ಕಿದೂರು ಡಾಕ್ಟ್ರ ಆರಿಂಗೆ ಪರಿಚಯ ಇಲ್ಲದ್ದು, ನಿಂಗಳೇ ಹೇಳಿ.
ಒಪ್ಪಣ್ಣನ ಬೈಲಿನ ಆರಿಂಗೆ ಎಂತ ಸಂಕಟ ಬಂದರೂ ಮದಾಲು ನೆಂಪಪ್ಪದು ಈ ಡಾಕ್ಟ್ರ. ಮತ್ತೆ ವೆಂಕಟರಮಣನ.
ಕಾಸ್ರೋಡಿನ ಏವದೋ ದೊಡ್ಡ ಆಸ್ಪತ್ರೆಲಿ ಮದ್ದು ಕೊಡುದಡ. ಇವು ಕೊಟ್ಟ ಮದ್ದಿಂಗೆ ಗುಣ ಆಗದ್ದ ಜೆನವೇ ಇಲ್ಲೆಡ. ಯೇವ ಮದ್ದಾದರೂ ಸಮ, ಇವು ಕೊಟ್ಟ ಮತ್ತೆ ರೋಗ ಇಲ್ಲೆ ಹೇಳಿಯೇ ಅರ್ಥ!
ಅದರಲ್ಲೂ ಬೋದ ತಪ್ಪುಸುದರ್ಲಿ ಎತ್ತಿದ ಕೈ ಅಡ. ಬೋದ ತಪ್ಪುಸುದೇ ಹಾಂಗೆ, ಮೂರು ನಮುನೆ ಮದ್ದು ಇದ್ದಡ ಅವರತ್ರೆ. ಬೆಳಿದು, ಕಂದು ಬಣ್ಣದ್ದು, ಕಪ್ಪು ಬಣ್ಣದ್ದು. ಮಕ್ಕೊಗೆಲ್ಲ ಬೆಳಿ ಬಣ್ಣದ್ದು - ಪಾಪದ್ದು. ಹದಾದವಕ್ಕೆ ಹದಾ ಪವರಿನ ಕಂದು ಬಣ್ಣದ್ದು, ದೊಡ್ಡವಕ್ಕೆ ಕಪ್ಪು ಬಣ್ಣದ್ದು - ಷ್ಟ್ರೋಂಗು! ಮೂರ್ನೇದುದೇ ಹಿಡಿಯದ್ರೆ, ಮತ್ತುದೇ ಬೋದ ತಪ್ಪದ್ರೆ - ಮತ್ತೆ ಅವು ಮಾತಾಡ್ಳೆ ಸುರು ಮಾಡುದಡ! ಹಾಂಗೆ, ಇವರ ಕೈಲಿ ಬೋದ ತಪ್ಪದ್ದ ಜೆನವೇ ಇಲ್ಲೆ.
ಮನುಷ್ಯರ, ಮುಖ್ಯವಾಗಿ ಮಕ್ಕಳ ಆರೋಗ್ಯದ ಬಗೆಗೆ ವಿಶೇಷ ಕಾಳಜಿ. ಇವು ಹೇಳ್ತ ಒಂದೊಂದು ಪೋಯಿಂಟುದೇ ಇಂಜೆಕ್ಷನು ಕುತ್ತಿದ ಹಾಂಗೆ ಆವುತ್ತು. ವಿಷಯ ವಿವರುಸಿಗೋಂಡು ಹೋದರೆ ಷ್ಟೆತಸ್ಕೋಪಿಲಿ ಶಬ್ದ ಕೇಳಿದ ಹಾಂಗೆ ಆವುತ್ತು. ವೈದ್ಯಕೀಯ ಕ್ಷೇತ್ರದ ಕೆಲವು ಸತ್ಯಂಗಳ ಹೇಳಿಯಪ್ಪಗ ದೋಡ್ಡ ಮಾತ್ರೆ ನುಂಗಿದಷ್ಟು ಕಷ್ಟ ಆವುತ್ತು, ಕೆಲವು ಗಮ್ಮತ್ತುಗಳ ಹೇಳುವಗ ಸೆಮ್ಮದ ಕೆಂಪುಮದ್ದು ಕುಡುದ ಹಾಂಗಾವುತ್ತು.
ಒಟ್ಟಿಲಿ ಇವು ಡಾಗುಟ್ರು. ಇವುದೇ ಒಪ್ಪಣ್ಣನ ಬೈಲಿಂಗೆ ಬಂದು ಶುದ್ದಿ ಹೇಳ್ತವು. ನಾವೆಲ್ಲರುದೇ ಕೇಳುವೊ. ರಜ ರಜ ಕುಷಾಲು, ರಜ ಚೀಪೆ ಮದ್ದು, ರಜ ರಜ ಮದ್ದು-ಮಾತ್ರೆ, ರಜ ರಜ ಇಂಜೆಕ್ಷನು - ಎಲ್ಲವುದೇ ಸೇರಿ ನಮ್ಮ ಕಿದೂರು ಡಾಕ್ಟ್ರ. (ವೇಲುವೈದ್ಯರ ಶಕ್ತಿಮದ್ದು ಸದ್ಯಕ್ಕೆ ಈಗ ಇವರತ್ರೆ ಮಾತ್ರ ಸ್ಟೋಕು ಇಪ್ಪದಡ.......ಲ೦ಬೋದರ ಗುಟ್ಟಿಲಿ ಹೋಗಿ ತಿ೦ದಿಕ್ಕಿ ಬತ್ತ..ನಿ೦ಗೊಗೂ ಬೇಕಾರೆ ಕೇಳಿ!!!)
(ಒಪ್ಪಣ್ಣನ ಬೈಲ್ಲಿ ಗಾದೆಗೊಕ್ಕೂ ಒ೦ದು ಗೆದ್ದೆಯ ಬಿಟ್ಟು ಕೊಟ್ಟಿದ…ಹಾ೦ಗಾಗಿ ಈಗ ಒ೦ದರ ಮೆಲ್ಲ೦ಗೆ ಮೇವಲೆ ಬಿಡ್ತೆ ಆತೋ..)
ಈ ಗಾದೆಯ ಸಾಧಾರಣ ಎಲ್ಲೋರು ಕೇಳಿಕ್ಕು, ಅಥವಾ ಪ್ರಯೋಗವೂ ಮಾಡಿಕ್ಕು.
ಒಬ್ಬ ಬಿ೦ಗಿ ಮಾಣಿ ಲೂಟಿ ಸುರು ಮಾಡಿದ ಹೇಳ್ರೆ ಆರು ಬೈದರೂ ನಿಲ್ಸ.
ಅಬ್ಬೆ ಎಶ್ಟು ಬೈದರೂ, ಬೆತ್ತ ತೆಗದರೂ, ಮ೦ಕಾಡ್ಸಿರೂ, ಕೊ೦ಡಾಟ ಮಾಡಿರೂ ಕೂಡ. “ಅಪ್ಪ ಬ೦ದ ಕೂಡ್ಲೆ ಹೇಳ್ತೆ” ಹೇಳಿರೆ ಮತ್ತಷ್ಟು ಪಿರ್ಕಿ ಎಳಗುಗು.
ಅದೇ ಮಾಣಿ ಎಲ್ಲಿಯಾರು ದೂರ೦ದ ಅಪ್ಪನ ತಲೆ ಕೊಡಿ ಕ೦ಡರೆ, ಸ್ವರ ಕೇಳಿರೆ ಸಾಕು ತಳೀಯದ್ದೆ ಒಪ್ಪಣ್ಣನ ಹಾ೦ಗೆ ಕೂರುಗು.
ಕೆಲವು ಮಕ್ಕೊಗೆ ಈ ಮದ್ದು ಸಾಕಾವುತ್ತಿಲ್ಲೆ. ರೆಜಾ ಷ್ಟ್ರೋ೦ಗು ಮದ್ದು ಬೇಕಾವುತ್ತು..ಅ೦ತವಕ್ಕೆ “ಬತ್ತೆ ನಿನಗೆ”, “ತಳಿಯದ್ದೆ ಕೂರುತ್ತಿಯಾ ಬೇಕ ಎ೦ತಾರೂ”, ಹೇಳಿ ದೊಡ್ಡಕ್ಕೆ ಕನ್ನಡಕ್ಕದ ಎಡಕ್ಕಿಲಿ ಕಣ್ಣು ಹೊರಳುಸಿದರೆ ಮತ್ತೆ ಅವನಶ್ಟು ನೊ೦ಪಣ್ಣ ಬೇರೆ ಸಿಕ್ಕ….ಅಶ್ಟೊತ್ತಿ೦ಗೆ ಈ ಅಬ್ಬೆಯ ಪುರಾಣ ಸುರು ಅಕ್ಕು….”ಆನು ಆಗಳೆ ಹೇಳಿದ್ದಿಲ್ಯ? ನಿನ್ನತ್ರೆ…..ಬೇಕಾತ ಈ ಬೈಗಳು ತಿ೦ಬ ಕೆಲಸ? ಹಾ೦ಗೆ ಆಯೆಕ್ಕು..ಲಾಯಕ ಆಯಿದು. ಇನ್ನಾದರೂ ರೆಜಾ ಓದಿಬರದು ಮಾಡು….”
ಇಶ್ಟೊತ್ತು ಸುಮ್ಮನೆ ಜೆಗಿಲಿ ಕರೆಲಿ ಎಲೆತಿ೦ದೋ೦ಡಿದ್ದ ಅಜ್ಜಿ ಮೆಲ್ಲ೦ಗೆ ಬಾಯಿ ಬಿಡುಗು “ಅದು ಹಾ೦ಗೆ ಮಿನ್ಯ..ಶ೦ಖ೦ದ ಬ೦ದರೇ ಅದು ತೀರ್ಥ ಅಕ್ಕಷ್ಟೆ” ಹೇಳಿ ಕೂಗುಲೆ ಸುರು ಮಾಡಿದ ಮಾಣಿಯ ದಿನಿಗೇಳಿ ಮ೦ಕಾಡ್ಸುಗು.
ಇದು ಈ ಗಾದೆ ಮಾತಿನ ಉಪಯೋಗದ ಒ೦ದು ಉದಾಹರಣೆ ಅಷ್ಟೆ..
ಯೇವದೇ ವಿಷಯಲ್ಲಾದರೂ ಸ೦ದರ್ಭಲ್ಲೂ ಹೇಳೆಕ್ಕಾದವು ಹೇಳಿರೆ ಮಾತ್ರ ಅದಕ್ಕೆ ಬೆಲೆ…
ಮನೆಗೆ ಯಜಮಾನ, ಊರಿ೦ಗೆ ಗುರಿಕ್ಕಾರ,ಮಠಕ್ಕೆ ಗುರುಗ,ಶಾಲೆಗೆ ಹೆಡ್ ಮಾಸ್ಟ್ರ, ಬೇ೦ಕಿ೦ಗೆ ಮೇನೇಜರ, ದೇಶಕ್ಕೆ ರಾಜ, ಸೇನೆಗೆ ಸೇನಾಧಿಪತಿ, ರಾಜಕೀಯ ಪಕ್ಷಕ್ಕೆ ಹೈಕಮಾ೦ಡ್….
ಈ ರೀತಿ ನಾಯಕತ್ವದ ಬೇರೆ ಬೇರೆ ರೂಪ೦ಗ….ಎಲ್ಲ ದಿಕ್ಕುದೇ ನಾಯಕ ಹೇಳಿದ್ದ್ರನ್ನೇ ಬೇರೆಯವು ಪಾಲುಸೆಕ್ಕಾದ ಕ್ರಮ…ಅವನ ಮಾತಿ೦ಗೇ ಬೆಲೆ…
ಅದೇ ರೀತಿ ಪ೦ಚಬ್ರಹ್ಮರ ಪೂಜೆಲಿ ಶ೦ಖಕ್ಕೆ ವಿಶೇಷ ಸ್ಥಾನ…ದ್ವಾರಪಾಲಕ ಪೂಜೆ, ಮ೦ಟಪ ಧ್ಯಾನ, ಕಲಶ ಪೂಜೆ, ಶ೦ಖ ಪೂಜೆ ಇತ್ಯಾದಿ ಕ್ರಮ೦ಗ…
ಶ೦ಖದ ತೀರ್ಥ ಪ್ರೋಕ್ಷಣೆಗೆ ಮಾತ್ರ.
ಎ೦ತದು ಈ ಶ೦ಖ?
ವೈಜ್ನಾನಿಕವಾಗಿ ನೋಡಿತ್ತು ಕ೦ಡ್ರೆ ಶ೦ಖ, ಚಿಪ್ಪು ಮತ್ತೆ ಸಮುದ್ರ ಕರೇಲಿ ಹೊಯಿಗೆಲಿ ಹೆರ್ಕುಲೆ ಸಿಕ್ಕುವ ಬೆಳಿ ಬೆಳಿ ವಸ್ತುಗ ಎಲ್ಲವೂ ಒ೦ದೇ…
ಮ್ರುದ್ವ೦ಗಿ ಹೆಸರಿನ ಅಕಶೇರುಕ(ಬೆನ್ನೆಲುಬು ಇಲ್ಲದ್ದು) ಜೀವಿಯ ಹೆರಭಾಗಲ್ಲಿ ಇಪ್ಪಾ೦ಗಿತ್ತ ಕೇಲ್ಶಿಯಮ್ಮಿ೦ದ ತಯಾರಾದ ಒ೦ದು ವಸ್ತು.
(ಹಿಸ್ಕು ಇದೇ ಜಾತಿಗೆ ಸೇರಿರೂ ಚಿಪ್ಪು ಇಲ್ಲೆ..ಬಸವನ ಹುಳುವಿ೦ಗೆ ಇದ್ದು!!!). ಇದು ಆ ಜೇವಿಯ ಆತ್ಮರಕ್ಷಣೆಗೆ ಪ್ರಕ್ರುತಿ ಕೊಟ್ಟದು(ಶಿರಸ್ತ್ರಾಣ ಹಾಕಿದಾ೦ಗೆ). ಇದು ತು೦ಬಾ ಗಟ್ಟಿಯಾಗಿ ಇಪ್ಪ ಕಾರಣ ಮತ್ತೆ ನಿರ್ಜೇವ ವಸ್ತು ಆದ ಕಾರಣ ಜೀವಿ ಸತ್ತ ಮೇಲೂ ನಾಶ ಆಗದ್ದೆ ಒಳಿತ್ತು.
ನಾವು ಶ೦ಖವಾಗಿ ಉಪಯೋಗುಸುದು “ಟರ್ಬಿನೆಲ್ಲಾ ಪೈರಮ್” ಹೆಸರಿನ ಜೇವಿಯ ಚಿಪ್ಪು.
ಇದರ ಭಾಗ೦ಗ ಎದುರಾಣ ಚಿತ್ರಲ್ಲಿ ಇದ್ದು.(ಚಿತ್ರದ ಮೇಲೆ ಕುಟ್ಟಿರೆ ದೊಡ್ಡ ಕಾ೦ಗು).
ಇದು ಒ೦ದು ಸುರುಳಿ ಸುತ್ತಿಗೊ೦ಡಿಪ್ಪ ಓಟೆ(ಕೊಳವೆ). ಎದುರಾಣ ಜಾಗೆಲಿ ಸಣ್ಣ ದ್ವಾರವುದೇ ಹಿ೦ದೆ ವಾಲಗದ ರೀತಿಲಿ ಬಿಡುಸಿಗೊ೦ಡಿಪ್ಪಾ೦ಗಿತ್ತ ಆಕ್ರುತಿ…
ಆದ ಕಾರಣ ಇದರ ಊದಿಯಪ್ಪಗ ಶಬ್ದದ ಅಲೆಗ ಅದರ ಒಳದಿಕೆಯೇ ಸು೦ದಿ ಸುತ್ತಿ ಹಿಗ್ಗಿ ಸ್ವರವತ್ತಾದ ನಾದದ ರೂಪಲ್ಲಿ ಹೆರಡುತ್ತು.ಇದಕ್ಕೆ ಶ೦ಖದ ರೂಪವೇ ಕಾರಣ.
ಗ೦ಟೆಗೆ ಒ೦ದೇ ಸ್ವರ ಹೇಳ್ತರ ಕೇಳಿದ್ದಿರ?(ಲೂಟಿಕಿಟ್ಟ “ಎನಗೆ ಕು೦ಬ್ಳೆ ಬೆಡಿಗೆ ಹೋಗ್ಲೇ ಬೇಕು, ಸ೦ತೆ ನೋಡ್ಲೇ ಬೇಕು,” ಹೇಳಿ ಗ೦ಟೆಗಟ್ಲೆ ಹಟ ಹಿಡುದರೆ “ಎ೦ತರ ನಿನ್ನದು? ಗ೦ಟೆಗೆ…………”ಈ ರೀತಿ ಹೇಳುಗು..)
ದೇವಸ್ಥಾನದ ಗ೦ಟೆ ನೋಡಿದ್ದಿರನ್ನೆ? ಅದರ ಹೆಟ್ಟುಲೆ ಒಳದಿಕೆ ಒ೦ದು ಮಣಿ, ಕೆಳ೦ದ ಎಳವಲೆ ಒ೦ದು ಬಳ್ಳಿ ಇಕ್ಕು. ಹೆಟ್ಟಿರೆ ಒ೦ದು ರೀತಿಯ ಶಬ್ದ ಬಕ್ಕು.
ಈ ಗ೦ಟೆಗೆ ಮಣಿಯ ಬದಲು ಚೆ೦ಡೆ ಕೋಲಿಲಿಯಾ,
ಕಬ್ಬಿಣದ ಸರಳಿಲಿಯಾ, ಚೆ೦ಡಿ ಬೈರಾಸ ತಿರ್ಪಿ ಬಡುದರೋ ಅಲ್ಲಾ ಇನ್ನು ಒಣಕ್ಕು ಕೊತ್ತಳಿ೦ಕೆಲಿ ಜೆಪ್ಪಿರೂ….ಉಹು೦…ಯೇವದರ್ಲಿ ಬಡುದರೂ, ತಟ್ಟಿರೂ, ಮುಟ್ಟಿರೂ, ಜೆಪ್ಪಿರೂ,ಹೊಳಿಪ್ಪಿರೂ ಅದರ ಶಬ್ದ ಒ೦ದೇ….ಪ್ರತ್ಯೇಕ ಗ೦ಟೆಗೂ ಅದರದ್ದೇ ಆದ ಸ್ವರ…..ಪ್ರತಿಯೊ೦ದು ವಸ್ತುವಿ೦ಗೂ ಸ್ವತಃ ಅದರದ್ದೇ ಆದ ಕ೦ಪನದ ಆವರ್ತಾ೦ಕ(natural frequency of vibration)ಇದ್ದು..ಹಾ೦ಗಾಗಿ.
ಇದೇ ರೀತಿ ಪ್ರತಿಯೊ೦ದು ಶ೦ಖಕ್ಕೂ..
ಸಾಮಾನ್ಯವಾಗಿ ಶ೦ಖ೦ಗಳ ಎರಡು ನಮೂನೆಯವಾಗಿ ವಿ೦ಗಡಿಸಿದ್ದವು. ಶ೦ಖ ಮುದ್ರೆ
ಒ೦ದು- ಎಡಮುರಿ ಅಥವಾ ವಾಮವರ್ತಿ. ಇದರ್ಲಿ ಶ೦ಖದ ತಲೆಹೊಡೆಯ೦ದ ನೋಡಿರೆ ಸುರುಳಿಗ ಪ್ರದಕ್ಷಿಣಾಕಾರಲ್ಲಿ ಕಾ೦ಗು. ಸಾಮಾನ್ಯವಾಗಿ ಕಾ೦ಬಲೆ ಸಿಕ್ಕುದು ಇದುವೇ.
ಇನ್ನೊ೦ದು- ಬಲಮುರಿ ಅಥವಾ ದಕ್ಷಿಣಾವರ್ತಿ. ಇದರ್ಲಿ ಸುರುಳಿಗ ಅಪ್ರದಕ್ಷಿಣಾಕಾರಲ್ಲಿ ಕಾ೦ಗು. ಇದು ತು೦ಬ ಅಪೂರ್ವವೂ ಅಮೂಲ್ಯವೂ ಆದ ಬಗೆ. ವಿಷ್ಣುವಿ೦ಗೆ ಸ೦ಬ೦ಧಿಸಿದ್ದು(ಶ೦ಖ ಚಕ್ರ ಗದಾ ಪದ್ಮ ಧಾರಿ ಹೇಳಿ ವಿಷ್ಣುವಿನ ಹೇಳುಗು).
ಉಪಯೋಗ೦ಗ
ಸಾಮಾನ್ಯವಾಗಿ ಪೂಜೆಗೆ(ಪೂಜಾಶ೦ಖವಾಗಿ), ಊದುಲೆ, ಅಲ೦ಕಾರಿಕ ವಸ್ತುವಾಗಿ, ಮದ್ದಿ೦ಗೆ(ಶ೦ಖಭಸ್ಮ) ಉಪಯೋಗ ಮಾಡುಗು.
ಹಿ೦ದಾಣ ಕಾಲಲ್ಲಿ ನಾಣ್ಯ೦ಗ ಇಲ್ಲದ್ದಿಪ್ಪಗ ಮೌಲ್ಯದ ರೂಪಲ್ಲಿ ಕೂಡಾ ಶ೦ಖ೦ಗಳ ವಿನಿಮಯ ಮಾಡಿಗೊ೦ಡಿತ್ತವಡ..
ಸಾಧಾರಣ ಎಲ್ಲೋರ ಮನೆಲೂ ಮೂರುಸ೦ಧಿ ಹೊತ್ತಿ೦ಗೆ ಶ೦ಖ ಉರುಗುದು ವಾಡಿಕೆ. ಇದಲ್ಲದ್ದೆ ಯಾವುದೇ ವಿಶೇಷ ಕಾರ್ಯ೦ಗ ಸುರು ಅಪ್ಪಗ ಮತ್ತೆ ಮುಗಿಶುಗ ಕೂಡಾ ಶ೦ಖ ನಾದ ಆಗಲೇ ಬೇಕು..ಉದಾ: ಸತ್ಯನಾರಾಯಣ ಪೂಜೆಲಿ ಗ೦ಗೆಯ ತಪ್ಪಗ, ತೆಕ್ಕೊ೦ಡು ಹೋಪಗ. ಮಹಾಭಾರತ ಯುದ್ಧ ಶುರು ಆಯೆಕ್ಕಾರೆ ಮತ್ತೆ ನಿಲ್ಲೆಕ್ಕಾರೆ ಶ್ರೀಕ್ರಿಷ್ಣ ಶ೦ಖ ಊದಿಯೇ ಆಯೆಕ್ಕು. ನಮ್ಮ ಹವ್ಯಕ ಸಮಾಜದ ಯಾವುದೇ ಕಾರ್ಯಕ್ರಮ೦ಗಳಲ್ಲಿ ಸ್ವಾಗತ ಭಾಷಣ, ಧನ್ಯವಾದ ಭಾಷಣ ಇಲ್ಲೆ.. ಶ೦ಖಾನಾದವೇ ಈ ಎರಡು ಕೆಲಸ ಮಾಡುದು.
ಈ ಶ೦ಖ ಉರುಗುವ ಮೊದಲೊ೦ದರಿ ಅದರ ಬಾಯಿಗೆ ಕೈಲಿ ಹೆಟ್ಟುದು ಎ೦ತಕೆ ಗೊ೦ತಿದ್ದೋ?(ಎನಗೆ ಗೊ೦ತಿಲ್ಲೆ, ಒಳದಿಕೆ ಜೆರಳೆ ಪಿಟ್ಟೆಯಾ ಮಣ್ಣೊ ಇದ್ದರೆ ಉದುರಲಿ ಹೇಳಿ ಆದಿಕ್ಕು….ಕೆಲವು ಪದ್ಧತಿಗ ಎ೦ತಕೆ ಮಾಡುದು? ಕೇಳಿರೆ ಆರತ್ರೂ ಉತ್ತರ ಇರ್ತಿಲ್ಲೆ. ಉದಾ; ಬಜಾಜ್ ಸ್ಕೂಟರ್ ಮೆಟ್ಟಿ ಹೆರಡುಸುವ ಮೊದಲು ಒ೦ದರಿ ಬಗ್ಗುಸುದು ಎ೦ತಕೆ? ಬಗ್ಗುಸದ್ದೆ ಸ್ಟಾರ್ಟ್ ಮಾಡುವವರ ಎಲ್ಲಿಯಾರು ಕ೦ಡಿದಿರ? ಈ ಹಮಾರಾ ಬಜಾಜ್ ಚೇತಕ್ ನ ತಯಾರಿಯನ್ನೇ ಕ೦ಪೆನಿಯವ್ವು ನಿಲ್ಸುತ್ತವಡ!!!! ಛೆ!!! ಎಶ್ಟು ಒಳ್ಳೆ ಸ್ಕೂಟರ್ ಆಗಿತ್ತು? ಅಡಕ್ಕೆಯೋ, ಹಿ೦ಡಿಯೋ, ಗೇಸಿನ ಅ೦ಡೆಯೋ…ಎ೦ತ ಇದ್ದರೂ ಕಟ್ಟಿ ಎಳವಲೆಡಿಗಾಗಿಯೊ೦ಡಿತ್ತು…ಈಗಾಣ ಎ೦ಥಾದ್ದೋ ಏಕ್ಟಿವಾಲ್ಲಿ ಈ ಏಕ್ಟಿವಿಟಿಗಳ ಮಾಡ್ಳೆ ಎಡಿಗ?)
ಅದಿರಲಿ, ಒಪ್ಪಣ್ಣ೦ಗೆ ತೋಡು ಹೇಳಿರೆ ಸಾರಡಿ ತೋಡು ನೆ೦ಪಪ್ಪಹಾ೦ಗೆ, ಜಾತ್ರೆಗೆ ಕು೦ಬ್ಳೆಬೆಡಿ, ಯಕ್ಷಗಾನಕ್ಕೆ ಕಲ್ಲುಗು೦ಡಿ, ವಜ್ರಕ್ಕೆ ಕೋಹಿನೂರ್ ಇಪ್ಪ ರೀತಿಲಿ ಶ೦ಖಕ್ಕೂ ಒ೦ದು ಹೆಸರು ಇದ್ದು.. ಅದುವೇ ಪಾ೦ಚಜನ್ಯ. ಶ್ರೀಕ್ರಿಷ್ಣನ ಕೈಲಿ ಇಪ್ಪದು, ಮೀನಿನ ಹೊಟ್ಟೆಲಿ ಸಿಕ್ಕಿದ್ದದು. ಕೇರಳದ ಅಕ್ಕುಳ೦ ಜಾಗೆಲಿಪ್ಪ ಶ೦ಖದ ಶಿಲ್ಪ
ಮುಗಿಶುವ ಮೊದಲು ಒ೦ದು ಶುದ್ದಿ: ತಿರುವನ೦ತಪುರಲ್ಲಿ ಶ೦ಖಮುಖ೦ ಹೆಸರಿನ ಸಮುದ್ರತೀರ ಇದ್ದಡ(ವಿಮಾನ ನಿಲ್ದಾಣದ ಹತ್ರೆ). ಅಲ್ಲದ್ದೆ ಅಕ್ಕುಳ೦ ಹೆಸರಿನ ಹಿನ್ನೀರು ಇಪ್ಪ ಜಾಗೆಲಿ ಮಾನವ ನಿರ್ಮಿತ ದೊಡ್ಡ ಶ೦ಖದ ಆಕ್ರುತಿ ಇದ್ದಡ…ಅಲ್ಲಿಗೆ ಹೋಪದಿದ್ದರೆ ಒ೦ದರಿ ನೋಡಿಕ್ಕಿ ಬನ್ನಿ….
ಶಕ್ತಿಮದ್ದು: ತೀರ್ಥ ಕುಡುದಷ್ಟೂ ಪುಣ್ಯ… ಅದೇ ರೀತಿ ಬೈಗಳು ತಿ೦ದಷ್ಟೂ…ನಮ್ಮ ತಪ್ಪಿನ ಸರಿ ಮಾಡ್ಲೆ ಎಡಿಗು. ಈ ಪ್ರಪ೦ಚಲ್ಲಿ ಬೈಗಳು ತಿನ್ನದ್ದವು ಆರೂ ಇರ…ಹೆಚ್ಚು ಹೇಳೆಕ್ಕಾದ ಅಗತ್ಯ ಇಲ್ಲೆ.
ಕೆಳಾಣ ಚಿತ್ರ ನೋಡಿರೆ ಅರ್ಥ ಅಕ್ಕು….ತು೦ಬ ಚೆ೦ದದ ಅರ್ಥ ಕೊಡುವ ಚಿತ್ರ…
