ಸ್ವಚ್ಛ ಭಾರತ – ವಿಷು ವಿಶೇಷ ಸ್ಪರ್ಧೆ – ದ್ವಿತೀಯ ಬಹುಮಾನ ಪಡದ ಕವನ

• Author
• Recent Posts

ಸಂಪಾದಕ°

ಸಂಪಾದಕ° - ಒಪ್ಪಣ್ಣ ಬೈಲು
Oppanna.Editor@Gmail.com

Latest posts by ಸಂಪಾದಕ° (see all)

• ಪೆರಡಾಲ ವಸಂತ ವೇದಪಾಠ ಶಿಬಿರ : ಎಪ್ರಿಲ್7 ರಿಂದ ಪ್ರಾರಂಭ - April 6, 2023
• ವಿಷು ವಿಶೇಷ ಸ್ಪರ್ಧೆ – 2023 : ಆಹ್ವಾನ - March 19, 2023
• ನಗೆ ಬರಹ ದ್ವಿತೀಯ – ಮೆಡಿ ಉಪ್ಪಿನಕಾಯಿ - July 9, 2021

ಹವ್ಯಕ ಭಾಷಾ ಸಾಹಿತ್ಯದ ಬೆಳವಣಿಗೆಗಾಗಿ ನಡೆಶಿದ “ವಿಷು ವಿಶೇಷ ಸ್ಪರ್ಧೆ 2015″ ಯಶಸ್ವಿಯಾಗಿ ಈ ವರ್ಷದ ವಿಷು ಸಮಯಲ್ಲಿ ಕಳುದತ್ತು. ಸ್ಪರ್ಧಾ ವಿಜೇತರೆಲ್ಲರಿಂಗೂ, ಭಾಗವಹಿಸಿದ ಎಲ್ಲ ನೆರೆಕರೆಯ ಬಂಧುಗೊಕ್ಕೂ ಹಾರ್ದಿಕ ಅಭಿನಂದನೆಗೊ. ಸಾಹಿತ್ಯ ಸೇವೆ ಹೀಂಗೇ ಮುಂದುವರಿಯಲಿ. ಬರವಣಿಗೆ ನಿರಂತರವಾಗಿರಲಿ – ಹೇಳಿ ನಮ್ಮ ಆಶಯ.
ಸ್ಪರ್ಧೆಗೆ ಬಂದ ಸೊತ್ತುಗಳ ಬೈಲಿಲಿ ಪ್ರಕಟ ಮಾಡಿರೆ ಎಲ್ಲರಿಂಗೂ ಅದರ ಸವಿ ಸಿಕ್ಕುತ್ತು. ಹಾಂಗಾಗಿ, ಪ್ರತಿ ಐದು ವಿಭಾಗದ ಆಯ್ದ ಬರಹಂಗಳ ಇಲ್ಲಿ ಪ್ರಕಟ ಮಾಡ್ಳೆ ಆರಂಭ ಮಾಡಿದ್ದು. ಎಲ್ಲರುದೇ ಪ್ರೋತ್ಸಾಹಿಸೇಕಾಗಿ ವಿನಂತಿ.

ವಿಷು ವಿಶೇಷ ಸ್ಪರ್ಧೆ- 2015 ರ ಕವನ ಸ್ಪರ್ಧೆಲಿ  ದ್ವಿತೀಯ ಬಹುಮಾನ ಪಡೆದ ಬರಹ.
ಲೇಖಕ ಶ್ರೀ ವಿ.ಬಿ.ಕುಳಮರ್ವ ಇವಕ್ಕೆ ಪ್ರತಿಷ್ಠಾನದ ಪರವಾಗಿ ಮನದುಂಬಿದ ಅಭಿನಂದನೆಗೊ.

ಸ್ವಚ್ಛ ಭಾರತ

ನಮ್ಮ ದೇಶದ ದೊಡ್ಡ ಮ೦ತ್ರಿಗೊ
ತಮ್ಮ ಪೀಠದ ಮೇಲೆ ಕೂಪಗ
“ಸುಮ್ಮನೆ೦ದೂ ಕೂರೆ” ಹೇಳುವ ಶಪಥ ಮಾಡಿದವು |
“ಬ್ರಹ್ಮದೇವರು ವಿಷ್ಣು ರುದ್ರರು
ಎಮ್ಮೆಗೆ೦ಡನ ಬೆನ್ನ ಯಮನುದೆ
ಹೆಮ್ಮೆ ಬೀರುವ ಹಾ೦ಗೆ ನೆಡೆಶುವೆ ದೇಶ ಭಾರತವ”||

ಕ್ಲೇಶ ಕಳವಲೆ ಊರು ತಿರುಗುವೊ°
ದೇಶ ದೇಶವ ಸುತ್ತಿ ನೋಡುವೊ°
ಕಾಶಿ ಕಟ್ಟುವ ಪೈಸೆಗ೦ಟಿನ ಬಿಡುಸಿ ತೋರುಸುವೊ° |
ವಿಶ್ವ ಸೋದರ ಭಾವ ಬೆಳೆಶುವೊ°
ಅಶ್ವಶಕ್ತಿಯ ಬಲವ ಗಳಿಸುವೊ°
ನಾಶವಿಲ್ಲದ ದೇಶ ಕಟ್ಟುವೊ ಎಲ್ಲರೊ೦ದಾಗಿ ||

ಊರು ತು೦ಬಿದ ಕಸವು ರಾಶಿಯ-
ನಾರು ಚೊಕ್ಕಟ ಮಾಡಿ ಮುಗುಶುಗು
ದಾರಿ ಏವದು ಹೇಳಿಯರಡಿಯ ಸುಖದ ಬದುಕಿ೦ಗೆ |
ಕೇರಿ ಬೀದಿಯ ಸುತ್ತಿ ನೋಡಿರೆ
ಜೋರು ಹಿಡಿಯೆಕು ಮೂಗು ಬೆರಳಿಲಿ
ವಾರಕೊ೦ದರಿ ಕೊಳಕು ಹೇಸಿಗೆ ದೂರ ಹಾಕಿರುದೆ ||

ದೇಶ ಆಳುವ ದೊಡ್ಡ ದೊಡ್ಡವು
ನಾಶ ಮಾಡೆಕು ಕೊಳೆಯ ರಾಶಿಯ
ಕಾಶಿ ವಿಶ್ವನ ಕಾಲ ಅಡಿಲಿಯು ಇಪ್ಪ ವಾಸನೆಯ |
ಕೋಶ ತು೦ಬಿರೆ ಸಾಕೊ ನಮ್ಮದು
ಮೀಶಿ ತೊಳದರೆ ದೇಹ ಹೊಳೆಯದೊ
ಪಾಶ ಅ೦ಕುಶ ಹಾಕಿ ನೋಡೆಕು ಜೆನರ ಪೆರಟಿ೦ಗೆ ||

ಎಲ್ಲಿ ನೋಡಿದರಲ್ಲಿ ತುಪ್ಪುಗು
ಎಲ್ಲ ಜಾಗೆಲಿ ಕೊಳಕು ಚೆಲ್ಲುಗು
ಅಲ್ಲಿ ಇಲ್ಲಿಯೊ ಹೇಳಿ ಹುಡುಕಿರೆ ಅವನೆ ಬರಿ ಬೋಸ°|
ಬೆಲ್ಲದಚ್ಚಿಲಿ ಇಲ್ಲೆ ಕಡೆಕೊಡಿ
ಫುಲ್ಲಲೋಚನ ದೇವ ನೀನೇ
ಇಲ್ಲಿಗೊ೦ದರಿ ಬ೦ದು ನೋಡಿರೆ ನಿನಗೆ ಗೊ೦ತಕ್ಕು||

ಸ್ವಚ್ಛ ಭಾರತ ನಮ್ಮದಾಗಲಿ
ಅಚ್ಛ ಪರಿಸರ ಚೆ೦ದ ಹೆಚ್ಚಲಿ
ಹೆಚ್ಚು ಯತ್ನವ ಗೈದು ದೇಶವ ನಾವು ರಕ್ಷಿಸುವೊ° |
ಕೆಚ್ಚು ನಮ್ಮಲ್ಲಿರಲಿ ಮಿತ್ರರೆ
ಹೊಚ್ಚ ಹೊಸ ಚಳುವಳಿಯ ತೊಡಗುವೊ°
ಬೆಚ್ಚಿ ಬೀಳುವ ಹಾ೦ಗೆ ಮೆರೆಯಲಿ ಸ್ವಚ್ಛ ಭಾರತವು ||

ಕೆಲವು ಪದಗಳ ಅರ್ಥ :
ಕೂಪಗ – ಕುಳಿತುಕೊಳ್ಳುವಾಗ
ಕೂರೆ – ಕುಳಿತುಕೊಳ್ಳಲಾರೆ
ಎಮ್ಮೆಗೆ೦ಡ – ಕೋಣ , ಯಮನ ವಾಹನ
ಏವದು – ಯಾವುದು
ಪೆರಟು – ಅಧಿಕಪ್ರಸ೦ಗ