ಚೋಲು - ಡಬ್ಬಲ್ ಚೋಲು

ಬೈಲಿನ ಶುದ್ದಿಗೊ:

ಬೈಲಿನ ನೆರೆಕರೆ:

ಇನ್ನೂ ಇದ್ದವು >>

ಮಾವಿನ ಕಾಯಿ ಚಿತ್ರಾನ್ನ, ಹಸಿರು ಚಾಯ

June 30, 2010 ರ 10:00 amಗೆ ನಮ್ಮ ಶರ್ಮಪ್ಪಚ್ಚಿ ಬರದ್ದು, ಇದುವರೆಗೆ 17 ಒಪ್ಪಂಗೊ.

ಸಣ್ಣಸಂಕೊಲೆ(shortlink):

ಶುದ್ದಿಯ ಪ್ರಿಂಟು ಮಾಡ್ಳೆ ಇಲ್ಲಿ ಒತ್ತಿ

ಶರ್ಮಪ್ಪಚ್ಚಿ

ಮಾವಿನ ಕಾಯಿ ಚಿತ್ರಾನ್ನ, ಹಸಿರು ಚಾಯ

ಆದಿತ್ಯವಾರ ಪೇಪರಿಲ್ಲಿ ಜೋಶಿಯ “ಪರಾಗ ಸ್ಪರ್ಷ” ಓದಿಂಡು ಇಪ್ಪಗ ಎನ್ನ “ಶ್ರೀಶ” ಬಂದ.
ಆನೂ ಶ್ರೀಶನೂ ಹೆಚ್ಚಾಗಿ ಒಟ್ಟಿಂಗೆ ಇಪ್ಪದು. ನಮ್ಮ ಬೈಲಿಂಗೆ ಒಂದೆರಡಿ ಸರ್ತಿ ಬಂದು ಒಪ್ಪ ಕೊಟ್ಟಿಕ್ಕಿ ಹೋಯಿದ. ಆನೂ ಅವನೂ ಚೆಙಾಯಿಗೊ ಹೇಳ್ತಕ್ಕಿಂತಲೂ ಹೆಚ್ಚು ಆತ್ಮೀಯರು. ಎನ್ನ ಅವ “ಶರ್ಮ” ಹೇಳಿಯೇ ದೆನುಗೊಳಿರೆ ಆನು ಅವನ “ಶ್ರೀಶ” ಹೇಳಿಯೇ ದೆನಿಗೊಳುದು. ತುಂಬಾ ಹತ್ತರೆ ಆದ ಮತ್ತೆ ಸಂಬಂಧ ಹೇಳಿ ಹೇಳುದಕ್ಕಿಂತಲೂ ನಿಜ ಹೆಸರೋ ಅಡ್ಡ ಹೆಸರೋ ಹಿಡುದು ಮಾತಾಡ್ಸಿ ಹೋವ್ತಷ್ಟೆ ಅಲ್ಲದ. ಹಾಂಗೆ. ಒಂದೇ ಪ್ರಾಯದವು, ಒಟ್ಟಿಂಗೇ ಇಪ್ಪವು, ಒಂದೇ ಅಭಿರುಚಿಯವು. ಎಲ್ಲವುದೇ. ಇಲ್ಲೇ ಹತ್ರೆ ಮನೆ ಮಾಡಿಂಡು ಇದ್ದ.
ಎಂತ ಶ್ರೀಶ ಆಸರಿಂಗೆ ಬೇಕಾ ಕೇಳಿದೆ.

ಮಳೆಲಿ ಬಂದದಲ್ಲದಾ, ಆಸರ ಎಂತ ಇಲ್ಲೆ, ಬೆಶಿ ಬೆಶಿ ಎಂತಾರು ಕುಡಿದರೆ ರಜ ಚಳಿ ಬಿಡುಗು ಹೇಳಿದ.
ಹೆಂಡತಿ ಮನೆಲಿ ಇತ್ತಿದ್ದಿಲ್ಲೆ.
ನೀನು ಇಲ್ಲೇ ಪೇಪರ್ ಓದಿಂಡು ಕೂರು ಹೇಳಿಕ್ಕಿ ಒಳ ಹೋಗಿ ಚಾ ಮಾಡಿ ತಂದೆ.
“ಇದೆಂತ ಕಣ್ಣ ಚಾ ಮಾಡಿದ್ದು, ಹಾಲು ಬಯಿಂದಿಲ್ಲೆಯಾ ಇಂದು” ಕೇಳಿದ.
ಕುಡುದು ನೋಡು. ಇದು “ಗ್ರೀನ್ ಟೀ” ಹೇಳಿದೆ.

ಒಂದು ಮುಕ್ಕುಳಿ ಕುಡುದವಂಗೆ ಕೊಶಿ ಆತು ಹೇಳಿ ಅವನ ಮೋರೆ ನೋಡಿ ಅಪ್ಪಗಳೇ ಗೊಂತಾತು.

ಗ್ರೀನ್ ಟೀ - ಹಸುರು ಚಾಯ

ಇದೆಲ್ಲಾ ಎಲ್ಲಿಂದ ಕಲ್ತೆ, ಎಂತ ಕತೆ ಇದು. ಹಾಲು ಕಮ್ಮಿ ಆದರೆ ಕೈಕ್ಕೆ ಹೇಳಿ ಪರಂಚಿಂಡು ಇತ್ತಿದ್ದವo ಈಗ ಇದೆಂತ “ಹಸಿರು ಚಾಯ” ಹೇಳಿಂಡು ಕಣ್ಣ ಚಾಯ ಮಾಡಿ ಕಣ್ಣು ಮುಚ್ಚಿ ಕುಡಿವದು? ಕೇಳಿದ.
ಆನು ನೀನೂ ಇಬ್ರೂ ಕೊಶಿಲಿ ಕುಡಿತ್ತಾ ಇದ್ದೆಯೊ. ಕಣ್ಣು ಮುಚ್ಚಿ ಕುಡಿವದು ಹೇಳಿ ಎಂತ ತಮಾಷೆ ಮಾಡುದು. ಬೇಕಾರೆ ಇದರ ಬಗ್ಗೆ ಎನಗೆ ಗೊಂತಿಪ್ಪರ ಹೇಳ್ತೆ. ಎಡೆಲಿ ಬಾಯಿ ಹಾಕೆಡ. ಹೇಳಿದೆ
ನಿನ್ನ ಗ್ಲಾಸಿಂಗೆ ಆನು ಬಾಯಿ ಹಾಕ್ತಿಲ್ಲೆ. ಹಾಂಗೆ ಹೇಳಿಂಡು ಬಾಯಿ ಮುಚ್ಚಿ ಕೂದರೆ ಇದರ ಕುಡಿತ್ತು ಹೇಂಗೆ ಹೇಳಿ ಅವನದ್ದೊಂದು ಪೊಟ್ಟು ತಮಾಷೆ.
ಚಾ ತೋಟದ ಎಲೆಂದ ಮುಖ್ಯವಾಗಿ ಮೂರು ನಮೂನೆಯ “ಚಾಯದ ಹೊಡಿ” ಇಲ್ಲದ್ರೆ “ಎಲೆಯ” ತಯಾರು ಮಾಡ್ತವು. “ಗ್ರೀನ್ ಟೀ”, “ಓಲೋಂಗ್ ಟೀ” ಮತ್ತೆ “ಬ್ಲೇಕ್ ಟೀ” ಹೇಳಿ ಹೇಳ್ತವು. ನಾವು ಹೆಚ್ಚಾಗಿ ಹಾಲು ಸಕ್ಕರೆ ಎಲ್ಲ ಹಾಕಿ ಕುಡಿವದು “ಬ್ಲೇಕ್ ಟೀ”. ಸೊಪ್ಪಿನ ಸಂಸ್ಕರಿಸುತ್ತ ಕ್ರಮ ಮೂರಕ್ಕೂ ಬೇರೆ ಬೇರೆ.
ಭತ್ತಂದ ಬೆಳ್ತಿಗೆ ಅಕ್ಕಿ, ಎದುರು ಬೆಳ್ತಿಗೆ, ಕುಚ್ಚಿಲು ಅಕ್ಕಿ ಎಲ್ಲ ಮಾಡ್ತಿಲ್ಲೆಯಾ ಹಾಂಗೇ.
ಗ್ರೀನ್ ಟೀ ಎಲೆ ತಯಾರು ಮಾಡ್ಲೆ ಎಲೆಯ ಹೆಚ್ಚು ಬೆಶಿ ಮಾಡದ್ದೆ, ಉಗಿಲಿ ರಜ ಹೊತ್ತು (1 ರಿಂದ 1.5 ನಿಮಿಷ) ಬೇಯಿಸಿ, ಒಣಗಿಸಿ pack ಮಾಡ್ತವು. ಒಣಗಿಸಿದ ಎಲೆ ಕೂಡಾ ರಜ ಹಸಿರು ಬಣ್ಣ ಇರ್ತು.
ಸೊಪ್ಪಿನ ಸಂಸ್ಕರಿಸುವಾಗ, ಬ್ಲೇಕ್ ಟೀ ಎಲೆ ತಯಾರು ಮಾಡ್ಲೆ, ಜಾಸ್ತಿ ಬೆಶಿ ಮಾಡಿ ಒಣಗುಸ್ತವು, ಓಲೋಂಗ್ ಹೇಳುವದು ಗ್ರೀನ್ ಟೀ ಮತ್ತೆ ಬ್ಲೇಕ್ ಟೀ ಇದರ ಎರಡರ ಮಧ್ಯೆ.
ಗ್ರೀನ್ ಟೀ ಬಗ್ಗೆ ಜನಂಗೊಕ್ಕೆ ಹೆಚ್ಚು ಒಲವು ಬಪ್ಪಲೆ ಕಾರಣ ಎಂತ ಹೇಳಿರೆ ಅದರಲ್ಲಿ ಇಪ್ಪ EGCG (EpiGallo Catachin Gallate) ಹೇಳುವ “ಆಂಟಿ ಓಕ್ಸಿಡೆಂಟ್”. ಎಲೆಯ ಸಂಸ್ಕರಿಸುವ ಕ್ರಮಂದಾಗಿ, ಈ “ಆಂಟಿ ಓಕ್ಸಿಡೆಂಟ್”, ಗ್ರೀನ್ ಟೀಲಿ ಇಪ್ಪಷ್ಟು ಬಾಕಿ ಟೀ ಗಳಲ್ಲಿ ಇರ್ತಿಲ್ಲೆ. ವಿಟಮಿನ್ E ಮತ್ತೆ ವಿಟಮಿನ್ C ಕೂಡಾ “ಆಂಟಿ ಓಕ್ಸಿಡೆಂಟ್” ಆಗಿ ಕೆಲಸ ಮಾಡುತ್ತು. ಆದರೆ EGCG ಹೇಳುವದು ಅದೆಲ್ಲಕ್ಕಿಂತ ಸುಮಾರು ಪಟ್ಟು ಹೆಚ್ಚು ಪರಿಣಾಮ ಕಾರಿಯಾಗಿ ಕೆಲಸ ಮಾಡ್ತು.
ಚೈನಾದವು 4000 ಕ್ಕಿಂತಲೂ ಹೆಚ್ಚು ವರ್ಷಂದ ಇದರ ಉಪಯೋಗಿಸುತ್ತಾ ಇದ್ದವು. “ಗ್ರೀನ್ ಟೀ” ಯ ಪ್ರಯೋಜನಂಗೊ ಎಂತ ಹೇಳಿರೆ ಅದು ನಮ್ಮ ಶರೀರಲ್ಲಿ ಗುಣಪಡಿಸುವ ಕ್ರಿಯೆಗೊಕ್ಕೆ ಸಹಕಾರ ಮಾಡುತ್ತು. ಆದರೆ ಇದುವೇ ಮದ್ದು ಅಲ್ಲ. ಶರೀರಕ್ಕೆ ಬೇಕಾದ “ಆಂಟಿ ಓಕ್ಸಿಡೆಂಟ್” ನ ಪೂರೈಸುತ್ತ ಕಾರಣ ಇದು ಹಲವಾರು ಕಾಯಿಲೆಗಳ (ಕಾನ್ಸರ್, ಹೃದಯದ ತೊಂದರೆ, ಗಂಟು ಬೇನೆ) ಗುಣ ಮಾಡ್ಲೆ ಸಹಕಾರಿ ಆವ್ತು ಹೇಳಿ ಸಂಶೋಧನಾ ಪ್ರಬಂಧಂಗಳಲ್ಲಿ ಹೇಳ್ತವು. ಕೊಲೆಸ್ಟ್ರೋಲ್ ಕಡಿಮೆ ಮಾಡ್ಲೆ ಮತ್ತೆ ಶರೀರಲ್ಲಿ ಇಪ್ಪ ತ್ಯಾಜ್ಯಂಗಳ ವಿಲೇವಾರಿ ಮಾಡ್ಲೆ ಕೂಡಾ ಸಹಕಾರಿ ಹೇಳ್ತವು.
ನೀರು ಹದಾಕೆ ಕೊದಿವಲೆ ಸುರು ಅಪ್ಪಗ ಕಿಚ್ಚು ನಂದಿಸೆಕ್ಕು. ಒಂದು ಗ್ಲಾಸಿಂಗೆ ಒಂದು ಚಮಚದಷ್ಟು “ಗ್ರೀನ್ ಟೀ” ಸೊಪ್ಪಿನ ಹಾಕಿ, ಬೆಶಿ ನೀರಿನ ಎರದು ಎರಡು ನಿಮಿಷ ಮುಚ್ಚಿ ಮಡುಗೆಕ್ಕು. ಮತ್ತೆ ಅರುಶಿದರೆ ಚಾ ರೆಡಿ.
ಇಲ್ಲಿ ತಯಾರು ಮಾಡುವಾಗ ಮುಖ್ಯ ಹೇಳಿರೆ, ನೀರು ಕೊದಿವಲೆ ಆಗ. ಸೊಪ್ಪಿನ ಹಾಕಿಕ್ಕಿ ಕೊದುಸಲೆ ಆಗ. ಎರಡು ನಿಮಿಷಂದ ಹೆಚ್ಚು ಮಡುಗಲೆ ಕೂಡಾ ಆಗ. ಹಾಲು ಹಾಕಲೆ ಆಗ.
ರುಚಿಗೆ ಸಕ್ಕರೆ, ನಿಂಬೆ ಹುಳಿ ಎಸರು, ಪರಿಮಳಕ್ಕೆ ಏಲಕ್ಕಿ ಹೊಡಿ, ಬೇಕಾದವು ಬೇಕಾದ್ದರ ಸೇರಿಸಿಗೊಂಬಲೆ ಅಕ್ಕು.

ತಳೀಯದ್ದೆ ಚಾ ಕುಡ್ಕೊಂಡು ಅವo ಕೇಳಿದ್ದೇ ಎನ್ನ ಪುಣ್ಯ. ಇಲ್ಲದ್ದರೆ ಇಷ್ಟು ಹೊತ್ತು ಸುಮ್ಮನೆ ಕೂಬವ ಅಲ್ಲ ಅವ.

~~~~

ಶರ್ಮಂಗೆ ಮಾವಿನಕಾಯಿಗೆ ಉಪ್ಪು ಮೆಣಸು ಸೇರಿಸಿ ತಿಂಬಲೆ ಇಷ್ಟ ಅಲ್ಲದ ಹಾಂಗೆ ಹುಳಿ ಮಾವಿನ ಕಾಯಿ ಸುರತ್ಕಲ್ ಮಾರ್ಕೆಟಿಂದ ತಯಿಂದೆ ಹೇಳಿದ.
ಮಾವಿನ ಕಾಯಿ ಚಿತ್ರಾನ್ನ ಕೂಡಾ ಇಷ್ಟ ಹೇಳಿ ನಿನಗೆ ಗೊಂತಿಲ್ಲೆಯಾ? ಕೇಳಿದೆ. ಹಾಂಗಾರೆ ಇಂದು ಮಧ್ಯಾನ್ಹಕ್ಕೆ ಅದುವೇ.

ಮಾವಿನಕಾಯಿ ಚಿತ್ರಾನ್ನ (Mango Rice )

ಶ್ರೀಶಂಗೆ ರಜ ರಜ ಅಡಿಗೆ ಮಾಡ್ಲೆ ಅವನ ಅಜ್ಜಿಯ ಟ್ರೈನಿಂಗ್ ಆಯಿದು ಸಣ್ಣ ಇಪ್ಪಗ. (ಎನ್ನ ಹಾಂಗೆ ಅಜ್ಜಿ ಸೆರಗಿಲ್ಲಿ ಕೈ ಬಾಯಿ ಉದ್ದಿಯೊಂಡು ಇತ್ತಿದ್ದ ಮಾತ್ರ ಅಲ್ಲ)
ಇಬ್ರೂ ಒಟ್ಟಿಂಗೆ ಒಳ ಸೇರಿಗೊಂಡೆಯೊ.
ಒಂದು ಗ್ಲಾಸ್ ಬೆಣ್ತಕ್ಕಿಗೆ ಎರಡು ಗ್ಲಾಸ್ ನೀರು ಹಾಕಿ ಕುಕ್ಕರ್ ಕೂಗಿಸಿ ಆತು. ಅದರ ತಣಿವಲೆ ಬಿಟ್ಟೆಯೊ.
(ಚಿತ್ರಾನ್ನಕ್ಕೆ ಅಷನ ರಜ ಉದುರು ಉದುರು ಆಯೆಕ್ಕು. ಅಕ್ಕಿಯ ರಜ ನೀರು ಕಮ್ಮಿ ಹಾಕಿ ಬೇಯಿಸಿದರೆ ಒಳ್ಳೆದು. ಬೇಯಿಶುವ ನೀರಿಂಗೆ ರಜ ಉಪ್ಪು ಹಾಕಿರೂ ಆವುತ್ತು – ಶ್ರೀಶನ ಅನುಭವ )

ಮಾವಿನ ಕಾಯಿಯ ಚೋಲಿ ತೆಗದು, ಗೀಸುವ ಮಣೆಲಿ ಗೀಸಿದೆಯೊ. ರಜ ಕಾಯಿ ಕೂಡಾ ಕೆರದು ಮಡ್ಕೊಂಡೆಯೊ. ಹಸಿ ಮೆಣಸಿನ ಸಣ್ಣಕ್ಕೆ ಕೊಚ್ಚಿ ಆತು.
ಗೇಸಿನ ಸ್ಟೌಲ್ಲಿ ಬಣಲೆ (ಚೀಂಚಟ್ಟಿ) ಮಡುಗಿ, ರಜ ತೆಂಗಿನೆಣ್ಣೆ ಎರದು ನೆಲಕಡ್ಲೆ ಹೊರುದು ಅದರ ಸಣ್ಣ ತಟ್ಟೆಗೆ ಸಮಲಿಸಿ ಆತು.
(ರಜ ಜಾಸ್ತಿಯೇ ಹೊರುದು ಮಡುಗಿದೆಯೊ. ಇಲ್ಲದ್ದರೆ ಅಕೇರಿಗೆ ಮಿಕ್ಸ್ ಮಾಡ್ಲೆ ಅಪ್ಪಗ ತಟ್ಟೆಲಿ ಎಂತದೂ ಇರ).

ಅದೇ ಬಣಲೆಗೆ ರಜ ಎಣ್ಣೆ ಸೇರಿಸಿ ಸಾಸಮೆ, ಉದ್ದಿನ ಬೇಳೆ ಹಾಕಿ, ಒಗ್ಗರಣೆ ತಯಾರು ಅಪ್ಪಗ ಕಿಚ್ಚು ರಜ ಸಣ್ಣ ಮಾಡಿ ಬೇವಿನ ಸೊಪ್ಪನ್ನೂ ಕೊಚ್ಚಿದ ಹಸಿ ಮೆಣಸನ್ನೂ ಹಾಕಿ ಬಾಡಿಸಿ ಆತು.
(ಶ್ರೀಶಂಗೆ ಜೋರು ಆ..ಕ್ಷಿ ಬಪ್ಪಲೆ ಸುರು ಆತು. Exhaust fan ಹಾಕದ್ದರೆ ಅವಂಗೆ ಅಲ್ಲಿ ನಿಂಬಲೇ ಎಡಿಯ)

ಅದಕ್ಕೆ ಮಾವಿನ ಕಾಯಿ ಸುಳಿ, ತೆಂಗಿನ ಕಾಯಿ ಸುಳಿ, ಹೊರುದ ನೆಲ ಕಡ್ಲೆ, ರಜ ಅರಸಿನ ಹೊಡಿ, ಹೊಡಿ ಉಪ್ಪು ಎಲ್ಲಾ ಹಾಕಿ ಸರೀ ಮಿಕ್ಸ್ ಮಾಡಿಕ್ಕಿ, ಅಷನ ಹಾಕಿ ತೊಳಸಿದೆಯೊ. ಸಣ್ಣ ಕಿಚ್ಚಿಲ್ಲಿ ರಜ ಹೊತ್ತು ಬೆಶಿ ಮಾಡಿ ಅಪ್ಪಗ ಎಂಗಳ ಚಿತ್ರಾನ್ನ ತಯಾರು.
TV ಲಿ ಎಲ್ಲ ಮಾಡ್ತವಲ್ಲದ ಹಾಂಗೆ ಇದರ ಅಲಂಕಾರ ಮಾಡೆಡದಾ? ಕೇಳಿದೆ.
ಎನಗೆ ಹಶು ಆವುತ್ತು. ಚಿತ್ರಾನ್ನ ಎನ್ನ ಹೊಟ್ಟೆಯ ಅಲಂಕರಿಸಿರೆ ಸಾಕು ಹೇಳಿದವ ಎರಡು ತಟ್ಟೆ ತೆಕ್ಕೊಂಡು ಊಟದ ಮೇಜಿಂಗೆ ಹೆರಟ.
ಎಂಗೊ ಮಾಡಿದ್ದಕ್ಕೆ ಸಾಕ್ಷಿ ಅಗಿ ಅರ್ಜೆಂಟಿಲ್ಲಿ ಒಂದು ಪಟ ತೆಗದು ಮಡುಗಿದ್ದೆ.

ಮಾವಿನ ಕಾಯಿ ಮುಗಿವನ್ನ ಮೊದಲೇ ನಿಂಗೊಳೂ ಒಂದರಿ ಮಾಡಿ ನೋಡಿ.

~~~~

ಶುದ್ದಿಶಬ್ದಂಗೊ (tags): halemane , sharma , shreekrishna ,ಒಪ್ಪಣ್ಣ, oppanna, havyaka, ಹವ್ಯಕ

ಸೂ: ©: ಈ ಶುದ್ದಿಯ ಎಲ್ಲಾ ಹಕ್ಕುದೇ ಶರ್ಮಪ್ಪಚ್ಚಿ -ಇವರ ಕೈಲಿ ಇದ್ದು. ಶುದ್ದಿಯ ಯೇವದೇ ಭಾಗವ ಇಲ್ಲಿಂದ ತೆಗೆತ್ತರೆ, ಅದರಿಂದ ಮದಲು ಅವರ ಅನುಮತಿ ತೆಕ್ಕೊಳೇಕು.

ಕುಂಡಿಗೆ ಚಟ್ನಿ ಶುದ್ದಿ ಹೇಳಿದ್ದು: ಚೂರಿಬೈಲು ದೀಪಕ್ಕ
ಗರ್ಭಪಾತ: ಭಾಗ ೨ ಶುದ್ದಿ ಹೇಳಿದ್ದು: ಸುವರ್ಣಿನೀ ಕೊಣಲೆ
ಮರೆಯಾ(ಯ)ದ ‘ಮಹಾಜನ’ ಶ್ರೀ ಖಂಡಿಗೆ ಶಾಮ ಭಟ್ ಶುದ್ದಿ ಹೇಳಿದ್ದು: ಗುರಿಕ್ಕಾರ°
ಗೊ೦ತಿಪ್ಪವು ತಿಳಿಶಿ… ಶುದ್ದಿ ಹೇಳಿದ್ದು: ಕೆದೂರು ಡಾಕ್ಟ್ರುಬಾವ°

ಬೈಲಿಲಿ ಒಂದಿನ ತಿರಿಗಿದ್ದು .. ಶುದ್ದಿ ಹೇಳಿದ್ದು: ಚೆನ್ನೈ ಭಾವ°
ಮಳೆಗಾಲದ ಅಟ್ಟಣೆಲಿ ಅಟ್ಟ-ಕೊಟ್ಟಗೆ ತುಂಬಿತ್ತೋ? ಶುದ್ದಿ ಹೇಳಿದ್ದು: ಒಪ್ಪಣ್ಣ
ಪರೀಕ್ಷಾ ಫಲಿತಾಂಶ: ಚಿಂತೆ ಬಿಡಿ, ಚಿಂತನೆ ಮಾಡಿ! ಶುದ್ದಿ ಹೇಳಿದ್ದು: ಈಚ ಭಾವ
ಜೀವನ ಚೈತ್ರ 5: ಸಸ್ಯಾಹಾರವೇ ಎಂತಕೆ? – ಭಾಗ 1 ಶುದ್ದಿ ಹೇಳಿದ್ದು: ಮಂಗ್ಳೂರ ಮಾಣಿ

“ಮಾಹಿತಿ ಹಕ್ಕು ಕಾಯಿದೆ”- ಇದರ ತಿಳಿವದು ನಮ್ಮ ಹಕ್ಕು ಶುದ್ದಿ ಹೇಳಿದ್ದು: ಶರ್ಮಪ್ಪಚ್ಚಿ
e-ವೇಸ್ಟ್ – ನಮ್ಮೆಲ್ಲರ ಕೊಡುಗೆ ಎಷ್ಟೆಷ್ಟು? ಶುದ್ದಿ ಹೇಳಿದ್ದು: ಶರ್ಮಪ್ಪಚ್ಚಿ
ಎನ್ನ ಶಾಲೆ, ಎನ್ನ ಮಾಷ್ಟ್ರು ಶುದ್ದಿ ಹೇಳಿದ್ದು: ಶರ್ಮಪ್ಪಚ್ಚಿ
ಶ್ರೀ ಧನ್ವಂತರೀ ಪೂಜೆ ಶುದ್ದಿ ಹೇಳಿದ್ದು: ಶರ್ಮಪ್ಪಚ್ಚಿ

ಈ ಶುದ್ದಿಗೆ ಇದುವರೆಗೆ 17 ಒಪ್ಪಂಗೊ

ಶ್ರೀದೇವಿ ವಿಶ್ವನಾಥ್
ಹೊತ್ತುವೇಳೆ: 30 June,2010ರ 11:02 AMಗೆ. (ಒಪ್ಪಸಂಕೊಲೆ)
VA:F [1.9.3_1094]
Rating: +1 (from 1 vote)

ಎಲಾ…ಶರ್ಮಪ್ಪಚ್ಚಿ !!!! ಗೂಗಲ್ ನ ಸರ್ಚ್ ದೇ ಇಷ್ಟು ಮಾಹಿತಿ ಕೊಡ… ಅಷ್ಟರ ಎಂಗ ಪ್ರಶ್ನೆ ಹಾಕದ್ದೆ ಎಲ್ಲಾ ಮಾಹಿತಿ ಕೊಟ್ಟದಿ…. ಅದ್ಭುತ!!!!
ಚಾ… ಬ್ಲಾಕ್, ಗ್ರೀನ್ ಹೇಳಿ ಮಾಡಿ ಕುಡಿತ್ತೆಯಾ° ಆದರೆ ಅದು ಹೇಂಗೆ ಹಾಂಗಪ್ಪದು ಹೇಳಿ ಯೋಚಿಸಿದ್ದೆ ಇಲ್ಲೆ…
ಇಂದು ಹಾಂಗೆ ಹುಡುಕ್ಕದ್ದದು ಒಳ್ಳೇದಾತು ಹೇಳಿ ಆತು… ಇಲ್ಲದ್ದರೆ ನಿಂಗ ಈಗ ಹೇಳುವಾಗ ಕೊಶಿ ಆವುತ್ತಿತಿಲ್ಲೇ ಇದಾ..
ಭಾರೀ ಲಾಯಕ ಆಯಿದು ಅಪ್ಪಚ್ಚಿ…
ಚಿತ್ರಾನ್ನ ಬಣ್ಣ ಬಣ್ಣ ಆಗಿ ಲಾಯಕ ಕಾಣ್ತು.. ತಿಂಬಲೆ ಬಪ್ಪಲೆ ಹೇಳಿದ್ದಿಲ್ಲಿ… ಮಾಡಿ ತಿಂದುಗೊಳ್ಳಿ ಹೇಳಿದ್ದಿ…
ಮಾವಿನಕಾಯಿ ಅಮ್ಮ ಕಳುಸಿ ಕೊಟ್ಟದಿದ್ದು.. ಚಿತ್ರಾನ್ನ ಮಾಡಿ ನೋಡೆಕ್ಕು….
ಧನ್ಯವಾದ ಶರ್ಮಪ್ಪಚ್ಚಿ…. ಹೀಂಗೆ ಬರೆತ್ತಾ ಇರಿ….

[ಉತ್ತರುಸಿ]
ಆದರ್ಶ
ಹೊತ್ತುವೇಳೆ: 30 June,2010ರ 11:11 AMಗೆ. (ಒಪ್ಪಸಂಕೊಲೆ)
VA:F [1.9.3_1094]
Rating: +1 (from 1 vote)

ಎಲ್ಲಾರುದೆ ಹಸಿರುಚಾಯ ಅಭಿಮಾನಿಗ ಆವುತ್ತಾ ಇಪ್ಪಾಗ ಆನು ಮಾತ್ರ ಎಂತ ಸಂಗತಿ ಹೇಳಿ ಆಲೋಚನೆಲಿತ್ತಿದ್ದೆ,, ಶರ್ಮಪ್ಪಚ್ಚಿ, ಹಸಿರುಚಾಯದ ಬಗ್ಗೆ ಈ ಅ‘ಜ್ಗಾನಿಯ ಕಣ್ಣು ತೆರೆಸಿದ್ದಕ್ಕೆ, ಧನ್ಯವಾದಂಗೋ!

[ಉತ್ತರುಸಿ]
ಅಜ್ಜಕಾನ ಭಾವ
ಹೊತ್ತುವೇಳೆ: 30 June,2010ರ 1:19 PMಗೆ. (ಒಪ್ಪಸಂಕೊಲೆ)
VA:F [1.9.3_1094]
Rating: +1 (from 1 vote)

ನಾಡ್ದು ಕೊಡೆಯಾಲಕ್ಕೆ ಹೋಪಗ ಊಟಕ್ಕೆ ಶರ್ಮಪ್ಪಚ್ಚಿ ಮನೆಗೇ ಹೋಪ ಒಪ್ಪಣ್ಣ ಬಾವ.. ಒಟ್ಟಿಂಗೆ ಆರೆಲ್ಲ ಬತ್ತವು ಹೇಳಿ ಹೇಳಿಕ್ಕು…

[ಉತ್ತರುಸಿ]
ಶ್ರೀಕೃಷ್ಣ ಶರ್ಮ. ಹಳೆಮನೆ ಉತ್ತರ ಕೊಟ್ಟದು:

ಹೊತ್ತುವೇಳೆ: 30 June,2010ರ 8:18 PM ಗೆ. (ಒಪ್ಪಸಂಕೊಲೆ)
VA:F [1.9.3_1094]
Rating: 0 (from 0 votes)

ಖಂಡಿತ ಬನ್ನಿ. ಶ್ರೀಶನನ್ನೂ ಬಪ್ಪಲೆ ಹೇಳ್ತೆ. ಅವ ಅಡಿಗೆ expert

[ಉತ್ತರುಸಿ]
ಸುಬ್ರಹ್ಮಣ್ಯ ಭಟ್
ಹೊತ್ತುವೇಳೆ: 30 June,2010ರ 5:41 PMಗೆ. (ಒಪ್ಪಸಂಕೊಲೆ)
VA:F [1.9.3_1094]
Rating: 0 (from 0 votes)

ಧನ್ಯವಾದ ಶರ್ಮಪ್ಪಚ್ಚಿ
ಬಾಯಿಲ್ಲಿ ನೀರೂರ್ತ ಹಾಂಗೆ ಬರದ್ದಿ !

[ಉತ್ತರುಸಿ]
ಶಂಕರ್ ಪಿ.ಎಸ್
ಹೊತ್ತುವೇಳೆ: 30 June,2010ರ 8:56 PMಗೆ. (ಒಪ್ಪಸಂಕೊಲೆ)
VA:F [1.9.3_1094]
Rating: +1 (from 1 vote)

ನಾಡ್ದು ಹೋಗಿ ಶರ್ಮಣ್ಣನ(ಶರ್ಮಪ್ಪಚ್ಚಿಯ) ಗ್ರೀನ್ ಟೀ ಏಂಡ್ ಚಿತ್ರಾನ್ನ ತಿಂದಿಕ್ಕಿ ರುಚಿಯ ಬಗ್ಗೆ ಫ಼ಸ್ಟ್ ಹೇಂಡ್ ರಿಪೋರ್ಟ್ ಕೊಡುತ್ತೆ.ಒಪ್ಪಣ್ಣನ ಗ್ಯಾಂಗ್ ಆರೆಲ್ಲ ಬತ್ತಿ ಹೇಳಿ,ಒಟ್ಟಿಂಗೆ ಹೋಪ.ಶರ್ಮಣ್ಣನನ್ನೂ ಶ್ರೀಶನನ್ನೂ ಒಟ್ಟಿಂಗೆ ಭೇಟಿ ಅಪ್ಪ ಸಂದರ್ಭ ಸಿಕ್ಕುತ್ತಾ ಇಲ್ಯೊ!!!!

[ಉತ್ತರುಸಿ]
ಹರೀಶ್ ಹಳೆಮನೆ
ಹೊತ್ತುವೇಳೆ: 1 July,2010ರ 4:13 PMಗೆ. (ಒಪ್ಪಸಂಕೊಲೆ)
VA:F [1.9.3_1094]
Rating: +1 (from 1 vote)

ಶರ್ಮಣ್ಣ… ಯಾವಾಗಲೂ ಕಾಫಿ ಕುಡುದೇ ಅಭ್ಯಾಸ ಎನಗೆ. ಪಚ್ಚೆ ಚಾಯ ರುಚಿ ನೋಡುವಾ ಹೇಳಿ ಕುಡುದವಂಗೆ ಭಾರೀ ರುಚಿ ಆತು ಅದು. ನಿಜವಾಗಿಯೂ ಲಾಯ್ಕ ಆವುತ್ತು. ಜಪಾನ್ ದೇಶಲ್ಲಿ ಚಾ ಕುಡಿವದು ಹೀಂಗೇ ಅಡ…

[ಉತ್ತರುಸಿ]
Soumya
ಹೊತ್ತುವೇಳೆ: 3 July,2010ರ 5:29 PMಗೆ. (ಒಪ್ಪಸಂಕೊಲೆ)
VA:F [1.9.3_1094]
Rating: 0 (from 0 votes)

Mavinakaayi chitrannakke kadenge raja menthe (haange enne haakadde) horudu lattanigeli hodi maadi haaki kalasidare Mysoreli maaduva MCya ruchi battu

[ಉತ್ತರುಸಿ]
ಶ್ರೀಕೃಷ್ಣ ಶರ್ಮ. ಹಳೆಮನೆ ಉತ್ತರ ಕೊಟ್ಟದು:

ಹೊತ್ತುವೇಳೆ: 4 July,2010ರ 7:56 PM ಗೆ. (ಒಪ್ಪಸಂಕೊಲೆ)
VA:F [1.9.3_1094]
Rating: 0 (from 0 votes)

ಮಾಹಿತಿ ಕೊಟ್ಟದಕ್ಕೆ ಧನ್ಯವಾದಂಗೊ. ಇನ್ನೊಂದು ಸರ್ತಿ ಹಾಂಗೆ ಮಾಡ್ಲೆ ಹೇಳ್ತೆ ಮನೆಲಿ.

[ಉತ್ತರುಸಿ]
ನೆಗೆಗಾರ°
ಹೊತ್ತುವೇಳೆ: 5 July,2010ರ 8:55 PMಗೆ. (ಒಪ್ಪಸಂಕೊಲೆ)
VA:F [1.9.3_1094]
Rating: +1 (from 1 vote)

ಹಸಿರು ಚಾಯ ಹೇಳ್ತಿ, ಅರುಶಿನ ಚಾಯದ ಪಟ ಕೊಟ್ಟು ಎಂಗಳ ಮಂಗ ಮಾಡ್ತಿ!
ಅಲ್ಲದೋ?
ಹೊಸಬೆಟ್ಟು ಶ್ರೀಶಣ್ಣ ನಂಬಿದನಾಯಿಕ್ಕು! ಪಾಪ!

[ಉತ್ತರುಸಿ]
ಶ್ರೀಕೃಷ್ಣ ಶರ್ಮ. ಹಳೆಮನೆ ಉತ್ತರ ಕೊಟ್ಟದು:

ಹೊತ್ತುವೇಳೆ: 6 July,2010ರ 12:59 PM ಗೆ. (ಒಪ್ಪಸಂಕೊಲೆ)
VA:F [1.9.3_1094]
Rating: +1 (from 1 vote)

ನಗೆಗಾರನ logo ಬದಲಿತ್ತು!!!
ನಾವು ಮಂಗ ಅಪ್ಪಲೆ ಹೇಳಿ ಇಲ್ಲೆಡ. “ಮಂಗನಿಂದ ಮಾನವ” ಹೇಳಿ ಮಾಷ್ಟ್ರುಗೊ ಹೇಳಿ ಕೊಟ್ಟಿದವಿದಾ, ಸಣ್ಣ ಇಪ್ಪಗಾಣ ನಮ್ಮ ಮಂಗ ಬುದ್ಧಿ ನೋಡಿ.:)
ಹಸಿರು ಚಾ ಹಸಿರು ಕಾಣ್ತಿಲ್ಲೆ ಹೇಳಿ ಶ್ರೀಶನೂ ಹೇಳಿತ್ತಿದ್ದ. “ಮೈಸೂರ್ ಪಾಕ್” ಲ್ಲಿ “ಮೈಸೂರು” ಕಾಣ್ತಿಲ್ಲೆ ಅಲ್ಲದ ಹಾಂಗೇ “ಹಸಿರು ಚಾ”ಲ್ಲಿ “ಹಸಿರು” ಕಾಣ ಹೇಳಿ ನಂಬಿಸಿದ್ದೆ ಅವನ.:)
(ಚಾಕ್ಕೆ ರೆಜಾ ಹಸಿರು ting ಇರ್ತು. ಪಟಲ್ಲಿ ಗೊಂತಾವುತ್ತಿಲ್ಲೆ)

[ಉತ್ತರುಸಿ]
Shyamanna
ಹೊತ್ತುವೇಳೆ: 5 July,2010ರ 9:16 PMಗೆ. (ಒಪ್ಪಸಂಕೊಲೆ)
VA:F [1.9.3_1094]
Rating: 0 (from 0 votes)

ಆನು ದೊಡ್ಡ ಚಾಯದ ಮರ್ಲ…. ಈ ಹಸುರುಚಾಯ ಎಲ್ಲಿ ಸಿಕ್ಕುತ್ತು?

[ಉತ್ತರುಸಿ]
ಕೊಳಚಿಪ್ಪು ಭಾವ ಉತ್ತರ ಕೊಟ್ಟದು:

ಹೊತ್ತುವೇಳೆ: 6 July,2010ರ 12:20 PM ಗೆ. (ಒಪ್ಪಸಂಕೊಲೆ)
VA:F [1.9.3_1094]
Rating: 0 (from 0 votes)

ಮಾಷ್ಟ್ರುಮಾವನ ಮಗ ಕಳುದ ಸತ್ತಿ ಅಮೇರಿಕಾಂದ ಬಪ್ಪಾಗ ದೊಡ್ಡ ಪೆಕೇಟಿಲಿ green tea ತಂದಿತ್ತಿದ್ದ.

ಆಗ ಮಾಷ್ಟುಮಾವನಲ್ಲಿ ಎಲ್ಲರಿಂಗೂ ಹಸುರು ಚಾಯ.

ಒಪ್ಪಕ್ಕ ಮತ್ತೆ ಒಪ್ಪಣ್ಣ ಹಟಗಟ್ಟಿ ಹಸುರು ಚಾಯ ಕುಡುಕ್ಕೊಂಡು ಇತ್ತಿದ್ದವು.

ಆ ಪೆಕೇಟಿಲಿ ಹೋಡಿ ಓಳುದ್ದ ಹೇಳಿ ಮಾಷ್ಟ್ರತ್ತೆ ಹತ್ತರೆ ಕೇಳಿರೆ ಗೊಂತಕ್ಕು.

[ಉತ್ತರುಸಿ]

ಶ್ರೀಕೃಷ್ಣ ಶರ್ಮ. ಹಳೆಮನೆ ಉತ್ತರ ಕೊಟ್ಟದು:

ಹೊತ್ತುವೇಳೆ: 6 July,2010ರ 1:02 PM ಗೆ. (ಒಪ್ಪಸಂಕೊಲೆ)
VA:F [1.9.3_1094]
Rating: 0 (from 0 votes)

green tea ಹೇಳಿ ಕೇಳಿರೆ ಸಿಕ್ಕುತ್ತು. ಸಣ್ಣ ಸಣ್ಣ ಪೇಟೆಗಳಲ್ಲಿ ಸಿಕ್ಕುವದು ಸಂಷಯ.
ಇಲ್ಲಿ “ಟೆಟ್ಲೀ” ಮತ್ತೆ “ಬೋಸ್ಟನ್” ನವರದ್ದು ಸಿಕ್ಕುತ್ತು. 100 ಗ್ರಾಮಿಂಗೆ ಸುಮಾರು 70 ರೂ ಇರ್ತು.
ಬೇರೆಯು ಹಲವಾರು ಕಂಪೆನಿಯವರದ್ದು ಸಿಕ್ಕುಗು

[ಉತ್ತರುಸಿ]
ಒಪ್ಪಣ್ಣ
ಹೊತ್ತುವೇಳೆ: 5 July,2010ರ 9:30 PMಗೆ. (ಒಪ್ಪಸಂಕೊಲೆ)
VA:F [1.9.3_1094]
Rating: +1 (from 1 vote)

ಶರ್ಮಪ್ಪಚ್ಚಿ…!
ಶುದ್ದಿ ಬಾರೀ ಲಾಯಿಕಾಯಿದು..
ಪಾಕವೂ ಲಾಯಿಕಾಯಿದೋ ತೋರುತ್ತು!

ಬೌಷ್ಷ ಚಿಕ್ಕಮ್ಮಂದೇ ತಂಗೆದೇ ಯೇವದೋ ಜೆಂಬ್ರಕ್ಕೆ ಹೋಯಿದವೋ ಏನೋ!!
ಅಲ್ಲದ್ರೆ ಇಷ್ಟೆಲ್ಲ ಒಯಿವಾಟಿಂಗೆ ಪುರುಸೊತ್ತಿರ.. ಅಲ್ಲದೋ?

ಹೇಳಿದಾಂಗೆ, ಚಿಕ್ಕಮ್ಮ ಮನೆಗೆ ಎತ್ತಿದ ಮೇಗೆ – ಅಟ್ಟುಂಬೊಳ ಒತ್ತರೆಮಾಡದ್ದಕ್ಕೆ- ಎರಾಡು ಪರಂಚಿದ್ದರ ಏಕೆ ಬರದ್ದಿಲ್ಲಿ ನಿಂಗೊ?

[ಉತ್ತರುಸಿ]
ಶ್ರೀಕೃಷ್ಣ ಶರ್ಮ. ಹಳೆಮನೆ ಉತ್ತರ ಕೊಟ್ಟದು:

ಹೊತ್ತುವೇಳೆ: 6 July,2010ರ 1:09 PM ಗೆ. (ಒಪ್ಪಸಂಕೊಲೆ)
VA:F [1.9.3_1094]
Rating: 0 (from 0 votes)

ಧನ್ಯವಾದ ಒಪ್ಪಣ್ಣ.
ಚಾ ಮತ್ತೆ ಚಿತ್ರಾನ್ನ ತಯಾರ್ ಆದ ಕೂಡ್ಳೆ ಬೆಶಿ ಬೆಶಿ ನಿಂಗೊಗೆ ಕಳಿಸಿದೆ. (ತಣುದರೆ ಒಳ್ಳೆದು ಆವ್ತಿಲ್ಲೆ ಅಲ್ಲದಾ?) ಹಾಂಗೆ ಮುಂದಾಣದ್ದು ಬರವಲೆ ಆಯಿದಿಲ್ಲೆ.
“ಶ್ರೀಶ” ಇದ್ದರೆ ಒತ್ತರೆ ಮಾಡ್ತ ಕೆಲಸ ಇಲ್ಲೆ. ಆದಿಕ್ಷಾಂತ ಎಲ್ಲಾ ಅವನದ್ದೇ ಕಾರ್ಬಾರ್. ಅವ all rounder ಹೇಳ್ಲಕ್ಕು

[ಉತ್ತರುಸಿ]
ಕೃಷ್ಣ ಭಟ್, ಶೇಡಿಗುಮ್ಮೆ
ಹೊತ್ತುವೇಳೆ: 26 July,2010ರ 4:51 AMಗೆ. (ಒಪ್ಪಸಂಕೊಲೆ)
VA:F [1.9.3_1094]
Rating: +1 (from 1 vote)

ಶರ್ಮ ಭಾವ,
ಹಾಲು ಹಾಕಿದ ಚಾಯ ಕುಡುದು ಅಭ್ಯಾಸ ಆಗಿ, ಹಸಿರು ಚಾಯ ಗಂಟಲಿಂದ ಕೆಲ ಇಲಿತಿಲ್ಲೇ…

[ಉತ್ತರುಸಿ]