ಶರ್ಮಪ್ಪಚ್ಚಿ ಅವರಬಗ್ಗೆ ವಿಶೇಷವಾದ ಶುದ್ದಿಯನ್ನೇ ಬೈಲಿಂಗೆ ಹೇಳಿತಿಳುಸಿದ್ದವು.
( ಸಾಧನೆಗೆ ಅಡ್ಡಿ ಆಗದ್ದ ಅಂಗವೈಕಲ್ಯ: https://oppanna.com/nammooru/shedigumme-gopalakrishna-bhat )
ಹ್ಮ್, ಅಪ್ಪು.
ಶರ್ಮಪ್ಪಚ್ಚಿ ಹೇಳಿದ ಹಾಂಗೆಯೇ, ಅವು ದೈಹಿಕವಾಗಿ ಎದ್ದು ನಿಂಬಲೆ ಸಾಧ್ಯ ಆಗದ್ದೆ ಇಕ್ಕು, ಆದರೆ ಅವು ಮಾನಸಿಕವಾಗಿ ಎದ್ದು ನಿಂದ ರೀತಿ ಇದ್ದನ್ನೆ- ಅದರ ಗ್ರೇಶಿರೆ ಒಪ್ಪಣ್ಣಂಗೆ ತುಂಬಾ ಕೊಶಿ ಅಪ್ಪದು.
ಸ್ವಂತವಾಗಿ ಬರದು ಪಾಸಪ್ಪ ಪರೀಕ್ಷೆಗೊ, ಅದರಿಂದ ಮತ್ತೆ ಸಿಕ್ಕಿದ ಸ್ವಂತ ಉದ್ಯೋಗ, ಅಲ್ಲಿಂದ ಮುಂದಕ್ಕೆ ನೆಡದು ಬಂದ ಸ್ವಂತ ಸಂಪಾದನೆಯ ಜೀವನ – ಇದರ ಎಲ್ಲವನ್ನುದೇ ಗ್ರೇಶಿರೆ, ಜೀವನವ ಎದರುಸಲೆ ಒದಗಿ ಬಂದ ದೈವಪರೀಕ್ಷೆ ಹೇಳಿ ಅನುಸುದು ಒಪ್ಪಣ್ಣಂಗೆ.
ಈಗ ಅವು ಉದ್ಯೋಗಸ್ಥರಾಗಿದ್ದರೂ, ಕೆಲವು ಪುಸ್ತಕಂಗಳ ಬರದು ಸಾಹಿತ್ಯಕ್ಷೇತ್ರಕ್ಕೂ ಹೊಂದುತ್ತ ಸಾಧನೆಯ ಮಾಡಿ ತೋರುಸಿದ್ದವು.
ಅವರ ಜೀವನಗಾಥೆಯೇ ಒಳುದೋರಿಂಗೆ ಪ್ರೇರೇಪಣೆ.
ಇದರನ್ನೇ ನಮ್ಮ ಶರ್ಮಪ್ಪಚ್ಚಿ ಐದಾರು ತಿಂಗಳು ಹಿಂದೆ ಹೇಳಿದ್ದದು!
ಇರಳಿ, ನಮ್ಮ ಹತ್ತರಾಣೋರು ಹಾಂಗೆ ಮಿಂಚಿರೆ ನವಗೂ ಕೊಶಿಯೇ.
ಅವು ಇನ್ನೂ ಹತ್ತರೆ ಬಂದರೆ ಮತ್ತೂ ಕೊಶಿ, ಅಲ್ಲದೋ?
ಬೈಲಿಂಗೆ ಶುದ್ದಿ ಹೇಳುತ್ತಿರೋ – ಕೇಳಿದೆ ಒಂದರಿ ಅವರತ್ರೆ.
ಸಂತೋಷಲ್ಲಿ ಒಪ್ಪಿಗೊಂಡವು. ಅವು ಒಪ್ಪಿ, ತಕ್ಷಣ ಕೊಶೀಲಿ ಕಳುಸಿದ ಆ ಶುದ್ದಿಯ ಕಂಡು ಒಪ್ಪಣ್ಣಂಗೆ ಕೊಶಿಯೂ ಆಶ್ಚರ್ಯವೂ ಆಗಿಬಿಟ್ಟತ್ತು!
ಅವರ ಶುದ್ದಿಗಳ ನಾವೆಲ್ಲೊರೂ ಕೇಳುವೊ°, ಪ್ರೀತಿಲಿ ಒಪ್ಪ ಕೊಡುವೊ°.
ಸಾಹಿತ್ಯದ ಅವರ ಅಭಿರುಚಿಯ ಇನ್ನುದೇ ಬೆಳೆಸುವೊ°, ಆಗದೋ?
- ಸಣ್ಣ ಸಂಗತಿ - February 13, 2018
- ದೇಶಸೇವೆ - August 15, 2017
- ಶೇಡಿಗುಮ್ಮೆ ವಾಸುದೇವ ಭಟ್ಟ್ರಿಂಗೆ ಯಕ್ಷಗಾನ ಅಕಾಡೆಮಿಯ ಗೌರವ - August 15, 2017
ಗೋಪಾಲಣ್ಣನ ವಿಷುಕಣಿಯ ಆಶಯ, ಭಾಮಿನಿಲಿ.
ಮೂಡಿಬಂದಾ ಬೆಶಿಲ ಬೇಗೆಗೆ
ಬಾಡಿದಂತಾ ಮೋರೆಯೆಂತಗೆ
ಆಡಿ ಕೊಣಿವಾ ಮಕ್ಕಳೆಲ್ಲರು ಬನ್ನಿ ಈ ಕಡೆಗೆ ॥
ನೋಡಿ ವಿಷುವಿನ ಹಬ್ಬ ಬಂತದ
ಓಡಿ ತನ್ನಿರಿ ಗೋವುಸಂಪಗೆ
ಕಾಡು ಮಾವಿನ ಹಣ್ಣು,ಬೀಜದ ಹಣ್ಣು,ಹಲಸುಗಳ॥೧॥
ದೇವರೊಳ ಮಣೆಯೊಂದ ಮಡಗಿರಿ
ಧಾವಿಸುತ ಕೆಂಬಟ್ಟೆ ಹಾಸಿರಿ
ದೇವ ಮೂಡಿದರಾಗಸದಿ ತಡವಕ್ಕು ಸನ್ನಾಹ।।
ಪಾವಲಿಯ ಸರ,ಬಳೆಯ ಹರಗಿರಿ
ಬಾವಿನೀರಿನ ಎಳೆದು ಚೆಂಬಿಲಿ
ಈವಗಳೆ ತುಂಬಿಸಿರಿ, ಹಾನದ ಗಿಣ್ಣಲಿನ ಮಡಗಿ॥೨॥
ಬಾಲಕೃಷ್ಣನ,ಗಣಪದೇವರ
ಮಾಲೆ ಹಾಕಿ ಅಲಂಕರಿಸಿ ಹಿ-
ತ್ತಾಳೆ ಕಲಶವ,ದೀಪ,ಕನ್ನಾಟಿಗಳ ಇರಿಸೆಕ್ಕು॥
ಏಳುವಾಗಳೆ ಕಣಿಯ ನೋಡೆಕು,
ಕಾಲು ಕೈ ಮೋರೆಯನು ತೊಳೆಯೆಕು
ಕಾಲು ಹಿಡಿಯೆಕು ಹಿರಿಯರೆಲ್ಲರ,ದೇವರಿಗೆ ನಮಿಸಿ॥೩॥
ಕಟ್ಟಿ ಕಡೆಕೊಡಿ ಅಕ್ಕಿಯುದ್ದಿನ
ಹಿಟ್ಟು ತುಂಬಿದ ಬಾಳೆಯೆಲೆಗಳ
ಅಟ್ಟಿನಳಗೆಲಿ ಬೇಶಿದರೆ ಕೊಟ್ಟಿಗೆಯು ಆತಣ್ಣ॥
ಪುಟ್ಟಮಕ್ಕಳು,ದೊಡ್ಡವರು ಇ-
ಲ್ಲೊಟ್ಟು ಸೇರುತ ಕಾಯಿಹಾಲಿನ
ಚಟ್ಟಣಿಯ ಕೂಡ್ಯೊಂಡು ಸಂತೋಷಲ್ಲಿ ಸವಿಯೆಕ್ಕು॥೪॥
ಬಂದವಕೆ ಪಾಯಸವು,ಕೊಟ್ಟಿಗೆ
ಯಿಂದ ಸಮ್ಮಾನಿಸೆಕು ವಿಷು ದಿನ
ದಂದು ಆರೂ ಕೋಪಮಾಡಲೆ ಆಗ, ಮಾಡಿದರೆ॥
ಎಂದಿಗೂ ಇಕ್ಕಾಮನೆಲಿ ರಣ!
ಚೆಂದವೋ ಇದು ನಮ್ಮ ಧರ್ಮಕೆ
ಕುಂದು ಬಾರದ ಹಾಂಗೆ ನಡೆಯೆಕು ವರ್ಷವಿಡಿ ನಾವು!॥೫॥
ಊರಿಂಗೆ ಹೋಗಿ ಬಂದ ಮೇಲೆ ನೋಡುತ್ತಾ ಇದ್ದೆ-ನಿಂಗಳ ಎಲ್ಲರ ಅಭಿಪ್ರಾಯಕ್ಕ್ದೆ ತುಂಬಾ ಧನ್ಯವಾದ.
ರಘು ಅಣ್ಣ ಬೆಶಿ ಕೊಟ್ತಿಗೆ ತಿಂದದು ಹೇಂಗೆ ಹೇಳಿ ಗೊಂತಾತು-ರಸಾಯನ ಹಾಕಿ ಅಪ್ಪಾಗ ತಣಿದತ್ತು ಅಲ್ಲದೊ?
ಗೋಪಾಲಣ್ಣನ ಭಾಮಿನಿ ಬೈಲಿಲಿ ಹಬ್ಬವ ಇನ್ನೂ ಚೆ೦ದ ಮಾಡಿತ್ತು.ರಜಾ ತಡವಾದರೂ ಬೈಲಿನ ಎಲ್ಲಾ ಹಿರಿಯೋರ ಕಾಲು ಮುಟ್ಟಿ ನಮಸ್ಕಾರ ಮಾಡುತ್ತೆ.ನಮ್ಮ ಕ್ರಮವ ವಿಸ್ತಾರವಾಗಿ ಬರದ್ದು ನೋಡಿ ಮನಸ್ಸು ತು೦ಬಿತ್ತು, ಗೋಪಾಲಣ್ಣ.
ವಿಷು ಕಣಿಯ ಆಚರಣೆ ಮಾಡುವ
ವಿಷಯ ಗೋಪಾಲಣ್ಣ ಬರದು ವ
ರುಷದ ಹಬ್ಬವ ಚೆ೦ದಮಾಡಿದವಿ೦ದು ಬೈಲಿಲಿಯೆ
ಹಶುವು ಹೆಚ್ಚೊದರಿ೦ದ ಮದಲೇ
ಬೆಶಿಬೆಶಿಯ ಕೊಟ್ಟಿಗೆಯ ಊರಿಲಿ
ಕೊಶಿಲಿ ಗ೦ಸಿದೆ ಅಟ್ತಿನಳಗೆಯ ಇಳುಗುವದರೊಳವೇ !!
mooDibaMdA / ಮೂಡಿಬಂದಾ…ಹೀಂಗೇಕಪ್ಪದು? ಮುದ್ರಾರಾಕ್ಷಸನೋ…
ಗೋಪಾಲಣ್ಣಾ ಭಾರಿ ಚೆಂದ ಆಯಿದು ಈ ಪದ್ಯ…ರಾಗ ಬದ್ಧವಾಗಿಯೂ ಇದ್ದು…
ಓದಿ ಖುಷಿ ಆತು..ಬೈಲಿನ ಎಲ್ಲೋರಿಂಗೂ ಶುಭಾಶಯಂಗ
ಗೋಪಾಲಣ್ಣಾ..
ಸುದ್ದಿ ಇಲ್ಲದ್ದೆ ಭಾಮಿನಿಲಿ ವಿಷುವಿನ ಶುದ್ದಿ ಹೇಳಿದ್ದು ಬಾರೀ ಕೊಶಿ ಆತು.
ಮನೆಲಿ ಆಚರಣೆಮಾಡ್ತ ವಿವರಣೆಗೊ ಮಾತ್ರಾಬದ್ಧವಾಗಿ ಬಂದದು, ಅದರಲ್ಲಿಪ್ಪ ನೆಗೆಗೊ, ಲಯಂಗೊ -ಎಲ್ಲವೂ ಅಚ್ಚುಕಟ್ಟಾಗಿ ಜೋಡಣೆ ಆದ್ದು ಕಂಡು ಮನಸ್ಸು ತುಂಬಿ ಬಂತು.
ಭಾಮಿನಿಯ ಚೆಂಙಾಯಿ ಮುಂದುವರಿಯಲಿ.
ಹರೇರಾಮ
ವಿಷು ಕಣಿಯ ಕವಿತೆ
ಖುಷಿ ಆತು ಓದಿ
ಹಶುವಾತು ಕೊಟ್ಟಿಗೆಯ ನೋಡಿ …
ಆಶಯವು ಎನ್ನದು ಶುಭವಾಗಲಿ ಸರ್ವರಿಂಗೂ
ವಿಷುಕಣಿಯ ಸವಿವರವಾಗಿ ಭಾಮಿನಿಲಿ ವರ್ಣನೆ ಮಾಡಿದ ಗೋಪಾಲಣ್ಣಂಗೆ ಧನ್ಯವಾದಂಗೊ.
ತುಂಬಾ ಚೆಂದಕೆ ಬಯಿಂದು ಕಣಿ ಕಾವ್ಯ. ಉದೀಯಪ್ಪಗ ಕಣಿ ಮಡಗಿದ್ದರ ನೋಡ್ಳೇ ಚೆಂದ. ಮನೆಯವರಲ್ಲಿ ಪರಸ್ಪರ ಪ್ರೀತಿ ವಿಶ್ವಾಸ ಹೆಚ್ಚಪ್ಪಲೆ ಒಳ್ಳೆ ಸಮಯ ವಿಷುಕಣಿ.
ಧನ್ಯವಾದ.. ವಿಶು ಕಣಿ ನೋಡಿಯಾತು.. ಹಿರಿಯೋರಿಂಗೆ ಅಡ್ಡ ಬಿದ್ದೆ..ಕಿರಿಯೋರಿಂಗೆ ಆಶೀರ್ವಾದಂಗೊ.
ವಿಷು ಕಣಿಯ ಹೇಂಗೆ ಮಡುಗೆಕ್ಕು, ಹಬ್ಬವ ಹೇಂಗೆ ಆಚರಿಸೆಕ್ಕು ಹೇಳ್ತದು ತುಂಬಾ ಚೆಂದಕೆ ಭಾಮಿನಿಲಿ ಒದಗಿ ಬಂತು.
ಬೈಲಿಲ್ಲಿ ಕಾವ್ಯ ಧಾರೆ ನೋಡುವಾಗ ತುಂಬಾ ತುಂಬಾ ಕೊಶೀ ಆವ್ತು.
ಒಪ್ಪ ಆಯಿದು ಗೋಪಾಲಣ್ಣ…
ಬೈಲಿನ ಎಲ್ಲರಿಂಗುದೇ ವಿಷು ಹಬ್ಬದ ಹಾರ್ದಿಕ ಶುಭಾಶಯಂಗೊ… 🙂
ವಿಷು ಕಣಿ ಬೈಲಿ ಕಾಂಬಲೆ ಸಿಕ್ಕಿದ್ದು ಒಳ್ಳೆದಾತಿದು. ಈಗ ಒಂದರಿ ಓದಿದ್ದು ಮಾಂತ್ರ. ಉದಿಯಪ್ಪಗ್ಗ ಎದ್ದಾಂಗೆ ಒಂದರಿ ಕಣಿ ಲೆಕ್ಕಲ್ಲಿ ವಿವರವಾಗಿ ನೋಡೆಕ್ಕಿನ್ನು. ಒಪ್ಪ.
ಬೈಲು ಸಮಸ್ತರಿಂಗು ವಿಷು ಶುಭಾಶಯಂಗಳು.