ಹಲಸಿನ ಹಣ್ಣಿನ ಇಡ್ಲಿ

• Author
• Recent Posts

ವೇಣಿಯಕ್ಕ°

ವೇಣಿ ಅಕ್ಕನ ಹೆಸರು ನೋಡುವಗ "ರುಚಿ ರುಚಿ ಅಡುಗೆ" ಬ್ಲಾಗ್ ನೆಂಪಾವುತ್ತಾ?!
ಹಾಂ! ಅದೇ ವೇಣಿಯಕ್ಕ ಈಗ ಒಪ್ಪಣ್ಣನ ಬೈಲಿಂಗೆ ಬಯಿಂದು.
ಅಲ್ಲದ್ದೆ ಈಗ ಕೊಡೆಯಾಲಲ್ಲಿ ಇಪ್ಪದುದೇ. ಅಪ್ಪನ ಮನೆ ನಲ್ಕ, ಗೆಂಡನ ಮನೆ ಮದಂಗಲ್ಲು.
ಮೊನ್ನೆ ಶ್ರೀ ಅಕ್ಕ ಕೇಳಿತ್ತಿದ್ದು ಒಪ್ಪಣ್ಣನ ಬ್ಲಾಗಿಲ್ಲಿ ವಾರಕ್ಕೊಂದು ಅಡಿಗೆ ನಮ್ಮ ಹವ್ಯಕಲ್ಲಿ ಬರದು ಹಾಕುಲೆ ಎಡಿಗಾ ಹೇಳಿ.
ಹಾಂಗಾಗಿ ಮುಂದಾಣ ವಾರಂದ ಇಲ್ಲಿ ನಿಂಗೊಗೆ ವಾರಕ್ಕೊಂದು ಹೊಸ ರುಚಿಯ ಚೆಂದದ ಫೋಟೋಂಗಳೊಟ್ಟಿಂಗೆ ವೇಣಿಯಕ್ಕ ಕಾಂಬಲೆ ಸಿಕ್ಕುಗು.
ವೃತ್ತಿಲಿ ಸಾಫ್ಟ್ ವೇರ್ ಇಂಜಿನಿಯರ್.
ಪುರುಸೋತ್ತಿಪ್ಪಗೆಲ್ಲ ಹೂಗಿನ ಸೆಸಿಗಳ ನೋಡಿಗೊಮ್ಬದು, ಹೊಸ ರುಚಿ ಎಂತಾರು ಪ್ರಯೋಗ ಮಾಡುದು ಹವ್ಯಾಸಂಗೊ.

Latest posts by ವೇಣಿಯಕ್ಕ° (see all)

• ಬೆಂಡೆಕಾಯಿ ಟೊಮೇಟೋ ಸಾಂಬಾರು(ಕೊದಿಲು) - March 17, 2015
• ಕ್ಯಾರೆಟ್ ಖೀರು - March 10, 2015
• ಬೆಂಡೆಕಾಯಿ ಪ್ರೈ - March 3, 2015

ಹಲಸಿನ ಹಣ್ಣಿನ ಇಡ್ಲಿ
ಬೇಕಪ್ಪ ಸಾಮಾನುಗೊ:

• 8 ಕಪ್(ಕುಡ್ತೆ) ಹಲಸಿನ ಹಣ್ಣಿನ ಎಸರು(ತುಳುವ ಹಲಸಿನ ಹಣ್ಣಿಂದಾದರೆ ಒಳ್ಳೆದು)
• 4 ಕಪ್(ಕುಡ್ತೆ) ಬೆಣ್ತಕ್ಕಿ ರವೆ(ಸೋನಾ ಮಸೂರಿ ಆದರೆ ಒಳ್ಳೆದು)
• 1 ಕಪ್(ಕುಡ್ತೆ) ನೀರು
• 1.5-2 ಕಪ್(ಕುಡ್ತೆ) ಬೆಲ್ಲ
• ರುಚಿಗೆ ತಕ್ಕಸ್ಟು ಉಪ್ಪು
• 2 ಬಾಳೆ ಎಲೆ

ಮಾಡುವ ಕ್ರಮ:
ಅಕ್ಕಿಯ ಲಾಯಿಕಲಿ ತೊಳದು, ಲಾಯಿಕದ ಹತ್ತಿ ವಸ್ತ್ರಲ್ಲಿ ಹರಗಿ ಒಂದು 10 ಘಂಟೆ ಕರೆಲಿ ಮಡುಗಿ. ನೀರ ಪಸೆ ಎಲ್ಲ ಆರಿದ ಮತ್ತೆ ಮಿಕ್ಸಿಗೆ ಹಾಕಿ ಕೆಳಾಣ ಚಿತ್ರಲ್ಲಿ ತೋರ್ಸಿದ ಹಾಂಗೆ ತರಿ-ತರಿ ಆಗಿ(ಇಡ್ಲಿ ರವೆಯ ಹಾಂಗೆ) ಹೊಡಿ ಮಾಡಿ ಮಡಿಕ್ಕೊಳ್ಳಿ.

ಹಲಸಿನ ಹಣ್ಣಿನ ತುಂಡು ಮಾಡಿ, ಅದರಿಂದ ಸೊಳೆಯ ತೆಗೆರಿ.

ಕೆಳಾಣ ಚಿತ್ರಲ್ಲಿ ತೋರ್ಸಿದ ಹಾಂಗೆ ಪ್ರತಿ ಸೊಳೆಂದ ಪೊದುಂಕುಳು, ಹೂಸಾರೆ, ಬೇಳೆ ಎಲ್ಲ ತೆಗೆರಿ.

ಕೆಳಾಣ ಚಿತ್ರಲ್ಲಿ ತೋರ್ಸಿದ ಹಾಂಗೆ ಕೆರುಶಿಯ ಹಾಂಗಿದ್ದ ಬೆತ್ತದ ತಡ್ಪೆಲಿ ಉದ್ದಿ ಅಥವಾ ಮಿಕ್ಸಿಗೆ ಹಾಕಿ ತಿರುಗ್ಸಿ, ಅರುಶಿ, ಎಸರಿನ ತೆಗದು ಪುಂಟೆಯ ಇಡ್ಕಿ.


ಇದಕ್ಕೆ 1 ಕುಡ್ತೆ ನೀರು, ಸೀವಿಂಗೆ ಬೇಕಪ್ಪಸ್ಟು ಬೆಲ್ಲವ ಕೆರಸಿ ಹಾಕಿ ಲಾಯಿಕಲಿ ತೊಳಸಿ.

ಇದಕ್ಕೆ ಅಕ್ಕಿ ರವೆ, ಉಪ್ಪು ಹಾಕಿ ಲಾಯಿಕಲಿ ತೊಳಸಿ. ಹಿಟ್ಟು ದಪ್ಪ ಮಜ್ಜಿಗೆಯಸ್ಟು ಹದ ಇರಲಿ.

ಅಟ್ಟಿನಳಗೆ/ಪ್ರೆಶರ್ ಕುಕ್ಕರ್ನ ಅಡಿಲಿ ರೆಜ್ಜ ನೀರು ಹಾಕಿ, ಸ್ಟಾಂಡ್ ಮಡುಗಿ ಅದರ ಮೇಗೆ ಬಾಡ್ಸಿ, ಉದ್ದಿದ ಬಾಳೆ ಎಲೆಯ ಕೆಳಾಣ ಚಿತ್ರಲ್ಲಿ ತೋರ್ಸಿದ ಹಾಂಗೆ ಮಡುಗಿ. ಕೆಳಾಣ ನೀರು ಕೊದುದಪ್ಪಗ ಇಡ್ಲಿ ಹಿಟ್ಟಿನ ಬಾಳೆ ಎಲೆ ಮೇಲೆ ಕೆಳಾಣ ಛಿತ್ರಲ್ಲಿ ತೋರ್ಸಿದ ಹಾಂಗೆ ಎರೆರಿ.

ಮುಚ್ಚಲು ಮುಚ್ಚಿ, 15-20 ನಿಮಿಷ ದೊಡ್ಡ ಕಿಚ್ಚಿಲ್ಲಿ ಬೇಶಿ, ಮತ್ತೆ 40-45 ನಿಮಿಷ ಸಣ್ಣ/ಹದ ಕಿಚ್ಚಿಲ್ಲಿ ಬೇಶಿ.
(ಪ್ರೆಶರ್ ಕುಕ್ಕರಿಂಗೆ, ವೈಟ್ ಮಡುಗುದು ಬೇಡ, ವೈಟ್ ಸ್ಟಾಂಡಿಂಗೆ ಒಂದು ಗ್ಲಾಸಿನ ಕವುಂಚಿ ಮಡುಗಿರೆ ಸಾಕು.)
ಬೆಶಿ ಬೆಶಿ ಇಡ್ಲಿಯ ತುಂಡು ಮಾಡಿ, ತುಪ್ಪ ಹಾಕಿ ಚಟ್ನಿ ಅಥವಾ ಸಾಂಬರಿನ ಒಟ್ಟಿಂಗೆ ತಿಂಬಲೆ ಕೊಡಿ. ಮೇಲೆ ಹೇಳಿದ ಸಾಮಾನಿಲ್ಲಿ ಸಾಧಾರಣ 17 ಹಲಸಿನ ಹಣ್ಣಿನ ಕೊಟ್ಟಿಗೆ ಆವುತ್ತು.

ಮಾಡಿ, ರುಚಿನೋಡಿ ಹೇಂಗಾಯಿದು ತಿಳಿಶಿ.
~
ವೇಣಿ ಅಕ್ಕ°
ಸೂ: ಈ ಶುದ್ದಿಯ ಇಂಗ್ಲೀಷ್ ಪ್ರತಿ ಇಲ್ಲಿದ್ದು.