ದು ಹೇಳಿ ಇಂದ್ರಾಣ ಅಜ್ಜನ್ದ್ರು ಹೇಳುಗು. . ಹಳೆಯ ಶಾಯಿ ಪೆನ್ನಿಲಿ ಕಾಗದ  ಬರವಗ ಶಾಯಿಯೆಲ್ಲ ಚೆಲ್ಲಿ ಅಕ್ಷರಂಗ  ಒಂದಕ್ಕೊಂದು ಸೇರಿ ಅಪ್ಪ  ಅಸಂಬದ್ಧ ಶಬ್ದಂಗಳ  ಕಲ್ಪನೆಯೇ ಎಷ್ಟೊಂದು ಚೆಂದ ಅಲ್ದಾ?

ಪೋಷ್ಟಾಪೀಸಿಲಿ ಬಟವಾಡೆ ಅಪ್ಪಲಿಪ್ಪ ಕಾಗದ

ಕನ್ನಡ ಲಿಪಿಯ ಕಂಪ್ಯೂಟರ್‌ಲಿ ಇಂದು ನವಗೆ ಕಾಂಬಲೆ  ಎಡಿಗು ಹೇಳಿ ಆದರೂ  ಈ ಸುಂದರ ಪತ್ರಲ್ಲಿಪ್ಪ  ನವಿರಾದ ಸಂಬಂಧವ ಅವು ಕೊಡ್ಲೆ ಸಾಧ್ಯ ಇಲ್ಲೆ . ಕಾಗದದ  ಉಬ್ಬು ತಗ್ಗು ಅಕ್ಷರದ  ಮೇಲೆ ಕೈ  ಹಿಡುದು ಓದುವ  ಸುಖ ಕಂಪ್ಯೂಟರ್‌ ಮಾನಿಟರ್‌ಲಿ  ಇಲ್ಲೆ ಅಲ್ದಾ ? ಈ ಘಟನೆಗ ಇನ್ನು ಹೀಂಗೆ ಮುಂದುವರುದರೆ ಫಾದರ್ಸ್ ಡೇ,ಮದರ್ಸ್ ಡೇ,ಫ್ರೆಂಡ್ ಶಿಪ್ ಡೇ ಹೇಳಿ ಆಚರಣೆಗ  ಬಂದ ಹಾಂಗೆ  ವರ್ಷಕ್ಕೆ ಒಂದು ದಿನ ಕಾಗದ ಬರವ ದಿನ ಹೇಳಿ ಬಂದರೂ ಆಶ್ಚರ್ಯ ಅಲ್ಲ.ನಮ್ಮ ಆಚರಣೆಗ ಆದಷ್ಟು ಹಬ್ಬ ಹರಿದಿನಕ್ಕೆ ಮಡುಗುವ.  ಆದರೂ ನಾಲ್ಕು ವಾಕ್ಯದ ಕಾಗದ ಬರದ ದಿನವ ನಾವು ಒಂದರಿ ನೆಂಪು ಮಾಡಿಗೊಂಬ ಆಗದೋ?? ಇದರಿಂದಾಗಿ  ತುಂಬಾ ದಿನಂಗಳ ಮತ್ತೆ ಆತ್ಮೀಯರ ಕೈ ಬರಹ ನೋಡಿದ ನೆಂಪು ಆಗಿ ಆನಂದಭಾಷ್ಪ ಸುರುದರೂ ಆಶ್ಚರ್ಯ ಅಲ್ಲ.

ನಿಂಗಳ ಜೀವನಲ್ಲಿ ಹೀಂಗಿಪ್ಪ ಅನುಭವಂಗ ಎಂತಾರು ಇದ್ದರೆ ಈ  ಕೆಳಾಣ  ಒಪ್ಪ ಕೊಡ್ತರ ಮೂಲಕ ನೆಂಪು ಮಾಡಿಗೊಂಬ. ಆ ಮೂಲಕ ನಮ್ಮ ಬೈಲಿಲಿ ನಮ್ಮ ಹಿರಿಯವು ಅನುಭವಿಸಿದ ನೆಂಪುಗಳ ಪರಸ್ಪರ ಹಂಚಿಗೊಂಬ.ಆತೋ?

ಕಾಗದ ಬರವ ಹವ್ಯಾಸ, 4.5 out of 10 based on 2 ratings
,ಒಪ್ಪಣ್ಣ, oppanna, havyaka, ಹವ್ಯಕ

ಸೂ: ©: ಈ ಶುದ್ದಿಯ ಎಲ್ಲಾ ಹಕ್ಕುದೇ -ಇವರ ಕೈಲಿ ಇದ್ದು. ಶುದ್ದಿಯ ಯೇವದೇ ಭಾಗವ ಇಲ್ಲಿಂದ ತೆಗೆತ್ತರೆ, ಅದರಿಂದ ಮದಲು ಅವರ ಅನುಮತಿ ತೆಕ್ಕೊಳೇಕು.

ಈ ಶುದ್ದಿಗೆ ಇದುವರೆಗೆ 24 ಒಪ್ಪಂಗೊ

  1. ನಾವು ಜೀವನಲ್ಲಿ ಹತ್ತನೇ ಮೆಟ್ಲು ಹತ್ತೆಕ್ಕು ಹೇಳಿ ಆದರೆ ಒಂದನೇ ಮೆಟ್ಲು ಹತ್ತಿದ್ದು ನೆಂಪಿರೆಕು ಅಲ್ದಾ? ಈಗಾಣ ಈ ಮೈಲುಗಕ್ಕೂ ಆಧಾರ ಹಿಂದಾಣ ನಮ್ಮ ಅಂಚೆ ಪದ್ಧತಿಗಳೇ ಅಲ್ದಾ? ಒಂದರಿ ನಾವು ಜೀವನಲ್ಲಿ ಮುಂದೆ ಬಂದ ಬಂದ ದಾರಿಯ ತಿರುಗಿ ನೋಡಿಯಪ್ಪಗ ಅಪ್ಪ ಸಂತೋಷ ಬೇರೆಯೇ..

    [Reply]

    VA:F [1.9.22_1171]
    Rating: -1 (from 3 votes)
  2. ಗೋಪಾಲಣ್ಣ
    Gopalakrishna BHAT S.K.

    Kagada baravadu enna mecchina havyasa.iga kammi aayidu.iga mobile,phone ella banda karana heengatu.kagada baravadu ondu kale.adara ellaroo ulisekku.

    [Reply]

    VA:F [1.9.22_1171]
    Rating: 0 (from 0 votes)

ಶುದ್ದಿಗೆ ಒಂದು ಒಪ್ಪ ಕೊಡಿ

(ಕನ್ನಡ - ಇಂಗ್ಳೀಶ್ ಬದಲುಸೆಕ್ಕಾರೆ [Ctrl+G] Toggle between Kannada - English)


ಬೈಲಿಂಗೆ ಲಾಗ ಹಾಕಲೆ

ಗುಟ್ಟುಶಬ್ದ(password) ಮರದತ್ತೋ?

ಬೈಲಿನ ಬಗ್ಗೆ:
ಚೋಲು - ಡಬ್ಬಲ್ ಚೋಲು
ವಿಶೇಷ ವಿಷಯ
ಶ್ರಧ್ಧಾಂಜಲಿ- ಶ್ರೀ ಬಿ.ಜಿ.ವಸಂತ (ಕೊಡಗಿನ ಗೌರಮ್ಮನವರ ಸುಪುತ್ರ)
ಶ್ರಧ್ಧಾಂಜಲಿ-ಶ್ರೀ ಬಿ.ಜಿ.ವಸಂತ (ಕೊಡಗಿನ ಗೌರಮ್ಮನವರ... ... ಓದಿ, ಒಪ್ಪಕೊಡಿ >>
ಬೆಶಿ ಬೆಶಿ ಒಪ್ಪಂಗೊ..
ಬೈಲಿನ ನೆರೆಕರೆ
ಗುರಿಕ್ಕಾರ°ಒಪ್ಪಣ್ಣವಿದ್ವಾನಣ್ಣಅಜ್ಜಕಾನ ಭಾವಸಂಪಾದಕ°ಅನಿತಾ ನರೇಶ್, ಮಂಚಿಪುಣಚ ಡಾಕ್ಟ್ರುಕಳಾಯಿ ಗೀತತ್ತೆದೇವಸ್ಯ ಮಾಣಿಕಜೆವಸಂತ°ನೀರ್ಕಜೆ ಮಹೇಶಮಾಲಕ್ಕ°ಶ್ಯಾಮಣ್ಣಎರುಂಬು ಅಪ್ಪಚ್ಚಿಶರ್ಮಪ್ಪಚ್ಚಿಉಡುಪುಮೂಲೆ ಅಪ್ಪಚ್ಚಿದೊಡ್ಮನೆ ಭಾವಜಯಗೌರಿ ಅಕ್ಕ°ಶುದ್ದಿಕ್ಕಾರ°ಚೆನ್ನಬೆಟ್ಟಣ್ಣಡಾಗುಟ್ರಕ್ಕ°ಕೇಜಿಮಾವ°ತೆಕ್ಕುಂಜ ಕುಮಾರ ಮಾವ°ಪಟಿಕಲ್ಲಪ್ಪಚ್ಚಿಡಾಮಹೇಶಣ್ಣಅಕ್ಷರದಣ್ಣಶಾಂತತ್ತೆಸುಭಗ
ಬೈಲಿನ ಮೋರೆಪುಟ
ಸದ್ಯದ ಪಟಂಗೊ
ಪಂಕಜ ರಾಮ ಭಟ್
"ಆನು ಕಂಡುಂಡ ಕಾಶೀಯಾತ್ರೆ"

ಬೆಣಚ್ಚಿಪ್ಪಲ್ಲಿ ಹುಡ್ಕಲೆ