ದೀಪಾವಳಿ ~ ಪಟಾಕಿ

• Author
• Recent Posts

ಗಣೇಶ ಮಾವ°

ಹ್ಮ್, ಗಣೇಶಮಾವನ ಗೊಂತಿದ್ದಲ್ದ?ಅದಾ, ಬೈಲಕರೆಲಿ ಮನೆ! ನಿಂಗೊಗೆ ಅವರ ಗೊಂತಿಲ್ಲದ್ರೂ ಅವಕ್ಕೆ ನಿಂಗಳ ಗೊಂತಿರ್ತು!
ಅವಕ್ಕೆ ಎಲ್ಲವುದೇ ಅರಡಿಗು.ಬೈಕ್ಕು ಬಿಡ್ಳೆ ಅರಡಿಗು, ಕಾರು ತಿರುಗುಸುಲೆ ಅರಡಿಗು, ಕೊದಿಲು ಮೇಲಾರ ಮಾಡ್ಳೆ ಅರಡಿಗು, ಅದರ ಉಂಬಲೂ ಎಡಿಗು!ಕರವಲೂ ಅರಡಿಗು, ಕೆಮ್ಕಕ್ಕೆ ಅಡಕ್ಕೆ ಹಾಕಲೂ ಅರಡಿಗು, ಬೆಂಗುಳೂರಿಂಗೆ ಹೋಗಿ ಬೇಕಾದ ಕೆಲಸ ಮಾಡಿಗೊಂಡು ಬಪ್ಪಲೂ ಅರಡಿಗು, ಪೂಜೆ-ಮಂತ್ರಂಗಳೂ ಅರಡಿಗು, ಮದುವೆ ಮಾಡುಸುಲೂ ಅರಡಿಗು, ಪೋನಿಲಿ ಇಂಗ್ಳೀಶಿಲಿ ಮಾತಾಡಲೂ ಅರಡಿಗು,ಕವುಡೆ ತಿರುಗುಸುಲೆ ಅರಡಿಗು, ಜಾತಕ ಬರವಲುದೇ ಅರಡಿಗು, ಪೇಂಟು ಹಾಯ್ಕೊಂಡು ಕಂಪ್ಯೂಟರು ಕುಟ್ಟುಲೂ ಅರಡಿಗು! ಮನೆಲಿಪ್ಪಗ ಅಡಕ್ಕೆ ಅಗುಕ್ಕೊಂಡು ಎಲೆ ತಿಂಬಲೂ ಅರಡಿಗು, ಪೇಟಗೆ ಹೋಪಗ ಪೌಡ್ರು ಹಾಕಲೂ ಅರಡಿಗು!!
ಸಾಮಾನ್ಯವಾಗಿ ಮನುಶ್ಯ ಒಬ್ಬಂಗೆ ಎಂತೆಲ್ಲ ಬೇಕೋ -ಅದೆಲ್ಲ ಅರಡಿಗು!ಅವು ಒಬ್ಬ ಇದ್ದರೆ ಹತ್ತು ಜೆನ ಇದ್ದ ಗುಣ ಹೇಳಿ ಮಾಷ್ಟ್ರಮನೆ ಅತ್ತೆ ಯೇವತ್ತೂ ಹೇಳುಗು.ಸದ್ಯ ಕಳುದೊರಿಷ ಮಾನಸ ಸರೋವರ ಕೈಲಾಸ ಪರ್ವತ ಎಲ್ಲ ತಿರುಗಿಕ್ಕಿ ಬಯಿಂದವು. ಬಂದ ಶುದ್ದಿಯ ಅವರ ಬ್ಲೋಗಿಲಿ ಬರದ್ದವು.ಅವು ಒಪ್ಪಣ್ಣನ ಬೈಲಿಲಿ ತುಂಬ ಮೊದಲಿಂದಲೇ ಇಪ್ಪವು.
’ಶುದ್ದಿ ಹೇಳ್ತಿರೋ’ ಕೇಳಿಯಪ್ಪಗ ಸಂತೋಷಲ್ಲಿ “ಅಕ್ಕು ಒಪ್ಪಣ್ಣೋ” ಹೇಳಿದವು. ಅವರನ್ನುದೇ ಅವರ ಮನೆಲಿ ಒಪ್ಪಣ್ಣ ಹೇಳಿಯೇ ದಿನಿಗೆಳುದು ಇದಾ, ಅವರಿಂದ ಹೆರಿಯೋರು!ಅವಕ್ಕೆ ‘ಎಂತರ ಬರೇಕಪ್ಪಾ’ ಹೇಳಿ ದೊಡಾ ಕನುಪ್ಯೂಸು. ಎಲ್ಲಾ ಅರಡಿಗಾದವಕ್ಕೆ ಈ ನಮುನೆ ಬಪ್ಪದು ಸಹಜ. ಅದಕ್ಕೆ ಅಜ್ಜಕಾನ ಬಾವ ಹೇಳಿದ°, ‘ನಿಂಗೊ ಮಂತ್ರಂಗಳ ಬಗ್ಗೆ ಶುರುಮಾಡಿ ಗಣೇಶಪ್ಪಚ್ಚಿ’.
ಹಾಂಗೆ ಕೆಲವೆಲ್ಲ ಮಂತ್ರಂಗಳ ಬಗ್ಗೆಯೋ, ಜ್ಯೋತಿಷ್ಯದ ಬಗ್ಗೆಯೋ, ಪೂಜೆ ಮಾಡ್ತ ವಿಧಾನದ ಬಗ್ಗೆಯೋ ಮತ್ತೊ ಶುದ್ದಿ ಹೇಳ್ತವಡ. ಅದರ ಒಟ್ಟಿಂಗೆ ಬೇರೆ ಶುದ್ದಿಗಳೂ ಹೇಳುಗು, ಅದು ಕುಶಾಲಿಂಗೆ!
ಸಂಸ್ಕೃತ ಮಂತ್ರಂಗಳ ಒಟ್ಟೊಟ್ಟಿಂಗೆ ಹವ್ಯಕ ಅರ್ತಂಗೊ- ಪ್ರಯೋಗಂಗೊ – ವಿವರಣೆಗೊ ಹೇಳ್ತಾ ಹೋವುತ್ತವು. ಇವರ ಒಟ್ಟಿಂಗೆ ಬಟ್ಟಮಾವಂದೇ ಸೇರ್ತವಡ- ಪ್ರತಿತೆಗವಲೆ.ಅವು ಬರದ್ದರ ಓದಿ, ಮನನ ಮಾಡಿಗೊಂಬೊ°. ಮದೂರಿಲಿಯೋ, ಕೋಟೆಲಿಯೋ – ಮಣ್ಣ ವಸಂತ ವೇದಪಾಟಶಾಲೆಲಿ ಕಲ್ತ ಮಂತ್ರಂಗಳ ಮತ್ತೊಂದರಿ ನೆಂಪುಮಾಡಿಗೊಂಬ°.
ಅವು ಬರದ್ದರ ನಾಕು ಜೆನಕ್ಕೆ ಹೇಳಿ. ಅವಕ್ಕುದೇ ಒಪ್ಪ ಕೊಡಿ.
ಆತೋ?ಏ°?

Latest posts by ಗಣೇಶ ಮಾವ° (see all)

• ಸಪ್ತಪದಿ - August 1, 2011
• 15-ಜೂನ್-2011: ಖಂಡಗ್ರಾಸ ಚಂದ್ರಗ್ರಹಣ - June 15, 2011
• ಚಾಂದ್ರ ಮಾನ ಯುಗಾದಿಗೆ ನೆರೆಕರೆಯ ಸಂಭ್ರಮ - April 2, 2011

                                 ಬೆಳಕು ಜ್ಞಾನದ ಪ್ರತೀಕ!ಸಂತೋಷದ ಸಂಕೇತ!

                                ಕತ್ತಲೆ (ಕಪ್ಪು) ಅಜ್ಞಾನದ ಪ್ರತೀಕ!ದು:ಖದ ಸಂಕೇತ!

ಧಾರ್ಮಿಕವಾಗಿ ನೋಡಿರೆ ದೀಪಾವಳಿಗೂ ಪಟಾಕಿಯ ಶಬ್ದಕ್ಕೂ ಯಾವ ಸಂಬಂಧವೂ ಕಾಣ್ತಿಲ್ಲೆ. ದೀಪಾವಳಿಗೂ ಪಟಾಕಿಗೂ ಸಂಬಂಧ ಎಂತದಪ್ಪ?ಹೇಳುವ ಪ್ರಶ್ನೆ ಒಂದರಿ ಬಂತು,ಸೀದಾ ಮಾಷ್ಟ್ರು ಮಾವನಲ್ಲಿಗೆ ಹೋದೆ.ಆನು ಹೋಪಗಳೇ ಮಾಷ್ಟ್ರು ಮಾವನ ದೊಡ್ಡ ಸೊಸೆ ಅಮೆರಿಕಕ್ಕೆ ತೆಕ್ಕೊಂಡು ಹೋಪಲೆ ಮೈಸೂರುಪಾಕು ಕಾಸಿಗೊಂಡು ಇತ್ತವು.ಮಾಷ್ಟ್ರುಮಾವ ಅಮೇರಿಕಾದ ಒಂದೊಂದೇ ಶುದ್ಧಿಗಳ ಸೊಸೆಯ ಹತ್ತರೆ ಕೇಳಿಗೊಂಡೂ ಇತ್ತವು.ಅಷ್ಟಪ್ಪಗ ನಾವು ಎತ್ತಿತ್ತಿದಾ ಅಲ್ಲಿಗೆ,ಸೊಸೆಯ ಕಾಸಾಣ ಮುಂದರ್ದತ್ತು,ಮಾಷ್ಟ್ರುಮಾವ ಹೆರ ಜೆಗಿಲಿಲಿ ಬಂದು ಕೂದವು.ಸೀದಾ ಎನ್ನ ಸಂಶಯ ಕೇಳ್ಲೇ ಸುರು ಮಾಡಿದೆ.

     ಒಂಭತ್ತನೇ ಶತಮಾನಲ್ಲಿ ಸುರೂವಿಂಗೆ ಚೀನಾದೇಶದವು ಪಟಾಕಿಯ ಕಂಡು ಹಿಡುದರೆ,ಹದಿನೈದನೇ ಶತಮಾನಲ್ಲಿ ಪಟಾಕಿ ಭಾರತಲ್ಲಿ ಬಪ್ಪಲೆ ಸುರು ಆತು.ಎಂತಕೆ ದೀಪಾವಳಿ ಹಬ್ಬಕ್ಕೆ ಮಾತ್ರ ಪಟಾಕಿಯ ಹೊಟ್ಟುಸೆಕ್ಕು?ದೀಪಾವಳಿ ಹೇಳುದು ಹಬ್ಬದ ಆಚರಣೆಲಿ ಒಂದು ಆದ್ದದು ಹೇಂಗೆ?ಈ ಹಬ್ಬವ ಎಂತಕೆ ಆಚರಣೆ ಮಾಡೆಕ್ಕು?ಹೇಳಿ ಪ್ರಶ್ನೆಯ ಮಾಷ್ಟ್ರುಮಾವನ ಹತ್ತರೆ ಕೇಳಿದೆ.ಶಾಲೇಲಿ ಮಾಡ್ತ  ಪಾಠದ ಶೈಲಿಲಿಯೇ ಅವು ವಿವರಣೆ ಕೊಡ್ಲೆ ಸುರು ಮಾಡಿದವು.ಎಡಕ್ಕೆಡಕ್ಕಿಲಿ ಅವರ ಸೊಸೆ ಕಾಸುವಲ್ಲಿಂದ ಕೆಮಿ ಹೆರಾಂಗೆ ಹಾಯಿಕೊಂಡಿತ್ತವು..ಪಾಕ ಅಪ್ಪನ್ನಾರ ನವಗೂ ಹೊತ್ತು ಹೋಯೇಕ್ಕನ್ನೇ.ಇರಳಿ.. ವಿಷಯಕ್ಕೆ ಹೋಪ.

    ದೀಪಾವಳಿ ಹಬ್ಬ ಮಾಡುದಕ್ಕೆ ಒಂದು ಶಾಸ್ತ್ರೀಯ ಪ್ರಯೋಜನ ಇದ್ದು,ಧಾರ್ಮಿಕವಾದ ಅಂಶ ಇದ್ದು,ಆರೋಗ್ಯ ರಹಸ್ಯವೂ ಇದ್ದು.ಆಶ್ವಿಜ ಮಾಸಾಂತ್ಯಕ್ಕೆ ಮಳೆಗಾಲ ಮುಗಿತ್ತು.ಶರದೃತುವಿಲಿ ಬಪ್ಪಂತಹ ದೀಪಾವಳಿ ಹಬ್ಬದ ಸಮಯಕ್ಕೆ ಭೂಮಿಂದ ಕೋಟಿ ಕೋಟಿ ಕ್ರಿಮಿಕೀಟಂಗ ಹುಟ್ಟಿ ಬತ್ತವು.ದೀಪಾವಳಿ ಹಬ್ಬದ ಸಮಯಲ್ಲಿ ಸಾಮಾನ್ಯವಾಗಿ ಗೆದ್ದೆ ಬೇಸಾಯದವಕ್ಕೆ ಕೊಯ್ಲಿನ ಸಮಯವೂ ಆಗಿರ್ತು.  ಈ ಕ್ರಿಮಿಗಳಿಂದಾಗಿ ಮನುಷ್ಯರಿಂಗೂ,ಪಶು ಸಂಪತ್ತಿಂಗೂ,ಆಹಾರ ಬೆಳೆಗಕ್ಕೂ ವಿಪರೀತ ಹಾನಿಯಾವ್ತು.ಈ ಸಮಸ್ಯೆಯ ನಿವಾರಣಾರ್ಥವಾಗಿ ನಮ್ಮ ಹೆರಿಯವು ದೀಪಾವಳಿ ಹಬ್ಬವ ಆಚರಣೆ ಮಾಡ್ಲೆ ಸುರು ಮಾಡಿದವು.ನಿಧಾನಕ್ಕೆ  ಪಟಾಕಿಗ ಸೃಷ್ಟಿ ಆಗಿ ದೀಪಾವಳಿ ಹಬ್ಬಲ್ಲಿ ಭಾಗವಹಿಸುಲೆ ಸುರು ಆತು.ಆ ಕಾಲಲ್ಲಿ ದನದ ತುಪ್ಪ,ಔಡಲ(ಹರಳು)ಎಣ್ಣೆ,ಎಳ್ಳೆಣ್ಣೆ,ಹಾಂಗೆ ಮುಂದರುದು ತೆಂಗಿನ ಎಣ್ಣೆಲಿಯೂ ಹೊತ್ತುಸುಲೆ ಸುರು ಆತು,ಆದರೆ ದೀಪಾವಳಿಗೆ ಹರಳೆಣ್ಣೆಯೇ ಪ್ರಶಸ್ತ ಅಡ!!ಚಿತ್ರವಿಚಿತ್ರವಾದ ಹುಳುಗ,ಕ್ರಿಮಿಕೀಟಂಗ ಇದರ ಬೆಣಚ್ಚಿಂಗೆ ಬಿದ್ದು ಸಾಯ್ತವು,ಹಾಂಗೆ ಈ ಎಣ್ಣೆ ಹೊತ್ತುಸಿಯಪ್ಪಗ ಬಪ್ಪ ಪರಿಮ್ಮಳಕ್ಕೆ ಸಾಮಾನ್ಯ ಕ್ರಿಮಿಗ ದೂರ ಆವ್ತು. ಹರಳೆಣ್ಣೆಯ ದೀಪಲ್ಲಿ  ಬಪ್ಪ ಹೊಗೆಂದ ನಮ್ಮ ಹತ್ತಾರು ರೋಗಂಗ ವಾಸಿ ಆವ್ತಡ!!ಮಳೆಗಾಲಲ್ಲಿ ನಾವು ಕುಡಿವ ಹೊಸ ನೀರಿಂದಾಗಿ ವಾಂತಿ~ಭೇದಿ,ಕಣ್ಣಿನರೋಗ,ಅಜೀರ್ಣ,ಶೀತ ಇತ್ಯಾದಿ ಅನೇಕ ರೋಗಂಗಕ್ಕೆ ದಿವ್ಯೌಷಧ ಆಗಿ ಕೆಲಸ ಮಾಡ್ತು.ಮೂರ್ಸಂದಿಯಾಣ ಹೊತ್ತಿಲಿ ನುಸಿಗಳ ಉಪದ್ರಕ್ಕೆ ಹೊತ್ಸಿ ಮಡಿಗಿರೆ ಕಮ್ಮಿ ಅಪ್ಪದು ನವಗೆ ಪ್ರತ್ಯಕ್ಷ ಅನುಭವ ಇದ್ದು.ಇನ್ನು ಬೇರೆಂತಾರು ಪ್ರಯೋಜನ ಇದ್ದರೆ ನಮ್ಮ ಸುವರ್ಣಿನಿಯಕ್ಕನೋ,ಡಾಕುಟ್ರಕ್ಕನೋ ಹೇಳೆಕ್ಕಷ್ಟೇ.ನವಗರಡಿಯ.

            ನಾವು ಹೊಟ್ಟುಸುವ ಪಟಾಕಿಲಿ “ಗಂಧಕ”ದ ಹೊಗಗೆ ಕ್ರಿಮಿಗ ನಾಶ ಆವ್ತು.ಸಣ್ಣ ಕ್ರಿಮಿಗ ಎಲ್ಲಾ ಪಟಾಕಿಯ “ಢಂಢಂ” ಶಬ್ದಕ್ಕೇ ಸತ್ತು ಹೋವ್ತವು. ಆಶ್ವೀಜ ಅಮಾಸೆಂದ ಸುರುಮಾಡಿ ಕಾರ್ತಿಕಮಾಸದ ಅಕ್ಹೇರಿ ವರೆಗೂ ಈ ತೈಲದ ದೀಪಂಗಳ ಶಕ್ತ್ಯಾನುಸಾರ ಮನೆ ಮುಂದೆ ಬೆಳಗುತ್ತವು.ದೀಪಾವಳಿಯ ಉತ್ತರಭಾರತಲ್ಲಿ ಸೇಟುಗ ಭಾರೀ ಗೌಜಿಲಿ ಮಾಡ್ತವಡ!ಚಿನ್ನದ ವ್ಯಾಪಾರ ಮಾಡ್ತವು ಅವರ ಚಿನ್ನಕ್ಕೆ ಲಕ್ಷ್ಮೀ ಪೂಜೆಯ ಮಾಡ್ತವು.ನಮ್ಮ ಊರಿಲಿ ಈಗೀಗ ಎಲ್ಲಾ ಅಂಗಡಿಗಳಲ್ಲಿಯೂ ಲಕ್ಷ್ಮೀಪೂಜೆ ಮಾಡಿ ದೀಪಾವಳಿಯ ಆಚರಣೆ ಮಾಡ್ತವು.ಹೆಚ್ಚಿನ ವ್ಯಾಪಾರಿಗ ಅವರ ವಾರ್ಷಿಕ  ಲಾಭ-ನಷ್ಟವ ಈ ಸಮಯಲ್ಲಿಯೇ ಲೆಕ್ಕ ಹಾಕುತ್ತವಡ.ಮತ್ತೆ ಕೆಲವು ಜೆನಂಗ ಇದೇ ಸಮಯಲ್ಲಿ ಚಿನ್ನ ತೆಗದರೆ ಒಳ್ಳೆದು ಹೇಳ್ತವು.ಒಟ್ಟಿಲಿ ಮಂಗಳಮಯ ವಾತಾವರಣ ದೀಪಾವಳಿಲಿ ಕಾಂಬದು ಸತ್ಯ.ಇಷ್ಟೆಲ್ಲಾ ವಿವರಣೆ ಮಾಷ್ಟ್ರುಮಾವ  ಕೊಟ್ಟುಗೊಂಡಿದ್ದ ಹಾಂಗೆ ಅವರ ಸೊಸೆ ಮೈಸೂರುಪಾಕು ತಯಾರು ಮಾಡ್ತಾ ಇದ್ದದು ಮರತ್ತೇ ಹೋಗಿತ್ತು. ಅಷ್ಟೆಲ್ಲಾ ಅಪ್ಪಗ ಚೂರಿಬೈಲಿಂದ ದೀಪಕ್ಕ ದೊಡಾ ಬೇಗು ತೆಕ್ಕೊಂಡು ಬಪ್ಪದು ಕಂಡತ್ತು.ದೀಪಾವಳಿಯ ಆಚರಣೆ ಅಲ್ಲಿಂದಲೇ ಸುರುಆತು ನವಗೆ.ಮತ್ತೆ ಎಲ್ಲೋರು ಸೇರಿ ಮೈಸೂರು ಪಾಕು ತಿಂದೆಯ!ಮಾಷ್ಟ್ರು ಮಾವನ ಸೊಸೆಯ ಹಬ್ಬಕ್ಕೆ  ಅಪ್ಪನ ಮನಗೆ ಹೋಪಲೆ ಕಲ್ಮಡ್ಕ ಬಸ್ಸಿಂಗೆ ಕಳ್ಸಿಕ್ಕಿ  ಬಂದೆ.

                                    “ಬೈಲಿನ ಎಲ್ಲೋರಿಂಗೂ ದೀಪಾವಳಿಯ ಶುಭಾಶಯಂಗ “