ಶರ್ಮಪ್ಪಚ್ಚಿ ಅವರಬಗ್ಗೆ ವಿಶೇಷವಾದ ಶುದ್ದಿಯನ್ನೇ ಬೈಲಿಂಗೆ ಹೇಳಿತಿಳುಸಿದ್ದವು.
( ಸಾಧನೆಗೆ ಅಡ್ಡಿ ಆಗದ್ದ ಅಂಗವೈಕಲ್ಯ: https://oppanna.com/nammooru/shedigumme-gopalakrishna-bhat )
ಹ್ಮ್, ಅಪ್ಪು.
ಶರ್ಮಪ್ಪಚ್ಚಿ ಹೇಳಿದ ಹಾಂಗೆಯೇ, ಅವು ದೈಹಿಕವಾಗಿ ಎದ್ದು ನಿಂಬಲೆ ಸಾಧ್ಯ ಆಗದ್ದೆ ಇಕ್ಕು, ಆದರೆ ಅವು ಮಾನಸಿಕವಾಗಿ ಎದ್ದು ನಿಂದ ರೀತಿ ಇದ್ದನ್ನೆ- ಅದರ ಗ್ರೇಶಿರೆ ಒಪ್ಪಣ್ಣಂಗೆ ತುಂಬಾ ಕೊಶಿ ಅಪ್ಪದು.
ಸ್ವಂತವಾಗಿ ಬರದು ಪಾಸಪ್ಪ ಪರೀಕ್ಷೆಗೊ, ಅದರಿಂದ ಮತ್ತೆ ಸಿಕ್ಕಿದ ಸ್ವಂತ ಉದ್ಯೋಗ, ಅಲ್ಲಿಂದ ಮುಂದಕ್ಕೆ ನೆಡದು ಬಂದ ಸ್ವಂತ ಸಂಪಾದನೆಯ ಜೀವನ – ಇದರ ಎಲ್ಲವನ್ನುದೇ ಗ್ರೇಶಿರೆ, ಜೀವನವ ಎದರುಸಲೆ ಒದಗಿ ಬಂದ ದೈವಪರೀಕ್ಷೆ ಹೇಳಿ ಅನುಸುದು ಒಪ್ಪಣ್ಣಂಗೆ.
ಈಗ ಅವು ಉದ್ಯೋಗಸ್ಥರಾಗಿದ್ದರೂ, ಕೆಲವು ಪುಸ್ತಕಂಗಳ ಬರದು ಸಾಹಿತ್ಯಕ್ಷೇತ್ರಕ್ಕೂ ಹೊಂದುತ್ತ ಸಾಧನೆಯ ಮಾಡಿ ತೋರುಸಿದ್ದವು.
ಅವರ ಜೀವನಗಾಥೆಯೇ ಒಳುದೋರಿಂಗೆ ಪ್ರೇರೇಪಣೆ.
ಇದರನ್ನೇ ನಮ್ಮ ಶರ್ಮಪ್ಪಚ್ಚಿ ಐದಾರು ತಿಂಗಳು ಹಿಂದೆ ಹೇಳಿದ್ದದು!
ಇರಳಿ, ನಮ್ಮ ಹತ್ತರಾಣೋರು ಹಾಂಗೆ ಮಿಂಚಿರೆ ನವಗೂ ಕೊಶಿಯೇ.
ಅವು ಇನ್ನೂ ಹತ್ತರೆ ಬಂದರೆ ಮತ್ತೂ ಕೊಶಿ, ಅಲ್ಲದೋ?
ಬೈಲಿಂಗೆ ಶುದ್ದಿ ಹೇಳುತ್ತಿರೋ – ಕೇಳಿದೆ ಒಂದರಿ ಅವರತ್ರೆ.
ಸಂತೋಷಲ್ಲಿ ಒಪ್ಪಿಗೊಂಡವು. ಅವು ಒಪ್ಪಿ, ತಕ್ಷಣ ಕೊಶೀಲಿ ಕಳುಸಿದ ಆ ಶುದ್ದಿಯ ಕಂಡು ಒಪ್ಪಣ್ಣಂಗೆ ಕೊಶಿಯೂ ಆಶ್ಚರ್ಯವೂ ಆಗಿಬಿಟ್ಟತ್ತು!
ಅವರ ಶುದ್ದಿಗಳ ನಾವೆಲ್ಲೊರೂ ಕೇಳುವೊ°, ಪ್ರೀತಿಲಿ ಒಪ್ಪ ಕೊಡುವೊ°.
ಸಾಹಿತ್ಯದ ಅವರ ಅಭಿರುಚಿಯ ಇನ್ನುದೇ ಬೆಳೆಸುವೊ°, ಆಗದೋ?
- ಸಣ್ಣ ಸಂಗತಿ - February 13, 2018
- ದೇಶಸೇವೆ - August 15, 2017
- ಶೇಡಿಗುಮ್ಮೆ ವಾಸುದೇವ ಭಟ್ಟ್ರಿಂಗೆ ಯಕ್ಷಗಾನ ಅಕಾಡೆಮಿಯ ಗೌರವ - August 15, 2017
ಶ್ರೀಮತಿ ಸರಸ್ವತಿ ಶಂಕರ್ ಬರೆದ ಪ್ರವಾಸ ಕಥನ ‘ಚಿನ್ನದ ನಾಡಿಂದ ಹೊನ್ನ ದ್ವಾರದತ್ತ ‘ ಕಳೆದ ೨೪ಕ್ಕೆ ಬೆಂಗಳೂರಿಲಿ ನಡೆದ ಕಾರ್ಯ ಕ್ರಮಲ್ಲಿ ಲೋಕಾರ್ಪಣೆ ಆತು.ರವಿ ಪ್ರಕಾಶನ,ಬೆಂಗಳೂರು -ಇವು ಪ್ರಕಾಶಕರು-ಪ್ರಕಟಿಸಿದ್ದ ಒಟ್ಟು ಐದು ಗ್ರಂಥಂಗೊ ಅಂದು ಅಲ್ಲಿ ಬಿಡುಗಡೆ ಆಯಿದು.
ಕೆಲವು ಊರುಗೊಕ್ಕೆ ಭೇಟಿ [ದೇಶವಿದೇಶಲ್ಲಿ] ನೀಡಿದ ಇವು,ತುಂಬಾ ಶ್ರಮಪಟ್ಟು ಮಾಹಿತಿ ಸಂಗ್ರಹ ಮಾಡಿ ಈ ಕೃತಿ ಬರೆದ್ದವು.ಇದರಲ್ಲಿ ಹಲವು ಲೇಖನಂಗೊ ಈಗಾಗಲೇ ಪತ್ರಿಕೆಗಳಲ್ಲಿಯೂ ಪ್ರಕಟ ಆಯಿದು.ಈಗ ಪುಸ್ತಕರೂಪಲ್ಲಿ ಬಂತು.
ಈ ಕಾರ್ಯಕ್ರಮದ ಅಧ್ಯಕ್ಷತೆ ಹಿರಿಯ ಶಿಕ್ಷಣವೇತ್ತ ಪ್ರೊ॥ಕೆ.ಇ.ರಾಧಾಕೃಷ್ಣ ವಹಿಸಿದವು.ಕೃತಿ ಬಿಡುಗಡೆ ಮಾಡಿದವರು ನಾಡಿನ ಹೆಸರಾಂತ ಸಾಹಿತಿ-ಡಾ॥ನಾ.ಮೊಗಸಾಲೆ.
ವಿದ್ವಾಂಸ ಡಾ।।ಕಬ್ಬಿನಾಲೆ ವಸಂತ ಭಾರದ್ವಾಜ ಮುಖ್ಯ ಅತಿಥಿಯಾಗಿ ಇತ್ತಿದ್ದವು.
ಪಟಲ್ಲಿ ಎಡಂದ ಬಲತ್ತಿಂಗೆ ನೋಡಿದರೆ ಎರಡನೆಯವು ಸರಸ್ವತಿ ಶಂಕರ್.
ಸರಸ್ವತಿ ಶಂಕರ್ ಬರೆದ ಎರಡು ಕಥಾಸಂಕಲನ [ತೆನೆಗಳು ಮತ್ತೆ ಸುಮಸಂಚಯ] ಮತ್ತೆ ಎರಡು ಕಾದಂಬರಿ [ಜ್ವಾಲೆ ಮತ್ತೆ ಬಿರುಗಾಳಿ ] ಈ ಮೊದಲು ಪ್ರಕಟ ಆಯಿದು.
ಕುಂಬಳೆಯ ಶೇಡಿಗುಮ್ಮೆ ಕೃಷ್ಣ ಭಟ್ಟರ ಮಗಳಾದ ಇವು ,ಬೆಂಗಳೂರಿಲಿದ್ದವು. ಒಂದು ಖಾಸಗಿ ಕೋಲೇಜಿಲಿಗಣಿತ ಉಪನ್ಯಾಸಕಿ ಆಗಿ ನಿವೃತ್ತರು.ಇವರ ಪತಿ ಡಾ॥ಶಂಕರ ಭಟ್,ಸುಳ್ಯ[ಇವು ಬಂಟ್ವಾಳ ತಾಲೂಕಿನ ಮಂಚಿ ಸುಳ್ಯದವು] ಬೆಂಗಳೂರು ವಿಶ್ವವಿದ್ಯಾಲಯಲ್ಲಿ ಪ್ರೊಫೆಸರ್ ಆಗಿ,ನಿವೃತ್ತರು.ಇವೂ ಕೂಡಾ ಸಸ್ಯಶಾಸ್ತ್ರ ಮತ್ತೆ ಸೂಕ್ಷ್ಮಜೀವಿಶಾಸ್ತ್ರ ಕುರಿತಾದ ಹಲವಾರು ಪಾಠಪುಸ್ತಕ ಬರೆದ್ದವು.ಇಬ್ಬರೂ ಸಾಹಿತ್ಯಾಸಕ್ತಿ ಇಪ್ಪವರು.
ಸರಸ್ವತಿ ಶಂಕರ್ ಗೆ ಈ ಕೃತಿ ಬರೆವಲೆ ಪ್ರೋತ್ಸಾಹ ಕೊಟ್ಟು ,ಒಂದು ಒಳ್ಳೆ ಕೃತಿ ಬೆಳಕಿಂಗೆ ಬಪ್ಪ ಹಾಂಗೆ ಮಾಡಿದ್ದರಲ್ಲಿ ಅವರ ಯಜಮಾನರ ಪಾತ್ರ ದೊಡ್ಡದು.
ಇನ್ನೂ ಹೆಚ್ಚಿನ ಸಾಹಿತ್ಯ ಸೇವೆ ಇವರಿಬ್ಬರಿಂದಲೂ ನಡೆಯಲಿ ಹೇಳಿ ಹಾರೈಸುವೊ.
ಅವರ ಕಾದಂಬರಿ ಬಿರುಗಾಳಿ-ಇದಕ್ಕೆ ಕನ್ನಡ ಸಾಹಿತ್ಯ ಪರಿಷತ್ತಿನ ಹಾರ್ನಹಳ್ಳಿ ಗೌರಮ್ಮ ಮಂಜಪ್ಪ ದತ್ತಿನಿಧಿ ಪ್ರಶಸ್ತಿ ೨೦೦೯ರ ವರ್ಷಕ್ಕೆ ಸಿಕ್ಕಿದ್ದು.
ಈ ಕಾರ್ಯಕ್ರಮವ ನೋಡುಲೆ ಆನೂ ಹೋಗಿತ್ತಿದ್ದೆ.ಪೂರ್ವದ ಥೈಲೇ೦ಡಿ೦ದ ಪಶ್ಚಿಮದ ಅಮೇರಿಕ ವರೆಗೆ ಪ್ರವಾಸ ಮಾಡಿ ವಿಶಿಷ್ಟ ರೀತಿಲಿ ಈ ಪುಸ್ತಕ ಬರದ್ದವು.ಈ ದ೦ಪತಿಗಳ ಸರಳತೆ ನವಗೆಲ್ಲ ಮಾದರಿ ಆಯೆಕ್ಕಾದ್ದು.
ಸರಸ್ವತಿ ಅತ್ತೆಯ ಕಥಾಸ೦ಕಲನ೦ಗೊಕ್ಕೆ ಕೆಲವು ಪ್ರಶಸ್ತಿಗಳೂ ಸಿಕ್ಕಿದ್ದು ಅಲ್ಲದೋ ಗೋಪಾಲಣ್ಣ.
ಧನ್ಯವಾದ ಮಾವ…
ಸಿಕ್ಕಿಯಪ್ಪಗ ಓದುತ್ತೆ… ತಿಳಿಸಿದ್ದಕ್ಕೆ ಧನ್ಯವಾದಂಗೊ ಗೋಪಾಲಣ್ಣ…