ಹಾಂ! ಅದೇ ವೇಣಿಯಕ್ಕ ಈಗ ಒಪ್ಪಣ್ಣನ ಬೈಲಿಂಗೆ ಬಯಿಂದು.
ಅಲ್ಲದ್ದೆ ಈಗ ಕೊಡೆಯಾಲಲ್ಲಿ ಇಪ್ಪದುದೇ. ಅಪ್ಪನ ಮನೆ ನಲ್ಕ, ಗೆಂಡನ ಮನೆ ಮದಂಗಲ್ಲು.
ಮೊನ್ನೆ ಶ್ರೀ ಅಕ್ಕ ಕೇಳಿತ್ತಿದ್ದು ಒಪ್ಪಣ್ಣನ ಬ್ಲಾಗಿಲ್ಲಿ ವಾರಕ್ಕೊಂದು ಅಡಿಗೆ ನಮ್ಮ ಹವ್ಯಕಲ್ಲಿ ಬರದು ಹಾಕುಲೆ ಎಡಿಗಾ ಹೇಳಿ.
ಹಾಂಗಾಗಿ ಮುಂದಾಣ ವಾರಂದ ಇಲ್ಲಿ ನಿಂಗೊಗೆ ವಾರಕ್ಕೊಂದು ಹೊಸ ರುಚಿಯ ಚೆಂದದ ಫೋಟೋಂಗಳೊಟ್ಟಿಂಗೆ ವೇಣಿಯಕ್ಕ ಕಾಂಬಲೆ ಸಿಕ್ಕುಗು.
ವೃತ್ತಿಲಿ ಸಾಫ್ಟ್ ವೇರ್ ಇಂಜಿನಿಯರ್.
ಪುರುಸೋತ್ತಿಪ್ಪಗೆಲ್ಲ ಹೂಗಿನ ಸೆಸಿಗಳ ನೋಡಿಗೊಮ್ಬದು, ಹೊಸ ರುಚಿ ಎಂತಾರು ಪ್ರಯೋಗ ಮಾಡುದು ಹವ್ಯಾಸಂಗೊ.
- ಬೆಂಡೆಕಾಯಿ ಟೊಮೇಟೋ ಸಾಂಬಾರು(ಕೊದಿಲು) - March 17, 2015
- ಕ್ಯಾರೆಟ್ ಖೀರು - March 10, 2015
- ಬೆಂಡೆಕಾಯಿ ಪ್ರೈ - March 3, 2015
ಸೊಳೆ ಖಾರ ಬೆಂದಿ
ಬೇಕಪ್ಪ ಸಾಮಾನುಗೊ:
- 3 ಕಪ್(ಕುಡ್ತೆ) ನೀರು ಸೊಳೆ
- ಚಿಟಿಕೆ ಅರುಶಿನ ಹೊಡಿ
- 1/4 ಚಮ್ಚೆ ಮೆಣಸಿನ ಹೊಡಿ
- ಸಣ್ಣ ತುಂಡು ಅರುಶಿನ ಕೊಂಬು / 1/4 ಚಮ್ಚೆ ಅರುಶಿನ ಹೊಡಿ
- ಸಣ್ಣ ದ್ರಾಕ್ಷೆ ಗಾತ್ರದ ಹುಳಿ(ಬೇಕಾದರೆ ಮಾತ್ರ)
- 4-5 ಒಣಕ್ಕು ಮೆಣಸು
- 1-1.25 ಕಪ್(ಕುಡ್ತೆ) ಕಾಯಿ ತುರಿ
- 5-6 ಬೇನ್ಸೊಪ್ಪು
- 5-6 ಎಸಳು ಬೆಳ್ಳುಳ್ಳಿ
- 1 ಚಮ್ಚೆ ಸಾಸಮೆ
- 2 ಚಮ್ಚೆ ಎಣ್ಣೆ
ಮಾಡುವ ಕ್ರಮ:
ನೀರು ಸೊಳೆಯ ಲಾಯಿಕಲಿ ನೀರಿಲ್ಲಿ 2-3 ಸರ್ತಿ ತೊಳೆರಿ.
(ಉಪ್ಪು ಜಾಸ್ತಿ ಇದ್ದರೆ ನೀರಿಲ್ಲಿ ಒಂದು ಅರ್ಧ ಘಂಟೆ ಬೊದುಳುಲೆ ಹಾಕಿ ಹಿಂಡಿ ತೆಗೆರಿ. ಹೆಚ್ಚಿಪ್ಪ ಉಪ್ಪಿನಂಶ ಹೋಪನ್ನಾರ ಹೀಂಗೆ 2-3 ಸರ್ತಿ ಮಾಡಿ.)
ನೀರು ಸೊಳೆಯ ಕೆಳಾಣ ಚಿತ್ರಲ್ಲಿ ತೋರ್ಸಿದ ಹಾಂಗೆ ತುಂಡು ಮಾಡಿ.
ಕೊರದ ನೀರು ಸೊಳೆ, ಮೆಣಸಿನ ಹೊಡಿ, ಚಿಟಿಕೆ ಅರುಶಿನ ಹೊಡಿ, ನೀರು ಹಾಕಿ ಪಾತ್ರಲ್ಲಿ ಬೇಶಿ.
ಕಾಯಿ ತುರಿ, ಅರುಶಿನ, ಒಣಕ್ಕು ಮೆಣಸು, ಹುಳಿಯ ಮಿಕ್ಸಿಲಿ ಹಾಕಿ ಬೇಕಾಸ್ಟು ನೀರು ಹಾಕಿ ನೊಂಪಿಂಗೆ ಕಡೆರಿ.
ಕಡದ ಮಸಾಲೆಯ ಬೆಂದ ಬಾಗಕ್ಕೆ ಹಾಕಿ ತೊಳಸಿ, ಲಾಯಿಕಲಿ ಕೊದುಶಿ.(ಉಪ್ಪು, ಹುಳಿ, ನೀರು ಬೇಕಾದರೆ ಹಾಕಿ.) ಕೊದುದ ಮತ್ತೆ ಬೆಂದಿಯ ಸಣ್ಣ ಕಿಚ್ಚಿಲ್ಲಿ 2 ನಿಮಿಷ ಮಡುಗಿ.
ಬೆಳ್ಳುಳ್ಳಿಯ ಸೊಲುದು, ಜಜ್ಜಿ, ಒಗ್ಗರಣೆ ಸಟ್ಟುಗಿಲ್ಲಿ ಎಣ್ಣೆದೆ, ಬೆಳ್ಳುಳ್ಳಿದೆ ಹಾಕಿ ಹೊರಿಯೆಕ್ಕು. ಅದು ಚಿನ್ನದ ಬಣ್ಣ ಬಪ್ಪಗ, ಅದಕ್ಕೆ ಸಾಸಮೆ ಹಾಕೆಕ್ಕು.
ಅದು ಹೊಟ್ಟಿ ಅಪ್ಪಗ, ಬೇನ್ಸೊಪ್ಪು ಹಾಕಿ, ರೆಜ್ಜ ಹೊತ್ತು ಮಡುಗಿ, ಒಗ್ಗರಣೆಯ ಬೆಂದಿಗೆ ಹಾಕಿ. ಇದು ಅಶನದ ಒಟ್ಟಿಂಗೆ ಕೂಡ್ಲೆ ಲಾಯಿಕ ಆವ್ತು.
ಮಾಡಿ, ರುಚಿನೋಡಿ ಹೇಂಗಾಯಿದು ತಿಳಿಶಿ.
~
ವೇಣಿ ಅಕ್ಕ°
ಸೂ: ಈ ಶುದ್ದಿಯ ಇಂಗ್ಲೀಷ್ ಪ್ರತಿ ಇಲ್ಲಿದ್ದು.
ಸೊಳೆ ಬೆಂದಿ ಎನಗೆ ತುಂಬ ಇಷ್ತ.ಎಂಗಳು ಮಾಡ್ತೆಯೊ.
ಅಬ್ಬೆ ಮಾಡಿ ಕೊಟ್ಟದು, ಉ೦ಡದು ಎಲ್ಲ ನೆ೦ಪಾತು ಒ೦ದರಿ.. ಧನ್ಯವಾದ೦ಗೊ
ಇದು ತಿಂದು ಗೊಂತಿಲ್ಲೆ ಇದಾ. ಮಾಡಿ ನೋಡಕ್ಕಷ್ಟೇ.
ಓಯ್…ಪೆಂಗಣ್ಣ ಭಾವೋ…. ಸೊಳೆ ಇದ್ದೋ ?