ಪುತ್ತೂರು ಅಷ್ಟಾವಧಾನ: ಪಕ್ಷಿನೋಟ

• Author
• Recent Posts

ಸಂಪಾದಕ°

ಸಂಪಾದಕ° - ಒಪ್ಪಣ್ಣ ಬೈಲು
Oppanna.Editor@Gmail.com

Latest posts by ಸಂಪಾದಕ° (see all)

• ಪೆರಡಾಲ ವಸಂತ ವೇದಪಾಠ ಶಿಬಿರ : ಎಪ್ರಿಲ್7 ರಿಂದ ಪ್ರಾರಂಭ - April 6, 2023
• ವಿಷು ವಿಶೇಷ ಸ್ಪರ್ಧೆ – 2023 : ಆಹ್ವಾನ - March 19, 2023
• ನಗೆ ಬರಹ ದ್ವಿತೀಯ – ಮೆಡಿ ಉಪ್ಪಿನಕಾಯಿ - July 9, 2021

ಪುತ್ತೂರು ಅಷ್ಟಾವಧಾನದ ಸಂಕ್ಷಿಪ್ತ ಪಕ್ಷಿನೋಟ:

ನಿಷೇಧಾಕ್ಷರಿ:

ಪೃಚ್ಛಕರು: ಡಾ | ಪಾದೇಕಲ್ಲು ವಿಷ್ಣು ಭಟ್ಟ
ಪ್ರಶ್ನೆ     : ಸಂಧ್ಯೆಯ ವರ್ಣನೆ, ಸಂಧ್ಯಾ ನಮಸ್ಕಾರ
ಛಂದಸ್ಸು: ಮಹಾಸ್ರಗ್ಧರಾ ವೃತ್ತ

ಪರಿಹಾರ : (ಕರ್ಣದೊಳ ನಿಷೇಧದ ಅಕ್ಷರ)
ಸುತ್ತು 1:
ರಜ(ತ)ನೀ(ಕ)ಭಾ(ಸ)ವ್ಯಾ(ಪ)ಸ್ಯ(ನ)ಮೆ(ಲ)ನ್ದುಂ(ಸ)ನ(ಗ)ತಿ(ತ)ಗ(ಣ)ತಿ(ಗ)ಯೆ(ನ)ಡೆ(ಯ)ಗಂ (ಭ)ಸ(ಭ)ಲ್ವ(ಸ)ತಾ(ರ)ಣಂ(ನ)ಸ್ವ(ರ)ಭಾ(ವ)ನಂ
ಸುತ್ತು 2:
ಸ್ರಜೆ(ಯ)ಗಂ(ತ)ಮ(ತ)ಧ್ವ(ರ)ಧ್ವ(ಯ)ಪಾ(ಶ)ನ್ತಂ(ಪ)ಸ(ಕ)ರಿ(ದ)ವ(ಪ)ನ(ದ)ಯ(ನ)ದೆ(ನ)ತಾಂ (ಭ)ಸ(ತ)ರ್ವ(ಕ)ಥಾ(ಭ)ಸಾ(ಧ)ರೆ(ನ)ಸ(ತ)ಲ್ಗುಂ
ಸುತ್ತು 3:
ನಿಜ(ನ)ಮಾ(ಗ)ನ್ದ್ಯಾ(ದ)ನ್ಧ್ಯಾ(ನ)ರ್ಕ(ಪ)ಹೇ(ಗ)ಲಾ(ಪ)ಹಿ(ಮ)ತ(ಮ)ಕೆ(ತ)ಪ(ಕ)ಥ(ಕ)ಮಿ(ದ)ಹಾ (ಗ)ನ್ಯ(ತ)ರ್ಧಿ(ಭ)ಗೀ(ನ)ವಿ(ದ)ತ್ವ(ವ)ಮೀ(ಗ)ಡ್ಯಂ
ಸುತ್ತು 4:
ಪ್ರಜೆಗಳ್ ತಾಮಗ್ನಿಶೋಮೀಯದ ಪರಿಣತಿಗಂ ಸಂದಿರಲ್ ಸತ್ವಮಾಳ್ಗುಂ ||

ಪೂರ್ಣಪಾಠ:
ರಜನೀ ಭಾವ್ಯಾಸ್ಯಮೆಂದುಂ ನತಿಗತಿಯೆಡೆಗಂ ಸಲ್ವತಾಣಂ ಸ್ವಭಾನಂ
ಸ್ರಜೆಗಂ ಮಧ್ವಧ್ವಪಾಂತಂ ಸರಿವನಯದೆ ತಾಂ ಸರ್ವಥಾ ಸಾರೆ ಸಲ್ಗುಂ |
ನಿಜಮಾಂದ್ಯಾಂಧ್ಯಾರ್ಕ ಹೇಲಾಹಿತಕೆ ಪಥಮಿಹಾನ್ಯರ್ಧಿಗೀವಿತ್ವಮೀಡ್ಯಂ
ಪ್ರಜೆಗಳ್ ತಾಮಗ್ನಿಶೋಮೀಯದ ಪರಿಣತಿಗಂ ಸಂದಿರಲ್ ಸತ್ವಮಾಳ್ಗುಂ ||
ಸಂಧ್ಯೆಯಿಂದಾಗಿ ನಮ್ಮೊಳ ಸತ್ವ ವೃದ್ಧಿಯಾಗಲಿ.

~*~

ಸಮಸ್ಯಾಪೂರಣ:

ಪೃಚ್ಛಕರು:  ಕೆಕ್ಕಾರು ರಾಮಚಂದ್ರ, ಬೆಂಗಳೂರು
ಪ್ರಶ್ನೆ     : ತಲೆದಿಂಬೊದ್ದೆಯದಾದುದಂ ತಿಳಿಯುತಂ ಕಣ್ಣೀರ ತಾ ಸೂಸುವಳ್
ಛಂದಸ್ಸು: ಮತ್ತೇಭವಿಕ್ರೀಡಿತ ವೃತ್ತ

ಪರಿಹಾರ:
ಲಲನಾಮಾನಿತೆ ಸೀತೆ ತಾಂ ನೆನೆಯುವಳ್ ವಾಲ್ಮೀಕಿ ಕುಟ್ಯಗ್ರದೊಳ್
ದಲಿತಾನಂದನ ನಂದುರಾಮನಳುಕುತ್ತುಂ ಕೊಂಡ ದುರ್ನಿರ್ಣಯ -|
ಚ್ಛಲಮಂ ಕಾಣದೆ ಕಾಡಿಗೇಗುವ ಚಣಂಗಳ್ ವೊಂದದಂ ಭಾವಿಸಲ್
ತಲೆದಿಂಬೊದ್ದೆಯದಾದುದಂ ತಿಳಿಯುತಂ ಕಣ್ಣೀರ ತಾ ಸೂಸುವಳ್ ||
ಸೀತಾ ಪರಿತ್ಯಾಗದ ಮತ್ತೆ ವಾಲ್ಮೀಕಿ ಆಶ್ರಮಲ್ಲಿ ಸೀತೆ ಆಲೋಚನೆ ಮಾಡುವಾಗ, ಆ ದಿನ ರಾಮನ ತಲೆದಿಂಬು ಚೆಂಡಿ ಆದ್ಸು ನೆಂಪಾವುತ್ತು.
ತನ್ನ ಕಳುಸುವಾಗ ರಾಮಂಗೆ ಬೇಜಾರಾಗಿತ್ತು – ಗ್ರೇಶಿ ಸೀತೆ ಕಣ್ಣೀರು ಸುರಿಸುತ್ತು.

~*~

ದತ್ತಪದಿ:

ಪೃಚ್ಛಕರು: ಅಂಬಾತನಯ ಮುದ್ರಾಡಿ
ಪಶ್ನೆ     : ನಲ್ಗಾಡಿ, ಬೀಸು, ವಾಯ್ವಾಯ್, ಅವಧಾನಿ – ಶೃಂಗಾರ ಸಂದರ್ಭ
ಛಂದಸ್ಸು: ಸಾಂಗತ್ಯ

ಪರಿಹಾರ:
ಒಲುಮೆಯ ಜೋಡಿಯು ನಲ್ಗಾಡಿಯಿಂ ಸಾಗಲ್
ಎಲರತ್ತ ಬೀಸಿರಲ್ ಇರದಾ |
ಮಲರೀನ ಹುಡಿಯನ್ನು ಬಾಯ್ವಾಯ್ಗಳ್ ಒನಪಿಂದೆ
ತೊಳೆವವಧಾನಿಗಳ್ ಗೆಲ್ವರ್ ||
ನಲವಿಂದ ಜೋಡಿಯೊಂದು ಸೌಂದರ್ಯ ಆಸ್ವಾದನೆ ಮಾಡುವಾಗ ಗಾಳಿ ಬೀಸಿತ್ತು. ಪುಷ್ಪ ಪರಾಗ ಕಣ್ಣಿಂಗೆ ಬಿದ್ದತ್ತೋ ಹೇಳಿ ಗ್ರೇಶಿ ಇಲ್ಲದ್ದ ಧೂಳಿನ ನಿವಾರುಸುವ ಪ್ರಯತ್ನ ಮಾಡ್ತವು.

~*~

ಚಿತ್ರಕವಿತೆ:

ಪೃಚ್ಛಕರು: ಡಾ. ಆರ್. ಶಂಕರ್
ವಿಷಯ: ಶಿವಸ್ತುತಿ
ಛಂದಸ್ಸು/ ಬಂಧ: ಅನುಷ್ಟುಪ್ / ಯುಗಳ ಸರ್ಪಬಂಧ

ಕಲಾಧರ ಜಯಾರ್ಯೇಶ
ಕಲಾಪಧರ ಸೇವಿತ |
ವಿಲಾಸ ರಸ್ಯ ಯಾಗೇಶ
ಖಲಾಂತ್ಯ ಧರೆ ಸೇರಲೈ |

~*~

ಆಶುಕವಿತೆ:

ಪೃಚ್ಛಕರು: ಸೋಮಶೇಖರ ಶರ್ಮ
ಪ್ರಶ್ನೆ 1: ರಾಮಾಯಣದ ಮಂಥರೆ-ಶಬರಿಯ ತುಲನಾ ಪದ್ಯ
ಉತ್ತರ 1:
ರಾಮಾಯಣ ಮಧುವನದೊಳ್
ಪ್ರೇಮಾಯತನಂ ಪಯೋಜಮಾ ಶಬರಿಯದಲ್ |
ಕ್ಷೇಮ ಪ್ರಬೋಧ ಮಾರಣ
ಮೈಮೆವಲಂ ಮಂಥರಾಕ್ಕೆ ದತ್ತೂರವೆ ತಾಂ ||
ರಾಮಾಯಣವೆಂಬ ಉದ್ಯಾನವನದಲ್ಲಿ ಶಬರಿಯು ಕೋಮಲವಾದ ಕಮಲವಿದ್ದಂತೆ, ಮಂಥರೆ ಮಾದಕ,ವಿಷವಾದ ದತ್ತೂರವಿದ್ದಂತೆ.

~*~

ಕಾವ್ಯವಾಚನ:

ಪೃಚ್ಛಕರು: ಚಂದಶೇಖರ ಕೆದಿಲಾಯರು

1. ಸೇಡಿಯಾಪು ಕೃಷ್ಣಭಟ್ಟರ – ಶಬರಿಯ ಕುರಿತ ಕಾವ್ಯ
2. ಮುದ್ದಣನ ರಾಮಾಶ್ವಮೇಧ
3. ರಾಮಾಯಣ ದರ್ಶನಂ – ಕುವೆಂಪು
4. ಗೋಪಾಲಕೃಷ್ಣ ಅಡಿಗರ ಕಾವ್ಯ

~

ಸಂಖ್ಯಾಬಂಧ:

ಪೃಚ್ಛಕರು: ಡಾ.ಚಂದ್ರಶೇಖರ ದಾಮ್ಲೆ
ಸಂಖ್ಯೆ: 840 (Double 420)
~

ಅಪ್ರಸ್ತುತ ಪ್ರಸಂಗ:

ಪೃಚ್ಛಕರು: ಕೊರ್ಗಿ ಶಂಕರನಾರಾಯಣ ಉಪಾಧ್ಯಾಯರು
ಕೆಲವು ರಸನಿಮಿಷಂಗೊ:

ಅ.ಪ್ರ ಪ್ರಶ್ನೆ: ಇಡ್ಳಿ-ವಡೆಯ ದಾಂಪತ್ಯ ರಹಸ್ಯ?
ಅವಧಾನಿಗಳ ಉತ್ತರ: ಸಾಂ-ಭಾರ. ಪರಸ್ಪರ ಉತ್ತಮ ಭಾರ(ಕೃತಜ್ಞತೆ) ಇದ್ದಲ್ಲಿ ದಾಂಪತ್ಯ ಯಶಸ್ವಿಯಾಗುತ್ತದೆ.

ಪ್ರ: ಹೆಂಡತಿ ಶಬ್ದದಲ್ಲೇ ಹೆಂಡ ಇದೆ. ಹಾಗಿದ್ದಲ್ಲಿ “ಹೆಂಡ” ಬಿಡಿ ಎನ್ನುವುದು ತಪ್ಪಲ್ವೇ?
ಉ: ಹೆಂಡತಿಯಲ್ಲಿ ಹೆಂಡ ಕಾಣ್ತಿದ್ದರೆ ಗಂಡನಲ್ಲಿ ಯಮಗಂಡ ಇದೆಯೇ?

ಪ್ರ: ಹಗ್ಗ ಹಾಕಿಕೊಳ್ಳಲು ಹದಿನಾರು ಸೂತ್ರಗಳು?
ಉ: ಹದಿನಾರು ಬೇಕಾಗಿಲ್ಲ, ಒಂದೇ ಸಾಕು – ಮಾಂಗಲ್ಯ ಸೂತ್ರ.

ಪ್ರ: ಅವಧಾನಿಗಳೇ..
ಉ: ಹೇಳಿ..
ಪ್ರ: ಏನೂ ಇಲ್ಲ..
ಉ: ನಿಮ್ಮಲ್ಲಿ ಏನಿರುತ್ತೆ ಹೇಳಿ…

~*~*~

ನೇರಪ್ರಸಾರ ಮಾಡಿದ ವೀಡಿಯೋ:
(ಕೃಪೆ: ಹಳೆಮನೆ ತಮ್ಮ / ಚುಬ್ಬಣ್ಣ)
http://new.livestream.com/accounts/3676823/events/2039669/videos/16993103

~

ಸೂ:
ಪೂರ್ಣ ಅವಧಾನದ ನಾಲ್ಕೂ ಸುತ್ತುಗಳ ಮಾಹಿತಿ ಸದ್ಯಲ್ಲೇ ಬತ್ತು. ಈಗ ಅಂಬೆರ್ಪಿಂಗೆ ಇಷ್ಟಿದ್ದು. ವೀಡಿಯೋ ನೋಡಿರೆ ಸಂಪೂರ್ಣವಾಗಿದ್ದು.
ಹರೇರಾಮ