ಸಂಗ್ರಹ ಹಾಡುಗೊ
(ಸಂಗ್ರಹ : ಅರ್ತಿಕಜೆ ಮಾವ°)
ಕುಂಞಿ ಮಕ್ಕಳ ಆಡುಸುವ ಪದ್ಯಂಗೊ-
ಜಳುಂಬುಳು ಬೋಚು
ಎಮ್ಮೆ ಬೋಚು ಜಳುಂಬುಳು
ಹಶುವಿನ ಬೋಚು ಚಳಿಪಿಳಿ
ಬೋಚುಕಡವ ನೆಣೆ ಎಲ್ಲೋತು
ನೆರೆಮನೆ ಅಜ್ಜಿ ಕೊಂಡೋಡಿತ್ತು
ಕೊಂಡುಬಾ ಹೇಳಿರೆ ತಿಂದಿಕ್ಕಿ ಬಂತು
ತಿಂದು ಬಾ ಹೇಳಿರೆ ತೆಕ್ಕೊಂಡೇ ಬಂತು
ಏ ಅಜ್ಜಿ, ಇದು ಮರುಳಜ್ಜಿ
ಬೋಚು ಬಾ ಬಾ ಬೆಣ್ಣೆ ಬಾ ಬಾ ||
~~
ಆನೆ.. ಆನೆ.. ಆನೆ
ಆನೆ.. ಆನೆ.. ಆನೆ
ಆನೆ ಆಡಿ ಬಪ್ಪಾಗ
ಕಾಳುಬೊಗ್ಗ° ಕಚ್ಚಿತ್ತು
ಬೊಳ್ಳುನಾಯಿ ಕೊರಪ್ಪಿತ್ತು
ಮದ್ದು ಮಾಡೋ° ಮಾವಯ್ಯ
ಮದ್ದಿನ ಚೆಟ್ಟಿ ಮನೆಲಿಲ್ಲೆ
ಎಣ್ಣೆ ಕಾಸೋ° ಅಣ್ಣಯ್ಯ
ಎಣ್ಣೆಯ ಕುಡಿಕೆ ಮನೆಲಿಲ್ಲೆ || ಆನೆ .. ಆನೆ… ಆನೆ ||
ಆನೆ ಬಂದತ್ತೊಂದಾನೆ
ಹಿತ್ಲಿಂಗೆ ಹೊಕ್ಕತ್ತು ಮದ್ದಾನೆ
ಕುಂಟಾರ ದೇವರ ಕುಂಟಾನೆ
ಮದವೂರ ದೇವರ ಮರಿಯಾನೆ || ಆನೆ .. ಆನೆ.. ಆನೆ ||
ತಾರಮ್ಮಯ್ಯಾ..
ತಾರಮ್ಮಯ್ಯ ತಂದು ತೋರಮ್ಮಯ್ಯ
ತಾರಮ್ಮಯ್ಯ ಯದುಕುಲದ ರಾಮಚಂದ್ರನ್ನೆ
ಇಂದಿರಾ ಮಂದಿರವೇ ನಮ್ಮಣ್ಣನ ಕೈಲಿ
ನಿಂಬೆಹಣ್ಣಿನ ಕಂಡಿರೋ… ||ತಾರಮ್ಮಯ್ಯ..||
ಜಾಲಕೆತ್ತಿ
ಜಾಲಕೆತ್ತಿ ಸಗಣ ಉಡುಗಿ
ಕೆಮ್ಮಣ್ಣು ಕಿಟ್ಟಿ ಸೇಡಿ ಬರದು
ಹಂದಾರೊನಕೆಲಿ ಸುಂಗಿನ ಬತ್ತ
ನಮ್ಮಣ್ಣ ಕೊಟ್ಟಾ ಸಣ್ಣಕ್ಕಿ ಬತ್ತ
ದೇವರು ಕೊಟ್ಟಾ ದೊಡ್ಡಕ್ಕಿ ಬತ್ತ ||
ಜೋಗುಳ
ಕೂಗೇಡ ಮಗಳೂ ಒರಗೀಗ ಸುಖಲ್ಲೀ
ತೂಗುವೆ ಜೋಗುಳ ಪದಂಗಳ ಹೇಳಿ || ಜೋ.. ಜೋ..||
ಎದ್ದಿಕ್ಕಿ ಬಪ್ಪಾಗ ಆಡಲೆ ಕೊಡುವೇ
ಮುದ್ದಿನ ಕೊಟ್ಟಾನು ಎತ್ತ್ಯೊಂಡು ನಡವೇ
ಇದ್ದಷ್ಟು ಹಾಲಿನ ನಿನಗಾನು ಕೊಡುವೇ
ಮದ್ದಿನ ಕುಡುಸಲೆ ಬೇಜಾರ ಪಡುವೆ || ಜೋ.. ಜೋ..||
ಅಕ್ಕಂದ್ರು ಅಣ್ಣಂದ್ರು ಎಲ್ಲೋರು ಬಂದೂ
ಸಿಕ್ಕಿದ ಹಾಂಗೆಲ್ಲ ಎತ್ತೂಗು ನಿಂದೂ
ಸಕ್ಕರೆ ಹಣ್ಣಿನ ಬಾಯಿಗೆ ತಂದೂ
ತೆಕ್ಕೊಬ್ಬೊ ತಿನ್ನಬ್ಬೊ ಹೇಳೂಗು ಇಂದೂ || ಜೋ.. ಜೋ ||
ರಂಗೀನ ತರ ತರ ಅಂಗೀಯ ಹೊದ್ದು
ನಿನಗಾನು ತೊಡುಸುವೆ ಮಂಗಳೆ ಮುದ್ದು
ಬಂಗಾರ ಬಳೆ ಕುಟುಕಿ ಹಾಕಲೆ ಇದ್ದು
ಸಿಂಗಾರ ಮಲ್ಲಿಗೆ ತೊಡುಸುವೆ ಎದ್ದು || ಜೋ.. ಜೋ..||
ಕೂಸು ಕೂಸೇಳಿ ಸಸಾರವು ಜನಕೆ
ಕೂಸೇ ಅಲ್ಲದೊ ಅಬ್ಬೆಯು ನಿಜಕೆ
ಕೂಸೇ ಆಗಿರೆಕ್ಕು ಹೆಂಡತ್ತಿ ಜೋಕೆ
ಕೂಸಾದರೆಂತಾತು ಬುದ್ಧಿ ಒಳ್ಳೆದಿರೆಕು || ಜೋ.. ಜೋ..||
ಜೋ ಜೋ ಜೋ ಜೋ ಜೋ ಒರಗು ಕಂದ
ಕೂಗದ್ದೆ ಮನುಗು ನೀ ಮುದ್ದಿನ ಕಣಿಯೇ
ಮುತ್ತಿನ ತೊಟ್ಳಿಂಗೆ ಚಿನ್ನದ ಕಾಲು
ಮತ್ತೆ ಆ ಕಾಲಿಂಗೆ ಪಚ್ಚೆಯ ಕೀಲು
ಮುತ್ತೈದೆಯೊರೆಲ್ಲೊರು ನಿಂದು ಸಾಲು ಸಾಲೂ
ಅರ್ತಿಲಿ ಹಾಡಿದವು ಒತ್ತಿ ಮುಂಗಾಲೂ || ಜೋ… ಜೋ..||
ಸುಮ್ಮನೆ ಮನುಗದ್ದರೆ ನಿನ್ನ ಆನೀಗ
ಗುಮ್ಮಂಗೆ ಕೊಡೆವೆ ನಿಲ್ಲುಸುರಾಗ
ದಮ್ಮಯ್ಯ ತಿನ್ನಿದೋ ತೆಕ್ಕೊ ಬಾಳೆಣ್ಣು
ಒಂದಾರಿ ಒರಗು ಕಂದ ಮುಚ್ಚಿ ನೀ ಕಣ್ಣಾ || ಜೋ.. ಜೋ.. ||
~ ** ~
- ಹಾಸ್ಯ ತರಂಗ - September 4, 2014
- ಗೆಣವತಿಗೆ ನಮನ - August 28, 2014
- ಸುಖ ಜೀವನದ ದಾರಿ - August 21, 2014
ಒಪ್ಪ ಆಯಿದು.
ಅಪ್ಪಪ್ಪು ಮುಳಿಯ ಭಾವ ಹೇದ ಸಾಲುಗೊ ಎಲ್ಯೋ ಕೇಟಾಂಗೆ ಆವ್ತು. ಅರ್ತಿಕಜೆಮಾವ ಹೇದಾಂಗೆ ಆನೆ ಆನೆ ಆನೆ ಪದದ ಪಾಠಾಂತರವೆಯೋ ಇದೂ ಹೇದೂ ಆವ್ತು . ಧಾಟಿ ಒಂದೇ ಹಾಂಗೆ ಇದ್ದಪ್ಪೋ! . ತನ್ನ ಭಂಡಾರಂದ ಅಮೂಲ್ಯ ವಿಷಯಂಗಳ ಬೈಲಿಂಗೆ ಒಂದೊಂದೇ ತಂದುಮಡುಗುವ ಅರ್ತಿಕಜೆ ಮಾವಂಗೆ ಹರೇ ರಾಮ.
ಜಾಲಕೆತ್ತಿ
ಜಾಲಕೆತ್ತಿ ಸಗಣ ಉಡುಗಿ
ಕೆಮ್ಮಣ್ಣು ಕಿಟ್ಟಿ ಸೇಡಿ ಬರದು
ಹಂದಾರೊನಕೆಲಿ ಸುಂಗಿನ ಬತ್ತ
ನಮ್ಮಣ್ಣ ಕೊಟ್ಟಾ ಸಣ್ಣಕ್ಕಿ ಬತ್ತ
ದೇವರು ಕೊಟ್ಟಾ ದೊಡ್ಡಕ್ಕಿ ಬತ್ತ || ಈ ಹಾಡಿನ ಸುರುವಿನ ಎರಡು ಗೆರೆ ಗೊಂತಿತ್ತು ಅದರ ಪೂರ್ತಿ ಹಾಡಿನ ಗೊಂತಿದ್ದಾ ಹೇಳಿ ಸುಮಾರು ಹೆಮ್ಮಕ್ಕಳ ಹತ್ತರೆ ಕೇಳಿಗೊಂಡು ಹುಡುಕ್ಯೊಂಡು ಇತ್ತಿದೆ .ಇಲ್ಲಿ ನೋಡಿ ತುಂಬಾ ಕೊಷಿ ಆತು ಧನ್ಯವಾದಂಗ ಅರ್ತಿಕಜೆ ಮಾವ°
ಪಾಠಾಂತರಂಗೊ ಇಕ್ಕು..ಧನ್ಯವಾದಂಗೊ….
ಆಹಾ.. ಭಾರೀ ಲಾಯ್ಕಿದ್ದು ಪದ್ಯ೦ಗೊ..
ತೋಳು ತೋಳು ತೋಳೂ
ತೋಳನ್ನಾರಿ ಬಪ್ಪಾಗಾ..
ಹೇಳಿ ಒ೦ದು ಇದ್ದನ್ನೆ ಮಾವ.ಆರಿ೦ಗಾರು ನೆ೦ಪಿದ್ದೊ?