“ಇನಿದನಿ” ಕವನ ಸಂಕಲನ-ಪ್ರಸನ್ನಾ ವಿ.ಚೆಕ್ಕೆಮನೆ

May 18, 2015 ರ 9:31 pmಗೆ ನಮ್ಮ ಬರದ್ದು, ಇದುವರೆಗೆ 11 ಒಪ್ಪಂಗೊ.

ಸಣ್ಣಸಂಕೊಲೆ(shortlink):

ಶುದ್ದಿಯ ಪ್ರಿಂಟು ಮಾಡ್ಳೆ ಇಲ್ಲಿ ಒತ್ತಿ ಶುದ್ದಿಯ ಪ್ರಿಂಟು ಮಾಡ್ಳೆ ಇಲ್ಲಿ ಒತ್ತಿ  

 “ಇನಿದನಿ” ಕವನ ಸಂಕಲನಪ್ರಸನ್ನಾ ವಿ.ಚೆಕ್ಕೆಮನೆ

ಪ್ರಸನ್ನಾ ವಿ. ಚೆಕ್ಕೆಮನೆ ನಿಂಗಳಲ್ಲಿ ಹೆಚ್ಚಿನವಕ್ಕೆ ಪರಿಚಯ ಇಪ್ಪ ಹೆಮ್ಮಕ್ಕೊ.
ನಿಂಗೊ ಹೊಸ ದಿಗಂತ ದಿನ ಪತ್ರಿಕೆಯ ಓದುವವರಾದರೆ, ಇವರ ಲೇಖನ ಒದಿಪ್ಪಿ. ಪ್ರಸನ್ನಾ ವಿ. ಚೆಕ್ಕೆಮನೆ, ಪ್ರಸನ್ನಾ ವೆಂಕಟಕೃಷ್ಣ, ಈ ಹೆಸರುಗಳಲ್ಲಿ ಲೇಖನ ಬರೆತ್ತವು. ಇನಿದನಿ ಕವನ ಸಂಕಲನಪ್ರಸನ್ನಾ ವಿ.ಚೆಕ್ಕೆಮನೆ
ಆದರ್ಶ ಗೃಹಿಣಿಯಾಗಿ ಇದ್ದುಗೊಂಡು, ಸಾಹಿತ್ಯ ಕ್ಷೇತ್ರಲ್ಲಿ ಕೃಷಿ ಮಾಡ್ತಾ ಇಪ್ಪ ಇವು ಬರದ ಕತೆಗೆ ಕೊಡಗಿನ ಗೌರಮ್ಮ ಪ್ರಶಸ್ತಿ, ಒಪ್ಪಣ್ಣ ನೆರೆಕೆರೆ ವಿಷು ವಿಶೇಷ ಸ್ಪರ್ದೆಲಿ ಪ್ರಶಸ್ತಿ ಸಿಕ್ಕಿದ್ದು.

ಇದುವರೆಗೆ ೫೦ ಕ್ಕೂ ಮಿಕ್ಕಿ ಕತೆ,ಲೇಖನ  ಕವನ೦ಗೋ ಹೊಸದಿಗಂತ, ಉದಯವಾಣಿ, ಬಾಲಮಂಗಳ, ತುಷಾರ ಇವುಗಳಲ್ಲಿ   ಪ್ರಕಟ ಆದ ಹಿರಿಮೆ ಇವಕ್ಕೆ ಇದ್ದು.
ತನ್ನ ಗೆಂಡ ವೆಂಕಟಕೃಷ್ಣ, ಮತ್ತೆ ಅತ್ತೆ ಮಾವನವರ ಪ್ರೋತ್ಸಾಹಂದ ಬರವಲೆ ಸಾಧ್ಯ ಆವ್ತಾ ಇದ್ದು ಹೇಳಿ ಅವರ ನೆನಪಿಸಿಗೊಳ್ತವು.

ಇವರ ಮಗ ವಿನಯಶಂಕರ ಬಾಲ ಪ್ರತಿಭೆ.

ಇದೀಗ “ಇನಿದನಿ” ಹೇಳ್ತ ಕವನ ಸಂಕಲವ ಬೆಂಗಳೂರಿನ ಪುಸ್ತಕ ಪ್ರಾಧಿಕಾರ ಇದರ ಸಹಕಾರಂದ ಹೆರ ತಯಿಂದವು. ಕೇರಳ ಶಾಲೆಯ 2ನೇ ತರಗತಿಯ ಕನ್ನಡ ಪಠ್ಯಪುಸ್ತಕಕ್ಕಾಗಿ ಇವರ ಕವನ “ನನ್ನ ಕೃಷಿ” ಆಯ್ಕೆ ಆಯಿದು. 36 ಕವನ ಸಂಗ್ರಹದ ಈ ಪುಸ್ತಕಕ್ಕೆ ಮುನ್ನುಡಿ ಬರದ ಹೊಸದಿಗಂತ ದೈನಿಕ ಪತ್ರಿಕೆಯ ಸ್ಥಾನೀಯ ಸಂಪದಕ ಪ್ರಕಾಶ ಇಳಂತಿಲ ಹೀಂಗೆ ಹೇಳುತ್ತವು:-

“ ಕಾವ್ಯ ಜನರ ಬದುಕಿನ ಚೈತನ್ಯ ಚಿಲುಮೆ. ಕವಿಯ ಸೃಜನಶೀಲ ಮನದಲಿ ಹುಟ್ಟಿ ಕಾವ್ಯವಾಗಿ ಹರಿದು ಓದುಗರ ಮನವ ತಟ್ಟಿ ಮಿಡಿಯುವಂತೆ ಮಾಡಲು ಕವನಕ್ಕೆ ಪ್ರಾಣ ತುಂಬಿದಂತೆ. ನೀತಿ ಭಾವರಸದಿಂದ ಕವನ ಝೇಂಕರಿಸಿದರೆ ಓದುಗನ ಮನ ಹೊಕ್ಕಿ ಜೀವರಸಕ್ಕೊಂದು ಶಕ್ತಿಯಾಗುತ್ತದೆ. ಕಾವಕೆ ಒಲಿಯದ ಮನವಿಲ್ಲ, ಕಾವ್ಯಕೆ ಸೋಲದ ಜನರಿಲ್ಲ. ಕಾವ್ಯ ಮನದ ಒರಟನು ತಿದ್ದಿ ನಯಗೊಳಿಸುವ ಪರಿ ಅನನ್ಯ. ಶ್ರೀಮತಿ ಪ್ರಸನ್ನಾ ವ್.ಚೆಕ್ಕೆಮನೆ ಗೃಹಿಣಿಯಾಗಿ ಮನೆವಾರ್ತೆಯ ಜೊತೆ ಜೊತೆಗೆ ತನ್ನ ಸೃಜನಶೀಲ ಚಿಂತನೆಯನ್ನು ಕವನ, ಸಾಹಿತ್ಯ, ಕಥೆ, ಲೇಖನಗಳ ಮೂಲಕ ಹರಿಸುತ್ತಿರುವ ಸುಪ್ತ ಪ್ರತಿಭೆ. ಅವರ ಸೃಜನಶೀಲ ಚಿಂತನೆಗೆ ಈ ಕೃತಿ ಇನ್ನಷ್ಟು ಪುಷ್ಟಿ ಕೊಡಲಿ. ಅವರಿಗೆ ಸಾ ವಿರದ ಆ  ಒಂದರ ಕೃಪೆ ಸದಾ ಇರಲಿ”

ಆದಿಲಿ ಗುರುವಿಂಗೆ ಪ್ರಣಾಮ ಅರ್ಪಿಸಿ “ಗುರು ನಮನ” ಕವನ ವಾದರೆ ಮತ್ತೆ ಏಕದಂತ ಗೌರಿಪುತ್ರಂಗೆ “ಮೊದಲ ನಮನ “ ಹೇಳಿಕ್ಕಿ,  ಕಂಬಾರು ದುರ್ಗೆಗೆ ಶರಣಾಗಿ “ಕಂಬಾರು ದುರ್ಗೆ” ಕವನ ಬರದರೆ, “ಪೊಸಡಿ ಗುಂಪೆ”ಯ ಮರೆಯದ್ದೆ “ ಓ.. ಪೊಸಡಿ ಗುಂಪೇ  ನೀನೆಮ್ಮ ಹೆಮ್ಮೆ” ಹೇಳಿದವು. ಗೊಂತಿಪ್ಪ ಕಥೆಯನ್ನೇ ಕವನ ರೂಪಲ್ಲಿ ಮಕ್ಕೊಗಾಗಿ ಬರದರೆ, “ಹಲ್ಲಿನ ಶುಚಿತ್ವ”, “ಕಂದನಿಗೆ ಕಿವಿಮಾತು” “ಕಾಡೇ ನಾಡಿನ ಸಂಪತ್ತು “ ಹೇಳಿ ಬುದ್ಧಿ ಮಾತು ಹೇಳಿದವು. ಅಮ್ಮನ ಬಗ್ಗೆ ಎರಡು ಕವನ ಬರದರೆ, ಗೋಮಾತೆಯ ಬಗ್ಗೆಯೂ ಒಂದು ಕವನ ಬರದು “ಹಾಲನು ನೀಡುವ ಹಸುವನು ಎಂದೂ ಕಟುಕರ ಕತ್ತಿಗೆ ಒಡ್ಡದಿರಿ”  ಹೇಳಿ ವಿನಯಪೂರ್ವಕವಾಗಿ ಕೇಳಿಗೊಂಡವು.

ಒಂದೆರಡು ಪದ್ಯದ ತುಣುಕುಗೊ ನಿಂಗೊಗಾಗಿ
ಚಂದಮಾಮನೆ ಬಾ ಬೇಗ
ಬಾನಲಿ ತೇಲುವ ಬೆಳ್ಳಿಯ ಬಣ್ಣದ
ಚಂದಿರಮಾಮನೆ ಬಾ ಬೇಗ
ನೀಲಿಯ ಬಾನಲಿ ಮೋಡದ ಮರೆಯಲಿ
ಅಡಗುವೆ ಏಕೆ ನೀನೀಗ ||

ಕಂದನಿಗೆ ಕಿವಿಮಾತು
ನೀತಿಮಾರ್ಗದಲ್ಲಿ ಬಾಳು ಪುಟ್ಟಕಂದನೇ
ಸತ್ಯಪಥದಿ ಸಾಗು ನೀನು ನನ್ನ ಚಿಣ್ಣನೇ||
ಅಂಧಕಾರ ಮುಸುಕಿದಾಗ ಭಯವ ಪಡದಿರು
ಹೂನ್ನಕಿರಣ ತೋರಬಹುದು ಧೈರ್ಯಗೆಡದಿರು||

ರಾಗಲ್ಲಿ ಹಾಡುವ ಹಾಂಗಿಪ್ಪ ಕವನಂಗೊ ಒಂದಾದ ಮತ್ತೆ ಒಂದು ಓದಿಸಿಗೊಂಡು ಹೋಪದು ಮಾತ್ರ ಅಲ್ಲದ್ದೆ, ಚಿಂತನೆಗೆ ಎಡೆಮಾಡಿ ಕೊಡುತ್ತು.
ಸಾಹಿತ್ಯ ಪ್ರೇಮಿಗೊ ಕೊಂಡು ಓದಿ ಪ್ರೋತ್ಸಾಹ ಕೊಡೆಕು.
ಹವ್ಯಕ ಸಾಹಿತ್ಯ ಕ್ಷೇತ್ರಲ್ಲಿಯೂ ಇವರಿಂದ ಸಾಕಷ್ಟು ಕೃಷಿ ಆಗಲಿ ಹೇಳಿ ಹಾರೈಸುವೊ  

ಇನಿದನಿ ಕವನ ಸಂಕಲನ
ಲೇಖಕಿ: ಪ್ರಸನ್ನಾ ವಿ.ಚೆಕ್ಕೆಮನೆ
ಧರ್ಮತ್ತಡ್ಕ
ಕಾಸರಗೋಡು
ಪುಟ: 40
ಬೆಲೆ: ರೂ 20/=

~~~****~~~

ಈ ಶುದ್ದಿಗೆ ಇದುವರೆಗೆ 11 ಒಪ್ಪಂಗೊ

  1. ತೆಕ್ಕುಂಜ ಕುಮಾರ ಮಾವ°
    ತೆಕ್ಕುಂಜ ಕುಮಾರ ಮಾವ°

    ಪ್ರಸನ್ನಕ್ಕಂಗೆ ಅಭಿನಂದನೆಗೊ

    [Reply]

    VN:F [1.9.22_1171]
    Rating: 0 (from 0 votes)

ಶುದ್ದಿಗೆ ಒಂದು ಒಪ್ಪ ಕೊಡಿ

(ಕನ್ನಡ - ಇಂಗ್ಳೀಶ್ ಬದಲುಸೆಕ್ಕಾರೆ [Ctrl+G] Toggle between Kannada - English)


ಬೈಲಿಂಗೆ ಲಾಗ ಹಾಕಲೆ

ಗುಟ್ಟುಶಬ್ದ(password) ಮರದತ್ತೋ?

ಬೈಲಿನ ಬಗ್ಗೆ:
ಚೋಲು - ಡಬ್ಬಲ್ ಚೋಲು
ವಿಶೇಷ ವಿಷಯ
ಶ್ರಧ್ಧಾಂಜಲಿ- ಶ್ರೀ ಬಿ.ಜಿ.ವಸಂತ (ಕೊಡಗಿನ ಗೌರಮ್ಮನವರ ಸುಪುತ್ರ)
ಶ್ರಧ್ಧಾಂಜಲಿ-ಶ್ರೀ ಬಿ.ಜಿ.ವಸಂತ (ಕೊಡಗಿನ ಗೌರಮ್ಮನವರ... ... ಓದಿ, ಒಪ್ಪಕೊಡಿ >>
ಬೆಶಿ ಬೆಶಿ ಒಪ್ಪಂಗೊ..
ಬೈಲಿನ ನೆರೆಕರೆ
ಗುರಿಕ್ಕಾರ°ಒಪ್ಪಣ್ಣಸುಭಗಪುಣಚ ಡಾಕ್ಟ್ರುಕೊಳಚ್ಚಿಪ್ಪು ಬಾವಶ್ಯಾಮಣ್ಣವೆಂಕಟ್ ಕೋಟೂರುಸುವರ್ಣಿನೀ ಕೊಣಲೆವೇಣೂರಣ್ಣಪೆರ್ಲದಣ್ಣಪುಟ್ಟಬಾವ°ಸಂಪಾದಕ°ಅನಿತಾ ನರೇಶ್, ಮಂಚಿವಾಣಿ ಚಿಕ್ಕಮ್ಮಕೇಜಿಮಾವ°ಪವನಜಮಾವಚೆನ್ನಬೆಟ್ಟಣ್ಣvreddhiವೇಣಿಯಕ್ಕ°ವಸಂತರಾಜ್ ಹಳೆಮನೆದೊಡ್ಡಭಾವವಿಜಯತ್ತೆವಿದ್ವಾನಣ್ಣದೇವಸ್ಯ ಮಾಣಿನೀರ್ಕಜೆ ಮಹೇಶಜಯಗೌರಿ ಅಕ್ಕ°ಚೂರಿಬೈಲು ದೀಪಕ್ಕದೊಡ್ಮನೆ ಭಾವ
ಬೈಲಿನ ಮೋರೆಪುಟ
ಸದ್ಯದ ಪಟಂಗೊ
ಪಂಕಜ ರಾಮ ಭಟ್
"ಆನು ಕಂಡುಂಡ ಕಾಶೀಯಾತ್ರೆ"

ಬೆಣಚ್ಚಿಪ್ಪಲ್ಲಿ ಹುಡ್ಕಲೆ