ಪರಿಭಾಷೆಗಳ ಬಗ್ಗೆ ಇನ್ನಷ್ಟು…

• Author
• Recent Posts

ಗೋಪಾಲಣ್ಣ

ಶೇಡಿಗುಮ್ಮೆ ಗೋಪಾಲಣ್ಣನ ಬಗ್ಗೆ ಬೈಲಿಂಗೆ ಮೊದಲೇ ಅರಡಿಗು.
ಶರ್ಮಪ್ಪಚ್ಚಿ ಅವರಬಗ್ಗೆ ವಿಶೇಷವಾದ ಶುದ್ದಿಯನ್ನೇ ಬೈಲಿಂಗೆ ಹೇಳಿತಿಳುಸಿದ್ದವು.
( ಸಾಧನೆಗೆ ಅಡ್ಡಿ ಆಗದ್ದ ಅಂಗವೈಕಲ್ಯ: https://oppanna.com/nammooru/shedigumme-gopalakrishna-bhat )

ಹ್ಮ್, ಅಪ್ಪು.
ಶರ್ಮಪ್ಪಚ್ಚಿ ಹೇಳಿದ ಹಾಂಗೆಯೇ, ಅವು ದೈಹಿಕವಾಗಿ ಎದ್ದು ನಿಂಬಲೆ ಸಾಧ್ಯ ಆಗದ್ದೆ ಇಕ್ಕು, ಆದರೆ ಅವು ಮಾನಸಿಕವಾಗಿ ಎದ್ದು ನಿಂದ ರೀತಿ ಇದ್ದನ್ನೆ- ಅದರ ಗ್ರೇಶಿರೆ ಒಪ್ಪಣ್ಣಂಗೆ ತುಂಬಾ ಕೊಶಿ ಅಪ್ಪದು.
ಸ್ವಂತವಾಗಿ ಬರದು ಪಾಸಪ್ಪ ಪರೀಕ್ಷೆಗೊ, ಅದರಿಂದ ಮತ್ತೆ ಸಿಕ್ಕಿದ ಸ್ವಂತ ಉದ್ಯೋಗ, ಅಲ್ಲಿಂದ ಮುಂದಕ್ಕೆ ನೆಡದು ಬಂದ ಸ್ವಂತ ಸಂಪಾದನೆಯ ಜೀವನ – ಇದರ ಎಲ್ಲವನ್ನುದೇ ಗ್ರೇಶಿರೆ, ಜೀವನವ ಎದರುಸಲೆ ಒದಗಿ ಬಂದ ದೈವಪರೀಕ್ಷೆ ಹೇಳಿ ಅನುಸುದು ಒಪ್ಪಣ್ಣಂಗೆ.
ಈಗ ಅವು ಉದ್ಯೋಗಸ್ಥರಾಗಿದ್ದರೂ, ಕೆಲವು ಪುಸ್ತಕಂಗಳ ಬರದು ಸಾಹಿತ್ಯಕ್ಷೇತ್ರಕ್ಕೂ ಹೊಂದುತ್ತ ಸಾಧನೆಯ ಮಾಡಿ ತೋರುಸಿದ್ದವು.
ಅವರ ಜೀವನಗಾಥೆಯೇ ಒಳುದೋರಿಂಗೆ ಪ್ರೇರೇಪಣೆ.
ಇದರನ್ನೇ ನಮ್ಮ ಶರ್ಮಪ್ಪಚ್ಚಿ ಐದಾರು ತಿಂಗಳು ಹಿಂದೆ ಹೇಳಿದ್ದದು!
ಇರಳಿ, ನಮ್ಮ ಹತ್ತರಾಣೋರು ಹಾಂಗೆ ಮಿಂಚಿರೆ ನವಗೂ ಕೊಶಿಯೇ.
ಅವು ಇನ್ನೂ ಹತ್ತರೆ ಬಂದರೆ ಮತ್ತೂ ಕೊಶಿ, ಅಲ್ಲದೋ?
ಬೈಲಿಂಗೆ ಶುದ್ದಿ ಹೇಳುತ್ತಿರೋ – ಕೇಳಿದೆ ಒಂದರಿ ಅವರತ್ರೆ.
ಸಂತೋಷಲ್ಲಿ ಒಪ್ಪಿಗೊಂಡವು. ಅವು ಒಪ್ಪಿ, ತಕ್ಷಣ ಕೊಶೀಲಿ ಕಳುಸಿದ ಆ ಶುದ್ದಿಯ ಕಂಡು ಒಪ್ಪಣ್ಣಂಗೆ ಕೊಶಿಯೂ ಆಶ್ಚರ್ಯವೂ ಆಗಿಬಿಟ್ಟತ್ತು!

ಅವರ ಶುದ್ದಿಗಳ ನಾವೆಲ್ಲೊರೂ ಕೇಳುವೊ°, ಪ್ರೀತಿಲಿ ಒಪ್ಪ ಕೊಡುವೊ°.
ಸಾಹಿತ್ಯದ ಅವರ ಅಭಿರುಚಿಯ ಇನ್ನುದೇ ಬೆಳೆಸುವೊ°, ಆಗದೋ?

Latest posts by ಗೋಪಾಲಣ್ಣ (see all)

• ಸಣ್ಣ ಸಂಗತಿ - February 13, 2018
• ದೇಶಸೇವೆ - August 15, 2017
• ಶೇಡಿಗುಮ್ಮೆ ವಾಸುದೇವ ಭಟ್ಟ್ರಿಂಗೆ ಯಕ್ಷಗಾನ ಅಕಾಡೆಮಿಯ ಗೌರವ - August 15, 2017

ಧ್ವನಿಗೆ ವಿಶೇಷ ಅರ್ಥ ಇಲ್ಲದ್ದರೂ, ಮಾತಿನ ಭಾವಕ್ಕೆ ಅರ್ಥ ಇಪ್ಪಂಥಾ ಪರಿಭಾಷೆಗಳ ಶುದ್ದಿ ಅಂದೊಂದರಿ ಬೈಲಿಲಿ ಮಾತಾಡಿದ್ದು: ಸಂಕೊಲೆ
ಪರಿಭಾಷೆಗಳ ಇನ್ನಷ್ಟು ಸಂಗ್ರಹವ ಗೋಪಾಲಣ್ಣ ಮಾಡಿದ್ದವು.
ಓದಿನೋಡಿ, ನೆಗೆಮಾಡಿ…

ಒಂದೊಂದು ವೃತ್ತಿಯವು ಮಾತಾಡುವಾಗ ಅವರ ಕೆಲಸಕ್ಕೆ ಸಂಬಂಧಿಸಿದ ಶಬ್ದಂಗಳ ಉಪಯೋಗ ಮಾಡುದು ಕೇಳುಲೆ ಚೆಂದ ಇರುತ್ತು.

• ಯಕ್ಷಗಾನ ಭಾಗವತ ಸುಬ್ಬಣ್ಣ:
  ಈ ವರ್ಷ ಕಾಚಲು ಬಂದು ತೋಟಲ್ಲಿ ಅಡಕ್ಕೆ ಮರ ಎಲ್ಲಾ ಹೋತು. ಇನ್ನು ಮುದದಿಂದ… ಹೇಳಿ ಸೆಸಿ ಹಾಕೆಕ್ಕಷ್ಟೆ.
• ಮದ್ದಳೆಗಾರ ರಾಮಣ್ಣ :
  ಆನು ಮೊನ್ನೆ ಗುರುವಾಯೂರಿಂಗೆ ಹೋದ್ದಪ್ಪಾ.. ಬಪ್ಪಾಗ ಕಣ್ಣೂರು ವರೆಗೆ ಬಂಡಿ ಎಷ್ಟು ಮೆಲ್ಲಂಗೆ ಬಂತು ಹೇಳಿರೆ ಸಾಕು ಸಾಕಾತು.
  ಮತ್ತೆ ಮಾತ್ರ ಮೂರನೇ ಕಾಲಲ್ಲಿ ಓಡಿತ್ತು. ಸರೀ ಸಮಯ ಕೊಡೆಯಾಲ ಮುಟ್ಟುವಾಗ!
• ಚೆಂಡೆಯ ಸುಂದರಣ್ಣ :
  ಆನು ಮನೆಂದ ಬೇಗ ಹೆರಡೆಕ್ಕು ಹೇಳಿ ಗ್ರೇಶಿದ್ದು. ಅದೇ ಸಮಯಲ್ಲಿ ಅಂಗಡಿ ಸೋಜನ ಪೊರಪ್ಪಾಡಾತು.
  ಸಾಲದ ಪೈಸೆ ಕೊಡದ್ದೆ ಕಳಿಯ ಹೇಳಿ ಜೋರು ಮಾಡಿತ್ತು. ಅದರ ವೇಷ ಹೋಗದ್ದೆ ಹೆರಡುದು ಹೇಂಗೆ?
• ಸಂಗೀತಗಾರ ಶಿವಣ್ಣ :
  ಉದಿಯಪ್ಪಗ ಹೆರಡುವಾಗ ಹಶು ಆಗಿ ಹೊಟ್ಟೆ ತಾಳ ಹಾಕುತ್ತು. ಹೆಂಡತಿಯ ಹತ್ತರೆ ಹೇಳಿರೆ, ಇಡ್ಲಿ ಇನ್ನೂ ಆಯಿದಿಲ್ಲೆ ಹೇಳಿ ತಾರ ಸ್ಥಾಯಿಲಿ ಪರಂಚಿತ್ತು.
  ಅದರ ಮನೋಧರ್ಮ ಹೀಂಗೆ ಹೇಳಿ ಹೇಳುಲೆ ಎಡಿತ್ತಿಲ್ಲೆ, ಒಂದೊಂದರಿ ಭಾರೀ ದ್ರುತ ಗತಿ,ಕೆಲವು ಸರ್ತಿ ಭಾರೀ ವಿಳಂಬ…
• ದರ್ಜಿ ಪುಟ್ಟಣ್ಣ:
  ಅದಕ್ಕೇ ಹೇಳುದು ಒಂದೋ ಆರು ಮೊಳ,ಅಲ್ಲದ್ದರೆ ಮೂರು ಮೊಳ ಹೇಳಿ!
• ಸರಕಾರಿ ನೌಕರ ಶಿಂಗಣ್ಣ:
  ಹಾಂಗೆ ಮಾಡುತ್ತರೆ ಕೂಡಲೇ ಎಂತಾರೂ ಶಿಸ್ತು ಕ್ರಮ ತೆಕ್ಕೊಳದ್ದೆ ಆಗ. ಎಂತಗೆ ತಡ ಆತು ಹೇಳಿ ಕಾರಣ ಕೇಳೆಕ್ಕು. ಅವರ ಅಪ್ಪ ಅಮ್ಮಂಗೆ ರಿಪೋರ್ಟು ಮಾಡೆಕ್ಕು…
• ಕೃಷಿಕ ಅನಂತಣ್ಣ:
  ನಿನ್ನೆ ಎಂತಾತು ಹೇಳಿರೆ,ಅಡಕ್ಕೆ ತೆಕ್ಕೊಂಡು ಕಾಂಪ್ಕೊಗೆ ಹೋದೆ. ಬಪ್ಪಾಗ ಬೆಗರು ಬಿಚ್ಚಿ ಚೆಂಡಿಮುದ್ದೆ, ಮೈಯಿಡೀ ಡ್ರಿಪ್ಪಿನ ಪೈಪು ಸಿಕ್ಕಿಸಿದ್ದೋ ತೋರಿತ್ತು. ಮನೆಗೆ ಬಂದು ಬೆಲ್ಲನೀರು ಕುಡಿವಲ್ಲಿ ವರೆಗೆ ಬಚಾವಾದ್ದು ದೊಡ್ದದು..
  ಗಾವು ಅಷ್ಟು ಬಲ ಇದ್ದು. ಮಾರ್ಗ ಹೇಳಿರೆ ಪಂಪಿನ ಹೊಗೆನಳಿಗೆಯ ಹಾಂಗೆ ಕಾದು ಕರಿತ್ತು..
• ಇಸ್ಪೇಟು ಮರುಳ ಸುಬ್ಬಣ್ಣ:
  ಈ ವರ್ಷ ಹೀಂಗೆ ಬೆಶಿಲು ಕಾದರೆ ನಮ್ಮ ತುರ್ಪು ಔಟಕ್ಕು.ಅಡಕ್ಕೆ ಒಂದೂ ಒಳಿಯ.
• ಜ್ಯೋತಿಷ್ಯಪ್ರೇಮಿ ವಾಸುಅಣ್ಣ:
  ಮನುಷ್ಯರ ಗ್ರಾಚಾರದ ಹಾಂಗೆ ಊರಿಂಗೂ ಗ್ರಾಚಾರ ಹಿಡಿತ್ತು. ಇದಕ್ಕೆಂತ ನಿವೃತ್ತಿ? ಒಂದೂ ಗೊಂತಾಗ. ಮರ ಹತ್ತುವವರ ಅಂಜನ ಹಾಕಿರೂ ಕಾಣುತ್ತಿಲ್ಲೆ; ಇಲ್ಲದ್ದರೆ ಅಡಕ್ಕೆ ಉದುರುದಕ್ಕೆ ಮದ್ದು ಬಿಡಲಾವ್ತಿತ್ತು.
• ಕಾಲೇಜು ಕನ್ಯೆ ಸರಳಕ್ಕ:
  ಎನ್ನ ಅಜ್ಜಿಗೆ ಸುಮ್ಮನೆ ಕೂಪಲೆಡಿಯ, ರೇಡಿಯದ ಹಾಂಗೆ ಹರಟೆ ಮಾಡಿಂಡೇ ಇಕ್ಕು. ಬಾಯಿಗೆ ಕ್ಲಿಪ್ ಹಾಕಿರೆ ಅಕ್ಕೋ ಏನೊ?
• ಅದರ ಗೆಳತಿ ವನಜಕ್ಕ:
  ಕೆಲವು ಮುದುಕಿಗೊ ಹಾಂಗೆ, ಒಂದೇ ರೆಕಾರ್ಡಿನ ಮತ್ತೆ ಮತ್ತೆ ಹಾಕಿದ ಹಾಂಗೆ,ಹಾಂಗೆ ಮಾಡೆಡ – ಹೀಂಗೆ ಮಾಡೆಡ ಹೇಳಿಂಡೆ ಇಕ್ಕು.

– ಹೀಂಗೆ ಒಬ್ಬೊಬ್ಬರ ಮಾತು ಸುಮ್ಮನೆ ಕೂದು ಕೇಳಲೆ ಚಂದ.
ಹಳೆ ಅಜ್ಜಿಯಕ್ಕಳ ಅಜ್ಜಂದ್ರ ಮಾತು ಮತ್ತೂ ಚೆಂದ ಇರುತ್ತು.