ಅಡಿಗೆಲ್ಲಿ ಕ್ರಾಂತಿ

February 16, 2012 ರ 10:00 amಗೆ ನಮ್ಮ ಬರದ್ದು, ಇದುವರೆಗೆ 78 ಒಪ್ಪಂಗೊ.

ಸಣ್ಣಸಂಕೊಲೆ(shortlink):

ಶುದ್ದಿಯ ಪ್ರಿಂಟು ಮಾಡ್ಳೆ ಇಲ್ಲಿ ಒತ್ತಿ ಶುದ್ದಿಯ ಪ್ರಿಂಟು ಮಾಡ್ಳೆ ಇಲ್ಲಿ ಒತ್ತಿ  

ಸಾಂಪ್ರದಾಯಿಕ ಆಹಾರಪದ್ಧತಿಗೆ ಮಹತ್ವ ಕೊಡ್ತ ಜಯಕ್ಕನ ಶುದ್ದಿ…

ನೀರುಳ್ಳಿ, ಬೆಳ್ಳುಳ್ಳಿ, ಐಸ್ ಕ್ರೀಂ ಮೊದಲಾದವುಗಳ ಉಪಯೋಗಿಸದ್ದೆ ಮಗಂಗೆ ತೃಪ್ತಿ ಅಪ್ಪ ಹಾಂಗೆ ರುಚಿ ರುಚಿಯಾದ ಅಡಿಗೆಗಳ ಮೂಲಕ ಅಡಿಗೆಲ್ಲಿ ಕ್ರಾಂತಿ ಮಾಡೆಕ್ಕು ಹೇಳುವ ಎಂಗಳ ಬಯಕೆ ಬೈಲಿಲ್ಲಿ ಎಲ್ಲೋರಿಂಗೂ ಗೊಂತಿದ್ದು ಹೇಳಿ ಭಾವಿಸುತ್ತೆ.
ಆ ನಿಟ್ಟಿಲ್ಲಿ ಪ್ರಯತ್ನ ಮಾಡಿ ಸುಮಾರು ಬದಲಾವಣೆಗಳ ಮಾಡಿದೆಯ.
ಕೆಲವು ಉದಾಹರಣೆಗಳ ಕೊಡುತ್ತೆ.

  1. ನೀರುಳ್ಳಿ,ಹಸಿಮೆಣಸು ಎಲ್ಲ ಹಾಕಿ ಅಕ್ಕಿರೊಟ್ಟಿ ಮತ್ತು ಬೆಳ್ಳುಳ್ಳಿಚಟ್ನಿ ಮಾಡಿಗೊಂಡು ಇತ್ತಿದ್ದೆಯ. ಅದು ಎಂಗಳ ಪ್ರಿಯ ತಿಂಡಿ ಆಗಿತ್ತು.
    ಅದರ ಬದಲು ಉಬ್ಬು ರೊಟ್ಟಿ ಮತ್ತು ಬೆಂದಿ ಮಾಡುಲೆ ಶುರು ಮಾಡಿದೆಯ.
  2. ನೀರುಳ್ಳಿ,ಹಸಿಮೆಣಸು, ಕುಚ್ಚಿಲು-ಬೆಳ್ತಿಗೆ ಸಮ ಸಮ ಹಾಕಿ ‘ಬಡ್ಡು ದೋಸೆ’ ಹೇಳುವ ತಿಂಡಿ, ಸೇರುಸುಲೇ ಚಟ್ನಿ ಹೆಚ್ಚಾಗಿ ಮಾಡಿಗೊಂಡು ಇತ್ತಿದ್ದೆಯ.
    ಅದರ ಬದಲು ಬರಿ ಅಕ್ಕಿದೋಸೆ ಮಾಡಿ ಸೇರುಸುಲೇ ಉದ್ದಿನ ಬೇಳೆ, ಮೆಣಸು ಹೊರುದು ಹಾಕಿ ತರಕಾರಿಗಸಿ ಮಾಡುಲೆ ಶುರು ಮಾಡಿದೆಯ.
  3. ಹಲವಾರು ತಿಂಡಿಗೋ, ಪದಾರ್ಥಂಗೋ…  ನೀರುಳ್ಳಿ,ಬೆಳ್ಳುಳ್ಳಿ ಉಪಯೋಗಿಸದ್ದರೆ ‘ಎಂತೋ ಒಂದು ರುಚಿ ಕಡಮ್ಮೆ’ ಆದ ಹಾಂಗೆ ಇದ್ದು ಹೇಳುವಲ್ಲಿ ಎಲ್ಲ ಉಪಯೋಗಿಸದ್ದೆ,
    ‘ನೀರುಳ್ಳಿ,ಬೆಳ್ಳುಳ್ಳಿ,ಐಸ್ ಕ್ರೀಂ’ ಎಲ್ಲ ತಿಂಬದು ಚಾಮಿಗೆ ಇಷ್ಟ ಆವುತ್ತಿಲ್ಲೆ ಅಲ್ಲದ ಮಗ? ಹೇಳಿ ಹೊಸ ರುಚಿಗೆ ನಾಲಗೆಯ ಒಗ್ಗುಸಿಗೊಂಡೆಯ.
  4. ಪಲಾವು, ರೈಸ್ ಬಾತ್ ಹೀಂಗಿದ್ದ ತಿಂಡಿಗಳ ಮಾಡುವಗ ಶ್ರೀಅಕ್ಕ ಹೇಳಿದ ಹಾಂಗೆ ಕೊತ್ತಂಬರಿ ಸೊಪ್ಪು, ಶುಂಠಿ, ಹಸಿಮೆಣಸು,ಏಲಕ್ಕಿ, ಲವಂಗ, ಚೆಕ್ಕೆ ಮೊದಲಾದವುಗಳ ಉಪಯೋಗಿಸಿ ಮನೆಲಿಯೇ ಮಸಾಲೆ ಮಾಡಿ ಹಾಕಿದೆ.
  5. ಐಸ್ ಕ್ರೀಂ ಹಾಕದ್ದೆ ಅಷ್ಟೇ ರುಚಿಕರವಾಗಿ ಫ್ರುಟ್ ಸಲಾಡ್ ಮಾಡುದು ಹೆಂಗೆ ಹೇಳಿ ಎನ್ನ ಅತ್ತಿಗೆ ಹೇಳಿಕೊಟ್ಟತ್ತು.

ಈ ಜಯಕ್ಕ ಎಂತೋ ಸಾಧಿಸಿದವರ ಹಾಂಗೆ ಎಂತಕಪ್ಪ ಹೇಳ್ತಾ ಇದ್ದು ಹೇಳಿ ಗ್ರೆಷೆಡಿ.
ಜಯಕ್ಕಂಗೆ ಇದರ ಮೀರಿದ ಆ ಪರಮಾನಂದ ಸಿಕ್ಕಿದ್ದು.

ಆದರೆ, ‘ಮಸಾಲೆ ದೋಸೆ’ ಜಯಕ್ಕಂಗೆ ಒಂದು ಸಮಸ್ಯೆ ಆಯಿದು.
ಮಕ್ಕೊಗೆಲ್ಲ ಅತ್ಯಂತ ಪ್ರಿಯ ತಿಂಡಿ ಮಸಾಲೆ ದೋಸೆ – ನೀರುಳ್ಳಿ ಹಾಕದ್ದೆ ಬಾಜಿ ಹೇಂಗೆ ಮಾಡುದಪ್ಪ ಹೇಳಿ ಎನಗೆ ಗೊಂತಾವುತ್ತಿಲ್ಲೇ
ಮಸಾಲೆ ದೋಸೆಗೆ ಪರ್ಯಾಯ (alternative) ತಿಂಡಿ ಯಾವುದೂ ಒಪ್ಪುಗು ಹೇಳಿಯೂ ಅನ್ನಿಸುತ್ತಿಲ್ಲೇ…
ಬೈಲಿಲ್ಲಿ ಆರಾರೂ ಐಡಿಯಾ ಹೇಳುಗು ಹೇಳುವ ಮಹದಾಸೆಲ್ಲಿ ಇದರ ಬರದ್ದದು.

ಶುದ್ದಿಶಬ್ದಂಗೊ (tags): , ,ಒಪ್ಪಣ್ಣ, oppanna, havyaka, ಹವ್ಯಕ

ಸೂ: ©: ಈ ಶುದ್ದಿಯ ಎಲ್ಲಾ ಹಕ್ಕುದೇ -ಇವರ ಕೈಲಿ ಇದ್ದು. ಶುದ್ದಿಯ ಯೇವದೇ ಭಾಗವ ಇಲ್ಲಿಂದ ತೆಗೆತ್ತರೆ, ಅದರಿಂದ ಮದಲು ಅವರ ಅನುಮತಿ ತೆಕ್ಕೊಳೇಕು.

ಈ ಶುದ್ದಿಗೆ ಇದುವರೆಗೆ 78 ಒಪ್ಪಂಗೊ

  1. ಬ್ರಾಹ್ಮಣರಿ೦ಗೆ ಬರಿಯ ಆಹಾರ ಪದ್ದತಿ ಮಾ೦ತ್ರ ಸಾಕ? ಅದರಿ೦ದಲೂ ಮೊದಲು ಜೀವನ ನಿರ್ವಹಣೆಗೆ ಅವು ಎ೦ತ ಮಾಡೆಕ್ಕು ಹೇಳುದಕ್ಕೆ ಮಹತ್ವ ಇಲ್ಲೆಯಾ?
    ವೈಶ್ಯರಿ೦ಗೆ ಜೀವನ ನಿರ್ವಹಣೆಗೆ ವ್ಯಾಪಾರ, ಶೂದ್ರರು ಇತರರ ಕೆಲಸ ಮಾಡಿ ಜೀವನ ನಿರ್ವಹಿಸುದು ಹೇಳಿ ಎಲ್ಲ ಮೊದಲಾಣ ಕಾಲಲ್ಲಿ ಇದ್ದತ್ತಡ. ಆದರೆ ಈಗ ಹಾ೦ಗಿದ್ದಾ? ಬ್ರಾಹ್ಮಣರು ವ್ಯಾಪಾರ ಮಾಡ್ತವು, ಬ್ರಾಹ್ಮಣರು ಶೂದ್ರರು ಮಾಡಿಗೊ೦ಡಿದ್ದ ಕೆಲಸ ಮಾಡ್ತವು.
    ನಾವು ಹೇಳಿ ಇರೆಕ್ಕಪ್ಪ ಭಾವನೆ ಕೇವಲ ಹವ್ಯಕರಿ೦ಗೆ ಸೀಮಿತವಾಗಿರೆಕ್ಕಾ? ಸಮಾಜದ ಮುಖ್ಯ ವಾಹಿನಿಲಿ ಇರೆಕ್ಕಲ್ಲದಾ? ನಾವು ಎಲ್ಲರೊಳಗೊ೦ದಾಗಿರೆಕ್ಕಲ್ಲದಾ?
    ಲ೦ಚಕೋರತನ, ಲ೦ಪಟತನ ಇತ್ಯಾದಿಗಳ ನಿಗ್ರಹಿಸೆಕ್ಕಲ್ಲದ್ದೆ ನೀರುಳ್ಳಿ ಬೆಳ್ಳುಳ್ಳಿ ತಿ೦ಬದರ ಎ೦ತಕ್ಕೆ ನಿಗ್ರಹಿಸೆಕ್ಕು?
    ಅಷ್ಟಕ್ಕೂ ಈ ಲೌಕಿಕ ಜೀವನದ ಬಗ್ಗೆ ಆಸೆ ಮೋಹ ಇಪ್ಪದು ತಪ್ಪಾ? ನಮ್ಮ ಹವ್ಯಕರಿ೦ಗೂ ನಾವು ಹೇಳೆಕ್ಕಪ್ಪದು ಉತ್ತಮ ನಡವಳಿಕೆ ಪಡಕ್ಕೊ೦ಬಲೆ, ವಿದ್ಯಾವ೦ತರಾಗಿಪ್ಪಲೆ, ಬುದ್ದಿವ೦ತರಾಗಿಪ್ಪಲೆ ಅಲ್ಲದ್ದೆ ನೀರುಳ್ಳಿ ತಿನ್ನೆಡಿ, ಬೆಳ್ಳುಳ್ಳಿ ತಿನ್ನೆಡಿ ಹೇಳಿ ಅಲ್ಲ ಹೇಳುದು ಎನ್ನ ವೈಯುಕ್ತಿಕ ಅನಿಸಿಕೆ.
    ಮನಸ್ಪೂರ್ತಿಯಾಗಿ ನೀರುಳ್ಳಿ ಬೆಳ್ಳುಳ್ಳಿ ತಿ೦ಬದು ಬಿಟ್ಟರೆ ಮತ್ತೆ ಮಸಾಲೆ ದೋಸೆಗೆ ಮಾಡುವ ಪಲ್ಯದ ರುಚಿಯ ಬಗ್ಗೆ ಕಾಳಜಿ ಸರಿಯಾ? ಇದು ಲೌಕಿಕ ಆಸೆ ಅಲ್ಲದಾ?
    ಬ್ರಹ್ಮಚಾರಿ ಆಗಿಪ್ಪಗ ಎನಗೆ ನೀರುಳ್ಳಿ ಅಹಾರದ ಅವಿಭಾಜ್ಯ ಅ೦ಗ ಆಗಿತ್ತು. ಆನು ಈಗಳೂ ನೀರುಳ್ಳಿ ತಿ೦ತೆ. ಎನಗೆ ಅದಲ್ಲಿ ಯಾವದೆ ತಪ್ಪಿತಸ್ಥ ಭಾವನೆ ಇಲ್ಲೆ.
    ಈ ಲೌಕಿಕ ಮತ್ತು ಅಲೌಕಿಕ ಆನ೦ದ೦ಗಳ ನಡೂಕೆ ಮನುಶ್ಯ ಬೇಕಾದ ಹಾ೦ಗೆ ‘ಸ್ವಿಚ್ ಒವೆರ್’ ಮಾಡುದು ಎನಗೆ ಆಚ್ಚರಿ ಆವ್ತು.

    [Reply]

    ಜಯಶ್ರೀ ನೀರಮೂಲೆ

    jayashree.neeramoole Reply:

    ೧. ಬ್ರಾಹ್ಮಣರಿ೦ಗೆ ಬರಿಯ ಆಹಾರ ಪದ್ಧತಿ ಖಂಡಿತ ಸಾಲ… ಬ್ರಾಹ್ಮಣರ ಸರ್ವಾಂಗೀಣ ಅಭಿವೃದ್ದಿಗೆ, ಅ ಮೂಲಕ ದೇಶದ ಅಭಿವೃದ್ದಿಗೆ ಎಂತ ಮಾಡುಲಕ್ಕು ಹೇಳಿ ನಾವೆಲ್ಲ ಚಿಂತನೆ ಮಾಡೆಕ್ಕು…

    ೨. ಬ್ರಾಹ್ಮಣರ ಕರ್ತವ್ಯ ಜ್ಹಾನಾರ್ಜನೆ ಮತ್ತು ಜ್ಹಾನ ಪ್ರಸರಣ. ಬ್ರಾಹ್ಮಣ್ಯವ ಕಾಪಾಡಿಗೊಂಡು ಜೀವನ ನಿರ್ವಹಣೆಗೆ ಅತ್ಯುತ್ತಮ ಮಾರ್ಗ ಕೃಷಿ. ಇಂದು ದೇಶಲ್ಲಿ ಕೃಷಿ ಸಂಪೂರ್ಣ ಅವನತಿಯ ಸ್ಥಿತಿಲಿ ಇಪ್ಪ ಕಾರಣ ಬ್ರಾಹ್ಮಣರಿಂಗೆ ಅದರ ಅಭಿವೃದ್ದಿ ಮಾಡುಲೆ ಬೇಕಾದಷ್ಟು ಅವಕಾಶ ಇದ್ದು.

    [ವೈಶ್ಯರಿ೦ಗೆ ಜೀವನ ನಿರ್ವಹಣೆಗೆ ವ್ಯಾಪಾರ, ಶೂದ್ರರು ಇತರರ ಕೆಲಸ ಮಾಡಿ ಜೀವನ ನಿರ್ವಹಿಸುದು ಹೇಳಿ ಎಲ್ಲ ಮೊದಲಾಣ ಕಾಲಲ್ಲಿ ಇದ್ದತ್ತಡ. ಆದರೆ ಈಗ ಹಾ೦ಗಿದ್ದಾ? ಬ್ರಾಹ್ಮಣರು ವ್ಯಾಪಾರ ಮಾಡ್ತವು, ಬ್ರಾಹ್ಮಣರು ಶೂದ್ರರು ಮಾಡಿಗೊ೦ಡಿದ್ದ ಕೆಲಸ ಮಾಡ್ತವು.
    ನಾವು ಹೇಳಿ ಇರೆಕ್ಕಪ್ಪ ಭಾವನೆ ಕೇವಲ ಹವ್ಯಕರಿ೦ಗೆ ಸೀಮಿತವಾಗಿರೆಕ್ಕಾ? ಸಮಾಜದ ಮುಖ್ಯ ವಾಹಿನಿಲಿ ಇರೆಕ್ಕಲ್ಲದಾ? ನಾವು ಎಲ್ಲರೊಳಗೊ೦ದಾಗಿರೆಕ್ಕಲ್ಲದಾ?
    ಲ೦ಚಕೋರತನ, ಲ೦ಪಟತನ ಇತ್ಯಾದಿಗಳ ನಿಗ್ರಹಿಸೆಕ್ಕಲ್ಲದ್ದೆ ನೀರುಳ್ಳಿ ಬೆಳ್ಳುಳ್ಳಿ ತಿ೦ಬದರ ಎ೦ತಕ್ಕೆ ನಿಗ್ರಹಿಸೆಕ್ಕು?]

    ಮನೇಲಿ ಎಲ್ಲವೂ ಅವ್ಯವಸ್ಥಿತವಾಗಿ ಇದ್ದು ಹೇಳಿ ನಾವು ಚಿಂತೆ ಮಾಡಿಗೊಂಡು ಕೂದರೆ ಸಮಸ್ಯೆ ಪರಿಹಾರ ಆವುತ್ತಿಲ್ಲೇ. ಹಾಂಗೆ ದೇಶಲ್ಲಿ ಯಾವುದೂ ಸರಿ ಇಲ್ಲೇ ನಾವು ಸುಮ್ಮನೆ ಕೂದರೆ ಏನೂ ಪ್ರಯೋಜನ ಇಲ್ಲೇ. ದೇಶಲ್ಲಿ ಬೇರೆಲ್ಲ ಸರಿ ಇಲ್ಲೇ ಹೇಳಿ ಹೇಳುವ ಮೊದಲು ನಾವು ಸರಿ ಇದ್ದ ಹೇಳಿ ಒಂದರಿ ನೋಡಿಗೊಲ್ಲೆಕ್ಕಾವುತ್ತು… ನಾವು ಬ್ರಾಹ್ಮಣರಾಗಿ ನಮ್ಮ ಕರ್ತವ್ಯವ ಸರಿಯಾಗಿ ಮಾಡುತ್ತಾ ಇದ್ದು ಹೇಳಿ ಆದರೆ ಇತರರ ಸರಿ ಮಾಡುಲೆ ಹೆರಡುಲಕ್ಕು… ಬ್ರಾಹ್ಮಣರಲ್ಲೂ ಹಾಂಗೆ ‘ನಾವು ಪರಸ್ಪರ ಅವ ಸರಿ ಇಲ್ಲೇ… ಇವ ಸರಿ ಇಲ್ಲೇ… ಹೇಳುವ ಮೊದಲು ನಾವು ಸರಿ ಇದ್ದಾ ಹೇಳಿ ನೋಡಿಗೊಲ್ಲೆಕ್ಕಾವುತ್ತು…’. “ನಾವೊಬ್ಬ ಸರಿ ಆದರೆ ನಮ್ಮ ಪಾಲಿಂಗೆ ಜಗತ್ತು ಸರಿ ಆವುತ್ತು” ಹೇಳುದು ನೂರಕ್ಕೆ ನೂರರಷ್ಟು ಸತ್ಯ. ಆಹಾರ ಪದ್ಧತಿ ನಮ್ಮ ಗುಣ ಸ್ವಭಾವದ ಮೇಲೆ ಜೀವನದ ಮೇಲೆ ಅತ್ಯಂತ ಪ್ರಭಾವ ಬೀರುವ ಕಾರಣ ನಾವು ಆಹಾರ ಪದ್ದತಿಗೆ ಪ್ರಾಮುಖ್ಯತೆ ಕೊಡಲೇ ಬೇಕು.

    [ಅಷ್ಟಕ್ಕೂ ಈ ಲೌಕಿಕ ಜೀವನದ ಬಗ್ಗೆ ಆಸೆ ಮೋಹ ಇಪ್ಪದು ತಪ್ಪಾ? ನಮ್ಮ ಹವ್ಯಕರಿ೦ಗೂ ನಾವು ಹೇಳೆಕ್ಕಪ್ಪದು ಉತ್ತಮ ನಡವಳಿಕೆ ಪಡಕ್ಕೊ೦ಬಲೆ, ವಿದ್ಯಾವ೦ತರಾಗಿಪ್ಪಲೆ, ಬುದ್ದಿವ೦ತರಾಗಿಪ್ಪಲೆ ಅಲ್ಲದ್ದೆ ನೀರುಳ್ಳಿ ತಿನ್ನೆಡಿ, ಬೆಳ್ಳುಳ್ಳಿ ತಿನ್ನೆಡಿ ಹೇಳಿ ಅಲ್ಲ ಹೇಳುದು ಎನ್ನ ವೈಯುಕ್ತಿಕ ಅನಿಸಿಕೆ.
    ಮನಸ್ಪೂರ್ತಿಯಾಗಿ ನೀರುಳ್ಳಿ ಬೆಳ್ಳುಳ್ಳಿ ತಿ೦ಬದು ಬಿಟ್ಟರೆ ಮತ್ತೆ ಮಸಾಲೆ ದೋಸೆಗೆ ಮಾಡುವ ಪಲ್ಯದ ರುಚಿಯ ಬಗ್ಗೆ ಕಾಳಜಿ ಸರಿಯಾ? ಇದು ಲೌಕಿಕ ಆಸೆ ಅಲ್ಲದಾ?
    ಬ್ರಹ್ಮಚಾರಿ ಆಗಿಪ್ಪಗ ಎನಗೆ ನೀರುಳ್ಳಿ ಅಹಾರದ ಅವಿಭಾಜ್ಯ ಅ೦ಗ ಆಗಿತ್ತು. ಆನು ಈಗಳೂ ನೀರುಳ್ಳಿ ತಿ೦ತೆ. ಎನಗೆ ಅದಲ್ಲಿ ಯಾವದೆ ತಪ್ಪಿತಸ್ಥ ಭಾವನೆ ಇಲ್ಲೆ.ಈ ಲೌಕಿಕ ಮತ್ತು ಅಲೌಕಿಕ ಆನ೦ದ೦ಗಳ ನಡೂಕೆ ಮನುಶ್ಯ ಬೇಕಾದ ಹಾ೦ಗೆ ‘ಸ್ವಿಚ್ ಒವೆರ್’ ಮಾಡುದು ಎನಗೆ ಆಚ್ಚರಿ ಆವ್ತು.]

    ಲೌಕಿಕವಾದ ಜೀವನದ ಬಗ್ಗೆ ಆಸೆ ಖಂಡಿತ ತಪ್ಪಲ್ಲ… ಈ ಜೀವನವ ಅತ್ಯುತ್ತಮ ರೀತಿಲ್ಲಿ ನಿರ್ವಹಿಸಿ ಸಾಧ್ಯವಿದ್ದಷ್ಟು ಇತರರಿಂಗೂ ಉತ್ತಮ ರೀತಿಲ್ಲಿ ನಿರ್ವಹಿಸುಲೇ ಸಹಾಯ ಮಾಡಿ ಕೊನೆಗೆ ‘ಆ ಅಲೌಕಿಕವಾದ ಆನಂದ’ ಪಡವದೆ ಪ್ರತಿಯೊಬ್ಬನ ಜೀವನದ ಗುರಿ. ಕ್ರಿಮಿ ಕೀಟಂದ ಹಿಡುದು ಉತ್ತಮೋತ್ತಮ ಜನ್ಮಂಗಳ ಪಡದು ಕೊನೆಗೆ ಮಾನವ ಜನ್ಮ… ಅದರಲ್ಲೂ ಬ್ರಾಹ್ಮಣ ಆಗಿ ಹುಟ್ಟುದು… ಹೇಳಿರೆ ನಾವು ಆ ಗುರಿಯ ಸೇರುಲೇ ಅತ್ಯಂತ ಸನಿಹಲ್ಲಿ ಇದ್ದು. ಇಷ್ಟೂ ಕಷ್ಟ ಬಂದು ಗುರಿಯ ಸಮೀಪ ಎತ್ತಿದ ನಾವು ಇನ್ನು ಬ್ರಾಹ್ಮಣ್ಯವ ಬಿಟ್ಟು ಗುರಿಂದ ಹಿಂದೆ ಹೋಯೆಕ್ಕ? ಹೇಳಿ ನಮಗೆ ನಾವೇ ಆಲೋಚನೆ ಮಾಡೆಕ್ಕು…

    ಒಂದರಿ ‘ಆ ಪರಮಾನಂದ’ ಸ್ಥಿತಿಗೆ ಎತ್ತಿತ್ತು ಹೇಳಿ ಆದರೆ ಮತ್ತೆ ಅವ ಎಲ್ಲ ನಿಯಮಂಗಳ ಮೀರಿದವ… ಅವನ ಸಾಯಿಸಿರೂ ಅವಂಗೆ ಸಾವಿಲ್ಲೇ… ಅವ ಲೌಕಿಕವಾದ ಜೀವನವ ನಡೆಸುವ ಉದ್ದೇಶ ಇತರರಿಂಗೆ ಬೇಕಾಗಿ ಮಾಂತ್ರ… “ಅಮ್ಮಂಗೆ ಸಕಲ ಮರ್ಯಾದೆಗಳೊಂದಿಗೆ ಸನ್ಮಾನ ಪಡಕ್ಕೊಂಡು ಅತ್ಯುತ್ತಮ ರೀತಿಲ್ಲಿ ಇಪ್ಪ ಅವಕಾಶ ಇದ್ದರೂ ಯಾವ ತರ ಅಮ್ಮ ಹಸಿದ ಮಕ್ಕಳ ಬಿಟ್ಟಿಕ್ಕಿ ಹೋಗದೋ ಹಾಂಗೆ ಅಲೌಕಿಕವಾದ ಆನಂದ ಪಡದವ ಲೌಕಿಕವಾದ ಜೀವನಲ್ಲಿ ಇಕ್ಕು…”.

    [Reply]

    rk bhat Reply:

    ಬ್ರಾಹ್ಮಣರಲ್ಲಿ ಸಾಕಸ್ಟು ಜನ ಕೃಷಿ ಮಾಡುವವು ಇದ್ದವು. ಆ ಬಗ್ಗೆ ಎನಗೆ ಯಾವದೇ ಗೊ೦ದಲ ಇಲ್ಲೆ.
    “ಮನೇಲಿ ಎಲ್ಲವೂ ಅವ್ಯವಸ್ಥಿತವಾಗಿ ಇದ್ದು ಹೇಳಿ ನಾವು ಚಿಂತೆ ಮಾಡಿಗೊಂಡು ಕೂದರೆ ಸಮಸ್ಯೆ ಪರಿಹಾರ ಆವುತ್ತಿಲ್ಲೇ. ಹಾಂಗೆ ದೇಶಲ್ಲಿ ಯಾವುದೂ ಸರಿ ಇಲ್ಲೇ ನಾವು ಸುಮ್ಮನೆ ಕೂದರೆ ಏನೂ ಪ್ರಯೋಜನ ಇಲ್ಲೇ. ದೇಶಲ್ಲಿ ಬೇರೆಲ್ಲ ಸರಿ ಇಲ್ಲೇ ಹೇಳಿ ಹೇಳುವ ಮೊದಲು ನಾವು ಸರಿ ಇದ್ದ ಹೇಳಿ ಒಂದರಿ ನೋಡಿಗೊಲ್ಲೆಕ್ಕಾವುತ್ತು… ನಾವು ಬ್ರಾಹ್ಮಣರಾಗಿ ನಮ್ಮ ಕರ್ತವ್ಯವ ಸರಿಯಾಗಿ ಮಾಡುತ್ತಾ ಇದ್ದು ಹೇಳಿ ಆದರೆ ಇತರರ ಸರಿ ಮಾಡುಲೆ ಹೆರಡುಲಕ್ಕು… ಬ್ರಾಹ್ಮಣರಲ್ಲೂ ಹಾಂಗೆ ‘ನಾವು ಪರಸ್ಪರ ಅವ ಸರಿ ಇಲ್ಲೇ… ಇವ ಸರಿ ಇಲ್ಲೇ… ಹೇಳುವ ಮೊದಲು ನಾವು ಸರಿ ಇದ್ದಾ ಹೇಳಿ ನೋಡಿಗೊಲ್ಲೆಕ್ಕಾವುತ್ತು…’. “ನಾವೊಬ್ಬ ಸರಿ ಆದರೆ ನಮ್ಮ ಪಾಲಿಂಗೆ ಜಗತ್ತು ಸರಿ ಆವುತ್ತು” ಹೇಳುದು ನೂರಕ್ಕೆ ನೂರರಷ್ಟು ಸತ್ಯ. ಆಹಾರ ಪದ್ಧತಿ ನಮ್ಮ ಗುಣ ಸ್ವಭಾವದ ಮೇಲೆ ಜೀವನದ ಮೇಲೆ ಅತ್ಯಂತ ಪ್ರಭಾವ ಬೀರುವ ಕಾರಣ ನಾವು ಆಹಾರ ಪದ್ದತಿಗೆ ಪ್ರಾಮುಖ್ಯತೆ ಕೊಡಲೇ ಬೇಕು”
    ಅದರ ಅರ್ಥ ಬ್ರಾಹ್ಮಣ ಒಬ್ಬ ದೊಡ್ಡ ಉದ್ಯೋಗಲ್ಲಿಪ್ಪವ ಲ೦ಚಕೋರನಾದರೂ ಅವ ವಿಮರ್ಶಾತೀತ ಹೇಳಿಯಾ?
    ನಾವು ಸರಿ ಆದರೆ ನಮ್ಮ ಪಾಲಿ೦ಗೆ ಜಗತ್ತು ಹೇ೦ಗೆ ಸರಿ ಆವ್ತು? ಜೀವನಲ್ಲಿ ಒ೦ದು ಸರ್ತಿಯೂ ಲ೦ಚ ತೆಕ್ಕೊಳದ್ದ ಮನುಶ್ಯ ಅವನ ಮನೆ ದಾಖಲೀಕರಣಕ್ಕೆ ಲ೦ಚ ಕೊಡೆಕ್ಕಾವ್ತು. ನಾವು ಸರಿ ಇದ್ದರೆ ಇದೆಲ್ಲಾ ಹೇ೦ಗೆ ಸರಿ ಆವ್ತು?
    ಆಹಾರ ಪದ್ದತಿ ತು೦ಬಾ ದೊಡ್ಡ ಮಾತಾತು, ಬರಿಯ ನೀರುಳ್ಳಿ ಬೆಳ್ಳುಳ್ಳಿ ಮನುಶ್ಯರ ಸ್ವಭಾವ ಬದಲುಸುತ್ತು ಹೇಳುದು ಎಸ್ಟು ಸರಿ? ಮನುಶ್ಯನ ಬೆಳದು ಬ೦ದ ಪರಿಸರ, ಅವನ ಗೆಳೆತನ, ಒಡನಾಟ ಇದೆಲ್ಲ ಮನುಶ್ಯನ ಅಲೋಚನೆಗಳ ಮೇಲೆ ಪ್ರಭಾವ ಬೀರುಗು, ಆದರೆ ನಿರುಪದ್ರವಿ ನೀರುಳ್ಳಿ ಬೆಳ್ಳುಳ್ಳಿ ಅಲ್ಲ.

    ಎನ್ನ ಸೀಮಿತ ತಿಳುವಳಿಕೆ ಪ್ರಕಾರ ‘ನೀರುಳ್ಳಿ ಬೆಳ್ಳುಳ್ಳಿ’ ತಿ೦ಬದು ಬಿಟ್ಟು ‘ಎನ್ನ ಜೀವನ ಅತ್ಯುತ್ತಮ ರೀತಿ ಆನು ನಿರ್ವಹಿಸುತ್ತಾ ಇದ್ದೆ’ ಹೇಳೀರೆ ಅದು ಬರಿಯ ಆತ್ಮ ವ೦ಚನೆ . ಮತ್ತೆ ಇಹ ಲೋಕಲ್ಲಿಪ್ಪ ಜನ೦ಗ ಲೌಕಿಕ ಚಿ೦ತನೆ ಮಾಡದ್ದರೆ ಇನ್ನಾರು ಮಾಡುದು ಲೌಕಿಕ ಚಿ೦ತನೆ?
    ಮತ್ತೆ ಈ ಪರಮಾನ೦ದ ಹೇಳುದು ಅಳವಲೆ ಎಡಿಯ. ಅದು ಬರಿಯ ಮನೋಸ್ಥಿತಿ.

    [Reply]

    ಜಯಶ್ರೀ ನೀರಮೂಲೆ

    jayashree.neeramoole Reply:

    ನಿಂಗ ಹೇಳಿದ ಹಾಂಗೆ ಮನುಶ್ಯನ ಬೆಳದು ಬ೦ದ ಪರಿಸರ, ಅವನ ಗೆಳೆತನ, ಒಡನಾಟ ಇದೆಲ್ಲ ಮನುಶ್ಯನ ಅಲೋಚನೆಗಳ ಮೇಲೆ ಪ್ರಭಾವ ಬೀರುತ್ತು… ನಮ್ಮ ಮಕ್ಕೊಗೆ ಅತ್ಯುತ್ತಮ ಆಹಾರ, ಅತ್ಯುತ್ತಮ ಪರಿಸರ ಸಿಕ್ಕುಲೇ ಎಂತ ಮಾಡುಲಕ್ಕು ಹೇಳಿ ಚಿಂತನೆ ಮಾಡುವ…

    ಅತ್ಯುತ್ತಮ ಆಹಾರ ಪದ್ಧತಿ ರೂಪಿಸೆಕ್ಕು ಹೇಳಿಯೇ ನಮ್ಮ ಆಶಯ.ಬ್ರಾಹ್ಮಣರ ಆಹಾರ ಪದ್ದತಿಲ್ಲಿ ಸಂಪೂರ್ಣ ನಿಷೇಧ ಹೇಳಿದ ‘ನೀರುಳ್ಳಿ,ಬೆಳ್ಳುಳ್ಳಿ’ ಇದರ ವರ್ಜ್ಯವ ಪ್ರಥಮ ಹಂತವಾಗಿ ಆರಿಸಿಗೊಂಡದು.

    ನೀರ್ಕಜೆ ಮಹೇಶ

    ನೀರ್ಕಜೆ ಮಹೇಶ Reply:

    { ಬ್ರಾಹ್ಮಣರ ಆಹಾರ ಪದ್ದತಿಲ್ಲಿ ಸಂಪೂರ್ಣ ನಿಷೇಧ ಹೇಳಿದ ‘ನೀರುಳ್ಳಿ,ಬೆಳ್ಳುಳ್ಳಿ’ ಇದರ ವರ್ಜ್ಯವ ಪ್ರಥಮ ಹಂತವಾಗಿ ಆರಿಸಿಗೊಂಡದು }

    ಒಂದು ಅರಿಕೆ. ಬ್ರಾಹ್ಮಣ್ಯದ ಕಾನ್ಸೆಪ್ಟ್ ನ ಮೂಲ ವೇದೋಪನಿಷತ್ತು (ಬಹುಷ: ಅಥರ್ವದ ಹೊರತಾಗಿ). ಅದರಲ್ಲಿ ನೀರುಳ್ಳಿ ಬೆಳ್ಳುಳ್ಳಿ ನಿಷೇಧ ಇದ್ದಾ? ಎನಗೆ ತಿಳುದಿಪ್ಪ ಪ್ರಕಾರ ಇಲ್ಲೆ. ಅದರ ನಂತರ ಬಂದ ಗ್ರಂಥಂಗಳಲ್ಲಿ ನಿರ್ದಿಷ್ಟ ಕಾರಣಕ್ಕೆ ನಿಷೇಧ ಬಂದದಾದಿಕ್ಕು. ಅದಕ್ಕೆ ಅಷ್ಟು ಮಹತ್ವ ಕೊಡೆಕ್ಕು ಹೇಳಿ ಇಲ್ಲೆ ಹೇಳಿ ಎನ್ನ ಅನಿಸಿಕೆ.

    ಜಯಶ್ರೀ ನೀರಮೂಲೆ

    jayashree.neeramoole Reply:

    ನಾವು ಹಿಂದಂಗೆ ತಿರುಗಿ ಹೋವುತ್ತರೆ ಈಗ ಇದ್ದಲ್ಲಿಂದಲೇ ಹಿಂದೆ ಹಿಂದೆ ಹೋಯೆಕ್ಕಷ್ಟೇ… ವೇದ ಕಾಲಂದ ಸುರು ಮಾಡಿ ಅರ್ಥಯಿಸಿಗೊಂಡು ಬರೆಕ್ಕಾರೆ ಮಧ್ಯಲ್ಲಿ ಎಂತೆಲ್ಲ ಆತು ಹೇಳಿ ನಮಗೆ ಗೊಂತಿರೆಕ್ಕಾವುತ್ತು…

    ‘ನೀರುಳ್ಳಿ,ಬೆಳ್ಳುಳ್ಳಿ’ ರಾಜಸ,ತಾಮಸ ಗುಣಗಳ ಹೆಚ್ಚಿಸುವ ಕಾರಣ ಅದು ಬ್ರಾಹ್ಮಣರಿಂಗೆ ನಿಶಿದ್ದ ಹೇಳಿ ನಮಗೆ ಇಂದು ಗೊಂತಿದ್ದು ಮತ್ತು ಪೂಜೆ,ವ್ರತದ ದಿನ ಇಂದು ಕೂಡಾ ನಾವು ಸೇವಿಸುತ್ತಿಲ್ಲೇ…

    VA:F [1.9.22_1171]
    Rating: 0 (from 0 votes)

    rk bhat Reply:

    ಆದರೂ ಮಹೇಶಣ್ಣಾ ಈ ಹೊಗೆಸೊಪ್ಪು, ಕುಚ್ಚಲಕ್ಕಿ ಅನ್ನ, ಚರ್ಮೋತ್ಪನ್ನ೦ಗ, ಕ್ರ್ಸಿಷ್ನಾಜಿನ ಇದಕ್ಕೆಲ್ಲ ಇಲ್ಲದ್ದ ನಿಶೇಧ ಈ ನೀರುಳ್ಳಿ ಬೆಳ್ಳುಳ್ಳಿ ಗೆ ಇಪ್ಪದು ನೋಡೀರೆ ಆಚ್ಚರಿ ಆವ್ತು.

    ಜಯಶ್ರೀ ನೀರಮೂಲೆ

    jayashree.neeramoole Reply:

    ಬ್ರಾಹ್ಮಣರಿಂಗೆ ಸಂಪೂರ್ಣ ನಿಷೇಧ ಹೇಳಿದ ‘ನೀರುಳ್ಳಿ,ಬೆಳ್ಳುಳ್ಳಿ’, ಆರೋಗ್ಯಕ್ಕೆ ಒಳ್ಳೆದಲ್ಲದ್ದ ‘ಚಹಾ,ಕಾಫಿ, ಐಸ್ಕ್ರೀಂ,ಚಾಕಲೇಟ್’ ಇವುಗಳ ಮೊದಲ ಹಂತಲ್ಲಿ ಆರಿಸಿಗೊಂಡದು. ಹೊಗೆಸೊಪ್ಪು ಬ್ರಾಹ್ಮಣರು ಸೇವಿಸುತ್ತ ಇಲ್ಲೇ ಹೇಳಿ ತಿಳುಕ್ಕೊಂಡದು… ಎರಡನೇ ಹಂತಲ್ಲಿ ಎಂತೆಲ್ಲ ಕ್ರಮಂಗಳ ಅಳವಡಿಸಿಗೊಂಬಲಕ್ಕು ಹೇಳಿ ದಯವಿಟ್ಟು ತಿಳಿಸೆಕ್ಕು…

    rk bhat Reply:

    ಇ೦ದು ನಿ೦ಗ ಹೆಚ್ಚಿನ ಹವ್ಯಕರ ಕಾರ್ಯಕ್ರಮ೦ಗಳಲ್ಲೂ ‘ಎಲೆ ತಟ್ಟೆ’ ನೋಡುಲೆಡಿಗು. ಆದಲ್ಲಿ ರಾರಾಜಿಸಿಗೊ೦ಡಿಪ್ಪ ಹೊಗೆ ಸೊಪ್ಪು ಕಣ್ಣಿ೦ಗೆ ಕಾ೦ಗು, ಒಟ್ಟಿ೦ಗೆ ‘ಇದು ಕುಣಿಯವೋ ಭಾವ?’ ಹೇಳಿ ವಿಮರ್ಶೆ ಮಾಡಿಗೊ೦ಡು ಅದರ ಎಲೆ ಒಟ್ಟಿ೦ಗೆ ತಿ೦ಬ ನಮ್ಮ ಜಾತಿಯೊರನ್ನೂ ಕಾ೦ಗು. (ಸಣ್ಣ ಪ್ರಾಯದ ಜವ್ವನಿಗರನ್ನೂ ಸೇರುಸಿ)
    ಕುಚ್ಚಲಕ್ಕಿ ಅನ್ನ ಯಾವದಾದರೂ ಕಾರ್ಯಕ್ರಮ೦ಗಳಲ್ಲಿ ಮಾಡ್ತವಾ? ಎ೦ತಕ್ಕೇಳೀರೆ ಅದು ಒ೦ದರಿ ಬೇಶಿದ್ದು, ಬ್ರಾಃಮಣರಿ೦ಗೆ ಅದು ವರ್ಜ್ಯ ಹೇಳುದೇ ಕಾರಣ. ಆದರೆ ನಮ್ಮೋರು ನಿತ್ಯೋಪಯೋಗಕ್ಕೆ ಬಳಸುತ್ತವಿಲ್ಲೆಯಾ ಅದರ?
    ಸ೦ಪೂರ್ಣ ಸಾತ್ವಿಕ ಗುಣ೦ಗ ಇರೆಕ್ಕಾದ ನಮ್ಮೋರು ಚರ್ಮೋತ್ಪನ್ನ೦ಗಳ ಉಪಯೋಗಿಸುದು ಸರಿಯಾ?
    ದಿನೋಪಯೋಗೀ ವಸ್ತುಗಳಾದ ಟೂತ್ ಪೇಸ್ತ್ ಎ೦ತರ ಉಪಯೋಗಿಸಿ ಮಾಡ್ತವು ಹೇಳಿ ಅ೦ದಾಜಿ ಇಕ್ಕನ್ನೆ? ಶಕ್ಕರೆ ಶುದೀಕರಣ ಮಾಡುದು ಹೇ೦ಗೆ ಹೇಳಿ ಗೊ೦ತಿಕ್ಕನೆ? ಅದೆಲ್ಲಾ ವರ್ಜಿಸೆಕ್ಕು ಬ್ರಾಹ್ಮಣರು ಹೇಳೀರೆ ಎಡಿಗಾ?
    ಬಹುಶ ನೀರುಳ್ಳಿ ಬೆಳ್ಳುಳ್ಳಿ ೦ದ ಮೊದಲು ಇದೆಲ್ಲ ವರ್ಜಿಸೆಕ್ಕಕ್ಕು ಸ೦ಪೂರ್ಣ ಬ್ರಾಃಮಣೀಕರಣ ಬೇಕಾರೆ.

    ಜಯಶ್ರೀ ನೀರಮೂಲೆ

    jayashree.neeramoole Reply:

    ಎಡಿಗು ಹೇಳಿ ಪ್ರಯತ್ನ ಮಾಡಿರೆ ಖಂಡಿತ ಎಡಿಗು… ಎಂಗಳ ಮನೆಗೆ ನೀರುಳ್ಳಿ,ಬೆಳ್ಳುಳ್ಳಿ,ಐಸ್ ಕ್ರೀಂ,ಚಾಕಲೇಟ್ ತಪ್ಪದರ ನಿಲ್ಲುಸಿದ್ದೆಯ… ಕಾಪಿ ಹುಡಿ,ಚಾ ಹುಡಿ ಬಂದವರಿಂಗೆ ಮಾಡಿ ಕೊಡುಲೆ ಬೇಕಾರೆ ಹೇಳಿ ಮಾಂತ್ರ ಮಡಿಕ್ಕೊಂಡಿದೆಯ… ಮೊದಲು ಎಂಗಳಲ್ಲಿ ಕಷಾಯದ ಹೊಡಿ ಇತ್ತಿಲ್ಲೇ… ಈಗ ಸುಮಾರು ಜೆನ ಬಂದವುದೇ ಕಷಾಯ(ಕಷಾಯ ಇದ್ದರೆ ಅದುವೇ ಅಕ್ಕು) ಹೇಳಿ prefer ಮಾಡುತ್ತವು… ಬೆಲ್ಲದ ಬದಲು (ಜೋನಿ ಬೆಲ್ಲ) ಹೇಳಿ ತಪ್ಪಲೆ ಶುರು ಮಾಡಿದ್ದೆಯ… ಟೂತ್ ಪೇಸ್ಟ್ ಬದಲು ‘ಗೌ ಗಂಗಾ’ ಹೇಳಿ ಮಠದ ಉತ್ಪನ್ನ ಉಪಯೋಗಿಸುತ್ತಾ ಇದ್ದೆಯಾ…
    ನಮ್ಮ ನಮ್ಮ ಮನೆಗಳಲ್ಲಿ ಅಳವಡಿಸುತ್ತಾ ಹೋದರೆ ಸಾಕು… ಅದರಲ್ಲಿಪ್ಪ ಒಳ್ಳೆಯ ಅಂಶಗಳ ಗಮನಿಸಿ ನಮ್ಮ ಮನೆಗೆ ಬಪ್ಪವುದೇ ಅಳವಡಿಸಿಗೊಳ್ಳುತ್ತವು… ಈಗ ಇಪ್ಪವರ ತಿದ್ದುವುದಕ್ಕಿಂತ ಮುಖ್ಯವಾಗಿ ನಮ್ಮ ಮನಸ್ಸಿಲ್ಲಿ ನಮ್ಮ ಮಕ್ಕಳ ಬಗ್ಗೆ ಆಲೋಚನೆ ಮಾಡೆಕ್ಕು… ಹೀಂಗೆ ನಮ್ಮ ಮಕ್ಕಳ ಕಾಲಕ್ಕಪ್ಪಗ ಪ್ರತಿಯೊಬ್ಬನ ಮನೆಲಿಯೂ ಒಳ್ಳೆ ಕ್ರಮಂಗ ಬಕ್ಕು… ಹಂತ ಹಂತವಾಗಿ ಮುಂದೆ ಹೋಪ…

    VA:F [1.9.22_1171]
    Rating: 0 (from 0 votes)
    ಜಯಶ್ರೀ ನೀರಮೂಲೆ

    jayashree.neeramoole Reply:

    ಎನ್ನ ಚಿಕ್ಕಮ್ಮ ಒಬ್ಬರು ಮಂಗಳೂರಿಲ್ಲಿ ಇಪ್ಪದು. ಅವು ಆರೋಗ್ಯಕ್ಕೆ ಒಳ್ಳೆದು ಹೇಳಿ ಪೇಟೆ ಮನೆಲಿಯೂ ಮಣ್ಣಿನ ಪಾತ್ರೆಲಿ ಅಡಿಗೆ ಮಾಡುತ್ತಾ ಇದ್ದವು. ಕರಟದ ಸೌಟು ಉಪಯೋಗಿಸುತ್ತಾ ಇದ್ದವು. ಪಳ್ಳತ್ತಡ್ಕ ಕೇಶವ ಭಟ್ ಇವರತ್ರೆ ಕೇಳಿ ಹಲವು ಸಾತ್ವಿಕ ಆಹಾರ ಪದ್ದತಿಯ ಅಳವಡಿಸಿಗೊಂಡಿದವು…

    ಅವರ ಪ್ರಭಾವಂದ ಅವರ ನೆಂಟರು ಹಲವು ಜೆನ ಅಳವಡಿಸಿಗೊಳ್ಳುತ್ತಾ ಇದ್ದವು… ಆನೂ ಅವರಿಂದ ಪ್ರಭಾವಿತಳಾಗಿ ಇವರತ್ರೆ ಹೇಳಿದೆ ನಾವುದೇ ಸಾತ್ವಿಕ ಆಹಾರ ಪದ್ದತಿಯ ಅಳವಡಿಸಿಗೊಂಬ ಹೇಳಿ… ಅದಕ್ಕೆ ಇವು ಹೇಳಿದವು “ನಾವು ಮಾಂತ್ರ ಕಷ್ಟಪಟ್ಟು ಸಾತ್ವಿಕ ಆಹಾರ ಪದ್ದತಿಯ ಅಳವಡಿಸಿಗೊಂಡು ೧೦ ವರ್ಷ ಹೆಚ್ಚು ಬದುಕ್ಕಿರೆ ಎಂತ ಪ್ರಯೋಜನ? ನಾವು ಮಾಂತ್ರ ಅರೋಗ್ಯವಾಗಿದ್ದರೆ ಎಂತ ಪ್ರಯೋಜನ?” ಅಷ್ಟಪ್ಪಗ ಇವು ಹೇಳಿದ್ದು “ಅಪ್ಪು” ಹೇಳಿ ಅನ್ನಿಸಿದ್ದು ಎನಗೆ…

    ಈಗ ‘ಹರೇ ರಾಮ’ ದ ಪ್ರಭಾವಂದ ಕಲ್ತುಗೊಂಡಿದೆ “ನಾವೊಬ್ಬ ಬದಲಾದರೆ ನಮ್ಮ ಪಾಲಿಂಗೆ ಜಗತ್ತು ಬದಲಾವುತ್ತು”. ಈಗ ಎಂಗ ಅಳವಡಿಸಿಗೊಳ್ಳುತ್ತಾ ಇದ್ದ ಹಾಂಗೆ ಎಂಗಳ ಸಂಪರ್ಕಲ್ಲಿಪ್ಪ ಹಲವು ಜನ ಅಳವಡಿಸಿಗೊಳ್ಳುತ್ತಾ ಇಪ್ಪದು ಕಾಣುತ್ತಾ ಇದ್ದು… ಹಾಂಗಾಗಿ ಎನ್ನ ಅನುಭವಂಗಳ ಬೈಲಿಲ್ಲಿಯೂ ಹಂಚಿಗೊಳ್ಳುತ್ತ ಇದ್ದೆ. “ಜಗತ್ತು ಬದಲಾಗಲಿ ಹೇಳಿ ಕಾವ ಬದಲು ನಾವು ಬದಲಾದರೆ ನಮ್ಮ ಪಾಲಿಂಗೆ ಜಗತ್ತು ಬದಲಾವುತ್ತು…”.

    VA:F [1.9.22_1171]
    Rating: 0 (from 0 votes)
    ಜಯಶ್ರೀ ನೀರಮೂಲೆ

    jayashree.neeramoole Reply:

    ನಿಂಗ ಹೇಳಿದ ಹಾಂಗೆ ಜೆಮ್ಬಾರಂಗಳಲ್ಲಿ ಎಲೆ ತಟ್ಟೆಲ್ಲಿ ಹೊಗೆಸೊಪ್ಪು ಮಡುಗುದರ ನಿಲ್ಲುಸೆಕ್ಕು… ಹೊಗೆಸೊಪ್ಪು ಆರೋಗ್ಯಕ್ಕೆ ಒಳ್ಳೇದಲ್ಲ ಹೇಳಿ ಪ್ರತಿಯೊಬ್ಬಂಗೂ ಗೊಂತಿದ್ದು… ನಾವು ದಾಕ್ಷಿಣ್ಯ ತೋರುಸಿ ಎಲೆ ತಟ್ಟೆಲ್ಲಿ ಹೊಗೆಸೊಪ್ಪು ಮಡುಗುವ ಮೂಲಕ ತಪ್ಪು ಕೆಲಸವನ್ನೇ ಮಾಡುದು…

    VA:F [1.9.22_1171]
    Rating: 0 (from 0 votes)
    ಮಂಗ್ಳೂರ ಮಾಣಿ

    ಮಂಗ್ಳೂರ ಮಾಣಿ Reply:

    ಜಯಕ್ಕಾ, ಬ್ರಾಹ್ಮಣರಾಗಿ ಹುಟ್ಟುದು ಹೇಳಿರೆ ಎಂತ? ಬ್ರಾಹ್ಮಣ ಜಾತಿಲಿ ಹುಟ್ಟುದಲ್ಲದೋ? ಒಂದು ಜಾತಿಲಿ ಹುಟ್ಟಿದ ತಪ್ಪಿಂಗೆ ಅತ್ಲಾಗಿ ಇತ್ಲಾಗಿ ನೋಡದ್ದೆ ಅನುಸರಿಸುದು ಸರಿಯಾ?

    ಬ್ರಾಹ್ಮಣರ ಕರ್ತವ್ಯ ಜ್ಹಾನಾರ್ಜನೆ ಮತ್ತು ಜ್ಹಾನ ಪ್ರಸರಣ -ಸರಿಯೇ..
    ಇದು ಹೀಂಗೂ ಆವುತ್ತಲ್ಲದಾ?
    ಜ್ಹಾನಾರ್ಜನೆ ಮತ್ತು ಜ್ಹಾನ ಪ್ರಸರಣ ಮಾಡುವವ್ವು ಬ್ರಾಹ್ಮಣರು :)

    [Reply]

    ಜಯಶ್ರೀ ನೀರಮೂಲೆ

    jayashree.neeramoole Reply:

    ಬ್ರಾಹ್ಮಣರ ಕರ್ತವ್ಯ ಜ್ಹಾನಾರ್ಜನೆ ಮತ್ತು ಜ್ಹಾನ ಪ್ರಸರಣ
    ಜ್ಹಾನಾರ್ಜನೆ ಮತ್ತು ಜ್ಹಾನ ಪ್ರಸರಣ ಮಾಡುವವ್ವು ಬ್ರಾಹ್ಮಣರು
    ಎರಡೂ ಸರಿಯೇ :)

    ಬ್ರಾಹ್ಮಣರು ಹೇಳಿಗೊಂಬ ನಾವು ನಮ್ಮ ಆಹಾರ ಪದ್ಧತಿ,ಆಚಾರ, ಕ್ರಮಂಗಳ ಒಳಿಶಿಗೊಂಡು ಬ್ರಾಹ್ಮಣರಾಗಿ ಒಳಿಯೆಕ್ಕು ಹೇಳುದೂ ಅಷ್ಟೇ ಸರಿ… :)

    ದೇಶಲ್ಲಿ ಬ್ರಾಹ್ಮಣರು,ಕ್ಷತ್ರಿಯರು,ವೈಶ್ಯರು,ಶೂದ್ರರು ಎಲ್ಲರೂ ಬೇಕು… ಆರುದೇ ಮೇಲಲ್ಲ,ಕೀಳಲ್ಲ… ಅಥವಾ ನಮ್ಮೊಳದಿಕೆ ಪ್ರೀತಿಯಿದ್ದರೆ ಈ ಮೇಲು ಕೀಳು ಹೇಳುವ ಭಾವ ಬಪ್ಪಲೆ ಸಾಧ್ಯವೇ ಇಲ್ಲೇ…

    ಎಷ್ಟೋ ತಲೆಮಾರುಗಳಿಂದ ಬ್ರಾಹ್ಮಣರಾಗಿ ಒಳುಕ್ಕೊಂಡು ಬಂದ ನಮಗೆ ಈಗ ‘ಕುಂಬಾರನಿಗೆ ವರುಷ,ದೊಣ್ಣೆಗೆ ನಿಮಿಷ’ ಹೇಳಿಗೊಂಡು ಬ್ರಾಹ್ಮಣ್ಯವ ಬಿಡುಲೆ ಸುಲಭ. ಆದರೆ ಇತರರಿಂಗೆ ಬ್ರಾಹ್ಮಣರು ಅಪ್ಪದು ಅಷ್ಟು ಸುಲಭದ ಕೆಲಸ ಅಲ್ಲ… ಅವರ ಶ್ರಮಂದ ಅಪ್ಪಲಾಗ ಹೇಳಿ ಇಲ್ಲೇ… ಆದರೆ ಅತಿ ವಿರಳ… ಈ ಜ್ಹಾನಾರ್ಜನೆ ಹೇಳಿರೆ ಪುಸ್ತಕಲ್ಲಿಪ್ಪದರ ಓದಿ ಇತರರಿಂಗೆ ಹೇಳುದು ಅಲ್ಲ… ಅದಕ್ಕೆ ಒಂದು ಮನೋಸ್ಥಿತಿ ಬೇಕು… ಆ ಮನೋಸ್ಥಿತಿಗೆ ಎತ್ತುಲೇ ನಮ್ಮ ಆಹಾರ ಪದ್ಧತಿ,ಆಚರಣೆಗೋ,ಕ್ರಮಂಗೋ… ಎಲ್ಲ ಸಹಾಯ ಮಾಡುತ್ತು. ಹಾಂಗೆ ನಮ್ಮ ವಂಶ ವೃಕ್ಷವೂ ಕಾರಣ… ಹಾಂಗಾರೆ ದೇಶಲ್ಲಿ ಸಮತೋಲನವ ಕಾಪಾಡುವ ಸದುದ್ದೇಶಂದ ನಾವು ಬ್ರಾಹ್ಮಣರು ಬ್ರಾಹ್ಮಣರಾಗಿ ಒಳಿಯೆಕ್ಕಾದು ಅತೀ ಅವಶ್ಯ ಅಲ್ಲದ?

    ಮಂಗ್ಳೂರ ಮಾಣಿ

    ಮಂಗ್ಳೂರ ಮಾಣಿ Reply:

    {ಬ್ರಾಹ್ಮಣರು ಹೇಳಿಗೊಂಬ ನಾವು ನಮ್ಮ ಆಹಾರ ಪದ್ಧತಿ,ಆಚಾರ, ಕ್ರಮಂಗಳ ಒಳಿಶಿಗೊಂಡು ಬ್ರಾಹ್ಮಣರಾಗಿ ಒಳಿಯೆಕ್ಕು ಹೇಳುದೂ ಅಷ್ಟೇ ಸರಿ… } – ಸರಿ :)

    {ದೇಶಲ್ಲಿ ಬ್ರಾಹ್ಮಣರು,ಕ್ಷತ್ರಿಯರು,ವೈಶ್ಯರು,ಶೂದ್ರರು ಎಲ್ಲರೂ ಬೇಕು… ಆರುದೇ ಮೇಲಲ್ಲ,ಕೀಳಲ್ಲ… ಅಥವಾ ನಮ್ಮೊಳದಿಕೆ ಪ್ರೀತಿಯಿದ್ದರೆ ಈ ಮೇಲು ಕೀಳು ಹೇಳುವ ಭಾವ ಬಪ್ಪಲೆ ಸಾಧ್ಯವೇ ಇಲ್ಲೇ} ಇದೂ ಅಪ್ಪು.

    ಆದರೆ,
    {ಒಳುಕ್ಕೊಂಡು ಬಂದ ನಮಗೆ – ಬ್ರಾಹ್ಮಣ್ಯವ ಬಿಡುಲೆ ಸುಲಭ} – ಒಳುಕ್ಕೊಂಡು ಬಂದಿದ್ದರೆ – ಹಿಡುದಿದ್ದರೆ…!! (ಒಳುದ್ದು ಮತ್ತೆ ಹಿಡುಕ್ಕೊಂಡಿಪ್ಪದು ಕೆಲವರಲ್ಲಿ ಮಾತ್ರ ಅಲ್ಲದೋ?)

    { ಇತರರಿಂಗೆ ಬ್ರಾಹ್ಮಣರು ಅಪ್ಪದು ಅಷ್ಟು ಸುಲಭದ ಕೆಲಸ ಅಲ್ಲ} – ನವಗೂ ಒಳುಶಿಯೊಂಬಲೆ ಅಷ್ಟೇ ಕಷ್ಟ ಇದ್ದು. ಅರ್ಜನೆ ಮತ್ತು ರಕ್ಷಣೆಗೆ ಬೇಕಪ್ಪದು ಒಂದೇ ಮಟ್ಟಿನ ಶ್ರಮ ಅಲ್ಲದಾ?

    ಅಂಬಗ,
    ಆಹಾರ ಕ್ರಮ ಹೇಳಿರೆ ಅವರವರ ವಯಕ್ತಿಕ ವಿಚಾರ ಹೇಳಿ ಆತನ್ನೆ.
    ಅವರವರ ಮನೋಸ್ಥಿತಿಯ ಮೇಲೆ – ಅವರವರ ಆಹಾರ ಕ್ರಮ.
    ಒಂದು ಜಾತಿಲಿ ಹುಟ್ಟಿದ ಮಾತ್ರಕ್ಕೆ ಆ ಜಾತಿಯ ಮೂಲ ಗುಣಂಗೊ ಬರೆಕಾದ ಆಹಾರ ಕ್ರಮವ ಅವರ ಮೇಲೆ ಆರೋಪ ಮಾಡುದು ಸರಿಯೋ? ಆಹಾರವ ದೇಹ ಪ್ರಕೃತಿಗೆ ಹೊಂದಿಯೊಂಡು ತೆಕ್ಕೊಂಬದು ಒಳ್ಳೆದಲ್ಲದಾ?

    ಜಯಶ್ರೀ ನೀರಮೂಲೆ

    jayashree.neeramoole Reply:

    {ಒಳುಕ್ಕೊಂಡು ಬಂದಿದ್ದರೆ – ಹಿಡುದಿದ್ದರೆ…!! (ಒಳುದ್ದು ಮತ್ತೆ ಹಿಡುಕ್ಕೊಂಡಿಪ್ಪದು ಕೆಲವರಲ್ಲಿ ಮಾತ್ರ ಅಲ್ಲದೋ?)}
    { ಇತರರಿಂಗೆ ಬ್ರಾಹ್ಮಣರು ಅಪ್ಪದು ಅಷ್ಟು ಸುಲಭದ ಕೆಲಸ ಅಲ್ಲ} – ನವಗೂ ಒಳುಶಿಯೊಂಬಲೆ ಅಷ್ಟೇ ಕಷ್ಟ ಇದ್ದು. ಅರ್ಜನೆ ಮತ್ತು ರಕ್ಷಣೆಗೆ ಬೇಕಪ್ಪದು ಒಂದೇ ಮಟ್ಟಿನ ಶ್ರಮ ಅಲ್ಲದಾ?

    ಎಲ್ಲರಿಂಗೂ ಸಹಜವಾಗಿ ಮೇಲ್ನೋಟಕ್ಕೆ ಅಪ್ಪು ಹೇಳಿ ಅನ್ನಿಸುವ ವಿಷಯ. ಆದರೆ ಇಲ್ಲಿ ನಾವು ವಂಶವಾಹಿಯ ಬಗ್ಗೆ ಪ್ರಧಾನವಾಗಿ ಆಲೋಚನೆ ಮಾಡೆಕ್ಕು. ಇಂದು ಕಾಣುತ್ತಾ ಇಪ್ಪ ಬ್ರಾಹ್ಮಣ ಕಾಲದ ಪ್ರಭಾವಂದ ಶೂದ್ರನ ಹಾಂಗೆ ಕಾಣುತ್ತರೂ ಅವ ಬ್ರಾಹ್ಮಣ ವಂಶದವ ಹೇಳಿ ಆದರೆ ಅವನಲ್ಲಿ ಬ್ರಾಹ್ಮಣ್ಯ ಅವ್ಯಕ್ತವಾಗಿ ಇಕ್ಕು… ಸರಿಯಾದ ಆಹಾರ,ಪರಿಸರ,ಒಡನಾಟ ಸಿಕ್ಕಿದರೆ ಅವನ ಮಗ ಅತ್ಯಂತ ಸುಲಭಲ್ಲಿ(ಹೆಚ್ಚಿಗೆ ಶ್ರಮ ಇಲ್ಲದ್ದೆ) ಅತ್ಯುತ್ತಮ ಬ್ರಾಹ್ಮಣ ಅಕ್ಕು…

    ಅಷ್ಟಕ್ಕೂ ಇಪ್ಪ ಕೆಲವರಿಂಗಾದರೂ ಬ್ರಾಹ್ಮಣ್ಯವ ಒಳಿಶಿಗೊಲ್ಲೆಕ್ಕಾರೆ ಬ್ರಾಹ್ಮಣರ ಆಹಾರ ಪದ್ಧತಿ ಬೇಕೇ ಬೇಕು ಅಲ್ಲದ. ಬಲ್ಲವರಿಂದ ತಿಳುಕ್ಕೊಂಡು ಸಾಧ್ಯವಿದ್ದಷ್ಟು ಅಳವಡಿಸಿಗೊಂಬ… ಬ್ರಾಹ್ಮಣ ಆಗಿ ಒಳುಕ್ಕೊಲ್ಳೆಕ್ಕು ಹೇಳಿ ಆಸೆ ಇಪ್ಪವಕ್ಕೆ ಆದರೂ ಸಹಾಯ ಅಕ್ಕನ್ನೇ…

    ಮಂಗ್ಳೂರ ಮಾಣಿ

    ಮಂಗ್ಳೂರ ಮಾಣಿ Reply:

    ಸರಿ ಸರಿ..

    VA:F [1.9.22_1171]
    Rating: 0 (from 0 votes)
    ಮಂಗ್ಳೂರ ಮಾಣಿ

    ಮಂಗ್ಳೂರ ಮಾಣಿ Reply:

    {ದೇಶಲ್ಲಿ ಸಮತೋಲನವ ಕಾಪಾಡುವ ಸದುದ್ದೇಶಂದ ನಾವು ಬ್ರಾಹ್ಮಣರು ಬ್ರಾಹ್ಮಣರಾಗಿ ಒಳಿಯೆಕ್ಕಾದು ಅತೀ ಅವಶ್ಯ ಅಲ್ಲದ?} – ಅಪ್ಪಪ್ಪು… :) :)

    ಜಯಶ್ರೀ ನೀರಮೂಲೆ

    jayashree.neeramoole Reply:

    ಇದು ತುಂಬಾ ಗಂಭೀರವಾದ ವಿಷಯ… ದೇಶಲ್ಲಿ ಇಂದು ಇಪ್ಪ ಸಮಸ್ಯೆಗೆಲ್ಲ ಬ್ರಾಹ್ಮಣರ ಕೊರತೆಯೇ ಪ್ರಧಾನ ಕಾರಣ ಹೇಳಿರೂ ತಪ್ಪಾಗ…
    “ಗೋ ಬ್ರಾಹ್ಮಣೇಭ್ಯ ಶುಭಮಸ್ತು ನಿತ್ಯಂ… ಲೋಕಾ: ಸಮಸ್ತಾ: ಸುಖಿನೋ ಭವಂತು” ಸಮಸ್ತ ಲೋಕಗಳಲ್ಲಿ ಇಪ್ಪವು ಸುಖವಾಗಿರೆಕ್ಕಾರೆ ‘ಗೋ’ ಮತ್ತು ‘ಬ್ರಾಹ್ಮಣರು’ ಸುಖವಾಗಿರೆಕ್ಕು…
    ಬ್ರಾಹ್ಮಣರು ಜ್ಹಾನಾರ್ಜನೆ ಮಾಡಿ ಒಳುದವಕ್ಕೆ ಮಾರ್ಗದರ್ಶನ ಮಾಡೆಕ್ಕಾದವು… operating system ಗೆ virus ಬಂದರೆ ಎಂತ ಮಾಡುದು?
    ದೇಶದ ಅಭಿವೃದ್ದಿಗೆ ಬೇಕಾಗಿ ಮೊದಲು ನಡೆಕಾದ ಕೆಲಸ ಬ್ರಾಹ್ಮಣರ ಅಭಿವೃದ್ದಿ… ಹಾಂಗೆ ಹೇಳಿ ಇಂದ್ರಾಣ government ಹತ್ತರೆ ಇದರ ಹೇಳಿರೆ ಏನೇನೂ ಪ್ರಯೋಜನ ಇಲ್ಲೇ… ನಾವು ‘ಉದ್ಧರೇತ್ ಆತ್ಮನಾ ಆತ್ಮಾನಂ’ ಹೇಳಿ ನಮ್ಮ ಅಭಿವೃದ್ದಿಯ ನಾವೇ ಕಂಡುಗೊಂಬ… ಆ ಮೂಲಕ ದೇಶದ ಅಭಿವೃದ್ದಿ ಆಗಲಿ…

    ಮಂಗ್ಳೂರ ಮಾಣಿ

    ಮಂಗ್ಳೂರ ಮಾಣಿ Reply:

    {ಬ್ರಾಹ್ಮಣರ ಕೊರತೆಯೇ ಪ್ರಧಾನ ಕಾರಣ } – ಬ್ರಾಹ್ಮಣ ಜಾತಿಲಿ ಹುಟ್ಟಿದ ಜೆನರ ಕೊರತೆ ಅಲ್ಲ, ಬ್ರಾಹ್ಮಣ್ಯ ಒಳಿಶಿಯೊಂಡ/ಅರ್ಜಿಸಿಯೊಂಡ ಜೆನರ ಕೊರತೆ… ಅಲ್ಲದಾ??

    ಒಳುದೆಲ್ಲ ವಿಷಯಕ್ಕೆ ಅಪ್ಪಪ್ಪು ಹೇಳಿ ತಲೆ ಆಡುಸಿದ್ದೆ…

    ಜಯಶ್ರೀ ನೀರಮೂಲೆ

    jayashree.neeramoole Reply:

    ಅಪ್ಪು

    VA:F [1.9.22_1171]
    Rating: 0 (from 0 votes)
    ಜಯಶ್ರೀ ನೀರಮೂಲೆ

    jayashree.neeramoole Reply:

    ಇಡೀ ದೇಶ ‘ಬ್ರಾಹ್ಮಣರ’ ಕೈಲಿ ಇಪ್ಪದು ಹೇಳುದಕ್ಕೆ ಒಂದು ಸರಳ ಉದಾಹರಣೆ ಕೊಡುತ್ತೆ.

    ಯಾವುದೇ ಸರಕಾರೀ ಉದ್ಯೋಗಿ ಅಥವಾ ರಾಜಕಾರಣಿ ಕುರ್ಚಿಗಾಗಿ ಹೋರಾಡುತ್ತಾ ಇದ್ದರೆ ಅವ ಒಬ್ಬ ‘ಬ್ರಾಹ್ಮಣನ’ (ಈಗ ಹೇಳುತ್ತಾ ಇಪ್ಪದು ಬ್ರಾಹ್ಮಣ ಜಾತಿಲ್ಲಿ ಹುಟ್ಟಿದ ಬ್ರಾಹ್ಮಣರ ಬಗ್ಗೆ) ಆಶ್ರಯಿಸಿರುತ್ತ. ಹಾಂಗಾರೆ ಆ ಬ್ರಾಹ್ಮಣ ಮನಸ್ಸು ಮಾಡಿರೆ ದೇಶವ ಕಾಪಾಡುಲೆ ಎಡಿಗು. ಅವ ಮಾಡುವ ಪೂಜೆಯ,ಹವನದ ಸಂದರ್ಭಲ್ಲಿ ‘ಈ ವ್ಯಕ್ತಿಯ ಕುರ್ಚಿ ಭದ್ರವಾಗಿರಲಿ’ ಹೇಳಿ ಸಂಕಲ್ಪ ಮಾಡುವ ಬದಲು ‘ದೇಶಕ್ಕೆ ಒಳಿತಪ್ಪ ಹಾಂಗೆ ಆಗಲಿ,ಎಲ್ಲೋರಿಂಗೂ ಒಳಿತಪ್ಪ ಹಾಂಗೆ ಆಗಲಿ’ ಹೇಳಿ ಸಂಕಲ್ಪ ಮಾಡಿಗೊಂಡರೆ ನಿಜವಾಗಿಯೂ ತನಗೂ,ಆ ವ್ಯಕ್ತಿಗೂ ಒಳಿತಾವುತ್ತು.

    VA:F [1.9.22_1171]
    Rating: 0 (from 0 votes)
    ಜಯಶ್ರೀ ನೀರಮೂಲೆ

    jayashree.neeramoole Reply:

    “ನಾವು ಹೇಳಿ ಇರೆಕ್ಕಪ್ಪ ಭಾವನೆ ಕೇವಲ ಹವ್ಯಕರಿ೦ಗೆ ಸೀಮಿತವಾಗಿರೆಕ್ಕಾ? ಸಮಾಜದ ಮುಖ್ಯ ವಾಹಿನಿಲಿ ಇರೆಕ್ಕಲ್ಲದಾ? ನಾವು ಎಲ್ಲರೊಳಗೊ೦ದಾಗಿರೆಕ್ಕಲ್ಲದಾ?”

    ಎಲ್ಲರೊಳಗೊಂದಾಗಿ ಸಮಾಜದ ಮುಖ್ಯವಾಹಿನಿಲಿ ಇದ್ದುಗೊಂಡು ನಾವು ಬ್ರಾಹ್ಮಣ್ಯದತ್ತ ಒಲವು ತೋರುಸಿ ಇತರರನ್ನು ಆ ಕಡೆ ಹೆಂಗೆ ಆಕರ್ಶಿತರನ್ನಾಗಿ ಮಾಡುಲಕ್ಕು ಹೇಳುದಕ್ಕೆ ಒಂದು ಉದಾಹರಣೆ ಅನುಭವಿಸಿದೆ.

    ಮಗ North Indian ಊಟ ಮಾಡೆಕ್ಕು ಹೇಳಿ ಆಸೆ ಆಯಿದು; ಅಮ್ಮನೂ ಬರೆಕ್ಕು ಹೇಳಿ ಹಠ ಮಾಡುಲೆ ಸುರು ಮಾಡಿದ. ಮೊದಲೊಂದರಿ ಹೀಂಗೆ ಹಠ ಮಾಡಿ ಹೋದಿಪ್ಪಗ ‘ನೀರುಳ್ಳಿ/ಬೆಳ್ಳುಳ್ಳಿ’ ಹಾಕದ್ದ ಪದಾರ್ಥ ಎಂತ ಇದ್ದು ಹೇಳಿ ವಿಚಾರುಸಿ ‘ಖಾಲಿ ದೋಸೆ/ಚಟ್ನಿ’ ತಿಂದಿಕ್ಕಿ ಬಂದಾಯಿದು. ಈ ಸರ್ತಿ ಅವಂಗೆ ಸಮಾಧಾನ ಆಗಲಿ… ದೋಸೆ ಚಟ್ನಿ ತಿಂಬ ಹೇಳಿ ನಿರ್ಧರಿಸಿ ಹೋದದ್ದು. ಅಲ್ಲಿ ವಿಚಾರುಸಿಯಪ್ಪಗ ‘Veg Koorma’ ಮಾಡಿಕೊಡುವ. ನಿಂಗೊಗೆ ಬೇಕಾದ್ದದರ Order ಮಾಡಿ. ನಿಂಗೊಗೆ ಬೇಕಾದ ಹಾಂಗೆ ಮಾಡಿ ಕೊಡುವ ಹೇಳಿದವು. “Business Improve ಮಾಡುಲೆ ಹೊಸ Idea ಸಿಕ್ಕಿದ ಹಾಂಗೆ ಆಯಿದಡ ಅವಕ್ಕೆ”.

    ರಾಜಕಾರಣಿಗೋ ಅವಕ್ಕೆ ಬೇಕಾದ ಹಾಂಗೆ ಸಮಾಜವ ಬದಲಾಯಿಸುತ್ತ ಇದ್ದವು. ಮಾಧ್ಯಮದವು ಅವಕ್ಕೆ ಲಾಭ ಅಪ್ಪ ಹಾಂಗೆ ಸಮಾಜವ ಬದಲಾಯಿಸುತ್ತಾ ಇದ್ದವು. ದರೋಡೆಕೊರನಾಗಲೀ ಅಥವಾ ಇತರ ಕೆಟ್ಟ ಕೆಲಸ ಮಾಡುವವನು ಕೂಡಾ ತನಗೆ ಬೇಕಾದ ಹಾಂಗೆ ಸಮಾಜವ ಬದಲಾಯಿಸಿ ಆನು ‘ಕೆಟ್ಟವ’ ಹೇಳಿಗೊಂಡು ರಾಜಾರೋಷವಾಗಿ ತಿರುಗುತ್ತಾ ಇದ್ದ. ಎಲ್ಲರೂ ಅವರವರ ಸ್ವಾರ್ಥಕ್ಕೆ ಬೇಕಾಗಿ ಸಮಾಜವ ಬದಲಾಯಿಸುತ್ತಾ ಇದ್ದವು. ನಾವೇಕೆ ನಿಸ್ವಾರ್ಥವಾಗಿ ನಮಗೆ ಬೇಕಾದ ಹಾಂಗೆ ಸಮಾಜವ ಬದಲಾಯಿಸುಲೇ ಆಗ? ನಾವೆಂತಕೆ ‘ಆನು ಬ್ರಾಹ್ಮಣ ಅಪ್ಪು’ ಹೇಳಿ ಅಭಿಮಾನಂದ ಹೇಳಿಗೊಮ್ಬಲೂ ಎಡಿಯದ್ದೆ… ‘ಆನು ಬ್ರಾಹ್ಮಣ ಅಲ್ಲ’ ಹೇಳಿ ಒಪ್ಪಿಗೊಮ್ಬಲೂ ಎಡಿಯದ್ದೆ ‘ಸಿಂಬಳದ ನೊಣದ’ ಹಾಂಗೆ ಇರೆಕ್ಕು? ನಾವು ಹೆಂಗೂ ಕಷ್ಟಪಟ್ಟು ಆತು… ನಮ್ಮ ಮುಂದಿನ ಪೀಳಿಗೆಯವು ಆದರೂ ‘ಸುಖ ಅನುಭವಿಸುವ’ ಹಾಂಗೆ ಮಾಡುಲಕ್ಕನ್ನೇ?

    [Reply]

    VA:F [1.9.22_1171]
    Rating: 0 (from 0 votes)
  2. ಜಯಶ್ರೀ ನೀರಮೂಲೆ
    jayashree.neeramoole

    ಒಬ್ಬ ಅಮ್ಮನಾಗಿ ಮಕ್ಕಳ ಭವಿಷ್ಯದ ದ್ರುಷ್ಟಿಂದ ಈ ಕೆಲಸಕ್ಕೆ ಹೆರಟದಷ್ಟೇ ಅಲ್ಲದ್ದೆ ಬೇರೆ ಯಾವುದೇ ಉದ್ದೇಶ ಇಲ್ಲೇ… ಐಸ್ ಕ್ರೀಂ,ಚಾಕಲೇಟ್,ಚಾ,ಕಾಫಿ ಇದೆಲ್ಲ ಆರೋಗ್ಯಕ್ಕೆ ಒಳ್ಳೆದಲ್ಲ ಗೊಂತಿದ್ದು… ನೀರುಳ್ಳಿ,ಬೆಳ್ಳುಳ್ಳಿ ರಾಜಸ,ತಾಮಸ ಗುಣಂಗಳ ಹೆಚ್ಚಿಸುವ ಕಾರಣ ಕೆಲವು ತಲೆಮಾರಿನ ನಂತರ ನಮ್ಮ ಮಕ್ಕೋ ಆರುದೆ ಬ್ರಾಹ್ಮಣರಾಗಿ ಒಳಿಯವು ಹೇಳಿ ಗೊಂತಿದ್ದು… ಆದರೆ ಅದರ ಮಕ್ಕೋ ಬೇಕು ಹೇಳಿ ಕೇಳುವಾಗ ಅಮ್ಮಂಗೆ ಎಂತ ಹೇಳುಲೂ ಎಡಿತ್ತಿಲ್ಲೇ. ಮೀನು,ಕೋಳಿ ಬೆಂದಿ ಎಲ್ಲ ಇತರ ಮಕ್ಕೋ ತಿಂತರೂ ನಮ್ಮ ಮಕ್ಕೋ ಕೇಳುತ್ತವಿಲ್ಲೇ… ಎಂತಕೆ ಹೇಳಿರೆ “ಅದರ ನಾವು ಬ್ರಾಹ್ಮರು ತಿಂತಿಲ್ಲೇ ಮಗ… ಅದು ನಮ್ಮ ಕ್ರಮ ಅಲ್ಲ ಹೇಳಿ” ಸುಲಭಲ್ಲಿ ಹೇಳುಲಾವುತ್ತು… ಎನ್ನ ಹಾಂಗೆ ಕಷ್ಟ ಪಡುವ ಸುಮಾರು ಜೆನ ಅಮ್ಮಂದ್ರ ನೋಡಿದೆ… ಹಾಂಗಾಗಿ ನಮ್ಮದೊಂದು ಅತ್ಯುತ್ತಮ ಆಹಾರ ಪದ್ಧತಿ ಹೇಳಿ ಇದ್ದರೆ ನಮ್ಮ ಮಕ್ಕಳ ಅತ್ಯುತ್ತಮ ರೀತಿಲ್ಲಿ ಬೆಳೆಶಲಕ್ಕನ್ನೇ… ಹೇಳಿ ಅನ್ನಿಸಿತ್ತು… ಬೈಲಿನ ಎಲ್ಲೋರುದೆ ಅಮ್ಮನ ದ್ರುಷ್ಟಿಂದ ಆಲೋಚನೆ ಮಾಡಿ ಸಹಕಾರ ಮಾಡೆಕ್ಕು ಹೇಳಿ ಕೇಳಿಗೊಲ್ಲುತ್ತಾ ಇದ್ದೆ…

    [Reply]

    VA:F [1.9.22_1171]
    Rating: +1 (from 1 vote)
  3. ಶ್ರೀ ಶ್ಯಾಮ್

    Article ಓದೊ೦ಡು ಇಪ್ಪಾಗ ಈ ಕೆಳಾನ ಲಿ೦ಕ್ ಸಿಕ್ಕಿತ್ತು..

    ” Ice cream ‘could be as addictive as cocaine’ ”
    http://in.lifestyle.yahoo.com/ice-cream-could-addictive-cocaine-121431061.html

    ಮನೆಯಲ್ಲೇ ಮಕ್ಕೊಗೆ / ದೊಡ್ಡವರಿಗೆ ಐಸ್ ಕ್ರೀಂ ಮಾಡಿಕೊಟ್ಟರೆ ಈ ರಗಳೆ ಇಲ್ಲೇ ಅನ್ನೇ..

    [Reply]

    ಜಯಶ್ರೀ ನೀರಮೂಲೆ

    jayashree.neeramoole Reply:

    Article ಒಳ್ಳೇದು ಇದ್ದು… ಧನ್ಯವಾದ…

    ೧.ನಮ್ಮ ನಮ್ಮ ಮನೆಗಳಲ್ಲಿ ಐಸ್ ಕ್ರೀಂ, ಚಾಕಲೇಟ್ ಮಾಡಿಕೊದೆಕ್ಕು
    ೨. ನಮ್ಮವರ ಜೆಮ್ಬಾರಂಗಳಲ್ಲಿ, ನಮ್ಮ ಶಾಲೆಗಳಲ್ಲಿ ಐಸ್ ಕ್ರೀಂ, ಚಾಕಲೇಟ್ ಹಂಚುದರ ನಿಲ್ಲುಸೆಕ್ಕು

    ಪ್ರತಿಯೊಬ್ಬನೂ ಇದರ ಗಂಭೀರವಾಗಿ ಆಲೋಚನೆ ಮಾಡಿ ಕ್ರಮ ಕೈಗೊಂಡರೆ ಮಾಂತ್ರ ನಮ್ಮ ಮಕ್ಕಳ ಆರೋಗ್ಯಕರವಾಗಿ ಬೆಳೆಶುಲೇ ಎಡಿಗಷ್ಟೇ… ಇಂದಿನ ವೇಗದ ಜಗತ್ತಿಲ್ಲಿ ಮಕ್ಕಳ ನಿಯಂತ್ರಿಸುದು ಎಷ್ಟು ಕಷ್ಟದ ಕೆಲಸ ಹೇಳಿ ಪ್ರತಿಯೋಬ್ಬಂಗೂ ಗೊಂತಿದ್ದು… ನಮ್ಮ ಮುಂದಿನ ಜನಾಂಗವ ರೂಪಿಸುವಲ್ಲಿ ನಾವೆಷ್ಟು ಜಾಗ್ರತೆ ವಹಿಸಿರೂ ಸಾಲ…

    [Reply]

    VA:F [1.9.22_1171]
    Rating: 0 (from 0 votes)

ಶುದ್ದಿಗೆ ಒಂದು ಒಪ್ಪ ಕೊಡಿ

(ಕನ್ನಡ - ಇಂಗ್ಳೀಶ್ ಬದಲುಸೆಕ್ಕಾರೆ [Ctrl+G] Toggle between Kannada - English)


ಬೈಲಿಂಗೆ ಲಾಗ ಹಾಕಲೆ

ಗುಟ್ಟುಶಬ್ದ(password) ಮರದತ್ತೋ?

ಬೈಲಿನ ಬಗ್ಗೆ:
ಚೋಲು - ಡಬ್ಬಲ್ ಚೋಲು
ವಿಶೇಷ ವಿಷಯ
ಶ್ರಧ್ಧಾಂಜಲಿ- ಶ್ರೀ ಬಿ.ಜಿ.ವಸಂತ (ಕೊಡಗಿನ ಗೌರಮ್ಮನವರ ಸುಪುತ್ರ)
ಶ್ರಧ್ಧಾಂಜಲಿ-ಶ್ರೀ ಬಿ.ಜಿ.ವಸಂತ (ಕೊಡಗಿನ ಗೌರಮ್ಮನವರ... ... ಓದಿ, ಒಪ್ಪಕೊಡಿ >>
ಬೆಶಿ ಬೆಶಿ ಒಪ್ಪಂಗೊ..
ಬೈಲಿನ ನೆರೆಕರೆ
ಗುರಿಕ್ಕಾರ°ಒಪ್ಪಣ್ಣಪಟಿಕಲ್ಲಪ್ಪಚ್ಚಿದೊಡ್ಮನೆ ಭಾವವಾಣಿ ಚಿಕ್ಕಮ್ಮಯೇನಂಕೂಡ್ಳು ಅಣ್ಣರಾಜಣ್ಣಎರುಂಬು ಅಪ್ಪಚ್ಚಿಪವನಜಮಾವಡಾಗುಟ್ರಕ್ಕ°ಡೈಮಂಡು ಭಾವಪುತ್ತೂರಿನ ಪುಟ್ಟಕ್ಕಅಕ್ಷರದಣ್ಣಚೆನ್ನಬೆಟ್ಟಣ್ಣವಿಜಯತ್ತೆಬಟ್ಟಮಾವ°ಶ್ಯಾಮಣ್ಣvreddhiದೊಡ್ಡಭಾವಒಪ್ಪಕ್ಕಶರ್ಮಪ್ಪಚ್ಚಿಕೆದೂರು ಡಾಕ್ಟ್ರುಬಾವ°ಪೆರ್ಲದಣ್ಣಹಳೆಮನೆ ಅಣ್ಣವೇಣೂರಣ್ಣಶ್ರೀಅಕ್ಕ°ಶೇಡಿಗುಮ್ಮೆ ಪುಳ್ಳಿಶಾಂತತ್ತೆ
ಬೈಲಿನ ಮೋರೆಪುಟ
ಸದ್ಯದ ಪಟಂಗೊ
ಶೇಡಿಗುಮ್ಮೆ ವಾಸುದೇವ ಭಟ್ಟ್ರಿಂಗೆ ಯಕ್ಷಗಾನ ಅಕಾಡೆಮಿಯ ಗೌರವ

ಬೆಣಚ್ಚಿಪ್ಪಲ್ಲಿ ಹುಡ್ಕಲೆ