ಶ್ರೀ ಅಕ್ಕ ಮಾಡಿದ ದಿಡೀರ್ ಉಂಡೆ

• Author
• Recent Posts

ಪೆಂಗಣ್ಣ°

ಹೆಸರು ಪೆಂಗ ಆದರೂ ಇವ ಪೆಂಗ ಅಲ್ಲ. ಪ್ರಸ್ತುತ, ರಾಜಕೀಯ, ಸಾಮಾಜಿಕ ವಿಚಾರಂಗಳ ಬೈಲಿಂಗೆ ಹೇಳುದರ್ಲಿ ಎತ್ತಿದ ಕೈ!ಬನ್ನಿ, ಪೆಂಗಣ್ಣನ ಶುದ್ದಿಗಳ ಕೇಳುವೊ,ಆಗದೋ?

Latest posts by ಪೆಂಗಣ್ಣ° (see all)

• ದಿಡೀರ್ ಪರಂಗಿ ಕಾಯಿ(ಅನನಾಸ್)ಉಪ್ಪಿನಕಾಯಿ - March 8, 2013
• ಕರ್ನಾಟಕ ಮತದಾರ ಪಟ್ಟಿಗೆ ಹೆಸರು ಸೇರ್ಸುದು ಹೇಂಗೆ? - October 8, 2012
• ಹವ್ಯಕ ಪುಸ್ತಕಂಗಳ ಲೋಕಾರ್ಪಣೆ - August 26, 2012

ಓಯ್ ಈ ಜೆನ ಇಲ್ಲೆ ಹೇಳಿ ಮಾತಾಡ್ಲೆ ಶುರು ಮಾಡಿದ್ದ ಕೆಪ್ಪಣ್ಣ, ನಾವಿದ್ದು ಆದರೆ ಇಲ್ಲಿ ಬರವಲೆ ಆತಿಲ್ಲೆ ಬಾವ ಹೇಳಿರೂ ಕೇಳ್ತಾ ಇಲ್ಲೆನ್ನೆ. ಇರಳಿ, ನಮ್ಮ ಇಂದ್ರಾಣ ವಸತಿ ಶ್ರೀ ಅಕ್ಕನಲ್ಲಿ. ಹೇಳಿದಾಂಗೆ ಶುದ್ದಿ ಹೇಳದ್ದೇ ಬೋಚ ಬಾವನೊಟ್ಟಿಂಗೆ ಆಲ್ಲಿಗೆ ತಲ್ಪುವಾಗ ಗಂಟೆ ಎಂಟೂಮುಕ್ಕಾಲು, ಶರ್ಮಪ್ಪಚ್ಚಿ ಹಾಸಿಗೆ ಬಿಡ್ಸುವ ಸಮಯ. ಗೇಟಿಂಗೆ ತಲ್ಪುವಾಗಲೇ ಕಾನವಣ್ಣನ ಸ್ವರ ಕೇಳ್ತು ಬಾಮಿನಿ ರಾಗಲ್ಲಿ. ಬೋಚ ಬಾವನ ಜೋಳಿಗೆಯ ಒಂದರಿ ನೋಡಿಕೊಂಡೆ ಚೋಕ್ಲೇಟ್ ಕಟ್ಟು ಇದ್ದೋ ಅಲ್ಲ ಒಂದೊಂದೇ ಕಾಲಿ ಮಾಡಿದ್ದನೋ ಹೇಳಿ.

ಒಳ ಹೋದಾಂಗೆ ಗೊಂತಾತು ಈ ಮಾಣಿಗೆ ಇರುಳಪ್ಪಗ ಉಂಡೆ ತಿನ್ನೆಕ್ಕು ಹೇಳಿ ಆಗಿ ರಾಗ ಶುರು ಮಾಡಿದ್ದು ಹೇಳಿ. ನಮ್ಮ ಚೋಕ್ಲೇಟ್ ಕೊಟ್ಟರು ರಾಗ ನಿಂದಿದಿಲ್ಲೆ. ಇವನೊಟ್ಟಿಗೆ ಹೇಳದ್ದೆ ಬಂದ ಇನ್ನೆರಡು ಇದ್ದವೂ ಹೇಳಿಯೊ ಮಣ್ಣೋ ಗೊಂತಿಲ್ಲೆ ಅಕ್ಕ ಆತು ಮಾಡಿ ಕೊಡುವ ಹೇಳಿತ್ತು. ಅಷ್ಟಪ್ಪಗ ಎರಡು ಚೋಕ್ಲೇಟ್ ಬಾಯಿಯೊಳ ಹೋತಿದಾ. ನವಗೆ ಸಂಶಯ ಅಕ್ಕಿ ನೀರಿಲಾಕಿ ಕಡದು ಬಾಣಾಲೆಲಿ ಮಗಚ್ಚಿ ಹಬೆಲಿ ಬೇಶಿ ಉಂಡೆ ಅಪ್ಪಲೆ ಸುಮಾರು ಹೊತ್ತು ಬೇಕು ಗಂಟೆ ಒಂಭತ್ತು ಕಾಲು ಆಯಿದು ಅವಾಗಲೇ. ನಮ್ಮ ಹೊಟ್ಟೆಗೆ ಬೀಳುವಾಗ ಹನ್ನೊಂದು ಕಳೀಗೋ ಆತು. ಎಂಗೊಗೆ ಹೆಜ್ಜೆ ಸಾಕು ಹೇಳುಲೆ ಅಡಗ್ಗೆ ಕೋಣೆಗೆ ಹೋಗಿಯಪ್ಪಗ ಅಕ್ಕ ಹೇಳಿತ್ತು ಅರ್ಧ ಗಂಟೆಲಿ ಆವ್ತು ಹೇಳಿ.

ಅಷ್ಟಪ್ಪಗ ನವಗೆ ಕುತೂಹಲ ಆತು, ಹಾಂಗೆ ಅಲ್ಲೇ ಮಾತಾಡಿಯೊಂಡು ಕೂದತ್ತು, ಒಟ್ಟಿಂಗೆ ಹತ್ತು ಹತ್ತು ಉಂಡೆ ಬೇಕಕ್ಕು ಹೇಳಿತ್ತು. ನಾವು ಮಾತಾಡಿಯೊಂಡಿದ್ದರೆ ಅಕ್ಕ ಒಂದು ಬಾಣಾಲೆಲಿ ಎರಡು ಮೂರು ಲೀಟರು ನೀರು ಬೆಶಿ ಅಪ್ಪಲೆ ಮಡುಗಿ, ಅರ್ಧ ಸೇರು ಬೆಳ್ತಿಗೆ ಅಕ್ಕಿಯ ಮಿಕ್ಸಿಲಿ ಹಾಕಿ ಹೊಡಿ ಮಾಡಿತ್ತು. ನೀರು ಬೆಶಿ ಅಪ್ಪಗ ಅಕ್ಕಿ ಹೊಡಿಯ ಅದಕ್ಕೆ ಹಾಕಿ ಮಗಚ್ಚಿತ್ತು ನೀರು ಕಾಲಿ ಅಪ್ಪನ್ನಾರ. ಮತ್ತೆ ಕುಕ್ಕರಿಲಿ ನೀರು ಹಾಕಿ ಕೆಳಂಗೊಂದು ಇಡ್ಲಿ ಪ್ಲೇಟ್ ಮಡಗಿ ಹಿಟ್ಟಿನ ಉಂಡೆ ಮಾಡಿ ಮಡಗಿತ್ತು. ಮುಚ್ಚಲ ಹಾಕಿ ಮೂರು ಕೂಕಿಲು ಹಾಕಿಯಪ್ಪಗ ಕುಕ್ಕರ್ ಕೆಳ ಮಡಗಿ ಐದು ನಿಮಷಲ್ಲಿ ದಿಡೀರ್ ಉಂಡೆ ರೆಡಿ. ಕೂಡುಲೆ ಬಸಳೆ ಬೆಂದಿಯೂ ಪೂಂಬೆ ಚಟ್ನಿಯೂ ಇತ್ತಿದಾ ಹತ್ತು ಹೇಳಿದ ಬೋಚ ಬಾವ ಅಂತೂ ಹದಿನೈದು ತಿಂದ. ಅಂಬಗ ಕಾನಾವಣ್ಣನೋ ಕೇಳುಗು ಚೆನ್ನೈ ಬಾವ. ಹೋಯ್ ಅವಾ° ಚೋಕ್ಲೇಟ್ ತಿಂದು ಟಿ.ವಿ. ನೋಡಿಯೊಂಡು ಅಲ್ಲೇ ವರಗಿತ್ತಿದ್ದಾ..

ಅಂತೂ ಹಬ್ಬದ ದಿನ ಹೋಗದ್ದರೂ ಹೊಟ್ಟೆಗೆಂತ ಕಮ್ಮಿ ಆಯಿದಿಲ್ಲೆ. ಈಗ ರಜಾ ವರಗದ್ದರೆ ನಾಡುದ್ದು ಆಡ್ವಾನಿ ಅಜ್ಜ ಬಪ್ಪಗ ಹೋಪಲೆಡಿಯಾ, ಮತ್ತೆ ಕಾಂಬಾ ಆತೋ…

~
ಪೆಂಗಣ್ಣ ಪ್ರಮ್ ಬೈಲು
bingi.penga@gmail.com