ಜನಂಗಳ ಪಟಂಗೊ #02

• Author
• Recent Posts

ಹಳೆಮನೆ ಅಣ್ಣ

ಹಳೆಮನೆ ಅಣ್ಣ  ಒಳ್ಳೆ ಪಟ ತೆಗೆತ್ತ° ಹೇಳಿ ಗೊಂತಿದ್ದು, ಯೇವದಾರು ಜೆಂಬ್ರದ್ದಾದರೆ - ಎಲ್ಲವುದೇ ಹೆಚ್ಚುಕಮ್ಮಿ ಒಂದೇ ನಮುನೆ ಇರ್ತು. ಬಟ್ಟಮಾವ, ಮದುಮ್ಮಾಯ, ಉಪ್ನಯನದ ಮಾಣಿ, ಅದು ಇದು.ಆದರೆ ನಮ್ಮದೇ ಪರಿಸರದ ಪಟಂಗ ಹೇಂಗಿಕ್ಕು?!ಪ್ರತಿ ಪಟಲ್ಲಿದೇ ಅದರದ್ದೇ ಆದ ಶಕ್ತಿ ಇತ್ತು. ಅಲ್ಲಿ ಇದ್ದದೆಲ್ಲ, ಕೊಕ್ಕರೆಯೋ, ಜೇಡನಬಲೆಯೋ, ತೊಳಶಿ ಹೂಗೋ - ಸಾಮಾನ್ಯ ನಿತ್ಯಜೀವನಲ್ಲಿ ಕಾಣ್ತದೃಶ್ಯಂಗಳೇ ಆದರೂ, ಪಟ ಹಳೆಮನೆ ಅಣ್ಣ ತೆಗದ್ದಾದರೆ ಅದರ್ಲಿ ಏನೋ ಒಂದು ಬೇರೇ ನಮುನೆ ಕಾಂಬದು.ನಿನ್ನೆ ಹೋಗಿ ಕೇಳಿದೆ, ಹಳೆಮನೆ ಅಣ್ಣ, ಇದರ ಒಪ್ಪಣ್ಣನ ಬೈಲಿಂಗೆ ತೋರುಸುವನಾ? ಹೇಳಿ...ಕುಶೀಲಿ ಅಕ್ಕು ಹೇಳಿದ, ಪೆಟ್ಟಿಂಗೆಂದ ಹುಡ್ಕಿ ಕೆಲವರ ತೆಗದು ಕೊಟ್ಟ!ಇದಾ, ಆ ಕೆಲವು ಪಟಂಗೊ!ನೋಡಿ,ಕುಶಿ ಆದರೆ ಒಪ್ಪ ಕೊಡಿ. ಆತೋ?

Latest posts by ಹಳೆಮನೆ ಅಣ್ಣ (see all)

• ಹವ್ಯಕ ಪುಸ್ತಕಂಗಳ ಲೋಕಾರ್ಪಣೆಯ ವಿಡಿಯೋ - August 28, 2012
• ಬೆದುರು ಅಕ್ಕಿಯ ಪಟಂಗೊ - June 15, 2012
• ತಂಜಾವೂರಿನ ಬೃಹದೀಶ್ವರ ದೇವಸ್ಥಾನ – ಕೆಮರಾ ಕಣ್ಣಿಲ್ಲಿ… - February 20, 2012

ಕಳುದ ಸರ್ತಿ ದೂರಂದ ತೆಗದ (ಕ್ಯಾಂಡಿಡ್) ಪಟಂಗಳ ರಜ್ಜ ನೋಡಿದ್ದಿ. ಈ ಸರ್ತಿ ಪೋರ್ಟ್ರೇಟ್ ಪಟಂಗಳ ನೋಡಿ. ಹಾಂಗೆ ಹೇಳಿ ಈ ಸರ್ತಿಯೂ ಕೆಲಾವು ಕ್ಯಾಂಡಿಡ್ ಪಟಂಗ ಇದ್ದು.
ಎನಗೆ ಮತ್ತೆ ಹಾಂಗೆ ದಾರಿಲಿ ಹೋಪಗ ಕೆಮರ ಹೆರ ತೆಗದು ಪಟ ತೆಗವಲೆ ಕಷ್ಟ ಆವುತ್ತು. ಕಳುದ ಸರ್ತಿ ಗೋಪಾಲ ಮಾವ° ಹೇಳಿದ ಹಾಂಗೆ ಅರಾದರೂ ಬಡಿವಲೋ ಮತ್ತು ಬಂದರೆ…? ಅಂದು ‘ಸುಧಾ’ಲ್ಲಿ ತಾಳಿಬೊಂಡದ ಬಗ್ಗೆ ಲೇಖನ ಬರವಲೆ ಹೇಳಿ ಕೊಡೆಯಾಲಲ್ಲಿ ತಮಿಳಂಗಳ ಮಾತಾಡ್ಸಿದ್ದು ಈಗಲೂ ನೆನಪಾವುತ್ತು. ಎನಗೆ ಅಂಬಗ ರಜ್ಜ ರಜ್ಜ ತಮಿಳು ಬಂದೊಂಡಿತ್ತು. ಹಾಂಗಾಗಿ ಬಚಾವ್…
ನಮ್ಮ ಊರಿಲ್ಲಿ ದಾರಿಲಿ ಹೋಪಗ ಕೆಮರ ಹೆರ ತೆಗದು ಪಟ ತೆಗವದು ಹೇಳಿರೆ ದೊಡ್ಡ ಸಂಗತಿಯೇ. ಅದರಲ್ಲೂ ದೊಡ್ಡ ಕೆಮರ ಹಿಡುದು ಪಟ ತೆಗವಲೆ ಹೋದರೆ ‘ಪೇಪರ್ದಾಯೆ ಬತ್ತೆ ಮಾರಾಯ’ ಹೇಳಿಗೊಂಡು ಓಡುವವೇ ಇಪ್ಪದು ನಮ್ಮ ಊರಿಲ್ಲಿ. ನಮ್ಮ ಪೇಪರಿನವು ಮಾಡುದೂ ಹಾಂಗೇ. ಬೇಕಾದರೂ ಬೇಡದ್ದರೂ ವರದಿ ಬರದು ಹಾಕಿ ಕೆಲವು ಸರ್ತಿ ಪ್ರಿಂಟ್ ಅಪ್ಪಗ ಅದರ ಮೂಲ ಸ್ವರೂಪವೇ ಬದಲಾಗಿರ್ತು. ಅಷ್ಟಪ್ಪಗ ಅದರ ಓದುವವನ ತಲೆ ಓಡುದು ಈ ಪೇಪರಿನವು ಹೇಳಿರೆ ಇಷ್ಟೇ… ಇವರತ್ರೆ ಎಂತ ಹೇಳುಲಾಗ… ಹೇಳ್ತ ಭಾವನೆ ನಮ್ಮ ಜನಂಗಳ ಮನಸ್ಸಿಲ್ಲಿ ಬಂದು ಬಿಡುತ್ತು.
ನಿಜ ಹೇಳೆಕ್ಕಾ? ನಿಂಗೊ ಟೂರ್ ಎಲ್ಲ ಹೋಪದಿದ್ದರೆ ದೊಡ್ಡ ಕೆಮರಕ್ಕಿಂತಲೂ ಸಣ್ಣ ಕೆಮರ ಒಳ್ಳೆದು. ಲಗೇಜ್ ಕಮ್ಮಿಯೂ ಅವುತ್ತು, ಬೇಕಾದ ಹಾಂಗಿಪ್ಪ ಪಟ ತೆಗವಲೂ ಆವುತ್ತು. ದೊಡ್ಡ ಕೆಮರ (SLR ಕೆಮರ ಹೇಳ್ತವು) ಕೊಂಡೋಪಲೆ ಬಾದಿಯೂ ಆವುತ್ತು, ಜನಂಗೊಕ್ಕೆ ಬೇಗ ಕಾಂಬಲೂ ಸಿಕ್ಕುತ್ತು.(ಜನಂಗೊ ಬೇಗ ನೋಟ್ ಮಾಡ್ತವು). ಹಾಂಗಾಗಿ ಜನಂಗಳ ಪಟ ತೆಗವದಿದ್ದರೆ ಸಣ್ಣ ಕೆಮರಂಗಳೇ ಒಳ್ಳೆದು. ಒಂದು ಫೊಟೋಗ್ರಫಿ ಪತ್ರಿಕೆಲಿ ಕಂಡ ಹಾಂಗೆ ಕಪ್ಪು ಬಣ್ಣದ ಕೆಮರಂಗಳ ಜನಂಗೊ ಹೆಚ್ಚು ನೋಟ್ ಮಾಡ್ತವಡ. ಅಂಬಗ ಜನ ಹೆಚ್ಚು ನೋಟ್ ಮಾಡದ್ದೆ ಇರೆಕಾದರೆ? ಕೆಂಪು ಬಣ್ಣವೋ, ಅರಸಿನ ಬಣ್ಣದ್ದೋ ಕೆಮರ ತೆಕ್ಕೊಂಡು ಹೋಯೆಕ್ಕಡ. ಇದು ಮನುಷ್ಯರ ಸೈಕಾಲಜಿ. ಎಂತಕೆ ಹೇಳಿ ಎನ್ನತ್ರೆ ಕೇಳೆಡಿ ಮತ್ತೆ…
ಜನಂಗೊ ಕೆಮರ ಹೆಚ್ಚು ನೋಟ್ ಮಾಡಿದ ಹಾಂಗೆ ಕಳ್ಳಂಗಳೂ ನೋಕ ಹಾಕ್ಯೊಂಡು ಇರ್ತವು. ಹಾಂಗಾಗಿ ದೊಡ್ಡ ಕೆಮರ ಟೂರ್ ಹೋಪಗ ಅಷ್ಟು ಸೇಫ್ ಅಲ್ಲ. ಗೋಣಿ ಚೀಲದ ಹಾಂಗಿಪ್ಪ ಕೆಮರ ಚೀಲಲ್ಲಿ ಹಾಕ್ಯೊಂಡು ಹೋದರೆ ಅದು ಕೆಮರ ಹೇಳಿ ಅಷ್ಟು ಸುಲಭಲ್ಲಿ ಗೊಂತಾಗ. ದೊಡ್ಡಕೆ ‘ಕೆಮರಾ’ ಹೇಳಿ ಬರಕ್ಕೊಂಡು ಇಪ್ಪ ಬೇಗು ಹಾಕ್ಯೊಂಡು ಹೋದರೆ ಕಳ್ಳಂಗಳೂ ಅದನ್ನೇ ನೋಡ್ತಾ ಇರ್ತವು, ನೆನಪಿರ್ಲಿ…
ಹಳೆಮನೆ ಅಣ್ಣ
http://www.drishyaphotos.blogspot.com