ಮಾವಿನ ಕಾಯಿ ಕಡುದ ಭಾಗ ಉಪ್ಪಿನಕಾಯಿ

• Author
• Recent Posts

ವೇಣಿಯಕ್ಕ°

ವೇಣಿ ಅಕ್ಕನ ಹೆಸರು ನೋಡುವಗ "ರುಚಿ ರುಚಿ ಅಡುಗೆ" ಬ್ಲಾಗ್ ನೆಂಪಾವುತ್ತಾ?!
ಹಾಂ! ಅದೇ ವೇಣಿಯಕ್ಕ ಈಗ ಒಪ್ಪಣ್ಣನ ಬೈಲಿಂಗೆ ಬಯಿಂದು.
ಅಲ್ಲದ್ದೆ ಈಗ ಕೊಡೆಯಾಲಲ್ಲಿ ಇಪ್ಪದುದೇ. ಅಪ್ಪನ ಮನೆ ನಲ್ಕ, ಗೆಂಡನ ಮನೆ ಮದಂಗಲ್ಲು.
ಮೊನ್ನೆ ಶ್ರೀ ಅಕ್ಕ ಕೇಳಿತ್ತಿದ್ದು ಒಪ್ಪಣ್ಣನ ಬ್ಲಾಗಿಲ್ಲಿ ವಾರಕ್ಕೊಂದು ಅಡಿಗೆ ನಮ್ಮ ಹವ್ಯಕಲ್ಲಿ ಬರದು ಹಾಕುಲೆ ಎಡಿಗಾ ಹೇಳಿ.
ಹಾಂಗಾಗಿ ಮುಂದಾಣ ವಾರಂದ ಇಲ್ಲಿ ನಿಂಗೊಗೆ ವಾರಕ್ಕೊಂದು ಹೊಸ ರುಚಿಯ ಚೆಂದದ ಫೋಟೋಂಗಳೊಟ್ಟಿಂಗೆ ವೇಣಿಯಕ್ಕ ಕಾಂಬಲೆ ಸಿಕ್ಕುಗು.
ವೃತ್ತಿಲಿ ಸಾಫ್ಟ್ ವೇರ್ ಇಂಜಿನಿಯರ್.
ಪುರುಸೋತ್ತಿಪ್ಪಗೆಲ್ಲ ಹೂಗಿನ ಸೆಸಿಗಳ ನೋಡಿಗೊಮ್ಬದು, ಹೊಸ ರುಚಿ ಎಂತಾರು ಪ್ರಯೋಗ ಮಾಡುದು ಹವ್ಯಾಸಂಗೊ.

Latest posts by ವೇಣಿಯಕ್ಕ° (see all)

• ಬೆಂಡೆಕಾಯಿ ಟೊಮೇಟೋ ಸಾಂಬಾರು(ಕೊದಿಲು) - March 17, 2015
• ಕ್ಯಾರೆಟ್ ಖೀರು - March 10, 2015
• ಬೆಂಡೆಕಾಯಿ ಪ್ರೈ - March 3, 2015

ಮಾವಿನ  ಕಾಯಿ ಕಡುದ ಭಾಗ ಉಪ್ಪಿನಕಾಯಿ

ಬೇಕಪ್ಪ ಸಾಮಾನುಗೊ:

• 75 ಕಾಟು ಮಾವಿನ ಮೆಡಿ ಅಥವಾ 12 ಕಪ್(ಕುಡ್ತೆ) ತುಂಡು ಮಾಡಿದ ಮಾವಿನ ಕಾಯಿ
• 2.5 ಕಪ್(ಕುಡ್ತೆ) ಕಲ್ಲು ಉಪ್ಪು
• 2.5 ಕಪ್(ಕುಡ್ತೆ) ಊರ ಮೆಣಸು (ಹರೇಕಳ ಒಳ್ಳೆದು)
• 3/4 ಕಪ್(ಕುಡ್ತೆ) ಸಣ್ಣ ಸಾಸಮೆ
• 1-2 ಒಂದು ಇಂಚು ಗಾತ್ರದ ಒಣಗಿದ ಅರುಶಿನ ಕೊಂಬು

ಮಾಡುವ ಕ್ರಮ:

ಹೊರಡಿ ಮಾಡುವ ಕ್ರಮಃ

ಉಪ್ಪಿನಕಾಯಿ ಹೊರಡಿಯ “ಮಾವಿನ ಮೆಡಿ ಉಪ್ಪಿನಕಾಯಿಲಿ” ಹೇಳಿದ ಹಾಂಗೆ ಮಾಡಿ.

ಉಪ್ಪಿನಕಾಯಿ ಮಾಡುವ ಕ್ರಮಃ

ಮಾವಿನ ಮೆಡಿಯ ಒಂದು ಒಣಕ್ಕು ವಸ್ತ್ರಲ್ಲಿ ಲಾಯಿಕ ಉದ್ದಿ, ಕೆಳಾಣ ಚಿತ್ರಲ್ಲಿ ತೋರ್ಸಿದ ಹಾಂಗೆ ತೊಟ್ಟಿಂದ ಮುರುದು ಮಡುಗಿ.

ಮಾವಿನ ಮೆಡಿಯ ತುಂಡು ಮಾಡಿ, ಕೋಗಿಲೆಯ ತೆಗದು, ಕೆಳಾಣ ಚಿತ್ರಲ್ಲಿ ತೋರ್ಸಿದ ಹಾಂಗೆ 4 ಅಥವಾ 8 ಸಮ ಭಾಗ ಮಾಡಿ.

ಸಾಧಾರಣ 6 ಕಪ್(ಕುಡ್ತೆ) ಮಾವಿನ ಕಾಯಿ ತುಂಡಿನ ತೆಗದು ಒಂದು ಭರಣಿ ಅಥವಾ ಗ್ಲಾಸು/ಪ್ಲಾಸ್ಟೀಕು ಕರಡಿಗೆಲಿ ಹಾಕಿ(ತೊಳದು ಒಣಗ್ಸಿದ ಭರಣಿ/ಕರಡಿಗೆ), ಅದರ ಮೇಗೆ ಸಾಧಾರಣ 1 ಕುಡ್ತೆ ಅಪ್ಪಸ್ಟು ಉಪ್ಪು ಬಿಕ್ಕಿ. ಹೀಂಗೆ ಒಳುದ ಮಾವಿನ ಕಾಯಿಯನ್ನೂ, ಉಪ್ಪನ್ನೂ ಭರಣಿ ತುಂಬುವನ್ನಾರ ಹಾಕಿ. ಇದರ ಮೇಗೆ ತೊಳದು ಒಣಗ್ಸಿ ಮಡುಗಿದ 2-3 ಭಾರದ ಕಲ್ಲಿನ ತುಂಡಿನ(ಕರ್ಗಲ್ಲು) ಮಡುಗಿ, ಭರಣಿಯ ಮುಚ್ಚಲು ಮುಚ್ಚಿ 2-3 ದಿನ ಮಡುಗಿ. ಪ್ರತಿ ದಿನ ಲಾಯಿಕಲಿ ಒಂದರಿ ಕೈ ಹಾಕಿ ತೊಳಸೆಕ್ಕು. 2-3 ದಿನ ಕಳುದ ಮೇಲೆ, ಮಾವಿನ ಕಾಯಿ ತುಂಡಿನ ಉಪ್ಪು ನೀರಿಂದ ತೆಗದು ಒಂದು ಹಾಳೆ/ಪಾತ್ರಲ್ಲಿ ತೆಗದು ಸಾಧಾರಣ 4 ಘಂಟೆ ಒಂದು ಕರೆಲಿ ಮಡುಗಿ.

ಒಂದು ಪಾತ್ರಲ್ಲಿ, ಕಡದ ಹೊರಡಿಯನ್ನೂ, ಮಾವಿನ ತುಂಡನ್ನೂ ಹಾಕಿ ತೊಳಸಿ. (ಹೊರಡಿ ಘಟ್ಟಿ ಇದ್ದರೆ, ರೆಜ್ಜ ಕೊದುಶಿ ತಣುಶಿದ ಉಪ್ಪು ನೀರು ಹಾಕಿ ತೊಳಸಿ.)
ಇದರ ಭರಣಿ ಅಥವಾ ಗ್ಲಾಸು/ಪ್ಲಾಸ್ಟೀಕು ಕರಡಿಗೆಲಿ ಹಾಕಿ, ಮೇಗಂದ ರೆಜ್ಜ ಹೊರಡಿದೆ ಉಪ್ಪುದೆ ಹಾಕಿ, ಒಂದು ವಸ್ತ್ರ ಮುಚ್ಚಿ, ಮುಚ್ಚಲಿನ ಘಟ್ಟಿಗೆ ಹಾಕಿ ತೆಗದು ಮಡುಗಿ.
ಇದರ ಸಾಧಾರಣ 1-2 ದಿನ ಕಳುದ ಹಾಂಗೆ ಉಪಯೋಗ್ಸುಲೆ ಸುರು ಮಾಡ್ಲೆ ಅಕ್ಕು. ಬೇಕಾದರೆ ಇದಕ್ಕೆ ಇಂಗು, ಸಾಸಮೆ ಒಗ್ಗರಣೆ ಕೊಡ್ಲಕ್ಕು.

ಮಾಡಿ, ರುಚಿನೋಡಿ ಹೇಂಗಾಯಿದು ತಿಳಿಶಿ.

ಸೂಚನೆಃ ಉಪ್ಪಿನಕಾಯಿ ಮಾಡುವಗ ಚೆಂಡಿ ಕೈ/ ಚೆಂಡಿ ಪಾತ್ರ ಉಪಯೋಗ್ಸುಲೆ, ನೀರು ಮುಟ್ಟುಸುಲೆ ಆಗ.

~

ವೇಣಿ ಅಕ್ಕ°

ಸೂ: ಈ ಶುದ್ದಿಯ ಇಂಗ್ಲೀಷ್ ಪ್ರತಿ ಇಲ್ಲಿದ್ದು.