ಹಾಂ! ಅದೇ ವೇಣಿಯಕ್ಕ ಈಗ ಒಪ್ಪಣ್ಣನ ಬೈಲಿಂಗೆ ಬಯಿಂದು.
ಅಲ್ಲದ್ದೆ ಈಗ ಕೊಡೆಯಾಲಲ್ಲಿ ಇಪ್ಪದುದೇ. ಅಪ್ಪನ ಮನೆ ನಲ್ಕ, ಗೆಂಡನ ಮನೆ ಮದಂಗಲ್ಲು.
ಮೊನ್ನೆ ಶ್ರೀ ಅಕ್ಕ ಕೇಳಿತ್ತಿದ್ದು ಒಪ್ಪಣ್ಣನ ಬ್ಲಾಗಿಲ್ಲಿ ವಾರಕ್ಕೊಂದು ಅಡಿಗೆ ನಮ್ಮ ಹವ್ಯಕಲ್ಲಿ ಬರದು ಹಾಕುಲೆ ಎಡಿಗಾ ಹೇಳಿ.
ಹಾಂಗಾಗಿ ಮುಂದಾಣ ವಾರಂದ ಇಲ್ಲಿ ನಿಂಗೊಗೆ ವಾರಕ್ಕೊಂದು ಹೊಸ ರುಚಿಯ ಚೆಂದದ ಫೋಟೋಂಗಳೊಟ್ಟಿಂಗೆ ವೇಣಿಯಕ್ಕ ಕಾಂಬಲೆ ಸಿಕ್ಕುಗು.
ವೃತ್ತಿಲಿ ಸಾಫ್ಟ್ ವೇರ್ ಇಂಜಿನಿಯರ್.
ಪುರುಸೋತ್ತಿಪ್ಪಗೆಲ್ಲ ಹೂಗಿನ ಸೆಸಿಗಳ ನೋಡಿಗೊಮ್ಬದು, ಹೊಸ ರುಚಿ ಎಂತಾರು ಪ್ರಯೋಗ ಮಾಡುದು ಹವ್ಯಾಸಂಗೊ.
- ಬೆಂಡೆಕಾಯಿ ಟೊಮೇಟೋ ಸಾಂಬಾರು(ಕೊದಿಲು) - March 17, 2015
- ಕ್ಯಾರೆಟ್ ಖೀರು - March 10, 2015
- ಬೆಂಡೆಕಾಯಿ ಪ್ರೈ - March 3, 2015
ಸೀವು ಕೆಂಡತ್ತಡ್ಯ
ಬೇಕಪ್ಪ ಸಾಮಾನುಗೊ:
- 2-2.5 ಕಪ್(ಕುಡ್ತೆ) ಸಣ್ಣಕೆ ಕೊಚ್ಚಿದ(ದೊಡ್ಡಕೆ ತುರುದ) ಮುಳ್ಳು ಸೌತೆ(ಅಥವಾ ಸೊರೆಕ್ಕಾಯಿ) ಭಾಗ
- 1 ಕಪ್(ಕುಡ್ತೆ) ಬೆಣ್ತಕ್ಕಿ (ಸೋನಾ ಮಸೂರಿ ಆದರೆ ಒಳ್ಳೆದು)
- 1/2 ಕಪ್(ಕುಡ್ತೆ) ಕಾಯಿ ತುರಿ
- 3/4-1 ಕಪ್(ಕುಡ್ತೆ) ಕೆರಸಿದ ಬೆಲ್ಲ
- 1-2 ಏಲಕ್ಕಿ
- ರುಚಿಗೆ ತಕ್ಕಸ್ಟು ಉಪ್ಪು
- 3-4 ಚಮ್ಚೆ ತುಪ್ಪ
ಮಾಡುವ ಕ್ರಮ:
ಮುಳ್ಳು ಸೌತೆಯ ಚೋಲಿ, ತಿರುಳು, ಬಿತ್ತು ಎಲ್ಲ ತೆಗದು(ಎಳತ್ತಾದರೆ ತಿರುಳು ತೆಗೆಯೆಕ್ಕು ಹೇಳಿ ಇಲ್ಲೆ), ಸಣ್ಣಕೆ ಕೊಚ್ಚಿ ಮಡಿಕ್ಕೊಳ್ಳಿ ಅಥವಾ ದೊಡ್ಡಕೆ ತುರುದು ಮಡಿಕ್ಕೊಳ್ಳಿ
ಅಕ್ಕಿಯ ನೀರಿಲ್ಲಿ 4-5 ಘಂಟೆ ಬೊದುಳುಲೆ ಹಾಕಿ. ಅಕ್ಕಿಯ ಲಾಯಿಕಲಿ ನೀರಿಲ್ಲಿ 2-3 ಸರ್ತಿ ತೊಳೆರಿ. ಅಕ್ಕಿ, ಉಪ್ಪು, ಕಾಯಿ ತುರಿ, ಮುಳ್ಳು ಸೌತೆಯ ಎಸರಿನ ಮಿಕ್ಸಿ/ಗ್ರೈಂಡರಿಲ್ಲಿ ಹಾಕಿ ತರಿ ತರಿಯಾಗಿ ಗಟ್ಟಿಗೆ ಕಡೆರಿ. ಇದಕ್ಕೆ ಬೆಲ್ಲ, ಏಲಕ್ಕಿ ಹಾಕಿ ಸಾಧಾರಣ 1 ನಿಮಿಷ ಕಡೆರಿ
ಇದಕ್ಕೆ ಕೊಚ್ಚಿ ಮಡುಗಿದ ಮುಳ್ಳು ಸೌತೆಯ ಹಾಕಿ ಲಾಯಿಕಲಿ ತೊಳಸಿ. (ನೀರು ಬೇಕಾದರೆ ಮಾತ್ರ ಹಾಕಿ.) ಹಿಟ್ಟು ಕೆಳಾಣ ಚಿತ್ರಲ್ಲಿ ತೋರ್ಸಿದಸ್ಟು ಹದ ಇರಲಿ.
ಓವನ್ ನ 350-400 ಡಿಗ್ರಿ F(ಪ್ಯಾರನ್ ಹೀಟ್) ಲ್ಲಿ, ಬೇಕ್ ಮೋಡ್ ಲ್ಲಿ ಪ್ರಿಹೀಟ್ (ಮೊದಲೇ ಬೆಶಿ) ಮಾಡಿ ಮಡಿಕ್ಕೊಳ್ಳಿ. (ಮೈಕ್ರೋವೇವ್ ಆದರೆ 200 ಡಿಗ್ರಿ C(ಸೆಲ್ಸಿಯಸ್)ಲ್ಲಿ, ಕನ್ವೆಕ್ಶನ್ ಮೋಡ್ ಲ್ಲಿ ಪ್ರಿಹೀಟ್ (ಮೊದಲೇ ಬೆಶಿ) ಮಾಡಿ ಮಡಿಕ್ಕೊಳ್ಳಿ.)
ಮೈಕ್ರೋವೇವ್/ಓವನ್ಲ್ಲಿ ಮಡುಗುವಂತಹ ಚೆಟ್ಟೆ ಪಾತ್ರಕ್ಕೆ ರೆಜ್ಜ ತುಪ್ಪ ಪಸೆ ಮಾಡಿ, ಹಿಟ್ಟಿನ ಹಾಕಿ, ಕೆಳಾಣ ಚಿತ್ರಲ್ಲಿ ತೋರ್ಸಿದ ಹಾಂಗೆ ಸಾಧಾರಣ 1/2 ಇಂಚು ದಪ್ಪಕೆ ಒಂದೇ ರೀತಿ ಹರಡ್ಸಿ.
ಇದರ ಮೇಗಂದ 1-2 ಚಮ್ಚೆ ತುಪ್ಪ ಹಾಕಿ, ಓವನ್ ಲ್ಲಿ ಮಡುಗಿ 350-400 ಡಿಗ್ರಿ F(ಪ್ಯಾರನ್ ಹೀಟ್) ಲ್ಲಿ, ಬೇಕ್ ಮೋಡ್ ಲ್ಲಿ 45-50 ನಿಮಿಷ, ಕೆಳಾಣ ಹೊಡೆ ಚಿನ್ನದ ಬಣ್ಣ ಬಪ್ಪನ್ನಾರ ಬೇಶಿ.
ಮೇಗಂಗೆ ರೆಜ್ಜ ತುಪ್ಪ ಪಸೆ ಮಾಡಿ, 300-350 ಡಿಗ್ರಿ F(ಪ್ಯಾರನ್ ಹೀಟ್) ಲ್ಲಿ, ಬ್ರಾಯಿಲ್ ಮೋಡ್ ಲ್ಲಿ 30-35 ನಿಮಿಷ, ಮೇಗಾಣ ಹೊಡೆ ಚಿನ್ನದ ಬಣ್ಣ ಬಪ್ಪನ್ನಾರ ಬೇಶಿ. (ಮೈಕ್ರೋವೇವ್ ಆದರೆ ಕನ್ವೆಕ್ಶನ್ ಮೋಡ್ಲ್ಲಿ ಸಾಧಾರಣ 1 ಘಂಟೆ ಬೇಶಿ.)
ಇದರ ಮೈಕ್ರೋವೇವ್/ಓವನ್ಂದ / ಉರುಳಿ(ಚೆಟ್ಟೆ ಪಾತ್ರಂದ) ಎಳಕ್ಕುಸಿ ತೆಗದು ತುಂಡು-ತುಂಡು ಮಾಡಿ, ತುಪ್ಪ, ಚಟ್ನಿ, ಸಾಂಬಾರಿನ ಒಟ್ಟಿಂಗೆ ತಿಂಬಲೆ ಕೊಡಿ.
ಸೂಚನೆ: ಮಕ್ರೋವೇವ್ / ಓವನ್ ಕಂಪೆನಿಂದ-ಕಂಪೆನಿಗೆ ವ್ಯತ್ಯಾಸ ಇರ್ತು. ( ಅದಕ್ಕೆ ಸರಿಯಾಗಿ ಉಷ್ಣಾಂಶವ ಸರಿ ಮಾಡಿಗೊಳ್ಳಿ.)
ಕೆಂಡತ್ತಡ್ಯವ ಬಾಣಲೆಲಿ ಮಾಡ್ಲೆ, ಬಾಣಲೆಗೆ ಒಂದು ಸಕ್ಕಣ ತುಪ್ಪ ಹಾಕಿ ಬೆಶಿ ಮಾಡಿ, ಹಿಟ್ಟಿನ ಹಾಕಿ, ಸಾಧಾರಣ 1/4 ಇಂಚು ದಪ್ಪಕೆ ಹರಡ್ಸಿ, ಮೇಗಂದ 1-2 ಸಕ್ಕಣ ತುಪ್ಪ ಹಾಕಿ ಮುಚ್ಚಲು ಮುಚ್ಚಿ 5-8 ನಿಮಿಷ ಸಣ್ಣ ಕಿಚ್ಚಿಲ್ಲಿ ಬೇಶಿ. ತಿರುಗ್ಸಿ ಹಾಕಿ ಪುನ: ಒಂದು 5 ನಿಮಿಷ ಮುಚ್ಚಲು ಮುಚ್ಚಿ ಸಣ್ಣ ಕಿಚ್ಚಿಲ್ಲಿ ಬೇಶಿ.
ಕೆಂಡತ್ತಡ್ಯವ ಕೆಂಡಲ್ಲಿ ಮಾಡ್ಲೆ, ಹಿಟ್ಟಿನ ಉರುಳಿ ಅಥವಾ ಚೆಟ್ಟೆ ಪಾತ್ರಲ್ಲಿ ಹಾಕಿ ತೊಳಸಿ, ಅದರ ಮೇಗಂದ ಕಬ್ಬಿಣದ ಮುಚ್ಚಲು/ಮಣ್ಣಿನ ಓಡಿನ ಹಾಂಗಿಪ್ಪದರ ಮುಚ್ಚಿ. ಆ ಮುಚ್ಚಲಿನ ಮೇಗಂಗೆ ರೆಜ್ಜ ಕೆಂಡ ಹಾಕಿ, ಸಣ್ಣ-ಸಣ್ಣ ಮರದ ಚೆಕ್ಕೆ ಮಡುಗಿ ಕಿಚ್ಚು ಹಾಕಿ ಸಾಧಾರಣ 30-45 ನಿಮಿಷ ಮೇಗಾಣ ಹೊಡಂದ ಬೇಶೆಕ್ಕು. ಕೆಳಾಣ ಹೊಡೆಂಗೆ ರೆಜ್ಜ/ಸಣ್ಣ ಕಿಚ್ಚು ಹಾಕಿ 20-30 ನಿಮಿಷ ಬೇಯೆಕ್ಕು.
ಮಾಡಿ, ರುಚಿನೋಡಿ ಹೇಂಗಾಯಿದು ತಿಳಿಶಿ.
~
ವೇಣಿ ಅಕ್ಕ°
ಸೂ: ಈ ಶುದ್ದಿಯ ಇಂಗ್ಲೀಷ್ ಪ್ರತಿ ಇಲ್ಲಿದ್ದು.
