ಪಲಾವು (ಮನೆಲಿ ಮಾಡಿದ ಮಸಾಲೆ ಉಪಯೋಗ್ಸಿ)

• Author
• Recent Posts

ವೇಣಿಯಕ್ಕ°

ವೇಣಿ ಅಕ್ಕನ ಹೆಸರು ನೋಡುವಗ "ರುಚಿ ರುಚಿ ಅಡುಗೆ" ಬ್ಲಾಗ್ ನೆಂಪಾವುತ್ತಾ?!
ಹಾಂ! ಅದೇ ವೇಣಿಯಕ್ಕ ಈಗ ಒಪ್ಪಣ್ಣನ ಬೈಲಿಂಗೆ ಬಯಿಂದು.
ಅಲ್ಲದ್ದೆ ಈಗ ಕೊಡೆಯಾಲಲ್ಲಿ ಇಪ್ಪದುದೇ. ಅಪ್ಪನ ಮನೆ ನಲ್ಕ, ಗೆಂಡನ ಮನೆ ಮದಂಗಲ್ಲು.
ಮೊನ್ನೆ ಶ್ರೀ ಅಕ್ಕ ಕೇಳಿತ್ತಿದ್ದು ಒಪ್ಪಣ್ಣನ ಬ್ಲಾಗಿಲ್ಲಿ ವಾರಕ್ಕೊಂದು ಅಡಿಗೆ ನಮ್ಮ ಹವ್ಯಕಲ್ಲಿ ಬರದು ಹಾಕುಲೆ ಎಡಿಗಾ ಹೇಳಿ.
ಹಾಂಗಾಗಿ ಮುಂದಾಣ ವಾರಂದ ಇಲ್ಲಿ ನಿಂಗೊಗೆ ವಾರಕ್ಕೊಂದು ಹೊಸ ರುಚಿಯ ಚೆಂದದ ಫೋಟೋಂಗಳೊಟ್ಟಿಂಗೆ ವೇಣಿಯಕ್ಕ ಕಾಂಬಲೆ ಸಿಕ್ಕುಗು.
ವೃತ್ತಿಲಿ ಸಾಫ್ಟ್ ವೇರ್ ಇಂಜಿನಿಯರ್.
ಪುರುಸೋತ್ತಿಪ್ಪಗೆಲ್ಲ ಹೂಗಿನ ಸೆಸಿಗಳ ನೋಡಿಗೊಮ್ಬದು, ಹೊಸ ರುಚಿ ಎಂತಾರು ಪ್ರಯೋಗ ಮಾಡುದು ಹವ್ಯಾಸಂಗೊ.

Latest posts by ವೇಣಿಯಕ್ಕ° (see all)

• ಬೆಂಡೆಕಾಯಿ ಟೊಮೇಟೋ ಸಾಂಬಾರು(ಕೊದಿಲು) - March 17, 2015
• ಕ್ಯಾರೆಟ್ ಖೀರು - March 10, 2015
• ಬೆಂಡೆಕಾಯಿ ಪ್ರೈ - March 3, 2015

ಪಲಾವು (ಮನೆಲಿ ಮಾಡಿದ ಮಸಾಲೆ ಉಪಯೋಗ್ಸಿ)

ಬೇಕಪ್ಪ ಸಾಮಾನುಗೊ:

• 1.5 ಬೆಣ್ತಕ್ಕಿ (ಸೋನಾ ಮಸೂರಿ ಅಥವಾ ಬಾಸ್ಮತಿ ಅಕ್ಕಿ ಒಳ್ಳೆದು)
• 20-25 ಬೀನ್ಸ್
• 2 ಸಾಧಾರಣ ಗಾತ್ರದ ಕ್ಯಾರೆಟ್
• 1-2 ಎಸಳು ಕಾಲಿ ಫ್ಲವರ್ / ಗೋಬಿ (ಬೇಕಾದರೆ ಮಾತ್ರ)
• 1/2 -3/4 ಕಪ್(ಕುಡ್ತೆ) ಬೊದುಳಿದ ಬಟಾಣಿ
• 1 ಇಂಚು ಗಾತ್ರದ ಚೆಕ್ಕೆ
• 2 ಏಲಕ್ಕಿ
• 3 ಲವಂಗ
• 1/2 ಚಮ್ಚೆ ಕೊತ್ತಂಬರಿ
• 1/2 ಚಮ್ಚೆ ಸೋಂಪು
• 4-5 ಗೆಣಮೆಣಸು
• 2 ಎಸಳು ಬೆಳ್ಳುಳ್ಳಿ
• ಸಣ್ಣ ತುಂಡು ಶುಂಠಿ
• 6-8 ಎಳೆ ಕೊತ್ತಂಬರಿ ಸೊಪ್ಪು
• 4-5 ಪುದಿನ ಸೊಪ್ಪು
• 2 ಹಸಿಮೆಣಸು
• 1/3-1/2 ಕಪ್(ಕುಡ್ತೆ) ಕಾಯಿ ತುರಿ
• 1/2 ಸಾಧಾರಣ ಗಾತ್ರದ ಟೊಮೇಟೋ
• 1 ದಾಲ್ಚೀನಿ ಎಲೆ
• 1 ಸಾಧಾರಣ ಗಾತ್ರದ ನೀರುಳ್ಳಿ(1/3 ಮಸಾಲೆಗೆ +  2/3 ಹೊರಿವಲೆ)
• ರುಚಿಗೆ ತಕ್ಕಸ್ಟು ಉಪ್ಪು
• 5-6 ಚಮ್ಚೆ ತುಪ್ಪ/ಎಣ್ಣೆ (ತುಪ್ಪ ಒಳ್ಳೆದು)

ಮಾಡುವ ಕ್ರಮ:

ಕ್ಯಾರೆಟ್, ಬೀನ್ಸ್,  ಕಾಲಿ ಪ್ಲವರ್, 2/3 ನೀರುಳ್ಳಿಯ ಸಾಧಾರಣ 3/4 ಇಂಚು ಉದ್ದಕೆ ತೆಳ್ಳಂಗೆ ಕೆಳಾಣ ಚಿತ್ರಲ್ಲಿ ತೋರ್ಸಿದ ಹಾಂಗೆ ಕೊರದು ಮಡುಗಿ.

ಟೊಮೇಟೋ, ಒಳುದ ನೀರುಳ್ಳಿ, ಕೊತ್ತಂಬರಿ ಸೊಪ್ಪಿನ ಕೆಳಾಣ ಚಿತ್ರಲ್ಲಿ ತೋರ್ಸಿದ ಹಾಂಗೆ ಕೊರೆರಿ. ಬೆಳ್ಳುಳ್ಳಿಯ ಸೊಲುದು ಜಜ್ಜಿ ಮಡುಗಿ. ಶುಂಠಿಯನ್ನೂ ಜಜ್ಜು ಮಡುಗಿ. ಹಸಿಮೆಣಸಿನ ಉದ್ದಕೆ ಸಿಗುದು ಮಡುಗಿ.

ಅಕ್ಕಿಯ ನೀರಿಲ್ಲಿ ಲಾಯಿಕಲಿ 2-3 ಸರ್ತಿ ತೊಳದು, ನೀರು ಬಳುಶಿ ಮಡುಗಿ.
ಒಂದು ಬಾಣಲೆಗೆ ಚೆಕ್ಕೆ, ಲವಂಗ, ಏಲಕ್ಕಿ, ಕೊತ್ತಂಬರಿ, ಸೋಂಪು, ಗೆಣಮೆಣಸು, ಒಂದು ಚಮ್ಚೆ ತುಪ್ಪ ಹಾಕಿ ಸಣ್ಣ ಕಿಚ್ಚಿಲ್ಲಿ ಲಾಯಿಕ ಪರಿಮ್ಮಳ ಬಪ್ಪನ್ನಾರ ಹೊರಿರಿ. 
ಇದಕ್ಕೆ ಜಜ್ಜಿದ ಬೆಳ್ಳುಳ್ಳಿ, ಶುಂಠಿ, ಹಸಿಮೆಣಸು ಹಾಕಿ 1-2 ನಿಮಿಷ ಹದ ಕಿಚ್ಚಿಲ್ಲಿ ಹೊರಿರಿ. 
ಇದಕ್ಕೆ 1/3 ನೀರುಳ್ಳಿಯ ಹಾಕಿ 2 ನಿಮಿಷ ಹದ ಕಿಚ್ಚಿಲ್ಲಿ ಹೊರಿರಿ. ಇದಕ್ಕೆ ಕೊತ್ತಂಬರಿ ಸೊಪ್ಪು, ಪುದಿನ ಸೊಪ್ಪು ಹಾಕಿ 1-2 ನಿಮಿಷ ಹದ ಕಿಚ್ಚಿಲ್ಲಿ ಹೊರಿರಿ. 
ಇದಕ್ಕೆ ಕೊರದ ಟೊಮೇಟೋ ಹಾಕಿ 20-30 ಸೆಕುಂಡು ಹೊರಿರಿ. ಇದಕ್ಕೆ ಕಾಯಿ ತುರಿ ಹಾಕಿ ಲಾಯಿಕಲಿ ತೊಳಸಿ ಕಿಚ್ಚು ನನ್ಸಿ.

ಈ ಮಸಾಲೆಯ ಮಿಕ್ಸಿಗೆ ಹಾಕಿ, ರೆಜ್ಜವೇ ನೀರು ಹಾಕಿ ಕೆಳಾಣ ಚಿತ್ರಲ್ಲಿ ತೋರ್ಸಿದ ಹಾಂಗೆ ನೊಂಪಿಂಗೆ ಕಡೆರಿ.

4-5 ಚಮ್ಚೆ ತುಪ್ಪ, ದಾಲ್ಚೀನಿ ಎಲೆಯ ಕುಕ್ಕರ್ಂಗೆ ಹಾಕಿ ಹದ ಕಿಚ್ಚಿಲ್ಲಿ 20-30 ಸೆಕುಂಡು ಹೊರಿರಿ.
ಇದಕ್ಕೆ ಒಳುದ ಕೊರದ ನೀರುಳ್ಳಿ ಹಾಕಿ 2-3 ನಿಮಿಷ ಹದ ಕಿಚ್ಚಿಲ್ಲಿ ಹೊರಿರಿ.
ಇದಕ್ಕೆ ತೊಳದ ಅಕ್ಕಿಯ ಹಾಕಿ 2 ನಿಮಿಷ ಹೊರಿರಿ. ಇದಕ್ಕೆ ಕಡದ ಪಲಾವು ಮಸಾಲೆ ಹಾಕಿ 2 ನಿಮಿಷ ಹೊರಿರಿ.
ಇದಕ್ಕೆಬಟಾಣೆ, ಕೊರದು ಮಡುಗಿದ ತರಕಾರಿಗಳ ಹಾಕಿ 1-2 ನಿಮಿಷ ತೊಳಸಿ. ಉಪ್ಪು, 3 ಕುಡ್ತೆ ನೀರು(ಅಕ್ಕಿಯ ಹೊಂದಿಗೊಂಡು ನೀರಿನ ಹೆಚ್ಚು-ಕಮ್ಮಿ ಹಾಕೆಕ್ಕಕ್ಕು) ಹಾಕಿ ತೊಳಸಿ, ಬೇಶಿ. (3 ಸೀಟಿ ಸಾಕು)

ಪ್ರೆಶರ್ ಹೋದ ಮೇಲೆ, ಲಾಯಿಕಲಿ ತೊಳಸಿ, ಮೊಸರು ಗೊಜ್ಜಿಯ ಒಟ್ಟಿಂಗೆ ತಿಂಬಲೆ ಕೊಡಿ. ಮೇಲೆ ಹೇಳಿದ ಸಾಮಾನಿಲ್ಲಿ ಸಾಧಾರಣ 5 ಪ್ಲೇಟ್ ಪಲಾವು ಆವುತ್ತು.

ಮಾಡಿ, ರುಚಿನೋಡಿ ಹೇಂಗಾಯಿದು ತಿಳಿಶಿ.

~

ವೇಣಿ ಅಕ್ಕ°

ಸೂ: ಈ ಶುದ್ದಿಯ ಇಂಗ್ಲೀಷ್ ಪ್ರತಿ ಇಲ್ಲಿದ್ದು.