ಕಾಯಿ -ಬೆಲ್ಲ -ಅಕ್ಕಿ

• Author
• Recent Posts

ಗೋಪಾಲಣ್ಣ

ಶೇಡಿಗುಮ್ಮೆ ಗೋಪಾಲಣ್ಣನ ಬಗ್ಗೆ ಬೈಲಿಂಗೆ ಮೊದಲೇ ಅರಡಿಗು.
ಶರ್ಮಪ್ಪಚ್ಚಿ ಅವರಬಗ್ಗೆ ವಿಶೇಷವಾದ ಶುದ್ದಿಯನ್ನೇ ಬೈಲಿಂಗೆ ಹೇಳಿತಿಳುಸಿದ್ದವು.
( ಸಾಧನೆಗೆ ಅಡ್ಡಿ ಆಗದ್ದ ಅಂಗವೈಕಲ್ಯ: https://oppanna.com/nammooru/shedigumme-gopalakrishna-bhat )

ಹ್ಮ್, ಅಪ್ಪು.
ಶರ್ಮಪ್ಪಚ್ಚಿ ಹೇಳಿದ ಹಾಂಗೆಯೇ, ಅವು ದೈಹಿಕವಾಗಿ ಎದ್ದು ನಿಂಬಲೆ ಸಾಧ್ಯ ಆಗದ್ದೆ ಇಕ್ಕು, ಆದರೆ ಅವು ಮಾನಸಿಕವಾಗಿ ಎದ್ದು ನಿಂದ ರೀತಿ ಇದ್ದನ್ನೆ- ಅದರ ಗ್ರೇಶಿರೆ ಒಪ್ಪಣ್ಣಂಗೆ ತುಂಬಾ ಕೊಶಿ ಅಪ್ಪದು.
ಸ್ವಂತವಾಗಿ ಬರದು ಪಾಸಪ್ಪ ಪರೀಕ್ಷೆಗೊ, ಅದರಿಂದ ಮತ್ತೆ ಸಿಕ್ಕಿದ ಸ್ವಂತ ಉದ್ಯೋಗ, ಅಲ್ಲಿಂದ ಮುಂದಕ್ಕೆ ನೆಡದು ಬಂದ ಸ್ವಂತ ಸಂಪಾದನೆಯ ಜೀವನ – ಇದರ ಎಲ್ಲವನ್ನುದೇ ಗ್ರೇಶಿರೆ, ಜೀವನವ ಎದರುಸಲೆ ಒದಗಿ ಬಂದ ದೈವಪರೀಕ್ಷೆ ಹೇಳಿ ಅನುಸುದು ಒಪ್ಪಣ್ಣಂಗೆ.
ಈಗ ಅವು ಉದ್ಯೋಗಸ್ಥರಾಗಿದ್ದರೂ, ಕೆಲವು ಪುಸ್ತಕಂಗಳ ಬರದು ಸಾಹಿತ್ಯಕ್ಷೇತ್ರಕ್ಕೂ ಹೊಂದುತ್ತ ಸಾಧನೆಯ ಮಾಡಿ ತೋರುಸಿದ್ದವು.
ಅವರ ಜೀವನಗಾಥೆಯೇ ಒಳುದೋರಿಂಗೆ ಪ್ರೇರೇಪಣೆ.
ಇದರನ್ನೇ ನಮ್ಮ ಶರ್ಮಪ್ಪಚ್ಚಿ ಐದಾರು ತಿಂಗಳು ಹಿಂದೆ ಹೇಳಿದ್ದದು!
ಇರಳಿ, ನಮ್ಮ ಹತ್ತರಾಣೋರು ಹಾಂಗೆ ಮಿಂಚಿರೆ ನವಗೂ ಕೊಶಿಯೇ.
ಅವು ಇನ್ನೂ ಹತ್ತರೆ ಬಂದರೆ ಮತ್ತೂ ಕೊಶಿ, ಅಲ್ಲದೋ?
ಬೈಲಿಂಗೆ ಶುದ್ದಿ ಹೇಳುತ್ತಿರೋ – ಕೇಳಿದೆ ಒಂದರಿ ಅವರತ್ರೆ.
ಸಂತೋಷಲ್ಲಿ ಒಪ್ಪಿಗೊಂಡವು. ಅವು ಒಪ್ಪಿ, ತಕ್ಷಣ ಕೊಶೀಲಿ ಕಳುಸಿದ ಆ ಶುದ್ದಿಯ ಕಂಡು ಒಪ್ಪಣ್ಣಂಗೆ ಕೊಶಿಯೂ ಆಶ್ಚರ್ಯವೂ ಆಗಿಬಿಟ್ಟತ್ತು!

ಅವರ ಶುದ್ದಿಗಳ ನಾವೆಲ್ಲೊರೂ ಕೇಳುವೊ°, ಪ್ರೀತಿಲಿ ಒಪ್ಪ ಕೊಡುವೊ°.
ಸಾಹಿತ್ಯದ ಅವರ ಅಭಿರುಚಿಯ ಇನ್ನುದೇ ಬೆಳೆಸುವೊ°, ಆಗದೋ?

Latest posts by ಗೋಪಾಲಣ್ಣ (see all)

• ಸಣ್ಣ ಸಂಗತಿ - February 13, 2018
• ದೇಶಸೇವೆ - August 15, 2017
• ಶೇಡಿಗುಮ್ಮೆ ವಾಸುದೇವ ಭಟ್ಟ್ರಿಂಗೆ ಯಕ್ಷಗಾನ ಅಕಾಡೆಮಿಯ ಗೌರವ - August 15, 2017

ಭಾರೀ ಗಾಳಿ -ಮಳೆ !
ಚುಬ್ಬಣ್ಣನ ತೋಟಲ್ಲಿ ತೆಂಗಿನಮರ-ರಜಾ ಹಳೆ ಮರವೇ -ಮುರಿದು ಬಿದ್ದತ್ತು .
ಮಕ್ಕೊ ತೋಟಕ್ಕೆ ಓಡಿದವು.
ಕರ್ಕು-ಬೊಂಡ-ಬನ್ನಂಗಾಯಿ -ಬೆಳೆದ ಕಾಯಿ ಎಲ್ಲಾ ತಂದು ಮನೆ ಜಗಲಿಲಿ ರಾಶಿ ಹಾಕಿದವು.
ಮರ ಮುರಿದು ಹೋದದ್ದು ನಷ್ಟ ; ಮರದ ಕೊಬೇಲಿ ಇಪ್ಪದರ ಬಿಟ್ಟರೆ ಅದೂ ನಷ್ಟವೇ.ಹಾಂಗಾಗಿ ಚುಬ್ಬಣ್ಣ ಎಂತದೂ ಬೈವ ಮನಸ್ಸು ಮಾಡಿದ್ದ ಇಲ್ಲೆ. ಮಕ್ಕೊಗೆ ಬೊಂಡ ಕೆತ್ತಿ ಕೊಟ್ಟ. ನೀರು ಕುಡುದ ಮೇಲೆ ಅದಕ್ಕೆ ಪಾವೆಗೆ ಅವಲಕ್ಕಿ -ಸಕ್ಕರೆ ಹಾಕಿ ಬೆರಸಿ ತಿಂದೂ ಆತು. ಬನ್ನಂ ಗಾಯಿ ಮರದಿನ ದೋಸೆ ಮಾಡಲೆ ಬೇಕು ಹೇಳಿ ಸೊಲುದು ಮಡಗಿ ಆತು.
ಮತ್ತೆ ಅವನದ್ದು ಮಕ್ಕಳ ಹತ್ತರೆ ಚೋದ್ಯ-
“ಇದಾ, ಈಗ ಎಲ್ಲರಿಂಗೂ ಬೊಂಡ ತಿಂದಾತು .ಈಗ ಹೇಳಿ, ನಮ್ಮಲ್ಲಿ ಅಕ್ಕಿ ಕಾಯಿ ಬೆಲ್ಲ/ಸಕ್ಕರೆ -ಇದರ ಬೇರೆ ಬೇರೆ ರೂಪವ ಮಾತ್ರ ಸೇರಿಸಿ ಎಷ್ಟು ಬಗೆ ಪಾಕ ಮಾಡ್ಲೆ ಆವುತ್ತು? ಆದರೆ ಒಂದು ಶರ್ತ -ಅದಕ್ಕೆ ಉದ್ದು,ಹಸರು ,ಕಡ್ಲೆ ಮುಂತಾದ ಏವ ಧಾನ್ಯ ಸೇರಿಸಲಾಗ. ಪರಿಮಳಕ್ಕೆ ಏಲಕ್ಕಿ ,ರಜಾ ತುಪ್ಪ ಬೇಕಾದರೆ ಸೇರಿಸಲಕ್ಕು .”
ಮಗ-ಅವಲಕ್ಕಿ ,ಹೊದಳು,ಕಡಿ ಅಕ್ಕಿ,ಅಕ್ಕಿ ಹೊಡಿ -ಎಂತಾದರೂ ಅಕ್ಕನ್ನೇ ? ಕಾಯಿ,ಕೊಬ್ಬರಿ,ಬೊಂಡ,ತೆಂಗಿನೆಣ್ಣೆ ಯಾವುದೂ ಅಕ್ಕನ್ನೇ ?
ಮಗಳು -ಹಿಂಡಿಯೂ ಅಕ್ಕು ,ಅಲ್ಲದೋ ಅಪ್ಪ?[ಕಿಲಕಿಲನೆ ನೆಗೆ ಮಾಡುತ್ತು ]
ಚುಬ್ಬಣ್ಣ- ಅಕ್ಕು.
ಮಗಳು-ಹಾಂಗಾರೆ ಎನಗೆ ಗೊಂತಾತು ! ಅಕ್ಕಿ ಪಾಯಸ,ಸುಟ್ಟವು,ಪಚ್ಚಪ್ಪ ,ಈಗ ನಾವು ತಿಂದ ಬೊಂಡ ಅವಲಕ್ಕಿ ಸಕ್ಕರೆ ,ಸೇಮಗೆ-ಕಾಯಿ ಹಾಲು ,ತೆಳ್ಳವು -ಕಾಯಿಸುಳಿ-ಬೆಲ್ಲ !
ಚುಬ್ಬಣ್ಣ-ಇನ್ನೂ ಇದ್ದು.
ಮಗ-ಅದೆಲ್ಲಾ ಎನಗೆ ಗೊಂತಿದ್ದು .
ಮಗಳು-ಹಾಂಗಾರೆ ಹೇಳು ಅಂಬಗ ! ಸುಮ್ಮನೆ ಬಡಾಯಿ ಕೊಚ್ಚುತ್ತ ಇವ!
ಮಗ-ಆನು ನಾಳೆ ಎಲ್ಲಾ ಬರದು ತೋರಿಸುತ್ತೆ .
[ಹವ್ಯಕರು ಈ ಮೂರು ಬಗೆಗಳ ವಿವಿಧ ರೂಪಂಗಳ ಹೊಂದಿಸಿ ಬೇರೆ ಬೇರೆ ರೀತಿ ಕಡೆದು,ಬೇಯಿಸಿ,ಕಾಸಿ,ಹೊರಿದು-ತಿಂಡಿ ಮಾಡಲೆ ಉಷಾರಿ. ನಿಂಗಳೂ ರಜಾ ರಜ್ಜ ಆಲೋಚನೆ ಮಾಡಿ ಮಾಣಿ ಬರೆವ ಪಟ್ಟಿಗೆ ಸೇರಿಸಿ ಸಹಾಯ ಮಾಡಿ ].