ಮು೦ಬೈಗೆ ಹೆರಟು ………. ಎತ್ತಿದೆ!!!!!!

• Author
• Recent Posts

ಅನು ಉಡುಪುಮೂಲೆ

ಇವು ಬಂಡಾಡಿ ಅಜ್ಜಿಯ ಮುದ್ದಿನ ಪುಳ್ಳಿ!
ಬೈಲಿನ ಹೆರಿಯೋರಲ್ಲಿ ಒಬ್ಬರಾದ ಬಂಡಾಡಿಅಜ್ಜಿಯ ಅರಡಿಗಲ್ಲದೋ ನಿಂಗೊಗೆ?
ಗೊಂತಿಪ್ಪಲೇ ಬೇಕು! ಪ್ರಾಯ ಆಗಿ ಬಂಙ ಆವುತ್ತರೂ, ಎಡಕ್ಕೆಡಕ್ಕಿಲಿ ಬೈಲಿಂಗೆ ಬಂದು, ಪುಳ್ಳರುಗಳ ಕ್ಷೇಮಸಮಾಚಾರ ವಿಚಾರುಸಿಗೊಂಡು ಹೋವುತ್ತದು ಇದ್ದೇ ಇದ್ದು!
ಕೊಶಿ ಆದವರ ಬೆನ್ನು ತಟ್ಟಿ, ಬಿಂಗಿಮಾಡಿದವರ ಬೆನ್ನಿಂಗೆ ತಟ್ಟಿ, ನಮ್ಮ ಸಂಸ್ಕೃತಿ, ಹಳೆ ಕ್ರಮಂಗೊ, ಅಡಿಗೆಗೊ, ಹೂಗುಕಟ್ಟುದು, ಹೂಗು ಕೊಯಿತ್ತದು – ಹೀಂಗೆ ನಾನಾ ವಿಧದ ವಿಶೇಷತೆಗೊ ಬಂಡಾಡಿ ಅಜ್ಜಿದು!
ಅಜ್ಜಿಯೇ ಅಷ್ಟು ಉಮೇದಿಲಿ ಬರೇಕಾರೆ ಪುಳ್ಳಿಗೆ ಎಷ್ಟಿರೆಡ!!
ಅಪ್ಪು, ಪುಳ್ಳಿಯೂ ಬರೆಯಲಿ ಹೇಳ್ತ ಆಶೆ ಬೈಲಿನೋರದ್ದು.  ಈ ಪುಳ್ಳಿಯ ಹೆಸರು ಅನುಶ್ರೀ!
ಪ್ರಸ್ತುತ ಕೊಡೆಯಾಲದ ವಿಶ್ವವಿದ್ಯಾಲಯಲ್ಲಿ ಕಂಪ್ಲೀಟರು ಯಮ್ಮೆಸ್ಸಿ ಕಲ್ತುಗೊಂಡು ಉಶಾರಿ ಕೂಸು ಆಗೆಂಡು ಇದ್ದು!
ಕಂಪ್ಲೀಟರೇ ಕಲಿತ್ತ ಕಾರಣ ಅದರ ಒಳ-ಹೆರ ಎಲ್ಲ ಅರಡಿಗು. ಇಂಟರುನೆಟ್ಟುದೇ ಅರಡಿಗು, ಇನ್ನೊಬ್ಬಂಗೆ ಹೇಳಿಕೊಡ್ತಷ್ಟುದೇ!
ಈ ಕೂಸು ಬರೇ ಓದಲೆ ಮಾಂತ್ರ ಉಶಾರಿ ಹೇಳಿ ಗ್ರೇಶಿಕ್ಕೆಡಿ – ಭಾಷಣ, ಪ್ರಬಂಧ, ರಸಪ್ರಶ್ನೆ, ಬರವಣಿಗೆ, ಸಾಹಿತ್ಯ, ಆಕಾಶವಾಣಿಲಿ ಕಾರ್ಯಕ್ರಮ ನಿರೂಪಣೆ, ಮಾಷ್ಟ್ರುಮಾವನ ಚೋಕಿನ ಡಬ್ಬಿಂದ ಚೋಕು ತೆಗದು ಗೊಂಬೆ ಮಾಡ್ತದು, ಚೆಂದಚೆಂದದ ಗ್ರೀಟಿಂಗು ಮಾಡ್ತದು
– ಹೀಂಗೆ ನಾನಾ ನಮುನೆಯ ಆಸಗ್ತಿಯ ಕ್ಷೇತ್ರಂಗೊ ಇದ್ದು ಈ ಕೂಸಿಂಗೆ.
ನವಗೆ ಕೊಶೀ ಅಪ್ಪದು ಅದರ ಬಹುರೂಪತೆ ಕಂಡು.
ಅಜ್ಜಿ ಒಂದೊಂದರಿ ಪರಂಚುಲಿದ್ದು ಈ ಕೂಸಿನ ಹರಗಾಣ ಕಂಡು;
- ಅಜ್ಜಿ ಪರಂಚುದು ಪ್ರೀತಿಲಿ ಅಲ್ಲದೋ! 😉
ಕಲಿತ್ತದರ ಎಡಕ್ಕಿಲಿ ಅಷ್ಟು ಅಂಬೆರ್ಪು ಇದ್ದರೂ, ಬೈಲಿನ ಮೇಗೆ ಒಳ್ಳೆತ ಪ್ರೀತಿ, ಅಭಿಮಾನ.
ಹಾಂಗಾಗಿ ನಿತ್ಯ ಬೈಲಿಂಗೆ ಬಕ್ಕು, ಹೂಗು ಕೊಯಿವಲೆ ಆದರೂ!
ಶುದ್ದಿ ಹೇಳುವಿರಾ ಅಕ್ಕಾ- ಹೇಳಿ ಕೇಳಿದೆ. ಸಂತೋಷಲ್ಲಿ ಒಪ್ಪಿಗೊಂಡವು.
ಅನುಶ್ರೀ ಬೈಲಿಲಿ ಶುದ್ದಿ ಹೇಳ್ತವು.
ಅವಕ್ಕೆ ಕಂಡ ಸಾಮಾಜಿಕ ವಿಚಾರಂಗೊ, ಚಿಂತನೆಗೊ ಅದರ್ಲಿ ಇಕ್ಕು.
ಎಲ್ಲೋರುದೇ ಓದಿ, ಶುದ್ದಿಗೆ ಒಪ್ಪಕೊಡಿ!
ಓದುತ್ತ ಉಶಾರಿಕೂಸು ಇನ್ನುದೇ ಉಶಾರಿ ಅಪ್ಪ ಹಾಂಗೆ ಮಾಡುವೊ.

Latest posts by ಅನು ಉಡುಪುಮೂಲೆ (see all)

• ನೀ ಶುದ್ದಿಯೊಳಗೋ…. ನಿನ್ನೊಳು ಶುದ್ದಿಯೋ… - April 17, 2020
• ಕನಸಿನ ಸೀರೆ ಕೈಸೇರಿತ್ತು - April 22, 2017
• ಎನ್ನ ಕನಸಿನ ಕೂಸು ಹುಟ್ಟಿತ್ತಿದಾ….. - May 12, 2013

ನಮ್ಮ ಗುರುಗಳ ಚಾತುರ್ಮಾಸದ ಸಮಯಲ್ಲಿ ಗೋಕರ್ಣ(ಅಶೋಕೆಗೆ)ಕ್ಕೆ ಹೋಯೆಕ್ಕು ಹೇಳಿ ಗ್ರೇಶಿತ್ತೆ.
ಗೋಕರ್ಣಕ್ಕೆ ಮಾವ, ಯಜಮಾನ್ರು ಹೆರಟಪ್ಪಗ ಅತ್ತೆ ಆನು ಬ೦ದರೆ ಅಕ್ಕೋ ಹೇಳಿ ಕೇಳಿದವು. ಅತ್ತೆ ಹೆರಡುದು ಭಾರಿ ಅಪರೂಪ.ಹಾ೦ಗಾಗಿ ಆನು ಹೆರಟಿದಿಲ್ಲೆ ಅವರ ಕಳುಸಿದೆ. ಚೆ೦ದಕ್ಕೆ ಹೋಗಿ ಬ೦ದವು.

ಮಾವನೋರು ಸಣ್ಣ ಇಪ್ಪಗ ಎಡನೀರು ಮಠದ ಆಶ್ರಯಲ್ಲೇ ಬೆಳದ್ದಡ. ಹಾಂಗಾಗಿ ಎ೦ಗೊಗೆ ಎಡನೀರು ಮಠವೂ ಗುರುಮಠವೇ.
ಈ ಸರ್ತಿ ಎಡನೀರು ಶ್ರೀ ಗಳು ಮುಂಬೈಲಿ ಚಾತುರ್ಮಾಸ .ಅಲ್ಲಿಗೆ ಹೋಪಲೆ ಹೇಳಿ ಎನ್ನ ಯಜಮಾನ್ರು ತಯಾರಿ ಮಾಡುಗ ಹೇ೦ಗೂ ಮಗಂಗೆ ಒ೦ದು ವಾರ ಓಣಂ ರಜೆ ಇದ್ದು ಎ೦ಗಳೂ ಬತ್ತೆಯ ಹೇಳಿ ಅರ್ಜಿ ಹಾಕಿದೆ.
ಅ೦ತೂ ಮ೦ಜೂರು ಆತು.ಸೆಪ್ಟೆ೦ಬರ್ 4 ಕ್ಕೆ ಹೋಗಿ 12 ಕ್ಕೆ ಬಪ್ಪಲೆ ಎ೦ಗೊ 3 ಜನಕ್ಕೆ ರೈಲಿಲಿ ಟಿಕೆಟ್ ಆತು. ಓಣ೦ ನ ರಶ್ ಇದ್ದ ಕಾರಣ ಕಾಸರಗೋಡಿ೦ದ ಟಿಕೆಟ್ ಸಿಕ್ಕಿದ್ದಿಲ್ಲೆ. ಮ೦ಗಳೂರಿ೦ದ ಸಿಕ್ಕಿತ್ತು.
ಮು೦ಬೈಗೆ ಹೋದ್ದಲ್ಲೇ ಗುರುಗಳ ಭೇಟಿ ಆಗಿ 4-5 ದಿನ ಎಲ್ಲಿಯಾದರು ತಿರುಗಿಕ್ಕಿ ಬಪ್ಪ ಪ್ಲೇನು!!!!!
ಸ್ವಾಮಿ ಕಾರ್ಯ ಸ್ವಕಾರ್ಯ!

ಹೋಪಲೆ ಒ೦ದು ವಾರ ಇಪ್ಪಗಲೆ ಪೇಕಿ೦ಗು ಸುರು ಆತು. ಹೊಸ ಹೊಸ ಡ್ರೆಸ್ಸುಗ ಪುರಾ ಬೇಗಿನೊಳ. ದೊಡ್ದ ದೊಡ್ಡ 3 ಬೇಗು ರೆಡಿ.
ಹೊವುತ್ತ ಮುನ್ನಾಣ ದಿನ ವರೆಗು ತು೦ಬುಸುದೇ ತು೦ಬುಸುದು. ಒ೦ದು ಬೇಗಿಲಿ ರೈಲಿಲಿ ಹೋಪಗ ಆಡುಲೆ ಚೆಸ್ಸ್ ಬೋರ್ಡ್,ಪಾನ್ ಮತ್ತೆ ಇಸ್ಪೀಟ್ ಆಡುಲೆ ಕಾರ್ಡ್ಸ್ ತೆಕ್ಕೊ೦ಡೆ.
ಲ್ಯಾಪ್ ಟಾಪ್ ಲಿ 3-4 ಲಾಯ್ಕದ ಸಿನೆಮಾ ಕೋಪಿ ಮಾಡಿದೆ (ರೈಲಿಲಿ ಹೋಪಗ ನೋಡುಲೆ), ಕರುಕುರು ತಿ೦ಡಿಗ ಎಲ್ಲ ರೆಡಿ!

4-5 ದಿನ ಮೊದಲೆ ಮು೦ಬೈಗೆ ಹೋವುತ್ತ ರೈಲು ಮಾರ್ಗಲ್ಲಿ ಗುಡ್ಡೆ ಜರುದು ಬಿದ್ದು ರೈಲುಗ ಕೇನ್ಸಲ್ ಆಯಿದು ಹೇಳಿ ಸುದ್ದಿ ಸಿಕ್ಕಿದ್ದು .
ಆದರೆ ಈಗ ಹೋಪಲೆ ಸುರು ಆಯಿದು, ಬೇರೆ ಮಾರ್ಗ ಆಗಿ ಹೋವುತ್ತಡ ಹೇಳಿಯೂ ಆರೋ ಹೇಳಿದವು. ಹಾ೦ಗೆ ಧೈರ್ಯಲ್ಲಿ ಹೆರಟದು.

ಮ೦ಗಳೂರಿ೦ದ ಹೊತ್ತೋಪಗ 4 ಗ೦ಟೆಗೆ ರೈಲು. ಎ೦ಗ ಮನೆ೦ದ 12-12:30ಗೆ ಹೆರಡುದು ಹೇಳಿ ಎ೦ಗಳ ಸ್ಟೇಷನ್ನಿ೦ಗೆ ಬಿಡ್ಲೆ ಒ೦ದು ಕಾರಿನ ಬಪ್ಪಲೆ ಹೇಳಿದೆಯ.
ಇರುಳು ರೈಲಿಲಿ ತಿ೦ಬಲೆ ಚಿತ್ರಾನ್ನ ಮೊಸರನ್ನ ಮಾಡಿ ಬುತ್ತಿಲಿ ತು೦ಬಿಸಿದೆ.ಮರದಿನ ಉದಿಯಪ್ಪಗ ತಿ೦ಬಲೆ ಚಪಾತಿದೆ ಚಟ್ನಿ ಹೊಡಿ,ಜ್ಯಾಮ್ ತೆಕ್ಕೊ೦ಡೆ.
ಉದಿಯಪ್ಪಗ ಎದ್ದ ಕೂಡ್ಲೆ ಈ ತಯಾರಿ ಸುರು ಮಾಡಿದ್ದೆ ! ಮಧ್ಯಾಹ್ನ ಉ೦ಡಪ್ಪಗ (12 ಗ೦ಟೆಗೆ) ಕಾರು ಬ೦ತು.
ಹತ್ತುಲಪ್ಪಗ ಮ೦ಗಳೂರಿ೦ದ ಎ೦ಗಳ ಗುರ್ತದ ಜನರ ಫೋನ್ ಬ೦ತು ರೈಲು ಇಲ್ಲೆ ಹೇಳಿ. ಸ್ಟೇಷನ್ನಿ೦ಗೆ ಫೋನ್ ಮಾಡಿ ವಿಚಾರ್ಸಿ ಆತು ಅ೦ತೂ ಇ೦ತೂ ರೈಲು ಇಲ್ಲೆ!!!!!!!

ಚಪ್ಪೆ ಮೋರೆ ಮಾಡ್ಯೊಡು ಬೇಗ್ ಕಾರಿ೦ದ ತೆಗದು ವಾಪಾಸ್ ಒಳ ಬ೦ದಪ್ಪಗ ಒ೦ದು ವಾಲಗ ಕೇಳುಲೆ ಸುರು ಆತು . ಎ೦ತರ ಹೇಳಿ ನೋಡಿರೆ ಎನ್ನ ಮಗರಾಯ ಕೂಗುಲೆ ಸುರು ಮಾಡಿದ್ದ.
ಎ೦ತ ಮಾಡಿದರೂ ಸಮಾಧಾನ ಆವುತ್ತಿಲ್ಲೆ. ಕೊನೆಗೆ ಬೇರೆ ಎಲ್ಲಿಗಾದರೂ ತಿರುಗುಲೆ ಹೋಪದು ಹೇಳಿ ತೀರ್ಮಾನ ಆತು.
ತು೦ಬಿಸಿದ ಬೇಗಿನ ಹಾ೦ಗೆ ತೆಗದು ಎ೦ಗಳ ರಥಲ್ಲಿ ಮಡುಗಿ ಮೈಸೂರಿ೦ಗೆ ಹೋಪದು ಹೇಳಿ ಹೆರಟೆಯ.

ಮೈಸೂರು ಹೇಳಿಯಪ್ಪಗ ಎನ್ನ ಸೋದರತ್ತೆ ಮಗ ಅಲ್ಲಿ ಕೋಲೇಜಿ೦ಗೆ ಹೋಪದು (ಕಿರಣ ಅರ್ತ್ಯಡ್ಕ) ಅವನ ನೆ೦ಪಾತು.
ಅವ೦ಗೆ ಫೊನ್ ಮಾಡಿದೆ.ಅವ ಊರಿಲಿ ಇದ್ದ ನಾಳೆ ಹೋಪದು ಹೇಳಿ ಗೊ೦ತಾತು. ಒಟ್ಟಿ೦ಗೆ ಹೋಪಲಕ್ಕು ಹೇಳಿ ತೀರ್ಮಾನ ಮಾಡಿ ಸುಳ್ಯಲ್ಲಿ (ಮೈಸೂರಿ೦ಗೆ ಹೋಪ ದಾರಿಯನ್ನೆ) ಎನ್ನ ಅಪ್ಪನ ಮನೆಗೆ ಹೋದೆಯ.
ರೈಲಿಲಿ ತಿ೦ಬಲೆ ಹೇಳಿ ಮಾಡಿದ್ದೆಲ್ಲ ಅಲ್ಲಿ ಕಾಲಿ ಮಾಡಿದ್ದು ಅಲ್ಲಿ೦ದ ಮರದಿನ ಮೈಸೂರಿ೦ಗೆ ಹೆರಟೆಯ.

ಹೋವುತ್ತ ದಾರಿಲಿ ತೆಗದ ಪಟ೦ಗಳ ಇಲ್ಲಿ ನೇಲ್ಸಿದ್ದೆ.

ಮು೦ದಾಣ ಕಥೆ ಮು೦ದಿನ ವಾರ!!!!!!!