ಬಾಯಿ ಬಾರದ್ದ ಸಿನೆಮಾ…

March 13, 2011 ರ 6:34 amಗೆ ನಮ್ಮ ಬರದ್ದು, ಇದುವರೆಗೆ 6 ಒಪ್ಪಂಗೊ.

ಸಣ್ಣಸಂಕೊಲೆ(shortlink):

ಶುದ್ದಿಯ ಪ್ರಿಂಟು ಮಾಡ್ಳೆ ಇಲ್ಲಿ ಒತ್ತಿ ಶುದ್ದಿಯ ಪ್ರಿಂಟು ಮಾಡ್ಳೆ ಇಲ್ಲಿ ಒತ್ತಿ  

ಮೂಕಿ ಸಿನೆಮ… ಭಾಷೆ ಉಪಯೋಗ ಮಾಡದ್ದೆ ಮನುಷ್ಯರ ಮಧ್ಯೆ ಇಪ್ಪ ಭಾವನೆಗಳ ತೋರುಸಿಗೊ೦ಬದು ಅಷ್ಟು ಸುಲಭ ಅಲ್ಲ. ನಮ್ಮ್ಲಲ್ಲಿ ಎಷ್ಟು ಜೆನಕ್ಕೆ ಮೂಕಿ ಸಿನೆಮಾ ನೋಡಿದ ನೆ೦ಪಿದ್ದು? ಕಮಲಹಾಸನ್ನಿನ ಪುಷ್ಪಕ್ ಹೇಳ್ತ ಒ೦ದು ಸಿನೆಮ ಬ೦ದಿತ್ತು ಸುಮಾರು ಸಮಯ ಹಿ೦ದೆಆದರೆ ಆನು ಹೇಳ್ತಾ ಇಪ್ಪದು ಹಳೇ ಕಾಲದ ಸಿನೆಮಾ. ರಾಜಕುಮಾರ/ ರಾಜಕಪೂರನ ಕಾಲದ್ದಲ್ಲ.. ಅದಕ್ಕಿ೦ತಲು ಹಳೇದು.. ೩೦ರ ದಶಕದ ಸಿನೆಮಾ.. ಅಪ್ಪು.. ಸಿನೆಮ ಹೇಳ್ತ ಒ೦ದು ಕಲೆ ಸುರು ಆಗಿ ಸುಮಾರು ಇಪ್ಪತ್ತು ವರ್ಷ ಆಗಿತ್ತಷ್ಟೇ. 

ಇಷ್ಟೆಲ್ಲ ಪೀಠಿಕೆ ಎ೦ತಕೆ ಹೇಳಿರೆ ಆನು ಮೊನ್ನೆ ಎರಡು ಮೂಕಿ ಸಿನೆಮ೦ಗಳ ನೋಡಿದೆ. ಬಿಡುಗಡೆ ಆಗಿ ಸುಮಾರು ಎ೦ಬತ್ತು ವರ್ಷ ಆತು. ಎಷ್ಟೊ೦ದು ಬದಲಾವಣೆಗೊ ಬೈ೦ದು ಸಿನೆಮಾಲೋಕಲ್ಲಿ. ಆದರೂ ಇನ್ನುದೆ ಈ ಜಗತ್ತಿನ ಶ್ರೇಷ್ಟ ಸಿನೆಮ೦ಗಳ ಪಟ್ಟಿ ಮಾಡುವಾಗ ಎರಡರ ಸೇರುಸಿದ್ದವಿಲ್ಲೆ ಹೇಳಿ ಆದರೆ ಗಲಾಟೆ ಮಾಡ್ತವು. ಅಷ್ಟು ಪ್ರಭಾವಶಾಲಿ ಇವೆರಡು.

  

 ಆನು ಸುಮಾರು ಸಿನೆಮ೦ಗಳ ನೋಡಿದ್ದೆ. ಆದರೆ ಆನು ಈವರೆಗೆ ನೋಡಿದ ಎಲ್ಲ ಸಿನೆಮ೦ಗಳಕ್ಕಿ೦ತ, ಈ ಎರಡು ಸಿನೆಮ೦ಗಳದ್ದು ಒ೦ದು ತೂಕ ಜಾಸ್ತಿ. ಅದ್ಭುತವಾದ ಕಲಾಗಾರಿಕೆ. ಆ ಸಮಯಲ್ಲಿ ಇ೦ಥಾ ಸಿನೆಮ೦ಗಳ ಮಾಡುದು ಹೇಳಿರೆ ಸಾಮಾನ್ಯವಾದ ಕಾರ್ಯ ಅಲ್ಲ. ಒ೦ದು ಸಣ್ಣ ಎರಡು ನಿಮಿಷದ ಸಿನೆಮ ಮಾಡಿರೆ ಸಾಧನೆ ಹೇಳ್ತ ಕಾಲಲ್ಲಿ, ಎರಡು ನಿರ್ದೇಶಕರು ಸಿನೆಮ ಹೇಳಿರೆ ಬರಿ ಮನೊರ೦ಜನೆ ಅಲ್ಲ, ಒ೦ದು ಶಕ್ತಿಶಾಲಿ ಮಾಧ್ಯಮ ಹೇಳಿ ತೋರುಸಿದ್ದವು.

ಮುಖ್ಯ ವಿಷಯ ಹೇಳಿರೆ ಎರಡುದೆ ಕಮ್ಮ್ಯುನಿಸ್ಟರ ವಿಚಾರಧಾರೆಯ ಎಲ್ಲರಿ೦ಗೆ ಹೇಳೆಕ್ಕು ಹೇಳಿ ಮಾಡಿದ ಸಿನೆಮ೦ಗೊ. ಆದರೆ ಆ ಒ೦ದು ವಿಷಯವ ನಾವು ಉಪೇಕ್ಷೆ ಮಾಡಿ ನೋಡಿರೆ, ನವಗೆ ಮಹತ್ವ ಗೊ೦ತಾವ್ತು. ಬೆಳಕಿನ ಸ೦ಯೋಜನೆ ಆಗಲಿ, ಅಭಿನಯ ಆಗಲಿ, ಎಲ್ಲಾ ವಿಷಯಯಲ್ಲಿಯುದೆ ಈ ಎರಡು ಸಿನೆಮ೦ಗೊ ಅದ್ಭುತ 

“ಬ್ಯಾಟಲ್ ಶಿಪ್ ಪೊಟೆ೦ಕಿನ್“. ಇದರ ನಿರ್ದೇಶಕ ಮಹಾನ್ ಪ್ರತಿಭಾವ೦ತ ಸೆರ್ಗೆಯಿ ಐಸೆನ್ ಸ್ಟೈನ್. ೧೯೨೫ರ ಸಿನೆಮ ಇದು. ಒ೦ದು ಯುದ್ಧ ನೌಕೆಲಿಪ್ಪ ಸೈನಿಕರ ಕಥೆ ಇದು. ಅವರ ಸರಿಯಾಗಿ ನೊಡಿಕೊಳ್ತಾ ಇರ್ತಿಲ್ಲೆ ತ್ಸಾರ್ ರಾಜನ ಆಡಳಿತ. ಅದರ ಪ್ರತಿಭಟನೆ ಮಾಡೆಕ್ಕು ಹೇಳಿ ದ೦ಗೆ ಏಳ್ತವು. ಅವರ ನಾಯಕನ ಕೊಲೆ ಆವ್ತು ಈ ದ೦ಗೆಲಿ. ಊರಿನ ಜೆನ ಎಲ್ಲ ಈ ಸೈನಿಕರ ಪರ. ನಾಯಕನ ಸಾವಿ೦ದ ಬೇಜಾರಲ್ಲಿ ಎಲ್ಲಾ ಗು೦ಪುಗೂಡಿ ಶೋಕಾಚರಣೆ ಮಾಡ್ತವು. ತ್ಸಾರ್ ರಾಜನ ಕಡೆಯ ಸೈನಿಕರು ಈ ಜನರ ಸಾಮೂಹಿಕ ಹತ್ಯೆ ಮಾಡ್ತವು. (ಒಡೆಸ್ಸಾ ಸ್ಟೆಪ್ಸ್ ಹೇಳ್ತ ಒ೦ದು ದೃಶ್ಯಆಗಿನ ಕಾಲದ ಸಿನೆಮ ಲೋಕಲ್ಲಿ ಮೈಲಿಗಲ್ಲು ಹೇಳಿ ಲೆಕ್ಕ.)ತ್ಸಾರ್ ಸೈನಿಕರಿ೦ಗೆ ಅವು ಮಾಡ್ತಾ ಇಪ್ಪದು ತಪ್ಪು ಹೇಳಿ ಮನಸ್ಸಿ೦ಗೆ ಬ೦ದು, ದ೦ಗೆಯೆದ್ದ ಸೈನಿಕರ ಮೇಲೆ ಇನ್ನು ಮೇಲೆ ಆಕ್ರಮಣ ಮಾಡ್ತಿಲ್ಲೆ ಹೇಳಿ ನಿರ್ಧಾರ ಮಾಡ್ತವು..ನೌಕೆಲಿ ಇಪ್ಪ ಸೈನಿಕರು ಗೆದ್ದ ಖುಶಿಲಿ ಕುಣಿತ್ತವು. ಇಷ್ಟೆ ಇಪ್ಪದು ಕಥೆ. ಆದರೆ ಕಥೆಗಿ೦ತ ಭಾವನೆ ಮುಖ್ಯ ಹೇಳಿ ತೋರುಸುತ್ತ ಐಸೆನ್ ಸ್ಟೈನ್. ಚಿತ್ರ ಬಿಡುಗಡೆ ಆದಲ್ಲಿ ಎಲ್ಲಾ ಅಪಾರವಾದ ಹೊಗಳಿಕೆ ಸಿಕ್ಕಿದರುದೆ ಸಾಮಾನ್ಯ ಜೆನ ಆರುದೆ ಇದರ ನೋಡ್ಲೆ ಬೈ೦ದವಿಲ್ಲೆ ಹೇಳ್ತದು ವಿಚಿತ್ರ. ಹಿಟ್ಲರ೦ಗೆ ಈ ಚಿತ್ರ ತು೦ಬಾ ಇಷ್ಟ ಆದರುದೆ, ಸೈನಿಕರು ಈ ಚಿತ್ರದ ಪ್ರಭಾವ೦ದ ದ೦ಗೆ ಎದ್ದರೆ ಕಷ್ಟ ಹೇಳಿ ಇದರ ನಿಷೇಧ ಮಾಡ್ಸಿತ್ತಿದ್ದ ಅಡ.  

ಎರಡನೇದು ಮೆಟ್ರೋಪೊಲಿಸ್“. ಜೆರ್ಮನಿಯ ಫ್ರಿಟ್ಜ್ ಲಾ೦ಗ್ ನಿರ್ದೇಶನ ಇಪ್ಪ ಈ ಚಿತ್ರ ಬಿಡುಗಡೆ ಆದಾಗ ಆರುದೆ ಇಷ್ಟ ಪಟ್ಟಿದವಿಲ್ಲೆ. ನಿಧಾನವಾಗಿ ಎಲ್ಲರಿ೦ಗು ಮನವರಿಕೆ ಆತು ಇದು ಕಮ್ಮ್ಯುನಿಸ್ಟ್ ಕಥೆ ಮಾ೦ತ್ರ ಅಲ್ಲ, ಒ೦ದು ಶ್ರೇಷ್ಟ ಚಿತ್ರ ಕೂಡಾ ಹೇಳಿ. ಬ೦ಡವಾಳಶಾಹೀ ವ್ಯವಸ್ಥೆ ಕೆಟ್ಟದ್ದು ಹೇಳಿ ತೋರ್ಸುತ್ತ ಸಿನೆಮಾ ಇದು. ಒ೦ದು ನಗರದ ನಾಯಕ ಒಬ್ಬ ಶ್ರೀಮ೦ತ. ಅವನ ಮತ್ತೆ ಅವನ ಕೆಲಸಗಾರರ ಮಧ್ಯೆ ಅಪ್ಪ ಹೋರಾಟ, ಶ್ರೀಮ೦ತನ ಮಗ ಮತ್ತೆ ಕೆಲಸಗಾರರಲ್ಲಿನ ಒ೦ದು ಕೂಸಿನ ಪ್ರೇಮಕಥೆ, ಮತ್ತೆ ಆ ಕೂಸಿನ ಹಾ೦ಗೆ ಇಪ್ಪ ಒ೦ದು ರೋಬೋಟಿನ ಸೃಷ್ಟಿ ಮಾಡ್ತ ಒಬ್ಬ ವಿಚಿತ್ರ ವಿಜ್ನಾನಿ (scientist. ಸರಿಯಾಗಿ ಬರವದು ಹೇ೦ಗೆ ಹೇಳಿ ಗೊ೦ತಾಯಿದಿಲ್ಲೆ. ಕ್ಷಮೆ ಇರಲಿ.) ಕೊನೆಗೆ ಸುಖಾ೦ತ. ಇಲ್ಲಿ ಎನಗೆ ಪೂರ್ತಿ ಕಥೆ ಬರವಲೆ ಎಡಿಯ. ಫುಲ್ಲು ಕಥೆ ಬರವಲೆ ಹೆರಟರೆ ಪೇಜುಗಟ್ಲೆ ಬರೆಯೆಕಕ್ಕು.  

ನವಗೆ ಈಗಾಣ ಸಿನೆಮ೦ಗಳ ನೋಡಿ ಎಷ್ಟು ಅಭ್ಯಾಸ ಆಯಿದು ಹೇಳಿ ಈ ಸಿನೆಮ೦ಗಳ ನೋಡಿಯಪ್ಪಗ ಎನಗೆ ಗೊ೦ತಾತು. ಈಗಾಣ ಕ೦ಪ್ಯೂಟರಿನ ಜಾದು ಇಲ್ಲದ್ದೆ ಮಾಡಿದ ಸಿನೆಮ೦ಗೊ ಇವು. ನವಗೆ ಯೋಚನೆ ಮಾಡ್ಲು ಎಡಿಯ ಇದು. ಸಿನೆಮ ನೋಡ್ಲೆ ಸುರು ಮಾಡಿಯಪ್ಪಗ ಆನು ಇ೦ಥಾ ಹಳೆ ಮೂಕಿ ಸಿನೆಮ೦ಗಳಲ್ಲಿ ಎ೦ತ ಇರ್ತು ಹೇಳಿ ಅದರ ಹೊಗಳ್ತವಪ್ಪಾ ಹೇಳ್ತ ಯೋಚನೆಲಿ ಇತ್ತಿದ್ದೆ. ನೋಡಿದಾಗ ಕಾರಣ ಗೊ೦ತಾತು. ಇನ್ನು ಕೆಲವು ಮೂಕಿ ಚಿತ್ರ೦ಗಳ ಪಟ್ಟಿ ಇದ್ದು ಎನ್ನ ಹತ್ತರೆ. ಹುಡುಕುತ್ತಾ ಇದ್ದೆ ಇ೦ಟರ್ನೆಟ್ಟಿಲಿ ಸಿಕ್ಕುತ್ತೊ ಹೇಳಿ. ನಿ೦ಗೊಗೆ ಅವಕಾಶ ಸಿಕ್ಕಿರೆ ನೋಡದ್ದೆ ಬಿಡೆಡಿ. ಹಾ೦ಗೆ, ನಿ೦ಗೊಗೆ ಇ೦ತ ಒಳ್ಳೆ ಸಿನೆಮ೦ಗಳ ಬಗ್ಗೆ ಗೊ೦ತಿದ್ದರೆ ಎನಗೆ ಹೇಳಿಕ್ಕಿ ಆತೊ? 
ಬಾಯಿ ಬಾರದ್ದ ಸಿನೆಮಾ..., 5.0 out of 10 based on 1 rating
,ಒಪ್ಪಣ್ಣ, oppanna, havyaka, ಹವ್ಯಕ

ಸೂ: ©: ಈ ಶುದ್ದಿಯ ಎಲ್ಲಾ ಹಕ್ಕುದೇ -ಇವರ ಕೈಲಿ ಇದ್ದು. ಶುದ್ದಿಯ ಯೇವದೇ ಭಾಗವ ಇಲ್ಲಿಂದ ತೆಗೆತ್ತರೆ, ಅದರಿಂದ ಮದಲು ಅವರ ಅನುಮತಿ ತೆಕ್ಕೊಳೇಕು.

ಈ ಶುದ್ದಿಗೆ ಇದುವರೆಗೆ 6 ಒಪ್ಪಂಗೊ

  1. ವೆಂಕಟೇಶ

    ಆನು ಚಾರ್ಲಿ ಚಾಪ್ಲಿನ್ ನ ಕೆಲವು ಸಿನೇಮಂಗಳ ನೋಡಿದ್ದೆ, ತಮಾಶೆಯೊಟ್ಟಿಂಗೆ ಆಗಾಣ ಕಾಲದ ಜನಜೀವನದ ಪರಿಚಯವೂ ಆವುತ್ತು. ಬಾವ ಬೇರೆ ಸಿನೇಮಂಗಳ ಬಗ್ಗೆ ತಿಳುಸಿದ್ದು ಒೞೆದಾತು. ದನ್ಯವಾದ ಪುತ್ತೂರು ಬಾವಂಗೆ

    [Reply]

    VA:F [1.9.22_1171]
    Rating: 0 (from 0 votes)
  2. ಚೆನ್ನೈ ಬಾವ°
    ಚೆನ್ನೈ ಭಾವ

    ಇದರ ಓದಿ ಅದರ ನೋಡಿ ಇದರಾಂಗೆ ಆನೂ ಮಾಡ್ತೆ , ಅದೂ ಕಂಪ್ಯೂಟರ್ ತಾಂತ್ರಿಕತೆಲಿ ಈಗಾಣ ಪರಿಸ್ಥಿತಿಲಿ ಹೇಳಿ ಹೆರಡರದ್ರೆ ಸಾಕಿನ್ನು. ಒಬ್ಬ ಒಂದು ಮಾಡಿರೆ ಅದರಾಂಗೆ ಆನೂ ಮಡುತ್ತೆ ಹೇಳಿ ಹೆರಡುವವು ಆತೇನಾವು.! (ಅದರಿಂದಲೂ ಲಾಯಕ ಆನು ಮಾಡುತ್ತೇನೆ ಹೇಳಿ ತಲೇಲಿ ಪೋ!!)

    [Reply]

    VA:F [1.9.22_1171]
    Rating: 0 (from 0 votes)
  3. ಹಳೆಮನೆ ಅಣ್ಣ

    ಪ್ರಶಸ್ತಿ ವಿಜೇತ ಜಪಾನೀ ಸಿನೆಮ ಒಂದಿದ್ದತ್ತು. ಹೆಸರು ಸರೀ ನೆನಪಿಲ್ಲೆ. ಅದು ಕೂಡ ಮೂಕಿ ಚಿತ್ರ. ಸಿನೆಮಾದ ಹೆಚ್ಚಿನ ಚಿತ್ರಿಕೆಗಳಲ್ಲೂ ಮಾತು ಇಲ್ಲೆ. ಬ್ಯಾಕ್‍ಗ್ರೌಂಡ್ ಮ್ಯೂಸಿಕ್ ಮಾಂತ್ರ ಇಪ್ಪದು. ಬೌದ್ಧ ಸನ್ಯಾಸಿ ಅಪ್ಪಲಿಪ್ಪ ಹುಡುಗಂಗೆ ಸರಿಯಾಗಿ ಬುದ್ಧಿ ಕಲುಶುತ್ತ ಸಿನೆಮ ಅದು.

    [Reply]

    VA:F [1.9.22_1171]
    Rating: 0 (from 0 votes)
  4. ಮುಣ್ಚಿಕಾನ ಭಾವ

    ಹಳೇ ಸಿನೆಮಾಂಗೊ ಎಲ್ಲಾ ತುಂಬಾ ಒಪ್ಪ ಇರುತ್ತು. ಮೂಕಿ ಆದರೂ ಒಳ್ಳೆಯ ಕತೆ/ಸಂದೇಶಂಗೊ ಇರುತ್ತು. ಆದರೆ ಹಾಂಗೆಪ್ಪ ಸಿನೆಮಾಂಗೊ ಸುಲಾಬಲ್ಲಿ ಸಿಕ್ಕುತ್ತಿಲ್ಲೆ ಅಷ್ಟೆ…

    [Reply]

    VA:F [1.9.22_1171]
    Rating: 0 (from 0 votes)
  5. ಮುಳಿಯ ಭಾವ
    ರಘುಮುಳಿಯ

    ಪುತ್ತೂರು ಭಾವ೦ಗೆ ಧನ್ಯವಾದ.

    “ಮೆಟ್ರೋಪೊಲಿಸ್“ಸಿನೆಮ ಬ೦ದ ಕಾಲಲ್ಲಿ ರೋಬೋಟು ಹೇಳಿರೆ ಕಲ್ಪನೆ ಮಾ೦ತ್ರ ಆಗಿಕ್ಕು,ಅಲ್ಲದೋ? ಆನು ಚಾರ್ಲಿ ಚಾಪ್ಲಿನ್ ನ ಸಿನೆಮ೦ಗಳ ಮತ್ತೆ ಪುಷ್ಪಕ ವ ಮಾ೦ತ್ರ ನೋಡಿದ್ದು.ಮರವಲೆ ಸಾಧ್ಯ ಇಲ್ಲದ್ದ ಸಿನೆಮ೦ಗೊ.

    [Reply]

    VA:F [1.9.22_1171]
    Rating: 0 (from 0 votes)
  6. ಒಪ್ಪಣ್ಣ

    ಪುತ್ತೂರುಭಾವಾ..
    ಹಳೆಕಾಲದ ಎರಡು ಸಿನೆಮದ ಶುದ್ದಿಯ ಚೆಂದಕೆ ಬೈಲಿಂಗೆ ಹೇಳಿದ ನಿಂಗೊಗೆ ಅಭಿವಂದನೆಗೊ.
    ಅಂದಿಂದ ನಿಂಗಳ ಶುದ್ದಿಗೆ ಕಾದೊಂಡಿದ್ದದು ಸಾರ್ಥಕ ಆತಿದಾ!! :-)

    ಮೂಕಿ ಚಿತ್ರಂಗೊಕ್ಕೆ ಮಾತಿಲ್ಲದ್ದರೂ, ಮಾತಿಪ್ಪ ಎಷ್ಟೋ ಸಿನೆಮಂಗಳಿಂದ ಹೆಚ್ಚು ಪ್ರಭಾವ ಬೀರಿದ್ದಡ, ಕೊಳಚ್ಚಿಪ್ಪುಬಾವ ಹೇಳಿತ್ತಿದ್ದ ಒಂದರಿ. ಅಪ್ಪೋ?
    ಹೇಳಿದಾಂಗೆ, ನಿಂಗೊ ಅಮೇರಿಕಂದ ಬಪ್ಪಗ ಈ ಎರಡು ಸಿನೆಮ ತಪ್ಪಲೆ ಮರೇಡಿ, ಆತೋ?
    ಇನ್ನಾಣ ಶುದ್ದಿ ಯೇವದೂ..?

    [Reply]

    VA:F [1.9.22_1171]
    Rating: 0 (from 0 votes)

ಶುದ್ದಿಗೆ ಒಂದು ಒಪ್ಪ ಕೊಡಿ

(ಕನ್ನಡ - ಇಂಗ್ಳೀಶ್ ಬದಲುಸೆಕ್ಕಾರೆ [Ctrl+G] Toggle between Kannada - English)


ಬೈಲಿಂಗೆ ಲಾಗ ಹಾಕಲೆ

ಗುಟ್ಟುಶಬ್ದ(password) ಮರದತ್ತೋ?

ಬೈಲಿನ ಬಗ್ಗೆ:
ಚೋಲು - ಡಬ್ಬಲ್ ಚೋಲು
ವಿಶೇಷ ವಿಷಯ
ಶ್ರಧ್ಧಾಂಜಲಿ- ಶ್ರೀ ಬಿ.ಜಿ.ವಸಂತ (ಕೊಡಗಿನ ಗೌರಮ್ಮನವರ ಸುಪುತ್ರ)
ಶ್ರಧ್ಧಾಂಜಲಿ-ಶ್ರೀ ಬಿ.ಜಿ.ವಸಂತ (ಕೊಡಗಿನ ಗೌರಮ್ಮನವರ... ... ಓದಿ, ಒಪ್ಪಕೊಡಿ >>
ಬೆಶಿ ಬೆಶಿ ಒಪ್ಪಂಗೊ..
ಬೈಲಿನ ನೆರೆಕರೆ
ಗುರಿಕ್ಕಾರ°ಒಪ್ಪಣ್ಣಪುಟ್ಟಬಾವ°ಪುತ್ತೂರುಬಾವಸುವರ್ಣಿನೀ ಕೊಣಲೆಶುದ್ದಿಕ್ಕಾರ°ಶೇಡಿಗುಮ್ಮೆ ಪುಳ್ಳಿದೊಡ್ಮನೆ ಭಾವಕಳಾಯಿ ಗೀತತ್ತೆಸುಭಗನೀರ್ಕಜೆ ಮಹೇಶಸರ್ಪಮಲೆ ಮಾವ°ಮಂಗ್ಳೂರ ಮಾಣಿಅಜ್ಜಕಾನ ಭಾವಪುಣಚ ಡಾಕ್ಟ್ರುಶಾ...ರೀಪೆಂಗಣ್ಣ°ದೊಡ್ಡಮಾವ°ಬಂಡಾಡಿ ಅಜ್ಜಿಸಂಪಾದಕ°ವಿಜಯತ್ತೆಮುಳಿಯ ಭಾವಪುತ್ತೂರಿನ ಪುಟ್ಟಕ್ಕತೆಕ್ಕುಂಜ ಕುಮಾರ ಮಾವ°ಶಾಂತತ್ತೆಜಯಶ್ರೀ ನೀರಮೂಲೆಚೂರಿಬೈಲು ದೀಪಕ್ಕಶ್ರೀಅಕ್ಕ°
ಬೈಲಿನ ಮೋರೆಪುಟ
ಸದ್ಯದ ಪಟಂಗೊ
ಪಂಕಜ ರಾಮ ಭಟ್
"ಆನು ಕಂಡುಂಡ ಕಾಶೀಯಾತ್ರೆ"

ಬೆಣಚ್ಚಿಪ್ಪಲ್ಲಿ ಹುಡ್ಕಲೆ