ಜೆಂಬಾರದ ಮನೆಯ ಶಬ್ದಮಾಲಿನ್ಯ..!

7 thoughts on “ಜೆಂಬಾರದ ಮನೆಯ ಶಬ್ದಮಾಲಿನ್ಯ..!”

1. ಅರೆ.ಅದಕ್ಕೆ ಅಲ್ದಾ ಜಂಬ್ರದ ಮನೆ ಹೇಳುದು. ಜಂಬ್ರ, ಸಂತೆಲಿ ಶಬ್ದ ಇಪ್ಪಲಾಗ ಹೇಳಿರೆ ಹೇಂಗೆ? ಸುಮಾರು ದಿನದ ನಂತರ ಸಿಕ್ಕುವ ನೆಂಟರ ಒಟ್ಟಿಂಗೆ ಮಾತಾಡದ್ದೆ ನಿಂದರೆ ಅಕ್ಕೋ? ಅದರಲ್ಲೂ ಸೈಕೋಲೊಜಿ ಇದ್ದು ಹೇಳಿ ಹೇಳುಗು ಡಾಗುಟ್ರುಗೊ. ಶಬ್ದಮಾಲಿನ್ಯ ಅಪ್ಪದು ಕಿರುಚ್ಚಿ, ಬೊಬ್ಬೆ ಹೊಡದು ನ್ಯೂಸೆನ್ಸ್ ಮಾಡಿರೆ. ಮಾತಾಡಿದರೆ ಅಲ್ಲ.ಅಲ್ಲದೋ ಮಾವ?:-)

   1. ಅಪ್ಪು ಕೂಸೇ,,ಎಲ್ಲೋರು ನಿನ್ನ ಹಾಂಗೆ ಚಾಮಿ ಕುoಞಯ ಹಾಂಗೆ, ಒಪ್ಪಕ್ಕನ ಹಾಂಗೆ ಕೂದರೆ ಅಕ್ಕು.. ಇಲ್ಲದ್ದರೆ ಎಡಿಯ… ಹಾಂಗಿಪ್ಪವಕ್ಕೆ ಆನು ಹೇಳಿದ್ದು..

2. ವಸಂತಣ್ಣ ನ ಅಭಿಪ್ರಾಯ ನೂರಕ್ಕೆ ನೂರರಷ್ಟು ಸತ್ಯ..ಲೇಖನಕ್ಕೆ ಪುಷ್ಟಿ ಕೊಟ್ಟದಕ್ಕೆ ಧನ್ಯವಾದಂಗ……………

3. ಗಣೇಶಮಾವº ಬರದ್ದದು ಎಲ್ಲೋರ ಮನಸ್ಸಿಲ್ಲಿ ಬರೆಕಾದ್ದದು!

4. ಗಣೇಶ ಮಾವ° ಬರದ್ದು ನಿಜ. ಆದರೆ ಈ ಗೌಜಿಯ ಎಂತ ಮಾಡಿರೂ ನಿಲ್ಸುಲೆ ಎಡಿಯ ಹೇಳಿ ಎನ್ನ ಅಭಿಪ್ರಾಯ.
   ಜೆಂಬಾರದ ಮನೆ ಹೇಳಿರೆ ನೆಂಟ್ರು, ಆಪ್ತರು ಸೇರ್ತ ಜಾಗೆ. ಒಪ್ಪುವ. ಕಾಣದ್ದೆ ತುಂಬ ಸಮಯ ಆತು ಹೇಳಿಗೊಂಡು ಎಲ್ಲೊರೂ ಪಟ್ಟಾಂಗ ಹಾಕ್ಲೆ ಸುರು ಮಾಡ್ತವು. ರಜ್ಜ ಹಳಬ್ಬರಾದರೆ ಅಡಕ್ಕೆಗೆ ರೇಟು ಡೌನು ಆದ ಸಂಗತಿಯೋ, ಚಿಕುನ್ ಗುನ್ಯ ಬಂದು ಸುರು ಆದ ಮೊಳಪ್ಪು ಬೇನೆ ಇನ್ನೂ ಗುಣ ಆಗದ್ದ ವಿಷ್ಯವೋ, ಬೆಂಗ್ಳೂರಿಲ್ಲಿಪ್ಪ ಮಗ(ಮಗಳು) ಇನ್ಫೋಸಿಸ್ಸಿಂಗೆ ಸೇರಿ ೪ ತಿಂಗಳು ಆದ ಶುದ್ದಿಯೋ, ತೋಟದ ಕೆಲಸಕ್ಕೆ ಆಳುಗೊ ಸಿಕ್ಕದ್ದ ನರಕ್ಕವೋ… ಹೀಂಗೆಂತಾರು ಮಾತಾಡುಗು. ಹೆಮ್ಮಕ್ಕೊ 4 ಜನ ಒಟ್ಟಿಂಗೆ ಸೇರಿದರೆ ಮತ್ತೆ ಅಲ್ಲಿ ಬೆಡಿ ಹೊಟ್ಟುಸಿರೂ ಕೇಳ! ಈಗ ಮತ್ತೆ ಶಾಲಗೆ, ಕೋಲೇಂಜಿಂಗೆ ಹೋಪ ಮಕ್ಕೊ ಜೆಂಬಾರಕ್ಕೆ ಬಪ್ಪದು ಭಾರೀ ಕಡಮ್ಮೆ ಆಯಿದು. ಎಲ್ಯಾರು ಬಂದರೆ ಆದಿತ್ಯವಾರ ಇಪ್ಪ ಜೆಂಬಾರಕ್ಕೆ ಬಕ್ಕು. ಅವು ಬಂದರೂ ಮೊಬೈಲಿಲ್ಲಿ ಗುರುಟಿಗೊಂಡು ಬ್ಲೂಟೂತಿಲ್ಲಿ ಎಂತಾರು ಕಾಟಂಕೋಟಿ ಪದ್ಯವೋ, ಮತ್ತೊಂದೋ ಪಗರ್ಸಿಯೋಂಡು ಇಕ್ಕು.
   ಕೆಲವು ಜನಂಗೊ ಇದ್ದವು, ಅವಕ್ಕೆ ಫೋನ್ ಮಾಡಿ ಮಾತಾಡ್ಲೆ ನೆಂಪಾವುತ್ತಿಲ್ಲೆ. ಎದುರು ಕಂಡಪ್ಪಗ ಎಷ್ಟೂದೆ ಮಾತಾಡುಗು. (ಮತ್ತೊಂದು ವರ್ಗದವು ಕೂಡ ಇದ್ದವು – ಎದುರಂದ ನುಣ್ಣಂಗೆ ಮಾತಾಡಿ ನಿಂಗಳ ವಿಷ್ಯ ಪೂರ ತಿಳ್ಕೊಂಗು. ಆಹಾ, ಎಷ್ಟು ಚೆಂದಕೆ ಮಾತಾಡ್ತ° ಇವ° ಹೇಳಿ ನಿಂಗೊ ಗ್ರೇಶುದು. ಆದರೆ ಅವು ಒಳಾಂದ ಮಡುಗುದು ಕತ್ತರಿ!)
   ಪಟ ತೆಗವಲೆ ಹೋದರೆ ಈ ಗೌಜಿ ಅಷ್ಟು ಉಪದ್ರ ಆವುತ್ತಿಲ್ಲೆ. ವೀಡ್ಯ ತೆಗವಲೆ ಹೋದರೆ ಇದು ಮಹಾ ಉಪದ್ರ. ಕಡೆಂಗೆ ವೀಡ್ಯ ನೋಡಿ ಪೈಸೆ ಕೊಡ್ಲಪ್ಪಗ “ಅಣ್ಣೋ, (ಅಥವಾ ಭಾವಾ) ವೀಡ್ಯಲ್ಲಿ ಭಟ್ಟ ಮಾವನ ಮಂತ್ರ ಬಯಿಂದಿಲ್ಲೆನ್ನೆ?” ಹೇಳಿ ಕಂಪ್ಲೇಂಟು. ಜೆಂಬಾರದ ಮನೆಲಿ ಪುರೋಹಿತರ ಮಂತ್ರ ಹೆಮ್ಮಕ್ಕಳ ಗೌಜಿಲಿ ನಮ್ಮ ಕೆಮಿಗೆ ಕೇಳುದೇ ಕಷ್ಟಲ್ಲಿ. ಅಂತಾದ್ರಲ್ಲಿ ಭಟ್ರ ಮಂತ್ರವ ಮಾಂತ್ರ ಹೆರ್ಕಿ ತೆಗದು ರೆಕಾರ್ಡು ಮಾಡುದು ಹೇಂಗೆ ಈ ಕೆಮರ? ಎಂಗೊಗೆ ಮಂತ್ರ ತಯಾರಿಸಿ ಹಾಕ್ಲೆ ಎಡಿತ್ತೋ?
   ಕೆಲಾವು ಜೆನ ವೀಡ್ಯ ತೆಗವ ಹಳಬ್ಬರು ತಾಳಿ ಕಟ್ಟುತ್ತ ಹೊತ್ತಿಂಗೆ ’ಸಪ್ತಪದಿ’ ಹೇಳ್ತ ಅಂಬರೀಶನ ಸಿನೆಮದ ಪದ್ಯದ ತುಂಡನ್ನೇ ಹಾಕುಗು ಈಗಳೂ, (ಊಟದ ಹೊತ್ತಿಂಗೆ ಸರಿಯಾಗಿ 1957ನೇ ಇಸವಿಯ ’ಮಾಯಾಬಜಾರ್’ ಸಿನೆಮದ ’ವಿವಾಹ ಭೋಜನವಿದು’ ಪದ್ಯ!). ಅಷ್ಟು ಬಿಟ್ರೆ ಆ ಮದುವೆಯ ಇಡೀ ವೀಡ್ಯಲ್ಲಿ ಭಟ್ರ ಮಂತ್ರ ಇರ. ಆ ತುಂಡು ಪದ್ಯ ಹಿಂದಾಣ ನಾಗಸ್ವರದ ಮೇಲಂದಲೇ ಹಾಕುಗು. ಅದು ಅಷ್ಟಪ್ಪಗ ಬೆಣ್ಣೆ ಮಧ್ಯಲ್ಲಿ ಕಲ್ಲು ಸಿಕ್ಕಿದ ಹಾಂಗೆ ಆವುತ್ತು. ಸರ್ವೀಸು ಆದ ಜೆನ ಅಲ್ಲದೋ ವೀಡ್ಯ ತೆಗದ್ದದು? ಮಾತಾಡ್ಳೆ ನಿವುರ್ತಿ ಇದ್ದೋ? ಜೆನಂಗೊ ತಳೀಯದ್ದೆ ಕೂರ್ತವು.
   ಜೆಂಬಾರದ ಎಡೆಲಿ ಈ ಪಟ್ಟಾಂಗದ ಗೌಜಿ ಕಡಮ್ಮೆ ಆದರೆ ಭಟ್ಟ ಮಾವನ ಮಂತ್ರ ಎಲ್ಲೋರಿಂಗೂ ಕೇಳುಗು. ವೀಡ್ಯಲ್ಲಿಯೂ ಬಕ್ಕು.

   1. ಅದೆಲ್ಲ ಸರಿ ಅಣ್ಣೋ. ವೀಡಿಯದವು ಒಂದೇ ದಿನ ಏಳೆಂಟು ಕಾರ್ಯಕ್ರಮ ಒಪ್ಪಿಗೊಂಡು ಯಾವುದನ್ನೂ (ಸ್ವಂತ ತೆಗದ್ದು ಕೂಡ) ಬರ್ಕತ್ತು ಮಾಡದ್ದೆ ಕೊಡುದು ಎಂತಕೆ? ಕಾರ್ಯಕ್ರಮದ ಗಂಧಗಾಳಿ ಗೊಂತಿಲ್ಲದ್ದವರ ಪಟ, ವೀಡಿಯ ತೆಗವಲೆ ಕಳುಸುದು ಎಂತಕೆ?

      1. ಹಾಂಗೆ ಎಲ್ಲೊರನ್ನೂ ಸೇರ್ಸಿ ಜನರಲ್ ಅಭಿಪ್ರಾಯಕ್ಕೆ ಬರೆಡಿ. ಎಂಗೊ° ಹಾಂಗೆ ಮಾಡಿದ್ದಿಲ್ಲೆ, ಮಾಡ್ತೂ ಇಲ್ಲೆ. ಹಾಂಗೆ ಮಾಡುವವು ಧಾರಾಳ ಇದ್ದವು, ಒಪ್ಪುತ್ತೆ. ಅದು ಪಟ, ವೀಡ್ಯಕ್ಕೆ ಹೇಳುವವು ಹೇಳುವಗಳೇ ಆಲೋಚನೆ ಮಾಡ್ಯೋಳೆಕ್ಕು. ಬೇರೆ ಜೆನ ಕಳುಸುತ್ತರೆ ಆ ಜೆನ ಆರು? ಅವಕ್ಕೆ ಆನೇ ಹೇಳ್ತೆ ಹೇಳಿ ಹೇಳಲಕ್ಕು.
         ಎಂಗೊ° ಎರಡು ಜೆನ ಇಪ್ಪದು. ಹರೀಶಣ್ಣ ಪಟ ತೆಗವಲೆ ಹೋದರೆ ಆನು ವೀಡ್ಯಕ್ಕೆ. ಎಷ್ಟೇ ರಶ್ಶಿದ್ದರೂ ಎಂಗೊ° ಎಡಿತ್ತಷ್ಟೇ ಒಪ್ಪ್ಯೊಂಬದು. ಆರನ್ನೋ ಹೇಳಿ ಪಟ ತೆಗವಲೆ ಕಳುಸುವ ಕ್ರಮ ಇಲ್ಲೆ. ಬೇಕು ಹೇಳಿ ಇಪ್ಪವು ಮೊದಲೇ ಹೇಳಿ ಮಡುಗುತ್ತವು, ಮಡುಗುಲಕ್ಕು.
         ಇಲ್ಲಿ ಚರ್ಚೆ ಇತ್ತಿದ್ದದು ಜೆಂಬಾರದ ಮನೆಯ ಗೌಜಿಯ ಬಗ್ಗೆ. ನಿಂಗ ವಿಷಯಾಂತರ ಮಾಡಿದ್ದು ಎಂತಕೆ?

Comments are closed.