ಅಂಬಟೆ ಬೇಶಿದ ಉಪ್ಪಿನಕಾಯಿ

Author
Recent Posts

ವೇಣಿ ಅಕ್ಕನ ಹೆಸರು ನೋಡುವಗ "ರುಚಿ ರುಚಿ ಅಡುಗೆ" ಬ್ಲಾಗ್ ನೆಂಪಾವುತ್ತಾ?!
ಹಾಂ! ಅದೇ ವೇಣಿಯಕ್ಕ ಈಗ ಒಪ್ಪಣ್ಣನ ಬೈಲಿಂಗೆ ಬಯಿಂದು.
ಅಲ್ಲದ್ದೆ ಈಗ ಕೊಡೆಯಾಲಲ್ಲಿ ಇಪ್ಪದುದೇ. ಅಪ್ಪನ ಮನೆ ನಲ್ಕ, ಗೆಂಡನ ಮನೆ ಮದಂಗಲ್ಲು.
ಮೊನ್ನೆ ಶ್ರೀ ಅಕ್ಕ ಕೇಳಿತ್ತಿದ್ದು ಒಪ್ಪಣ್ಣನ ಬ್ಲಾಗಿಲ್ಲಿ ವಾರಕ್ಕೊಂದು ಅಡಿಗೆ ನಮ್ಮ ಹವ್ಯಕಲ್ಲಿ ಬರದು ಹಾಕುಲೆ ಎಡಿಗಾ ಹೇಳಿ.
ಹಾಂಗಾಗಿ ಮುಂದಾಣ ವಾರಂದ ಇಲ್ಲಿ ನಿಂಗೊಗೆ ವಾರಕ್ಕೊಂದು ಹೊಸ ರುಚಿಯ ಚೆಂದದ ಫೋಟೋಂಗಳೊಟ್ಟಿಂಗೆ ವೇಣಿಯಕ್ಕ ಕಾಂಬಲೆ ಸಿಕ್ಕುಗು.
ವೃತ್ತಿಲಿ ಸಾಫ್ಟ್ ವೇರ್ ಇಂಜಿನಿಯರ್.
ಪುರುಸೋತ್ತಿಪ್ಪಗೆಲ್ಲ ಹೂಗಿನ ಸೆಸಿಗಳ ನೋಡಿಗೊಮ್ಬದು, ಹೊಸ ರುಚಿ ಎಂತಾರು ಪ್ರಯೋಗ ಮಾಡುದು ಹವ್ಯಾಸಂಗೊ.

Latest posts by ವೇಣಿಯಕ್ಕ° (see all)

ಬೆಂಡೆಕಾಯಿ ಟೊಮೇಟೋ ಸಾಂಬಾರು(ಕೊದಿಲು) - March 17, 2015
ಕ್ಯಾರೆಟ್ ಖೀರು - March 10, 2015
ಬೆಂಡೆಕಾಯಿ ಪ್ರೈ - March 3, 2015

ಅಂಬಟೆ ಬೇಶಿದ ಉಪ್ಪಿನಕಾಯಿ
ಬೇಕಪ್ಪ ಸಾಮಾನುಗೊ:

50 ಬೆಳದ ಅಂಬಟೆ
3-4 ಕಪ್(ಕುಡ್ತೆ) ಕಲ್ಲು ಉಪ್ಪು
3 ಕಪ್(ಕುಡ್ತೆ) ಕೆಂಪು ಮೆಣಸು (ಊರ ಮೆಣಸು ಒಳ್ಳೆದು)
ದ್ರಾಕ್ಷೆ ಗಾತ್ರದ ಇಂಗು ಅಥವಾ 1/2 ಚಮ್ಚೆ ಇಂಗಿನ ಹೊಡಿ
3-4 ಚಮ್ಚೆ ಸಣ್ಣ ಸಾಸಮೆ
1 ಚಮ್ಚೆ ಜೀರಿಗೆ
1.5 ಚಮ್ಚೆ ಮೆಂತೆ
10-12 ಗೆಣಮೆಣಸು
1-2 ಒಂದು ಇಂಚು ಗಾತ್ರದ ಒಣಗಿದ ಅರುಶಿನ ಕೊಂಬು ಅಥವಾ 1 ಚಮ್ಚೆ ಅರುಶಿನ ಹೊಡಿ
6- ಕಪ್(ಕುಡ್ತೆ) ನೀರು

ಮಾಡುವ ಕ್ರಮ: ಹೊರಡಿ ಮಾಡುವ ಕ್ರಮಃ
ಒಣಕ್ಕು ಮೆಣಸು, ಸಾಸಮೆಯ ಲಾಯಿಕಲಿ ತೊಳದು 4-5 ದಿನ ಬೆಶಿಲಿಲ್ಲಿ ಒಣಗ್ಸಿ.

ಒಂದು ಬಾಣಲೆಗೆ ಒಣಕ್ಕು ಮೆಣಸು, ಗೆಣಮೆಣಸು ಹಾಕಿ ಸಣ್ಣ ಕಿಚ್ಚಿಲ್ಲಿ ಸಾಧಾರಣ 3-4 ನಿಮಿಷ ಹೊರಿರಿ. ಇದಕ್ಕೆ ಮೆಂತೆ, ಜೀರಿಗೆ, ಅರುಶಿನ ಕೊಂಬು(ಅರುಶಿನ ಹೊಡಿ ಆದರೆ ಲಾಸ್ಟಿಂಗೆ ಇಂಗಿನ ಒಟ್ಟಿಂಗೆ ಹಾಕಿ ಹೊರಿರಿ) ಹಾಕಿ ಸಾಧಾರಣ 2-3 ನಿಮಿಷ ಲಾಯಿಕ ಪರಿಮ್ಮಳ ಬಪ್ಪನ್ನಾರ ಹೊರಿರಿ. ಇದಕ್ಕೆ ಸಾಸಮೆ ಹಾಕಿ ಹೊಟ್ಟುವನ್ನಾರ(ಸಾಧಾರಣ 2 ನಿಮಿಷ) ಹೊರಿರಿ. ಇದಕ್ಕೆ ಇಂಗು ಹಾಕಿ ಸಾಧಾರಣ 1 ನಿಮಿಷ ಹೊರಿರಿ. ಪೂರ್ತಿ ತಣಿವನ್ನಾರ ಒಂದು ಕರೆಲಿ ಮಡುಗಿ.

ಇದರ ಮಿಕ್ಸಿ/ಗ್ರೈಂಡರ್ಲ್ಲಿ ಹಾಕಿ, ಬೇಕಾದಸ್ಟು ಉಪ್ಪು ನೀರು ಹಾಕಿ, ಕೆಳಾಣ ಚಿತ್ರಲ್ಲಿ ತೋರ್ಸಿದ ಹಾಂಗೆ ನೊಂಪಿಂಗೆ ಕಡೆರಿ. ಮೇಲೆ ಹೇಳಿದ ಸಾಮಾನಿಲ್ಲಿ ಸಾಧಾರಣ 2 ಕುಡ್ತೆ ಹೊರಡಿ ಆವುತ್ತು.

ಉಪ್ಪಿನಕಾಯಿ ಮಾಡುವ ಕ್ರಮಃ
ಅಂಬಟೆಯ ಒಂದು ಒಣಕ್ಕು ವಸ್ತ್ರಲ್ಲಿ ಲಾಯಿಕ ಉದ್ದಿ.

ಇದರ 2-3 ಘಂಟೆ ಬೆಶಿಲಿಂಗೆ ಮಡುಗಿ, ಕೆಳಾಣ ಚಿತ್ರಲ್ಲಿ ತೋರ್ಸಿದ ಹಾಂಗೆ ಗುದ್ದಿ.

ಸಾಧಾರಣ 3 ಕಪ್(ಕುಡ್ತೆ) ನೀರು, ಉಪ್ಪಿನ ಒಂದು ಪಾತ್ರಕ್ಕೆ ಹಾಕಿ ಕೊದುಶಿ. ಇದಕ್ಕೆ ಗುದ್ದಿದ ಅಂಬಟೆಯ ಹಾಕಿ, ಕೊದುಶಿ, ಲಾಯಿಕಲಿ ಬೇಶಿ. ಇನ್ನೊಂದು ಪಾತ್ರಲ್ಲಿ 3 ಕಪ್(ಕುಡ್ತೆ) ನೀರು, 2 ಕಪ್(ಕುಡ್ತೆ) ಉಪ್ಪು ಹಾಕಿ, ಕೊದುಶಿ ತಣಿವಲೆ ಮಡುಗಿ.(ಇದರ ಹೊರಡಿ ಕದವಲುದೆ, ಉಪ್ಪಿನಕಾಯಿ ಕಲಸುಲುದೆ ಉಪಯೋಗ್ಸಿ)

ಬೇಶಿದ ಅಂಬಟೆಯ ಉಪ್ಪು ನೀರಿಂದ ತೆಗದು ಒಂದು ಒಣಕ್ಕು ವಸ್ತ್ರಲ್ಲಿ ಹರಗಿ ಮಡುಗಿ.

ಬೇಶಿದ ಅಂಬಟೆಕಾಯಿಗೆ ಬೇಕಾದಸ್ಟು, ಹೊರಡಿದೆ, ಉಪ್ಪು ನೀರುದೆ ಹಾಕಿ ತೊಳಸಿ. ಇದರ ಭರಣಿ ಅಥವಾ ಗಾಜಿನ/ಪ್ಲಾಸ್ಟೀಕು ಕುಪ್ಪಿ/ಕರಡಿಗೆಗೆ ಹಾಕಿ ಮಡುಗಿ. ತುಂಬ ಸಮಯ ಉಪಯೋಗ್ಸೆಕ್ಕಾದರೆ ಫ್ರಿಡ್ಜ್ ಲ್ಲಿ ಮಡುಗಿ. ಇದು ತುಪ್ಪ ಅಶನ, ದೋಸೆ, ಇಡ್ಲಿ, ಮೊಸರು, ಮೇಲಾರ ಇತ್ಯಾದಿಗಳ ಒಟ್ಟಿಂಗೆ ತಿಂಬಲೆ ಲಾಯಿಕ ಆವುತ್ತು.

ಮಾಡಿ, ರುಚಿನೋಡಿ ಹೇಂಗಾಯಿದು ತಿಳಿಶಿ.
ಸೂಚನೆಃ ಉಪ್ಪಿನಕಾಯಿ ಮಾಡುವಗ ಚೆಂಡಿ ಕೈ/ ಚೆಂಡಿ ಪಾತ್ರ ಉಪಯೋಗ್ಸುಲೆ, ನೀರು ಮುಟ್ಟುಸುಲೆ ಆಗ.
~ ವೇಣಿ ಅಕ್ಕ°
ಸೂ: ಈ ಶುದ್ದಿಯ ಇಂಗ್ಲೀಷ್ ಪ್ರತಿ ಇಲ್ಲಿದ್ದು.