ಒರಕ್ಕು-ನಮ್ಮ ಹಕ್ಕು

• Author
• Recent Posts

ಗೋಪಾಲಣ್ಣ

ಶೇಡಿಗುಮ್ಮೆ ಗೋಪಾಲಣ್ಣನ ಬಗ್ಗೆ ಬೈಲಿಂಗೆ ಮೊದಲೇ ಅರಡಿಗು.
ಶರ್ಮಪ್ಪಚ್ಚಿ ಅವರಬಗ್ಗೆ ವಿಶೇಷವಾದ ಶುದ್ದಿಯನ್ನೇ ಬೈಲಿಂಗೆ ಹೇಳಿತಿಳುಸಿದ್ದವು.
( ಸಾಧನೆಗೆ ಅಡ್ಡಿ ಆಗದ್ದ ಅಂಗವೈಕಲ್ಯ: https://oppanna.com/nammooru/shedigumme-gopalakrishna-bhat )

ಹ್ಮ್, ಅಪ್ಪು.
ಶರ್ಮಪ್ಪಚ್ಚಿ ಹೇಳಿದ ಹಾಂಗೆಯೇ, ಅವು ದೈಹಿಕವಾಗಿ ಎದ್ದು ನಿಂಬಲೆ ಸಾಧ್ಯ ಆಗದ್ದೆ ಇಕ್ಕು, ಆದರೆ ಅವು ಮಾನಸಿಕವಾಗಿ ಎದ್ದು ನಿಂದ ರೀತಿ ಇದ್ದನ್ನೆ- ಅದರ ಗ್ರೇಶಿರೆ ಒಪ್ಪಣ್ಣಂಗೆ ತುಂಬಾ ಕೊಶಿ ಅಪ್ಪದು.
ಸ್ವಂತವಾಗಿ ಬರದು ಪಾಸಪ್ಪ ಪರೀಕ್ಷೆಗೊ, ಅದರಿಂದ ಮತ್ತೆ ಸಿಕ್ಕಿದ ಸ್ವಂತ ಉದ್ಯೋಗ, ಅಲ್ಲಿಂದ ಮುಂದಕ್ಕೆ ನೆಡದು ಬಂದ ಸ್ವಂತ ಸಂಪಾದನೆಯ ಜೀವನ – ಇದರ ಎಲ್ಲವನ್ನುದೇ ಗ್ರೇಶಿರೆ, ಜೀವನವ ಎದರುಸಲೆ ಒದಗಿ ಬಂದ ದೈವಪರೀಕ್ಷೆ ಹೇಳಿ ಅನುಸುದು ಒಪ್ಪಣ್ಣಂಗೆ.
ಈಗ ಅವು ಉದ್ಯೋಗಸ್ಥರಾಗಿದ್ದರೂ, ಕೆಲವು ಪುಸ್ತಕಂಗಳ ಬರದು ಸಾಹಿತ್ಯಕ್ಷೇತ್ರಕ್ಕೂ ಹೊಂದುತ್ತ ಸಾಧನೆಯ ಮಾಡಿ ತೋರುಸಿದ್ದವು.
ಅವರ ಜೀವನಗಾಥೆಯೇ ಒಳುದೋರಿಂಗೆ ಪ್ರೇರೇಪಣೆ.
ಇದರನ್ನೇ ನಮ್ಮ ಶರ್ಮಪ್ಪಚ್ಚಿ ಐದಾರು ತಿಂಗಳು ಹಿಂದೆ ಹೇಳಿದ್ದದು!
ಇರಳಿ, ನಮ್ಮ ಹತ್ತರಾಣೋರು ಹಾಂಗೆ ಮಿಂಚಿರೆ ನವಗೂ ಕೊಶಿಯೇ.
ಅವು ಇನ್ನೂ ಹತ್ತರೆ ಬಂದರೆ ಮತ್ತೂ ಕೊಶಿ, ಅಲ್ಲದೋ?
ಬೈಲಿಂಗೆ ಶುದ್ದಿ ಹೇಳುತ್ತಿರೋ – ಕೇಳಿದೆ ಒಂದರಿ ಅವರತ್ರೆ.
ಸಂತೋಷಲ್ಲಿ ಒಪ್ಪಿಗೊಂಡವು. ಅವು ಒಪ್ಪಿ, ತಕ್ಷಣ ಕೊಶೀಲಿ ಕಳುಸಿದ ಆ ಶುದ್ದಿಯ ಕಂಡು ಒಪ್ಪಣ್ಣಂಗೆ ಕೊಶಿಯೂ ಆಶ್ಚರ್ಯವೂ ಆಗಿಬಿಟ್ಟತ್ತು!

ಅವರ ಶುದ್ದಿಗಳ ನಾವೆಲ್ಲೊರೂ ಕೇಳುವೊ°, ಪ್ರೀತಿಲಿ ಒಪ್ಪ ಕೊಡುವೊ°.
ಸಾಹಿತ್ಯದ ಅವರ ಅಭಿರುಚಿಯ ಇನ್ನುದೇ ಬೆಳೆಸುವೊ°, ಆಗದೋ?

Latest posts by ಗೋಪಾಲಣ್ಣ (see all)

• ಸಣ್ಣ ಸಂಗತಿ - February 13, 2018
• ದೇಶಸೇವೆ - August 15, 2017
• ಶೇಡಿಗುಮ್ಮೆ ವಾಸುದೇವ ಭಟ್ಟ್ರಿಂಗೆ ಯಕ್ಷಗಾನ ಅಕಾಡೆಮಿಯ ಗೌರವ - August 15, 2017

ಮೊನ್ನೆ ಬಾಬಾ ರಾಮ್ ದೇವ್ ಖಟ್ಲೆಲಿ ನಮ್ಮ ಗೌರವಾನ್ವಿತ ಸರ್ವೋಚ್ಚ ನ್ಯಾಯಾಲಯ ಘಂಟಾಘೋಷವಾಗಿ ಹೇಳಿತ್ತು-ಈ ರೀತಿ.
ಅಬ್ಬ,ಇನ್ನು ಮನುಷ್ಯರ ಒರಕ್ಕಿಂದ ಏಳಿಸಲೆಡಿಯ.ಏಕೆ ಹೇಳಿರೆ ಒರಕ್ಕು ಮೂಲಭೂತ ಹಕ್ಕು.
ಈಗಾಣ ಯುವಜನತೆ ಇರುಳು ಮನುಗುವಾಗ ತಡವು ಮಾಡುತ್ತವು-ಒರಗುವಾಗ ತಡವು-ಏಳುವಾಗಲೂ ತಡವು. ಹಿರಿಯರು ಇದರ ಕಂಡು ಸಹಿಸುತ್ತವು,ಸಾರ ಇಲ್ಲೆ ಹೇಳಿ ಮನೆಕೆಲಸಂಗಳ ಮಾಡಿಂಡು ಹೋವ್ತವು.ವಾರ ಇಡೀ ಕೆಲಸ ಮಾಡಿ ಬಚ್ಚಿದ ಜನಕ್ಕೆ ರಜೆ ಇದ್ದ ದಿನ ಏಳುವಾಗ ಹತ್ತು ಗಂಟೆಯೋ ಹನ್ನೊಂದು ಗಂಟೆಯೋ ಎಷ್ಟಾದರೂ ಸರಿಯೇ.ಬಾಕಿ ದಿನ ಕೆಲಸ ಮಾಡ್ತವಕ್ಕೆ ಅಷ್ಟಾದರೂ ಸ್ವಾತಂತ್ರ್ಯ ಬೇಡದೊ?ಎಲ್ಲಾ ಸರಿ. ಇನ್ನು ಅದರ ಬಗ್ಗೆ ಅಭಿಪ್ರಾಯ ಹೇಳಿಕ್ಕಲೆ ಗೊಂತಿಲ್ಲೆ.ಉತ್ತರ ಭಾರತದವು ನಮ್ಮ ಊರಿಂಗೆ ಬತ್ತವನ್ನೆ-ಅವು ಸಾಧಾರಣವಾಗಿ ಬೇಗ ಏಳುತ್ತವಿಲ್ಲೆ.ಒರಗುವಾಗ ತಡವು ಆವುತ್ತು.ಅದರ ಮಟ್ಟಿಂಗೆ ಮಲೆಯಾಳಿಗೊ ಉಷಾರು-ಬೇಗ ಎದ್ದು ಮಿಂದು ಪತ್ರಿಕೆ ಓದುತ್ತವು.ಹೀಂಗೆ ಭಾರತದ ಬೇರೆ ಬೇರೆ ಜನಂಗಳ ಕ್ರಮವೂ ಬೇರೆ ಬೇರೆ ಇಕ್ಕು.ಬೇಸಗೆಲಿ ಅರುಣಾಚಲಪ್ರದೇಶಲ್ಲಿ ಐದು ಘಂಟೆಗೇ ಉದಿ ಆವುತ್ತಡ.ಅವು ಬೇಗ ಏಳುಗು ಹೇಳಿ ತೋರುತ್ತು.
ನಮ್ಮ ಕೇಂದ್ರೀಯ ವಿದ್ಯಾಲಯಂಗೊ ಬೇಗ ಪಾಠ ಸುರು ಮಾಡುತ್ತವು.ಹಾಂಗಾಗಿ ಮಕ್ಕಳ ಒರಕ್ಕಿಂದ ಎಬ್ಬಿಸಲೆ ಅಪ್ಪ ಅಮ್ಮಂದಿರಿಂಗೆ ಈಗ ತೊಂದರೆ ಅಕ್ಕು.
ಕೆಲವು ಪ್ರಾರ್ಥನಾ ಮಂದಿರಂಗಳಲ್ಲಿ ಭಕ್ತಿಗೀತೆಯೊ ಬಾಂಕೋ ಉದಿಯಪ್ಪಗಳೇ ಹಾಕುತ್ತವು,ಯಕ್ಷಗಾನದವು ರಾತ್ರಿ ಧ್ವನಿವರ್ಧಕ ಉಪಯೋಗಿಸುತ್ತವು;ಅದರ ಕತೆ ಎಂತಾವುತ್ತೊ?
ಆಟಕ್ಕೊ,ಆಯನಕ್ಕೊ ಹೋಗಿ ಅರ್ಧರಾತ್ರಿಲಿ ಬಂದು ಮನೆಯವರ ಎಬ್ಬಿಸಿರೆ ಜಾಗ್ರತೆ-ಹೆರ ಜಗಲಿಲೊ,ಬೀದಿಲೊ ಕೂದು ಉದಿ ಮಾಡಿರೆ ಒಳ್ಳೆದು.
ಚುನಾವಣಾ ಪ್ರಚಾರ ಭಾಷಣ ಹತ್ತು ಗಂಟೆಂದ ಮೊದಲೇ ಮುಗಿಸೆಕ್ಕು ಹೇಳಿ ನೀತಿಸಂಹಿತೆಯೇ ಹೇಳುತ್ತು.
ವಿವೇಕಾನಂದರು ಉತ್ತಿಷ್ಟತ,ಜಾಗ್ರತ…ಹೇಳಿ ಹೇಳಿದವು,ಈಗ ಹಾಂಗೆ ಹೇಳುಲೆ ಅವಕ್ಕೂ ಎಡಿಯ…!ಅವರ ಪುಣ್ಯ.
ಒಟ್ಟಾರೆ ಮಾನವೀಯತೆಯ ಮರೆತ ಪೋಲೀಸ್ ಕಾರ್ಯಾಚರಣೆಂದಾಗಿ ಮನುಷ್ಯನ ನಿಜವಾದ ಹಕ್ಕು ಗೊಂತಾತು.ಕೆಲವು ಗಲಾಟೆಂದ ಆವುತ್ತ ಪರೋಕ್ಷ ಉಪಕಾರ ಇದು.
ನಿದ್ದೆ-ಮನುಷ್ಯಂಗೆ ಸಂಜೀವಿನಿ,ಆಯಾಸ ಪರಿಹಾರಕ್ಕೆ ಅಗತ್ಯ.ಸುಖಮಯ ಜೀವನಕ್ಕೆ,ಆರೋಗ್ಯಕ್ಕೆ ಒರಕ್ಕು ಬೇಕೇ ಬೇಕು.ಒರಕ್ಕಿನ ಹಾಳು ಮಾಡುದು ಮಾನವೀಯತೆ ಅಲ್ಲ.ಒರಕ್ಕೇ ಇಲ್ಲದ ಮನುಷ್ಯ ಮರುಳನೇ ಅಕ್ಕು.
ನಾವು ನಿತ್ಯ ಒರಗುದು ನಮ್ಮ ಹಕ್ಕು-ಈ ಹಕ್ಕು ನಮಗೆ ಸಿಕ್ಕಲೆ ಆರಾರು ಒರಕ್ಕು ಕೆಡೆಕಾವುತ್ತು ಹೇಳಿ ವಿಚಾರ ಮಾಡೆಕ್ಕು.ವಿದ್ಯುಚ್ಚಕ್ತಿ ಉತ್ಪಾದನೆಯವು,ಪೊಲೀಸರು,ಗಡಿ ಕಾಯುವ ಸೈನಿಕರು,ಬೇರೆ ಬೇರೆಕಾರ್ಖಾನೆಗಳ ಕಾರ್ಮಿಕರು ,ರೈಲ್ವೇ,ಬಸ್ಸು,ವಿಮಾನಗಳ ಸಿಬಂದಿ,ಹಡಗಿನವು -ಎಲ್ಲಾ ಒರಕ್ಕು ಮರೆತು ಇರುಳು ಕೆಲಸ ಮಾಡುತ್ತವು,ಹಾಂಗಾಗಿ ನಮಗೆ ಆರಾಮ ಒರಗಲೆ ಎಡಿತ್ತು.ಪತ್ರಿಕೆಯವು ದಿನಾ ಇರುಳು ನಮಗೆ ಪತ್ರಿಕೆ ಮುದ್ರಿಸಿ ಕಳಿಸುತ್ತವು,ಹಾಲಿನವು ಉದಯಕಾಲಕ್ಕೆ ನಮಗೆ ಹಾಲು ತಲಪಿಸುತ್ತವು.
ಈ ಎಲ್ಲಾ ಜೆನ ತಮ್ಮ ಮೂಲಭೂತ ಹಕ್ಕಿನ ಮರೆತು,ಬದಿಗೆ ಒತ್ತಿ ನಮಗೆ ಹಕ್ಕು ಸ್ಥಾಪನೆಗೆ ದಾರಿ ಮಾಡಿಕೊಟ್ಟಿದವು.
ಇಂತಾ ಎಲ್ಲರಿಂಗೂ ಒಂದು ಸಲಾಮ್ ಹೇಳೆಕ್ಕು ಹೇಳಿ ನಿನ್ನೆಯ ಸುದ್ದಿ ಹೇಳುವಾಗ ಅನಿಸಿತ್ತು,ನಿಂಗೊ ಎಂತ ಹೇಳುತ್ತಿ?