ನಮ್ಮೂರು, ನಮ್ಮೋರು: ಪ್ರತಿಭೆಗಳ ವಿವರಕ್ಕೆ ಆಹ್ವಾನ

ಬಂಧುಗಳೇ,

ಈ ಬೈಲು ಸುರುವಾಗಿ 8 ವರ್ಷಲ್ಲಿ, ನಮ್ಮ ನಿರೀಕ್ಷೆಗೂ ಮೀರಿ ವಿಶಾಲವಾಗಿ ಬೆಳೆತ್ತಾ ಇದ್ದು ಹೇಳ್ತ ಸಂಗತಿ ನಿಂಗೊಗೆಲ್ಲಾ ಗೊಂತಿಪ್ಪದೇ.
ಸಾಹಿತ್ಯ ಕ್ಷೇತ್ರದ ಹಲವಾರು ವಿಭಾಗಂಗಳಲ್ಲಿ ತೊಡಗಿಸಿಗೊಂಡು ಬೈಲು ಬೆಳವದರೊಟ್ಟಿಂಗೆ, ಲೇಖಕರ ವರ್ಗವನ್ನೂ ಪ್ರೋತ್ಸಾಹಿಸಿ ಬೆಳೆಶುತ್ತ ಕೆಲಸ ಮಾಡ್ತಾ ಇದ್ದು ಈ ಬೈಲು.
ಇತ್ತೀಚೆಗೆ ಏರ್ಪಾಡು ಮಾಡಿದ ವಿಶು ವಿಶೇಷ ಸ್ಪರ್ಧೆಗೆ ಬಂದ ಪ್ರವೇಶಂಗೊ ಸಂಖ್ಯಾ ದೃಷ್ಟಿಂದಲೂ, ಗುಣಮಟ್ಟದ ದೃಷ್ಟಿಂದಲೂ ಎತ್ತರದ ಸ್ಥಾನಲ್ಲಿ ಇತ್ತಿದ್ದು ಹೇಳುವದೇ ಇದಕ್ಕೆ ಸಾಕ್ಷಿ.

ಲೇಖಕರಿಂಗೆ ಸ್ಥಾನಮಾನ ಕೊಡುವದರೊಟ್ಟಿಂಗೆ, ನಮ್ಮ ಮಕ್ಕಳ ಪ್ರತಿಭೆಯನ್ನೂ ಗುರುತಿಸಿ ಗೌರವಿಸೆಕ್ಕು ಹೇಳುವದು ನಮ್ಮ ಆಶಯ.
ನಮ್ಮ ಕೂಸುಗೊ, ಮಾಣಿಯಂಗೊ ಯಾವುದರಲ್ಲಿಯೂ ಕಮ್ಮಿ ಇಲ್ಲೆ ಹೇಳ್ತದರ ಎಲ್ಲಾ ಕ್ಷೇತ್ರಂಗಳಲ್ಲಿಯೂ ತೋರಿಸಿಕೊಡ್ತಾ ಇದ್ದವು.

ಈ ದೃಷ್ಟಿಂದ ಮೊದಲನೇ ಕಾರ್ಯಕ್ರಮವಾಗಿ ಈ ವರ್ಷದ SSLC ಮತ್ತೆ PUC ಪರೀಕ್ಷೆಗಳಲ್ಲಿ ಶೇಕಡಾ 90 ಕ್ಕಿಂತ ಹೆಚ್ಚು ಅಂಕ ಸಿಕ್ಕಿದ ಪ್ರತಿಭೆಗಳ, ಮತ್ತೆ ಬೇರೆ ಬೇರೆ ಕ್ಷೇತ್ರಂಗಳಲ್ಲಿ ಸಾಧನೆಗಳ ಮಾಡಿದ ಮಕ್ಕಳ ಈ ಬೈಲಿಲ್ಲಿ ಪರಿಚಯ ಮಾಡಿ ಗೌರವಿಸುಲೆ ಎಂಗೊಗೆ ತುಂಬಾ ಹೆಮ್ಮೆ ಅನಿಸುತ್ತು.
ಇದಕ್ಕೆ ನಿಂಗಳೂ ಕೈ ಜೋಡುಸೆಕ್ಕು ಹೇಳುವದೇ ಎಂಗಳ ಪ್ರಾರ್ಥನೆ.

ನಿಂಗೊ ಮಾಡೆಕ್ಕಾದ್ದು ಇಷ್ಟೆ:
ನಿಂಗಳ ಪೈಕಿ ಅಥವಾ ನಿಂಗಳ ಗೊಂತಿಲ್ಲಿಪ್ಪ ಯುವ ಪ್ರತಿಭೆಗಳ ವಿವರಂಗಳ ಎಂಗೊಗೆ ಕಳುಸಿಕೊಡುವದು.

ವಿದ್ಯಾರ್ಥಿ/ವಿದ್ಯಾರ್ಥಿನಿಯ ಹೆಸರು,
ಅವರ ಅಬ್ಬೆ ಅಪ್ಪನ ಹೆಸರು,
ವಿಳಾಸ & ಫೋನ್ ನಂಬ್ರ
ಅವು ಕಲ್ತ ಶಾಲೆ/ಕಾಲೇಜು,
ತೆಕ್ಕೊಂಡ ವಿಷಯಂಗೊ ಮತ್ತೆ ಮಾರ್ಕು,
ಇತರ ಹವ್ಯಾಸ,
ಬಾಲ ಪ್ರತಿಭೆಗಾಗಿ ಸಿಕ್ಕಿದ ಇತರ ಪುರಸ್ಕಾರಂಗೊ ಇದ್ದರೆ ಅದರ ವಿವರ,
– ಇವಿಷ್ಟರ ಎಂಗೊಗೆ ಬರದು ಕಳುಸುವದು.
ಹ್ಞಾಂ… ಒಂದು ಪಟವೂ ಒಟ್ಟಿಂಗೆ ಇರಳಿ.

ವಿವರಂಗಳ ನಿಂಗೊ ಕಳುಸೆಕ್ಕಾದ ವಿಳಾಸ:

• WhatsApp : 9449806563
• ಪೋಸ್ಟಿಲ್ಲಿ ಕಳುಸುವದಾದರೆ:
  ಒಪ್ಪಣ್ಣ ನೆರೆಕರೆ ಪ್ರತಿಷ್ಠಾನ (ರಿ.)
  “ಅನುಗ್ರಹ” ಶಿವಗಿರಿನಗರ,
  ಕುಳಾಯಿ-ಹೊಸಬೆಟ್ಟು ಅಂಚೆ.
  ಮಂಗಳೂರು 575019.
• ದೂರವಾಣಿ ಸಂಖ್ಯೆ:
  ಸ್ಥಿರ ದೂರವಾಣಿ:  0824-2409563
  ನಿಸ್ತಂತು  : 9449806563

ಎಂಗಳ ಈ ಕಾರ್ಯಲ್ಲಿ ನಿಂಗೊ ಕೈ ಜೋಡುಸುತ್ತೀರನ್ನೇ..
ಮತ್ತೆ ತಡ ಮಾಡುವದೆಂತಕೆ.
ಆದಷ್ಟು ಬೇಗ ಕಳುಸಿಕೊಡಿ, ಮಕ್ಕಳ ಪ್ರತಿಭೆಯ ಪ್ರೋತ್ಸಾಹಿಸುವೊ°, ಗೌರವಿಸುವೊ°

~

ಸಂಚಾಲಕರು – ವಿದ್ಯಾನಿಧಿ,
ಒಪ್ಪಣ್ಣ ನೆರೆಕರೆ ಪ್ರತಿಷ್ಠಾನ (ರಿ.)

• Author
• Recent Posts

ಶರ್ಮಪ್ಪಚ್ಚಿ

ಇವರ ಮೂಲ ನಮ್ಮ ಬೈಲಿನ ಹಳೆಮನೆಲಿ ಆದರೂ, ಇಪ್ಪದು ಕೊಡೆಯಾಲಲ್ಲಿ!
ಅಂದೇ ಕೊಡೆಯಾಲಕ್ಕೆ ಹೋಗಿ ಹೊಸಾಮನೆ ಕಟ್ಟಿ ಕೂದರುದೇ, ಕೆಲವು ಜೆನ ಇವರ ಹಳೆಮನೆಅಪ್ಪಚ್ಚಿ ಹೇಳಿಯೇ ಹೇಳುದು, ಪಾಪ! ಹಾಂಗಾಗಿ ಎಂಗೊ – ಬೈಲಿನವು ಎಲ್ಲ ಶರ್ಮಪ್ಪಚ್ಚಿ ಹೇಳುದು..
ಆರಿಂಗೂ ಬೇಜಾರಪ್ಪಲಾಗ ಅಲ್ಲದೋ! 😉
ಕೊಡೆಯಾಲಲ್ಲಿ ಹೊಸಮನೆ ಕಟ್ಟಿ, ನೆಮ್ಮದಿಯ ಜೀವನ ಮಾಡ್ತಾ ಇದ್ದವು.
ಈಗ ಬೆಂಗುಳೂರಿಲಿ ಮಗಳ ಮನೆ ಇದ್ದಿದಾ, ನೆಂಪಪ್ಪಗ ಅಲ್ಲಿಗೆ ಹೋಗಿರ್ತವು.
ಎಲ್ಯಾರು ಹೆರ ಹೋಪಗ – ಬಪ್ಪಗ ಕಿಸೆಲಿ ಒಂದು ಕೆಮರ ಮಡಿಕ್ಕೊಂಬ ಅಬ್ಯಾಸ ಅವಕ್ಕೆ – ಹಳೆಮನೆಯ ನೀರಿಲೇ ಕೆಮರದ ಗುಣ ಇದ್ದೋ – ಉಮ್ಮಪ್ಪ!
ಹಾಂಗೆ, ಈ ಸರ್ತಿ – ಹೋಪಗ ಟಿಕೇಟು ಸಿಕ್ಕಿದ್ದಿಲ್ಲೆಡ – ಬಂದದು ರೈಲಿಲಿ, ಒಚ್ಚಿಯೋಂಡು!
ಚೋಲಿಪ್ಪ ಕಡ್ಳೆ ತಿಂಬದರ ಎಡೇಡೆಲಿ ಕೆಲವು ಚೆಂದದ ಪಟಂಗಳನ್ನುದೇ ತೆಗದ್ದವು.
ನಮ್ಮ ಬೈಲಿಂಗೆ ಕಳುಸಿಕೊಟ್ಟು – ಎಲ್ಲರೂ ನೋಡಲಿ ಹೇಳಿದವು.ಕೆಲಾವು ಶುದ್ದಿಗೊಕ್ಕೆ ಒಪ್ಪಕೊಟ್ಟೋಂಡು ನಮ್ಮ ಬೈಲಿಂಗೆ ಪರಿಚಯ ಆದ್ದಲ್ಲದ್ದೇ, ಶುದ್ದಿಯನ್ನುದೇ ಹೇಳಿ ಬೈಲಿನ ಸಾಹಿತ್ಯ ಕೃಶಿಲಿ ಭಾಗಿ ಆಯಿದವು.
ಇನ್ನು ಮುಂದೆಯೂ ಶುದ್ದಿಗಳ ಹೇಳಿಗೊಂಡಿಪ್ಪ ವಿಶ್ವಾಸ ಅವರದ್ದು.
ಅವು ಹೇಳ್ತ ಶುದ್ದಿಗಳ ಕೇಳಿ, ಆ ಶುದ್ದಿಗೊಕ್ಕೆ ಒಪ್ಪ ಕೊಟ್ಟು, ಅವರ ಉತ್ಸಾಹವ ಪ್ರೋತ್ಸಾಹಿಸೆಕ್ಕು ಹೇಳ್ತದು ಒಪ್ಪಣ್ಣನ ಕೋರಿಕೆ.

Latest posts by ಶರ್ಮಪ್ಪಚ್ಚಿ (see all)

• ಅವನೀಶ- SSLC 99.68% - May 20, 2023
• ಕಣ್ಣಾಮುಚ್ಚೇ ಕಾಡಾಗೂಡೇ - August 3, 2021
• ಮರಳಿ ಗೂಡಿಗೆ - May 31, 2021