ಆಧುನಿಕತೆಲಿ ಕವಲಾದ ಬದುಕಿನ ಕತೆ

• Author
• Recent Posts

ಕೊಳಚ್ಚಿಪ್ಪು ಬಾವ

ನಮ್ಮ ಬೈಲಿನ ಆಚ ಕೊಡೀಲಿ ಇಪ್ಪದು ಅವರ ಮನೆ.ಅವು ಮನೆಲಿಪ್ಪದು ಕಮ್ಮಿ ಇದಾ, ಇಂದು ಪುತ್ತೂರಾದರೆ ನಾಳೆ ಮಯಿಸೂರು, ನಾಳ್ತು ಬೆಂಗ್ಳೂರು – ಅವನ ಬಾವನ ಮನಗೆ, ಆಚ ನಾಳ್ತು ಡೆಳ್ಳಿ!!ಮತ್ತೊಂದರಿ ಸಾಗರ, ಶಿರಸಿ! ಬಪ್ಪವಾರ ಪುಣೆ!! ಒಂದೊಂದಿನ ಪೋನು ಮಾಡಿರೆ ಒಂದೊಂದು ಊರಿನ ಹೆಸರು ಹೇಳ್ತವು.ಹಾಂಗಾಗಿ ನಮ್ಮ ಬೈಲಿಂಗೆ ಮಾತಾಡುಸುಲೆ ಸಿಕ್ಕುದೇ ಅಪುರೂಪ!ಪ್ರಯಾಣದ ಬಗೆಗೆ ತುಂಬಾ ಒಲವು. ಅದು ಎಡಕುಮೇರಿಗೆ ಹೋವುತ್ತದು ಆಯಿಕ್ಕು, ಕುಮಾರಪರುವತ ಹತ್ತುದಾಯಿಕ್ಕು – ಎಂತಾರು ಹೀಂಗೇ!ಪ್ರಯಾಣಲ್ಲಿ ಏಕಾಂತತೆ ಇರ್ತು. ಏಕಾಂತತೆಲಿ ಚಿಂತನೆ ಇರ್ತು. ಚಿಂತನೆಲಿ ಸತ್ವ ಇರ್ತು! – ಹೇಳುಗು ಅವು!!ಅವರ ಚಿಂತನೆಗಳ ಬರೆತ್ತ ಗುಣ ಅಂದೇ ಇದ್ದು ಅವಕ್ಕೆ. ಮೂರು ನಾಲ್ಕೊರಿಶ ಮದಲಿಂಗೇ ಅವು ಅದೆಂತದೋ – ಬ್ಲೋಗು (http://sanathk.blogspot.com) ಸುರುಮಾಡಿದ್ದವಡ; ಇಂಟರುನೆಟ್ಟಿಲಿ ಕಾಣ್ತ ನಮುನೆದು!ಶಾಲಗೆ ಹೋಪಗಳೇ ಬರಗಡ, ಶುಬತ್ತೆಯ ಮಗನಹಾಂಗೆ ಏಬೀಸೀಡಿ ಮಾಂತ್ರ ಅಲ್ಲ, ಬೇರೆಂತಾರು!ಈಗಳೂ ಅದೇ ಗುಣ ಇದ್ದು, ಹೋದಲ್ಲೆಲ್ಲ ಎಂತಾರು ಬರೆತ್ತವು.ಅವು ಮಾತಾಡುದುದೇ ಹಾಂಗೇ, ಯೇವದೇ ವಿಶ್ಯ ಇರಳಿ – ಅವಕ್ಕೆ ಅರಡಿಗು.ಇಪ್ಪತ್ತು ರುಪಾಯಿಯ ಮಸಾಲೆದೋಸೆಂದ ಹಿಡುದು, ಅಮೇರಿಕಲ್ಲಿಪ್ಪ – ಮಾಷ್ಟ್ರುಮಾವನ ಮಗನ ಇನ್ನೂರು ಡೋಲರಿನ ಕೆಮರದ ಒರೆಂಗೆ – ಎಲ್ಲವುದೇ ಅರಡಿಗು!ಒಳ್ಳೆತು ಕುಶಾಲುದೇ ಇದ್ದು ಅವಕ್ಕೆ. ಕುಶಾಲಿನವು ಸಿಕ್ಕಿರೆ ಒಳ್ಳೆತ ಬಿಂಗಿಯುದೇ ಮಾತಾಡುಗು, ಒಪ್ಪಕ್ಕನ ಕೈಂದ ಯೇವತ್ತುದೇ ಬೈಗಳು ತಿಂದೋಂಡೇ ಇಪ್ಪದು ಕೊಶಿ ಅವಕ್ಕೆ!ಇರಳಿ, ನಮ್ಮ ಬೈಲಿಂಗೆ ಬಯಿಂದವು.ನಮ್ಮ ಬಾಶೆಲಿ ಶುದ್ದಿ ಹೇಳ್ತವಡ. ಅವು ತುಂಬ ಪುಸ್ತಕ ಓದಿದ್ದವಲ್ಲದೋ – ಅದರ ಬಗೆಗೆ ಹೇಳ್ತವಡ,ನಮ್ಮ ಬೈಲಿನ – ಎಂತಾ ಸಂಣ ಮಕ್ಕೊಗೂ ಅರ್ತ ಅಪ್ಪ ಹಾಂಗೆ!ಚಿಪ್ಪಿನ ಒಳಾಣ ಮುತ್ತಿನ ಹಾಂಗೆ ಇಕ್ಕು ಅವರ ಒಂದೊಂದು ಶುದ್ದಿಗಳುದೇ!ಕೊಳಚ್ಚಿಪ್ಪು ಬಾವನ ಶುದ್ದಿಗಳ ಕೇಳುವೊ°.ಕೊಶಿ ಆದರೆ ಒಪ್ಪ ಕೊಡುವೊ°..ಆಗದೋ?ಏ°?

Latest posts by ಕೊಳಚ್ಚಿಪ್ಪು ಬಾವ (see all)

• ವಿಜ್ಞಾನ ಪಥದ ಲೋಕಾರ್ಪಣೆ - January 4, 2020
• ದಿಶಾ ಹೆಗಡೆ, ಶಿರಸಿ : SSLC ದ್ವಿತೀಯ ರ‌್ಯಾಂಕ್ ಪ್ರತಿಭೆ - May 12, 2015
• CSP 2013: IAS ಪರೀಕ್ಷೆಗೆ ಅರ್ಜಿ ಹಾಕುಲೆ ಕಡೇ ದಿನ 4 Apr 2013 - March 24, 2013

ಪರ್ವ-ಸಾರ್ಥ-ಆವರಣ-ಗೃಹಭಂಗ ಇಂತ ಅತ್ಯಂತ ಉತ್ತಮ ಪುಸ್ತಕಗಳ ಬರದ ಎಸ್.ಎಲ್.ಭೈರಪ್ಪನ ಹೊಸ ಕಾದಂಬರಿಯ ಹೆಸರು “ಕವಲು”. ಈ ಕಾದಂಬರಿ ಬತ್ತು ಹೇಳಿ ನಮ್ಮ ಒಪ್ಪಣ್ಣ ಮೊದಲೆ ಬರದ್ದ.ಮೊನ್ನೆ ಆ ಪುಸ್ತಕ ಓದಲೆ ಸಿಕ್ಕಿತ್ತು(ಸಿಕ್ಕಿತ್ತು ಹೇಳುದಕ್ಕಿಂತ ತೆಕ್ಕೊಂಡೆ ಹೇಳುದು ಸರಿಯಾಗಿರ್ತು) . ನಮ್ಮ ಬೈಲಿಲಿ ಒಂದು ಮಾಷ್ಟ್ರಮಾವನ ಮಗ ಅಮೇರಿಕಾಲ್ಲಿಪ್ಪವ ಮತ್ತೆ ಅಮೇರಿಕಾಲ್ಲಿಪ್ಪ ಪುತ್ತೂರು ಭಾವ ಇಬ್ಬರು ಎನಗೆ ಗೊಂತಿಪ್ಪಾಂಗೆ ಭೈರಪ್ಪನ ದೊಡ್ಡ ಅಭಿಮಾನಿಗೊ, ನಿಂಗೊಗೆ ಭೈರಪ್ಪನ ಯಾವುದೇ ಪುಸ್ತಕ ಎಲ್ಲಿಯೂ ಸಿಕ್ಕಿದಿಲ್ಲೆ ಹೇಳಿರೆ ಅವರಿಬ್ಬರತ್ರ ಕೇಳಿ ನಿಂಗೊಗೆ ಖಂಡಿತ ಸಿಕ್ಕುಗು.
ವರದಕ್ಷಿಣೆ ಕಿರುಕುಳದ ಆರೋಪಲ್ಲಿ ಜಯಕುಮಾರ್ ಹೇಳ್ತ ಉದ್ಯಮಿಯ ಪೋಲಿಸ್ ಸ್ಟೇಷನಿಗೆ ದಿನಿಗೇಳಿ ಕೋಣೆಗೆ ( ಬಂಧಿಸಿ ಜೈಲಿಂಗೆ) ಹಾಕುತ್ತ ಮೂಲಕ “ಕವಲು” ಕಾದಂಬರಿ ಶುರು ಆವುತ್ತು. ಮುಂದೆ ಒಂದು ಐವತ್ತು ಪುಟಲ್ಲಿ ಈ ಉದ್ಯಮಿಯ ಮೊದಲನೆ ಹೆಂಡತಿ, ಬುದ್ದಿ ಬೆಳೆಯದ್ದ ಮಗಳು, ಅವನ ಮೊದಲನೆ ಹೆಂಡತಿಯ ಸಾವು, ಎರಡನೇ ಮದುವೆ, ಎರಡನೇ ಹೆಂಡತಿ ಮಂಗಳೆಯ ಸ್ತ್ರೀ ವಿಮೋಚನಾ ಚಳುವಳಿಯ ಹಿನ್ನಲೆ,ಅವನ ಮದುವೆಯ ಹೇರಣ ಸಂಬಂಧ ಹೀಂಗೆ ಈ ಕತೆಯ ಎಲ್ಲಾ ಪಾತ್ರಗಳ ಪೂರ್ವಪರದ ವರ್ಣನೆ ನಡೆತ್ತು.

ಇಲ್ಲಿ ಇಷ್ಟೆಲ್ಲ ನಡಕ್ಕೊಂಡು ಇರೆಕ್ಕಾರೆ ಜಯಕುಮಾರನ ಎರಡನೇ ಹೆಂಡತಿ ಮಂಗಳೆಯ ಟೀಚರ್ ಇಳಾ ಮೇಡಮ್ ನ ಕತೆ ಶುರು ಆವುತ್ತು.ಇಳಾ ಮೇಡಮ್ ಮತ್ತೆ ಅದರ ಗಂಡ ಜಯಚಂದ್ರ ಅವರ ನಡುವೆ ನಡೆವ ವಿರಸ ,ಅವರ ಡೈವೋರ್ಸಿಂಗೆ ನಡೆವ ಜಗಳ,ಅದರ ನಡುವೆ ಸಿಕ್ಕಿ ಪರದಾಡುವ ಅವರ ಮಗಳು ಸ್ವೀಟಿ, ಈ ನಡುವೆ ಇಳಾ ಮೇಡಮ್ ಮತ್ತೆ ಒಬ್ಬ ಪ್ರಸಿದ್ದ ರಾಜಕಾರಣಿಯ ಸಂಬಂಧ ಹೀಂಗೆ ಕತೆ ಮುಂದೆ ಹೋವುತ್ತು. ಈ ಎರಡು ಕತೆ ಗುರು-ಶಿಷ್ಯೆಯದ್ದು ಅದರೂ ಅವೆರಡೂ ಅವರದ್ದೇ ಆದ ದಾರಿಲಿ ಸಾಗುತ್ತು. ಕೊನೆಯ ಕೆಲವು ಪುಟ ಬಿಟ್ಟರೆ ಬೇರೆಲ್ಲಿಯೂ ಸೇರ್ತಿಲ್ಲೆ.
ಜಯಕುಮಾರನ ಹೆಂಡತಿ ಅವನ ಮೇಲೆ ವರದಕ್ಷಿಣೆ ಕಿರುಕುಳದ ಸುಳ್ಳು ಆರೋಪ ಮಾಡ್ತದು, ಅದರ ಮೂಲಕ ಆ ಕಾನೂನಿನ ತಪ್ಪು ಉಪಯೋಗ ಮಾಡ್ತದು.ಈ ಕಾನೂನಿನ ಬೇಕಾರೆ ಹೇಂಗೆ ನಮ್ಮ ಉಪಯೋಗಕ್ಕೆ ದುರುಪಯೋಗ ಮಾಡ್ತದು.ಇದರಿಂದ ನವಗೆ ಹೇಂಗೆ ತೊಂದರೆ ಆವುತ್ತು ಹೇಳುವ ವಿವರಣೆ ಲಾಯಿಕಾಯಿದು. ವರದಕ್ಷಿಣೆ ಕಿರುಕುಳದ ವಿರುದ್ದ ಇಪ್ಪ ಕಾನೂನಿನ ತಪ್ಪು ಒಪ್ಪುಗಳ ಭೈರಪ್ಪನ ಹಾಂಗೆ ಯಾರಿಗೂ ವಿವರ್ಸಲೆ ಆವುತ್ತಿಲ್ಲೆ.
ಈ ಜಯಕುಮಾರನ ಅಕ್ಕನ ಮಗ ಒಬ್ಬ ಅಮೇರಿಕಾಲ್ಲಿ ಇರ್ತ. ಅವ ಮದುವೆ ಆಗದ್ದೆ ಬೆಳಿ ಕೂಸಿನೊಟ್ಟಿಂಗೆ ಇರ್ತ. ಅವನ ಮೂಲಕ ಅಮೇರಿಕಾದಂತ “ಮುಂದುವರಿದ” ಪಶ್ಚಿಮ ರಾಷ್ಟ್ರಲ್ಲಿ ಮದುವೆಯ ಮತ್ತೆ ಗಂಡು ಹೆಣ್ಣಿನ ಸಂಬಂಧದ ಬಗ್ಗೆ ಬೆಳಕು ಚೆಲ್ಲುವ ಪ್ರಯತ್ನ ಮಾಡುತ್ತ. ಜಯಕುಮಾರನ ಕತೆ ಲೈಂಗಿಕ ಸಂಬಂಧಗಳ ಮೂಲಕ ಎರಡನೇ ಹೆಂಡತಿಯ ವಿರುದ್ಧ ಸೇಡು ತೀರುಸುಲೆ ಹೆರಡುವುದು.ಇಳಾ ಮೇಡಮ್ ಮಹಿಳಾ ವಿಮೋಚನೆ ಹೆಸರಿಲಿ “ಕುಟುಂಬ” ದ ಸಂಸ್ಕೃತಿಯಿಂದ ಹೆರಬಪ್ಪ ಪ್ರಯತ್ನ ಮಾಡುತ್ತು.ಈ ಏರಡು ಏಳೆ ನಮ್ಮ ಜೀವನಲ್ಲಿ ಆದುನಿಕತೆಯಿಂದ ಎಷ್ಟು ಒಳ್ಳೇದಾಯಿದು ಆಷ್ಟೆ ಕೆಟ್ಟದೂ ಆಯಿದು.ನಮ್ಮ ಸಂಸ್ಕೃತಿಲಿ ಮದುವೆ ಕುಟುಂಬ ಹೀಂಗೆ ಇಪ್ಪ ಅನಿವಾರ್ಯವಾದ ಅಂಗಂಗೊ ಎಷ್ಟು ಬದಲಾಯಿದು.ಹೇಳಿ ,ನಮ್ಮ ನಮ್ಮ ಬೇರಿಂದ ಎಷ್ಟು ದೂರ ಬಯಿಂದಿಯ ಹೇಳಿ ವಿಸ್ತಾರವಾಗಿ ವಿವರಣೆ ಮಾಡುತ್ತ.
ಈ ಎಲ್ಲ ವಿಷಯಂಗಳ ಹೇಳುವ ಗಡಿಬಿಡಿಲಿ ಕತೆಯ ಬಗ್ಗೆ ವಿಶೇಷ ಗಮನಕೊಡ್ಲೆ ಆಯಿದ್ದಿಲ್ಲೆ ಹೇಳಿ ಕಾಣ್ತು.ಡೈವೋರ್ಸ್,ಆಧುನಿಕತೆ,ಮದುವೆ, ವರದಕ್ಷಿಣೆ ವಿರುದ್ದದ ಕಾನೂನಿನ ಬಗ್ಗೆ ಬರವ ಕೆಲವು ಪುಟಂಗಳಲ್ಲಿ ಭೈರಪ್ಪನ ಶೈಲಿ ಎದ್ದು ಕಾಣ್ತು. ಆದರೆ ಆ ಕೆಲವು ಪುಟಂಗೊಕ್ಕೆ ಬೇಕಾಗಿ ಉಳಿದ ಪುಟಂಗಳ ಓದೆಕ್ಕನ್ನೆ ಹೇಳುದೇ ಬೇಜಾರು.ಬೇರೆ ಆರಾರು ಈ ಪುಸ್ತಕ ಬರದಿದ್ದರೆ ಅದರ ಒಳ್ಳೆ ಪ್ರಯತ್ನ ಹೇಳುಲಾವುತ್ತಿತ್ತು .ಆದರೆ ಇಷ್ಟೆಲ್ಲಾ ಒಳ್ಳೆ ಪುಸ್ತಕ ಬರದ ಭೈರಪ್ಪನಂತ ಲೇಖಕ ಈ ಪುಸ್ತಕ ಬರದ್ದು ಹೇಳಿರೆ ಅದರ ಒಳ್ಳೆ ಪ್ರಯತ್ನ ಹೇಳುಲಾವುತ್ತಿಲ್ಲೆ. ಭೈರಪ್ಪನ ಹಾಂಗಿಪ್ಪ ಉತ್ತಮ ವರ್ಚಸ್ಸಿನ ಲೇಖಕ ,ಅದೇ ಭೈರಪ್ಪನ ಹಳೇ ಕಾದಂಬರಿಗಳ ನಾವು ತೂಗಿ ನೋಡಿರೆ ಇದು ಒಂದು ಸಾಧಾರಣ ಕಾದಂಬರಿಯಾವುತ್ತು. ಆದರೆ ನಾವು ಹಾಂಗೆ ತೂಗುದು ತಪ್ಪು ಆದರೆ ಎಂತ ಮಾಡುದು,ಎಲ್ಲಾ ಹೊಸ ವಿಷಯ ,ಹೊಸ ವಸ್ತುಗಳ ಹಳತ್ತರೊಟ್ಟಿಂಗೆ ತೂಗುದು ಮನುಷ್ಯನ ಸಹಜ ಧರ್ಮ.ಈ ಪುಸ್ತಕವ ಒಂದರಿ ಓದುಲೆ ಮೋಸ ಇಲ್ಲೆ.
ಇಲ್ಲಿ ಆನು ಪುಸ್ತಕಲ್ಲಿ ನಡವ ಕತೆ ವಿಸ್ತಾರ ಆಗಿ ವಿವರ್ಸುಲೆ ಹೋಯಿದಿಲ್ಲೆ, ಕತೆ ಬರದಿದ್ದರೆ “ಆನು ಓದೆಕ್ಕು ಹೇಳಿ ಇತ್ತಿದ್ದೆ ಆದರೆ ನೀನು ಕತೆ ಬರದು ಓದುವ ಗಮ್ಮತ್ತು ಸಿಕ್ಕದಂಗೆ ಮಾಡಿದೆ.” ಹೇಳಿ ಪುತ್ತೂರು ಭಾವ , ಮಾಷ್ಟ್ರುಮಾವನ ದೊಡ್ಡಮಗ, ಒಪ್ಪಣ್ಣ ಆದಿಯಾಗಿ ಬೈಲಿನ ಎಲ್ಲರೂ ಪರಂಚುಲೆ ಶುರು ಮಾಡುಗು ಹೇಳಿ ಬರದ್ದಿಲ್ಲೆ. ಕಲ್ಮಡ್ಕ cheap raybans sunglasses ಅತ್ತೆ ಹತ್ರ ಕೇಳಿಯಪ್ಪಗ ,ಅವು ಕವಲು ಓದಿದವಡ ಅವಕ್ಕೆ ಇಷ್ಟ ಆಯಿದಿಲ್ಲೆ ಹೇಳಿ ಹೇಳಿದವು. ನಿಂಗೊದೇ ಓದಿ ನಿಂಗೊಗೆ ಹೇಂಗೆ ಅನ್ನಿಸಿತ್ತು ಹೇಳಿ.
ಹೇಳಿದಾಂಗೆ ಕವಲು ಕಾದಂಬರಿಲಿ ಒಂದು ಮಾತು ಬತ್ತು, ಯಾಕೋ ಆ ಮಾತು ಈಗಾಣ ಸಮಾಜದ ವ್ಯಂಗ್ಯವ ತೋರ್ಸುತ್ತು:
“ಓದಿದ ಗಂಡಸರೆಲ್ಲಾ ಎಂಗಸರಾಯ್ತಾರೆ.ಓದಿದ ಎಂಗಸರೆಲ್ಲಾ ಗಂಡಸರಾಯ್ತಾರೆ.”