ಚೋಪ್ಡಿ…….

• Author
• Recent Posts

ಶ್ಯಾಮಣ್ಣ

ಎನ್ನ ಹೆಸರು ಶ್ಯಾಮಸುಂದರ.
ವಿಟ್ಳದ ನೆತ್ರಕೆರೆ ಎಂಗಳ ಮನೆ. ಆನು ಕಳುದ ೨೫ ವರ್ಷಂದ ಆರ್ಟಿಸ್ಟ್, ಮತ್ತೆ ವ್ಯಂಗಚಿತ್ರಕಾರ ಆಗಿ ಇದ್ದೆ.
ತರಂಗ, ಉದಯವಾಣಿ ಪತ್ರಿಕೆಲಿ ೧೦ ವರ್ಷ, ಸುಧಾ,ಪ್ರಜಾವಾಣಿಲಿ ೫ ವರ್ಷ ಇತ್ತಿದ್ದೆ.
ಆನು ಬಿಡಿಸಿದ ಚಿತ್ರಂಗ, ಕಾರ್ಟೂನುಗ ಶ್ಯಾಮ್ ಹೇಳ್ತ ಹೆಸರಿಲಿ ಈ ಪತ್ರಿಕೆಗಳಲ್ಲಿ ಬಂದೊಂಡು ಇತ್ತಿದ್ದು.
ಈಗಳು ತರಂಗಲ್ಲಿ ಶ್ಯಾಮ್ ಹೇಳ್ತ ಹೆಸರಿಲಿ ದಾರಾವಾಹಿ, ಕತೆಗೊಕ್ಕೆ ಅನು ಬಿಡಿಸಿದ ಚಿತ್ರಂಗ ಬತ್ತು.
ಪುತ್ತೂರಿನ ರಾಮಜ್ಜನ ಕೋಲೇಜು ಆನು ಕಲ್ತ ಕೋಲೇಜು.
ಸದ್ಯಕ್ಕೆ ಆನು ಕೊಡೆಯಾಲಲ್ಲಿ, ಮೇರಿಹಿಲ್ಲಿನ ಹತ್ತರೆ ದಿಯಾ ಸಿಸ್ಟಮ್ಸ್ ಹೇಳ್ತ ಕಂಪೆನಿಲಿ ಇದ್ದೆ.
 

Latest posts by ಶ್ಯಾಮಣ್ಣ (see all)

• ಮನೆಯೊಳಗೆ ಮನೆಯೊಡೆಯ ಇದ್ದಾನೋ ಇಲ್ಲವೋ? - September 28, 2017
• ನೆಗೆ ಚಿತ್ರಂಗೊ - September 19, 2015
• ಹಸುರು ದಿನಿಗಿತ್ತೆನ್ನ ಮತ್ತೊಂದರಿ - July 13, 2015

ಮೊನ್ನೆ ಮೊನ್ನೆ ಒಂದು ಸಟ್ಟುಮುಡಿ ಗೆ ಹೋಗಿತ್ತಿದ್ದೆ ಇದಾ…. ಅಲ್ಯಾಣ ಕತೆ ಇದು…

ಸಟ್ಟುಮುಡಿ  ಕಸ್ತಲೆಗೆ… ಮಧ್ಯಾನ್ನ  ಕೆಂಜಾರಿಲಿ  ಸಗಣವೇಶ (ಸ+ಗಣವೇಶ)ಭೂಷಿತನಾಗಿ ಭಾಗವಹಿಸುಲೆ ಇತ್ತಿದ್ದು ಇದ, ಹಾಂಗಾಗಿ ಮದುವೆಗೆ ಹೋಪಲೆ ಆಗಿತ್ತಿತ್ತಿದ್ದಿಲ್ಲೆ. ಹಾಂಗೆ ಎಂಟು ಗಂಟೆ ಹೊತ್ತಿಂಗೆ ಪತ್ನೀ, ಪುತ್ರಿ ಸಮೇತನಾಗಿ ಕಾರಿಲಿ ಹೆರಟತ್ತು. ಕಾರಿಲಿ ಎಂತಕೆ ಹೇಳಿರೆ ನಮ್ಮ ಲೆವೆಲು ಮೈಂಟೇನು ಮಾಡೆಕ್ಕಲ್ಲದೋ…

ಎಂಟೂವರೆಗೆ ಹಾಲಿಂಗೆ ಎತ್ತಿತ್ತು. ಮಜ್ಜಿಗೆಗೆ ಅಲ್ಲದೋ ಕೇಳೆಡಿ. ಅದು ಇಂಗ್ಲೀಷಿನ ಹಾಲ್. ಹೋಗಿ ಕಾರಿಂದ ಇಳುದ ಕೂಡ್ಲೆ ಹೆಂಡತ್ತಿ ಕೈಂದ ಕುಂಡೆಗೆ ಎರಡು ಪೆಟ್ಟು ಬಿದ್ದತ್ತು.. ;(  ಎಂತ ಹೇಳಿರೆ ಕಾರಿನ ಸೀಟಿಂದ ಪೇಂಟಿಂಗೆ ಧೂಳು ಹಿಡ್ದಡ, ಆ ಧೂಳಿನ ಕುಡುಗಿದ್ದಡ… ಹೂಂ… ಈ ಹೆಂಡತ್ತಿಯಕ್ಕೊಗೆ ಇದೇ ಕೆಲಸ.. ಎಲ್ಲಿ ಗೆಂಡನ ಪೇಂಟಿಂಗೆ ಧೂಳು ಹಿಡುದ್ದು, ಎಲ್ಲಿ ಅಂಗಿಗೆ ಮಣ್ಣು ಹಿಡ್ದು….. ಪಿರಿ, ಪಿರಿ….;(

ಒಳ ಹೋತು. ಊಟ ಆಗ್ಯೊಂಡು ಇತ್ತಿದ್ದು. ನಾವುದೆ ಒಂದು ಸೀಟಿಲಿ ಕೂದು ಉಂಡತ್ತು. (ಬಟ್ರು ಬುಕ್ಕ ದಾಯೆ ಪೋಪುನೆ? ಕೇಳುಗು, ಬಟ್ಯ)  ಮದು ಮಕ್ಕೊಗೆ ವಿಷ್ ಮಾಡಿ ಹೆರ ಬಂತು.

ಅಲ್ಲಿ ಚಪ್ಪಲಿ ಮಡುಗುವ ದಾರಿ ಉದ್ದಕ್ಕೆ  ಮೂರು ಫೀಟು ಅಗಲಕ್ಕೆ ಇತ್ತಿದ್ದು. (ಅಂದಾಜಿ  ಅಷ್ಟೆ,  ನಿಂಗ ಅಳತ್ತೆ ಮಾಡ್ಲೆ ಹೋದಿರಾ? ಕೇಳ್ಲಾಗ. ಪೆದಂಬು ಹೇಳ್ತವು) ಎರಡೂ ಹೊಡೆಲಿ ಉದ್ದಕ್ಕೆ, ಸೊಂಟದಷ್ಟೆತ್ತರಕ್ಕೆ ಚಿಟ್ಟೆ… ಚಿಟ್ಟೆಂದ ಹೆರಾಣ ಹೊಡೆಂಗೆ, ಚಿಟ್ಟೆಗೆ ತಾಗಿದಾಂಗೆ ಹೂಗಿನ ಗಿಡಂಗ… ಅಲ್ಲಿ ಲೈಟು ಇತ್ತಿಲ್ಲೆ… ಕಸ್ತಲೆ ಕಸ್ತಲೆ…

ಎಂಗ ಚಪ್ಪಲಿ ಹಾಕಿಕೊಂಡು ವಾಪಾಸು  ಬಪ್ಪಗ ಎರಡು ಜೆನ ಜೆವ್ವನಿಗರು ಎಂತರನ್ನೋ ಹುಡುಕ್ಕುತ್ತಾ ಇದ್ದವು, ಆ ಗಿಡಂಗಳ ಎಡೇಲಿ, ಮೊಬೈಲಿನ ಲೈಟು ಹಾಕಿಕೊಂಡು! ಎಂತ ಇಕ್ಕಪ್ಪಾ?

ಒಬ್ಬಃ  ” ನೀನು ಮಡುಗಿದ್ದೆಲ್ಲಿ ಮಾರಾಯ?”

ಇಬ್ಬಃ  “ಇಲ್ಲೇ ಚಿಟ್ಟೆ ಮೇಲೆ ಮಡುಗಿತ್ತಿದ್ದೆ… ಈಗಿಲ್ಲೆ… ”

ಒಬ್ಬಃ ” ಅಂಬಗ ಇಲ್ಲೇ ಇರೆಕ್ಕಿತ್ತನ್ನೆ?”

ಇಬ್ಬಃ ” ಇದ… ಈಗ ಮಡುಗಿ, ಅತ್ಲಾಗಿ ತಿರಿಗಿ, ಇತ್ಲಾಗಿ ತಿರಿಗೆಕ್ಕಾರೆ ಇಲ್ಲೆ…  ಆರೋ ತೆಗೆದಿರೆಕ್ಕು… ಇಲ್ಲದ್ರೆ ಗಿಡಂಗಳ ಎಡೇಲಿ ಬಿದ್ದಿರೆಕ್ಕು..”

ಒಬ್ಬಃ  ” ಅಷ್ಟು ಬೇಗ ಆರು ತೆಗೆತ್ತವು…. ಅಲ್ಲೆ ಆಚೊಡೆಂಗೆ ಬಿದ್ದಿಕ್ಕು… ಸರೀ ಹುಡ್ಕು….”

ಎಂತ ಇಕ್ಕಪ್ಪಾ? ಇವು ಹುಡ್ಕುದು? ಬಹುಷ  ನೊಬೈಲು ಇಕ್ಕು… ಅಲ್ಲದಾ? ಈಗಾಣ ಮಕ್ಕ ಎಲ್ಲಾ ಹೀಂಗೇ. ಮೊಬೈಲಿಲಿ ಯಾವಾಗಳೂ ಗುರುಟಿಕೊಂಡು ಇಪ್ಪದು, ಅದರ ಎಲ್ಯಾರು ಮಡುಗುದು, ಅದಲ್ಲಿಂದ ಕಾಣೆ ಅಪ್ಪದು, ಮಾಮೂಲು ಅಲ್ಲದೋ?

ಮೊಬೈಲು ಕಾಣೆ ಆದರೆ, ಹುಡ್ಕುಲೆ ನಮ್ಮತ್ರೆ  ಕೆಣಿ ಇದ್ದು.

ಈ  ನೆಗೆಚಿತ್ರ ಬರವವು  ಇದ್ದವಲ್ಲದಾ? ಅವಕ್ಕೆ ಅಧಿಕಪ್ರಸಂಗ ಜಾಸ್ತಿ… ( ಅದಿಲ್ಲದ್ರೆ ಚಿತ್ರ ಬಿಡಿಸುಲೆ ಐಡಿಯ ಬರೆಕ್ಕಲ್ಲದಾ?)

ನಾವು ಅವಕ್ಕೆ ರಜ ಸಹಾಯ ಮಾಡಿರೆಂತ? ಅಲ್ಲದ?

” ನಿಂಗ ಅದಕ್ಕೊಂದು ಕಾಲ್ ಕೊಡಿ, ಎಲ್ಲಿದ್ದರು ಅದು ಆನಿಲ್ಲಿದ್ದೆ ಹೇಳ್ತು” – ನಮ್ಮದು ಅವಕ್ಕೆ ಪುಕ್ಕಟೆ ಸಲಹೆ. (ಅದಕ್ಕೆಂತ ಪೈಶೆ ಕೊಡೆಕ್ಕಾ?)

ಇಬ್ಬಃ “ಎಂತ!!?”

ನಾವುಃ “ಅದಕ್ಕೆ ನಿಂಗಳ ಕೈಲಿಪ್ಪ ಮೊಬೈಲಿಂದ ಒಂದು ಕಾಲ್ ಕೊಡಿ, ಅದು ಎಲ್ಲಿ ಗಿಡಂಗಳ ಎಡೆಲಿ ಇದ್ದರು, ರಿಂಗ್ ಆವುತ್ತು”

ಇಬ್ಬಃ ” ಅದಕ್ಕೆ ಕಾಲ್ ಕೊಡುದಾ?”

ನಾವುಃ ” ಅಪ್ಪು, ಕಾಲ್ ಕೊಡಿ”

ಇಬ್ಬಃ ” !!!!!!!!!????? ” ( ನಿಂದು ಮೊರೆ ನೋಡ್ಲೆ ಸುರು ಮಾಡಿದ)

ನವಗೆ ಈಗ ರೆಜ ಸಂಶಯ ಬಂತು.

ನಾವುಃ ” ನಿಂಗ ಎಂತರ ಹುಡ್ಕುದು?”

ಇಬ್ಬಃ “ಚಪ್ಪಲಿ…..”

ನವಗೆ ಬೇಕಾತಾ… ಅಧಿಕಪ್ರಸಂಗ????