ಸಮಸ್ಯಾಪೂರಣ -೧೦ ” ಹಾರಿತುತ್ತರಕ್ಕೆ ನೆಲವ ಬಿಟ್ಟು ಬೇಗನೆ ”

ಇದಾ, ಇಲ್ಲಿದ್ದು ಈ ವಾರದ ಸಮಸ್ಯಾಪೂರಣ!
ಹತ್ತನೇ ಕಂತು – ಮತ್ತೆ ಭೋಗ ಷಟ್ಪದಿಲಿ,ರಜಾ ಅಭ್ಯಾಸ ಆಗಲಿ ಹೇಳಿ…

ಈ ವಾರದ ಸಮಸ್ಯೆ:

ಹಾರಿತುತ್ತರಕ್ಕೆ ನೆಲವ ಬಿಟ್ಟು ಬೇಗನೆ

ಉತ್ತರ ದಿಕ್ಕಿ೦ಗೆ ಏನೆಲ್ಲಾ ಹಾರುತ್ತೋ,ಕಲ್ಪನೆಗೊ ಕವಿತೆಯಾಗಿ ಹಾರಲಿ,ಬೈಲಿಲಿ ಮೆರೆಯಲಿ.

ಭೋಗ ಷಟ್ಪದಿ
ಭೋಗ ಷಟ್ಪದಿ

ಸೂ:

ಇದುವರೆಗೆ ಪ್ರಕಟ ಆದ ಸಮಸ್ಯಾಪೂರಣಂಗೊ:

  1. ಭಾಮಿನೀ: “ಗುರುಗೊ ಚಾತುರ್ಮಾಸ್ಯ ದೀಕ್ಷೆಯ ಪೀಠವೇರಿದವು”
  2. ಭೋಗ: “ನಾಕು ಲಾಡು ಬಳುಸಿ ಎನ್ನ ಮೋರೆ ನೋಡಿದಾ”
  3. ಕುಸುಮ: “ಹೂಗಿನೊಳ ಕುಸುಮವೇ ಇಪ್ಪ ಹಾಂಗೆ”
  4. ಶರ: “ಆಟಿಯ ತಿಂಗಳ ಮಳೆಗಾಲ”
  5. ಪರಿವರ್ಧಿನೀ: “ಸಣ್ಣಾದಿಪ್ಪಗ ಮಾಡಿದ ಕೀಟಲೆ ನೆಂಪುಗೊ ಹಸಿಯಿಕ್ಕು”
  6. ವಾರ್ಧಕ: “ಉರಿಬೆಶಿಲು ಬಂತಲ್ಲ ಸುಗ್ಗಿಮಳೆಗಾಲಲ್ಲಿ ಹೇಂಗಪ್ಪ ಬೆಳೆ ಬೆಳೆಶುದು”
  7. ಶರ: “ಕೆಸವಿನ ಪತ್ರೊಡೆ ರುಚಿಯಕ್ಕು”
  8. ಕುಸುಮ: “ನೆರೆಕರೆಯ ಹರಸಿದವು ನಮ್ಮ ಗುರುಗೊ”
  9. ಭೋಗ ; “ಯೋಗವೊಲುದು ಬಪ್ಪ ಹಾ೦ಗೆ ಬದುಕು ನೆಡೆಶುವೊ”

ಸಂಪಾದಕ°

   

You may also like...

18 Responses

  1. ರಘು ಮುಳಿಯ says:

    ಶೇಪು ಭಾವನ ಎರಡು ಪದ್ಯ೦ಗಳೂ ಲಾಯ್ಕ ಆಯಿದು.ಎರಡನೆಯದ್ದರಲ್ಲಿ “ಬಾರದೆಯೇ” –ಇಲ್ಲಿ ”ದೆಯೇ” ಗುರು ಲಘು ವಾಗಿ ತಿರುಗಿಸಿದರೆ ಚೆ೦ದ.ಉದಾಃ
    {ಸಾರಿ ನಿಂದು ಕಾದವಕ್ಕೆ
    ಮೋರೆ ಸಾನು ತೋರುಸದ್ದೆ}

    ಒಳ್ಳೆ ಪ್ರಯತ್ನ ಭಾವ.

  2. ರಘು ಮುಳಿಯ says:

    ಮೂರು ವರುಷವಾಯಿದಿಲ್ಲೆ
    ಸೋರಿತಯ್ಯೊ ಜೆನರ ಪೈಸೆ
    ಸೂರೆ ಹೊಡದ ಮ೦ತ್ರಿ ಸೈನ್ಯ ರೈಸಿ ಗತ್ತಿಲಿ|
    ಆರು ರಾಜ್ಯವಾಳೊದೇಳಿ
    ನೂರು ಜೆನರ ಕಟ್ಟಿಗೊ೦ಡು
    ಹಾರಿತುತ್ತರಕ್ಕೆ ನೆಲವ ಬಿಟ್ಟು ಬೇಗನೆ ||

  3. ಎಸ್.ಕೆ.ಗೋಪಾಲಕೃಷ್ಣ ಭಟ್ಟ says:

    ಕೂರುಮಾಡ ಬಿಟ್ಟು ಅಟ್ಟ
    ವೇರಿ ಎಲಿಯ ಹುಡ್ಕಿ ತಿಂಬ
    ಭಾರಿಯಾಸೆಯಿಂದ ಲಾಗಹಾಕ್ಲೆ ನೋಡಿದ॥
    ಕೇರೆ ಗೋಡೆಯಿಂದ ಪಕ್ಕ
    ಜಾರಿಬಿದ್ದು ಜನವ ನೋಡಿ
    ಹಾರಿತುತ್ತರಕ್ಕೆ ನೆಲವ ಬಿಟ್ಟು ಬೇಗನೆ॥
    [ಇಲ್ಲಿ ಉತ್ತರ ಹೇಳಿರೆ ದಿಕ್ಕಿನ ಹೆಸರಲ್ಲ.]

    • ರಘು ಮುಳಿಯ says:

      ಗೋಪಾಲಣ್ಣ,
      ಭಾರಿ ಲಾಯ್ಕ ಆಯಿದು.ಕೇರೆ ಹಾರದ್ದರೆ ಎರಡು ಕಲ್ಲು ಹೊತ್ತು ಹಾಕುತ್ತಿದ್ದವೋ ಏನೋ!
      ಹೊಸ ಹೊಸ ಕಲ್ಪನೆಗೆ ಒಳ್ಳೆ ಅವಕಾಶ ಆತು.
      ಕೂರು ಮಾಡು ಹೇಳಿರೆ ಎ೦ತರ ಅಣ್ಣ?

      • ಎಸ್.ಕೆ.ಗೋಪಾಲಕೃಷ್ಣ ಭಟ್ಟ says:

        ಮನೆ/ಕೊಟ್ಟಗೆ/ಹಟ್ಟಿಗೆ ಹಿಂದೆ ಅಥವಾ ಹೊಡೆಂಗೆ ಇಳಿಸಿ ಕಟ್ಟಿದ ಮಾಡು[ಮುಳಿ/ಹಂಚು ಯಾ ಸೋಗೆದು].ಈ ಶಬ್ದ ಹೇಂಗೆ ಬಂತು ಹೇಳಿ ಗೊಂತಿಲ್ಲೆ.ಇದೇ ರೀತಿ ಕುರುಬಾಗಿಲು/ಕೂರುಬಾಗಿಲು=ಹಿಂದಾಣ ಬಾಗಿಲು ಹೇಳಿ ಅರ್ಥ. ಎನಗೆ ಕಾಣುತ್ತು,ಕಿರು ಬಾಗಿಲು [ಸಣ್ಣ ಬಾಗಿಲು] ಕಿರು ಮಾಡು[ಸಣ್ಣ ಮಾಡು]ಹೇಳುದರ ಹೀಂಗೆ ಹೇಳುತ್ತವೋ ಹೇಳಿ.ಉಡುಪುಮೂಲೆ ಅಪ್ಪಚ್ಚಿ ಯಾ ಮಧುರಕಾನನ ಅಣ್ಣ ತಿಳಿಸೆಕ್ಕು ಹೇಳಿ ಕೇಳಿಕೊಳ್ತೆ.

  4. ರಘು ಮುಳಿಯ says:

    ಮೂರು ಲೋಕದೊಡೆಯ ರಾವ
    ಣಾರಿ ಯುದ್ಧ ಗೆದ್ದ ಮೇಲೆ
    ನಾರುಮಡಿಲಿ ಕಾಡಿಲಲೆವ ಕಾಲ ಸ೦ದೊಗಾ|
    ಪೂರ ರಾಮಸೇನೆ ಕೊಶಿಲಿ
    ಸೇರಿ ಪುಷ್ಪಕದೊಳ ನೂರಿ
    ಹಾರಿತುತ್ತರಕ್ಕೆ ನೆಲವ ಬಿಟ್ಟು ಬೇಗನೆ ||

  5. ಹಳ್ಳಿ ಮಗಂಗೆ ಕೂಸು ಇಲ್ಲೆ
    ಎಲ್ಲಿ ಹುಡುಕ್ಕಿ ತರಲಿ ಇನ್ನು
    ಬಂಙ ಬಂದ ಭಾವ ಮೋರೆ ಸಣ್ಣ ಮಾಡಿದ° ।
    ಭಾರತದುತ್ತರಕ್ಕೆ ಕಾಶ್ಮೀರ
    ಕೂಸಲ್ಲಿ ಇದ್ದು ಮಗನೆ ಹೇದ
    ಮಾವ ಕೂದ ವಿಮಾನ ಹಾರಿತುತ್ತರಕ್ಕೆ ಬೇಗನೆ ॥

    • ರಘು ಮುಳಿಯ says:

      ವಿಜಯತ್ತೆಯ ಕಲ್ಪನೆ ಲಾಯ್ಕ ಇದ್ದು.ಪ್ರಾಸ,ಮಾತ್ರೆ ಹೊ೦ದಾಣಿಕೆ ಆಯೆಕ್ಕಟ್ಟೆ.ಅತ್ತೇ,ನಿ೦ಗಳ ಯೋಚನೆಯ ಹೀ೦ಗೆ ಯೋಜಿಸುಲಕ್ಕು.

      ಊರ ಮಾಣಿಗೊಕ್ಕೆ ಕೂಸು
      ಭಾರಿ ಕಷ್ಟ, ಸಿಕ್ಕ ರಜ್ಜ
      ದೂರವಾದರೆ೦ತ ಹೊ೦ದಿರಾತು ಜಾತಕಾ|
      ಏರಿ ಕೂದವ೦ದು ಕಾಶು-
      ಮೀರ ಸೇರುಲಾ ವಿಮಾನ
      ಹಾರಿತುತ್ತರಕ್ಕೆ ನೆಲವ ಬಿಟ್ಟು ಬೇಗನೆ ||

Leave a Reply

 ಕನ್ನಡ - ಇಂಗ್ಳೀಶ್ ಬದಲುಸೆಕ್ಕಾರೆ ಈ ಸುಚ್ಚು ಒತ್ತಿ | Ctrl+G to toggle between Kannada - English

Your email address will not be published. Required fields are marked *