ಇಂದು ಯುಗಾದಿ – ಪಂಚಾಂಗ ಸುರುವಪ್ಪ ದಿನ

ಇಂದು ಚಾಂದ್ರಮಾನ ಸಂವತ್ಸರದ ಆರಂಭ. ಯುಗಾದಿ ಹೇಳಿ ಪ್ರಸಿದ್ಧವಾದ ದಿನ.

ಕಲಿಯುಗಲ್ಲಿ 5114 ವರ್ಷ ಕಳುದು 5115ನೇ ವರ್ಷ ಸುರುವಾತು.

ಶಾಲಿವಾಹನ ಶಕಲ್ಲಿ  – 1935 ವರ್ಷ ಕಳಾತು. 1936 ನೇದು ಈಗ.

`ವಿಜಯ’ ಸಂವತ್ಸರ ಹೇಳಿ ಈ ಸಂವತ್ಸರದ ಹೆಸರು.

ಈ ವರ್ಷಲ್ಲಿ ಚೈತ್ರಮಾಸ ಸುರುವಾತು. ಶುಕ್ಲಪಕ್ಷದ ಪ್ರತಿಪತ್ (ಪಾಡ್ಯ) ತಿಥಿ ಇಂದು. ವಸಂತ ಋತುವಿನ ಆರಂಭ.

ಹೊಸ ವೈಜಯಂತೀ ಪಂಚಾಂಗ ಇಂದಿಂದ ಲಾಗೂ ಅಪ್ಪದು. ವೈಜಯಂತೀ ಪಂಚಾಂಗಕ್ಕೆ ೯೭ ವರ್ಷ ಆತಡ.

ಹೊಸವರ್ಷದ ಆಚರಣೆ ಹೇಂಗೆ ಹೇಳಿ ಹೇಳಿದ್ದವು ಪಂಚಾಂಗಲ್ಲಿ.

ಮನೆಯ ಅಲಂಕರಿಸೆಕು, ಹೊಸವಸ್ತ್ರವ ಧರಿಸೆಕು. ವಾದ್ಯ-ಸಂಗೀತಂಗಳ ಕೇಳೆಕು, ಸಂತೋಷಲ್ಲಿ ಇರೆಕು… ಹೇಳಿ.

ಹಾಂಗೆಯೇ ಆರೋಗ್ಯಕ್ಕಾಗಿ  –

ಪಾರಿಭದ್ರಸ್ಯ ಪತ್ರಾಣಿ ಕೋಮಲಾನಿ ವಿಶೇಷತಃ

ಸುಪುಷ್ಪಾಣಿ ಸಮಾನೀಯ ಚೂರ್ಣಂ ಕೃತ್ವಾ ವಿಧಾನತಃ।

ಮರೀಚಿಹಿಂಗುಲವಣಜೀರಕೇಣ ಚ ಸಂಯುತಂ

ಅಜಮೋದಾಯುತಂ ಕೃತ್ವಾ ಭಕ್ಷಯೇತ್ ರೋಗಶಾಂತಯೇ॥

“ಕಹಿಬೇವಿನ ಚಿಗುರು ಎಲೆಗಳ ಹೂವಿನ ಸಹಿತ ತಂದು ಕ್ರಮಲ್ಲಿ ಹೊಡಿ ಮಾಡಿ ಗೆಣಮೆಣಸು, ಇಂಗು, ಉಪ್ಪು, ಜೀರಕ್ಕಿ ಮತ್ತು ಅಜಮೋದ (ಓಮ) ವ ಸೇರುಸಿ ತಿನ್ನೆಕು – ಆರೋಗ್ಯಕ್ಕೆ ಬೇಕಾಗಿ ”

ಈ ದಿನ ಪಂಚಾಂಗ ಓದೆಕು ಹೇಳಿ ಕ್ರಮ ಅಡ. ಪಂಚಾಂಗ ಶ್ರವಣ ಮಾಡೆಕಡ.

ಇಂದು – ವಿಜಯಸಂವತ್ಸರದ ಉತ್ತರಾಯಣದ ವಸಂತಋತುವಿನ ಚೈತ್ರ ಮಾಸದ ಶುಕ್ಲಪಕ್ಷಲ್ಲಿ ಸುರುವಾಣ (ಪ್ರತಿಪತ್) ದಿನ.

ಇಂದ್ರಾಣ ಪಂಚಾಂಗ –

ತಿಥಿ – ಪ್ರತಿಪತ್

ವಾರ – ಗುರುವಾರ

ನಕ್ಷತ್ರ – ಅಶ್ವಿನೀ

ಯೋಗ – ವಿಷ್ಕಂಭ

ಕರಣ – ಬವ

ಈ ವರ್ಷದ ಮಂತ್ರಿಮಂಡಲ ಹೇಂಗಿಪ್ಪದು ಹೇಳಿಯೂ ಹೇಳ್ತವು. ಹೀಂಗಿದ್ದಡ –

ರಾಜ – ಗುರು

ಮಂತ್ರೀ – ಶನಿ

ಸೇನಾಧಿಪತಿ – ಶುಕ್ರ

ಧಾನ್ಯಾಧಿಪತಿ – ಸೂರ್ಯ

ಮೇಘಾಧಿಪತಿ – ಶುಕ್ರ

ಇವರ ಆಡಳಿತ ಹೇಂಗಿರ್ತು, ದೇಶದ ಪರಿಸ್ಥಿತಿ ಎಂತಕ್ಕು, ಈ ವರ್ಷ ಎಂತಾವ್ತು ಹೇಳಿ ಹೆಚ್ಚಿನ ವಿವರಣೆಯ ನಮ್ಮ ಪಂಚಾಂಗಲ್ಲಿ ಕೊಟ್ಟಿದವು. ಓದಿ.

ಎಲ್ಲೋರಿಂಗುದೆ ಶುಭಾಶಯಂಗ.

ಸರ್ವೇ ಭವಂತು ಸುಖಿನಃ

ಸರ್ವೇ ಸಂತು ನಿರಾಮಯಾಃ।

ಸರ್ವೇ ಭದ್ರಾಣಿ ಪಶ್ಯಂತು

ಮಾ ಕಶ್ಚಿತ್ ದುಃಖಭಾಗ್ ಭವೇತ್॥

• Author
• Recent Posts

ಡಾಮಹೇಶಣ್ಣ

ಕೂಳಕ್ಕೋಡ್ಳು ಅಣ್ಣ ಹೇಳಿರೆ ಮದಲಿಂದಲೇ ಹಾಂಗೆ. ಓದುಗು, ಬರಗು.
ಸಂಸ್ಕೃತಿ, ಸಂಸ್ಕೃತ - ಎರಡರಲ್ಲಿದೇ ವಿಶೇಷ ಆಸಕ್ತಿ.
ಮಹೇಶಣ್ಣ ಹೇಳಿ ಇವರ ಹೆಸರು, ಎಂಗೊ ಎಲ್ಲ ಕೂಳಕ್ಕೂಡ್ಳಣ್ಣ ಹೇಳಿಯೇ ದಿನಿಗೆಳುದು.
ಊರಿಲಿ, ನೀರ್ಚಾಲು ಶಾಲೆಲಿ ಕಲಿವಗಳೇ ಹಾಂಗೆ - ಎಡಪ್ಪಾಡಿ ಬಾವ ಹೇಳುಗು - ಬಾಕಿ ಒಳುದವೆಲ್ಲ ಬಿಂಗಿ ಮಾಡಿಗೊಂಡು, ಮಾಷ್ಟ್ರನ ಅಂಗಿಗೆ ಶಾಯಿ ಹಾಕಿಯೊಂಡು ಆಡುವಗ, ಇವು ಕರೆಲಿ ಕೂದಂಡು ಓದುಗಡ.
ಮುಂದೆ ಉಜಿರೆಲಿ ಕಲ್ತುಗೊಂಡು ಇಪ್ಪಗಳೂ ಹಾಂಗೆಯೇ.
ಅಲ್ಲಿಂದಲೂ ಮುಂದೆ ತಿರುಪತಿಲಿ ಕಲ್ತವು - ಅಷ್ಟಪ್ಪಗ ಪ್ರತಿಸರ್ತಿ ಊರಿಂಗೆ ಬಪ್ಪಗಳೂ ಒಪ್ಪಣ್ಣಂಗೆ ಲಾಡು ಸಿಕ್ಕಿಯೋಂಡು ಇತ್ತು. 😉
ಈಗ, ಪ್ರಸ್ತುತ ಬೊಂಬಾಯಿಯ ಹತ್ರೆ ಐ.ಐ.ಟಿ ಹೇಳ್ತ ದೊಡ್ಡ ಕೋಲೇಜಿಲಿ -ಭಾರತಲ್ಲಿ ಆದ ವಿಜ್ಞಾನದ ಬೆಳವಣಿಗೆಯ ಬಗ್ಗೆ - ಪಚ್ಚಡಿ (Ph.D) ಮಾಡಿಕ್ಕಿ ಡಾಗುಟ್ರು ಆಯಿದವು.
ಕಿದೂರು ಬಾವನ ಹಾಂಗೆ ಮದ್ದಿನ ಇಂಜೆಕ್ಷನು ಕುತ್ತತ್ತ ಡಾಗ್‌ಟ್ರು ಅಲ್ಲ, ತತ್ವದ ಇಂಜೆಕ್ಷನು ಕುತ್ತುತ್ತ ಡಾಗ್‌ಟ್ರು.
ಕುಶಿ ಆವುತ್ತು, ನಮ್ಮೋರು ಮೇಗೆ ಮೇಗೆ ಹೋಪಗ. ಅಲ್ಲದಾ? ಅವಕ್ಕೆ ರಜ ಕುಶಾಲುದೇ ಇದ್ದು. ಚಿಂತನೆಯುದೇ ಇದ್ದು.
ಭಾರತೀಯರ ಸಂಶೋಧನೆಗಳ ಬಗೆಗೆ ಕಾಳಜಿಯುದೇ ಇದ್ದು. ನಮ್ಮೋರ ಹಿಂದಾಣೋರ "ಮಹತ್ವ"ದ ಬಗೆಗೆ ಹೆಮ್ಮೆಯುದೇ ಇದ್ದು.
ಒಪ್ಪಣ್ಣನ ಬೈಲಿಂಗೆ ಬಂದು ಶುದ್ದಿ ಹೇಳ್ತಿರಾ ಹೇಳಿ ಕೇಳುವಗ ಸಂತೋಷಲ್ಲಿ ’ಅಕ್ಕಪ್ಪಾ, ಧಾರಾಳ!’ ಹೇಳಿದವು. ಹಾಂಗಾಗಿ, ನಮ್ಮೋರ ಮಹತ್ವಂಗಳ ಹೇಳುಲೆ "ಮಹತ್ವ" ಹೇಳ್ತ ಅಂಕಣ, ಇವು ಬರದ್ದರ ಓದಿಕ್ಕಿ, ನಮ್ಮೋರ ಬಗೆಗೆ ನವಗೆಲ್ಲರಿಂಗುದೇ ಹೆಮ್ಮೆ ಬಂದು, ಹಿಂದಾಣೋರ ಮಹತ್ವ ಬಂದರೆ ಕೂಳೆಕ್ಕೋಡ್ಳಣ್ಣನ ಶ್ರಮ ಸಾರ್ಥಕ ಆದ ಹಾಂಗೆ.
ಓದಿ, ಒಪ್ಪ ಕೊಡಿ. "ಮಹತ್ವ"ದ ಮಾಹಿತಿಯ ಅರ್ಥ ಮಾಡಿಗೊಳ್ಳಿ..!
ಆಗದೋ?

Latest posts by ಡಾಮಹೇಶಣ್ಣ (see all)

• ಸೌಂದರ್ಯಮಾಧುರ್ಯಶೋಭೇ!(ಅನುರಾಗ-ಗೀತಮ್) - November 13, 2014
• Hello world! - October 22, 2014
• ಅನುರಾಗ ರಾಗ - June 13, 2014