ಕೆಲವು ಶಬ್ದಾರ್ಥಂಗ

ಕೆಲವು ಶಬ್ದಾರ್ಥಂಗ

ನಾವು ನಮ್ಮ ವ್ಯವಹಾರಂಗಳಲ್ಲಿ ಮತ್ತು ಶಿಷ್ಟಾಚಾರಂಗಳಲ್ಲಿ ಉಪಯೋಗುಸುವ ಶಬ್ದಂಗಳ ಅರ್ಥ ತಿಳ್ಕೊಂಬ.

ಸ್ವಾಗತಮ್

ಈ ಶಬ್ದವ ವಿಭಾಗ ಮಾಡಿ ನೋಡುವೊ°.

• ಸು+ಆಗತಮ್ = ಸ್ವಾಗತಮ್

`ಸು’ ಹೇಳುವದು ಲಾಯಕ, ಚೆಂದ, ಚೆನ್ನಾಗಿ, ಒಳ್ಳೆದು ಹೇಳುವ ಅರ್ಥ ಕೊಡ್ತು.

• ಆಗತಮ್ = ಬಂದದು.

ಮನೆಗೆ ಒಬ್ಬ ವ್ಯಕ್ತಿ ಬಂದಪ್ಪಗ ಮನೆಯವು `ಸ್ವಾಗತ’ ವಿಚಾರಿಸುತ್ತವು.  “ಪ್ರಯಾಣ ಹೇಂಗಾತು?” “ಕಷ್ಠ ಆಯಿದಿಲ್ಯೋ” ಹೇಳಿ.

[ಕಿಂ] ಸ್ವಾಗತಮ್ ?  ಹೇಳಿ। “ಹೇಂಗೆ ಸ್ವಾಗತವೋ” ಹೇಳಿ.

“ಬರುವಿಕೆ ಕ್ಷೇಮವಾಗಿ ಆತೋ?” ಹೇಳಿ ಇದರ ಅರ್ಥ.

ಹಾಂಗಾಗಿ ಇದು ಸ್ವಾಗತವ ವಿಚಾರುಸುವದು.

“ಸ್ವಾಗತ” ಕೇಳಿಯಪ್ಪಗ  ಬಂದವನ ಪ್ರತ್ಯುತ್ತರ ಎಂತದು ಆಗಿರೆಕು?

“ಸುಸ್ವಾಗತಮ್”

ಸುಸ್ವಾಗತಮ್ = ಸು+ ಸ್ವಾಗತಮ್। (ತುಂಬಾ ಕ್ಷೇಮವಾಗಿ ಬಂದೆ).

——- —-

ಶುಭಮಸ್ತು 

ಇಲ್ಲಿ ಎರಡು ಪದಂಗ ಇದ್ದು. ಅವೆರಡು ಸೇರಿ ಒಂದೇ ಪದದ ಹಾಂಗೆ ಕಾಣ್ತು. ಇದರ “ಶುಭಮ್ ಅಸ್ತು” ಹೇಳಿ ಬಿಡುಸಿಯೂ ಹೇಳ್ಳಕ್ಕು.

• ಶುಭಮ್ + ಅಸ್ತು = ಶುಭಮಸ್ತು
• ಶುಭಮ್ = ಒಳ್ಳೆದು
• ಅಸ್ತು = ಆಗಲಿ/ಇರಲಿ

“ಅಸ್ತು”  ಹೇಳುವ ಅರ್ಥಲ್ಲಿಯೇ “ಭವತು” ಹೇಳುವ ಶಬ್ದವನ್ನೂ ಉಪಯೊಗುಸಲಕ್ಕು.

• ಶುಭಂ ಭವತು = ಶುಭಮ್ ಅಸ್ತು

—– ——- —

ತಥಾಸ್ತು

“ಭಕ್ತನ ಪ್ರಾರ್ಥನೆ ಕೇಳಿ ದೇವರು ತಥಾಸ್ತು ಹೇಳಿದ”  ಹೇಳಿ ನಾವು ಕೇಳಿದ್ದು, ಅಲ್ಲದ?

ತಥಾಸ್ತು – ಇದುದೆ ಎರಡು ಶಬ್ದ ಸೇರಿದ ಪದ.

• ತಥಾ = ಹಾಂಗೆ
• ಅಸ್ತು = ಆಗಲಿ
• ತಥಾ+ಅಸ್ತು = ತಥಾಸ್ತು

“ಅಸ್ತು” ಹೇಳುವದು ಒಪ್ಪಿಗೆ ಯ ಸೂಚಿಸುವ ಪದ.

“ರಾಜ್ಯದ ಬೇಡಿಕೆಗೆ ಕೇಂದ್ರ ಅಸ್ತು” ಹೇಳಿ ಪೇಪರಿಲ್ಲಿ ಬಂದೊಂಡಿದ್ದದು ನೆಂಪಿದ್ದೊ?

—– —-

ಶ್ರೇಯೋಸ್ತು

• ಶ್ರೇಯಃ  + ಅಸ್ತು = ಶ್ರೇಯಸ್ಸಾಗಲಿ

—

“ಅಸ್ತು” ಸೇರುಸಿ ಬೇರೆ ಬೇರೆ ರೀತಿಲ್ಲಿ “ವಿಶ್” ಮಾಡ್ಳಕ್ಕು.

• ಪ್ರಗತಿಃ  ಅಸ್ತು ।                                                    

ಸುಭಿಕ್ಷಂ ಅಸ್ತು ।

ಅಭಿವೃದ್ಧಿಃ ಅಸ್ತು।

ಅಭಿವೃದ್ಧಿಃ ಭವತು।

ಸಮೃದ್ಧಜೀವನಮ್ ಅಸ್ತು ।

ದೀರ್ಘಾಯುಃ  ಅಸ್ತು । 

ಆರೋಗ್ಯಮ್  ಅಸ್ತು । 

ಲಾಭಪ್ರಾಪ್ತಿಃ ಅಸ್ತು ।  (ಹೊಸ ಬಿಸಿನೆಸ್ ಸುರುಮಾಡುವಗ ಹೇಳ್ಳಕ್ಕು!)

—-

ಶುಭಂ ಭೂಯಾತ್

ಆಶೀರ್ವಾದ ರೂಪಲ್ಲಿ ಹೇಳುವ ವಾಕ್ಯ ಇದು.

• ಭೂಯಾತ್ = ಆಗಲಿ

ಶುಭಮಸ್ತು  ಹೇಳಿ ಆರುದೆ ಹೇಳ್ಳಕ್ಕು.

ಶುಭಂ ಭೂಯಾತ್ ಹೇಳಿ ಆಶೀರ್ವಾದ ಮಾಡ್ಳೆ ಯೋಗ್ಯರಾದವು ಹೇಳುವದು.

ಸಂಸ್ಕೃತಲ್ಲಿ “ಆಶೀರ್ವಾದ” ಕ್ಕೆ ಬೇಕಾಗಿಯೇ ಉಪಯೋಗುಸುವ ಕ್ರಿಯಾಪದರೂಪಂಗ ಇದ್ದು.

—–

 ಹೀಂಗೆ ನಾವು ಕೆಲವು ಶಬ್ದಂಗಳ ಅರ್ಥ ತಿಳಿವ°. “ಅಸ್ತು” ವಾ?

• Author
• Recent Posts

ಡಾಮಹೇಶಣ್ಣ

ಕೂಳಕ್ಕೋಡ್ಳು ಅಣ್ಣ ಹೇಳಿರೆ ಮದಲಿಂದಲೇ ಹಾಂಗೆ. ಓದುಗು, ಬರಗು.
ಸಂಸ್ಕೃತಿ, ಸಂಸ್ಕೃತ - ಎರಡರಲ್ಲಿದೇ ವಿಶೇಷ ಆಸಕ್ತಿ.
ಮಹೇಶಣ್ಣ ಹೇಳಿ ಇವರ ಹೆಸರು, ಎಂಗೊ ಎಲ್ಲ ಕೂಳಕ್ಕೂಡ್ಳಣ್ಣ ಹೇಳಿಯೇ ದಿನಿಗೆಳುದು.
ಊರಿಲಿ, ನೀರ್ಚಾಲು ಶಾಲೆಲಿ ಕಲಿವಗಳೇ ಹಾಂಗೆ - ಎಡಪ್ಪಾಡಿ ಬಾವ ಹೇಳುಗು - ಬಾಕಿ ಒಳುದವೆಲ್ಲ ಬಿಂಗಿ ಮಾಡಿಗೊಂಡು, ಮಾಷ್ಟ್ರನ ಅಂಗಿಗೆ ಶಾಯಿ ಹಾಕಿಯೊಂಡು ಆಡುವಗ, ಇವು ಕರೆಲಿ ಕೂದಂಡು ಓದುಗಡ.
ಮುಂದೆ ಉಜಿರೆಲಿ ಕಲ್ತುಗೊಂಡು ಇಪ್ಪಗಳೂ ಹಾಂಗೆಯೇ.
ಅಲ್ಲಿಂದಲೂ ಮುಂದೆ ತಿರುಪತಿಲಿ ಕಲ್ತವು - ಅಷ್ಟಪ್ಪಗ ಪ್ರತಿಸರ್ತಿ ಊರಿಂಗೆ ಬಪ್ಪಗಳೂ ಒಪ್ಪಣ್ಣಂಗೆ ಲಾಡು ಸಿಕ್ಕಿಯೋಂಡು ಇತ್ತು. 😉
ಈಗ, ಪ್ರಸ್ತುತ ಬೊಂಬಾಯಿಯ ಹತ್ರೆ ಐ.ಐ.ಟಿ ಹೇಳ್ತ ದೊಡ್ಡ ಕೋಲೇಜಿಲಿ -ಭಾರತಲ್ಲಿ ಆದ ವಿಜ್ಞಾನದ ಬೆಳವಣಿಗೆಯ ಬಗ್ಗೆ - ಪಚ್ಚಡಿ (Ph.D) ಮಾಡಿಕ್ಕಿ ಡಾಗುಟ್ರು ಆಯಿದವು.
ಕಿದೂರು ಬಾವನ ಹಾಂಗೆ ಮದ್ದಿನ ಇಂಜೆಕ್ಷನು ಕುತ್ತತ್ತ ಡಾಗ್‌ಟ್ರು ಅಲ್ಲ, ತತ್ವದ ಇಂಜೆಕ್ಷನು ಕುತ್ತುತ್ತ ಡಾಗ್‌ಟ್ರು.
ಕುಶಿ ಆವುತ್ತು, ನಮ್ಮೋರು ಮೇಗೆ ಮೇಗೆ ಹೋಪಗ. ಅಲ್ಲದಾ? ಅವಕ್ಕೆ ರಜ ಕುಶಾಲುದೇ ಇದ್ದು. ಚಿಂತನೆಯುದೇ ಇದ್ದು.
ಭಾರತೀಯರ ಸಂಶೋಧನೆಗಳ ಬಗೆಗೆ ಕಾಳಜಿಯುದೇ ಇದ್ದು. ನಮ್ಮೋರ ಹಿಂದಾಣೋರ "ಮಹತ್ವ"ದ ಬಗೆಗೆ ಹೆಮ್ಮೆಯುದೇ ಇದ್ದು.
ಒಪ್ಪಣ್ಣನ ಬೈಲಿಂಗೆ ಬಂದು ಶುದ್ದಿ ಹೇಳ್ತಿರಾ ಹೇಳಿ ಕೇಳುವಗ ಸಂತೋಷಲ್ಲಿ ’ಅಕ್ಕಪ್ಪಾ, ಧಾರಾಳ!’ ಹೇಳಿದವು. ಹಾಂಗಾಗಿ, ನಮ್ಮೋರ ಮಹತ್ವಂಗಳ ಹೇಳುಲೆ "ಮಹತ್ವ" ಹೇಳ್ತ ಅಂಕಣ, ಇವು ಬರದ್ದರ ಓದಿಕ್ಕಿ, ನಮ್ಮೋರ ಬಗೆಗೆ ನವಗೆಲ್ಲರಿಂಗುದೇ ಹೆಮ್ಮೆ ಬಂದು, ಹಿಂದಾಣೋರ ಮಹತ್ವ ಬಂದರೆ ಕೂಳೆಕ್ಕೋಡ್ಳಣ್ಣನ ಶ್ರಮ ಸಾರ್ಥಕ ಆದ ಹಾಂಗೆ.
ಓದಿ, ಒಪ್ಪ ಕೊಡಿ. "ಮಹತ್ವ"ದ ಮಾಹಿತಿಯ ಅರ್ಥ ಮಾಡಿಗೊಳ್ಳಿ..!
ಆಗದೋ?

Latest posts by ಡಾಮಹೇಶಣ್ಣ (see all)

• ಸೌಂದರ್ಯಮಾಧುರ್ಯಶೋಭೇ!(ಅನುರಾಗ-ಗೀತಮ್) - November 13, 2014
• Hello world! - October 22, 2014
• ಅನುರಾಗ ರಾಗ - June 13, 2014