‘ಅಡಿಗೆ ಸತ್ಯಣ್ಣ’ ಜೋಕುಗೊ – ಭಾಗ 2

• Author
• Recent Posts

ಚೆನ್ನೈ ಬಾವ°

ಆನು ದಿವಂಗತ ಅಜಕ್ಕಳ ನರಸಿಂಹ ಭಟ್ರ ಮಗ°.ತುಪ್ಪೆಕ್ಕಲ್ಲು ಭಟ್ರಲ್ಲಿ ಅಜ್ಜನ ಮನೆ.ಬಾಲ್ಯ ಬದಿಯಡ್ಕ.ಶಾಲೆ ನವಜೀವನ., ಪಿ.ಯು.ಸಿ. - ಕಾಸರಗೋಡು., ಕಾಲೇಜ್ - ಸುಳ್ಯ ಎನ್.ಎಂ.ಸಿ.ದಣಿಯ ಓದಿದಿಲ್ಲೆ..,  ಒಂದು ಬಿ.ಕಾಂ ಡಿಗ್ರಿ ಮಾಡಿಯೊಂಡದು.ಇಪ್ಪದು ಚೆನ್ನೈಯಿಲ್ಲಿ . ವೃತ್ತಿ - ಪ್ರೈವೇಟ್ ಕಂಪನಿ ಉದ್ಯೋಗಿ ಹೇಳಿ ಮಡಿಕ್ಕೊಳ್ಳಿ.  ಹವ್ಯಾಸ - ಯಕ್ಷಗಾನ , ವೈದಿಕ .ಮತ್ತೆ ದೊಡ್ಡಕ್ಕೆ ಹೇಳಿಗೊಂಬಷ್ಟು ಬೇರೆ ಬಂಡಾರ ಏನಿಲ್ಲೇ. ಒಂದು ಮೊಬೈಲ್ ಇದ್ದು , ಎರಡು ಸಿಮ್ ಇದ್ದು. ಕಾರಿಲ್ಲೆ , ಬೈಕಿದ್ದು. ಮದುವೆ ಒಂದು ಆಯ್ದು - ಸಾಕು.ಇಂತು ನಿಂಗಳಚೆನ್ನೈ ಭಾವ.

Latest posts by ಚೆನ್ನೈ ಬಾವ° (see all)

• ಬಲೀಂದ್ರಪೂಜೆ – (ಸರಳ ಸಂಕ್ಷಿಪ್ತ ವಿಧಾನ) - October 30, 2020
• ಗೋಪೂಜೆ – (ಸರಳ ಸಂಕ್ಷಿಪ್ತ ವಿಧಾನ) - October 30, 2020
• ತೊಳಶಿ ಪೂಜೆ – ಸರಳ ಸಂಕ್ಷಿಪ್ತ ವಿಧಾನ - October 30, 2020

‘ಅಡಿಗೆ ಸತ್ಯಣ್ಣ’ ಜೋಕುಗೊ – ಭಾಗ ೧ ಓದಿದ್ದೀರನ್ನೇ. (ಸಂಕೋಲೆ)  ಓದದ್ರೆ ಅದರ ಮದಾಲು ಓದಿಕ್ಕಿ ಇದಕ್ಕೆ ಬನ್ನಿ. ಇಲ್ಲದ್ರೆ ಇದು ಅರ್ಥ ಆಗ ಇದಾ ..

‘ಅಡಿಗೆ ಸತ್ಯಣ್ಣ’ ಜೋಕುಗೊ – ಭಾಗ ೨ ಇಲ್ಲಿದ್ದು. ಓದಿಕ್ಕಿ ಒಪ್ಪ ಬರದಿಕ್ಕಿ ಆತೋ. ನಿಂಗಳತ್ರೆಯೂ ಏನಾರು ಇದ್ದರೆ ಇತ್ಲಾಗಿ ತಿಳಿಶೆಕದಾ..

~~~~~

1.

ಅಡಿಗೆ ಸತ್ಯಣ್ಣಂಗೆ ಒಂದು ಹಳೆಯ ರೊಮಾಂಟಿಕ್ ಕನ್ನಡ ಚಲನಚಿತ್ರ ನೋಡೆಕು ಹೇಳಿ ಆತು.

ಯಾವುದಕ್ಕು ಹೇಳಿ ಸಿಲೆಕ್ಟ್ ಮಾಡ್ಳೆ ಅವನ ರೈಟ್ ಹೇಂಡ್ ರಂಗಣ್ಣಂಗೆ ಬಿಟ್ಟ°.

ರಂಗಣ್ಣ ಒಂದು ಸಿ.ಡಿ ತಂದ°.

ಅದು ರವಿಚಂದ್ರನ ಪ್ರೇಮಲೋಕ ಚಿತ್ರ.

ಹೇಂಗಾರು ಮರುದಿನ ಅನುಪತ್ಯ ಇಲ್ಲೆ. ಫಿಲ್ಮ್ ನೋಡ್ಳೆ ರಂಗಣ್ಣ ಜೋಯ್ಸಣ್ಣನ ರೇಡಿಯೋ ರಿಪೇರಿ ಅಂಗಡಿ ಸಿಲೆಕ್ಟ್ ಮಾಡಿದ°.

ಉದಿಯಪ್ಪಗ ಕಾಪಿ ಮುಗಿಶಿ ಇಬ್ರೂ ಜೋಯ್ಸಣ್ಣನ ಅಂಗಡಿಗೆ ಹೋಗಿ ಫಿಲ್ಮ್ ನೋಡ್ಳೆ ಸುರುಮಾಡಿದವು.

“ ಏ ನಿಂಬೆ ಹಣ್ಣಿನಂತ ಹುಡುಗೀ ಬಂತು ನೋಡೂ..” ಹಾಡು ನೋಡಿಗೊಂಡಿಪ್ಪಗ ಕರೆಂಟು ಕೈಕೊಟ್ಟತ್ತು.

ಆದರೆ ಸತ್ಯಣ್ಣನ ತಲೆಂದ ಆ ಸೀನ್ ಮಾತ್ರ ಹೋಯ್ದೇ ಇಲ್ಲೆ. ಇರುಳು ಹೋಳಿಗ್ಗೆ ಮಾಡಿದ ಕಾಯಿಹಾಲು ಒಂದು ಚೆಂಬು ಕುಡುದ ಅಮಲೂ ಇದ್ದತ್ತು.

ಅಷ್ಟೊತ್ತಿಂಗೆ ಮಾಬಲ ಮಾಷ್ಟ್ರ ಹೆಂಡತಿ ರೇಡಿಯೋ ರಿಪೇರಿ ಮಾಡುಸಲೆ ಆ ಅಂಗಡಿಗೆ ಬಂತು
ಆ ಹೆಮ್ಮಕ್ಕಳ ನೋಡಿ ಒಂದು ರಾಗ ಎಳದು ಬಿಟ್ಟ° ಸತ್ಯಣ್ಣ° – “ ಏ ನಿಂಬೆ ಹಣ್ಣಿನಂತೆ ಹುಡುಗೀ ಬಂತು ನೋಡೂ..”
.
.
.
ಮಾಬಲಮಾಷ್ಟ್ರ ಹೆಂಡತಿ ಮತ್ತೆ ಮನಗೆ ಹೋಗಿ ಕನ್ನಟಿ ಎದುರು ನಿಂದು ಮನಸ್ಸಿಲ್ಲಿ ಗ್ರೇಶಿಯೊಂಡು ಹೇಳಿತ್ತಡ – “ಪ್ರಾಯ 58 ಆದರೂ ಎನ್ನ ಹುಡುಗಿ ಹಾಂಗೇ ಕಂಡತ್ತಡ..! ಇನ್ನು ತಲಗೆ ಡೈ ಹಾಕೆಕ್ಕೇ”. 😀

~~

2.

ಸತ್ಯಣ್ಣಂಗೆ ಅಡಿಗೆ ವೃತ್ತಿ ಸುರುಮಾಡೆಕ್ಕಾರೆ ಮದಲು ಪೆರ್ಲಲ್ಲಿ ಒಂದು ಸಣ್ಣ ಹೋಟ್ಳು ಇತ್ತಿದ್ದು ಮದಲಿಂಗೆ ಸತ್ಯಣ್ಣಂಗೆ.
 
ಒಂದಿನ ‘ರಂಗಣ್ಣ’ ಹೋಟ್ಳಿಂಗೆ ಬಂದವನೇ.. ಅಲ್ಲಿತ್ತಿದ್ದ ಸೋಜ° ಹುಡುಗನತ್ರೆ ಕೇಳಿದ° – ‘ಸತ್ಯಣ್ಣ° ಎಲ್ಲಿ?

ಅದು ಹೇಳಿತ್ತು – “ಆರೇಗ್ ಮಾನಸಿಕ” = (ಅವಂಗೆ ಮಾನಸಿಕ°).

ರಂಗಣ್ಣಂಗೆ ಒಂದೇ ಶಾಕ್ ! 🙁

ಮತ್ತೆ ವಿಚಾರಿಸಿ ನೋಡ್ಯಪ್ಪಗ ….. – “ಆರೆನ ಅಪ್ಪೆನ ಮಾಸಿಕ!!” = (ಅವನ ಅಬ್ಬೆಯ ಮಾಸಿಕ!!) 😀

~~

3

ಅಡಿಗೆ ಸತ್ಯಣ್ಣಂಗೆ ಒಂದರಿ MRPL ಎಂಜಿನೀಯರ್ ಮಾಪಣ್ಣ ಬಾವನ ಮನೆಯ ಅನುಪತ್ಯದ ಅಡಿಗಗೆ ಮಂಗಳೂರಿಂಗೆ ಏ.ಸಿ. ಕಾರ್ಲಿ ಕೂದೊಂಡು ಹೋಪ ಅವಕಾಶ ಸಿಕ್ಕಿತ್ತು.

ಸತ್ಯಣ್ಣನ ಶಾಮಿಯಾನದ ಕರೇಲಿ ತಗಡು ಹಾಕಿದ ಅಡಿಗೆ ಕೊಟ್ಟಗಗೆ ಮಾಪಣ್ಣ ಕರಕ್ಕೊಂಡು ಹೋದ°.

ಹೋಳಿಗೆ ಲಟ್ಟುಸುಲಪ್ಪಗ ಸತ್ಯಣ್ಣನ ಪಿತ್ತ ನೆತ್ತಿಗೇರಿತ್ತು.

ಮಾಪಣ್ಣನ ಹೆಂಡತಿ ಹತ್ರೆ ಸತ್ಯಣ್ಣ ಏವ ದಾಕ್ಷಿಣ್ಯ ಇಲ್ಲದ್ದೆ ಹೇಳಿದ° – ” ಏ ಅಕ್ಕೋ., ಈ ಸರ್ತಿ ಆನು ಹೇಂಗೋ ಬಂದಾತು ಬಿಡಿ!, ಮುಂದಂಗೆ ನಿಂಗೊ ಅನುಪತ್ಯ ಮಾಡುವಾಗ ಆಡಿಗೆ ಕೊಟ್ಟಗಗೆ ಒಂದು ಏ.ಸಿ ಫಿಟ್ ಮಾಡ್ಳೆ ಯಜಮಾನ್ರತ್ರೆ ಹೇಳೆಕು. ಇಲ್ಲದ್ರೆ ಆನು ಇನ್ನು ಮುಂದೆ ಅಡಿಗಗೆ ಬಾರ್ಲೇ ಬಾರೆ. ಗೊಂತಾತಿಲ್ಯ?! ” 😀

~~

4

ನೆಡು ಬೇಸಗೆಲಿ ಅಡಿಗೆ ಸತ್ಯಣ್ಣ° ಏವುದೋ ಅನುಪತ್ಯ ಮುಗಿಶಿಕ್ಕಿ ಮನಗೆ ಬತ್ತಾ ಇತ್ತಿದ್ದ°.

ಪೆರ್ಲಕ್ಕೆ ಎತ್ತಿಯಪ್ಪಗ ಬೊಂಡದಂಗುಡಿಂದ ಒಂದು ದೊಡ್ಡಾ ಬೊಂಡ ತೆಗದು ಕುಡಿವೋ ಹೇಳಿ ನಿಂದು ಬೊಂಡ ಕೆತ್ತುಸಿ ಕುಡುದ°.

ವಿಪರೀತ ಸೆಕೆಲಿ ಆಸರಾಗಿತ್ತ ಅವಂಗೆ ಅದು ಸಾಕಾಯ್ದಿಲ್ಯೋ, ನಾಟಿದಿಲ್ಯೋ ಏನೋ ..

ಅಂಗಡಿ ಜೆನರತ್ರೆ ಕೇಳಿಯೇ ಬಿಟ್ಟ°, – ಅಪ್ಪೋ ತ್ಯಾಂಪಣ್ಣ°, ತುಂಬಾ ನೀರಿಪ್ಪ ಬೊಂಡ ಕೊಡು ಹೇಳಿ ಆನು ಕೇಳಿದ್ದಲ್ಲದ ನಿನ್ನತ್ರೆ ? ನೀಯೆಂತಕೆ ಕಮ್ಮಿ ನೀರಿಪ್ಪ ಬೊಂಡ ಕೊಟ್ಟದು??!

ಅಂಗಡಿ ತ್ಯಾಂಪಣ್ಣ° : ಒಂದರಿ ತಳಿಯದ್ದೆ ಕೂರಿ ಸತ್ಯಣ್ಣ ನಿಂಗೊ. ಇಡೀ ದೇಶಲ್ಲೇ ನೀರಿಲ್ಲದ್ದಿಪ್ಪ ಈ ಸಮಯಲ್ಲಿ ಬೊಂಡಲ್ಯಾರು ಎಲ್ಲಿಂದ ಇಕ್ಕು ನೀರು ??!! 😀

~~

5

ಅಡಿಗೆ ಸತ್ಯಣ್ಣಂಗೆ ಕೊಡೆಯಾಲಕ್ಕೆ ಡಾಕ್ಟ್ರ ಕಾಂಬಲೆ ಹೋಪಲಿತ್ತಿದ್ದು..

ಯಜಮಾಂತಿಯುದೇ ಹೆರಟಿದು..

ಸತ್ಯಣ್ಣನ ಮಾರುತಿ800 ಶೆಡ್ಡಿಂದ ಹೆರಟತ್ತದಾ..

ಏವತ್ರಾಣಾಂಗೆ ರಂಗಣ್ಣಂದು ಡ್ರೈವಿಂಗು..

ಪಾಣೆಮಂಗಳೂರಿಂಗೆ ಎತ್ತುವಂದ ಮದಲೆ ರಂಗಣ್ಣ ಕಾರಿನ ಹಳೆಸಂಕಲ್ಲೆ ಕೊಂಡೋಗಿ ಸತ್ಯಣ್ಣನ ಹತ್ರುಪ್ಪಾಯಿ ಒಳುಶುವ ಅಂದಾಜು ಮಾಡಿದ°..

ಸತ್ಯಣ್ಣ° ರಂಗಣ್ಣಂಗೆ ಕೇಳಿದ° – “ಏ ರಂಗಣ್ಣೋ.. ನಮ್ಮದು ಇದಾ ದೊಡಾ ಗಾಡಿ, ಟೂ ವೀಲರ್ ಅಲ್ಲ, ಹಳೆ ಸಂಕಲ್ಲಿ ಈ ಗಾಡಿ ಪಾಸಕ್ಕೋ..”!! 😀

~~

6

ಮೌಢ್ಯಲ್ಲಿ ಬೆಂಗ್ಳೂರಿಂಗೆ ದೊಡ್ಡ ಮಗಳ ಮನಗೆ ಹೋದ ‘ಅಡಿಗೆ ಸತ್ಯಣ್ಣ’ನ್ನುದೇ ಅಳಿಯನುದೇ ಪೇಟೆ ತಿರುಗಲೆ ಹೋದವು..

ಅಳಿಯ° ಮಾವನ ಕಾರ್ಲಿ ಕೂರ್ಸಿಗೊಂಡು ಅಲ್ಲಿ ಇಲ್ಲಿ ಸುತ್ತಿ ತೋರ್ಸಿದ°..

ಅಕೇರಿಗೆ ದೊಡ್ಡ ಅಂಗುಡಿ ಬಿಗ್ ಬಜಾರಿಂಗೆ ಹೋದವು..

ಲಿಫ್ಟಿಲ್ಲಿ ನಿಂದುಗೊಂಡು ಅಳಿಯ° ಹೇಳಿದ° –

“ಮಾಂವ° ನಾವೀಗ ಲಿಫ್ಟಿಲ್ಲಿ ಇದರ ನಾಕನೇ ಮಾಳಿಗ್ಗೆ ಹೋಪದು. ನಿಂಗೊ ಲಿಫ್ಟಿನೊಳ ಬಂದು ನಿಂದರಾತು. ಆನು ಗುಬ್ಬಿ ಒತ್ತುತ್ತೆ. ಬೇಗ ಮೇಗಂತಾಗಿ ಹೋಪಲಾವ್ತು”.

ಸತ್ಯಣ್ಣ° : ಅಳಿಯೋ., ನವಗೆ ಇದೆಲ್ಲ ಬೇಡ. ನವಗೆ ನಮ್ಮೂರಿಲ್ಲಿಪ್ಪ ಪೈಗಳ ಅಂಗುಡಿಯೇ ಸಾಕು. ಅಲ್ಲಿಗೆ ಹೋದರೆ ಹೀಂಗೆ ಮೇಗೆ ಕೆಳ ಅಪ್ಪಲಿಲ್ಲೆ. 😀

~~

7

ಅಡಿಗೆ ಸತ್ಯಣ್ಣ° ಹೇಳಿರೆ ಸೀದಾ ಹೇಳಿರೆ ಸೀದಾ, ಪೆದಂಬು ಹೇಳಿರೆ ಮಹಾಪೆದಂಬನೂ..

ಬಿಗ್ ಬಜಾರು ಎಲ್ಲ ನೋಡ್ಳೆ ಎಂತ ಇಲ್ಲೆ ಊರ ಪೈಗಳ ಅಂಗಡಿಯೇ ಸಾಕು ಹೇಳಿದ ಸತ್ಯಣ್ಣನ ಅಳಿಯ° ಅಲ್ಲಿಂದ ಮೆಜೆಸ್ಟಿಕ್ ಸುತ್ತ ಮುತ್ತ ತೋರುಸಲೆ ಕರ್ಕೊಂಡು ಹೋದ°.

ಮಾರ್ಗದ ಕರೇಲಿಪ್ಪ ಅಂಗುಡಿಗಳ, ತಮಾಷೆಗಳ ನೋಡ್ಯೋಂಡು ರೈಲ್ವೇಸ್ಟೇಶನ್ ಎದುರಾಗಿ ಹೋಗಿಯೊಂಡಿತ್ತವು..

ಅಷ್ಟಪ್ಪಗ ಒಂದು ಜೆವ್ವನಿಗ° ಹರ್ಕು ಅಂಗಿ ಹಾಕ್ಯೊಂಡು ಕಳದ ತಿಂಗಳು ಮಿಂದಾಂಗೆ ಇಪ್ಪದು ಎದುರೆ ಬಂದು ಸ್ವಾಮೀ ಧರ್ಮ ನೀಡಿ, ಎರಡು ದಿನಂದ ಊಟ ಮಾಡಿದ್ದಿಲ್ಲೇ… – ಒರಂಜಲೆ ಸುರುಮಾಡಿತ್ತು.

ಸತ್ಯಣ್ಣ ಅವನ ಕಿಸಗೆ ಕೈ ಹಾಕಿ ಪರ್ಸು ತೆಗದು ಬಿಡಿಸಿ ನೂರು ರುಪಾಯಿ ನೋಟು ತೆಗದು ತೋರುಸಿ – 90 ರುಪಾಯಿಗೆ ಚಿಲ್ರೆ ಉಂಟಾ ಕೇಳಿದ°..

ಆ ಬೇಡ್ತದು –  ‘ಹ್ಮ್ಮ್ಮ್ ಉಂಟು ಸ್ವಾಮ್ಯೋರೇ… ‘

ಅಡಿಗೆ ಸತ್ಯಣ್ಣ° : “ಹಾಗಾದ್ರೆ ಮೊದ್ಲು ಅದನ್ನು ಖರ್ಚು ಮಾಡು ಏನು. ಆಮೇಲೆ ಭಿಕ್ಷೆ ಕೇಳು” ಹೇಳಿಕ್ಕಿ ಪರ್ಸಿಲ್ಲಿ ಪೈಸೆ ಮಡಿಗಿ ಕಿಸಗೆ ಹಾಕಿಕ್ಕಿ ಮುಂದೆ ನಡದ°. 😀

~~

8

ಒಂದಿನ ಅಡಿಗೆ ಸತ್ಯಣ್ಣಂಗೆ ಹೊಟ್ಟೆ ಬೇನೆ ಸುರುವಾತು..

ಡಾಕುಟ್ರನತ್ರಂಗೆ  ಓಡಿ ಹೋದ ಸತ್ಯಣ್ಣ° – ” ಡಾಕ್ಟ್ರೇ ., ಹೊಟ್ಟೆಬೇನೆ ಹೇಳಿರೆ ಹೊಟ್ಟೆಬೇನೆ.,  ಕಂಡಾಪಟ್ಟೆ ಹೊಟ್ಟೆಬೇನೆ”..  

ಡಾಕುಟ್ರ  ಸತ್ಯಣ್ಣನ ಹೊಟ್ಟೆ ಮುಟ್ಟಿ ಟೆಸ್ಟ್ ಮಾಡ್ಳೆ ಸುರುಮಾಡಿದ°..

ಸತ್ಯಣ್ಣ° :  “ಡಾಕುಟ್ರೇ., ಎನ ಮದಲೊಂದರಿ ಹೀಂಗೇ ಹೊಟ್ಟೆಬೇನೆ ಆಗಿತ್ತಿದ್ದು. ಅಂಬಗ ಡಾಕುಟ್ರು ಮುಟ್ಟಿ ನೋಡಿ ಕಲ್ಲು ಇದ್ದು ಹೇಳಿ ಮದ್ದು ಕೊಟ್ಟಿದವು. ಈಗಳೂ ಹಾಂಗೆ ಇದಾ ಹೊಟ್ಟೆ ಬೇನೆ. ಅಲ್ಲಿಂದ ಇಲ್ಲಿವರೇಗೂ ಹೊಟ್ಟೆಬೇನೆ. ಹಾಂಗಾಗಿ ಇದು ಕಲ್ಲು ಆಗಿಕ್ಕು..
    ಡಾಕ್ಟ್ರೇ., ಕಲ್ಲು … ಕಲ್ಲೇ. ನಿಂಗೊ ಕಲ್ಲಿಂಗೇ ಮದ್ದು ಕೊಡಿ ಈಗ”.  😀

~~

9

ಅಡಿಗೆ ಸತ್ಯಣ್ಣ° ಶಾಲಗೆ ಹೋಪಗಳೇ ರಜಾ ಒಳ್ಳೆತ ಕಿಲಾಡಿ ಜೆನ..

ಒಂದಿನ ಶಾಲೆಲಿ ಸತ್ಯಣ್ಣನ ಕ್ಲಾಸಿಲ್ಲಿ ಒಟ್ಟಿಂಗೆ ಇಪ್ಪ ಬಾಚಣ್ಣ ಶಾಲಗೆ ಬೈಂದನಿಲ್ಲೆ..

ಮರುದಿನ ಬಾಚಣ್ಣ ರಜೆ ಅರ್ಜಿ ಬರದು ತೆಕ್ಕಂಡು ಕ್ಲಾಸಿಂಗೆ ಬಂದ°..

ಮಾಷ್ಟ್ರ ಅದರ ನೋಡಿಕ್ಕಿ – ” ಬಾಚೋ ಓ ಮನ್ನೆ ತಲೆಬೇನೆ ಹೇದು ಒಂದಿನ ರಜೆ ಹಾಕಿದೆ ಸರಿ, ಈಗ ಕಾಲು ಬೇನೆ ಹೇದು ಎರಡು ದಿನ ರಜೆ ಹಾಕಿದ್ದೆನ್ನೇ!?!

ಬಾಚಣ್ಣ° – “ಅಪ್ಪು ಗುರುಗಳೇ., ಎನಗೆ ಎರಡು ಕಾಲಿದ್ದಲ್ಲದ!”

ಕೂಡ್ಳೆ ಸತ್ಯಣ್ಣ ಎದ್ದು ನಿಂದವನೇ – “ಗುರುಗಳೇ, ಇದಾ ಎನಗೆ ಹಲ್ಲುಬೇನೆ..”! 😀

~~

10

ಅಡಿಗೆ ಸತ್ಯಣ್ಣಂಗೆ ಆ ವರ್ಶದ  ಹುಟ್ಟು ಹಬ್ಬ..

ರಂಗಣ್ಣ ಸತ್ಯಣ್ಣನ ಮೊಬೈಲಿಂಗೆ ಮೆಸೇಜು ಕಳುಹಿದ° – ‘ಶುಭಾಶಯಗಳು’

ಸತ್ಯಣ್ಣನೂ ಪ್ರತ್ಯುತ್ತರವಾಗಿ ಮೆಸೇಜು ಕಳುಹಿದ° – ‘ಧನ್ಯವಾದಗಳು’

ರಂಗಣ್ಣ ಮತ್ತೆ ಮೆಸೇಜು ಕಳ್ಸಿದ° – ‘ಅಷ್ಟು ಹೇಳಿರೆ ಸಾಲ, ಪಾರ್ಟಿ ಆಯೇಕು. ಎಲ್ಲಿಗೋಪೋ?’

ಸತ್ಯಣ್ಣನೂ ರಿಪ್ಲೈ ಮೆಸೇಜು ಕಳ್ಸಿದ° – ‘ಸಂದೇಶ ರವಾನೆ ವಿಫಲ, ಚಂದಾದಾರರು ವ್ಯಾಪ್ತಿ ಪ್ರದೇಶದಿಂದ ಹೊರಗೆ ಇದ್ದಾರೆ’

ರಂಗಣ್ಣಂಗೆ ಗೊಂತಾತು ಸತ್ಯಣ್ಣಂಗೆ ಇನ್ನೀಗ ಫೋನ್ ಮಾಡಿಯೂ ಪ್ರಯೋಜನ ಇಲ್ಲೆ! 😀

“““` 😀 😀 “““`