ಅವಕ್ಕೆ ಎಲ್ಲವುದೇ ಅರಡಿಗು.ಬೈಕ್ಕು ಬಿಡ್ಳೆ ಅರಡಿಗು, ಕಾರು ತಿರುಗುಸುಲೆ ಅರಡಿಗು, ಕೊದಿಲು ಮೇಲಾರ ಮಾಡ್ಳೆ ಅರಡಿಗು, ಅದರ ಉಂಬಲೂ ಎಡಿಗು!ಕರವಲೂ ಅರಡಿಗು, ಕೆಮ್ಕಕ್ಕೆ ಅಡಕ್ಕೆ ಹಾಕಲೂ ಅರಡಿಗು, ಬೆಂಗುಳೂರಿಂಗೆ ಹೋಗಿ ಬೇಕಾದ ಕೆಲಸ ಮಾಡಿಗೊಂಡು ಬಪ್ಪಲೂ ಅರಡಿಗು, ಪೂಜೆ-ಮಂತ್ರಂಗಳೂ ಅರಡಿಗು, ಮದುವೆ ಮಾಡುಸುಲೂ ಅರಡಿಗು, ಪೋನಿಲಿ ಇಂಗ್ಳೀಶಿಲಿ ಮಾತಾಡಲೂ ಅರಡಿಗು,ಕವುಡೆ ತಿರುಗುಸುಲೆ ಅರಡಿಗು, ಜಾತಕ ಬರವಲುದೇ ಅರಡಿಗು, ಪೇಂಟು ಹಾಯ್ಕೊಂಡು ಕಂಪ್ಯೂಟರು ಕುಟ್ಟುಲೂ ಅರಡಿಗು! ಮನೆಲಿಪ್ಪಗ ಅಡಕ್ಕೆ ಅಗುಕ್ಕೊಂಡು ಎಲೆ ತಿಂಬಲೂ ಅರಡಿಗು, ಪೇಟಗೆ ಹೋಪಗ ಪೌಡ್ರು ಹಾಕಲೂ ಅರಡಿಗು!!
ಸಾಮಾನ್ಯವಾಗಿ ಮನುಶ್ಯ ಒಬ್ಬಂಗೆ ಎಂತೆಲ್ಲ ಬೇಕೋ -ಅದೆಲ್ಲ ಅರಡಿಗು!ಅವು ಒಬ್ಬ ಇದ್ದರೆ ಹತ್ತು ಜೆನ ಇದ್ದ ಗುಣ ಹೇಳಿ ಮಾಷ್ಟ್ರಮನೆ ಅತ್ತೆ ಯೇವತ್ತೂ ಹೇಳುಗು.ಸದ್ಯ ಕಳುದೊರಿಷ ಮಾನಸ ಸರೋವರ ಕೈಲಾಸ ಪರ್ವತ ಎಲ್ಲ ತಿರುಗಿಕ್ಕಿ ಬಯಿಂದವು. ಬಂದ ಶುದ್ದಿಯ ಅವರ ಬ್ಲೋಗಿಲಿ ಬರದ್ದವು.ಅವು ಒಪ್ಪಣ್ಣನ ಬೈಲಿಲಿ ತುಂಬ ಮೊದಲಿಂದಲೇ ಇಪ್ಪವು.
’ಶುದ್ದಿ ಹೇಳ್ತಿರೋ’ ಕೇಳಿಯಪ್ಪಗ ಸಂತೋಷಲ್ಲಿ “ಅಕ್ಕು ಒಪ್ಪಣ್ಣೋ” ಹೇಳಿದವು. ಅವರನ್ನುದೇ ಅವರ ಮನೆಲಿ ಒಪ್ಪಣ್ಣ ಹೇಳಿಯೇ ದಿನಿಗೆಳುದು ಇದಾ, ಅವರಿಂದ ಹೆರಿಯೋರು!ಅವಕ್ಕೆ ‘ಎಂತರ ಬರೇಕಪ್ಪಾ’ ಹೇಳಿ ದೊಡಾ ಕನುಪ್ಯೂಸು. ಎಲ್ಲಾ ಅರಡಿಗಾದವಕ್ಕೆ ಈ ನಮುನೆ ಬಪ್ಪದು ಸಹಜ. ಅದಕ್ಕೆ ಅಜ್ಜಕಾನ ಬಾವ ಹೇಳಿದ°, ‘ನಿಂಗೊ ಮಂತ್ರಂಗಳ ಬಗ್ಗೆ ಶುರುಮಾಡಿ ಗಣೇಶಪ್ಪಚ್ಚಿ’.
ಹಾಂಗೆ ಕೆಲವೆಲ್ಲ ಮಂತ್ರಂಗಳ ಬಗ್ಗೆಯೋ, ಜ್ಯೋತಿಷ್ಯದ ಬಗ್ಗೆಯೋ, ಪೂಜೆ ಮಾಡ್ತ ವಿಧಾನದ ಬಗ್ಗೆಯೋ ಮತ್ತೊ ಶುದ್ದಿ ಹೇಳ್ತವಡ. ಅದರ ಒಟ್ಟಿಂಗೆ ಬೇರೆ ಶುದ್ದಿಗಳೂ ಹೇಳುಗು, ಅದು ಕುಶಾಲಿಂಗೆ!
ಸಂಸ್ಕೃತ ಮಂತ್ರಂಗಳ ಒಟ್ಟೊಟ್ಟಿಂಗೆ ಹವ್ಯಕ ಅರ್ತಂಗೊ- ಪ್ರಯೋಗಂಗೊ – ವಿವರಣೆಗೊ ಹೇಳ್ತಾ ಹೋವುತ್ತವು. ಇವರ ಒಟ್ಟಿಂಗೆ ಬಟ್ಟಮಾವಂದೇ ಸೇರ್ತವಡ- ಪ್ರತಿತೆಗವಲೆ.ಅವು ಬರದ್ದರ ಓದಿ, ಮನನ ಮಾಡಿಗೊಂಬೊ°. ಮದೂರಿಲಿಯೋ, ಕೋಟೆಲಿಯೋ – ಮಣ್ಣ ವಸಂತ ವೇದಪಾಟಶಾಲೆಲಿ ಕಲ್ತ ಮಂತ್ರಂಗಳ ಮತ್ತೊಂದರಿ ನೆಂಪುಮಾಡಿಗೊಂಬ°.
ಅವು ಬರದ್ದರ ನಾಕು ಜೆನಕ್ಕೆ ಹೇಳಿ. ಅವಕ್ಕುದೇ ಒಪ್ಪ ಕೊಡಿ.
ಆತೋ?ಏ°?
- ಸಪ್ತಪದಿ - August 1, 2011
- 15-ಜೂನ್-2011: ಖಂಡಗ್ರಾಸ ಚಂದ್ರಗ್ರಹಣ - June 15, 2011
- ಚಾಂದ್ರ ಮಾನ ಯುಗಾದಿಗೆ ನೆರೆಕರೆಯ ಸಂಭ್ರಮ - April 2, 2011
ಪಂಚಗವ್ಯದ ಬಗ್ಗೆ ಇನ್ನಷ್ಟು ತಿಳಿಯುವ ಕುತೂಹಲಂದ ನಮ್ಮ ಪೆರ್ಲದ ಆಯುರ್ವೇದದ ಡಾಕ್ಟ್ರು ಸುಮಾರು ಮಾಹಿತಿ ಕೊಟ್ಟವು.
ಗೋಮಯ, ಗೋಮೂತ್ರ ಹಾಂಗೂ ಪಂಚಗವ್ಯಂಗಳ ಸತ್ಪ್ರಯೋಜನದ ವಿಚಾರ ಚರಕಸಂಹಿತೆಲಿ ಸುಮಾರು ವಿವರಣೆ ಇದ್ದು ಹೇಳಿ ಹೇಳಿದವು..
‘ಆದರೆ ಇಪ್ಪತ್ತೊಂದನೇ ಶತಮಾನಲ್ಲಿಪ್ಪ ನಾವು, ಆದಿ ಕಾಲಂದ ಅಂತಹಾ ಬರಹಂಗಳ ಆಧಾರಲ್ಲಿ ಪಂಚಗವ್ಯ ಸೇವಿಸಕ್ಕ?’ ಹೇಳಿ ಕೇಳಿದೆ.
ಅದಕ್ಕೆ ಡಾಕ್ಟ್ರು ಮಾವ “ಚರಕನ ಕಾಲಲ್ಲೇ ಈ ಬಗ್ಗೆ ಸಾಕಷ್ಟು ಅಧ್ಯಯನ ಆಯಿದು” ಹೇಳಿ ಹೇಳಿದವದ!!!!
ನಾವು ಅದರ ಕೇಳಿ ಸುಮ್ಮನೆ ಕೂದತ್ತು. ಮತ್ತೆ ಪ್ರಶ್ನೆ ಹಾಕಲೇ ಹೋಯಿದಿಲ್ಲೇ .
ಆದರೆ ಜೈವಿಕ ಸಂಯುಕ್ತಂಗಳ ಬಗೆಲಿ ಸೂಕ್ಷ್ಮಾಣು ಜೀವಿಗಳ ಬಗ್ಗೆ ಏನಾದರೂ ಡಾಕ್ಟ್ರುಮಾವ ಹೇಳ್ತವಾ ಹೇಳಿ ಕಾದು ಕೂದೆ.
ಅಷ್ಟೊತ್ತಿಂಗೆ ಡಾಕ್ಟ್ರು “ಯಾವ್ಯಾವುದೋ ದನಂಗಳ ಮಲ ಮೂತ್ರ ಉಪಯೋಗಿಸಿದರೆ ಪ್ರಯೋಜನ ಆವುತ್ತಿಲ್ಲೆ !
ಭಾರತೀಯ ಶುದ್ಧ ಗೋತಳಿಗಳ ಉತ್ಪನ್ನಹೇಳಿ ಇದ್ದಲ್ದ?
ಅದರ್ಲಿ ‘ರೋಗ ಪ್ರತಿರೋಧ ಶಕ್ತಿ’ ಶೇ. 90ರಿಂದ 98ರಷ್ಟಿದ್ದರೆ, ಮಿಶ್ರ ತಳಿಗಳ ಶಕ್ತಿ ಬರೇ ಶೇ. 40ಕ್ಕೂ ಕಡಮ್ಮೆ ಇಪ್ಪದು ಹೇಳಿ ‘ಚರಕ ಸಂಹಿತೆಲಿ ಸಂಶೋಧನೆ ಆಯಿದಡ!!!!”
`ನಾವು ಒಪ್ಪಣ್ಣ ನ ಬೈಲಿಲಿ ಬರವಗ ಸುಮ್ಮನೆ ಆ ಶಾಸ್ತ್ರ ಈ ಶಾಸ್ತ್ರ ಹೇಳಿ ಹೇಳುಲೆ ಆವ್ತ?’ ಹೇಳಿ ಆನು ಒಂದು ಪ್ರಶ್ನೆ ಹಾಕಿದೆ.
`ಅದರ್ಲಿ ಹೆಚ್ಚಿನವೂ ಸೋಫ್ಟುವೇರು ಇಂಜಿನಿಯರು ಅದ!!! ಅವಕ್ಕೆಲ್ಲಾ ವೈಜ್ಞಾನಿಕ ಕಾರಣ ಕೊಡೆಕ್ಕು balenciaga schoenen verkoop ಇದಾ?’ ಹಾಂಗೆ ಡಾಕ್ಟ್ರು ಮಾವನ ಹತ್ರೆ ಕೇಳಿದೆ.
ಅದಕ್ಕೆ ಅವು “ಈಗ ಇಷ್ಟು ಸಾಕು. ಹಾಂಗೆ ಎಲ್ಲ ಹೇಳಿ ಪೂರೈಸ, ಪ್ರಜ್ಞಾವಂತರಾದ ನಾವು ಈ ಎಲ್ಲಾ ವಿಚಾರಂಗಳ ಬಗ್ಗೆ ವಸ್ತುನಿಷ್ಠವಾದ, ವೈಜ್ಞಾನಿಕವಾದ ಅಭಿಪ್ರಾಯವ ಶಾಸ್ತ್ರಂಗಳ ಮೂಲಕ ನಂಬೇಕ್ಕಾವ್ತು” ಹೇಳಿ ಹೇಳಿದವು.
