ಮನಸ್ಸಿಂಗೆ ಮುದ ಕೊಡುವ ಯಕ್ಷಗಾನ ಸಿ.ಡಿ. "ಮುದ್ದಣ ಗೇಯ ಸೌಂದರ್ಯ"

• Author
• Recent Posts

ವೇಣೂರಣ್ಣ

ವೇಣೂರಣ್ಣನ ಬಗ್ಗೆ ಅದಾಗಲೇ ಮಾತಾಡಿದ್ದು ನಾವು. ಅಪ್ಪಲೆ ಗಟ್ಟದ ಮೇಗೆ ಎಲ್ಲಿಯೋ ದೊಡ್ಡ ಕೆಲಸಲ್ಲಿ ಇದ್ದವು, ಪೇಂಟಂಗಿ ಹಾಕುತ್ತ ನಮುನೆಯ ಕೆಲಸ. ಊರಿಂಗೆ ಬಂದರೆ ಊರವು ಆಗಿಯೊಂಡು, ಆಟಲ್ಲಿ ಅರ್ತ ಹೇಳ್ತದು ಅವರ ವಾಡಿಕೆ. ಬಲಿಪ್ಪಜ್ಜನ ದೇವಿಮಹಾತ್ಮೆಯ ಪ್ರಸಂಗವ ಪುಸ್ತಕ ಮಾಡಿ ಎಲ್ಲೊರ ಕೈಲಿ ಬೆನ್ನಿಂಗೆ ಹೆಟ್ಟುಸಿಗೊಂಡು ರಜ್ಜ ತೋರ ಆಯಿದವು!ಈ ವೇಣೂರಣ್ಣ ನಮ್ಮ ಬೈಲಿಲಿ ಶುದ್ದಿ ಹೇಳ್ತ ಸಂಗತಿ ಗೊಂತಿದ್ದೋ?ಮೊನ್ನೆ – ಅಮೈ ಉಪ್ನಾನದ ಮರದಿನ ಸಿಕ್ಕಿದವು, ಪೇಟೆಯ ದೊಡ್ಡ ಮಾರ್ಗದ ಕರೆಲಿ – ಪಕ್ಕನೆ ಸಿಕ್ಕಿಅಪ್ಪಗ ’ಭಲ್ಲಿರೇನಯ್ಯ’ ಹೇಳಿ ಕೇಳಿದೆ - (ನಾವು ನಾವೇ ಆದರೆ ಏನೂ – ಕೇಳ್ತು, ವೇಣೂರಣ್ಣ ಸಿಕ್ಕಿಅಪ್ಪಗ ಬಲ್ಲಿರೇನಯ್ಯ ಕೇಳುದು ಎಂಗೊ) ಬೈಲಿಂಗೆ ಬಂದು ಶುದ್ದಿ ಹೇಳ್ತದರ ಬಗ್ಗೆ ಮಾತಾಡುವಗ ಒಪ್ಪಿಯೇ ಬಿಟ್ಟವು.ಅವು ಮಾತಾಡಿರೇ ಒಂದು ಚೆಂದ, ಅದರ ಕೇಳುದು ಮತ್ತೂ ಚೆಂದ, ಅದು ಅರ್ತ ಆದರೆ ಇನ್ನೂ ಚೆಂದ ಇರ್ತು! ಯಕ್ಷಗಾನದ ಅರ್ತ ಹೇಳ್ತದು ನೆಂಪಿಂಗೆ ಬತ್ತು -ಅವು ಮಾತಾಡ್ಳೆ ಸುರುಮಾಡಿರೆ. ಅದಿರಳಿ, ಆನು ಹೀಂಗೆ ಹೇಳಿದೆ ಹೇಳಿ ಅವರತ್ರೆ ಹೇಳಿಕ್ಕೆಡಿ. 😉 ಯೇವದೇ ವಸ್ತು ವಿಶಯ ಆದರೂ ಅದು ಆಮೂಲಾಗ್ರ ಅರ್ತ ಅಪ್ಪ ಹಾಂಗೆ ಬಿಡುಸಿ ಬಿಡುಸಿ ಹೇಳ್ತದು ಅವರ ಕ್ರಮ.ಹಾಂಗೆ ಬೈಲಿಂಗೆ ಬಂದು ಸಂತೋಷಲ್ಲಿ ಶುದ್ದಿ ಹೇಳ್ತವು. ನಿಜಜೀವನಲ್ಲಿ ಕಾಂಬಂತ ’ಪ್ರಸಂಗಂಗಳ’ ಬಗ್ಗೆ ಶುದ್ದಿ ಹೇಳ್ತೆ – ಹೇಳಿದವು. ಅಕ್ಕು, ಸಂತೋಷ – ಹೇಳಿದೆ ಆನು! ನಾವೆಲ್ಲರೂ ಓದಿ, ಶುದ್ದಿಗೊಕ್ಕೆ ಒಪ್ಪಕೊಟ್ಟು ಪ್ರೋತ್ಸಾಹಿಸುವೊ.

Latest posts by ವೇಣೂರಣ್ಣ (see all)

• ಯಕ್ಷ ಗೋವಿಂದನ ಅರ್ಥವೈಭವ.. - October 4, 2011
• ಪಾಠ ಪುಸ್ತಕಲ್ಲಿ 'ಪಳ್ಳತ್ತಡ್ಕ ಕೇಶವ ಮಾವ' - August 10, 2011
• ಮನಸ್ಸಿಂಗೆ ಮುದ ಕೊಡುವ ಯಕ್ಷಗಾನ ಸಿ.ಡಿ. "ಮುದ್ದಣ ಗೇಯ ಸೌಂದರ್ಯ" - May 24, 2011

ಕರಾವಳಿ ಕರ್ನಾಟಕದ ಶ್ರೀಮಂತ ಕಲೆ ಯಕ್ಷಗಾನ . ನವರಸ೦ಗಳ ಸಮ್ಮಿಲನ೦ದ ಒಡಗೂಡಿದ ಯಕ್ಷಗಾನ ಆರಾಧನಾ ಕಲೆಯಾಗಿ ಉದ್ಭವಿಸಿ ಕ್ರಮೇಣ ಜಾನಪದ ಕಲೆಯಾಗಿ ಜನರಿಂದ ಸ್ವೀಕರಿಸಲ್ಪಪಟ್ಟತ್ತು. ದಕ್ಷಿಣ ಕನ್ನಡ, ಉತ್ತರ ಕನ್ನಡ , ಕಾಸರಗೋಡು  ಮತ್ತು ಶಿವಮೊಗ್ಗ ಜಿಲ್ಲೆಗಳಲ್ಲಿ ವ್ಯಾಪಕವಾಗಿ ಕಾಂಬ  ಈ ಕಲೆ ಅದರದ್ದೇ ಆದ  ಅನನ್ಯತೆಯ (uniqueness) ಹೊಂದಿದ್ದು . ಯಕ್ಷಗಾನಲ್ಲಿ ತೆಂಕುತಿಟ್ಟು , ಬಡಗುತಿಟ್ಟು ಮೂಡಲಪಾಯ , ಬಯಲಾಟ  ಹಾಗೂ  ಬಡಾಬಡಗು ಇತ್ಯಾದಿ ಹಲವು ಪ್ರಕಾರ೦ಗೊ ಇದ್ದು  ಪ್ರತಿಯೊಂದು ಪದ್ದತಿಯೂ ಅದರದ್ದೇ ಅದ ವೈವಿಧ್ಯತೆಯ ಹೊಂದಿದ್ದರೂ ಪೌರಾಣಿಕ ವಿಚಾರಧಾರೆಯ ಜನ ಸಾಮಾನ್ಯರಿಗೆ ತಲುಪಿಸುವ ಮಹತ್ವದ ಸಂವಹನ ಮಾಧ್ಯಮವಾಗಿ ಬೆಳೆದು ಬಯಿಂದು .
ಯಕ್ಷಗಾನಲ್ಲಿ   ಪ್ರಸಂಗ ಸಾಹಿತ್ಯದ ವರಕವಿ ನಂದಳಿಕೆ ನಾರ್ಣಪ್ಪಯ್ಯರ (ಮುದ್ದಣ ) ಹೆಸರು ಬಲು ಪ್ರಸಿದ್ದ . ಅವು ಬರದ ಪ್ರಸಂಗ ಕೇವಲ ಎರಡೇ ಎರಡು . ಒಂದು ” ಕುಮಾರ ವಿಜಯ”  ಇನ್ನೊಂದು “ರತ್ನಾವತಿ ಕಲ್ಯಾಣ”. ಇವೆರಡೂ ಕೃತಿಗೋ ಯಕ್ಷಗಾನದ ಅನರ್ಘ್ಯ ರತ್ನಂಗೋ ಹೇಳಿರೆ ತಪ್ಪಲ್ಲ . ಇದರಲ್ಲಿಪ್ಪ ಕನ್ನಡದ ಛಂದಸ್ಸಿನ, ಅಲಂಕಾರ, ಪದ ವೈವಿಧ್ಯದ ಚೆಂದ ಇನ್ಯಾವ ಪ್ರಸಂಗಲ್ಲು ಸಿಕ್ಕ. ಒಂದೇ ಶಬ್ದವ ಹಲವು ಅರ್ತ ಬಪ್ಪ ಹಾಂಗೆ ಪ್ರಯೋಗಿಸಿದ ಚೆಂದ ಪ್ರಸಂಗ ಪುಸ್ತಕ ಓದಿಯೇ ಅನುಭವಿಸೆಕ್ಕು. ಆದರೆ ಹೆಚ್ಚಿನವಕ್ಕೆ ಪ್ರಸಂಗ ಪುಸ್ತಕ ಸುಲಭಲ್ಲಿ ಸಿಕ್ಕುತ್ತಿಲ್ಲೆ. ಸಿಕ್ಕಿರೂ ಆದುದು ಹೇಂಗೆ ಹೇಳಿ ಗೊಂತಿರ್ತಿಲ್ಲೇ . ಹಾಂಗಾಗಿ ಆ ಪ್ರಸಂಗದ ಪದ್ಯಂಗಳ ಅನುಭವಿ ಭಾಗವತರ ಹತ್ತರೆ ಹಾಡಿಸಿ ಅದರ ಸಿಹಿಯ ಹಂಚುವ ಕೆಲಸವ ಈಗಾಗಲೇ ನಮ್ಮ ನಂದಳಿಕೆ ಬಾಲಚಂದ್ರ ರಾವ್ ಮತ್ತೆ ಅವರ ಕೂಡುಗಟ್ಟಿನವ್ವು “ಮುದ್ದಣ ಗೇಯ ಸೌಂದರ್ಯ” ಹೇಳ್ತ ಯಕ್ಷಗಾನ ಸಿ.ಡಿ. ಮಾಡಿ ಮಾರಟಕ್ಕೆ ಬಿಡುಗಡೆ ಮಾಡಿದ್ದವು.
ನಮ್ಮ ತೆಂಕು ತಿಟ್ಟಿನ ಹೆಮ್ಮೆಯ ಭಾಗವತ ಭೀಷ್ಮ ಬಲಿಪಜ್ಜ ಮತ್ತೆ ಪುತ್ತಿಗೆ ರಘುರಾಮ ಹೊಳ್ಳರ ಕಂಠ ಸಿರಿಲಿ ಮೂಡಿ ಬಂದ ಈ ಧ್ವನಿ ತಟ್ಟೆ  ಮುದ್ದಣನ ಎರಡೂ ಪ್ರಸಂಗಗಳ  ವಿವಿಧ ರಾಗಗಳ ,ವಿವಿಧ ಛಂದಸ್ಸಿನ ಪ್ರಾತಿನಿಧಿಕ ಪದ್ಯಂಗಳ ಆರಿಸಿ ಮಾಡಿದ ಒಟ್ಟು ೧೭೩ ಪದ್ಯಂಗಳ ಒಳ್ಳೆಯ ರುಚಿಗಟ್ಟಾದ ಅವಿಲು !  ಸುಮಾರು ನಾಲ್ಕೂವರೆ ಗಂಟೆ ನಿರಂತರ  ಬಿಡದ್ದೆ ಕೇಳುಲಪ್ಪ ನವರಸ ಭರಿತ ಒಂದು ಒಳ್ಳೆ ರಸಪಾಕ ಈ  “ಮುದ್ದಣ ಗೇಯ ಸೌಂದರ್ಯ”.
ಈವರೆಗೆ  ಮಾರುಕಟ್ಟೇಲಿ  ಬಂದ ಧ್ವನಿ ಮುದ್ರಿಕೆಗಳಲ್ಲಿ ೧೯೮೪ ರಲ್ಲಿ  ಬಲಿಪಜ್ಜನ ಭಗವತಿಕೆಲಿ ಬಂದ “ಕುಮಾರ ವಿಜಯ”(ಇದರಲ್ಲಿ ಪುತ್ತೂರು ನಾರಾಯಣ ಹೆಗ್ಡೆ ಶೂರಪದ್ಮ ಮಾಡಿದ್ದು), ಬಲಿಪಜ್ಜನುದೆ ಪದ್ಯಾಣ  ಗಣಪ್ಪಣ್ಣನೂ ಹಾಡಿದ ಮುದ್ದಣ ಸಂಸ್ಮರಣೆಗೆ ಬಿಡುಗಡೆ ಆದ  ಕುಮಾರ ವಿಜಯ , ರತ್ನಾವತಿ ಕಲ್ಯಾಣ ವು ( ಇದರ್ಲಿ  ಮಲ್ಪೆ ರಾಮದಾಸ ಸಾಮಗ್ರ ಅರ್ಥ  ರೈಸಿದ್ದು ), ಪದ್ಯಾಣ ಗಣಪ್ಪಣ್ಣ ಹಾಡಿದ “ಷಣ್ಮುಖ ವಿಜಯ “ (ಇದರಲ್ಲಿ ಶೇಣಿ ಅಜ್ಜನ ಶೂರಪದ್ಮ, ಕುಂಬ್ಳೆ ಹಿರಣ್ಯಕ ರೈಸಿದ್ದು ), ಹಾಂಗೆಯೇ “ಕುಮಾರ ವಿಜಯ ” ಆಟದ ಡಿ.ವಿ.ಡಿ. ಬಲಿಪಜ್ಜ-ಹೊಳ್ಳರ ಭಾಗವತಿಕೆಲಿ ( ಇದರ್ಲಿ ಸೂರಿಕುಮೇರಿ ಗೋವಿಂದ ಮಾವನ ದೂರ್ವಾಸ ರೈಸಿದ್ದು ) ಮುಖ್ಯವಾಗಿ ಹೆಸರುಸುಲೆ ಅಪ್ಪಂಥದ್ದು. ಇವೆಲ್ಲದರಲ್ಲೂ ಸಮಯ ಮಿತಿಯ ಕಾರಣಂದ ಅಜಪ್ಪಿ ಹೆರುಕ್ಕಿದ ಒಳ್ಳೆ ಪದಂಗೋ  ಕಥಾ ನಿರ್ವಹಣೆಗೆ ತಕ್ಕ ಇಪ್ಪದಷ್ಟೇ . ಬರೇ ಪದ್ಯಂಗೋ ಮಾತ್ರ  ಇಪ್ಪ ಬಲಿಪ -ಹೊಳ್ಳರ “ಯಕ್ಷಧ್ವನಿ” ಮುದ್ರಿಕೆಲಿ ಒಂದು ಗಂಟೆ ಸಮಯಾವಕಾಶಲ್ಲಿ  ಎರಡೂ ಪ್ರಸಂಗದ ಪದಂಗೋ ಊಟಲ್ಲಿ ಬಾಳೆ ಕೊಡಿಗೆ ಬಳುಸುವ ರುಚಿ ರುಚಿಯಾದ ಕೋಸಂಬರಿ ಹಾಂಗೆ  ಇಪ್ಪದಷ್ಟೇ .
ಯಕ್ಷಗಾನ ಪಾರಂಪರಿಕ ನಾದ ವೈವಿಧ್ಯವ ಸವಿವ ಮನಸ್ಸಿಪ್ಪ ” ಮರುಳರಿಂಗೆ ” “ಮುದ್ದಣ ಗೇಯ ಸೌಂದರ್ಯ” ಅತೀ ಅಗತ್ಯ ಪೈಸೆ ಕೊಟ್ಟು ಕೇಳುಲೇ ಬೇಕಾದ ಯಕ್ಷಗಾನ ಸಿ.ಡಿ. ಇದರಲ್ಲಿ ಭಾಗವತರೊಟ್ಟಿ೦ಗೆ ನಮ್ಮ ಪದ್ಯಾಣ ಶಂಕರಪ್ಪಚ್ಚಿ  ಮದ್ದಲೆಲಿಯೂ ,ಪದ್ಮನಾಭ ಉಪಾಧ್ಯಾಯರು ಚೆಂಡೆ, ಹಾಂಗೆ ಪ್ರಜ್ವಲ್ ಕುಮಾರ್ ಚಕ್ರತಾಳಲ್ಲಿಯೂ ಸಹಕರಿಸಿದ್ದವು . ಯಕ್ಷಗಾನಲ್ಲಿ ” ಕುಮಾರ ವಿಜಯ”  ಇನ್ನೊಂದು “ರತ್ನಾವತಿ ಕಲ್ಯಾಣ” ಪ್ರಸಂಗವ ಸರಿಯಾಗಿ ಆಡ್ಸುಲೆ ಬಂತು ಹೇಳಿ ಆದರೆ ಅವ ಸರಿಯಾದ ಭಾಗವತ ಹೇಳಿ ಅರ್ಥ . ಏಕೆ ಹೇಳಿರೆ ಇದರಲ್ಲಿ ಇಪ್ಪ ಸಾಹಿತ್ಯ ಬಾಕಿ ಒಳುದ ಯಾವುದೇ ಪ್ರಸಂಗದ ಹಾಂಗೆ ಸುಲಭ ಅಲ್ಲ . ಪ್ರಸಂಗ ಸರಳ ಆದರೂ ಪ್ರಯೋಗ  ಕಷ್ಟವೇ..
ಬಲಿಪಜ್ಜನ ಅತ್ಯಂತ ಇಷ್ಟದ ಪ್ರಸಂಗ೦ಗಳಲ್ಲಿ ಇವೆರಡೂ ಪ್ರಸಂಗ ಮೊದಲ ಸಾಲಿಲ್ಲಿದ್ದರೆ ಹೊಳ್ಳರ ಪದ ರೈಸುದೂ ಈ ಪ್ರಸಂಗದ ಕೆಲವು ಪಾರಂಪರಿಕ ಮಟ್ಟಿನ ಪದ್ಯಂಗಳಲ್ಲೇ.ಈ ಪ್ರಸಂಗದ ಪದ್ಯ ಹೇಳುಲೇ ಒಳ್ಳೆತ ದಮ್ ಬೇಕು . ನಮ್ಮ ಪದ್ಯಾಣ ಗಣಪ್ಪಣ್ಣನೂ ಒಂದು ಕಾಲಲ್ಲಿ ಈ ಪ್ರಸಂಗಗಳ ಅದ್ಭುತವಾಗಿ ಆಡಿಸಿಗೊಂಡಿತ್ತಿದ್ದವು.
ಈಗ ಮಾರುಕಟ್ಟೆಗೆ ಬಂದ “ಮುದ್ದಣ ಗೇಯ ಸೌಂದರ್ಯ” ಸರ್ವ ರೀತಿಲ್ಲಿಯೂ ಸುಖ ಕೊಡುವ ಸಿ.ಡಿ.ಲಿ  ಪದ್ಯಾಣ ಶಂಕರಪ್ಪಚ್ಚಿಯ ಮದ್ದಲೆಯ ಕೈಚಳಕ ಅದರೊಟ್ಟಿ೦ಗೆ ಉಪಾದ್ಯಾಯರ ಚೆಂಡೆಯ ಝೇಂಕಾರ , ಚಕ್ರತಾಳದ ನುಡಿತ ಕೆಳುಲೇ ಕೆಮಿಗೆ ಒಂದು ಹಬ್ಬ … ನಮ್ಮ ನಂದಳಿಕೆ ಬಾಲಚಂದ್ರ ರಾವ್ ಮತ್ತೆ ಅವರ ಕೂಡುಗಟ್ಟಿನವ್ವು  ಅತ್ಯಂತ ಕಾಳಜಿ ವಹಿಸಿ ಇದರ ಮುದ್ರಿಸಿ ಈ ಎಲ್ಲ ಪದ್ಯಂಗೋ ಶಾಶ್ವತವಾಗಿ ಕೆಳುಗರಿಂಗೆ  ಸಿಕ್ಕುವ ಹಾಂಗೆ ಮಾಡಿದ್ದಕ್ಕೆ ಅವಕ್ಕೆ ಗೌರವಪೂರ್ವಕ ಅಭಿನಂದನೆಗೋ . ಅವರ ಶ್ರಮ ಸಾರ್ಥಕ ಆಯೆಕ್ಕರೆ ಆಸಕ್ತರೆಲ್ಲೋರು ದಯಮಾಡಿ “ಪೈಸೆ ಕೊಟ್ಟು “(ಯಾವುದೇ ರೀತಿಲ್ಲಿ copy ಮಾಡದ್ದೆ ) ಸಿ. ಡಿ . ತೆಕ್ಕೊಂಡು ಕೇಳಿ ಆನಂದಿಸಿ ಪ್ರೋತ್ಸಾಹಿಸೆಕ್ಕು ….
ಯಕ್ಷಗಾನಂ ಗೆಲ್ಗೆ.


—
Subrahmanya Bhat
Assistant Professor in E&EE Department,
Sri Dharmasthala Manjunatheshwara Institute of Technology,Ujire
Ujire-574240