ಹಾಂ! ಅದೇ ವೇಣಿಯಕ್ಕ ಈಗ ಒಪ್ಪಣ್ಣನ ಬೈಲಿಂಗೆ ಬಯಿಂದು.
ಅಲ್ಲದ್ದೆ ಈಗ ಕೊಡೆಯಾಲಲ್ಲಿ ಇಪ್ಪದುದೇ. ಅಪ್ಪನ ಮನೆ ನಲ್ಕ, ಗೆಂಡನ ಮನೆ ಮದಂಗಲ್ಲು.
ಮೊನ್ನೆ ಶ್ರೀ ಅಕ್ಕ ಕೇಳಿತ್ತಿದ್ದು ಒಪ್ಪಣ್ಣನ ಬ್ಲಾಗಿಲ್ಲಿ ವಾರಕ್ಕೊಂದು ಅಡಿಗೆ ನಮ್ಮ ಹವ್ಯಕಲ್ಲಿ ಬರದು ಹಾಕುಲೆ ಎಡಿಗಾ ಹೇಳಿ.
ಹಾಂಗಾಗಿ ಮುಂದಾಣ ವಾರಂದ ಇಲ್ಲಿ ನಿಂಗೊಗೆ ವಾರಕ್ಕೊಂದು ಹೊಸ ರುಚಿಯ ಚೆಂದದ ಫೋಟೋಂಗಳೊಟ್ಟಿಂಗೆ ವೇಣಿಯಕ್ಕ ಕಾಂಬಲೆ ಸಿಕ್ಕುಗು.
ವೃತ್ತಿಲಿ ಸಾಫ್ಟ್ ವೇರ್ ಇಂಜಿನಿಯರ್.
ಪುರುಸೋತ್ತಿಪ್ಪಗೆಲ್ಲ ಹೂಗಿನ ಸೆಸಿಗಳ ನೋಡಿಗೊಮ್ಬದು, ಹೊಸ ರುಚಿ ಎಂತಾರು ಪ್ರಯೋಗ ಮಾಡುದು ಹವ್ಯಾಸಂಗೊ.
- ಬೆಂಡೆಕಾಯಿ ಟೊಮೇಟೋ ಸಾಂಬಾರು(ಕೊದಿಲು) - March 17, 2015
- ಕ್ಯಾರೆಟ್ ಖೀರು - March 10, 2015
- ಬೆಂಡೆಕಾಯಿ ಪ್ರೈ - March 3, 2015
ದಾರಳೆಕಾಯಿ ಚಟ್ನಿ
ಬೇಕಪ್ಪ ಸಾಮಾನುಗೊ:
- 1 ದಾರಳೆಕಾಯಿ
- 1-2 ಚಮ್ಚೆ ಗೋಡಂಬಿ
- 1/2 ಸಾಧಾರಣ ಗಾತ್ರದ ನೀರುಳ್ಳಿ
- 1 ಚಮ್ಚೆ ಚಟ್ನಿ ಕಡ್ಲೆ / ಪುಟಾಣಿ
- 2-3 ಹಸಿಮೆಣಸು
- 1-2 ಬೆಳ್ಳುಳ್ಳಿ ಎಸಳು
- ಸಣ್ಣ ದ್ರಾಕ್ಷೆ ಗಾತ್ರದ ಹುಳಿ
- 2-3 ಎಳೆ ಕೊತ್ತಂಬರಿ ಸೊಪ್ಪು
- ರುಚಿಗೆ ತಕ್ಕಸ್ಟು ಉಪ್ಪು
- 1/4 ಚಮ್ಚೆ ಜೀರಿಗೆ
- 1 ಚಮ್ಚೆ ಸಾಸಮೆ
- 1 ಚಮ್ಚೆ ಉದ್ದಿನ ಬೇಳೆ
- ಚಿಟಿಕೆ ಇಂಗು
- 1-2 ಮುರುದ ಒಣಕ್ಕು ಮೆಣಸು
- 3-4 ಚಮ್ಚೆ ಎಣ್ಣೆ
ಮಾಡುವ ಕ್ರಮ:
ದಾರಳೆಕಾಯಿಯ ಚೋಲಿ ತೆಗದು, ತೊಳದು, ಕೆಳಾಣ ಚಿತ್ರಲ್ಲಿ ತೋರ್ಸಿದ ಹಾಂಗೆ ತುಂಡು ಮಾಡಿ ಮಡಿಕ್ಕೊಳ್ಳಿ. ನೀರುಳ್ಳಿಯ ಚೋಲಿ ತೆಗದು, ತೊಳದು, ಸಣ್ಣಕೆ ಕೊಚ್ಚಿ ಮಡಿಕ್ಕೊಳ್ಳಿ. ಹಸಿಮೆಣಸಿನ ಸಿಗುದು ಮಡಿಕ್ಕೊಳ್ಳಿ. ಬೆಳ್ಳುಳ್ಳಿಯ ಸೊಲುದು ಜಜ್ಜಿ ಮಡಿಕ್ಕೊಳ್ಳಿ.
ಒಂದು ಬಾಣಲೆಲಿ 3 ಚಮ್ಚೆ ಎಣ್ಣೆ ಹಾಕಿ ಬೆಶಿ ಮಾಡಿ. ಇದಕ್ಕೆ ಹುಳಿ, ಹಸಿಮೆಣಸು, ಗೋಡಂಬಿ, ಪುಟಾಣಿ, ಬೆಳ್ಳುಳ್ಳಿಯ ಬೇರೆ ಬೇರೆಯಾಗಿ ಹಾಕಿ 1-2 ನಿಮಿಷ ಹದ/ಸಣ್ಣ ಕಿಚ್ಚಿಲ್ಲಿ ಹೊರುದು ಕರೆಲಿ ಮಡಿಕ್ಕೊಳ್ಳಿ. ಇದಕ್ಕೆ 1/2 ಚಮ್ಚೆ ಸಾಸಮೆ, 1/4 ಚಮ್ಚೆ ಜೀರಿಗೆ ಹಾಕಿ ಹೊಟ್ಟಿ ಅಪ್ಪಗ, ಕೊಚ್ಚಿದ ನೀರುಳ್ಳಿಯ ಹಾಕಿ, 4-5 ನಿಮಿಷ ಸಣ್ಣ / ಹದ ಕಿಚ್ಚಿಲ್ಲಿ ನೀರುಳ್ಳಿ ಚಿನ್ನದ ಬಣ್ಣ ಬಪ್ಪನ್ನಾರ ಹೊರಿರಿ. ಇದಕ್ಕೆ ಕೊಚ್ಚಿದ ದಾರಳೆ, ಉಪ್ಪು ಹಾಕಿ ತೊಳಸಿ. ಇದಕ್ಕೆ ರೆಜ್ಜ ನೀರು ಹಾಕಿ, ಮುಚ್ಚಲು ಮುಚ್ಚಿ, 7-8 ನಿಮಿಷ ಬೇಶಿ.
ಮಿಕ್ಸಿಗೆ ಬೆಂದ ಬಾಗವ ಹಾಕಿ, ರೆಜ್ಜ ನೀರು ಹಾಕಿ, ಒಂದು ನಿಮಿಷ ಕಡೆರಿ. ಕೊಚ್ಚಿದ ಕೊತ್ತಂಬರಿ ಸೊಪ್ಪು ಹಾಕಿ ತೊಳಸಿ. ಒಗ್ಗರಣೆ ಸಟ್ಟುಗಿಲ್ಲಿ, ಮುರುದ ಒಣಕ್ಕು ಮೆಣಸು, 1/2 ಚಮ್ಚೆ ಸಾಸಮೆ, ಉದ್ದಿನ ಬೇಳೆ, 1 ಚಮ್ಚೆ ಎಣ್ಣೆ, ಹಾಕಿ ಬೆಶಿ ಮಾಡಿ. ಒಗ್ಗರಣೆ ಹೊಟ್ಟುವಗ,ಇಂಗು ಹಾಕಿ, ಒಗ್ಗರಣೆಯ ರೆಜ್ಜ ಹೊತ್ತು ಮಡುಗಿ, ಚಟ್ನಿಗೆ ಹಾಕಿ, ತೊಳಸಿ. ಇದು ದೋಸೆ, ಇಡ್ಲಿ, ರೊಟ್ಟಿ ಒಟ್ಟಿಂಗೆ ತಿಂಬಲೆ ಲಾಯಿಕ ಆವುತ್ತು.
ಮಾಡಿ, ರುಚಿನೋಡಿ ಹೇಂಗಾಯಿದು ತಿಳಿಶಿ.
~
ವೇಣಿ ಅಕ್ಕ°
ಸೂ: ಈ ಶುದ್ದಿಯ ಇಂಗ್ಲೀಷ್ ಪ್ರತಿ ಇಲ್ಲಿದ್ದು.
