ಅಜ್ಜಿ ಮಾಡುವ ಗೊಜ್ಜಿಗೊ..

• Author
• Recent Posts

ಬಂಡಾಡಿ ಅಜ್ಜಿ

Latest posts by ಬಂಡಾಡಿ ಅಜ್ಜಿ (see all)

• ಉದ್ದಿನ ಗೊಜ್ಜಿ - December 4, 2013
• ಕೆಸವಿನೆಲೆ ಚಟ್ನಿ - November 23, 2013
• ಕಣ್ಣಿಲಿ ಕುರು ಅಪ್ಪದಕ್ಕೆಮದ್ದು - November 11, 2013

ಗೊಜ್ಜಿ ಹೇಳುವಾಗ ಎನಗೆ ಆಚಮನೆ ಈಚನ ಮಗಳು ಸೀತನನ್ನೇ ನೆಂಪಪ್ಪದು. ಒಂದರಿ ಉದಿಯಪ್ಪಗ ಅದಕ್ಕೆ ಶಾಲಗೆ ಹೋಪ ಹೊತ್ತಿಂಗೆ ಮನೆಲಿ ಅಡಿಗೆ ಆಗಿತ್ತಿಲ್ಲೆಡ. ಹಾಂಗೆ ನಮ್ಮಲ್ಲಿಗೆ ಬಂತು ಕೂಸು, “ಅಜ್ಜಿ, ಎನಗೆ ಬುತ್ತಿಗೆ ಎಂತಾರು ಇದ್ದರೆ ಕೊಡಿ” ಹೇಳಿತ್ತು. ಅದೇ ದಿನ ಶಂಬಣ್ಣನಲ್ಲಿ ಪೂಜೆ ಇದ. ಹಾಂಗಾಗಿ ಉದಿಯಪ್ಪಗಳೇ ಅಡಿಗೆ ಆಗಿತ್ತಿದು. ಒಂದು ಟೊಮೆಟ ಗೊಜ್ಜಿಯುದೇ, ಅಲತ್ತೊಂಡೆ ತಾಳ್ಳುದೇ ಮಾಡಿದ್ದು. ಆ ಅಲತ್ತೊಂಡೆ ಮಾತ್ರ ಭಾರೀ ಲಾಯ್ಕಿತ್ತಾತ, ಚೂರಿಬೈಲಿಂದ ತಂದದು, ಎಳತ್ತೆಳತ್ತು. ಬಂಡಾಡಿಲಿ ಇದ್ದ ಒಂದು ಕಳದ್ದುದೇ ಬಂಬುಚ್ಚಿ ಬಂದು ಹೋಯಿದತ್ಲಾಗಿ. ಮೀಟರ್ ಅಲತ್ತೊಂಡೆ ಆಯಿದು ಒಂದು ನಾಕು ಅಷ್ಟೆ. ಹ್ಞಾ… ಸೀತಂಗೆ ಆ ಗೊಜ್ಜಿಯನ್ನುದೇ, ತಾಳ್ಳನ್ನುದೇ ಕೊಟ್ಟೆ ರಜ. ಹೊತ್ತೊಪ್ಪಾಗ ಕೂಸು ಬಂದು, “ಅಜ್ಜೀ ಎನಗೆ ಆ ಕೆಂಪು ಗೊಜ್ಜಿ ಬೇಕೂ..” ಹೇಳಿ ರಾಗ ಎಳತ್ತು. ಬಾರೀ ಕುಶಿ ಆಯಿದಡ ಅದಕ್ಕೆ. ಹಾಂಗೆ ಇದ್ದದರ ಪೂರ ಕೊಟ್ಟೆ. ಅದರಿಂದ ಮತ್ತೆ ಯಾವಾಗ ಬಂದರುದೇ “ಅಜ್ಜೀ… ಕೆಂಪುಗೊಜ್ಜಿ ಇದ್ದಾ…?” ಹೇಳಿ ಕೇಳುಗು. ಅದರ ಈಗ ಆನು ಕೆಂಪುಗೊಜ್ಜಿ ಕೂಚಕ್ಕ ಹೇಳಿಯೇ ದೆನಿಗೇಳುದು ಕುಶಾಲಿಂಗೆ. ಹ್ಹೆ ಹ್ಹೆ ಅದುದೇ ಉಸ್ಸಾರಿದ್ದಾತ, ಎನ್ನ ಕೆಂಪುಗೊಜ್ಜಿಅಜ್ಜಿ ಹೇಳಿ ಕೋಂಗಿ ಮಾಡ್ತು!
ಹ್ಮ್..ತಂಬುಳಿ ಉಂಡಿರನ್ನೆ. ಈ ಸರ್ತಿ ಕೆಲವು ಗೊಜ್ಜಿಗಳ ಮಾಡುವೊ ಆಗದೋ..?
ಕೆಂಪುಗೊಜ್ಜಿ(ಟೊಮೆಟ ಗೊಜ್ಜಿ): ಇಡೀ ಟೊಮೆಟವ ತೊಳದು ಬೇಶುದು. ಕಾಯಿ ಟೊಮೆಟ ಬೇಡ, ಆದಷ್ಟು ಹಣ್ಣಾದರೇ ಒಳ್ಳೆದು. ಅಜ್ಜಕಾನ ರಾಮ ಕೊಡೆಯಾಲಕ್ಕೆ ಹೋದರೆ ಟೊಮೆಟವೇ ತಪ್ಪದಡ, ಬೇರೆ ಎಂತರ ತಪ್ಪದೂಳಿಯೇ ಆಗ ಮಾಣಿಗೆ. ಆಚೊರ್ಷ ಟೊಮೆಟ ಸೆಸಿ ಮಾಡಿತ್ತಿದೆ ಒಂದು. ಕಾಯಿಯೂ ಬಿಟ್ಟಿತ್ತಿದು. ಆದರೆ ಕೊಡೆಯಾಲಲ್ಲಿ ಸಿಕ್ಕುತ್ತಾಂಗೆ ಒಳ್ಳೆತ ದೊಡ್ಡ ಆಯಿದಿಲ್ಲೆ ಮಾಂತ್ರ. ಸಣ್ಣ ಸಣ್ಣ ಟೊಮೆಟಂಗೊ. ಸರಿಕಟ್ಟು ಹಣ್ಣುದೇ ಆಯಿದಿಲ್ಲೆಪ್ಪ. ಅದರ ಮೇಲಾರ ಮಾಡಿದ್ದು. ಮತ್ತೆ ಆ ಸೆಸಿಗೆ ಎಂತದೋ ಹುಳು ಹಿಡುದು ಹೋತು. ಮತ್ತೆ ಬೆಳೆಶುಲೇ ಹೋಯಿದಿಲ್ಲೆ. ಹ್ಮ್…ಟೊಮೆಟ ಬೆಂದತ್ತೋ..? ಅದರ ಇಳುಗಿ, ತಣ್ಣಂಗಪ್ಪಗ ಚೋಲಿ ತೆಗದು ಪುರುಂಚೆಕ್ಕು. ಕಾಯಿಟೊಮೆಟ ಆದರೆ ಪುರುಂಚಲೆ ಬಂಙ, ರುಚಿಯುದೇ ಅಷ್ಟೇನಿಲ್ಲೆ. ಅದು ಮೇಲಾರಕ್ಕೆ ಅಕ್ಕಷ್ಟೆ. ಪುರುಂಚಿದ್ದದಕ್ಕೆ ಒಂದೆರಡು ಹಸಿಮೆಣಸು ಕೊಚ್ಚಿಹಾಕಿ, ಬೆಲ್ಲ ಹಾಕಿ ಜೊಯಿಂಕ ಒಗ್ಗರಣೆ ಕೊಟ್ಟತ್ತು. ರುಚಿಗೆ ಬೇಕಪ್ಪಷ್ಟು ಉಪ್ಪು ಹಾಕುಲೆ ಮರದಿಕ್ಕೆಡಿ. ಇದಕ್ಕೆ ಬೇಶಿದ ನೀರನ್ನೂ ಸೇರ್ಸಲಕ್ಕು ಬೇಕಾರೆ, ನೀರ್‌ನೀರಾಯೆಕ್ಕಾರೆ. ಮತ್ತೆ ಬೆಲ್ಲ ರಜ ಬಲ ಇರಳಿ. ಸೀವು ಸೀವಾದರೆ ಲಾಯಿಕಾವುತ್ತು (ಸೀವು ಅಪ್ಪವಕ್ಕೆ). ಕೆಂಪುಗೊಜ್ಜಿ ತಯಾರಾತದ.
cheap nike air vapormax
ಟೊಮೆಟದ್ದು ಇನ್ನೊಂದು ಗೊಜ್ಜಿ ಇದ್ದು. ಅದು ಬಾರೀ ಸುಲಾಬ. ಎರಡು ಟೊಮೆಟ, ಹಸಿಮೆಣಸು, ನೀರುಳ್ಳಿ ಎಲ್ಲ ಕೊಚ್ಚಿಹಾಕಿ ಅದಕ್ಕೆ ಉಪ್ಪು, ಮೊಸರು ಬೆರುಸಿ, ಒಗ್ಗರಣೆ ಕೊಟ್ರಾತು. ಅಂಬೆರ್ಪಿಂಗೆ ಬೇಕಪ್ಪಾಗ ಇದರ ಮಾಡ್ಯೊಂಬಲಕ್ಕು.
ಹೇಳಿದಾಂಗೆ ಟೊಮೆಟಕ್ಕೆ ಶಕ್ಕರೆ ಹಾಕಿ ತಿಂಬದು ಗೊಂತಿದ್ದಲ್ದೋ..? ಗೊಜ್ಜಿ ಮಾಡುವಾಗ ಒಂದೆರಡು ಟೊಮೆಟ ಜಾಸ್ತಿ ಕೊಚ್ಚಿ, ಅದಕ್ಕೆ ಶಕ್ಕರೆ ಹಾಕಿ ಮಡುಗಿರೆ, ರಜ ಹೊತ್ತಪ್ಪಗ ಸರೀ ಎಳೆತ್ತು ಸೀವು. ಮಕ್ಕೊಗೆಲ್ಲ ಬಾರೀ ಪ್ರೀತಿ ಇದು. ನವಗುದೇ ತಿಂಬಲೆ ಕುಶೀ ಆವುತ್ತು ಅಲ್ದೋ..?
ನೀರಿಲಿ ಹಾಕಿದ ಮಾವಿನಕಾಯಿ ಗೊಜ್ಜಿ: ಸೊಳೆ ಹಾಕಿ ಮಡುಗುವ ಹಾಂಗೇ ಮಾವಿನಕಾಯಿಯನ್ನುದೇ ತೆಗದು ಮಡುಗುತ್ತು. ಮಾವಿನಕಾಯಿಯ ತೊಳದು ಭರಣಿಲಿ ಹಾಕೆಕು. ಅದಕ್ಕೆ ಉಪ್ಪುನೀರು ಕೊದಿಶಿ, ತಣಿಶಿ ಎರವದು. ಒಂದು ಐವತ್ತು ಮಾವಿನಕಾಯಿಗೆ ಅರ್ದ ಸೇರು ಉಪ್ಪು ಹಾಕೆಕು. ಇದು ಎರಡು ವರ್ಷಕ್ಕೆಲ್ಲ ಎಂತ ಆವುತ್ತಿಲ್ಲೆ. ಮಾವಿನಕಾಯಿ ಇಲ್ಲದ್ದಿಪ್ಪಗಳೂ ಮಾವಿನಕಾಯಿ ಗೊಜ್ಜಿ ಉಂಬಲಕ್ಕು. ಹೆಚ್ಚಾಗಿ ನೆಕ್ಕರೆ ಮಾವಿನಕಾಯಿಯನ್ನೇ ಹೀಂಗೆ ಹಾಕಿ ಮಡುಗುತ್ತ ಕ್ರಮ. ಬಂಡಾಡಿಲಿ ಒಂದು ಐದಾರು ಮರಂಗೊ ಇದ್ದು, ನೆಕ್ಕರೆದು. ತೋಟದ ಮೂಲೆಲಿಪ್ಪ ಮರ ಒಂದು ಮಾತ್ರ ಮಂಗಂಗೊಕ್ಕೇಳಿಯೇ ಆಯಿದು. ಒಳಿಶುತ್ತವೇ ಇಲ್ಲೆ. ಆಚೊಡೇಣ ತೆಂಗಿನಕಾಯಿ, ಅಡಕ್ಕೆ ಪೂರ ಹಾಳು ಮಾಡಿ ಹಾಕುತ್ತವು. ಅಜ್ಜಿ ಬೊಬ್ಬೆ ಹೊಡದರೆ ಕೇಳುಗೋ… ಎಂತರ ಮಾಡುದು. ಕಳುದೊರ್ಷ ಎಲ್ಲ ಮರಲ್ಲಿಯುದೇ ಪಲ ಬಿಟ್ಟಿತ್ತಿದು. ಈ ಸರ್ತಿ ಮಾತ್ರ ಮಳೆಂದಾಗಿ ಏವ ಆಲಪಲವೂ ಇಲ್ಲೆಯೋಳಿ. ಕಳುದೊರ್ಷ ನೀರಿಲಿ ಹಾಕಿ ಮಡಿಗಿದ ಮಾವಿನಕಾಯಿಯೇ ಗತಿ. ಉಪ್ಪಿನಕಾಯಿಯ ಸುದ್ದಿಗೇ ಹೋಪಲೆಡಿಯ. ಅದಿರಳಿ. ಗೊಜ್ಜಿ ಮಾಡ್ಳೆ, ಒಂದೆರಡು ಮಾವಿನಕಾಯಿಯ ತೊಳದು ಪುರುಂಚುದು. ಅದಕ್ಕೆ ಒಂಚೂರು ಬೆಲ್ಲ, ಬೇಕೂಳಿ ಆದರೆ ಉಪ್ಪು ಹಾಕುದು. ಒಂದೆರಡು ಕಾಯಿಮೆಣಸು ನುರಿವದು. ನುರಿವಾಗ ಜಾಗ್ರತೆ, ಕೆಲವು ಜನಕ್ಕೆ ಆವುತ್ತಿಲ್ಲೆ, ಕೈ ವಿಪರೀತ ಉರಿತ್ತು. ಹಾಂಗಾವುತ್ತರೆ, ಕೂಡ್ಳೆ ಹುಳಿಮಜ್ಜಿಗೆಲಿ ಕೈ ತೊಳೆಯೆಕು ಇಲ್ಲದ್ರೆ ಜೆಂಗಲ್ಲಿಪ್ಪ ಹುಳಿ ತೆಗದು ಅದರಲ್ಲಿ ಕೈ ತಿಕ್ಕಿ ತೊಳದರೂ ಆವುತ್ತು. ಹ್ಮ್…ಪುರುಂಚಿದ್ದದಕ್ಕೆ ರಜ ಮೊಸರು ಹಾಕಿ ಒಗ್ಗರಣೆ ಕೊಟ್ಟತ್ತು. ಮೊಸರು ಹಾಕದ್ರೂ ನಡೆತ್ತು. ಅದೊಂದು ಬೇರೆ ರುಚಿ.
ಹಾಗಲಕಾಯಿ ಗೊಜ್ಜಿ: ಹಾಗಲಕಾಯಿ ಆರೋಗ್ಯಕ್ಕೆ ಬಾರೀ ಒಳ್ಳೆದು, ಗೊಂತಿದ್ದನ್ನೇ…? ಇದರ ಗೊಜ್ಜಿ ಮಾಡುವಾಗ ಸರಿಯಾದ ಪಾಕ ಬಂದರೆ ಮಾತ್ರ ಲಾಯ್ಕಪ್ಪದು. ಏವದಾರು ಒಂದು ಹೆಚ್ಚುಕಮ್ಮಿ ಆದರೂ ಎಂತದೋ ಸರಿಆಗದ್ದಾಂಗಾವುತ್ತು. ಮತ್ತೆ ಕೈಕ್ಕೆಯುದೇ ಅಲ್ದೊ.. ಹಾಗಲಕಾಯಿಯ ತೊಳದು, ಬಿತ್ತು ತೆಗದು ಸಣ್ಣಕ್ಕೆ ಕೊರವದು. ಅದಕ್ಕೆ ನೀರು, ಬೆಲ್ಲ, ಉಪ್ಪು, ಹಸಿಮೆಣಸು ಎಲ್ಲ ಹಾಕಿತ್ತು. ಹಾಗಲಕಾಯಿ ಬಾಗದಷ್ಟೇ ಬೀಂಪುಳಿ ಬಾಗವನ್ನುದೇ ಹಾಕಿರೆ ಬಾರೀ ಲಾಯಿಕಾವುತ್ತು. ಇಲ್ಲದ್ರೆ ಒಂದ್ರಜ ಹುಳಿ ಹಾಕಿತ್ತು. ಎಲ್ಲ ಒಟ್ಟಿಂಗೆ ಲಾಯಿಕ ಬೇಶುದು. ಮತೆ ಪರಿಮ್ಮಳದ ಬೆಳ್ಳುಳ್ಳಿ ಒಗ್ಗರಣೆ ಕೊಟ್ರೆ ಗೊಜ್ಜಿ ಆತದ.
ಚಿತ್ತುಪುಳಿ ಚೋಲಿ ಗೊಜ್ಜಿ: ಸಾಮಾನ್ಯ ಎಲ್ಲೊರಿಂಗುದೇ ಚಿತ್ತುಪುಳಿ ಹೇಳಿರೆ ಇಷ್ಟವೇ. ಅದರ ಚೋಲಿಂದ ಪಷ್ಟ್ಲಾಸು ಗೊಜ್ಜಿ ಮಾಡ್ಳಾವುತ್ತದ. ಚೋಲಿಯ ಸಣ್ಣಕ್ಕೆ ಕೊಚ್ಚಿ ತುಪ್ಪಲ್ಲಿ ಹೊರಿಯೆಕ್ಕು. ಚೂರು ಹುಳಿ, ಬೆಲ್ಲ, ಉಪ್ಪು, ನೀರು,ಹಸಿಮೆಣಸು ಎಲ್ಲ ಹಾಕಿ ಕೊದಿಶೆಕ್ಕು. ಅದು ಸರೀ ಕೊದಿಯೆಕು ಮಾತ್ರ. ಇದುದೇ ಸರಿ ಪಾಕ ಬಂದರೆ ಮಾಂತ್ರ ಲಾಯ್ಕಕ್ಕು. ಮತ್ತೆ ಒಂದು ಬೆಳ್ಳುಳ್ಳಿ ಒಗ್ಗರಣೆ ಕೊಟ್ರೆ ಗೊಜ್ಜಿ ಆತು.
ಬಟಾಟೆ ಗೊಜ್ಜಿ: ಎರಡು ಇಡೀ ಬಟಾಟೆ ಬೇಶುದು. ಚೋಲಿ ತೆಗದು, ಕೈಲಿ ಹೊಡಿಮಾಡಿ ಅದಕ್ಕೆ ಉಪ್ಪು, ಹಸಿಮೆಣಸು, ಮೊಸರು, ನೀರುಳ್ಳಿ ಎಲ್ಲ ಹಾಕಿ ಲಾಯಿಕ ತೊಳಸುದು. ಮತ್ತೆ ಒಂದು ಒಗ್ಗರಣೆ ಕೊಡುದು. ಮಕ್ಕಳಂದ ಹಿಡುದು ಅಜ್ಜಂದ್ರೊರೆಗೆ ಎಲ್ಲೊರಿಂಗೂ ಕುಶಿ ಆವುತ್ತು ಈ ಗೊಜ್ಜಿ. ಬಟಾಟೆ ಆಗದ್ದೋರು ಕಮ್ಮಿ ಅಲ್ದೊ…
ಬದನೆ ಗೊಜ್ಜಿ: ಇಡೀ ಬದನೆಯ ಕೆಂಡಲ್ಲಿ ಸುಟ್ಟಾಕೆಕು. ಉಮ್ಮಪ್ಪ ಈಗ ಅದೆಂತದೋ ಬಿಗಿಲು ಹಾಕುತ್ತ ಪಾತ್ರಲ್ಲಿ ಬೇಶುತ್ತವು. ಹಾಂಗೆ ಮಾಡಿರೂ ಅಕ್ಕು, ಆದರೆ ಕೆಂಡಲ್ಲಿ ಸುಟ್ಟಾಕಿದ ರುಚಿ ಬಾರ ಮಾಂತ್ರ. ಅದು ತಣುದಪ್ಪಗ ತೆಗದು, ಪುರುಂಚುದು. ಅದಕ್ಕೆ ಒಂದೆರಡು ಹಸಿಮೆಣಸು ಕೊರದು ಹಾಕಿ, ಉಪ್ಪು, ಬೆಲ್ಲ,ಹುಳಿ ಹಾಕುದು. ಒಂದು ನೀರುಳ್ಳಿಯನ್ನುದೇ ಕೊಚ್ಚಿ ಹಾಕಿತ್ತು. ಲಾಯಿಕ ತೊಳಸಿ, ಒಗ್ಗರಣೆ ಕೊಟ್ರೆ ಬದನೆ ಗೊಜ್ಜಿ ಆತು.
ಅಂಬಟೆ ಗೊಜ್ಜಿ: ಹಣ್ಣಂಬಟೆ ಇಡೀ ಬೇಶಿ ಪುರುಂಚುದು. ಬೆಲ್ಲ, ಉಪ್ಪು, ನೀರುಳ್ಳಿ, ಮೆಣಸು ಹಾಕಿ ಒಗ್ಗರಣೆ ಕೊಡುದು. ಬದನೆ ಗೊಜ್ಜಿಯ ಹಾಂಗೆಯೇ, ಆದರೆ ಹುಳಿ ಹಾಕುದು ಬೇಡ ಇದಕ್ಕೆ.
ನೆಂಪಿಂಗೆ ಬಂದ ಗೊಜ್ಜಿಗಳ ಬರದೆ ಅದ. ನಿಂಗೊಗೆ ಏವದಾರು ನೆಂಪು ಬಂದರೆ ಹೇಳಿಕ್ಕಿ ಆತೊ…