ಶರ್ಮಪ್ಪಚ್ಚಿ ಅವರಬಗ್ಗೆ ವಿಶೇಷವಾದ ಶುದ್ದಿಯನ್ನೇ ಬೈಲಿಂಗೆ ಹೇಳಿತಿಳುಸಿದ್ದವು.
( ಸಾಧನೆಗೆ ಅಡ್ಡಿ ಆಗದ್ದ ಅಂಗವೈಕಲ್ಯ: https://oppanna.com/nammooru/shedigumme-gopalakrishna-bhat )
ಹ್ಮ್, ಅಪ್ಪು.
ಶರ್ಮಪ್ಪಚ್ಚಿ ಹೇಳಿದ ಹಾಂಗೆಯೇ, ಅವು ದೈಹಿಕವಾಗಿ ಎದ್ದು ನಿಂಬಲೆ ಸಾಧ್ಯ ಆಗದ್ದೆ ಇಕ್ಕು, ಆದರೆ ಅವು ಮಾನಸಿಕವಾಗಿ ಎದ್ದು ನಿಂದ ರೀತಿ ಇದ್ದನ್ನೆ- ಅದರ ಗ್ರೇಶಿರೆ ಒಪ್ಪಣ್ಣಂಗೆ ತುಂಬಾ ಕೊಶಿ ಅಪ್ಪದು.
ಸ್ವಂತವಾಗಿ ಬರದು ಪಾಸಪ್ಪ ಪರೀಕ್ಷೆಗೊ, ಅದರಿಂದ ಮತ್ತೆ ಸಿಕ್ಕಿದ ಸ್ವಂತ ಉದ್ಯೋಗ, ಅಲ್ಲಿಂದ ಮುಂದಕ್ಕೆ ನೆಡದು ಬಂದ ಸ್ವಂತ ಸಂಪಾದನೆಯ ಜೀವನ – ಇದರ ಎಲ್ಲವನ್ನುದೇ ಗ್ರೇಶಿರೆ, ಜೀವನವ ಎದರುಸಲೆ ಒದಗಿ ಬಂದ ದೈವಪರೀಕ್ಷೆ ಹೇಳಿ ಅನುಸುದು ಒಪ್ಪಣ್ಣಂಗೆ.
ಈಗ ಅವು ಉದ್ಯೋಗಸ್ಥರಾಗಿದ್ದರೂ, ಕೆಲವು ಪುಸ್ತಕಂಗಳ ಬರದು ಸಾಹಿತ್ಯಕ್ಷೇತ್ರಕ್ಕೂ ಹೊಂದುತ್ತ ಸಾಧನೆಯ ಮಾಡಿ ತೋರುಸಿದ್ದವು.
ಅವರ ಜೀವನಗಾಥೆಯೇ ಒಳುದೋರಿಂಗೆ ಪ್ರೇರೇಪಣೆ.
ಇದರನ್ನೇ ನಮ್ಮ ಶರ್ಮಪ್ಪಚ್ಚಿ ಐದಾರು ತಿಂಗಳು ಹಿಂದೆ ಹೇಳಿದ್ದದು!
ಇರಳಿ, ನಮ್ಮ ಹತ್ತರಾಣೋರು ಹಾಂಗೆ ಮಿಂಚಿರೆ ನವಗೂ ಕೊಶಿಯೇ.
ಅವು ಇನ್ನೂ ಹತ್ತರೆ ಬಂದರೆ ಮತ್ತೂ ಕೊಶಿ, ಅಲ್ಲದೋ?
ಬೈಲಿಂಗೆ ಶುದ್ದಿ ಹೇಳುತ್ತಿರೋ – ಕೇಳಿದೆ ಒಂದರಿ ಅವರತ್ರೆ.
ಸಂತೋಷಲ್ಲಿ ಒಪ್ಪಿಗೊಂಡವು. ಅವು ಒಪ್ಪಿ, ತಕ್ಷಣ ಕೊಶೀಲಿ ಕಳುಸಿದ ಆ ಶುದ್ದಿಯ ಕಂಡು ಒಪ್ಪಣ್ಣಂಗೆ ಕೊಶಿಯೂ ಆಶ್ಚರ್ಯವೂ ಆಗಿಬಿಟ್ಟತ್ತು!
ಅವರ ಶುದ್ದಿಗಳ ನಾವೆಲ್ಲೊರೂ ಕೇಳುವೊ°, ಪ್ರೀತಿಲಿ ಒಪ್ಪ ಕೊಡುವೊ°.
ಸಾಹಿತ್ಯದ ಅವರ ಅಭಿರುಚಿಯ ಇನ್ನುದೇ ಬೆಳೆಸುವೊ°, ಆಗದೋ?
- ಸಣ್ಣ ಸಂಗತಿ - February 13, 2018
- ದೇಶಸೇವೆ - August 15, 2017
- ಶೇಡಿಗುಮ್ಮೆ ವಾಸುದೇವ ಭಟ್ಟ್ರಿಂಗೆ ಯಕ್ಷಗಾನ ಅಕಾಡೆಮಿಯ ಗೌರವ - August 15, 2017
ಒಂದು ದಿನ ಎನ್ನ ಕಚೇರಿಗೆ ತೆಲುಗು ಮಾತಾಡುವ ಒಂದು ಜನ ಬಂತು.ಅದಕ್ಕೆ ಕನ್ನಡವೂ ಹಿಂದಿಯೂ ಕರ್ಚಿಗೆ ತಕ್ಕ ಬತ್ತು.
ಅದರ ಕೆಲಸ ಕೀ ಚೈನಿಗೆ ಸಿಕ್ಕಿಸುವ ಬಿಲ್ಲೆಲಿ ನಮ್ಮ ಹೆಸರನ್ನೊ,ಮೊಬೈಲ್ ಸಂಖ್ಯೆಯನ್ನೊ ಅಚ್ಚಿಸಿ ಕೊಡುತ್ತದು.ಈ ಕೆಲಸಕ್ಕೆ ಅಕ್ಷರ ,ನಂಬರಿನ ಕಟ್ ಮಾಡಿ,ಬಿಲ್ಲೆಲಿ ಮೂಡಿಸಲೆ ಅದರ ಕೈಲಿ ಮಕ್ಕಳ ಆಟದ ಕೋವಿಯ ಹೋಲುತ್ತ ಒಂದು ಸಾಧನ ಇತ್ತು.ಒಂದು ಬಿಲ್ಲೆಲಿ ನಮ್ಮ ಹೆಸರು ಹಾಕುಸಲೆ ಹತ್ತು ರೂಪಾಯಿ ಹೇಳಿತ್ತು.
ಎನ್ನ ಕಚೇರಿಲಿ ಸುಮಾರು ಕೋಣೆಗೊ,ಅದಕ್ಕೆ ಇಪ್ಪ ಬೀಗದ ಕೈಗೊಕ್ಕೆ ಬಿಲ್ಲೆ ಮಾಡುಸಲೆ [ಕೋಣೆಯ ಸಂಖ್ಯೆಯ ಹಾಕಿಸಲೆ]ಹೇಳಿದೆ.
ಕೂಡಲೇ ಮಾಡಿ,ಸಂಖ್ಯೆಯ ಹಾಕಿ ಕೊಟ್ಟತ್ತು.ಅದರ ಹಣ ಕೊಟ್ಟಾತು.
ದಾಖಲೆಗೆ ಬೇಕಾಗಿ,ಅದರ ಹತ್ತರೆ ರಶೀದಿ ಕೊಡಲೆ ಹೇಳಿದೆ. ಮತ್ತೆ ಅದಕ್ಕೆ ಅರಡಿಯ ಹೇಳಿ ಆನೇ ರಶೀದಿ ಬರೆದು ಕೊಟ್ಟೆ,ಸಹಿ ಮಾಡುಲೆ ಹೇಳಿದೆ.
ಎನಗೆ ಅಕ್ಷರ ಬತ್ತಿಲ್ಲೆ ಹೇಳಿ ಸಂಕೇತ ಮಾಡಿ,ಹೆಬ್ಬೆಟ್ಟು ತೋರಿಸಿತ್ತು.ಹೆಬ್ಬೆಟ್ಟು ಒತ್ತಿತ್ತು.
ಅಕ್ಷರವೇ ಗೊಂತಿಲ್ಲದ್ದ ಮನುಷ್ಯ ಇಂಗ್ಲಿಷಿನ ಅಂಕೆ,ಅಕ್ಷರವ ಬಿಲ್ಲೆಲಿ ಮೂಡಿಸುವ ಕಾಯಕ ಮಾಡುತ್ತದು ಆಶ್ಚರ್ಯ ಆತು.ಅದು ಹೇಂಗೆ ಆ ಕೆಲಸ ಮಾಡುದು,ಅದರ ಮಾಡುವ ಮನುಷ್ಯಂಗೆ ದಸ್ಕತ್ತು ಮಾಡಲೆ ಏಕೆ ಅರಡಿತ್ತಿಲ್ಲೆ-ವಿಚಿತ್ರ ಅನಿಸಿತ್ತು.
ಅದರ ಕೆಲಸಕ್ಕೆ ಎಷ್ಟು ಬೇಕೋ ಅಷ್ಟು ಮಾತ್ರ ಅದಕ್ಕೆ ಗೊಂತಿದ್ದು!ಅದರಿಂದ ಹೆಚ್ಚಿಗೆ ಅದಕ್ಕೆ ಬೇಡ!ಸಣ್ಣ ಇಪ್ಪಾಗ ಕಲಿವಲೆ ಕಷ್ಟ ಇತ್ತಾದಿಕ್ಕು.ಆದರೆ ಮತ್ತೆ?
ಕಲಿಯೆಕ್ಕು ಹೇಳಿ ಅದಕ್ಕೆ ತೋರಿದ್ದೂ ಇಲ್ಲೆಯೊ ಏನೊ?
ಅದು ಕಲ್ತಿದ್ದರೆ ಎಂತ ಮಾಡ್ತಿತ್ತೋ ಬಲ್ಲವರಾರು?
ಚಿತ್ರ ಬರದ ಹಾಂಗೆ ಬರದ್ದಾದಿಕ್ಕು…
ಆದಿಕ್ಕು.
ಕಷ್ಟ ಇದ್ದು ಹೇಳಿ ತಳಿಯದ್ದೆ ಕೂದರೆ ಯೇವುದೂ ಸಾಧ್ಯ ಆಗ. ಒಳ್ಳೆ ಸಂದೇಶ ಇಪ್ಪ ಮಾಹಿತಿ.
Ningoge adu akshara. Avange adu ondu “Chitra” athava ondu aakara. Adakke entha heluvadu heli avange gontira.Ava edure iddadara/ kandara copy maduvadu ashte. Kale ondu sahaja guna/ prakruti. Adu kelavara ottinge hutti bathu. Hangippavara sankhye kadamme ippa karan kelavu jenakke adara training kottu prayatna maduvadu.Idella nodi kalivadu hluthanne hange .Hotte tumbusule ondu dari. Nijakku hange kalithavu tumba kammi .avara paraytna mechekkadde.
ಮನಸ್ಸು ಒಂದಿದ್ದರೆ… ಎಂತದೂ ಸಾಧುಸುಲೇ ಎಡಿಗು ಹೇಳುದಕ್ಕೆ ಅತ್ಯುತ್ತಮ ಉದಾಹರಣೆ…
ನಾವು ಬೈಲಿಲ್ಲಿ ಇಪ್ಪವೆಲ್ಲ… ಸಾಮಾಜಿಕ, ಧಾರ್ಮಿಕ, ಮತೀಯ ಶಾಂತಿ, ಸೌಹಾರ್ದದ ಜೀವನಲ್ಲಿ ಆಸಕ್ತಿ ಇಪ್ಪವು… ಒಂದಾಗಿ ಮನಸ್ಸು ಮಾಡಿರೆ ಮತ್ತೆ ಈ ದೇಶವ ರಾಮ ರಾಜ್ಯವಾಗಿ ಪರಿವರ್ತಿಸುಲೇ ಸಾಧ್ಯ ಇದ್ದು ಹೇಳುದರ ಇದು ಇನ್ನೂ ಬಲಪಡಿಸುತ್ತು…
ಏನೂ ಅಕ್ಷರಭ್ಯಾಸ ಕಲಿಯದ್ದೆ ಇದ್ದು ಅವರತ್ರೆ ಇಪ್ಪ ಸಾಮರ್ಥ್ಯ ನಿಜಕ್ಕೂ ಆಶ್ಚರ್ಯವೇ ಆವ್ತು ಹಲವು ಸರ್ತಿ. ಹಲವು ಕಛೇರಿಗಳಲ್ಲಿ ದೊಡ್ಡ ಆಪೀಸರಕ್ಕೊ ಹೇಳಿ ಹೇಳಿಸಿಗೊಂಬವು MBA ಕಲ್ತು ನಾಕು ಡ್ರಾಯಿಂಗ್ , ಇಕ್ವೇಶನ್ ಹಾಕಿ ಕಡೇಂಗೆ ಉತ್ತರ ಬಂದು ನಿಂಬದು ಅವ್ವು ಹೇಳ್ತ ಅದೇ ಪಾಯಿಂಟಿಂಗೆ!!