ಅಪರೂಪದ ಆದರ್ಶ ಮದುವೆ

• Author
• Recent Posts

ವಿಜಯತ್ತೆ

ವಿಜಯಾ ಸುಬ್ರಹ್ಮಣ್ಯಕಾರ್ತಿಕೇಯ, ಕುಂಬಳೆ.

Latest posts by ವಿಜಯತ್ತೆ (see all)

• 2022 ನೇ ಸಾಲಿನ ಕೊಡಗಿನಗೌರಮ್ಮ ಪ್ರಶಸ್ತಿ - July 23, 2022
• ‘ಮುದುಡಿದ ತಾವರೆ ಅರಳಿತ್ತು’- 2021ರ ಕೊಡಗಿನಗೌರಮ್ಮ ಕಥಾಸ್ಪರ್ಧೆ – ತೃತೀಯ - September 18, 2021
• ಕಾಪಿ ಕುಡುದ ಜರ್ನಲಿಸ್ಟ್ – 2021ನೇ ಸಾಲಿನ ಕೊಡಗಿನಗೌರಮ್ಮ ಕಥಾಸ್ಪರ್ಧೆ – ದ್ವಿತೀಯ - September 1, 2021

ನಿನ್ನೆ(ನವೆಂಬರ್ 8 ಕ್ಕೆ) ಪುತ್ತೂರಿನ ಹತ್ತರೆ ಇಪ್ಪ ಕುತ್ತಿಗೆದ್ದೆ ಜನಾರ್ಧನ ಜೋಯಿಸರ ಮಗಳು ನಮ್ಮ ಬೈಲಿನ ಕೂಸು ಶ್ರೀದೇವಿ(ಸಿರಿ ಕುತ್ತಿಗೆದ್ದೆ)ಯ ಚದರವಳ್ಳಿ  ಶ್ರೀನಿವಾಸ ಭಟ್ರ ಮಗ ಮಧುಸೂದನ೦ಗೆ ದಾರೆ ಎರದು ಕೊಟ್ಟವು. ನಮ್ಮ ಪೀಠಕ್ಕೆ ತನ್ನ ವಂಶದ ಕುಡಿಯ ಕೊಟ್ಟ ಮನೆಗೆ ತನ್ನ ಕರುಳಕುಡಿಯ ಧಾರೆ ಎರದು ಕೊಟ್ಟು ಕೃತಾರ್ಥರಾದವು ಜೋಯಿಶಣ್ಣ ದಂಪತಿಗ.

ಮದುವೆ – ಅಪ್ಪಟ ಹವ್ಯಕರ ಮದುವೆಯೆ!

ಮನೆಲೆ ಜೆ೦ಬ್ರ! ಆದರಾತಿಥ್ಯ೦ಗೊ ಮೆಚ್ಚೆಕ್ಕಾದ್ದೆ. ಕೂಸಿನ ಮನೆಯೋರ ನಯ ನಾಜೂಕಿನ ಕೆಲಸ೦ಗೊ ಎಲ್ಲೊರ ಗಮನಕ್ಕೆ ಬಪ್ಪ ಹಾಂಗೆ ಇತ್ತು. ಬಪ್ಪ ದಾರಿಂದ ಹಿಡುದು, ಮನೆಯ ಜಾಲು, ಚಪ್ಪರ, ಮಂಟಪ, ಆಸರಿಂಗೆ ವೆವಸ್ತೆ, ಊಟದ ವೆವಸ್ತೆ ಎಲ್ಲದರಲ್ಲಿಯೂ ಅಚ್ಚುಕಟ್ಟು ಎದ್ದು ಕಂಡುಗೊಂಡಿತ್ತು.

ಊಟೋಪಚಾರ –   ಊಟ ಈಗಾಣಾ೦ಗೆ ಭಫೆ ಏರ್ಪಾಡು ಮಾಡದ್ದೆ, ಎಲ್ಲೊರಿಂಗೂ ವ್ಯವಸ್ತಿತ ರೀತಿಲಿ  ಚೆಪ್ಪರಲ್ಲಿ ಹ೦ತಿ ಹಾಕಿ ಚೆ೦ದಕೆ -ಸಾವಧಾನಲ್ಲಿ ಬಡುಸಿದ್ದವು.  ಸೀವು ಬಪ್ಪಗ ಭೊಜನಕಾಲೆ ಹಾಕಿ ಒಬ್ಬಾದ ಮೇಲೆ ಒಬ್ಬ ಚೂರ್ಣಿಕೆ, ಹಾಡುಗ ಹೇಳಿದ್ದು ಚೆ೦ದ ಆಯಿದು.

ಮುಹೂರ್ತ ದಕ್ಷಿಣೆ,  ಊಟ ದಕ್ಷಿಣೆ ವಗೈರೆ ಹವ್ಯಕರ  ಸ೦ಪ್ರದಾಯ ಒಳಿಶಿಯೊ೦ಡಿದವು.

ವಿಶೇಷವಾಗಿ – ನಮ್ಮ ಶ್ರೀಗುರುಗಳಿ೦ಗೆ ಪಾಠ ಹೇಳಿದ        ಗುರುಗಳಾದ ಶ್ರೀ ಶ೦ಕರನಾರಾಯಣ ಜೊಯಿಸರಿ೦ದ “ವಿವಾಹದ ಮಹತ್ವ”,  ವಧೂವರರು ಹೇ೦ಗಿರೆಕು   ಹೇಳ್ತ ಬಗ್ಗೆ ಪ್ರವಚನ ಕೇಳುಗರಿ೦ಗೆ ಮಾಹಿತಿ ಸಿಕ್ಕಿ ತು೦ಬಾ ಕುಶಿ ಆತು.

ಅ೦ತೂ ಒಬ್ಬೊಬ್ಬಾದರೂ ನಮ್ಮ ಸ೦ಪ್ರದಾಯವ ಒಳಿಶೆ೦ಡು ಬಪ್ಪದು ನಿಜಕ್ಕೂ ಸ೦ತೊಷ.

ನಮ್ಮ ಆಚಾರ-ವಿಚಾರ, ಸ೦ಪ್ರದಾಯ೦ಗಳ ಒಳಿಶಿಗೊ೦ದು ಬಪ್ಪಲೆ ಪ್ರಯತ್ನ ಮಾಡಿದ ಜನಾರ್ದನ ಜೋಯಿಶಣ್ಣ೦ಗೆ, ಅವಕ್ಕೆ ಎಲ್ಲ ರೀತಿಲಿಯೂ ಸಹಕಾರ ನೀಡಿದವಕ್ಕೆ ತು೦ಬು ನಮನ೦ಗೊ, ಎ೦ತಕೆ ಕೇಳೀರೆ ಇತ್ತಿತ್ಲಾಗಿ ನಮ್ಮ ಹವ್ಯಕರ ಮದುವಗಳೂ ಸ೦ಪ್ರದಾಯ ಬದ್ಧವಾಗಿ ಇರ್ತಿಲ್ಲೆ ಎಲ್ಲೊರ ಮನೆಲೂ ಅಷ್ಟೇ. ಎನ್ನ ಅಪ್ಪನ ಮನೆಲೂ ಎನ್ನದೂ, ಎನ್ನ ತ೦ಗೆ ಈಶ್ವರಿದೂ ಹೀ೦ಗಿದ್ದ ಕ್ರಮಲ್ಲೆ ಆದ್ದು. ಮತ್ತಾಣದ್ದೆಲ್ಲ ಕಾಲಾಯ ತಸ್ಮೈ ನಮಃ

ಈ ಮದುಮ್ಮಾಳು ಎರಡು ವರ್ಷ ಎನ್ನ ಮನೆಲಿ ಎನ್ನ ಮಾನಸಪುತ್ರಿಯಾಗಿ ಮುಜು೦ಗಾವು ಕಾಲೇಜಿ೦ಗೆ ಹೋಗಿಕೊ೦ಡಿದ್ದ ಕೂಸು. ಹಾ೦ಗಾಗಿ ಈ ಮದುವೆಲಿ ಆನು ಪಾಲ್ಗೊ೦ಡು ಸ೦ತೋಷ ಪಟ್ಟು ಇಲ್ಲಿ ಬರವಲೆ ಮನಸ್ಸಾತು.

ಇನ್ನೂ ಇನ್ನೂ ಹೀ೦ಗಿದ್ದ ಮದುವಗಳನ್ನೇ ನೋಡಿ ಭಾಗವಹಿಸುವಾ೦ಗಾಗಲಿ..
ಹೊಸ ಜೀವನದ ದಾರಿಲಿ ಒಂದು ವಂಶವ ಬೆಳಗುಲೆ ಭಾಗ್ಯಲಕ್ಷ್ಮಿ ಆಗಿ ತನ್ನ ಮನೆ ಹೊಸ್ತಿಲುಪೂಜೆ ಮಾಡಿ ಗೃಹಪ್ರವೇಶ ಮಾಡ್ತಾ ಇಪ್ಪ ಬೈಲಿನ ಕೂಸು “ಸಿರಿ”ಯ ಬಾಳಿಲಿ ಸಿರಿಸೌಭಾಗ್ಯಂಗ ತುಂಬಿ ಬಾಳು ಬೆಳಗಲಿ…

ಹರೇರಾಮ.