ಹಾಂ! ಅದೇ ವೇಣಿಯಕ್ಕ ಈಗ ಒಪ್ಪಣ್ಣನ ಬೈಲಿಂಗೆ ಬಯಿಂದು.
ಅಲ್ಲದ್ದೆ ಈಗ ಕೊಡೆಯಾಲಲ್ಲಿ ಇಪ್ಪದುದೇ. ಅಪ್ಪನ ಮನೆ ನಲ್ಕ, ಗೆಂಡನ ಮನೆ ಮದಂಗಲ್ಲು.
ಮೊನ್ನೆ ಶ್ರೀ ಅಕ್ಕ ಕೇಳಿತ್ತಿದ್ದು ಒಪ್ಪಣ್ಣನ ಬ್ಲಾಗಿಲ್ಲಿ ವಾರಕ್ಕೊಂದು ಅಡಿಗೆ ನಮ್ಮ ಹವ್ಯಕಲ್ಲಿ ಬರದು ಹಾಕುಲೆ ಎಡಿಗಾ ಹೇಳಿ.
ಹಾಂಗಾಗಿ ಮುಂದಾಣ ವಾರಂದ ಇಲ್ಲಿ ನಿಂಗೊಗೆ ವಾರಕ್ಕೊಂದು ಹೊಸ ರುಚಿಯ ಚೆಂದದ ಫೋಟೋಂಗಳೊಟ್ಟಿಂಗೆ ವೇಣಿಯಕ್ಕ ಕಾಂಬಲೆ ಸಿಕ್ಕುಗು.
ವೃತ್ತಿಲಿ ಸಾಫ್ಟ್ ವೇರ್ ಇಂಜಿನಿಯರ್.
ಪುರುಸೋತ್ತಿಪ್ಪಗೆಲ್ಲ ಹೂಗಿನ ಸೆಸಿಗಳ ನೋಡಿಗೊಮ್ಬದು, ಹೊಸ ರುಚಿ ಎಂತಾರು ಪ್ರಯೋಗ ಮಾಡುದು ಹವ್ಯಾಸಂಗೊ.
- ಬೆಂಡೆಕಾಯಿ ಟೊಮೇಟೋ ಸಾಂಬಾರು(ಕೊದಿಲು) - March 17, 2015
- ಕ್ಯಾರೆಟ್ ಖೀರು - March 10, 2015
- ಬೆಂಡೆಕಾಯಿ ಪ್ರೈ - March 3, 2015
ಬಾಳೆಕಾಯಿ ಸೆಂಡಗೆ
ಬೇಕಪ್ಪ ಸಾಮಾನುಗೊ:
- 20-25 ಸಾಧಾರಣ ಗಾತ್ರದ ಬಾಳೆಕಾಯಿ (ಅಮುಂಡ/ಮಂಗ ಬಾಳೆ ಆದರೆ ಒಳ್ಳೆದು)
- 30-40 ಹಸಿಮೆಣಸು (ಗಾಂಧಾರಿ ಹಸಿ ಮೆಣಸು ಆದರೆ ಒಳ್ಳೆದು)
- 2 ಚಮ್ಚೆ ಎಳ್ಳು
- 1 ಚಮ್ಚೆ ಇಂಗಿನ ಹೊಡಿ / ದ್ರಾಕ್ಷೆ ಗಾತ್ರದ ಇಂಗು
- 1 ಚಮ್ಚೆ ಓಮ
- 3.5 – 4 ಕಪ್(ಕುಡ್ತೆ) ಹುಳಿ ಮಜ್ಜಿಗೆ
- ರುಚಿಗೆ ತಕ್ಕಸ್ಟು ಉಪ್ಪು
ಮಾಡುವ ಕ್ರಮ:
ಹಸಿಮೆಣಸು, ಇಂಗು, 1/2 ಕುಡ್ತೆ ಮಜ್ಜಿಗೆ, ಉಪ್ಪು ಹಾಕಿ ಮಿಕ್ಸಿಲಿ ಸಾಧಾರಣ ನೊಂಪಿಂಗೆ ಕಡೆರಿ. ಅದಕ್ಕೆ ಓಮವ ಹಾಕಿ ಒಂದರಿ ಮಿಕ್ಸಿಯ ತಿರುಗ್ಸಿ.
ಬಾಳೆಕಾಯಿಯ ನೀರು ಹಾಕಿ ಅಟ್ಟಿನಳಗೆ/ಪ್ರೆಶರ್ ಕುಕ್ಕರ್ಲ್ಲಿ(3 ಸೀಟಿ) ಬೇಶಿ.
ಬೆಶಿ ಬೆಶಿ ಬಾಳೆಕಾಯಿಯ ಕೆಳಾಣ ಚಿತ್ರಲ್ಲಿ ತೋರ್ಸಿದ ಹಾಂಗೆ ಚೋಲಿ ತೆಗದು ಒಂದು ಗುಂಡು ಕಲ್ಲಿಲ್ಲಿ ಗುದ್ದಿ.
ಗುದ್ದಿದ ಬಾಳೆಕಾಯಿ, ಕಡದ ಮಸಾಲೆ, ಒಳುದ ಮಜ್ಜಿಗೆಯ ಮಿಕ್ಸಿ/ಗ್ರೈಂಡರಿಲ್ಲಿ ಹಾಕಿ ಬೇಕಾದಸ್ಟು ನೀರು ಹಾಕಿ ನೊಂಪಿಂಗೆ ಕಡೆರಿ. ಎಳ್ಳು, ಉಪ್ಪು, ನೀರು(ಬೇಕಾದರೆ) ಹಾಕಿ ಲಾಯಿಕಲಿ ತೊಳಸಿ.
ಹಿಟ್ಟು ಕೆಳಾಣ ಚಿತ್ರಲ್ಲಿ ತೋರ್ಸಿದಸ್ಟು ಹದ ಇರಲಿ.
ರೆಜ್ಜ ರೆಜ್ಜವೆ ಹಿಟ್ಟಿನ ತೆಗದು ಒಂದು ಪ್ಲಾಸ್ಟೀಕು ಶೀಟ್ / ಬಾಳೆ ಎಲೆ / ಮುಂಡಿ ಎಲೆಲಿ ಕೆಳಾಣ ಚಿತ್ರಲ್ಲಿ ತೋರ್ಸಿದ ಹಾಂಗೆ ಹಾಕಿ.
ಇದರ ಒಂದು ಚೆಟ್ಟೆ ಸೌಟಿಲ್ಲಿ ಕೆಳಾಣ ಚಿತ್ರಲ್ಲಿ ತೋರ್ಸಿದ ಹಾಂಗೆ ಹಸರ್ಸಿ.
ಇದರ 5-6 ದಿನ ಬೆಶಿಲಿಲ್ಲಿ ಒಣಗ್ಸಿ ಒಂದು ಕರಡಿಗೆಲಿ ಹಾಕಿ ಮಡುಗಿ.
ಇದರ ಎಣ್ಣೆಲಿ ಹೊರುದು ಊಟಕ್ಕೆ ಬಳುಸಿ. ಇದು ಸಾರು, ಮೇಲಾರ, ತಂಬ್ಳಿ, ಮಜ್ಜಿಗೆ, ಮೊಸರು ಅಶನದ ಒಟ್ಟಿಂಗೆ ತಿಂಬಲೆ ಲಾಯಿಕ ಆವುತ್ತು.
ಮೇಲೆ ಹೇಳಿದ ಸಾಮಾನಿಲ್ಲಿ ಸಾಧಾರಣ 150 ಸೆಂಡಗೆ ಆವುತ್ತು.
ಮಾಡಿ, ರುಚಿನೋಡಿ ಹೇಂಗಾಯಿದು ತಿಳಿಶಿ.
~
ವೇಣಿ ಅಕ್ಕ°
ಸೂ: ಈ ಶುದ್ದಿಯ ಇಂಗ್ಲೀಷ್ ಪ್ರತಿ ಇಲ್ಲಿದ್ದು.
ಹ್ಮ್! ಇದು ಒಂದು ಹೊಸ ಬಗೆ ಆನು ಕೇಳಿದ್ದು. ರುಚಿ ಅಪ್ಪ ಹಾಂಗೆ ಕಾಣ್ತನ್ನೆ?
ಎಂತದೇ ಆಗಲಿ ಹಂತ ಹಂತವಾಗಿ ಫೋಟೋ ಸಹಿತ ಬರವ ನಿನ್ನ ಶೈಲಿ ಮೆಚ್ಚೆಕ್ಕಾದ್ದೇ.